llirill6
عمرها ضيقة صدري ما جت من فراغ، طول عمري نتضايق قبل الحاجة بزمن كويّس، تلقاني قاعدة هكِّ حايسة وقلبي قابضني، خاطري ولو مرّة إحساسي يكون غلط، لدرجة أنّي نتعامل مع الإنسان الصّح، وأغلبنا لمّا يعرف في البداية أنّه صح يبقى خلاص هو مستحيل يكون غلط في حياته، بس نا لا، أوّل ما يقعد غلط نكتشف الشّيّ هذا ولو كان في تفصيل مش واضح حتّى للشّخص بحدّ ذاته! نعرف النّهاية من النّبرة اللي جت في شيّ عشوائي، نعرفها من كلمة قالها وهو مش منتبه، هذي ميزة ما يلقاهاش غير نظيف القلب، واللي ماشي في الحياة ومخلّيها على ربّي، اللي عمره ما ردّ الأذى بأذى، وديما واخذ العفو كأحسن قرار، فيا ربّ، وكّلتك أمري وأنت خير وكيل.
