نـًُْمــ۪ؐـر 𖤍᭄

احنه من آلله خلقنه
بحجي الواهم مانهم
وجربونه هواي وادم زلم نطلع من زلم
زودنه من زود اهلنا حكنه لو شلنه الخشم
وحق الوعد أخته ب ماي
وسيفه بالركاب يحش
لونك مو معزب الضيف
جدمي عليك مايطرش،،✋
__________________

انه ابن ديوان،ودلال،ومضيف،
                طيب ولاحتاج حجه ولادليل،!
باسطين الخاطر بلون الرغيف،
             وننخفض للادنى ونعيل العليل،!
حته لو طالت يصح بس الصحيح،
            نرضه بالمقسوم حته لو قليل،!
ليش أعض ابهامي واصرخ انه حيف،
         وليش للمايسوى اسهر انه الليل،!
النظيف بلا غسل يبقى نظيف،
          والي اسود كلبه ماينظفه غسيل،!
____________________
كتلني المايعرفلها ويكول انه
وهوه لجاره مافك باب ديوانه
غشيم وكام حط جنح الصكر ع ألبوم 
وناب الذيب حطه بحلك ذبانه 
____________
اذا رايد تعاشر عاشر عكال
كدامك يطيح بيوم تعثر،،،
_____________
قال الإمام علي ع
(( كن كالنخيل عن الاحقاد مرتفعآ يرمى بحجر فيعطي.    أجمل ثمره)) 
                      صدق الامير ع

عليت وراسي ما دنك،، على وياي
وابد ياصاح ماتكدر،،،علي وياي
تعال الروح،بيها جروح، أخذه وروح 
حته تشوف ماذليت وأهل البيت حضروني،،وعلي وياي 
يحضر لو نويت تخون بيه،،✋

                                                  #أبو أسد