Happy new year, everyone.
Sana naging maganda ang 2023 nyo. For me kasi 2023 is not for me. Pero ang isa sa natutunan ko sa loob ng isang taon ng 2023. Kung meron ka mang isang taong pwedeng pagkatiwalaan, 'yon ay ang sarili mo. Dadating din 'yon point na walang taong nandyan para tulungan ka, walang makakarinig kung gaano ka na nahihirapan. Walang yayakap sayo kapag nakikita kang umiiyak. Walang kakilala, walang pamilya at walang kaibigan na makikinig kung gaano ka na nasasaktan. Yong sarili mo lang talaga. Ikaw lang mismo ang makakakita sa paghihirap mo.
Kapag galit ka o kapag malungkot ka dapat pala ilabas mo 'yon kasi kapag tumahimik lang tayo at walang ginawa mas lalo itong naiipon sa dibdib natin. Hanggang sa dumating na yong point na nahihirapan ka na pala.
Mahalin din natin yong sarili natin. Ako kasi hanggang ngayon hindi ko pa alam kong paano mamahalin yon sarili ko. Wala akong confident para sabihin ko sa sarili na maganda rin ako kasi hindi naman talaga ako maganda.
Sana ngayong 2024 hindi na sya masakit kagaya ng 2023 kasi ayoko na talagang balikan ang taon na 'yan. Hindi ko na mabilang kung ilang beses na akong umiyak at muntikan sumuko. Ayokong makita ulit yong sarili ko sa ganung sitwasyon.
Sana maging maganda ngayon ang bagong taon ko. Hindi man totally 100 percent na okay pero sana mapalitan ng 2024 ang nangyari sa akin noong 2023. Sana balang araw hindi na "okay" ang masabi ko kasi gusto ko ring marinig ang sarili ko na "I'm fine". Kung nakaya ko noon, sana ngayon kayanin ko din. Yon din kasi ang wish ko sa nalalapit na birthday ko.
Again, Happy new year. Maging maganda din sana ang bagong taon nyo.
