الحلقه الاولى -بدات حكايتي كان في عمري 18 سنة اول حاجة نعرفكم بروحي ... - انا ياسمين من الجزائر نقرا في الليسي نجوز الباك ...من عايلة محترمة متكونة من اب ) رجل اعمال( و ام ) مديرة مؤسسة( واختي صارة اكبر مني متزوجة وخويا اكبر منها حسام يقرا في كندا كبرت في وسط عايلة راقيا وغنية كي السلطانة ڨاع يقولو عليا زلة ومسرارة متوسطة القامة شعري طويل اكحل لخصري بلوندا وعيوني خضورا كبار وحواجبي كحل وعراض زينة بلا مكياج عطاني ربي لاطاي والزين الله يبارك انا طبعي نحب نضحك ونزها و نحوس ونتقلش ونلبس ونحط الحطة كل يوم لبسة جديدة كوني الدلولة تاع بابا و فضولية بزاف و ماشي بساهل يعجبني واحد.... عندي حبيبتي لانتيم اكرام صديقة الطفولة ...نتقاسمو كلش نروحو نقراو كيف كيف ونقعدو مع بعض نضحكو ونبكو كيف كيف عشرتنا يضربو بيها المتل انا:اكرام العام هذا الباك لازم نقراو ماشي. كيما العام لي فات جوزناها غير ضحك وخرجات اكرام: ههه ايه ان شاء. الله كي اليوم نديو الباك ونطلع الجامعة ونعيشو حياتنا ههه هاتي كفك☝... انا؛ ايه ان شاء الله انا كون مانديش الباك يقتلني بابا .... اكرام: او جا الاستاذ قرينا عادي وخرجنا روحنا لدار
17 parts