_ Jungkook បានបើកឡានជូន Tae ព្រមទាំង Donghae ទៅញ៊ាំបាយរួចក៏នាំមកលេងនៅសួន កម្សាន្តមួយនាពេលល្ងាចគួរសមដែរដោយនាយមាន ពាក់វ៉ែនតាខ្មៅបិទបាំងភ្នែកជាំដោយស្នាដៃរបស់រាងតូចផងដែរ អ្នកណាទៅដឹងថាត្រូវ Tae តាមទាន់ថា និយាយដើមហើយដាល់គេឡើងសន្លប់ សំណាងហើយបាន Jimin ជួយយកប្រេងខ្យល់មកឲ្យគេ ហិតទើបបានដឹងខ្លួនឡើងវិញ ។
« Wow ឡូយដល់ហើយពូJung!! » អាល្អិត Donghae និយាយទាំងរំភើបពេលបានឃើញទិដ្ឋភាពមានរបស់លេងកម្សាន្តច្រើនមុខដែលគេមិនធ្លាប់បានឃើញពីមុនមក ។
« Donghae ធ្លាប់ជិះសេះហោះឬអត់? » Jungkook
« អត់ទេ ម៉ាក់មិនដែលនាំខ្ញុំមកលេងកន្លែងចឹងផង » Donghae
« បើចឹងពួកយើងទៅជិះទៅល្អទេ? » Jungkook
« ល្អ!! ល្អណាស់ហិហិ » Donghae ទះដៃលោត ហក់កញ្ឆេងសប្បាយចិត្តណាស់ព្រោះម៉ាក់គេមួយ ថ្ងៃៗគិតតែពីបង្ខំឲ្យរៀនដើម្បីពេលធំឡើងអាចធ្វើការធំជំនួសលោកប៉ាធ្វើឲ្យគេមិនអាចប្រើជីវិតដូចក្មេងឯទៀតសោះ ។
« គ្មានស្អីអសា្ចរ្យផង ទៅផ្ទះវិញ! » Tae ធ្វើមុខធុញទ្រាន់មុននឹងងាកខ្លួនបម្រុងដើរទៅហើយតែរាងក្រាសរហ័សមកឈរពាំងមុខភ្លាម ។
« ទើបតែមកដល់សោះក៏ទៅវិញហើយ ក្រែងចង់លំហែរខួរក្បាលមុនពេលប្រឡងមិនចឹងហ្អេ៎? » រាងតូចភ្ញាក់ព្រើតពេល Jungkook និយាយត្រូវនឹងចិត្តរបស់គេធ្វើឲ្យ Tae បែរខ្នងមកវិញភ្លាមគេចពីស្នាមញញឹមរបស់រាងក្រាស មើលទៅគេនាំមកទីនេះពិតជាមិនខកបំណងមែនហើយ ។
« អ៊ីចឹងពួកយើងទៅជិះសេះទៅ តោះ!! » Jungkook ថាហើយក៏កាន់ដៃរាងតូចនិងDonghae ម្នាក់ម្ខាងនាំទៅកន្លែងលក់សំបុត្រ ។
« សួស្ដី!! ខ្ញុំចង់ទិញសំបុត្រ » Jungkook
« គឺថាសេះហោះពេញអស់ហើយលោកនៅសល់តែពីរទេ មួយជិះម្នាក់ឯងនិងមួយទៀតអាចជិះពីរនាក់ បានណា៎ » លឺបែបនេះនាយក៏ងាកទៅមើលសេះដែលអ្នកលក់និយាយ មួយដែលជិះម្នាក់ឯងបាននោះ ដាក់បានតែ Donghae ដែលជាកូនក្មេងទេ
ចាំអង្កាល់ទៀត ឱកាសល្អមកដល់ហើយ មិនចាំយូរ Jungkook ក៏ទិញសំបុត្រមែនដោយឲ្យ Donghae ឡើងជិះហើយក៏នាំ Tae ទៅរកសេះមួយទៀតនៅខាងមុខគ្នា ។
« ពួកយើងជិះវាជាមួយគ្នាទៅ » Jungkook
« ជិះជាមួយគ្នា? លោកឆ្កួតទេហ្អេ៎? » Tae ច្រឡោតភ្លាមពេលលឺថាត្រូវជិះជាមួយគ្នា មិនកើត ទេអាប៉ិនេះល្មោភកាមណាស់បើជិះជាមួយគ្នាមែនច្បាស់ជាលួចកេងចំណេញខ្លួនគេជាមិនខាន ។
« មិនបានឆ្កួតទេតែមួយនេះជិះបានពីរនាក់អ៊ីចឹងកុំឲ្យពិបាក យើងជិះជាមួយគ្នាតែម្ដងទៅ » Jungkook
« ខ្ញុំមិនជិះជាមួយលោកទេ កុំសង្ឃឹម!! » Tae និយាយហើយក៏បែរខ្នងបម្រុងដើរចេញតែបែរជាអ្នកខាងក្រៅចាក់សោររបងទៅហើយ ។
« ពូចាក់សោរ ខ្ញុំចង់ចេញ » Tae
« មិនបានទេប្អូន ទាល់តែជិះសេះចប់បានពួកខ្ញុំបើក វិញ »
« តែខ្ញុំមិនជិះទេ!! » រាងតូចប្រកែកមុខស្អុយស្ញេញ ភ្លាមនោះ Jungkook ក៏រហ័សតាមមកភ្លាមធ្វើឲ្យអ្នកយាមឃើញហើយយល់ភ្លាម ។
« អីយ៉ាប្អូនស្អាត...នេះប្ដីឯងខំនាំមកជិះហើយនៅ ប្រកាន់ច្រើនធ្វើអី មិនងាយទេណា៎អាផ្អែមៗជាមួយគ្នាចឹងនៀក »
« តែខ្ញុំនិងគេមិនមែន... » Tae ចង់ប្រកែកតែ Jungkook ឃើញចឹងក៏ឆ្លៀតឱកាសមកកៀកចង្កេះតូចអង្ក្រងហើយទាញមកផ្អឹបនឹងខ្លួនភ្លាម ។
« ប្រពន្ធសម្លាញ់ឆាប់ឡើងជិះទៅ នៅឈរបែបហ្នឹងប្រយ័ត្នសេះហោះបុកខូចសម្រស់អស់ណា៎ ឲ្យលឿនឡើង » នាយថាទាំងញញឹមរួចក៏ទាញចង្កេះTae ដើរត្រឡប់ទៅរកសេះហោះវិញមិនទុកឱកាសឲ្យគេប្រកែកឡើយ ។
« លោក!! លែងដៃចេញពីខ្ញុំភ្លាម!! » គ្រាន់តែរាងតូចសម្លុត Jungkook ក៏ដកដៃចេញយ៉ាងរហ័ស ហ៊ានតែជំទាស់ទៅមើល បើមិនខៀវភ្នែកម្ខាងទៀត ទេភ្នាល់ហើយ ។
« ឆាប់ឡើងឲ្យលឿនឡើងទៅ គេជិតចាប់ផ្ដើមហើយ » Jungkook
« ប្រាប់ហើយថាមិនជិះ!! » Tae
« បើចឹងរៀនថ្នាក់ទី១១ មួយឆ្នាំទៀតទៅល្អទេ? » Jungkook អស់ពាក្យត្រូវអង្វរមានតែគម្រាមជំនួសធ្វើឲ្យ Tae លឺហើយសម្លក់មុខនាយភ្លាម ។
« អាងអីគម្រាមរហូតមិនគិតថាគួរឲ្យធុញទេហ្អេ៎? » Tae
« ចុះដែលចូលចិត្តជំទាស់រករឿងរហូតបែបនេះមិនយល់ថាគួរឲ្យធុញខ្លះទេឬយ៉ាងម៉េច? » Jungkook
« លោកគ្រូ!! » Tae
« ឲ្យឆាប់ឡើងមិនចឹងខ្ញុំនឹងទូរស័ព្ទប្រាប់នាយក សាលាថាTaeធ្វើអំពើហិង្សាដាក់គ្រូ ចាំមើលៗថាអ្នកណាជាអ្នកខាតឲ្យប្រាកដ » នេះហើយជាអ្វីដែលរាងតូចត្រូវតែធ្វើមិនអាចប្រកែកបាន បើហ៊ានតែប្រកែក សាកមើលនឹងបានរៀនត្រួតថ្នាក់ខ្មាសម៉ែចុងមិនខាន ។
« អឹះ...ជួយតិចមើល៍!! » ដៃតូចអោបសេះហោះជើងខ្លីវិញទទះខ្វៃៗផុតពីដីព្រោះឡើងជិះមិនរួចទើបជំទាលឲ្យ Jungkook ដែលឈរមើលគេទាំងអស់សំណើច គ្រាន់តែប្រាប់ឲ្យជួយតាមធម្មតាក៏មិនចេះនិយាយដែរ សមតែចាប់បឺតឲ្យជ្រុះធ្មេញតើស ។
« ស្រួលបួលផងអ្នកប្រុស » Jungkook ជួយលើកផងតឿនផងទាល់តែជួយលើកជើង Tae ឲ្យអង្គុយស្រួលបួលហើយទើបខ្លួនឡើងជិះតាមក្រោយ ។
« ជួយខិតទៅក្រោយផង កុំឲ្យប៉ះខ្ញុំ » រាងតូចហាមប្រាមឯរាងក្រាសលួចធ្វើមាត់ត្រាប់តាមជាពិសេសអាប្រយោគ កុំឲ្យប៉ះខ្ញុំ ហ្នឹងលឺហើយចង់តែចាប់បោះទៅលើគ្រែហើយបិទភ្លើងប្រដៅឲ្យណាណីតើស នេះណា៎មិនឲ្យគេប៉ះ ប្រយ័ត្នតែបានគេប៉ះពេលណាតិចថាញ៉ាមសុំឲ្យប៉ះទៀត Jungkook ខ្ពើម!!
_ សេះចាប់ផ្ដើមវិលទៅមុខយឺតៗតាមការបញ្ជា ដោយមនុស្ស ស្របពេលដែល Jungkook អង្គុយគយគន់រាងតូចពីក្រោយយ៉ាងស្ងៀមស្ងាត់ ចង្កេះតូចស្ដើងសមនឹងរាងសមនឹងត្រគៀកមូលក្លំពើងស្អាតរីក សាយដូចស្រីក្រមុំ ស្មារបើកមិនតូចមិនធំពាក់អាវអ្វីក៏ស្អាត ជាពិសេសពេលឃើញសាច់ថ្ពាល់ដែល ប៉ោងៗហៀរដល់ឃើញគួរឲ្យក្នាញ់គួរឲ្យចង់ខាំមែនទែន នេះឬជាអនាគតប្រពន្ធរបស់គេ? ល្អឥតខ្ចោះសព្វគ្រប់គ្មានកន្លែងខ្វះចន្លោះសោះហើយបើបែបនេះតើឲ្យគេបដិសេធការរៀបការមួយនេះបានយ៉ាងម៉េចទៅ? មិនបានទេ ត្រូវតែយកក្មេងនេះមកធ្វើជាអនាគតម្ដាយរបស់កូនគេឲ្យបាន គឺត្រូវតែជា Kim Taehyung ម្នាក់ប៉ុណ្ណោះ ។
< រុឺង!!! > កំពុងតែជិះសេះហោះសុខៗ ទូរស័ព្ទរបស់ Donghae ស្រាប់តែរោទិ៍សម្លេងឡើងទើបគេ ប្រញាប់ដកវាពីកាតាបមកទទួល ។
@In call
« បាទប៉ា » Donghae
( Donghae កំពុងធ្វើអី? ) Mr Kim សួរស្របពេលកំពុងអង្គុយក្នុងបន្ទប់ទទួលភ្ញៀវម្នាក់ឯង ។
« កំពុងជិះសេះហោះណា៎ប៉ា » Donghae
( សប្បាយឬអត់កូន? ) Mr Kim
« ហិហិសប្បាយណាស់ ពូJung ឲ្យកូនជិះម្នាក់ឯង ហើយគាត់ជិះជាមួយបងប្រុស » Donghae
( អ៊ីចឹងហ្អេ៎? Donghae ជួយថតរូបឲ្យប៉ាមើលផង បានទេ? ប៉ាចង់ឃើញពួកកូន ) Mr Kim
« បាទចាំកូនថតឲ្យ » Donghae ក៏បិទទូរស័ព្ទរួចថតរូបខ្លួនឯងនិងរូបថត Jungkook កំពុងជិះសេះហោះជាមួយ Tae ជួនជាពេលនោះ Jungkook បែរមកឃើញគេថតរូបខ្លួនក៏លើកដៃពីរដាក់ហើយ សើចឲ្យគេថតរូបមួយស្អាត ពេលរួចរាល់ Donghae ក៏ផ្ញើរវាឲ្យលោកប៉ាធ្វើឲ្យលោកម្ចាស់បានឃើញហើយ ស្នាមញញឹមក៏លេចចេញមកភ្លាម មើលទៅ Jungkook ពេញចិត្តនឹងនៅជាមួយក្មេងឆ្នាស់របស់គាត់ណាស់ ។
« ញញឹមអីហ្នឹងលោកបងដូចជាសប្បាយចិត្តណាស់ » អ្នកស្រី Mori ដើរចូលផ្ទះឃើញហើយក៏សួរធ្វើឲ្យលោកម្ចាស់ប្រញាប់ចុចបិទទូរស័ព្ទភ្លាម ។
« គ្មានអីទេចុះអូនទើបមកពីណា? » Mr Kim
« ក៏ទៅផឹកតែជាមួយលោកជំទាវSoo ហ្នឹងណា៎ » Mrs Mori
« ហឹម » Mr Kim លឺហើយគ្រហឹមងក់ក្បាលតិចៗ មុននឹងក្រោកឈរឡើងពេញកម្ពស់ ។
« លោកបងចង់ទៅណា? » Mrs Mori
« ទៅបន្ទប់សៀវភៅ » លោកម្ចាស់ឆ្លើយរួចក៏ដើរឡើងទៅខាងលើធ្វើដូចមិនចង់និយាយជាមួយធ្វើឲ្យអ្នកស្រី Mori បានត្រឹមតែសម្លឹងមើលគាត់ដើរទៅ ទាំងមួរម៉ៅក្នុងចិត្តជាខ្លាំង មានឈ្មោះថាជាប្រពន្ធតែ មិនដែលទទួលបានក្ដីថ្នាក់ថ្នមដូចជាប្ដីប្រពន្ធគេដទៃម្ដងណាឡើយព្រោះលោកម្ចាស់នៅតែស្រឡាញ់ម៉ាក់របស់ Tae ខ្លាំងជាងគេហើយក៏គ្មានថ្ងៃយកអ្នកណាជំនួសគាត់នោះដែរ ចំណែកអ្នកស្រី Mori គាត់គ្រាន់តែទទួលមកដើម្បីមើលថែជំនួសមិត្តជិតដិត ដែលត្រូវជាប្ដីអ្នកស្រីMori និងប៉ារបស់ Donghae ប៉ុណ្ណោះ ព្រោះតែខ្លាចអ្នកផ្សេងនិយាយដើមទើបគាត់ទទួល Mori ដោយដាក់ងារថាជាប្រពន្ធហើយទទួល Donghae ធ្វើជាកូនស្របច្បាប់តែគាត់មិន បានដឹងនោះឡើយថាអ្នកស្រីMori មានមហិច្ឆតាធំចង់ឲ្យ Donghae ស្នងដំណែងបន្តងារជាម្ចាស់ក្រុមហ៊ុនរបស់លោកម្ចាស់Kim ទៅថ្ងៃអនាគត គាត់មិនព្រមឲ្យកូនប្រុសគាត់នៅក្រោមអ្នកណាឡើយជាពិសេសគឺ Kim Taehyung កូនដើមដែល មិនធ្លាប់ផ្ដល់ការគោរពចំពោះគាត់នោះ ។
To be continued.....💌❤️