< គ្រឺង~~~ > កណ្ដឹងសាលាបញ្ចេញសម្លេងហៅ សិស្សគ្រប់គ្នាឲ្យចូលថ្នាក់រៀងខ្លួន មួយសន្ទុះក្រោយ Jungkook ក៏បានចូលក្នុងថ្នាក់របស់ខ្លួនដូចគ្នាដែរ ។
« អរុណសួស្ដីទាំងអស់គ្នា » Jungkook
« អរុណសួស្ដីលោកគ្រូ!! »
« ថ្ងៃនេះពួកយើងនឹងរៀនមេរៀនតាមធម្មតានៅ ម៉ោងទីពីរប៉ុន្តែម៉ោងទីមួយនេះគ្រូមានកិច្ចការមួយឲ្យគ្រប់គ្នាធ្វើ អ្នកណាដែលធ្វើបានល្អនឹងបានពិន្ទុ ចំណែកអ្នកដែលធ្វើមិនបានល្អ ត្រៀមខ្លួនទទួល ពិន័យពីខ្ញុំឲ្យហើយទៅ » នាយនិយាយធ្វើឲ្យសិស្សគ្រប់គ្នាមុខស្អុយព្រាតរួមទាំង Tae ផងដែរ ។
« ជិះឡានមកជាមួយសោះមិនប្រាប់មុន ចាំមើល យើងលួចចាក់កង់ឡានឲ្យធ្លុះម្ដងហុឹស!! » រាងតូចរអ៊ូម្នាក់ឯង ភ្នែកវិញតាមសម្លក់គ្រូសង្ហារកំពូលខិលឥតឈប់ គេនៅមិនទាន់ដឹងនោះទេថាពេល Tae មួរម៉ៅ នឹងទៅជាយ៉ាងណា ប្រហែលជាល្ងាចនេះត្រូវទូរស័ព្ទឲ្យអ្នកបើកឡាននៅផ្ទះមកទទួលហើយដឹង?
_ Jungkook ដើរចែកក្រដាសកិច្ចការឲ្យសិស្សគ្រប់គ្នា ពេលដល់តុរបស់រាងតូចនាយក៏ហុចឲ្យថែមទាំង
ញញឹមស្រស់ដាក់ Tae ដែលសម្លក់គេចង់ជ្រុះគ្រាប់ភ្នែកមកហើយ ។
< ផាច់!! > រាងតូចខាំមាត់វាយដៃនាយមួយដៃពេល Jungkook លូកដៃមកចង់ចាប់ថ្ពាល់គេ ឥឡូវនេះហ៊ានណាស់ ហ៊ានលូកលាន់គេនៅក្នុងថ្នាក់
ចេះសំណាងហើយគ្មានអ្នកណាឃើញ មានតែ Jimin ប៉ុណ្ណោះដែលឃើញហើយចំហរមាត់តែម្ដង ។
« តោះគ្រប់គ្នាចាប់ផ្ដើមធ្វើទៅ 10នាទីទៀតខ្ញុំប្រមូល » Jungkook និយាយរួចដើរមើលសិស្សធ្វើលំហាត់ដែលសង្ខេបចេញពីមេរៀនក្នុងសៀវភៅ បើជាសិស្សខំរៀនមែនវាមិនសូវពិបាកអីនោះទេ ។
« លំហាត់ស្អីដូចឆ្កួតជ្រូក » Tae ជ្រួញចិញ្ចើមមុន នឹងងើយមុខសម្លក់សម្លឹង Jungkook ដែលឈរ មើលមកគេ មុខឌឺៗគួរឲ្យចង់ទៅហក់ធាក់ផ្កាប់មុខខ្លាំងណាស់ ។ សូម្បីលំហាត់មួយក៏រាងតូចមិនចេះទើបបម្រុងងាកសួរ Jimin តែរាងក្រាសណា៎គ្រហេមហាមរហូត គួរឲ្យស្អប់មែនទែន ។
_ 10នាទីបានកន្លងផុតទៅ រាងក្រាសក៏ដើរប្រមូលសន្លឹកកិច្ចការទាំងអស់តែពេលដើរដល់តុរាងតូចក៏អោបដៃងាកមុខចេញ មិនចង់ឃើញទេមនុស្សឆ្កួតនៅសុខៗក៏ដាក់លំហាត់ឡប់ៗឲ្យគេធ្វើទាំងដែលជិះឡានមកជាមួយគ្នាសោះ មិនខ្ចីប្រាប់គេអីមួយម៉ាត់ ។
« អ៊ីចឹងគ្រប់គ្នាអាចសម្រាកមុនម៉ោងបានចេញលេងចុះ » Jungkook ប្រាប់ទើបសិស្សនាំគ្នាចេញលេងតែរាងតូចនិង Jimin បែរជាអង្គុយញ៊ាំស្ត្រប៊េរីនៅក្នុងថ្នាក់តែពីរនាក់ទៅវិញ ។
« យើងទៅទិញអីផឹកសិន ឯងចង់បានអីហ្អេ៎? » Jimin សួរឡើងទាំងកំពុងដកលុយចេញពីកាតាប ។
« យើងទៅដែរ » Tae
« ចាំផ្ញើរយើងក៏បាន ទៅនាំតែហត់ធ្វើអី? » Jimin
« នៅជាមួយមនុស្សរោគចិត្តខ្លះតែពីរនាក់ស្ងាត់ៗ យើងមិននៅវិញល្អជាង » Tae ដៀមដាមរាងក្រាសដែលបានលឺហើយក៏ងាកមើលមុខគេភ្លាមតែរាងតូច មិនខ្ចីខ្វល់ដើរចេញទៅយ៉ាងឡូយទៀតផង ។
« អេ៎ចាំយើងផង » Jimin ថាទាំងរត់ត្រឹកៗតាមមិត្តបាត់ ។
« ក្មេងនេះ ហុឹស » Jungkook គ្រវីក្បាលអស់សំណើចនឹងចរិតឆ្នាស់ឆ្នើមរបស់រាងតូច នេះគិតថាគេ រោគចិត្តចេះតែគិតរឿងផ្ដេសផ្ដាសរហូតហ្អីនៀក?
« នែ៎!! ដើរលឿនម៉េះ លោកគ្រូឲ្យចេញមុនម៉ោងសោះហ្នឹង » Jimin រអ៊ូពេលដើរមកទាន់ Tae ។
« ចង់ដើរលឿនចឹងហើយ ម៉េច? » រាងតូចសួរបក វិញយ៉ាងឡូយទើប Jimin ខ្ចិលឈ្លោះហើយបណ្ដើរគ្នារហូតដើរកាត់ចំណតឡានដែលឡាន Jungkook នៅចតខាងមុខគេតែម្ដង ។
« ហេ៎ៗឈប់សិន » Tae លើកដៃឃាត់ Jimin ព្រមទាំងងាកឆ្វេងងាកស្ដាំក្រែងលោមានមនុស្ស បង្អាក់ផែនការគេ ។
« ថី? » Jimin
« នៅឈរកន្លែងហ្នឹងហើយចាំមើលផ្លូវឲ្យយើង » Tae
« ចង់ធ្វើស្អីឯង? » Jimin សួរតែរាងតូចមិនឆ្លើយរួចដើរលបៗមកក្បែរឡានរបស់ Jungkook មុននឹង ទាញកូនកាំបិតតូចចេញពីហោប៉ៅហើយញញឹមចុងមាត់បង្កប់ទៅដោយល្បិចពេញខ្លួនតែម្ដង ។
« មកពីម្ចាស់ឯងរករឿងយើងមុនប៉ុណ្ណោះ
ចង់បន្ទោសគួរតែបន្ទោសគេច្រើនជាង » Tae និយាយហើយក៏បន្ធូរកង់ឡានមុននឹងប្រើកាំបិតនោះឆូតកាត់វាឲ្យដាច់ធ្លាយពោះវៀនសងសឹកដែលរាងក្រាសមិនប្រាប់លំហាត់មុនហើយលូកលាន់គេមុន នេះ ចាំមើលណា៎ធ្វើស៊ីលោកឯងម្ដង ។
Skip៚
< គ្រឺង!!! >
« តោះពួកយើងរៀនត្រឹមនេះបានហើយ នាំគ្នាទៅ ផ្ទះចុះ » Jungkook និយាយឡើងទើបសិស្សទាំងអស់នាំគ្នាអោនគោរពលាហើយទាញកាតាបចេញ ទៅឯរាងតូចវិញឆ្លៀតញញឹមឌឺដងគេហើយនាំ Jimin ចេញទៅតាមក្រោយដែរ ។
« នែ៎ ឯងធ្វើចឹងដាក់ឡានលោកគ្រូមិនគិតថាឃោឃៅពេកទេហ្អេ៎? ចុះបើគាត់ប្ដឹងឯងគិតធ្វើម៉េច? » Jimin ខ្សឹបៗទាំងភ័យជំនួស ។
« សាកប្ដឹងលមើល៍ យើងនឹងប្ដឹងបកវិញមិនខាន » Tae ពើងទ្រូងនិយាយទាំងខែងរ៉ែង ជួនជាពេលនោះ Jungkook ដើរពីក្រោយស្ដាប់លឺក៏ងាកទៅមើលឡានខ្លួនឃើញថាកង់ឡានខាងមុខទាំងគូធ្លាយឡើងខ្ទេចវ៉ល់អស់ទៅហើយ ច្បាស់ណាស់! ច្បាស់ជា ស្នាដៃក្មេងឆ្នាស់ Kim Taehyung មិនខានទេ ។
« គិតថាធ្វើអីយើងបានងាយៗចឹងហ្អេ៎? ស្គាល់ Jeon Jungkook ស្រាលពេកហើយដឹង? » នាយញញឹមចុងមាត់ ចរិតរបស់រាងតូចកាន់តែធ្វើឲ្យគេក្នាញ់ហើយចង់ឈ្នះរឹតតែខ្លាំងហើយ ។
« អ្នកប្រុស!! » Dun ហៅរាងតូចដែលដើរចេញពីសាលាចំណែក Jimin ជិះម៉ូតូទៅផ្ទះវិញបាត់ ហើយ ។
« ឯណាគេ? » Tae សួរសំដៅលើ Donghae ។
« អ្នកប្រុសមកអង្គុយចាំក្នុងឡានរួចហើយបាទ » Tae បានលឺហើយក៏ងក់ក្បាលឡើងឡានតែភ្លាម នោះ Jungkook ក៏រហ័សដើរមកតាមពីក្រោយយ៉ាងលឿន ។
« ឈប់សិន!! » សម្លេងស្រែកហៅធ្វើឲ្យរាងតូច ងាកមកភ្លាម ។
« លោកគ្រូ..? យ៉ាងម៉េចហ្នឹង? » Tae
« ខ្ញុំសុំជិះឡានទៅផ្ទះដែរ » Jungkook
« មិនបាន!! ខ្ញុំមិនឲ្យទៅទេ លោកគ្រូមានលុយក៏ខលហៅតាក់ស៊ីទៅ ម្យ៉ាងក្រែងនៅផ្ទះលោកក៏មានអ្នកបើកឡានដែរតើស ខលឲ្យគេមកយកទៅ » Tae ប្រកែកញ៉ាញភ្លាមមិនចាំយូរ ស្អប់មុខសឹងស្លាប់ បើជិះឡានដកដង្ហើមក្នុងខ្យល់តែមួយទៀត គេអាច នឹងតឹងទ្រូងស្លាប់មិនខានទេ ។
« ខ្ញុំភ្លេចយកទូរស័ព្ទនិងលុយមកហើយ មិនដឹងទេ ដាច់ខាតត្រូវឲ្យខ្ញុំទៅជាមួយដែរ មិនចឹង Tae ត្រៀមឈប់រៀនពីសាលានេះឲ្យហើយទៅ » នាយនិយាយទាំងការពិតកុហកទាំងស្រុង ស្អីៗក៏យកមក ដែរតែត្រូវធ្វើល្ងង់ភ្លេចនេះភ្លេចនោះដើម្បីយកឈ្នះក្មេងអូមេហ្កាម្នាក់នេះសិនទើបបាន ។
« លោកគ្រូមានសិទ្ធិអីមកនិយាយបែបហ្នឹងដាក់ខ្ញុំ? » Tae
« សិទ្ធិជាម្ចាស់ឡានដែល Tae ចាក់ឲ្យធ្លាយកង់រកជិះមិនបាននោះអី » រាងតូចបើកភ្នែកធំៗនិយាយអីមិនចេញពេលគេតាមទាន់ជាន់កែងទាល់តែបាន ។
« និយាយមិនចេញមែនទេ? ហាហា មនុស្សមានខ្លួនតែចឹងខ្ញុំមិនប្រកាន់ទេ » Jungkook សើចក្អាក ក្អាយឲ្យរាងតូចហើយក៏ប្រញាប់ឡើងឡានភ្លាមទាន់គេដេញមិនបាន ដឹងស្រាប់ហើយថា Tae ខ្លាចបំផុតរឿងសាលានេះ ឲ្យតែគម្រាមពេលណាក៏និយាយ មិនចេញរាល់លើក ។
« លោកគ្រូ? » Donghae ភ្ញាក់ព្រើតនឹងវត្តមាន នាយ ។
« សួស្ដី!! ពួកយើងទៅផ្ទះជាមួយគ្នាណា៎ » Jungkook សើចដាក់អាល្អិតដូចគ្មានរឿងអីសោះ ។
< គ្រាំង!!! >
« ពូDunទៅផ្ទះ!!!! » គ្រាន់តែបិទទ្វារឡានភ្លាម Tae ក៏ស្រែកប្រាប់តៃកុងឡានមួយទំហឹងព្រមទាំងងាកសម្លក់ Jungkook ឲ្យថ្លែ មិនតែប៉ុណ្ណោះនៅខិតខ្លួនមកក្បែរ Donghae ឲ្យខិតទៅរកនាយសឹងតែគេ ទាំងពីរនាក់ធ្លាក់ពីលើឡានជ្រុះតាមផ្លូវទៅហើយ ស្អប់ណាស់!! ពូកែរករឿងជាងស្អីទៅទៀត ។
To be continued.....🍃💙