« Tae ប្រយ័ត្ន!! »
< ទីតៗ... > ពេលដែលឃើញរាងតូចបើកម៉ូតូវិះនឹងហួសភ្លើងស្តុបទើប Yoongi នាយប្រញាប់ស៊ីផ្លេឲ្យដំណឹងទើប Tae ឈប់ម៉ូតូបានមុនមិនចឹងច្បាស់ជា ប៉ូលីសហៅទៅផាកពិន័យមិនខានទេ ។
« ឯងនេះបើកម៉ូតូលឿនៗអត់ខ្លាចងាប់ទេហ្អី?! » Jimin ទះខ្នង Tae ស្ដីឲ្យទាំងភ័យទាំងខឹង នេះបើ មានរឿងអីកើតឡើងណា៎ច្បាស់ជាគ្រួសារពួកគេ ពិបាកចិត្តហើយ ។
« ខ្លាចធ្វើអីងាប់ហ្នឹង បើវាមិនដែលខ្លាចយើងផង » Tae ចចេសមាត់រឹងវាយបកឲ្យវិញធ្វើឲ្យJimin ស្ងាត់មាត់សម្លក់គេថ្លែ តែពួកគេមិនដឹងទេថាអ្នកខ្លះដែល មើលមកពីក្នុងឡាននោះអស់សំណើចមិនស្ទើរឡើយ ក្មេងប្រុសៗស្អីមុខមាត់ហើយចរិតគួរឲ្យ
ស្រឡាញ់គួរឲ្យចង់ចាប់ក្រញិចបែបនេះ មិនដែលឃើញសោះ ។
< ទីង!! >
« ន៎ក ភ្លើងបៃតងលោតវិញហើយឆាប់ទៅៗប្រយ័ត្នខកម៉ោងរៀន » Jimin តឿនឯ Tae ក៏ងាកមក សម្លក់ Yoongi មុននឹងបើកម៉ូតូចេញទៅដោយ Jimin ក៏មិនភ្លេចបែរមកនាយហើយអោនក្បាល បន្តិចជាការសុំទោសជំនួសមិត្តខ្លួនធ្វើឲ្យនាយសង្ហារ លេចជាស្នាមញញឹមពេញចិត្តឡើងមកហើយក៏បើកឡានចេញទៅតាមក្រោយ ។
< ងុឺត!! > ទីបំផុតពួកគេក៏បានមកដល់សាលាហើយបណ្ដើរម៉ូតូចូលកន្លែងផ្ញើរតែកុំមើល Jimin ពេបមាត់ សម្លក់រហូតទើប Tae ដើរមកកៀកស្មារគេភ្លាម ។
« អឺណា៎...យើងសុំទោស មកពីអារម្មណ៍មិនល្អបានជាជិះម៉ូតូចឹងកុំខឹងអី » Tae
« អារម្មណ៍មិនល្អក៏ដោយតែមិនគួរជិះលឿនដូចមុន ហ្នឹងទេ នេះបើមិនបានពូម្នាក់នោះស៊ីផ្លេប្រាប់ទេកុំអី ងាប់ទាំងពីរនាក់បាត់ហើយ » Jimin ថាឲ្យ មុខក៏ ប្រែមកជាធម្មតាវិញ មិនបានខឹងនឹង Tae អីណាស់ណាទេព្រោះមានតែគេនេះហើយដឹងថាពេល Tae ខឹងអារម្មណ៍គេយ៉ាងម៉េចខ្លះ ។
« អឺៗដឹងហើយ រអ៊ូច្រើនមែន » Tae ខ្ចិលស្ដាប់បន្តក៏កៀកស្មារមិត្តដើរទៅថ្នាក់ អាចថាវាជារឿងគួរឲ្យអស់សំណើចព្រោះ Tae មិនងាយស្ដាប់អ្នកណារអ៊ូនោះទេសូម្បីតែប៉ាគេតែថាចំពោះ Jimin គឺខុសគ្នា គេអាចស្ដាប់បានមកគិតខ្លះនិងអត់ខ្លះក្រៅពីហ្នឹងគឺ បោះចោលអស់រលីងហើយ ។
_ ការរៀននៅក្នុងថ្នាក់គឺធម្មតាដូចសព្វដង ព្រោះតែ Jungkook ធ្លាប់បង្រៀនមកជាច្រើនសាលាគួរសម ទើបងាយនឹងដំណើរការម៉ោងសិក្សា ចំណែករាងតូច ពេលខ្លះក៏ស្ដាប់តែពេលខ្លះទៀតក៏បែរមកនិយាយជាមួយ Jimin ដែលអង្គុយខាងក្រោយដូចជាមិនខ្លាចគ្រូកម្លោះ Jungkook ឡើយ ។
< គ្រឺង!!! > កណ្ដឹងសាលារោទិ៍ឡើងទើបពួកសិស្សនាំគ្នាទាញកាតាបចេញទៅ ចំណែក Karen វិញ នាងងាកមើលមុខ Tae តែពេលដែល Tae មើលវិញ នាងក៏រហ័សដកខ្សែភ្នែកព្រោះនៅនឹកឃើញម្សិល មិញដែល Tae ផ្ដួលគ្នានាងបាននៅឡើយទើបមិន ទាន់ហ៊ានរករឿងដូចរាល់ដង ។
« Jimin ទៅញ៊ាំការ៉េមហ្អេ៎? » Tae
« អឹម...ប្រហែលជាអត់បានទេព្រោះថ្ងៃត្រង់នេះ ប៉ាយើងទៅទទួលផ្លែឈើពីផ្សារធំ ម៉ាក់នៅលក់តែ ឯងយើងត្រូវទៅជួយគាត់ ចាំថ្ងៃក្រោយទៅណា៎ » Jimin
« ចឹងក៏បាន » ពួកគេនិយាយគ្នារួចក៏បែកផ្លូវគ្នាដោយ Jimin ទៅយកម៉ូតូគេឯរាងតូចក៏ឈរម្នាក់ឯង មិនដឹងថាគួរទៅណាព្រោះមិនទាន់ចង់ទៅផ្ទះនៅឡើយ ស្របពេលនោះ Jungkook ក៏បើកឡានចេញមកឃើញរាងតូច នាយក៏រហ័សបើកយឺតៗមកឈប់នៅចំពោះមុខគេតែម្ដង ។
« នៅឈរទីនេះធ្វើអីមិនទៅផ្ទះទេហ្អេ៎? » នាយញញឹមសួរតែ Tae វិញធ្វើមុខដូចស្អប់គ្នាតាំងពីជាតិណាមកមុននឹងកាច់រាងដើរទៅមុខបន្តឲ្យរាងក្រាស គ្រឺតក្នាញ់មែនទែន ។
« គិតថាឈ្នះខ្ញុំបានហ្អេ៎? » ដល់ដំណាក់កាលនេះ ហើយ Jungkook កាន់តែមិនចង់ចាញ់មានតែបើកឡានទៅមុខយឺតៗកៀកនឹងរាងតូច ។
« ដើរម្នាក់ឯងចឹងប្រយ័ត្នមានពួករោគចិត្តចាប់យក ទៅលក់ណា៎ »
« .... » Tae លឺហើយខ្ពើមតបដើរផងចុចទូរស័ព្ទផងដូចរាងក្រាសជាខ្យល់បក់កាត់មុខចឹងឯង និយាយអីនិយាយទៅគេស្ដាប់មិនចូលស្រាប់ហើយ ។
« Kim Taehyung!! គ្រូនិយាយជាមួយមិនលឺទេឬយ៉ាងម៉េច? ចាំមើលទៅ ពិន្ទុប្រឡងឆមាសនេះខ្ញុំដកមិនឲ្យសល់មួយទេត្រៀមខ្លួនរៀនត្រួតថ្នាក់ទៅ» អស់វិធីហើយមានតែគម្រាមតែថាបានផលណា៎ព្រោះ Tae លឺថាដកពិន្ទុក៏ងាកមុខមកភ្លាម គេបន់ឲ្យតែរៀនឆាប់ចប់នឹងអាលមានការងារធ្វើហើយចេញពីផ្ទះប៉ាគេតើស បើរៀនត្រួតថ្នាក់មែនពេលណាទើប រៀនចប់ទៅ?!
« លោកគ្រូយ៉ាងម៉េចហ្នឹង? ខ្ញុំដើរតែខ្ញុំសោះហើយលោកមករញ៉េរញ៉ៃស្អី? » Tae
« ក៏...មកពីឯងមិនឆ្លើយធ្វើអី? » Jungkook ធ្វើមុខឡេឡើឯរាងតូចក៏ស្ងាត់មួយសន្ទុះទើបសួរម្ដង ទៀត ។
« ហើយម៉េច? » Tae
« ម៉ាក់ខ្ញុំហៅទៅញ៊ាំបាយនៅផ្ទះ ឆាប់ឡើងឡានមក » Jungkook
« លោកកុហក ខ្ញុំមិនទៅទេ » Tae
« អ៊ីចឹងចាំខ្ញុំទូរស័ព្ទឲ្យឯងនិយាយជាមួយគាត់ » Jungkook ថាហើយក៏ចុចខលទៅម៉ាក់គេពិតមែន ។
@In call
( ហាឡូ Jung!! ចេញពីបង្រៀនហើយនៅ? នេះម៉ាក់ធ្វើម្ហូបចាំអនាគតកូនប្រសាររួចអស់ហើយ ) គាត់និយាយទាំងរំភើបចិត្តចង់ឃើញមុខ Tae ឆាប់ៗ។
« ហាឡូម៉ាក់!! ខ្ញុំបបួល Tae ហើយតែគេមិនជឿ នៅថាខ្ញុំកុហកទៀត ម៉ាក់ជួយនិយាយបន្តិចទៅ » នាយនិយាយតែភ្នែកវិញសម្លឹងទៅរាងតូចរហូត ។
( ចឹងហ្អេ៎? ឲ្យម៉ាក់និយាយជាមួយ Tae មើល៍ៗ )
« ម៉ាក់ចង់និយាយជាមួយ » Jungkook ហុច
ទូរស័ព្ទឲ្យ រាងតូចប្រិចរោមភ្នែកស្អាតញាប់ៗនឹកស្មានថាគេនិយាយលេងមុននឹងឈោងដៃទទួលទូរស័ព្ទ មកនិយាយ ។
« ហាឡូ » Tae
( Tae នៅចាំអ៊ំបានទេ? អ៊ំជាម៉ាក់របស់ Jung ថ្ងៃមុនពួកយើងទៅញ៊ាំបាយជាមួយគ្នានោះអី ) Mrs Jeon
« បាទចាំបាន » Tae
( គឺអញ្ចេះទេ ថ្ងៃនេះអ៊ំធ្វើអាហារច្រើនណាស់ចង់ហៅក្មួយមកញ៊ាំបាយម្ដង ក្មួយអាចមកបានទេ? ) Mrs Jeon
« តែខ្ញុំមិនចង់ទៅទេ » Tae
( ណា៎...អ៊ំធ្វើអាហារច្រើនមែនទែន បើក្មួយមិនមកគ្មានអ្នកណាជួយញ៊ាំទេ ឆាប់មកៗណា៎ ) Mrs Jeon
« តែខ្ញុំពិតជា... »
< ទឺត ទឺត > មិនឲ្យរាងតូចបដិសេធទាន់រាងចំណាស់ ក៏បិទចោលមុនទុកឲ្យ Jungkook ចាត់ការបន្តទៀត យ៉ាងណាក៏គាត់ដឹងថាកូនប្រុសគាត់ប្រាកដជាអាច បង្ក្រាបក្មេងរឹងរូសម្នាក់នេះបានមិនខាន ។
« ទូរស័ព្ទលោក » Tae លឺសម្លេងដាច់ក៏ហុចឲ្យនាយវិញ ។
« យ៉ាងម៉េចទៅឬអត់? គ្រាន់តែប្រាប់ទេថារៀនត្រួតមួយឆ្នាំទៀតគួរឲ្យធុញណាស់ ខាតទាំងពេលហើយត្រូវរៀនដដែលៗ នៅប្រឡងរញ៉េរញ៉ៃថែម ទៀតណា៎ » Jungkook រ៉ាយរ៉ាប់ហូរហែរធ្វើឲ្យ Tae ធុញខ្លាំងណាមួយមិនចង់រៀនត្រួតថ្នាក់ផងក៏ធ្វើមុខក្រម៉េក្រម៉ូវដើរទៅទ្វារឡានរាងក្រាសម្ខាងទៀត ហើយទាញទ្វារបំណងចូលតែ Jungkook Lock មិនឲ្យគេចូល ។
« ឲ្យទៅឬអត់ឥឡូវហ្នឹង??! » Tae សម្លុតសួរទាំងមួរម៉ៅធ្វើឲ្យរាងក្រាសញញឹមហួសចិត្តក្មេងនេះទើបចុចគន្លឹះឲ្យគេចូលមកមុននឹងបើកឡានសំដៅទៅផ្ទះរបស់ខ្លួន ។
To be continued.....🍩🍪🥤