@New Day
_ ព្រឹកនេះ Tae មកសាលាជាមួយ Donghae ដូចកាលពីម្សិលមិញនេះដែរ ។ ពេលមកដល់ អាល្អិតក៏ ចាំឲ្យបងប្រុសគេដើរទៅមុនព្រោះខ្លាចថា Tae ទើសទាល់ធ្វើឲ្យរាងតូចដែលដើរម្នាក់ឯងចាប់អារម្មណ៍ហើយងាកមកភ្លាម ។
« ឯងអត់ទៅថ្នាក់ទេហ្អេ៎? » Tae
« បងទៅមុនចុះ ចាំខ្ញុំដើរតាមក្រោយក៏បានដែរ » Donghae អោនមុខចុះមិនហ៊ានមើលមុខទើប Tae ដើរមករកគេ ។
« ឲ្យទូរស័ព្ទមក » រាងតូចលាបាតដៃឲ្យអាល្អិតឆ្ងល់តែក៏ដកទូរស័ព្ទមកឲ្យ មុននឹង Tae ចុចលេខទូរស័ព្ទខ្លួនហើយខលមកខ្លួនឯង ពេលលឺសម្លេងហើយទើបហុចឲ្យប្អូនវិញ ។
« នេះជាលេខយើង ពេលចេញពីរៀនចាំយើងខល ប្រាប់ថាទៅវិញជាមួយឬអត់ ខ្ជិលជួបមុខពូDun ណាស់ » Tae និយាយធ្វើមុខធុញទ្រាន់ ។
« ហេតុអីបងប្រុសTae? » Donghae
« កុំមកហៅឈ្មោះយើង!! ឯងមិនមែនប្អូនយើងទេ » រាងតូចសម្លុតភ្លាមធ្វើឲ្យ Donghae លឺហើយលែងហ៊ានសួរទៀត ។
« សុំទោស » អាល្អិតនិយាយសុំទោសទាំងខ្លាចខ្សែភ្នែកបងប្រុសម្នាក់នេះខ្លាំងណាស់ ស្របពេលនោះ Jungkook ក៏ដើរមកដល់ល្មមហើយបានឃើញអនាគតប្រពន្ធគិតថានឹងអរុណសួស្ដីភ្លាម ។
« សួ... » មិនចាំនាយនិយាយរួច Tae ក៏សម្លក់មុខ ហើយដើរចេញទៅយ៉ាងលឿនទើបរាងក្រាសដើរ មកក្បែរ Donghae ។
« សួស្ដី » Jungkook
« បាទសួស្ដី » អាល្អិតអោនខ្នងគោរព ។
« នេះជាប្អូនរបស់ Tae ត្រូវទេ? » Jungkook សួរព្រោះម៉ាក់គេបានប្រាប់ថា Tae មានប្អូនជាកូនប្រពន្ធចុងប៉ាគេម្នាក់ទៀតតែលឺមកថាមិនសូវត្រូវរូវគ្នាប៉ុន្មានទេព្រោះរាងតូចឆ្នាស់ហើយក៏មិនចូលចិត្តអ្នកនៅក្នុងផ្ទះស្ទើរតែគ្រប់គ្នាទៅហើយ ។
« លោកពូស្គាល់បងប្រុសដែរហ្អេ៎? » Donghae សួរទាំងទឹកមុខរៀងភ្ញាក់ផ្អើល ។
« ច្បាស់ជាស្គាល់ហើយ ខ្ញុំស្គាល់ទាំងប៉ារបស់ឯង ទៀតផង » Jungkook
« អ៎បាទ » Donghae ងក់ក្បាល ។
« នៅមិនទាន់ដល់ម៉ោងចូលរៀន ចង់ទៅញ៊ាំទឹក ដោះគោជាមួយគ្នាសិនទេ? » រាងក្រាសបបួលភ្លាមមិនទុកយូរព្រោះចង់ស្គាល់អ្នកនៅក្បែររាងតូចឲ្យបានច្រើននឹងអាលចូលទៅក្បែរ Tae ឲ្យកាន់តែស្និទ្ធ ស្នាលតែម្ដង ។
Skip៚
« នេះទឹកដោះគោសូកូឡារបស់ឯង » Jungkook ហុចវាឲ្យអាល្អិតកាន់ ។
« អរគុណបាទ » Donghae ទទួលទើបរាងក្រាសចូលមកអង្គុយក្បែរលើបង់ក្រោមដើមឈើទល់មុខ អគាររៀនតែម្ដង ។
« នេះមកសាលាជាមួយ Tae មែនទេ? » Jungkook
« បាទ ខ្ញុំទើបតែចូលរៀនម្សិលមិញនេះហើយប៉ាឲ្យមកជាមួយបងប្រុស » Donghae
« អ៎...ប្រហែលជាស្និទ្ធស្នាលនឹងគ្នាហើយមើលទៅ » Jungkook និយាយធ្វើឲ្យ Donghae ទម្លាក់ទឹក មុខចុះ ។
« បងប្រុសអត់ចូលចិត្តខ្ញុំនិងម៉ាក់ទេ » Donghae
« តែអំបាញ់មិញដូចជាឃើញគេហុចអីឲ្យឯងមិនចឹង? » Jungkook
« គឺបងប្រុសឲ្យលេខទូរស័ព្ទគាត់មកខ្ញុំ អូ៎មែនហើយ ខ្ញុំភ្លេចដាក់ឈ្មោះគាត់ទុក » Donghae ក៏ទុកទឹក ដោះគោក្បែរខ្លួនរួចទាញទូរស័ព្ទមកក្រៅរីឯរាងក្រាសក៏ដក.ក អើតចាំមើលលេខទូរស័ព្ទរាងតូច រហូតតែលេខច្រើនខ្ទង់ពេកអ្នកណាទៅចាំបាននោះ? ពិបាកពេក Jungkook ក៏រកនឹកវិធីធ្វើយ៉ាងណាយកលេខទូរស័ព្ទ Tae មកឲ្យបាន ។
« អឺ...ឯងឈ្មោះអីដែរ? » Jungkook
« ខ្ញុំឈ្មោះ Donghae »
« ល្អណាស់ Donghae!! គឺខ្ញុំជាគ្រូរបស់ Tae ណាមួយប៉ាឯងធ្លាប់ផ្ដាំឲ្យខ្ញុំជួយមើលថែបងប្រុសឯង ឲ្យគាត់ តែខ្ញុំគ្មានលេខទូរស័ព្ទប៉ាឯងសោះមិនដឹងគួរទាក់ទងគាត់តាមណាទេ ឯងអាចឲ្យខ្ញុំសុំលេខប៉ាឯងផងបានទេ? » Jungkook និយាយសុំតាមសម្រួលតែក៏លាយកុហកខ្លះដែរ ។
« បាទ » Donghae មិនស្ទាក់ស្ទើរឆ្លើយយល់ព្រមភ្លាមមុននឹងហុចទូរស័ព្ទឲ្យរាងក្រាសយកលេខ Tae ហើយទើបបំបែកផ្លូវគ្នាទៅថ្នាក់រៀងៗខ្លួន តែប៉ុណ្ណេះគេមានឱកាសតាមញ៉ែរាងតូចបានហើយ ទើបតែដឹងថាជាគូដណ្ដឹងក៏ចាប់ផ្ដើមញ៉ែហើយហ្អេ៎? ប្រហែលជាអត្តចរិតរាងតូចគួរឲ្យចាប់អារម្មណ៍សម្រាប់កម្លោះម្នាក់នេះពេកហើយ ។
< គ្រឺង!!! > កណ្ដឹងសាលាបញ្ចេញសម្លេងបញ្ជាក់ថាដល់ម៉ោងចូលរៀនទើបសិស្សគ្រប់គ្នាចូលអង្គុយតាមកន្លែង Tae និង Jimin អង្គុយមើលសៀវភៅជាមួយគ្នា ស្របពេលក្រុមរបស់ Karen ដើរចូលមកក្នុងថ្នាក់យ៉ាងខែងរ៉ែងដូចជើងកាងថែមទាំងសម្លក់ សម្លឹងរាងតូចបែបចង់បង្ករឿងទៀតហើយ ។
< គ្រាំង!! > Karen ប្រើជើងទាត់ជើងតុរាងតូចមួយ ទំហឹងឲ្យតុវៀចរញ៉េរញ៉ៃធ្វើឲ្យ Tae ដែលកំពុងអង្គុយស្ងៀមសុខៗងាកមុខមករកនាងភ្លាម ឯសិស្សគ្រប់គ្នាក៏ស្ងាត់រង់ចាំមើលពួកគេដែរ ។
« មើលមុខហ្នឹងចង់យ៉ាងម៉េច? ចង់មានរឿងហ្អេ៎? » នាងសួរឌឺដងឲ្យរាងតូចថែមទាំងទះតុផាំងៗបបួលគេ ឲ្យមានរឿងនឹងគ្នាច្បាស់ណាស់ទើប Tae ងើបឈរឡើងទៅទាត់តុរបស់នាងវិញដូចគ្នា ។
< គ្រាំង!! > រាងតូចកាលបើទាត់ហើយក៏ងាកទៅឃើញ Jungkook កំពុងដើរមកល្មមទើបគេចូលទៅអង្គុយកន្លែងខ្លួនឯងវិញធ្វើដូចគ្មានរឿងអីកើតឡើង ។
« អរុណសួស្ដីប្អូនៗ » Karen លឺសម្លេងលោកគ្រូក៏នាំគ្នីគ្នាចូលតុរៀនវិញដោយមិនភ្លេចសម្លក់ Tae ដែលញញឹមឌឺនាងក្នុងនាមជាអ្នកឈ្នះ ។
« ថ្ងៃនេះពួកយើងមកបន្តមេរៀនទៀតតែមុននឹងចូលទៅដល់ចំណុចបន្ទាប់ គ្រូនឹងហៅគ្នាយើងពីរបីនាក់ មកដោះស្រាយលំហាត់ដើម្បីរំលឹកមេរៀនជាមុនសិន » Jungkook និយាយហើយសរសេរលំហាត់ នៅលើក្ដារខៀនមុននឹងបែរមកវិញសម្លឹងទៅគូដណ្ដឹងយកតែម្ដង ។
« Taehyung!! ឆាប់ឡើងមក » រាងតូចពេលលឺឈ្មោះខ្លួនឯងភ្លាមក៏សម្លក់ទៅរាងក្រាសភ្លែត មួយថ្នាក់សិស្សជាង30នាក់មកហៅគេទៅវិញ បែបចង់លេងសើចច្បាស់ណាស់ ។
« Tae ឲ្យលឿនទៅគ្រូហៅហើយ » Jimin តឿន បន្ថែមទើបរាងតូចធ្វើមុខស្អុយហើយងើបដើរទៅក្ដារខៀនដែលមាន Jungkook ឈរញញឹមចាំគេរួចជា ស្រេចរួចហុចហ្វឺតឲ្យ Tae កញ្ឆក់យកទៅប្រើ ។
« ធ្វើឲ្យចេញណា៎អនាគតប្រពន្ធសម្លាញ់ » រាងក្រាសឆ្លៀតឈរខ្សឹបពីក្រោយខ្នងហើយដើរមកឈរ ចំហៀងនៃក្ដារខៀនញញឹមឌឺយកតែមែនទែន
នេះបើគ្មានសិស្សនៅក្នុងថ្នាក់ទេណា៎ Tae នឹងទះ
កំផ្លៀងឲ្យហើមមុខភ្លាមតែម្ដង ។
Skip៚
_ ដល់ម៉ោងចេញលេង សិស្សៗនាំគ្នាទៅញ៊ាំអីអស់ហើយនៅតែ Tae និង Jimin អង្គុយក្នុងថ្នាក់រៀន
ប៉ុណ្ណោះ ។
« អេ៎!! ចុងសប្ដាហ៍នេះហាងនំខេកនៅជិតសាលាគេធ្វើកម្មវិធីបញ្ចុះតម្លៃ ឯងទៅជាមួយយើងទេ? » Jimin
« មិនទៅទេ ខ្ជិលចេញពីផ្ទះ » Tae តបទាំងដៃអូស ទូរស័ព្ទមិនឈប់តែក៏មិនភ្លេចងាកមើលមុខ Jimin ដែលស្រពោន គេច្បាស់ជាចង់ទៅហើយព្រោះតែគ្រួសារ Jimin មិនសូវមានលុយ ទោះបីរៀននៅ សាលាថ្លៃពិតមែនតែតាមពិតប៉ាម៉ាក់គេលក់ផ្លែឈើ នៅឯផ្សារធម្មតាដើម្បីរកលុយឲ្យគេរៀនពិបាកណាស់ហើយទើប Jimin ចង់ទៅទិញនំដើម្បីឲ្យពួកគាត់បានពិសារម្ដងទាន់គេបញ្ចុះតម្លៃនោះអី ។ Tae ឃើញបែបនេះក៏យល់ចិត្តទើបទុកទូរស័ព្ទចុះហើយចាប់ដៃគេភ្លាម ។
« កុំធ្វើមុខចឹងអី ចាំយើងទៅជាមួយក៏បានដែរ » Jimin លឺបែបនោះក៏ងើបមុខញញឹមត្រេកអរ ។
« ពិតមែនហ្អេ៎? » Tae ងក់ក្បាលទើប Jimin លើកដៃម្ខាងទៀតមកចាប់ដៃរាងតូចវិញ ឃើញគេ កាចៗមិនសូវនិយាយស្ដីចឹងទេតែតាមពិត Tae ជា មនុស្សមានទឹកចិត្តណាស់ជាពិសេសអ្នកដែលតែង តែយល់ចិត្តគេ គេតែងតែតបស្នងឲ្យវិញដោយអំពើ ល្អ បាត់បង់ច្រើនណាស់ហើយមិនចង់បាត់បង់អ្វីទៀតឡើយ គេក៏ចេះហត់ហើយឯការដែរ ។
_ យ៉ាងណាមិញរាល់ការសន្ទនារបស់ពួកគេក៏ត្រូវបាន Jungkook ដែលឈរនៅខាងក្រៅស្ដាប់លឺ ទាំងអស់ថែមទាំងញញឹមដែល Tae ក៏មានទឹកចិត្តល្អបែបនេះ ។
_ កន្លងផុតទៅអស់ប៉ុន្មានម៉ោងក៏ដល់ពេលដែលគ្រប់គ្នាត្រូវចេញពីរៀន ។ Tae និង Jimin បណ្ដើរគ្នា និយាយលេងយ៉ាងសប្បាយ ស្របពេលជាមួយគ្នា ក្រុមរបស់ Karen ក៏ដើរមកស្កាត់បញ្ឈប់ដំណើរពួកគេ ។
« ចៀសចេញ!! » រាងតូចនិយាយហើយកាន់ដៃមិត្តដើរចៀសតែ Karen ក៏ញញឹមចុងមាត់រួចច្រានស្មារ Tae ឲ្យឈរទល់មុខនាងវិញ ។
« ប្រញាប់ទៅណា? នៅមិនទាន់បាននិយាយគ្នាផង » Karen
« និយាយស្អី? យើងគ្មានអីនិយាយជាមួយពួកអត់ ប្រយោជន៍ដូចនាងទេ » Tae តបរួចក៏នាំ Jimin ទៅទៀត គ្នីគ្នារបស់នាងក៏ចូលមកចាប់ដៃរាងតូច ភ្លាមនោះ Tae រហ័សបង្វិលខ្លួនមួលដៃនាងមួយជុំហើយប្រើជើងជាន់គន្លាក់ជង្គង់នាងរុញឲ្យលុតជង្គង់ទល់មុខនឹងខ្លួនភ្លាម ចង់វាយគ្នាជាមួយរាងតូចមិន ស្រួលឡើយព្រោះគេបានហាត់តៃក្វាន់ដូតាំងតែពីអាយុ10ឆ្នាំម្ល៉េះ ខ្សែក្រវ៉ាត់ខ្មៅមានតាំងនៅផ្ទះគគោកគ្រាន់តែគ្មានអ្នកដឹងហើយគេមិនធ្លាប់បញ្ចេញវាឲ្យអ្នកណាឃើញប៉ុណ្ណោះ ។
« អួយ៎...អួយ៎...ឈឺ!! » ស្រីនោះស្រែកទាំងឈឺ ចាប់ធ្វើឲ្យ Karen បើកភ្នែកធំភ្ញាក់ផ្អើលគ្មានអ្នកណា ហ៊ានចូលទៅជួយនាងទេ ។
« ស្ដាប់!! យើងមិនចង់មានរឿងជាមួយពួកនាងទេ ជួយទៅឲ្យឆ្ងាយៗពីយើងផងព្រោះជួនកាលយើងមិនធានាទេថាឆ្អឹងពួកនាងនឹងបាក់មុនរៀនចប់វិទ្យាល័យនេះឬក៏អត់ » Tae និយាយព្រមទាំងសម្លឹងមុខធ្វើឲ្យពួកនាងបញ្ចេញទឹកមុខខ្លាចគេគ្រប់គ្នា ទើបរាងតូច ប្រលែងស្រីនោះហើយនាំ Jimin ចេញទៅដោយ មិនចាប់អារម្មណ៍ពី Jungkook ដែលបានលួចមើល សកម្មភាពដែលរាងតូចចាត់ការពួកសិស្សស្រីទាំង នោះតាំងតែពីដំបូងម្ល៉េះ ។
« ឆ្នាស់ហើយពូកែវាយទៀត បើបានធ្វើជាប្រពន្ធហើយយើងធ្វើអីខុសបន្តិច មិនកាច់បំបាក់ឆ្អឹងយើងចោលទៅហើយទេហ្អេ៎? » នឹកឃើញហើយក៏ ញញើតមុនដែរ ឃើញរាងតូចៗសម្ដីឆ្នាស់សោះតែ បែរជាចេះរឿងក្បាច់គុណអីអស់នេះ ធ្លាប់តែលឺថាពួកអូមេហ្កាទន់ខ្សោយតែថាអូមេហ្កាអនាគតប្រពន្ធ
គេម្នាក់នេះមិនមែននោះទេ កាច ឆ្នាស់ កម្លាំងខ្លាំង គួរឲ្យខ្លាច!!!!
To be continued.....🐰🐯♡