_ មកដល់បន្ទប់ឯកជន Jungkook ទាញរាងតូចឲ្យអង្គុយចុះមុននឹងដើរទៅទាញកន្សែងមកជូតម្សៅលើមុខឯ Tae វិញក៏អង្គុយធ្វើមុខស្មើៗធុញយកតែ មែនទែន ។
« Kim Taehyung មានដឹងថាខ្លួនឯងធ្វើអីដែរទេ? » រាងក្រាសសួរបណ្ដើរប្រឡេះឡេវអាវសើមចេញ បណ្ដើរធ្វើឲ្យរាងតូចបែរមុខចេញភ្លាម មនុស្សឆ្កួតស្អីមកដោះអាវមុខគេមុខឯងបែបនៀក? តិចចេញគំនិត ល្មោភកាមមកទៀតទៅ?
« ខ្ញុំមិនបានធ្វើ!! » Tae
« នៅថាមិនបានធ្វើទៀត? ចុះខ្ញុំមកនៅក្នុងសភាព បែបនេះបានយ៉ាងម៉េច? » Jungkook
« ប្រាប់ថាខ្ញុំមិនបានធ្វើគឺមិនបានធ្វើហើយ លោកគ្រូកុំសួរច្រើនពេក » Tae និយាយហើយក៏ងើបឡើងបម្រុងចាកចេញតែរាងក្រាសក៏រហ័សកាន់ដៃគេ ។
« ចង់ទៅណា? ខ្ញុំនិយាយមិនទាន់ចប់ទេ » Jungkook
« ជារឿងរបស់លោកគ្រូ មិនមែនរឿងខ្ញុំទេ » រាងតូចព្យាយាមលែងដៃចេញតែ Jungkook កាន់ជាប់មិនព្រមព្រលែងថែមទាំងចាប់អោបចង្កេះស្ដើងឲ្យមកកៀកនឹងខ្លួនឯងធ្វើឲ្យមុខទាំងពីរសឹងតែប៉ះគ្នាទៅ ហើយ ។ ស្បែកមុខសម៉ដ្ឋស្អាតរលោងគ្មានស្នាម កែវភ្នែកធំៗពណ៌ត្នោតបែកលឿងជាមួយរោមភ្នែកក្រាស់ងរ ច្រមុះវិញស្រួចរលែមដូចកាំបិត នៅមាន បបូរមាត់ពណ៌ស៊ីជម្ពូមិនស្ដើងមិនក្រាស់ មើលត្រង់ណាក៏ពេញចិត្តរបស់ Jungkook ទាំងអស់ ក្លិនខ្លួន វិញមិនបាច់និយាយក្រអូបត្រជាក់ចិត្ត រីឯចង្កេះតូចដែលមិនដូចមនុស្សប្រុសទូទៅបែរជាស្ដើងគួរឲ្យចង់អោបក្រសោបហាមចិត្តនាយមិនឲ្យទប់អារម្មណ៍បានមុននឹងទម្លាក់បបូរមាត់យឺតថ្នមៗលើបបូរមាត់តូចមួយ នោះ ស្របពេលរាងតូចមិនប្រកែកថែមទាំងតបស្នងវិញយ៉ាងពេញចិត្តកាន់តែធ្វើឲ្យ Jungkook ចង់បន្តការថើបក្មេងមាត់ផ្អែមម្នាក់នេះឲ្យកាន់តែយូរជាងនេះ ទៅទៀត ។
« លោកគ្រូ! លោកគ្រូ! » Tae ហៅទៅលោកគ្រូដែលឈរបិទភ្នែកធ្វើមាត់ជីបអូចៗ គេក៏មិនដឹងដែរ នៅសុខៗស្រាប់តែ Jungkook ក្លាយជាចឹងទើបរាងតូចគ្រវីក្បាលហើយបើកទ្វារចេញទៅ ។
< គ្រាំង!!! > សម្លេងបិទទ្វារមួយទំហឹងហៅឲ្យអ្នក ដែលកំពុងស្រម៉ៃថាបានថើបក្មេងឆ្នាស់នោះភ្ញាក់ខ្លួន ព្រើត តាមពិតគេយល់សប្តិតែខ្លួនឯងសោះ ។
« ហ៊ើយ...ទៅណាបាត់ហើយ? » នាយឆ្លេឆ្លារក មនុស្សហើយក៏ដឹងថាគេទៅបាត់ហើយ ទើបវាយថ្ងាសខ្លួនឯងទាំងអស់សំណើច ចេះស្រម៉ៃទាំងថ្ងៃជាមួយក្មេងហ្នឹងទៅកើតដែរ ។
_ Tae ដើរចូលថ្នាក់រៀនវិញក៏ឃើញក្រុម Karen អង្គុុយនិយាយគ្នាព្រមទាំងសម្លក់សម្លឹងរាងតូចទាំងពេញចិត្តដែលគេត្រូវ Jungkook យកទៅដាក់ ទោសជំនួសកំហុសពួកនាង ។
« មុខស្អុយដូចលាមកបែបហ្នឹងសង្ស័យតែត្រូវលោកគ្រូដកពិន្ទុអស់ហើយទេដឹង? ហាសហាសហាស » ពួកនាងនាំគ្នាសើចចំអករាងតូចខ្លាំងៗធ្វើឲ្យ Tae ដែលមុខស្មើស្រាប់នោះក្រឡេកឃើញថង់ម្សៅមី នៅសល់ក៏រើសវាមកមុននឹងលូកវាមួយក្ដាប់ហើយដើរសំដៅទៅរកក្រុម Karen កំពុងរវល់សើច ។
« សប្បាយចិត្តខ្លាំងណាស់ទៅហ្អេ៎? » Tae ញញឹមសួរទើប Karen ងាកមុខមករកគេទាំងឌឺមិនចាញ់គ្នាឡើយ ។
« សប្បាយ...សប្បាយណាស់!! សប្បាយខ្លាំងៗ អួយ៎សប្បាយណាស់ហាសហាស » នាងសើចហារ មាត់ធំៗឌឺដងរាងតូចធ្វើឲ្យ Tae ទ្រាំលែងបានក៏យក ម្សៅក្នុងដៃក្ដាប់បាចទៅលើ Karen ភ្លាម ។
« អឹក...ខឹះ...ជាស្អីហ្នឹងអ្ហាយ៎!!! » នាងទន្រ្ទាំជើង ស្រែកឡើងផ្អើលថ្នាក់ពេលម្សៅចូលភ្នែក ច្រមុះ និងមាត់ពេញៗ គ្នីគ្នាក៏ស្ទុះចូលមើលនាង ។
« Aww សុំទោសផងណា៎ ច្រឡំបាចនឹកស្មានថា Karen ជាពួកប្រែតអត់ឃ្លានទេតើស ហឹម...គួរឲ្យស្ដាយដល់ហើយ » Tae ពេបមាត់ប្រិចភ្នែកធ្វើជាសុំទោសមុននឹងគ្រវីក្បាលហើយបោសដៃដើរចូលទៅកន្លែងអង្គុយខ្លួនឯងឯ Jimin ក៏លួចសើចមិត្តខ្លួនឯង ឃើញស្ងាត់ៗបែបនេះទេតែកុំរករឿងឲ្យសោះមិនចឹង Kim Taehyung លេងមិនដឹងប្រុសស្រីទេ ។
« អ្ហាយ៎ ឯង!! ផ្ញើរទុកសិនចុះ » Karen ចង្អុលមុខ រាងតូចទាំងកំហឹងរួចរត់ទៅបន្ទប់ទឹកដោយមានគ្នីគ្នារត់ទៅតាមស្របផ្លូវ Jungkook ដើរមកថ្នាក់រៀនវិញ ល្មម ។
« ចង់នាំគ្នាទៅណាមិនរៀនទេហ្អេ៎? » Jungkook
« គឺ...គឺពួកខ្ញុំសុំទៅបន្ទប់ទឹកមួយភ្លែតលោកគ្រូ » ស្រីម្នាក់ឆ្លើយជំនួស Karen ដែលអោនខ្ទប់មុខខ្នងនាងខ្លាចខ្មាសរាងក្រាស ។
« អ៎ទៅចុះចឹង ឆាប់មកវិញ » Jungkook
« ចាស » ពួកនាងអោនខ្នងទើបនាំគ្នាទៅឯនាយក៏ ដើរចូលថ្នាក់វិញដោយមិនភ្លេចចោលភ្នែកមើលទៅ រាងតូចដែលអង្គុយធ្វើហីៗ មុខស្មើមិនប្រែ តែកុំភ្លេចថានៅមិនទាន់និយាយគ្នាដាច់ស្រេចកុំចង់រត់គេចពីគេឲ្យសោះ ។
Skip៚
< គ្រឺង... > កណ្ដឹងសាលារោទិ៍សម្លេង សិស្សគ្រប់គ្នានាំគ្នាចេញទៅអស់ឯ Jungkook ក៏រហ័សដើរ តាម Tae ដើម្បីនិយាយគ្នាឲ្យទាល់តែបាន ។
« Taehyung ពួកយើងមានរឿងត្រូវឃ្លាគ្នាសិន » នាយនិយាយឡើងធ្វើឲ្យរាងតូចគៀសអណ្ដាតទល់ថ្ពាល់ទាំងធុញទ្រាន់ ។
« ចឹងយើងទៅមុនហើយ ជម្រាបលាលោកគ្រូ » Jimin យល់ការណ៍ទើបទៅមុនឯ Jungkook ក៏ដើរ មកឈរទល់មុខរាងតូច ។
« ហេតុអីចាំឲ្យតែគ្រូហៅមុនរហូតចឹង? » ព្រោះម្សិលមិញក៏ចឹង ព្រឹកមិញនេះក៏ចឹង អំបាញ់មិញក៏ចឹង ទៀត Jungkook តែងតែជាអ្នកហៅមុនរហូតទាំងដែល Tae មិនខ្វល់ពីគេសោះ ។
« ព្រោះខ្ញុំមិនចង់និយាយជាមួយលោកគ្រូ ប៉ុណ្ណឹងឃ្លាទេ? » រាងតូចនិយាយហើយក៏ដើរបុកដៃរាងក្រាសធ្វើឲ្យ Jungkook នឹកអស់សំណើចកាន់តែ ចង់ឈ្នះក្មេងសម្ដីបានម្នាក់នេះរឹតតែខ្លាំងហើយ ។
« អួយ៎!! » Tae លាន់មាត់ពេល Jungkook ស្រាប់តែទាញដៃគេទីណាត់ទីណែងទៅក្បែរអាគារស្ងាត់គ្មានមនុស្សមុននឹងរុញគេទៅផ្អឹបខ្នងនឹងជញ្ជាំងឯដៃធំៗទាំងពីរក៏ឃាំងនៅសងខាងក្បាលរាងតូចមិន
អនុញ្ញាតឲ្យទៅណាបានឡើយ ។
« លោកគ្រូចង់លេងស្អី? ខ្ញុំគ្មានពេលកំដរលោកទេ » Tae បម្រុងនឹងចេញតែរាងក្រាសឃាំងជាប់ ។
« ខ្ញុំ!! ជាគ្រូ មានសិទ្ធិនិយាយណែនាំប្រដៅកូន សិស្សដូចជាឯងបានដូចនេះឯងមិនគួរប្រើសម្ដីមិនល្អមកលើខ្ញុំទេ នៅផ្ទះប៉ាម៉ាក់មិនបង្រៀនពីរបៀប និយាយស្ដីជាមួយមនុស្សចាស់ទេហ្អេ៎? » ប្រយោគចុងក្រោយរបស់នាយធ្វើឲ្យ Tae អស់សំណើចឡើងមក អស់សំណើចដែលគេនិយាយត្រូវ ប៉ា? ម៉ាក់? គេគ្មាននៅសល់អ្នកណាស្រាប់ហើយ ។
« សើចធ្វើអី? កំប្លែងណាស់ហ្អេ៎? » Jungkook សួរទាំងមិនយល់ ក្មេងនេះចម្លែកខុសគេ ពេលនិយាយជាមួយធម្មតាក៏ធ្វើមុខមិនរាប់ញាតិ ពេលប្រដៅក៏សើចគ្មានហេតុផល គេកាន់តែចង់ស្វែងយល់ហើយ ។
« ត្រូវហើយ!! កំប្លែងមែនទែន នេះលោកគ្រូឈប់ធ្វើគ្រូទៅធ្វើអ្នកកំប្លែងវិញល្អទេ? » Tae សួរបកឌឺដងឲ្យរាងក្រាសរឹតតែខឹងហើយ ។
« Kim Taehyung!! » Jungkook
« អូ៎អ្នកគ្រូ!! » លឺរាងតូចហៅអ្នកណានៅក្រោយ ខ្នងទើប Jungkook ងាកមកតាមតែគ្មានឃើញអ្នកណានោះទេ ។
« អូយ៎!! » នាយស្រែកឡើងពេល Tae លើកជង្គង់អុកកូនតូចក្នុងខោមួយទំហឹងរួចឆ្លៀតឱកាសរត់ចេញទៅបណ្ដោយឲ្យ Jungkook ក្ដោបខោទាំងអួលឈឺជាលើកទីពីរ បើមានលើកទីបីណា៎គេស្បថថានឹងប្រដៅក្មេងនេះឲ្យបាក់ស្បាតម្ដងមិនខាន ។
« ល្ងង់ៗបែបហ្នឹងធ្វើស្អីយើងកើតទៅ ឆើស!! » រាងតូចដើរបណ្ដើរលួចដៀលរាងក្រាសបណ្ដើរ ចាញ់បោកគេឲ្យទាល់តែបាន តែដើរសុខៗជើងទាំងគូក៏ឈប់ឆ្ងក់ពេលឃើញ Dun ឈរចាំជាមួយឡាននៅខាងមុខសាលាស្រាប់ថែមទាំងបើកទ្វារឡានចាំរួចស្រេចទៀតផង ។
« អញ្ជើញអ្នកប្រុស » Dun ញញឹមពព្រាយហៅរាងតូចឲ្យចូលឡានតែ Tae ក៏ដើរវៀងទៅផ្លូវផ្សេងធ្វើឲ្យ Dun អស់ជម្រើសមានតែចាប់បង្ខំតាមបញ្ជាលោកម្ចាស់តែម្ដង ។
« ពូDunលែងខ្ញុំ!! ខ្ញុំមិនទៅទេ លែង!! » រាងតូចស្រែកផងវាយខ្នងតៃកុងឡានផង ព្រោះ Dun ចាប់លីគេដាក់លើស្មារដើរមកឡានវិញតែម្ដង ។
« ព្រឹកមិញនេះអ្នកប្រុសសួរខ្ញុំថាចុះបើលោកម្ចាស់ប្រើឲ្យខ្ញុំទៅចាប់ជម្រិតអ្នកណាខ្ញុំទៅឬអត់មែនទេ? » Dun
« ហើយយ៉ាងម៉េច? » Tae
« ចម្លើយរបស់ខ្ញុំនោះគឺ បាទ » Dun និយាយរួច
ដាក់ចៅហ្វាយតូចចុះមុននឹងរុញគេឲ្យអង្គុយក្នុងឡានហើយបិទទ្វារចាក់គន្លឹះភ្លាមមិនឲ្យរត់ប្រសេចប្រសាចទៀតនោះទេ ចំណែក Donghae គាត់បានឲ្យជូនទៅផ្ទះមុនរួចហើយទើបត្រឡប់មកយក Tae វិញ ។
« ពូDun ធ្វើចឹងដាក់ខ្ញុំមិនបានទេណា៎!! ខ្ញុំមិនចង់ ទៅអាការណាត់ស្អីគេនោះទេ ខ្ញុំស្អប់!! » Tae និយាយធ្វើមុខមិនពេញចិត្ត ឲ្យតែណាត់ជាមួយប៉ាគេគឺសុទ្ធតែគួរឲ្យធុញទាំងអស់ហ្នឹង ។
« សាកទៅម្ដងមើលអ្នកប្រុស បើមិនពេញចិត្តទេចាំខ្ញុំជូនអ្នកប្រុសទៅផ្ទះវិញភ្លាម » គាត់ធានាអះអាងធ្វើឲ្យរាងតូចជ្រួញច្រមុះសម្លក់ហើយក៏បែរទៅមើលអ្វីផ្សេងតាមកញ្ចក់ឡានទើប Dun អស់សំណើចរួច បើកឡានជូន Tae ទៅកន្លែងមួយដើម្បីរៀបចំខ្លួនទៅតាមការណាត់ ។
To be continued.....🍒🍞🍤