@New Day
_ Tae ភ្ញាក់ពីព្រឹកដើម្បីរៀបចំខ្លួនទៅសាលាដូច រាល់ដងរួចលេបថ្នាំមុននឹងចុះមកញ៊ាំអាហារពេល ព្រឹកដោយមិនខ្វល់ពីមនុស្សរួមតុឡើយ ។
« លោកបង... » នៅសុខៗអ្នកស្រី Mori និយាយឡើងទើបលោកម្ចាស់បែរមុខមករកគាត់ ។
« គឺថា Donghae ទើបតែចូលរៀនថ្នាក់វិទ្យាល័យថ្ងៃនេះ » Mori
« ហើយយ៉ាងម៉េច? » Mr Kim
« តើបងអាចជូនគេទៅសាលាផងបានទេ? ជួនជាខ្ញុំត្រូវទៅជួបមិត្តភក្តិទើបមិនបានទៅ » គាត់និយាយដូចជាក្រែងចិត្តធ្វើឲ្យ Tae លឺហើយអស់សំណើច ដល់ថ្នាក់បញ្ចេញមកព្រោះតែគេដឹងថារឿងរវល់របស់ម្ដាយចុងជារឿងបែបអត់ប្រយោជន៍ ទៅជុំគ្នាជាមួយពួកជំទាវៗផឹកតែនិយាយដើមគេនោះអី ។
« Tae អស់សំណើចរឿងអីដែរ? » អ្នកស្រី Mori សង្កត់ចិត្តសួរទាំងញញឹមដែលកូនចុងបែរជាសើចឌឺដងឲ្យខ្លួន ។
« ក៏...គ្រាន់តែចង់សើចជំនួសអាល្អិតទេដឹង? អេ៎... តាមពិតទៅកូនអនាថាដូចខ្ញុំជួនកាលក៏ល្អជាងដែរ តើសមែនទេអាល្អិត? » រាងតូចញាក់ចិញ្ចើមដាក់ Donghae ដែលមានអាយុទើបតែ13ឆ្នាំ អង្គុយញ៊ាំ បាយយ៉ាងស្ងៀម លើមុខក៏មានពាក់វ៉ែនតាធំៗព្រោះម៉ាក់គេបង្ខំឲ្យរៀននិងមើលសៀវភៅច្រើនពេកទើបធ្វើឲ្យភ្នែកមានបញ្ហាត្រូវពាក់វ៉ែនតាបែបនេះ ដែល សំខាន់នោះអាល្អិតក៏មិនហ៊ានស្និទ្ធស្នាលជាមួយ Tae ដែរ ជាកូនប្រពន្ធដើមដែលចូលចិត្តកូនប្រពន្ធចុងមក ពីណា?
« ឯងនិយាយនេះចង់បានន័យថាម៉េច? » អ្នកស្រី Mori នៅតែញញឹមសួរនាំ ឯTae ក៏មិនខ្ចីឆ្លើយស៊ាំញ៊ាំសម្លឹងមុខគាត់ឆ្លាស់គ្នាជាមួយនឹងលោកប៉ារួចទម្លាក់ស្លាបព្រាចុះលើចានមិនថ្នមដៃបង្កជាសម្លេងរំខានទើបទាញកាតាបដើរសំដៅទៅឡានខាងក្រៅ ។
« Donghae!! » Mr Kim
« បាទ » Donghae
« ទៅសាលាជាមួយបងប្រុសទៅ » Mr Kim
« ប៉ុន្តែលោកបង... » អ្នកស្រី Mori មានបំណង ចង់ជំទាស់តែលោកម្ចាស់ក៏និយាយកាត់ ។
« ឆាប់ទៅ » រាងចំណាស់តឿនធ្វើឲ្យអាល្អិតសម្លឹងមុខម៉ាក់គេ ពេលគាត់ងក់ក្បាលទើបគេទាញកាតាបឡើង ។
« ខ្ញុំទៅសាលាហើយ » Donghae អោនលា មនុស្សចាស់ទាំងពីរហើយដើរមកឡានតាមពី ក្រោយបងប្រុស គ្រាន់តែDunបើកទ្វារឲ្យចូល គេក៏ជួបនឹងកែវភ្នែកកាចៗរបស់បងប្រុសធ្វើឲ្យខ្លាចមិន ហ៊ានចូលនោះទេ ។
« ឆាប់ចូលទៅអ្នកប្រុសតូច » Dun តឿនធ្វើឲ្យTae ខិតទៅម្ខាងរួចទាញទូរស័ព្ទមកចុចទើប Donghae ដើរចូលទៅហើយអោបកាតាបអង្គុយយ៉ាងស្ងៀមខ្លាចធ្វើឲ្យបងប្រុសខឹង ។
« ពូDun!! ពេលថ្ងៃត្រង់ទៅទទួលតែគេបានហើយ មិនបាច់ចាំខ្ញុំទេ » Tae ប្រាប់ទាំងដៃចុចទូរស័ព្ទមិនឈប់ ។
« តែលោកម្ចាស់ថាថ្ងៃនេះត្រូវតែនាំអ្នកប្រុសទៅ តាមការណាត់ឲ្យបាន អ្នកប្រុសកុំរត់គេចទៀតអីណា៎ » Dun
« គាត់ឲ្យធ្វើអីពូក៏ធ្វើ ចុះបើគាត់ប្រើឲ្យពូទៅចាប់ជម្រិតអ្នកណាពូក៏ទៅដែរចឹងហ្អេ៎? » Tae និយាយទាំងទឹកមុខធុញទ្រាន់និងមិនពេញចិត្តមកជាមួយគ្នាធ្វើឲ្យ Dun មិនហ៊ាននិយាយអីតទៀត ជាពិសេសគឺ Donghae ពេលឃើញ Tae និយាយស្ដីបែបនេះ គេកាន់តែខ្លាចលើសដើមមុននឹងខិតឲ្យឆ្ងាយពីបង ប្រុសទៅទ្វារឡានសឹងតែធ្លាក់ពីឡានជ្រុះតាមផ្លូវទៅ ហើយ ។
< ងុឺត!! > រថយន្តបានមកដល់ខាងមុខសាលា Tae ក៏បើកទ្វារដើរចុះមកចោល Donghae ដែលដើរ យឺតៗតាមក្រោយទាំងមិនដឹងថាថ្នាក់ខ្លួនឯងនៅឯណានោះទេ ធ្វើឲ្យរាងតូចចាប់អារម្មណ៍ដឹងមុននឹង បែរខ្នងមករកគេ ។
« ឯងរៀនអគារមួយណា? » Tae
« ខ្ញុំ...ខ្ញុំអត់ដឹងទេបងប្រុស » អាល្អិតគ្រវីក្បាល តាមនិស្ស័យមនុស្សពូកែខ្លាចអ្នកដទៃ ណាមួយគេ មិនដែលមានមិត្តទេគិតតែពីរៀនរហូត ។
« ឯណាកាត? » លឺរាងតូចសួរទើប Donghae ទាញកាតពីក្នុងកាតាបឲ្យ ។
« នៅជិតអគារយើងតើស ដើរតាមមក » Tae
សម្លក់បន្តិចទើបនាំផ្លូវគេ ដែលជួយនាំទៅនេះមិន មែនរាប់ជាប្អូនទេតែគេមិនមែនជាមនុស្សអត់ចិត្តដែលឃើញមនុស្សល្ងង់ហើយធ្វើជាមិនខ្វល់នោះទេ។
« បាទ...បាទ...ខ្ញុំដឹងហើយម៉ាក់ ជម្រាបលា » Jungkook ដែលកំពុងដើរបណ្ដើរនិយាយទូរស័ព្ទ បណ្ដើរ ម្សិលមិញជាលោកប៉ាហើយថ្ងៃនេះក៏ជាអ្នក ម៉ាក់ម្ដងតឿនឲ្យទៅជួបគូណាត់មិនលោះថ្ងៃសោះ ព្រោះពេលនេះនាយអាយុ24ឆ្នាំទៅហើយទើបពួកគាត់ត្រូវបង្ខំដើម្បីឲ្យឆាប់មានចៅពរនឹងគេ ។ ពេលដើរសុខៗក៏ក្រឡេកឃើញ Tae ទើបនាយទុកទូរស័ព្ទរួចដើរទៅរក ។
« Taehyung!! » រាងតូចកាលបើលឺអ្នកហៅ ឈ្មោះហើយងាកទៅឃើញថាជាគ្រូល្មោភកាមកាលពីម្សិលមិញក៏សម្លក់ឲ្យថ្លែតែម្ដង ។
« ថ្ងៃនេះមកពីព្រឹកដល់ហើយន៎ » Jungkook និយាយរាក់ទាក់ដូចស្គាល់គ្នាមករាប់សិបឆ្នាំហើយចឹង ។
« ខ្ញុំជាមិត្តលេងសើចរបស់លោកគ្រូហ្អេ៎? » Tae សួរមុខស្មើ កំពុងតែមិនចូលចិត្តស្រាប់ផងមកនិយាយ ស្និទ្ធបែបនេះ គេមិនចូលចិត្ត ។
« អត់ទេ ជាសិស្ស » Jungkook
« បើអ៊ីចឹងជួយធ្វើខ្លួនឲ្យសមជាគ្រូផង មិនមែនមក និយាយលេងសើចជាមួយសិស្សចឹងទេ » រាងតូច ប្រដៅចំៗហើយដើរហួសទុកឲ្យរាងក្រាសស្លើម្នាក់ ឯង ។
« បានន័យថាខ្ញុំជាអ្នកខុស? » Jungkook ចង្អុលមកខ្លួនឯងសួរខ្លួនឯង គ្រាន់តែរាក់ទាក់ក៏គេខុសដែរចឹងឬ?
« អគារនៅខាងមុខឡើងទៅជាន់ទីពីរទៅដល់ថ្នាក់ឯងហើយ » Tae
« អរគុណបងប្រុស » Donghae អោនខ្នងអរគុណបងប្រុសមុននឹងដើរទៅឯរាងតូចក៏ហួសទៅអគារខ្លួន ដែលនៅក្បែរគ្នាដែរ ។
_ Tae ដើរមកដល់ថ្នាក់ក៏បានជួបនឹងក្រុម Karen ដែលឈរដូចជាចាំគេស្រាប់ មើលមុខម្នាក់ៗចង់រក រឿងគេច្បាស់ណាស់ ទើបរាងតូចមិនខ្វល់ដើរទៅ ដល់ពីមុខថ្នាក់ក៏ឃើញដងអំបោសឃាំងមាត់ទ្វារជាប់ប្រហែលជាដាក់ដើម្បីឲ្យ Tae ដើរប៉ះច្បាស់ជាមានអ្វីធ្លាក់ពីលើមិនខាន ។
« IQ ទាបមែនទែន » រាងតូចនិយាយក្នុងចិត្តគ្រវី ក្បាល ល្បិចនេះពួកនាងធ្វើដាក់គេប៉ុន្មានដងហើយតែ Tae ដឹងបានមុនរហូតមិនដែលធ្វើឲ្យពួកនាងជោគជ័យម្ដងណានោះទេ ។
« អា៎វ...នាំគ្នាឈរធ្វើអីឆាប់ចូលថ្នាក់ទៅ » Jungkook ដើរមកដល់ប្រាប់ពួកនាងរួចដើរចូលថ្នាក់ដោយមិនបានចាប់អារម្មណ៍នឹងដងអំបោសក៏ ទាក់ជើងដួលទៅក្នុងថ្នាក់ធ្វើឲ្យទឹកមួយកាធុនធ្លាក់ចុះមកសើមខ្លួននាយជោគ នៅមានម្សៅមីដែល Karen ចងទុកក្បែរនោះក៏ធ្លាក់មកលើ Jungkook មួយតង់ ទៀត ពេលនេះក្បាលនិងមុខនាយពេញទៅដោយ ម្សៅដូចតួកំប្លែង សិស្សគ្រប់គ្នាសើចនឹងរូបរាងគេឡើងលាន់ពេញថ្នាក់តែម្ដង ។
« លោក...លោកគ្រូ... » Karen ចង់ហៅ Jungkook ក៏ហៅមិនចេញខ្លាចគេដឹងថាក្រុមនាងជាអ្នកធ្វើ ។
« អ្នកណាលេងសើចបែបនេះ? អ្នកណា? » រាងក្រាសងើបឈរឡើងទាំងខឹងពេញខ្លួន បង្រៀនមិនទាន់បានពីរថ្ងៃផងក៏ជួបរឿងបែបនេះទៅហើយឯTae ក៏មិនមាត់ឈរមើលគេទាំងអស់សំណើចក្នុងចិត្ត ម្សិលមិញល្មោភកាមដាក់គេ ថ្ងៃនេះក៏ជួបរឿងស៊យជំនួសគេវិញទាល់តែបាន ។
« កុំឲ្យខ្ញុំដឹងឲ្យសោះថាអ្នកណាជាអ្នកធ្វើ មិនចឹងពិន្ទុប្រឡងខែនេះខ្ញុំឲ្យធ្លាក់ស្វ័យប្រវត្តិហើយ » Jungkook សួរឡើងបែបខឹងពិតមែនទើបភ្លាមនោះ Karen ក៏ចង្អុលទៅ Tae ភ្លាម ។
« គឺ Kim Taehyung ជាអ្នកធ្វើលោកគ្រូ!! » រាងតូចបើកភ្នែកធំៗសឹងមិនចង់ជឿថានាងទម្លាក់កំហុសមកឲ្យគេ ដែលពេលនេះ Jungkook ក៏សម្លឹងមុខគេថែមទៀត ។
« Kim Taehyung ទៅជាមួយខ្ញុំភ្លាម » រាងក្រាសថាហើយក៏ទាញដៃរាងតូចទៅតាមខ្លួនធ្វើឲ្យ Tae ងាកមកសម្លក់ Karen ដែលឈរអោបដៃញញឹមជាមួយគ្នីគ្នាពេលធ្វើបាបគេទាល់តែបានសម្រេច
ចាំមើលតែ Jungkook ធ្វើអីគេ ច្បាស់ណាស់ថាគេ នឹងសងសឹកពួកនាងវិញដូចគ្នាដែរ ។
To be continued......🍑❤️