#زوج أختي والماضي
بقلمي انا الكاتبة #رواء هادي
تابعوا حسابي على الانستغرامroyan4h@
لاتنسون تعلقون بين الفقرات وتخلون لايك قبل القراءة تشجيع لي من أجل الاستمرار ...
قراءة ممتعة للجميع.
رحت كعدت بالغرفة حابسة دموعي ماريد ابجي بعد كافي شيفيد البجي والقهر هاهيه نحكم علية بزواج من
حمزة وراح اعيش ويا طول حياتي
الله كاتبها لي بهالدنيا .
سمعت ابوي ...يكول بعد من اليوم للحوزة ماكو روحة تبطل وتنجب بالبيت من كال هيج غصبا علية نزلت دمعتي
جان حلم عندي اكمل دراسة بالحوزة
واني مبقالي شي فقط أشهر قليلة وتخرج
منهاواصير ملاية رسميا
شسوي هم الله مكاتبلي اكمل دراسة بالحوزة مرت الايام بسرعة بسرعة وجرح ايدي بعده مطايب نزعت ضمادة
الجرح جانن الخيوط ناشفات
حاولت اسحب منهن شوي شوي توجعت هن قسم منهن واكع جان شفت دم طلع شوي عفت كلشي كمت جبت قطعة
كلينس مسحت الدم رجعت لفيتهم
حمزة" وقت العصر طلعنا بره نفتر أني واخواتي وامي ومرام اجت ويانه يريدون يذبون الأسود وامي كالت اذبه
على ملابس جديدة
اشتروا ملابس .. واني بقيت افتر وياهم رادوا يدخلون للمول مقبل كلت هم يلا نرجع راح تغرب الشمس
وانتوا تفترون بالأسواق
سمعوا الكلام رجعنا على البيت مرام بقت عدنا على العشة كعدنا بالصالة شفت مرام طلعت من غرفة امي شايلة
مصطفى كعدت كبالي
مرام _ حمزة يشبهك هواي
حمزة _ طبعا يشبه ابوه قابل يشبهج أنتِ
مرام _ هنيالك لو يشبهني والله
حمزة _ شفه صغيرة مبوزة وجه اسمر حيل شحالج
مرام _ صدك حمزة شحالني ؟
حمزة _ ايي والله محلوة محمد احلى منج ابيض وأنتِ زركة
مرام _محمد طالع على خوالي واني طالعة على عمامي شسوي
حمزة _ قصدج على امي
مرام _ وهاي أنت كلتها
حمزة _ يممه يممه تعالي مرام تكول أنتِ زركة
مرام _ عزززة العزاك حمزة اسكت رحتلك فدوة
والله تضربني حمززة
حمزة _ ليش تكولين امي زركة مدام تخافين منها
مرام _والله مكلت زركة كلت طالعة على
عمامي وانت لفت الشغلة علية
اجت عمتي صات _ شبيك تصيح
حمزة التفتت عليها "
يمه هذا مصطفى مدري شبي دا يشهك
امي _ لازمته الشهيكة ؟
حمزة _ ايي
امي_ عادي هسه ربع ساعة وتروح واني شوف شعبالي
حمزة _ ههههه تعالي اكعدي
امي _ اروح اسوي العشة
حمزة _ خل رشا اخلاص يطبخون أنتِ شكو بالطبخ
امي _ محب احد يطبخ بمكاني وثاني شي اكلهم موطيب
مرام _ هسه تجي مرت حمزة زهراء وتطبخ بمكانج
عمتي _ شوكت تجي والله خوش تطبخ
وطبخها طيب راح اعتمد عليها
حمزة ابتسمت وكلت لامي "
شوكت نروح
عمتي _ باجر ان شاء الله الصبح
مرام _ عمه اني هم اجي وياكم فدوة
عمتي _ كولي لاهلج وتعالي
مرام _ماشي
راحت أمي جوه المطبخ التفتت على مرام اضحك
_شسوين ترحين ويانه ؟
_ اريد ازور وثاني شي اريد اشوف وجه زهراء شلونه
_ شلونه يخبل
_ اي هي حلوة ما انكر بس اكيد مجبورة عليك هسه شتكول
_ طبعا مجبورة لعد تردينها تقبل بي
_ وانت تقبل بوحدة مجبورة عليك
_ اقبل ليش ماقبل اليوم نجبرت باجر تشكر ربها
و أهلها لان جبروها علية
_بلا ليش تشكر أهلها ؟
_ شكد تسألين صايرة كومي انطيني ابني
خل ابوس صاير ابو خدود
_ ايي والله صايرات عنده خديدات حلوات اممم
_ على عمته اخلاص ام خدود ههههههه
_ هههههه
كامت انطتنياه وره الاذان العصر اجه محمد عازمته أمي اجه دخل سلم وطلب مصلاية يصلي ابوي تفاجئ
حيل وكاله
_ تصلي صاير ؟
_الحمدالله عمي
_عفيه عليك من شوكت كمت تذكر ربك ؟
_صارلي اربع أيام والله
_وتركت السكر ولعربده لو بعدك
_تركت كلشي وبعد ما امشي بطريق سوء بس
امشي بطريق الصح
_ هسه اكول حلال تمشي وي حمزة
_ قبل حرام ؟
_ اني منعت حمزة من دربك لان جنت موخوش
ادمي ولد عار وهسه ...
_اكبر عار جنت هههههه
_تضحك
_شسوي لعد ابجي جان طايح حظي وهسه وعيت على الدنيا
_الدنيا متسوى تره خليك قريب من ربك وشوف
شلون راح يوفقك
_ان شاء الله ابقى على هذا الطريق ومانحدر منه
_ اضبط نفسك بنفسك وشوف شلون مراح
تنحدر عن هذا الطريق
_الله كريم عمي
فرشت له المصلاية راح توضه ورجع بس
اني ويا بالاستقبال ابتسمت
_عمدتا سويتها كبال ابوي
_ ايي علمود يخليك تمشي وياي هههه
_ اخاف جذب ما تصلي ؟
_ لا والله تركت كلشي وراح امشي بطريق الصح احسلي والله
_ احسلك
_وانت شوكت تبطل
_ واني شعندي لا اشرب ولا اروح للملاهي الحمدالله
صايم ومصلي وقاري قرأن
_ وزهراء ؟
_شبيها زهراء
_راح تكون مرتك واني متأكد هي مجبورة عليك
_ واذا جبروها
_مو حرام تنجبر البنية على رجال ماتريده
_ انجب صاير سيد براسي يعرف الحلال عن الحرام
مايهمني حرام لو حلال المهم اني اريدها
_ ان شاء الله تطلع مامجبورة
_لا مجبورة
_منو كالك
_ اعرف وخلص يلا كمل صلاة ميت من الجوع ترى
كمل صلاة جابولنا العشة بالاستقبال اكلت اني ويا وابوي وأمي رشا وسيف طالعين بره يتعشون بالمطعم والبنات اكلن بالمطبخ وآخيرا كدرت اجتمع بضلعي حبيب قلبي لمافاركني من ايام الابتدائية لحد أيام الجامعة وياي بكلشي كملنا العشة
اخذت مرام بسيارة مالتي
هو ورانا بالموطور نزلتها ......كبال باب اهلها هو دخل الموطور جوه واجه صعد وياي رحنا للمول نفتر ساعة وطلعنا نفتر بشوارع بغداد سوالف وشقا وضحك كضيناها حس بي شوي متغير جان يغلط ويسب بالعالم لتسوق اعود هسه
ساكت كلمة وحدة ميحجي
رجعته البيتهم وكفت السيارة قبل لا ينزل كال
_جاي وياك باجر
_أهلا بيك حبيبي
_ اريد اشوفك شسوي ماتسوي يلملعون
_ ههههه شسوي قابل هي نكطع مهر سيد وخلص
_خل نكطع المهر بلامام شتكول
_والله فكرة حلوة هي طلبتها من امام علي (ع)
السلام قبل أشهر وحققلي هاي لامنية
_ خبيث بس الله وأهل البيت يلبولك مطالبك
بسرعة ؟ بس علمود تصلح
_ونعم بالله وأهل البيت (ع ) والله صالح أني بس
غير هم مايكعدون راحة مني
_ هههه انت بلاول اكعد راحة علمود يكعدون منك
_ الله كريم اكعد راحة
_ تصبح على خير
_وانت من آهل الخير حمودي الوردة
نزل سد الباب اشرلي بايده اتحرك حركت رجعت على البيت طول الطريق افكر شلون راح يكون باجر شلون راح تكون نظرات زهراء الية ؟
زهراء بالليل اجت هند وريان كتلها لصار تفاجأت حيل مقبلت على قرار أبوي وكالت ظلم ظلم ليش هيج يسوي
وياج شنو أنتِ عبدة عنده
لو بنتة هذا شبي تخبل خووب تخبل
كتلها الكلام ميفيد ... وياه مقرر وخلص لو منو
يجي مراح يغير شي
_ هاي كلها عمايل مرته الحية ام السحورة
_ اكيد عمايلها هي علمود ابن بتها
_ انعل ابوه ابن بتها وانتِ شكو بي شكو ياربي زهراء راح تزوجين حمزة قليل الاخلاق والشرف شلون
راح تكون حياتج ويا
ولج دا اتخيل المواقف الصعبه من هسه شلون راح يضربج ويجبرج على كلشي متريدينه لج الله زهورة
_ لي الله وان شاء الله ي ....
_ يعاملج بحب وحترام تردين ؟
_ شكول بعد غير هاي الكلمات هاهيه باجر
راح يجون نكطع مهر السيد
_ بهالسرعة ؟
_ ايي بهاللسرعة
_ ان شاء الله يموت عمي باجر علمود مانطيج له
_ لا تدعين مراح يمووت منظيني له منظيني
_زهراء سؤال
_كولي ؟
_ راح تتقبلي بي كِ زوج وتحققي له كلشي من مطالب
_ هه اكيد لا
_ صدك تحجين
_ ايي والله مراح اخلي يقتربلي ولا يجيس شعرة وحدة من شعر راسي راح اخذه كله علمود مصطفى
مو علموده هو
_ وتتوقعين راح يقبل
_طبه مرض ألف مرة قبل ولماقبل
_والله يجبرج وياخذ الليةريده هو قبل بالحرام جان يريدج وهسه راح تصيري مرته بالحلال تردين يعوفج
براحتج ومايقتربلج
_ هههههه لو يمووت مراح أقبل بي ولا اخلي يقتربلي اني راح اخذه علمود مصطفى وبس
_ اضحكي والله وره هالضحكات بجيات طويلة
_ ليش تخوفيني ؟
_مو مالت اخوفج بس هاي حقيقة أنتِ مره هو
رجال مالج شي كبالة
_ اكدر اصدى والله واني راح اتفق ويا باجر على
كلشي يلا اوافق اكطع مهر
_ شلون يعني
_ راح اكولة أقبل بيك بس بشرط مراح تقتربلي أبد راح اخذك علمود ابن اختي واذا قبل اقبل بس واذا لا مراح
اقبل وشيصير خل يصير والله
_ وانتِ تكدري عليه راح يكول موافق وبس
تصيرين عنده بالغرفة يلعب جولة
_واني غبية
_ والله بعد مدري بس اكول ان شاء الله يقبل
بشرطج برغم صعب حيل عليه راح
_ عوزي والله لو اخلي يقتربلي هو اني اقرف من عنده ومن شوفت وجه انوب ينام وياي
_ والله هذا حظج يزهورة شمرج عليه
_اي والله حظي المصخم
_سؤال ثاني
_كولي
_واذا أهله دروا بالشرط راح تكون مشاكل مالها حلول
_ مراح نكول احنا زواجنا بس على الوراق كبالهم
مزوجين بس بالغرفة غربة عن بعض
_ مخططة الكلشي والله
_والله نجبرت على هاي التصرفات واني ادري حرام علية وراح تلعني الملائكة السماء على منع زوجي من
حقوقة الشرعية
_ كله صوج أهلج وانتِ هم مجبورة وحرام يقتربلج
_ اي صح مجبورة ومو برضاتي راح يصير هذا الزواج
_الله لايوفق ابوج
_اللهم آمين كرهته حيل والله
_أستغفر الله واتوب إليه هذا مو أبوه والله هذا
وحش بدون قلب لو مشاعر
_قلبة من حجر مصنوع تجاه اولادة من مرته الأولى وقلبه من طين كبال اولادة من مرته الثانية بس من يمنه
قلبه حجري
_ طاح حظك عمي طاح
هند تحجي ....واني دمعتي بطرف عيوني مكدر ابجي كبالها وحتى مكتلها قطعت شرايين ايديني علمود انتحر
واخلص من هل الدنيا بقيت ساكتة
ريان درة بس .... مكال شي ولا تدخل يعرف ابوي شنو ومن ياخذ قرار من سابع المستحيلات يرجع راحوا قبل الاذان
المغرب بالليل اجت مرت ابوي وابوي
كالوا انزعي الاسود ولبسي ألوان حلوة باجر موعد الخطبة يكون العصر بقيت اسمع والكلام صعب علية حيل مصارلها ثلاث اشهر من دفناها ويردوني انزع الاسود عليها اسمع
الكلام بحرف الواحد واني بقلبي نار
مشتعلة عليهم طلعت مرته علاكة سودة...... من
جوه العباية شمرتها علية وكالت
_ هاي جبتلج دشداشة باجر لبسيها بالخطبه وكومي هسه انزعي الاسود وتعالي خل نشوفها عليج
لزمتها بأيديه بقوة ردت اكوم بيها بالرزايل هاي معدها قلب بتها ميته مصارلها ثلاث أشهر وهي تريد تزوج زوجها لاختها
ابوي _ كومي شبيج تباعين على العلاكة
اخذتها بايدي وكمت أمشي بتجاه الغرفة دخلت سديت الباب بكل هدوء اخذت نفس طويل جريت وي
النفس كل حسرة وألم
فتحت العلاكة شوي طلع للون الدشداشة جويتي غامض بي تطريز ذهبي طلعتها من العلاكة جانت زي مغربي
بسعر غالي حيل
تفاجأت آول مرة يجبولي شي غالي وحلو كذالك بقيت تأمل الدشداشة بكل حسرة واختي بين اعيوني صايرة احسها
واكفه بصفي وتحجي وياي
سمعت صوت مرت ابوي تكول ... وين صرتي ؟
رديت_ ثواني خاله
همست بكل حقد وكره عليها ، الله ياخذج فرحانة
لموتت بنتها تفووو
نزعت الشال الاسود خليته بالكاع واكفه كبال المراية شعري ظافرته ظفيرة مسويته طوبة جبيرة شعري طويل
حيل جازي خصري
بعد شبر واحد ويوصل ..الركبي باللون البني ضخين وكلش حلو احبه حيل وابد ما مخليه عليه المقص نزعت
الدشداشة السودة
اخذت الزي المغربي ولبسته عدلته على جسمي بقياسي جان رفعت راسي نصدمت بشكلي تغير ٩٥ درجة من نزعت لاسود جان ضام جمالي ومظهر شكلي
طلعت غير شكل برغم...... وجي شاحب وهالات سودة جوه عيوني صايرة منورة السهر والبجي طول الليل بس
حسرة داخل قلبي باقية
هذا ابوي ومرته ليش هيج يتصرفون ؟ ليش يردوني اني اكون مره الحمزة من بين كل هاي البنات ؟ اخذت الشال
بايد ي شمرته على راسي
بس وطلعت كبالهم باوعولي كلها بيبي
ابتسمت قبل لكول وكالت
_يحرسج علي ابو الحسن طالعة تخبلين بالعافية عليج
مرت ابوي _ شفت ابو حسين مو كلتلك تناسبها
وراح تطلعها حلوة
ابوي _ اي والله بالعافية يابه
زهراء _ الله يعافيك يابه
كعدت يم بيبي شبعانه قهر من بين لكل بس اني لابسه ألوان مرت ابوي تنهدت وكالت
_عيني ريتاج وام حسين انزعوا الاسود بعد
امي _ ياا خيه شلون ننزع الاسود مايصير ننزع هسه
مرت ابوي _ لا عيني لا مريد احد يحزن ويلبس اسود هي بعد راحت قابل الاسود يردها وهاي جنتج حامل جديد خل تنزع وأنتِ هم انزعي بعد وخل فالله عليكم حزنتوا ويانه
رد امي عليها _تنزع الاسود ريتاج بس اني لا
مراح انزع انفال بنتي الثالثة
مرت ابوي _ براحتج خيه بعد
ابوي _ خابر ابو سيف وكال شنو رأي البنية موافقة لا واني كلتلة موافقة ، هو كال من اجي اسألها بنفسي على نفراد
احنى نباوعله بحلك مسدود .
_ من ياخذج على نفراد كولي موافقة اكون زوجة الحمزة وأم المصطفى مفهوم لا تكولي اهلي جبروني ترى اذبحج اذا فشلتيني كبالهم
زهراء بلعت ريجي وكلت _ موافقة والله
ابوي _ ايي عفيه عليج يابه خطيه ابن اختج منو له هناك
زهراء _ هم صدك حجيك مصطفى خطيه
ابوي _ ايي هسه الكلام الحلو ابقي هيج وكولي الحمدالله
زهراء _ الحمدالله على كل حال يابه
بقى يحجي .... وياي واني اخذ وانطي ويا مبين كبالة رافضة هذا الزواج لأن هاهيه نحكم علي بعد ماكو اي
مهرب من هذا الزواج
حاولت اموت ومامتت دعيت الليل والنهار والله مستجاب دعائي لان كاتبلي اعيش وي حبيبي السابق
الخاين النذل قليل الاخلاق والشرف
راحوا ابوي ومرته كمت دخلت جوه بالغرفة اريد انزع الدشداشة اجت ريتاج فتحت الباب فزيت
باوعتلها سدته وكالت
_ زي المغربي يخبل عليج طالع والله
_تعرفي مامصدكي جابولي شي غالي
_ حتى اني ممصدكه تعرفي سعرة بل ١٣٠ ألف
_ايي عاملت عليه قبل فترة اني وهند
_ بالعافيه عليج
_الله يعافيج
_ وهسه قتنعتي بحمزة وبعد ماكو بجي
وختله بالفراش والغرفة
_ايي قتنعت
_ والله مراح تندمي اهل حمزة ذهب امانه الله وحمزة خوش ادمي بس أنتِ ويا بعد ترى اعصاب
_ الله كريم
_ الله كريم
_ روحي انزعي الاسود ترى حسين يتخبل منه
_ والله ادري غير الخاطر مرت ابوج ولعيون انفال لبست وياكم بعد هي راحت قابل الاسود يردها الله يرحمها
_ مراح يرد والله الله يرحمهاا
_اروح اسبح وانزع
_نعيما مسبقاً
_ انعم الله عليج زهورة
طلعت سدت وراها الباب .. نزعت الزي طلعت دشداشة كشمير بيضة بيها ورد اصغار باللون الأزرق بردان
اطوال كعدت بفراشي اجت
بيبي دخلت سدت الباب وراها كالت "
شغلي التلفزيون
كمت شغلت التلفزيون خليت على قناة كربلاء جان
طالع تصوير ( الامام الحسين عليه السلام )
كعدت على الجرباية قبل لا اكعد بفراشي صاحتلي ...
تعالي اكعدي يمي بيبي
رحت كعدت بصفها هي متربعة واني كاعدة على
طرف الجرباية رجلية بالكاع باوعتلي
_ ادري بيج مقهورة ادري والله نار مشتعلة جوه صدرج بس شسوين هذا نصيبج من الدنيا بعد
_ الحمدالله
_ الحمدالله على كل حال تدرين بيبي حمزة خوش ولد واني احبه واعزه راح يعيشج عيشة حلوة مثل ما عيش
انفال اختج الله يرحمها
همست بدخلي (اكيد راح يعيشني مثل عيشه
اختي بالجحيم الاسود )
_ ادري مالج نفس برجل اختج وحاولتي تموتي روحج وتحرمينه من شوفتج منورة غبائج الزايد
_ حرامات مامتت بيبي
جابتني براشدي بقوة فرت وجي فر
( حيوانه تردين تموتيني وراج )
لزمت خدي بإيدي بوجه كتلها "
بعيد الشر عنج بيبي بس والله
مالي نفس برجل أختي
_ عودي نفسج عليه بيبي وتقبلي
_ شيعودها الروح شيعودها
_ مثل ما اني تعودت على جدج الله يرحمه
جان شالع قلبي شلع اوووف اووف
_ قابل اني مثلج قوية اني ضعيفة كلش والله بيبي
_ صيري قوية وتحملي كلشي
_ هي القوة من الله بعد وان شاء الله يوهبنياها
واكدر اكمل حياتي وي زوج أختي
_ ان شاء الله
بيبي راسي يوجعني فركي لي وقري علي بلكت اهدي شوي
_ تعالي خلي راسج بحضني
خليت راسي بحضنها راسن فلت شعري جنت مسويته طوبه كامت تفل بالظفيرة استغربت
_ليش تفلي بي ؟
_ اريد ارجع ايام زمان من جنت اظفرة الج واشم
بي ريحة شعرج طيبة وترد الروح
_ الله أيام زمان حلوة جانت خوب مثل هسه أبد محلوة
_ حلوة ومو حلوة جانت
_ جدو جان محلو مو
_ ايي والله جبروني عليه أهلي الله لا ينطيهم
شوفني لويل والله يا بيبي
_ مثل ما أهلي هسه جبروني على حمزة
_ ايي بيبي بس جدج جان غير وحمزة غير هذا ولد مثقف ويعرف شلون يعامل المره مو مثل جدج واحد
عربي وهمجي جان
_هههههههههه
_ وجع شبيج تضحكي
_ بيبي كلنا عرب ترى هههههه
_ ادري كلنا عرب بس جدج جان همجي همجي
_جا غير جنتي تشلعين القلب ويا
_ اني اشلع القلب جا غير جنت ماريده وكوه يقتربلي
_ هههههههه
جرتني من شعري بقوة _"
زهيرة تتمضحكين حيوانه
_ اااه بيبي والله بطلت مراح اضحك شعري هدي
هدت شعري وكالت _ بس تخيلي أنتِ متريدين حمزة وشلون يقتربلج بالغصب وبهذاك الوقت راح تعرفي
شلون جان شعوري
باوعت بعيونها جان بيهن كمية الحزن هائلة حزنت عليها احنى جان طول عمرنا نضحك من تسولفلنة على حياتها وشلون نجبرت على جدي الله يرحمه
وجنت اكول اتمنى لو اصير مثلج وانجبر على شخص ماريده علمود اعيش نفس شعورج وفعلا صار لتمنيته وراح اعيش شعور بيبي شلون جان ؟
_ بيبي هسه جدو جان يحبج لو لا ؟
_ ماظن جان يحبني
_لعد ليش تقدملج
_ تعرفين مكايله لاحد بس لامج عليش اجه خطبني ولح علية هواي ودز شيوخ معروفة بهذاك الوقت علمود اهلي
يقبلون بي وخله اهلي تجبرني
_ ليش شكو من قصة ؟
_ اسمعي بيبي اسمعي قصتي واسمعي ضيمي الاسود
_ اي بيبي اسمع
تفرك براسي..... حسيت بشعور حلو رتاحست
حيل على للمسات ايديها
_ والله يبيبي جدج قبل تحارش بي
_ هاا
_اي والله جنت .. جايه خطار لبيت عمامي وطلعت وي البنات للسراحة جانوا يسرحون بالغنم والابقار اني جنت
مدللة أمي وابوي والصغيرة
هو جان يمشي بالزروع مالتهم وصلنا يمه جاي نرجع على البيت وقت العصر واني جان لبسي قصير لحد الركبة الشعر محلول طويل لحد خصري حلو جان شعري مثل شعرج وحلاته
_اويلي وجدو شاف هذاك الجمال وتخبل هههه
_ خبال الخبله هو جان صاحي من يتحرش بنت خاله
_ انطي حقه حلوة ومعدلة ولابسة قصيرون وين
شايف هو هيج خلقة بهذاك الوقت
_وحظي المصخم جابني عليه الله ياخذني دكيت عناد
الا اطلع وي البنات اشوف شلون يسرحون بره
_زين جدو شسوالج ؟
خله البنات يبعدون عني بعد ما اشرلهن يرحون
_ جدو جان يقربلهم ؟
_ ايي يقربلهم
_هاا كملي
_ وكال منو أنتِ
_كلتله وانت شعليك منو اني ضاج وكال شنو هذا لبس متخجلين جاية للعرب وبهذا لبس
ضجت منه بوقتها ورديت بصياح عليه وانت شعليك مالك دخل بي عوزي والله ولد الشوارع يحكموني
على لبسي ولي مناا
_ ههههه جنج هند بيبي بسرعة تعصبي هههههه
_ ههههه ايي عصبت وهاي اعصابي وكعتني بجدكم
_كملي تحمست حيل اعرف شصار
_ الصار تعصب وراد يضربني بالعصاية جرينها
من ايده شمرتها بالنهر
_يااا
_ هو جان واكف بصف ضفه النهر وجان يغلط علية كال انعل ابوج يابو الخلفوج ويابو يصلخ بناته ويخليهن
مفرجة للعالم وخلك
تعصبت حيل بدون وعي دفعته بقوة وكع بالنهر واني شردت ركض على بيت عمامي وهو بقى وراي يغلط ويسب
بي خوف بوقتها اكلني أكل بيبي
_ عززة بيبي أنتِ شكد قوية جنتي وما تتفاهمي أبد ايدج والضرب اكول هند عليمن طالعة خبله اثاري عليج
_ ايي والله خبله وماعرف اتصرف بكذاك الوقت لو كايلة اسمي ومنو بدون عرايك مجان تزوجته وعشت
ايام السودة ويا
_ الله سبحانه وتعالى جان كاتب لكم هيج تلتقون آول مرة بالعرايك بس أنتِ ربحتي عليه
_ربحت مرة وخسرت آلف مرة
_ بيبي هم تحبي بدون جذب فدوة
سكتت اخذت نفس زفرت بقت تظفر بشعري انتظرها
ترد عليه حجيت مرة لخ وياها
_ تحبي ؟
باوعت بعيوني عيونها ذبلانة تزينهن التجاعيب
اخذت نفس طويل زفرت ردت علي
_ اي حبيته بس حبي مجان كافي علمود اعيش سعيدة ويا
_ليش ؟
_ هو جان يكول اخذتج بالعناد علمود اكسر خشمج
وفعلا اخذني وكسر خشمي
_ نكول صح بس اكيد وكع بحبج بلاخر ؟
_ هو بايامه الاخيرة عترف وكال جنت احبج وآول
يوم شفتج بي حبيتج
_ يعني عترف بحبه بأيامه الاخيرة بعد مرضة ؟!
_ ايي شافني شلون اداري بي ما هملته لو شمرته
عرف قيمتي بلاخر
_ الله يرحمه هو الانسان بعد فوات الاون يلا يعرف قيمة البشر
_ ايي والله بيبي الله يرحمه ويغفرله كل اذنوبه
_ اللهم آمين زين سامحتي أنتِ ؟
_كباله كلت ما مسامحتك ونتواجه انتِ وانت كبال الله بهذيج الدنيا بس بقلبي مسامحته والله بيبي
_ مات جدو مقهور سودة عليه جدو
_ نقهرتي عليه ولج
_ ايي والله بيبي حيل انقهرت عليه
_ لتنقهري بيبي لأن مجنتي عايشة وياي وشفتي شلون جان يضربني ويغلط علية ويخليني مرات انام بدون أكل
لو شرب كله منورة غلطة صغيرة ويا
_ الكبرياء حقير جدأ دائما يخلي الانسان يكون شبه الوحش مقابل الطرف الثاني ومن الصعب يتنازل
_اي جدج جان كبرياء حيل والطبر مايكص خشمه
_ هو مبين يحبج لو مايحبج جان اخذ عليج مرة
ثانية وعافج لوحدج وي اطفالج
_ جان شمرت الجهال عليه ورحت البيت أهلي
_ والله قوية بيبي
_ لعد ضعيفة ترديني وانتِ اسمعي ولا تغلطين مثلي منعت زوجي من حقه الشرعي وعاملني بقسوة
بقيت اباوعلها والخوف أكل قلبي أكل
_ هاي اني شنو استفاديته من عنادي وكبريائي غير الذل والإهانة وغصبا علية جان يعاشرني وياخذ اليريده وخلفت منه كومة عيال وأنتِ أقبلي بي وخليج خوش ادمية
وانسي أختج من أصل
ولا جن جان هو رجل أختج بالماضي داري ولا تكسرين كلمته علمود يخليج تاج فوك راسة ترى الرجال يحب المره لتسمع الكلمة والتحترمه وتهتم بي
بقيت ساكتة مرد عليها واني اكول بقلبي
(نار جهنم ولا معاشرة حمزة لي )
طول الليل .... تحجي وياي وتنطيني نصائح واني قافلة مراح اقبل بي وراح يكون الزواج على الورق بس وقت الفجر كمت صليت كعدت بيبي وامي صلوا
وناموا اني منمت من آصل بقيت افكر شلون راح اكدر اواجه حمزة باجر كبال السيد وشلون راح اكول ( نعم قبلت ) وشلون راح اخلي عيني بعينه شلون مدري ؟
حمزة .....منمت الليل كله من التفكير زهراء راح تتقبلني لا ؟ شلون راح تكون رد فعلها باجر كبالي صح فرحان حيل
راح اخذ زهراء واكسر خشمها
وفرحان المصطفى راح تصير عندة أمه تداريه طول الدهر مثل أمه تماما كعدت الصبح صليت وطلعت يم اخلاص
لكيتها كاعدة ترضع مصطفى
مخليته على الجرباية اخذت منها الممية وكتلها
_صليتي ؟
_لا والله بعدني
_روحي صلي اني راح اخذه عندي بالغرفة
_ماشي
اخذته وطلعت ..للغرفة خليته على الجرباية كمل رضع خليت الممية على ميز الجرباية بقيت لعب بي حليت
الكماط كام يرفع بإيديه يحرك رجلي
تحرر من الكماط معرف ليش يكمطون الطفل ؟ صرت فوكه لعبي واحجي ... كلام ماله طعم اريده يضحك
بس وبلاخر ضحك
_فدوة رحتلك بعد مرة اضحك
بقى يضحكلي فرحت حيل بشوفته يضحك أحبه حيل يمكن أحبه أكثر .... من روحي ماجنت ادري الضنه هيج
يكون عزيز عند ابوه
جنت احجي على ابوي واكول شبي يخاف ويحجي علينا من نتاخر بره اثاري يحبنه ويخاف علينا لا يصيبنا
مكروه لا سامح الله
صار الصبح طلعت الشمس دخلت من البردة ومصطفى بعده كاعد منام أبد اندك الباب
_تفضل
نفتح دخلت أمي التفتت عليها _ صباح الخير
_صباح النور يمه هاي صوفي عندك واني وابوك ندور عليه
_ اي اخذته وي صلاة الفجر
_وكاعد اليهسة
_ ايي والله منام
_لوكي يحب العب
دنكت اخذته بحضنها محلل بوسته وكالت "
صباح الخير حبيب قلب بيبيته
_ خبلته ولك
_اني شعلي هو ملعب ويحب العب ويلكاها من
الله احد يمه كاعد يشاشي بي
_هو اذا كلكم تشاشون بي من ايد لايد اكيد راح
ينجلب ويدور لعب
_ شعدنا غيره قابل خل ندلل بي شكد ما اجانه
_ راح تجي أمه وخوش تخليكم تخبلونه
_ نخبلها ويا ههههه
_صدك ولك
نزلت من الجرباية _ لعد جذب
_حمزة احذرك تعامل زهراء بعد الزواج مثل ما جنت
تعامل انفال بقسوة ترى ابتلي بيك
_ انفال جانت تعاند وتكسر كلمتي
_ وتعاندك تعاملها بعد احترام
_ احترم تحترم
_ اقسم بالله اذا عاملت البنية بقسوة لو تماديت
وياها راح اشوفك وجي الثاني
_ فدوة ولا وجج الثاني الاول يرعد رعد لعد
الثاني شلون راح يكون
_لعد تحترم زهراء اهلها انطوها النه بعد اختها بكل حب ود وحترام واني ادري بيك ما تستاهل هاي البنية بس
شسوي الشيطان ملعون
_ لحظة شنو قصدج ما استاهلها ؟
_ ادري بيك وعلاقتك وي زهراء بالماضي ولهذا السبب لحيت على مرت ابوها تقنع ابوها ينطيها لك
_شمدريج ؟ ومنو كالج
_ شمدرين ومنو كالي مالك دخل وهسه كول تكعد
راحة وتصير خوش ادمي لو ...
_ اوعدج اصير خوش ادمي واكعد راحة بس اكون
هي ماترفض لي أي طلب
_مراح ترفض خوش بنية هي
_ياريت
_ ديلا روح اسبح وانزل تريك ورانه طلعة
_ماشي
طلعت امي .....بقيت اباوعلها لما طلعت من الغرفة واختفت متفاجأ شمدريها بعلاقتي وي زهراء محد يدري غير محمد واخته مرام وريان وزهراء وهند واخلاص
_ماكو غيرها اخلاص هي جانت تخاف مني على زهراء بس زين العقل سوت وخلت امي تشتغل من جوه الجوه ولا اثر
هي جانت تشتغل على هاي الخطبه
وخلتها تبين ابوها هاديها لي والله امي ذكية حيل طلعت اذكة مني اثاري اني طالع عليها ذكي واعرف شلون اخطط
علمود تنجح الخطه من آولها
زهراء تريكت وجت ريتاج حفت حواجبي جانن مامحفوفات لمدة ثلاث اشهر تقريبا ..... وعزلت البيت اجت أختي ومرت ابوي وابوي كعدوا يمنا كالوا راح يوصلون بعد ساعة
لهنا قلبي صار دمام يدك حيل حيل
يريد يطلع من صدري خوف أكل جسمي أكل اريد اموت بها لحظة ولا مواجهة حمزة النذل دزت مرت ابوي علية
أختي تكول خل ابدل واخلي مكياج وتعطر
واني اكول بقلبي باع هاي البطرانه دا
تكول اني وين هي وين ؟!
حايرة بزماني هسه أني وكلما تعدي دقيقة احس نفسي اختنك أكثر وأكثر واحس ملك الموت راح يجي ياخذ
روحي موحمزة جاي بهاي الاوقات
اجت ريتاج ابدل خلت لي مكياج بسيط وكالت لا تخلين الجرح يديج ..... يبين فدوة بعده الجرح مطايب اصلا ويوجع حيل بس ناسيه الوجع الجروح وملتهيه بوجع قلبي
اللي دا احس احد دا يجوي قلبي بالنار بكل مكان ماجنت اعرف شكد صعب احد ينجبر على شخص مايريده هسه
حسيت بيبي شلون جان شعورها
واني الليل كله اضحك عليها بس لا تنكتب قصتي
مثل قصة بيبي والتاريخ يعيد نفسه ،
مرت الساعة وندك الباب قلبي كام يدك اقوى من قبل دخلت اختي وكالت _ جوي وجايين وياهم بيت خال حمزة
ريتاج_ منو منهم
_بيت ابو محمد
ريتاج _ هاا اني طالعة هدي وقري جم أية بلكت
تروح عنج هاي الخوفه والتوتر
طلعت واني اسمع . السلام والكلام بيناتهم سمعت صوت مصطفى عاط هنا قلبي طفر من مكانه مدرب على الطفل مدري الخوف زاد عن حدة كمت افرك بإيديه
اختي كبالي تباوعلي
_ شبيج زهراء ؟
_اريد اشرد فدوة
_ليش تشردين
_ماريد حمزة والله جبروني عليه
_ ادري والله جبروج عليه بس شسوين مالنا
كلمة احنا البنات كبال ابوي
_شسوي هسه ياربي
_ اقبلي بالواقع والله اذا كلتي ماريده كبال ابوي وتفشل راح يدفنج يم انفال ابوي قاسي معنده قلب ترى
نزلت دمعتي _ اي
_ اششش لتبجين بالكت الله حمزة يطلع خوش
ادمي ويعاملج بحترام
حضنتها حسيت بيها أمان لي كمت ابجي هي هم تبجي وياي احنى الاثنين نعرف حكم ابوي اقوى منه ومالنا كلمة ويا
أبد واذا طلع مني شي محلوة راح
يهدم البيت فوك روسنة هاي بيبي..... القوية ماكدرت تحجي وياه ولا كلمة تكول مااريد مشاكل تصير ويطرد اهلج
من البيت وين يرحون
تقبلي واسكتي وخليها على الله ان شاء الله يكعد حظج هالمرة وي حمزة بعدت عن اختي مسحت دموعي بإيديها وكالت ( كافي بجي زهورة هذا امر الله بعد شنسوي
.اخذت نفس بعدت عني مسحت خشمي نفتح الباب فزينه أحنى الإثنين جانت...... اختي فاطمة نازعة لاسود ولابسة نفنوف بيجي طويل للكاع
مكياج طالعة غير شكل
_ شلونجن
_الحمدالله
فاطمة _ هم بجي يالله ولج كافي راح تعمي عيونج
من البجي امسحي دموعج وعدلي وجج
مرديت
_ وانتي شوكت ذبوا لاسود منج
اختي _ اليوم ابوي نزعة مني وكال بس امكم تبقى لابسة
فاطمة _ اي خابرني وكال نزعي كافي بعد ... يلا
كبالي على المراية خل اعدل وجج
رحت على المراية مثل الجثة عدلت وجي بالمكياج وكالت
هسه جاهزة يلا تعاي يردون يشوفونج
_عباس جاي ؟
_طبعا جاي
اخذت نفس طويل زفرت طلع طلعت وراها بس مو طلعه احسها امشي على .جمر وتجوي برجلي حيلي كله صاير يرجف مثل حال المبلل بالبرد يريد دفوا يدفي جسمه من
الهلاك والنجماد هيج صار بجسمي
وصلت عتبة الباب اريد اشرد من البيت واروح يم انفال أختي و احجيلها شسووا بي وشلون جبروني
على رجلها حمزة .
يتبع ...
لا تنسون كل شخص يعلق 5 تعليقات حلوة ويخلي لايك ❤️