هلاو شلونكم اول بارت الي بلسرظ وكتبت مثل متكتب الكاتبه بنين واتمنئ اينال اعجابكم وانشاء الله مقصرت بسرد البارت ❤️
الكاتبه روان
خالد : العمر 27
ياقوت : العمر 18
مريم : العمر 23
سراج : اخو خالد العمر 24
سناء : اخت خالد العمر19
ذو الفقار : العمر 22 اخو ياقوت من أمه وابوه بس معايش وياهم عايش ويه خوال امي من اني وصغير عندي تواصل باختي ياقوت مااحجي ويه اي احد بعائلتي بسبب عمر الي يسبب إليه هواي مشاكل اخير شي اتعاركت ويه أبويه وطردني من البيت واني طلعت من عمري 16 سنه رحت للكوت يم خوال امي وبعد متواصلت ويه أحد حتئ امي دائما تخابر بس مااحجي وياهه بس ياقوت احجي وياهه وبديت اشتغل بمحل فيترجي عامل بس بعدين جدي ساعدني وفتحت محل خاص بيه هم فيترجي وكمت اشتغل أسست بيت بس هيكل بعدني ممكمله
ولهنا تنتهي قصتي ....
ياقوت : كعدت الصبح عدلت الفراش وكمت غسلت وجهي وكعدت يم امي بعد مصبحت عليهم
ام ياقوت : ها ماما ياقوته اسويلج ريوك
ياقوت : لا ماما اني اسوي بعد اشوي
ابو ياقوت : يلا عمر خل نروح للشغل علمود انلحك
عمر : ايي بابا اجيت
ابو ياقوت : شنو جنت شتسوي
عمر : مااسوي شي
ابو ياقوت : انته شنو مراح اجوز من سوالفك كم مره كتلك هاي البنيه اتركه لتحجي وياهه
عمر : يأبه احبه واموت عليه مااكدر وانته لازم تروح تخطبه إليه
ياقوت : راح أبويه واخويه للشغل يشتغلون ابمحل مال نجاره الخشب عمر ابن أبويه لأن بابا مزوج 2 ذيج طلكت نفسه من ضلم أبويه مع انو اخذت بابا عن حب بس ضالم ضالم من نوع الدكتاتوري طبعه ابد موحلو حتئ مدرسه بطلني منه اتزوج امي واني اصغر منه بهواي بس مطيعه اله وتحبه بس هو ماادري عصبي المهم انكمل
رحت سويت ريوك وتريكت وبديت انضف البيت وسوينه غده اني واني وانتضرنه بابا وعمر اجوي قبل الاذان صلينه وتغدينه
ابو ياقوت : زهره
ام ياقوت : هاا حجي
ابو ياقوت : اليوم تبدلين العصر وترحين انتي واختي ام سجاد وياقوت ترحون تشوفون البنيه وبعد معليج خوش
ام ياقوت : صار من عيوني
ياقوت : كولش اضوج من كلام بابا فلعصر بدلنه واجتي عمتي طلعنه من البيت ونريد انقفله طبكت يمنه سياره عاليه وحلوه كولش ونزل منه شاب سبحان الله اني دخت بعيونه كبل نزلت راسي لأن شفته اجه علينه
خالد : السلام عليكم
ام ياقوت : وعليكم السلام
خالد : يمه بس اجيت اسئل هذا مو بيت النجار ابو عمر
ام ياقوت : اي يمه هو تفصل أمر خدمه اني ام عمر
ام سجاد : كول خاله هاي مو أمه هاي مرت ابو اني عمته
خالد : ههه بس خاله الام التربيي مو التولد مو صح
ياقوت : كولش صجت من كلام عمتي الحقوده بس علا جواب الولد اجيت أبوسه من رأسه علا كلامه وفرحتي بي
ام ياقوت : صح يمه هسه ماكتلي اتفضل وشنو التئمر بي
خالد : ميئمر عليج ضالم بس الحجي قبل كم يوم شايفينه الشباب جاي للمعرض علمود سياره واجيت حتئ اشوفه
ام ياقوت : والله يمه الحجي بلشغل مو أهنأ بس أتريد رقمه
خالد : والله تسوين فضل اذا تنطيني الرقم
ام ياقوت : ماما ياقوت طلعي رقم ابوج وانطي للولد
ياقوت : جفلت من امي حاجتني اخذت منه التليفون وطلعت رقم بابا
اكتبه الك بورقه
خالد : لا خويه ميحتاج بس ردي علمود احفضه بلتليفون
ياقوت : اوكي سجل 077.....
خالد : مشكورين يلا اترخص
الله وياك
خالد : بس محتاجين شي يعني اوصلكم المكان
ام ياقوت : تسلم اعيوني متقصر
خالد : يلا ثيمالا
ياقوت : راح الولد واحنه رحنه لبيت البنيه اول مدخلنه تصير بنيه وسط مو كولش حلوه عيونه كبار وسود شعره قاصته قصير حجينه وياهم وكالو نرد الموافقه العرفته البنيه اسمه نور اني ما عجبتني ولا امي بس عمتي ام سجاد ذبحت نفسه علا البنيه رجعنه للبيت المغرب كلبت علا قناه دينيه صلاه وسويت عشه عمتي اجه ابنه اخذهه واحنه انتضرنه بابا
ابو ياقوت : هاا بشري شفتي البنيه
ام ياقوت : اي شفته بس اكبر من عمر بسنه
ابو ياقوت : كتلج معليج انتي المهم شفتي البنيه وهاهيه
عمر : زهره المهم اني احبه وهمه بهاي اليومين أمه تخابرج
ياقوت : شكد أكره ضلمهم وبلاخص عمر من ينادي امي باسمه ربته من هو عمره 8 وهو كوله يصيح اله باسمه
ام ياقوت : صدوك نسيت اليوم احه ولد عنده معرض كال عود انته تريد سياره
ابو ياقوت : اي صح اني مقدم علا سياره واريد وكيل يكفلني
ام ياقوت : شو ماكلت
ابو ياقوت : اضن الفلوس افلوسي
ياقوت : بابا
ابو ياقوت : انتي هاا شتردين
ياقوت : سلامتك مااريد شي بس لو تغير اسلوب تعاملك ويانه لأن كولش جاي تضلمنه
ابو ياقوت : اتعلميني بأسلوبي شنو
ياقوت : لا مااعلمك بس انته لازم تعرف مو صح
ابو ياقوت : كومي من وجهي طلعتي روحي كومي لابارك الله بيج
ياقوت : ههه كمت من الصينيه دايمه انشاء الله
رحت الغرفتي كعدت بيه ومرن الايام
خالد : دخلت للبيت وشلت بت اخويه الي جانت تبجي بحضن اختي واختي هم تبجي وياهه
ااااخ يابابا يا عمري عليمن هاي العيون الحلوه تبجي
سناء : يمه موتتني صارله نص يوم تبجي والله شنو تريدك المسعده
خالد : ياروحي ياعمو حبيبي هاي اني أجيت بعد كلبي
ام خالد : يمه مشيه شويه بره
خالد : صبولي اكل علا ما تسكت
ياقوت : مرن اليومين وردولنه خبر انو أهل البنيه موافقين علا خطوبت نور وعمر اني ابد ممرتاحه لهذا العرس ولهاي البنيه البنيه اساسا
البيت هوسه من الخطار لبست شالي علا السريع والحذاء بيدي وطلعت ورئ ماما الي جبرته تلبس فستان طويل مال اكبار وبابا واخويه فرحانين طلعته بره رادت عمتي ام سجاد تصعد ويه عمر وبابا بس اني سحبت امي وركض السيارت العريس بابا محجه شي شويه فرحت للاغاني العاليه والركص والطربكه وصلنه البيت نقبضت روحي مدري ليش دخلو العالم الي ويانه بس بابا وعمر بعدهم منازلين شويه ونزلو واني وامي اخير شي بلنسوان فتنه لداخل بيت العروس شفته كاعده علا كورسي وبصفه بنيه شابه بكدي تقريبا امي راحت تسلم عليه بس هيه ولاكامت خلت امي ادنك وتبوسه وهم باست الحجيه كولش ضجت من تصرفهن الزفر وصاحت عليه الحجيه
الحجيه : انتي اخت العريس
ياقوت : بلي اني أخته
الحجيه : جا ماسلمين علا مرت اخوج بحلكج عضم
ياقوت : امي كرصتني بس اني ماسكتت والله ياحجيه بعدنه بسم الله ماصايره بسم اخويه وشغله الثانيه اذا كامت بكول ادب واحترام علمود اسلم عليكم من هاي قبل هاي مو اني اجي وادنك وابوس هاي واشرت عليه بصبعي
الحجيه : ماشاء الله قل اعوذ برب الفلق موالسان
ياقوت : امي سحبتني علا جهه وسكتتني وحلفتني مااحجي
بس اني لازم احجي لأن اكيد راح تكلبه عليه يم عمر ويجي يهوبز فوك راسي فبكل الاحوال اني مترزله عليش ماارد
خالد : جنت كاعد بلمعرض مال السيارات ودك عليه رجل عمتي
الوو هلا عمي شلونك
ابو مريم : هلا بيك وليدي شلونك
خالد : والله الحمد الله علا الله كول عمي أمر خدمه
ابو مريم : والله الصراحه ياابني باجر اريكدم يمي علا الغده انته والأهل لأن مسوي عزيمه
خالد : انشاء الله تدلل
ابو مريم : يلا وليدي في امان الله اخذ راحتك
خالد : الله وياك عمي ومشكور
ياقوت : خلصت الحفله ورجعنه للبيت وبقو يتآمرون الخطار وبالأخص عمامي عوذه منهم والله لو بيدي اشرد الف راسي وانام واخليهم مثل الجلاب يولون لبيوتهم بس ينكسر خاطري علا امي تتعب وهنه جنهن حيوانات ياكلن ويذبن فضلاتهن جواهن لل11 يلا خلصنه اني هم منمت كلبت البيت تنضيف منا لمن طاح حظ حظي بي ورحت نمت علمود الصبح امي متكعدني انضف وياهه البيت تلكا نضيف
خالد : يلا حجيه فضوهه شويه
ام خالد : يلا يلا يمه هلجيناك
سناء : تره والله مابيه حيل ومااريد اعكر مزاجي بشوفت الهوانم مريم وعمتي
ام خالد : اشش اخوج ليسمع عيب
سراج : قابل كلامه كذب اكبر منافقات وحقودات هنه
ام خالد : يلا بس هاك شيل رشا وخل نروح
خالد : طلعنه لبيت عمتي طبكت السياره باخر الفرع لأن هواي سيارت اكو مدري العزيمه مالته مدري للناس الجوارين دخلنه للستقبال بعد ما استقبلنه برحابته وسروره بجيتنه امي دخلت داخل البيت واني وسراج داخل الاستقبال وتفاجئت بوجود الناس هم اهواي عازم كرايب وأصدقاء وإخوان كعدت وبصفي سراج بعد السلام الطويل علا الناس
سناء : دخلت جوه وسلمت علا النسوان واستغربت كشخت مريم هيه عزيمه غده مو حفله حتئ هيج لبسه ومكايجه الطاغي حتئ ماما فاكه حلكه من الصدمه
صبو غده والتمينه احنا النسوان ناكل ومريم كولش امدللتنه اليوم وماكو عرك بيناتنه اني وياهه اجيب بلاكل وتخلي كبالنه وخاله وخاله وهاج اكلي من هذا وتنطي الامي والي انصدمت بتصرفه حتئ ملايك اله دتبالغ كملنه اكل وجابو الجاي جاي نشرب ورجل عمتي صاح عليه
خالد : كملنه اكل وجابو الجاي
ابو مريم : اليوم اعرفكم علا اقربائي خالد
خالد : رفعت رأسي حقه يعرفني عليهم لأن تلث ارباع الزلم مااعرفهم الناس ضلت ترحب بيه
ابو مريم : طبعا هذا الولد شجاع وكريم وشغله علا كلبه تعرفون ابو مات وهو بعده مداخل ال12 من عمره ولم بيته وإخوته وأمه وانتو تعرفون احنا نحب هيج شخص ونتنومس بيه
واني اليوم جمعتكم هم اعرفكم عليه واهدي بنتي الكبيره مريم تكون زوجه مصلحه اله
خالد : اسمع حجيهم والحمد الي يحمدو بيه بس فاجئني من هداني بنته مريم وسراج الي غص بلجاي واختنك ونص الناس كالت والنعم ومدري شنو ونص الثاني غندب بوجهي عبالك مسوي مكسوره
عمي فاجئتني بطلبك هذا
ابو مريم : اعرف ابني اتسرعت بهيج شي وانته ابن خاله اولئ بيه
خالد : مو قصدي الزواج بس تعرف انته يعني اني بعدني ممقر ازوج يمكن ل3 سنوات القادمه لأن شغل راكبني ركوب اهلي مجاي الحك اشوفهم
ابو مريم : عادي ابني ماكو شي مستحيل خليه بس خطوبه
خالد : حاولت اسد الموضوع بس مكدرت حصرني من كول الجهات
وانته تعرف شغلي مرهق واكيد حتغيرون ريكم بمرور الايام
ابو مريم لتخاف ابني ماكو هيج شي
خالد : حرت شسوي ماكو منفذ اعبر منه ومن هاي الطلابه الطلعتلي اخير شي وافقت
عمي هديتك مقبوله بس شرط
ابو مريم : اتفضل الي تؤمر بي
خالد : حاليا ماعندي وقت الكولشي بنتك يمك تدرس وعلا السنه الجديده الخطوبه مااكدر الكولشي حاليا
ابو مريم : عقدت حاجبي بس ميصير هذا الحجي ابني انته جاي تضلمه بهذا الشي
خالد : عمي انته ضلمته من هديته الي واني اكدر أرفض بس مااريد اكسر بيكم وافقت علا بنتك بس حاليا والله العضيم وقت ماعندي الهيج أمور
ابو مريم : هاهيه وليدي الي يريحك واتم علا بركت الله
سناء : من طلعت عمتي شويه ورجعت علينه بهلهوله شالت البيت بيه متفاجئين بيه
ام مريم : الف الف الف مبروك أم خلودي يوم السراج انشاء الله
ام خالد : خير انشاء الله ام مريم شنو السالفه
ام مريم : خالد طلب ايد مريم عيوني الف مبروك
سناء : اتفاجئنه اني وامي وصحنه بوجه اثنينا خااالد خطب مريم
ام مريم :. اي عيني خطبه
يتبع .....
هلاو شباب شلونكم كول عام وانتم بخير يارب سنه خير وسعاده عليكم ويحفظ احبابكم
نشرت اول بارت من القصه أريدكم تتفاعلون بي اذا ماكو تفاعل ماانشر اوكي حبايبي❤️✨