اسواره ذهب

اسواره ذهب بارت ٨

خالد : مرت الايام واني حضرت البيت كملت اثاثه كوله البيت الي راح تعيش بي ياقوت جان قريب على بيت اهلي هو جان عندي ٣ بيوت واحد مساحه ٣٠٠ بيت الكبير الاهلي كولنه عايشين بي والباقي ٢ جان كول واحد مساحه ١٥٠ طابقين كامل بنائهم بس واحد جان مؤجر واحد لا المهم رتبت البيت وجهزته من كول نواقصه
جنت كاعد بلمعرض ودخل رجل عمتي ابو مريم

ابو مريم : السلام عليكم

خالد : وعليكم السلام ورحمه الله

ابو مريم : شلونك عمي خالد

خالد : الحمد الله عمي بخير انتو شلونكم

ابو مريم : الحمد الله زينين شلونه شغلك

خالد : والله زين نمشي وياا وانشاء الله ميضيع من ايدي واعمره أكثر

ابو مريم : اي عفيه ابني هيج ضل لحد يغلبك

خالد : انشاء الله عمي
جبت جاي بس ابو مريم ميشربه فجبتله حامض ( نومي بصره ) قدمته

ابو مريم :لا صايم مااشرب شي

اي صدوك خالد عرسك بعيد رمضان

خالد ؛ لا والله عمي وره العيد لأن تعرف راح تصير هوسه وناس تجي تعيد وهم خوالي وعمامي يجون فوره العيد بسبوع أو سبوعين وسوي العرس

ابو مريم : هاا بيه الخير أنشأ الله بس يبني اني من انطيتك بنتي ماعبالي اكو وحده ابالك وتريد تنوي على الزواج وانته تعرف أنه مقيد لأن انطيتك بنتي كبال الكل فتعرف شراح يصير لو رفضت الزواج وأنه لو بيدي واعرف بيك تريد تزوج ولا انطي بنتي ولا اضلمك واضلمه واضلم بنت العالم الردته

خالد : عمي لا تحجي هل كلام لا مقيد ولا شي أحنه بعدنه على اتفاقنه كلنه السنه الجديده أخذه ال مريم وهيه بنت عمتي اكيد ما تنضلم يمي

ابو مريم : أنشأ الله وليدي أنشأ الله بس اني هم اجيتك بشغله

خالد : كول عمي أمر خدمه

ابو مريم ؛ صديقي يريد سياره واني اريد اتوكله واخذله سياره من يمك

خالد : انشاء الله عمي تريده اليوم لو باجر علمود نكمل الاوراق مال الوكاله

ابو مريم : لا باجر خليه هم امر عليك

خالد : انشاء الله

ابو مريم : يلا اني اتوكل

خالد : كول الهلا بيك تنورنا بكل وقت

سناء : كاعده بلمرجوحه واندكت الباب ماكو احد من الولد موجود فإني رحت للباب منوو

احمد : ها عبود شلونج

سناء : استغربت شنو عبود خليت الكبوس على راسي وفتحت الباب عفوا يا عبود صار بوجهي ولد طويل وحلو