♥️
يَــلا نبدي بالبارت الـ 21 💬
قراءه ممتعه ♥️ و اعتذر عن الاخطاء الاملائيه ان وردت 🌸♥️
**********************************************
اجه يوم الجمعه و الكل جانوا كاعدين و محد طلع و اكيد بأمر الشيخ هاشم طلب منهم أنــو يظلون موجودين اليوم بالبيت
دنيا : جدووو مشتاقه اروح للمزرعه
لينا بحماس : شنـو عدكم مزررعه !!
مصطفى : اي شون مزرعه تخببل شدكول جدي نروح هسه
هاشم : ام فهد تلحكون تجمعون الغراض قبل الـ ١٠
ام فهد : اي شيخ كُـلشي جاهز
هاشم : ماشي لـعد يَــلا تحضروا رح نروح
كامت لينا و دنيا بسررعه حتى يحضرن نفسهن
حجه اسد بهمس : يمه حنين ويـن !
ام اسد : يمه عفتها نايمه كلـت خطيه مـا اكعدها
اسد : ماشي انـي رح اكعدها هسه
كام اسد و انتبه فهد و هاشم عليه .. توتر مـن نظراتهم و عافهم و راح يكعد حنين
طب للغرفه بهدوء وانتبه عليها نايمه بعبث ؏ الجربايه
ابتسم ؏ حالتها لو شما تكبر تظل طفله
تقرب منها و كعد و خلا راسها بحضنه و حجه وهو يمشي ايده ؏ وجهها الناعم وحجه بحب : حنينيي
همهمت حنين بصوت ناعس و ضمت راسها جوه اللحاف
الشغله الي دائما تسويها مـن يكعدها اسد
ضحك اسد عليها ووخر اللحاف : حَــبيبي كومي رح نروح للمزرعه
مـا احتاج اسد يكمل حجايته وهو يشوف حنين تكمز مـــو مكانها و توكف ؏ الجربايه و شعرها منثور ؏ جسمها
حنين بحماس : مزرررعه !! صـدوك ؟ هسه هسه رح اكوم ابددل
اما اسد جان يباوع عليها و كلبه بوده يطلع مـن مكانه مـن منظرها الي يجنن
هز راسه و حجه : اي حَــبيبي يَــلا حضري نفسج
نزلت حنين مـن الجربايه و باست خد اسد الي تصنم جسمه ويا ڪُـل مره تبوسه حنين
عافته وراحت تطلع ملابسها اما اسد باوع عليها بعـدين صحى ؏ نفسه و طلع بسرعه مـن الغرفه و صـار بوجهه فهد وهو يباوعله بنظرات متفحصه
اسد : شبـيـك !
فهد بغضب مكتوم : اسد شنـو الي ديصير وياك هـا !!! احجيييي
اسد وهو يتهرب مـن نظرات اخو : مـا بيه شي
فهد : مـا بيـك شي مـــو !! ماشي يأسد ماشي
و عافه راح و خلا اسد يسب و يشتم مـن تحت انفاسه بغضب
يعني صارله سنين ضام هذا الـحـُب بداخله و اول مـا شافه فهد عرفه
همس مـن بين اسنونه : شنـو انـت يفهدد
طلعوا بيت هاشم مـا عدا سحر الي ظلت بالبيت و مـا قبلت تروح وياهم لسبب مجهول
بسياره فهد جان كاعد هاشم و حازم و زهره
و بسياره حسن كاعد مصطفى و وعد
و بسياره اسد كاعده ام اسد و ام فهد
اما سياره عادل كاعده لينا و دنيا و حنين رادت تكعد وياهن
جانن البنات متونسات ؏ الطريق و مطلعات اغاني و عادل يضحك وياهن و كلما توصل سياره واحد مـن الولد يظل صافن عليهم الوحيده سياره عادل مهوسه اما باقي السيارات محد يحجي
وصلت سياره فهد يم عادل و يظل يسابق ويا و حسن مـن وراهم مطلع راسه ويشجع ابو و مصطفى يشجع اخو فهد اما اسد جان يسوق و يضحك عليهم
باوع فهد ؏ لينا الي ابتسمتله بخبث و اشرت باصبعها و همست : خسرران
ابتسم فهد بتحدي و بلمح البصر جان فهد سابقهم و عادل يضحك عليه
نفخت لينا وجهها بزعل و دنيا و حنين يضحكن و الكل متونس
وصلوا للمزرعه و اكيد جان فهد قبلهم موجود
نزلوا الكل و كلمن نزل شغله بيده و راحو للحديقه و فرشوا المفارش و المدايد و سوو كعده مربعه ڪُلش حلوه
كعدوا الكل و بده الضحك و السوالف و شقه الشباب بينهم
و جانن البنات يصورن و يدزن للمجموعه مالتهن و ورده و جومانه و سنار يفرفحن مـن القهر و يغلطن عليهن
حجت لينا بهدوء : بنات انـي رح افتر شويه و اجي
دنيا : ماشي لولو بـس دير بالج مـــو تيهين
لينا : لا حَــبيبي لتخافين
كامت لينا و انسحبت مـن الكعده بهدوء مـن دون مـا احد يحس بيها
و بدت جولتها بالمزرعه
جانت لابسه بشت و جواه بنطرون جينز ضيق و قميص ويه حد الورك
نزعت شالها و البشت باعتبار أنــو هــاي المزرعه بـس الهم ومحد يدخل الها
وخرت القراصه و طلقت عنان شعرها أنــو يطاير ويا الهوا
ظلت تمشي وهي مغمضه عيونه و تستمتع بالهوا العذب ووصوت الاشجار
فتحت عيونها و جانت تنصدم وهي تشوف نفسها كدام ساحه مسيجه و موجود بيها حصان يفتر بهدوء اقل مـا يقال عنه أنــو يجنن
تقربت مـن السياج بحماس و ظلت صافنه عليه و بعـدين تذكرت هذا نفس الحصان الي شافته بالصوره مـال فهد
لينا : يعني هذا حصاان فهدد
اجاها صوت فهد العميق مـن وراها : اي هذا الاصيل مالـتي
ندارت لينا بسرعه ؏ مصدر الصوت و باوعت لفهد الي جان واكف ويباوع عليها بابتسامه و مجتف ايديه لناحيه صدره و جان مظهره يجنن
لابس فانيلا سوده نص ردن لازكه ؏ جسمه ومبينه عضلات صدره و بطنه و جان لاف الغتره الي الحافه مالتها مشجره باللون الجوزي و الي نطته مظهر جميل ڪُلش
همست لينا بهيام : شكد حِلـــــو يربي
ضحك فهد ؏ كلامها الي وصل لاذانه : انـتِ الاحلى
هزت لينا راسها و حجت بارتباك : هـا جنت اقصد ؏ الحصان
تقرب منها فهد بهدوء و الابتسامه لسه موجوده ؏ وجهه
وويه ڪُـل خطوه ترجع لينا ليوره لحد مـا نطخت بالسياج الخشبي
حاصرها فهد بين ايديه وهو يباوع بعمق بعيونها الي تدهور حاله
حجه بهمس : شــوڪـت تحجيها و تريحيني يبت گـلـبـي
ابتسمت لينا بخجل و بعدت وجهه للجهه الثاني وحجت : شنـو هي !
فهد : متعرفيها شنـو هي !
باوعت عليه لينا : لا مـا اعرفها
تقرب فهد للحد الي تلامس جسمه ويا جسمها و طخ خشمه ويا خشمها
وحجه ووتيره انفاسه تتصاعد : اعشگنج يمهررتي
لينا هسه بعد متحس برجليها مـن قرب فهد و فوكاها همسه و نبره صوته الي ذوبها و رادت توكع بـس لزمها فهد مـن خصرها و ثبتها
حجه بهمس : هــاي اذا مـن كلمه رح توكعين لـعد اذا ... اخخخ منـك يلسااني
جانت خدود لينا حمررر مـن الخجل و حتى بعد متكدر تباوع على فهد مـن الخجل
و حجت بصعوبه بـس نبرتها وصلت لفهد بغير شكل : فهد
جان فهد يحرك خده ؏ خدها بهدوء : گلب فهد
بلعت لينا ريكها بصعوبه مـن حركه فهد الي خلت جسمها يقشعر و حجت بهمس : عفـيه وخرر خاف احد يشوفنا
ابتسم فهد وهو مغمض عيونه مستمتع بقربها و عبيرها
باس ركبتها بنعومه وابتعد منها بههدوء حتى متوكع
عدلت لينا شعرها بارتباك وهي متكدر تخلي عينها بعين فهد
و ظلت تِحجـي بداخلها : انـي ثووله ثووله فضحت نفسييي يربيي ؏ـزاا ردتت امووت هفففف
جان فهد يباوع عليها شون تتغير ملامحها مثل الي دا تخرط عليه بداخلها
ضحك ؏ تفكيره : اي يست لينا متردين تجربين ركوب الخيل
باوعت لينا عليه بعيون مليانه حمااس وتناست خجلها : صـدوك اي اي
ضحك فهد عليها و لزمها مـن ايدها و طببها للساحه مـال الاصيل مالته
لزمت لينا فانيلته بخوف وهي تشوف الاصيل يتقرب منهم اول مـا شاف فهد
لزم فهد ايدها وهو يطمنها : لتخافين انـي يمج حَــبيبي
فز كلب لينا ويا كلمه حَــبيبي يرربي هيــچ كلمه حَــبيبي صارت حلوه و تخبللل ؏ـزاا رح اموت انـي هـنا لا محاله
خلا فهد السرج ؏ ظهر الاصيل وركب بسهوله و مد ايده للينا : يَــلا
باوعت لينا عليه بتوتر و بعـدين باوعت للاصيل
ابتسم فهد : لتخافين انـي بظهرج
اطمئنت لينا مـن نبره فهد .. شنـو هذا الـحـُب الي مـن نبره تخليك تحس بالامان !! اوووف يفهدد شكد أحــبك
ركبت لينا الاصيل و تلامس ظهرها بصدر فهد و شعرها جان منثور و فهد مستمتع بهذا المنظر و يشتم شعرها و عطره و جانت ايديه لازمه الحبل مـال السرج يعني مثل الحاضن للينا و جان شكلهم يخبببل
بدت لينا تضحك باستمتاع و راح الخوف منها
جان شعور ڪُلش يخبببل راكبه ؏ الخيل وبظهرها حبيبها و روحـهـآ و فرحانه شتريد بعدد
وكف الاصيل و نزل فهد منه وبعدين رفع ايديه حتى يستقبل لينا
باوعت لينا عليه و لزمت ايديه مـن دون تردد
حضنها فهد و نزلها بالكاع
لينا بسعاده: احلى يووم بحيااتي هذا يررربي جماال
اما فهد جان يباوع عليها و يبتسم بحب و هيام على مهرته وشون يشوفها فرحانه
جانت سحر تدور بغرفه لينا على لا شيء
هيــچ مجرد الفضول يكتلها تريد تشوف شَكـو بغرفتها
فتحت كنتورها و ظلت تدور بي و بين غراضها
ابتسمت بخبث و هي تشوف الشي الي راح يخلي لينا متعرف شتحجي
شكرت نفسها مـن مـا راحت وياهم يعني ظلتهارهنا جابتلها فائده ڪُلش جبيره
لزمت الغرض الي شافته وحجت بخبث : اي يست لينا خلي نشوف شنـو رح يكون ردة فعلج مـن تشوفيني انـي اخذت الشغله الي ضامتها بكنتورج
بدوا الولد يشوون و ام فهد ووعد يخبزن و زهره كاعده تِحجـي ويا ام اسد
و لينا و دنيا و حنين يصورن وواكفات يم مصطفى و حسن اللي دا يشوون
و جان هاشم و حازم و عادل كاعدين يحجون
اما فهد و اسد جانوا واكفين ؏ جانب و يباوعون عليهم
فهد : اي يخوويه شنـو سالفتك انـت
اسد : فهد جوز مني رحمه للنبي مـا عنـدك واحد غيري
ضحك فهد : اي مـا عندي غيرك يَــلا أحــچيلي شنـو سالفتك ويا اختك
تعمد فهد يكول اختك حتى يشوف رده فعل اسد شنـو و مـا خاب ظنه وهو يشوف اسد تتهجم ملامحه و يحجي بعصبيه : حنين مـــو اختيي
ابتسم فهد : اي يـاا اخي لـعد طلعت واكع انـت ونبيي عرفتك
اسد بارتباك : لكك اسكت فضحتنااا
فهد : برربك اسددد !! تحب حنين ؟ زين وهي !
اسد : اي أحــبهـآ لـك اعشكها مـن اول مـا نولدت و حنين تسجلت باسمي انـي الي سهرت عليها مـن هي مريضه واني الي جنت العبها و اوكلها و كبرت كبال عَـيني لـك هي بنيتي انـي ربيتها بيدي و بعمري مـا حسيتها اختي
كمل كلامه بقهر و حزن : بـس هييي تعتبرني مثل اخووها لـك فهد شوون بيه
باوع فهد ؏ اسد و كلبه مكسور عليه .. شوون جان متحمل ڪُـل هذا الضيم و القهرر اخخخ يأسد لحد هسه انـت متعوب
خلا ايده ؏ جتف اخو و حجه : كُـلشي اله حل يخووي لتخاف ربك ميعوف عبده حاير ابدد
اسد وهو يباوع ؏ حنين : ونعم بالله يفهد
صـار الغده و الكل التمت ؏ السفره و قبل لا احد يمد ايده وكفهم صوت لينا
لينا : لا لااا اوكفوووا عفـيه خلي اطك صوره
عادل و حسن بنفس الوقت : اهووووو
هاشم : معليج بينتي طكي صوره
باست لينا جدها بالهوا و طكت صور للسفره و الولد صافنين عليها و اسد و فهد بودهم ينفجرون و حسن و مصطفى كُلسـاع مـادين ايدهم و لينا تخزرهم
لينا : يَــلا اكلووا
مصطفى : واخيررررا
بدوا الكل ياكلون اما لينا ف هي نزلت الصوره ستوري ؏ الانستا وسوت تاكات لدنيا و لحنين و لحسن بعـدين خطرت ؏ بالها فكره و باوعت لاسد وفهد و مصطفى و طلعت حساباتهم وسوتلهم تاك و نزلت الستوري و بدت تاكل وياهم
بعد الغدا
جانوا الولد كاعدين ينركلون
مصطفى : لـج لينا مـن سويتيلي تاك لحد هسه تلفوني مـا سكت مـن الاضافات
لينا : شلبالك لـعد
باوع فهد عليهم باستغراب و فتح تلفونه و جان يفتح عيونه بصدمه وهو يشوف لينا مسويتله تاك ؏ الستوري لا وفوكاها حسابه نترس بنات مدري منين اجنه و الخاص نترس طلبات مراسله يردون ؏ الستوري مالته
ظل يهز برجله لازم يفتح تلفونها ويشوف حساب هــاي البلوه شبي
جان مـا متابعها ومن دخل ؏ حسابها نصدم كوومه متابعين عدها و حسابها عام لا وفوك الضيم خاله صورتها وهي لابسه السدريه البيضه بـس همزين بشال بـس هي جانت متابعه عدد قليل ڪُلش بـس الي متابعيها فوك الـ 100k
ظل يكلب بحسابها و يشوف منشوراتها و الصور الي طاكتهن يخبلننن بـس قليلات يعني بـس الي بالشال ظاهر الصور القديمه حاذفتهن بدون الشال
دخل ؏ الستوريات و ظل يكلب بيهن ووحده مـن الستوريات جانت صوره للاصيل مالته و كاتبه عليها احلى يوم بحياتي
ابتسم بداخله ؏ كلامها و بعـدين خطرت ؏ باله فكره جهنميه
باوع عليها و حجه : لينا ممكن تلفونج شويه
باوعت لينا عليه باستغراب من طلبه بس هي معدها شي بالتلفون : اي هاك
اخذ فهد التلفون و بسرعه دخل ؏ حسابها و جان ينصدم بالكم الهائل مـن الرسائل و نصها ولد بـس مـا راده ؏ اي احد و كُلهـم بطلبات المراسله يعني مـا بالخاص مالتها محادثات بينها وبين كم بنيه ومن ضمنهن بنات عمه
ابتسم بخباثه وهو يحذف الصور الي ؏ حسابها و ييوخر الصوره الشخصيه مالتها الي ؏ الحساب
وبعدين يدخل ؏ الملاحظات ويكتب : قـسم بالله اذا شفتج منزله صوره بعد الج او لاظفرج متلومين غـير نفسج يلينا وقد اعذر مـن اندر
رجع التلفون الها و اخذته لينا بـس بسرعه فتحت عيونها بصدمه وبعدين باوعت على فهد الي خازرها
راحت بسرعه لحسابها و شهكت وهي تشوف ولا صوره باقيه بالحساب
والصوره الشخصيه مغيرها
رجعت باوعت عليه لكته يبتسم بخبث وحرك شفته : انـي حذرتج
اما لينا الي خطيه الا شويه تبجي
حنين : لولو شبيج
لينا بغضب : ﭑكـــو واحد حقير هيلك طير الصور مالاتي
دنيا : هــاي يجوز ابلاغات و طارت بـس لـيش حرامات يجننن الصور
لينا وهي تباوع لفهد بغضب وبوده دكومله تملخه و همست : ولله اردها الك يفهد ارددها
اما فهد جان يشرب الاركيله و مستمتع بمظهر لينا و حاط رجل ؏ رجل و لا يكولك هــاي البنيه دا ادك و تلطم مـن وراه
صـار الليل و رجعوا الكل للبيت اما لينا جانت كالبه خلقتها بسبب الخبيث المنحرف الهيلك ؏ گولتها
ظلت تفتر بغرفتها وهي تفكر شون ترجع الضربه لفهد
رجعت فتحت تلفونها وقرت الملاحظه الي عافها الها فهد و كلما تقراها تتنرفز بالزايد
دخلت ؏ حساب المغضوب و أصــلاً حسابه مـا ناقص من المتابعين بـس هـو مينشر بي و ناشر بـس صورتين و كومه تعليقات عليها و نصهن بنات مسويات تاكات لصدديقاتهن و يتغزلن بيه
تربعت وهي تقرا بالتعليقات و نبشت الحساب نبش مـا خلت تعليق يعتب عليها و مـا قرته
ابتسمت بخبث : انـت مسحت صوري و انـي رح انشر صورك
نزلت جوه و لكت بيبيتها و ام فهد و عمها حازم و فهد كاعدين يسولفون
فاتت مـن يم فهد و باوعتله بطارف عينها و كعدت يم بيبيتها
حازم : شونه الحلوه
لينا : الحمد لله عمو
ام فهد وهي تباوع بطارف عينها لفهد : هذا الجمال كُلـه يعوفه و تالي يفطر ؏ بصلايه
باوعت لينا بطارف عينها لفهد الي رفع حاجبه ويباوع عليها و بعـدين كام
حازم : ام فهد ميصير هيــچ
زهره : حوويزم اسكتتت انـت ام فهد حجيج جواهر يممه
انتبهت لينا ؏ تلفون فهد عافه بمكانه
كامت واخذت التلفون بهدوء و ترخصت منهم وركضت لغرفتها
فتحت التلفون بـس راح ڪُـل حماسها وهي تشوف رمز كتابه
تأفأفت بعصبيه : يووووو يفهددد
حاولت تكتب اسمه بـس ماكو و حاولت و حاولت لحد اخر شي كتبت اسمها و اسم فهد و نفتتح
ظلت تكمززز بحماس : يااااي ياااي نفتتح
و بسرعه راحت للاستديو وظلت تدور بالصور
فتحت عيونها و هي تشوف صور فهد وحده احلى مـن الثاننيه يخببللن
بعدين انتبهت لصوره الها وهي نايمه
احمر وجهه بسبب الغضب : الحقيررر يطب لغرفتي مـن دون مـا ادري مووو انـي اعلمك يـاا حقيررر
ظلت مركزه بيها و عضت شفتها بخجل وهي تفكر أنــو فهد طاكلها هيــچ صوره هي ونايمه مـن دون متدري
بعددين هزت راسها و ظلت تدور بين الصور
دخلت ؏ صوره جان فهد لابس بيها بـس بجامه قماش و مستند ؏ بلم وراه و مـا لابس حذاء و واكف ؏ الرمل مـال النهر و عضلاته مبينه و جان جسمه يخبل
جانت الصوره تجننن و دزتها بسرعه لتلفونها و بعـدين دخلت ؏ الانستا و هي تبتسم بخبث : خلي نشووف شراح تسوي يأستاذ فهد
نزلت الصوره ؏ الانستا و بعـدين غلقت الاشعارات ؏ الانستا حتى فهد ميدري بيهن
طلعت مـن الانستا و سدت التلفون و مـا خلت اي اثر يدل ؏ أنــو هي فتحت التلفون
كمزت وهي تسمع صوت فهد مـن وره الباب يصيحها
ضمت التلفون بجيبها و تنفست بقووه و فتحت الباب : شَكـو !!
فهد وهو يباوعلها بشك : تلفوني مـا شفتيي !
لينا : لا مـا شفته
فهد بنظره وترتها : متاكده !
لينا بتوتر : اي متاكده
باوع فهد عليها : اي خلي نشوف بـلا
طلع تلفون مـن جيبه و كتب رقمه و دك على تلفونه
غمضت لينا عيونها بقووه و هي تسمع تلفون فهد يدك بجيبها و همست بصوت وصل لاذن فهد : سووده بوجهيي سووده بوجهي
ضحك فهد بخبث : مـا شفتي مـــو !
فتحت لينا تك عين و طلعت التلفون مـن جيبها و انطته لفهد الي يباوعلها وهو رافع حاجبه : مشكوره
هزت لينا راسها بتوتر و خجل و بسرعه سدت الباب بوجهه فهد
و غمت وجهها : ثووول الي يثوولج اي ولله متعرفين تسويلج شغله مـن دون مـا يلكفج بيها
و بعـدين طلعت تلفونها بسرعه و ببدت تشوف تعليقات ؏ صوره فهد الي بسرعه صعد تفاعلها و تعليقات كوومه و ظلت سهرانه كُلسـاع طابه تشوف التعليقات
صـار ثاني يوم و جانو الـكل كاعدين يتريكون
مصطفى : اڪـول فهد
فهد وهو يشرب جـاي : خير
مصطفى بخبث : مـن شــوڪـت صاير تنشر نفسك مـصلخ
و فجأه يغص بالجاي و يبدي يكح : هااا !!
و بسرعه يباوع للينا الي دنكت راسها بسرعه و وجهه احمر كاتمه ضحكتها
طلع تلفونه بسرعه و دخل و جان يلكا الصوره مالته موجوده و تعليقات كوومه و جماعته كومه معلقين و الاضرب الاشعارات جانت متوقفه
باوع للينا الي باوعتله بتحدي وحركت شفايفها: اكلها يَــلا
حجه بداخله بتوعد وهو يباوع للينا : ماشي يلينا ماشي
ام اسد : يمه اسد انـي رح اطلع هسه للامام الكاظم مسوين حمله و خابرتني بيت جيرانه ام مجتبى و كلتلي و انـي كتلها اروح
اسد : ماشي يمه بـس انـتِ صحتج شويه مـــو شي خاف تتخربطين
ام فهد : لو كايلتلي يـاام اسد جان رحت وياج هـم اعينج و هـم نزور سوه
ام اسد : ولله يأم فهد بـس مكان واحد ظال و ان شاء الله انه ادعيلكم يم الامام الكاظم واحد واحد
هاشم : ترجعين بالسلامه حجيه
ميدري اسد لـيش گلبه وجعه ؏ روحه امه و باوع لحنين الي جانت ساكته و تباوع لامها بهدوء و لازمه ايدها
راحوا الكل للشغل مالتهم و حنين و دنيا معدهن دوام لان اليوم سبت و حنين ياخذها اسد الصبح الاحد للدوام
بدن البنات ينظفن بالبيت و سحر كاعده رجل ؏ رجل يكولك هي ام البيت
وكفت دنيا كبالها و تخوصرت : اڪـول عَـيني الجايفه مدكومين تنظفين غرفه رجلج و تغسلين ملابسه
سحر : فهودي حَــبيبي ميقبل اشتغل انـي هـنا
دنيا : مـــو يدري مـا بيـج خير
كامت سحر مـن مكانه و حجت بنتره : باعي لجج انـي مره اخووج و غصبا مـا علـيج تحترميني فهمتيي
ادخلت حنين بينهن : بنات صوتجن ميصير هيــچ شبيجن
سحر : و انـتِ شنـو حتى تدخلين هاا !! لو بيـج خيرر متكعدين بنص زلم متعرفيهم مـنو بـس ظاهر مكيفه
ام فهد بعصبيه : لجججج سحرررر
حنين والدمعه بطارف عينها : عوفيها خاله انـي كعدتي هـنا غلط كلام سحر صحيح
لزمت ام فهد ايد حنين : هذا بيتج
وبعدين باوعت لسحر : شووفي لجج حسسج مـا اسمعه بعدد فهمتتييي تخدمين رجلج و غصبا مـا علـيج و يـاا ويلج اذا سمعتج تحجين ويه اي وحده مـن بناتي بكلمه مـــو حلوه وحق الحق اخلي فهد يربيج مـن جده وجديد فهمتتتتي !!!
باوعت سحر بغضب لام فهد و دنيا الي تبتسم و حنين الي مدنكه راسها و عافتهن وصعدت
دنيا : ولله و كـفـو طلعتي يسوسو
ام فهد : يمه حنين معليج بهاي المسمانيه هذا بيـتج و نخليج بعيونه ولله بـس اخخ حظ ابنييي وكع بهيج بنيه
ابتسمت حنين و حضنت ام فهد : الله يخليج النا خاله
ام فهد : بعد خالتج
جانت لينا دا تِحجـي ويا صديقتها هـم دكتوره تعرفت عليها اسمها ياسمين
بنيه تجنن عايشه بـس ويا ابوها رجال مقعد و بـس هي تداري و تعيشه
اهلهم كُلهـم تبروا منهم بعد مـا اخذوا الفلوس و كُـلشي و صفت ياسمين و ابوها ببيت صغير بـس مع ڪُـل هذا تشوفوها اسعد بنيه ودائما الضحكه متفارق وجهها الطفولي رغم الالم الي عاشته و القهر و الضيم
لينا : يعني هذا عمج ميفك عنكم بعد مـا اخذ كُـلشي منكم نوب يريد يزوجج لابنه السكير
ياسمين : اي ولله و حايرا و نوب يردون يحجون كدام بابا واني بطلاع الروح اداري ابويه نوب يسمع هيــچ ولله يتخبل
قاطع كلامهم صوت خشن : السلام عليكم
ندارت لينا و ياسمين لصوت الرجال
لينا : استاذ دريد اهلا وسهلاا
دريد : اهلا بيـج دكتوره لينا و مـن ندار ؏ ياسمين
فتح عيونه بغضب و حجه بنفس وقت كلام ياسمين : همم انتتتت
لينا باستغراب : شنـو واحد يعرف الثاني !
دريد بعصبيه : اي عَـيني حضره جنابها قبل شويه رادت تموت كبال سيارتي
ياسمين : اننيي !! لو انـت الي تسوق ؏ السريع متكبرر و متشوف احد كداامك
دريد وهو يحاول يسيطر ؏ غضبه : شوفي انـي زلم متكدر تِحجـي وياي هيــچ مـــو نوب تجيني انـتِ
ابتسمت لينا بداخله ؏ منظرهم الي يذكرها بنفسها و بفهد : ممكن تهدأون
حجت ياسمين وهي تباوع بطارف عينها لدريد : انـي رايحه عنددي شغل
دريد بهمس : خفت لهلوجهه
لينا : استاد دريد محتاج شي
دريد : اي ولله تحاليل الوالده بلكي تشوفيها
لينا بابتسامه : تدلل انـت و الوالده
صـار الليل و جانوا الكل كاعدين مـا عدا ام اسد الي لسه مـا رجعت مـن الزياره
جان اسد هادئ بطريقه غريبه باله يم امه ميدري لـيش گلبه يوجعه
بعـدين دك تلفونه برقم غريب استغرب مـنو يدك عليه بهيج وكت
كام مـن مكانه حتى يجاوب هــاي طبيعه اسد دائما
نزلت سحر ووكفت كبال لينا الي باوعت الها باستغراب : خير !!
سحر بصوت خلت الكل ينتبهون اله : ست لينا انـي اريد ﭑ؏ـــرُف شغله وحده
لينا بملل : و شنـو هي ست سحرر !!
طلعت سحر السبحه مـال فهد الي لكتها بكنتور لينا وقبل لتظهرها كدامهم
دوى صوت اسد العالي وهو يطبلهم ويوكع يم الباب ومثل الفاقد و يلطم على وجهه : ولكممممم امييي مااااتتت.
********************************************
شنـو رأيكم بأحداث البارت ! 💗🌸
كومنت 💬 و نجمه ⭐️ للتصويت ♥️
احبكم ڪُلش ♥️