بقلمي:جوهرةNerenAlobeidy
#البارت_الرابع
ليت الذي خلق العيون السودا
خلق القلوب الخافقات حديدا
لولا نواعسها ولولا لحظها
ما ودّ مالك قلبه لو صيدا
إن أنت أبصرت الجمال ولم تَهِم
كنت امرءا خشن الطباع بليدا
وإذا طلبت مع الصبابة لذّة
فلقد طلبت الضائع الموجودا.
******
كتلها اتزوجج عقد هي وافقت اتفقنا على هالشي وثاني رحنا عقدنا لأن اخوها ميقبل يزوجها اكو مشاكل عالمه همة وطليقها
اني حيل جنت واهسي بيها ورايدها وشفتها ذابحه روحها علية
اني تمارة عمري 28 سنة انفصلت عن زوجي لأن كولش جان يأذيني شخص مينطاق نهائي حتى الولد مقبل يأخذه والحمدلله هاي اجت بصالحي لأن حبيبي علاوي ما اكدر استغني عنه
اني طلعلي ورث من اهلي الله يرحمهم واشتريت بيت صغير بصف بيت اخوية واستقريت بي والحمدلله مديره أموري فد يوم جاي اراجع بمعاملة البيت بقت بيها نواقص واخوية عسكري ماعنده مجال فجنت أخذ ابني وياي واروح للطابو وهناك ما احجيلكم البهذلة الي نشوفها ساعات نبقى على مجرد توقيع والله المهم بمرة من المرات لفت انتباهي رجل حيل مرتب وأنيق وشكله وسيم الصراحه مدري ليش من اول مرة تعلقت بي رغم شكد جانو موجودين
غلست اسوي روحي ممنتبهة بس اراقبه بدون ميحس طلع هو هم يراقبني أشوفه يصيح علاوي يسولف وياه يبوس بي لو ينطي فلوس هالاشياء هاي خلت ابني يتعلق بي
جنت ارجع للبيت واني رغم معاملتي مكاملة وهوسة وحارة لأن جان صيف بس احس روحي سعيدة والله
احتمال تتفاجؤن شبسرعة ذبيتي جرش وياه
والله اكلكم مدري لأن احساسي بي كاعد يزيد والقلب ماعليه سلطان
جنت احجي لزوجة اخوية اطلبها عليه أشوفها شتكول بالبداية جانت متشجعني تبقى تحجي علية واني ابقى احلف بيها متسمع عادل اخوية الجبير
بقينا نتواصل اني وسام حتى عرفني على أخته ام صهيب أرملة وعدها ولد شباب بالبداية جانت قافلة مني لأن الي فهمته من وسام هي تحب زوجته وعلاقتهم قوية اني كل هذا ميهمني جنت مثل المسحورة احبه بوسام واريد بس اتواصل وياه وفعلا بقينا واتساب وفايبر إلى أن طكت روحي كمت ما اتحمل لأن اريد اعيش وياه اريد احس بحبه
بالبداية جان متردد بس من شاف اندفاعي قبل وبشروط واني قبلت اتزوجه وبدون علم اهلي لأن اعرف اخوية مراح يقبل وطليقي راح يسويلي مشاكل اكيد راح تكولون ليش وشصار عليج بس اني بنظري الجاي اسوي حلال مو حرام اني احب وسام ومتخبلة عليه فكولشي أشوفه يوصلني حتى يكون وياية قابلة بي
_يمعودة اخوج إذا عرف بية وساكنة ما حجيت يطلكني
_اووي شدعوه بعدين شلون يعرف إلا اذا انتي كلتي واني ما اهون عليج صاحبتج يولي تغدرين بية
_ اووف منج شكد مفلفلة خل نشوف تاليها وياج
_يعني عليها متفقين
_اي هاي هية ليش اني اكدر لأن عليج
طلعت من بيت اخوية فتت لبيتي بيناتنا سياج اتصلت على وسام
_هلاو حبيبي
_هلا هلا والله هلا بتمارة گلبي
_فدوة حبيبي .. شوف وسومي يروحي باجر نعقد شتكول
_هاي هية بس اني هم ماريد أحد يعرف مالي خلك المرة تروح زعلانة والبيت يتبهذل
_شدعوة عيني لعد اني مو راح اصير مرتك
_تمارة نتفق من البداية انتي عاجبتني واريدج
_اي ادري بكل هذا يلة حبي موعدنا لباجر انتظرك
_تمام
_ وسام عادي يعني اذا رحنا بيت اختك لأن بيتي متكدر بالنهار تجيني
_لاااا لاااا مستحيل ما اقبل بهذا الحجي اختي مندخل بيتها اصلا ولا تفكرين بيها
_ قابل راح نسوي جريمة
_تمارة هالشي ما اقبل بي سدي الموضوع
_لعد انت حلها شلون
_باجر انتظرج بمكان ..... ساعة عشرة يلة حبي باي
_باي حبيبي
سديته من تمارة وتنهدت لازم باجر ادبرلي عذر إذا ابات يم تمارة
انتبهت حسوني يكمز اجى بحظني شلته بوسته وخليته على رجلي .. ها بابا حبيبي وين اخوتك
_لوح يم ددوو
_وانت ليش مارحت يم جدو
_ الوح باي
_هههه تريد تشتري
كام يصفك مكيف شلته وطلعت صحت دنيا
_دنيااا وينج
_ها عيني كول
_راح أخذ الجهال اشتريلهم رايدة شي
_ والله ياريت اجيب موطه وياك
_ان شاء الله
اخذت الجهال من بيت اهلي جانو يلعبون هم وجهال عمامهم افترينا بالسيارة واشتريتلهم
جان وكت مغربية ادحك عليهم متونسين ارتاح كولش من أشوفهم فرحانين بالي راح يم تمارة وباجر شلون راح ادبرلي عذر
طخت عندي خوش عذر المهم من رجعنا للبيت ورى العشا دنيا جابت الجاي وكعدت بصفي
_اجتني عزيمة باجر مدري اروح لا
_وين أن شاء الله
_بديالى عزموني صاحبي من زمان ولح علية لازم اروح
_شكو بيها بس شوية بعيدة لازم تبات
_اي والله لازم ابات
_منين هذا صاحبك
_متعرفينه .. شو كومي جيبي جاي بعد
_ها اي رايحه
ثاني يوم عقدت على تمارة بالسر محد يدري بس اختي ام صهيب الي جانت ممرتاحه السالفة وسكتت لخاطري من عرفتني رائد تمارة
بالبيت عدهم علم رايح لديالى فطلعت من البيت رحت يم ولد صاحبي بقيت يمة لليل
جنت انتظر اتصال من تمارة فعلا خابرتني
_حبيبي رتبت الوضع تعال للبيت
_اي عشر دقائق اني يمج
طلعت من بيت صديقي طبعا ميدري بية ولا عنده علم
انتظرت بسيارتي بالشارع وخليتها مركونه على جهة بعيدة عن البيت نزلت اتمشى لبيت تمارة وقبل ما ادك الباب فتحته عالسريع جانت تنتظرني
دخلت الكراج وانتبهت عليها بس شنو انسطرت من شفتها شي ثاني سيت نوم احمر والشعر والمكياج والعطر تقربت شاورتني واني بعدني مفهي عليها .. حبيبي تعال بهدوء ادخل لأن ابن اخوية يبات عندي
_صدك تحجين لعد شلون هسة
_ينام بغرفة علاوي يلة تعال ترى صغير مو جبير عمره 11سنة
دخلت البيت مباشرة لغرفة النوم وهي قفلت الباب رأسا
*******
بعد العملية بقيت أبيت اهلي 15 يوم امي دارتني خطية اني وجهالي وحيدر جان يروح ويجي علينا
كاعدين نسولف اني ودنيا جانت جاية تشوفني خطية ماكطعت كم مرة اجت والبيت هم قريب نفس الشارع همة واهلي
_دنيا انتي اهتمي بروحج وشوفي وسام شلون يصير وياج هسة يرزل بيج لأن متهمين وهو من النوع يحب هاي السوالف ولج والله تخسرينه واكو نسوان مفلفلات يحظي اووف لاتخليني احجي
_ ادري بظيمج ترى الزلم عينهم زايغه بس بيهم بس تبصبص هههه
_ انتي مو تشوفين حيدر يموت علية ومدللني شنو رأيج كم مرة الزم محادثات هو وبنات وكلام بيناتهم كله جنس والله
_عزااا العزااا صدك تحجين
_اي وربي احجي الصدك ابجي واعيط مرات يبقى بحظني ويبوس بية يكول مو اني لو يكول هنة يتحرشن بية واني رجال مو مرة مثلج شسوي ارد عليها
_يمممة اسم الله لا عيني أن شاء الله ميصير هالشي
_انتي هم غيري شوية رتبي روحج اهتمي بي أكثر قابل اني اعلمج انتي هم تعرفين
_ ولج عيني زهورة رجلي حار حار ميشبع والله واني اضوج مرات لأن هم الي طاقة وهو طاقته فول هههه
_ههههه والله عليج سوالف طكي عين للرجال
_يمعودة شكو عليه
_بس تدرين العندي هم نفس الشي والله انوب مو يحجي وياهن يفلفلنه ويجيني هايج يأخذ شوطين تلاثة يلة يرتاح
اووف والله قهر والنبي جاي اعاني اني لعد متشوفين احذر بيج اخاف عليج والله
_اي والله انتي اخيتي فدوة اروحلج
ورى هالاسبوعين رجعت للبيت طبعا ماما ماخلتني الا سوتلب شمع لكل جسمي وحفافه وترتيب واني هم من النوع كولش احب النظافة اصلا كول عشر تيام اسوي شمع لو شيرة فجسمي ناعم كولش ... من دخلت الغرفة حيدر رأسا قفل الباب وحظني على كيفه .. شكد مشتاقلج
_اني هم والله
_خوما يأثر إذا ....
_لا ميأثر الحمدلله صرت زينة والجرح طاب
_معقولة بهالسرعة دتعاي لعد بس لا تنزعين ثوبج
استغربت اني .. ليش شنو هلكد متلهف
_ها اي وهم علمودج خاف الجرح وو يعني
بقى يمتمت بالحجي واني رأسا عرفت قصده يخاف يحرجني عياله شايلين صدري اسم الله ميعرف مجرد رفع ورم ومكانه يم حلمة الصدر والحمدلله ممبين مجرد إثر خفيف
_حيدر ترى صدري كولشي مابي ليش خايف
_شنو يعني قصدج بعده
_اي والله الطبيبة رفعت الورم مو الصدر
خطية حظني وباس خدي .. ولج فرحتيني جنت ميت قهر عليج والله اووف جنت متزوهر وحالتي حالة الف الحمدلله يارب
دتعاي بعد روحي تعاي يگلبي ودكاته اووف شكد مشتاكلج ........
*******
يعني تمارة فدشي انفجاري خلتني عايش احلى ليلة والله بس شنو جنت احاول ما اخليها تخلي علامة من شفت لهفتهغ وتهورها خفت دنيا تكشفني طلع الفجر واني وياها وقريب الساعة ستةالصبح كتلها خل اروح شوفيلي طريق
طلعت شوية ورجعت اشرتلي طلعت بهدوء ومن وصلت الباب البرا التفتت عليها شمرتلي بوسه بالهوا طلعت الشارع فارغ وسيارتي على حطتها صعدتها ورجعت لبيتي طبكت السيارة بالباب ونزلت البيت صنطة دخلت كلهم نايمين فتت للحمام سبحت وطلعت رحت صليت ورجعت مددت بالفراش بصف دنيا مباشرة غمضت نمت لأن حيل تعبان
كعدت الساعة تسعه الصبح رحت غسلت واجت دنيا ..صباح الخير شلونك
_صباح النور
_شوكت رجعت شو من وكت
_الساعة ستة لأن طلعو جماعة من الجنوب جانو حاظرين كلت اطلع وياهم
_اي احسن يلة تعال تريك شو مبين تعبان
_ها اي سويلي ريوك
تريكت وبالي يم تمارة وبليلة البارحه وبسوالف تمارة وحركاتها الي جننتني
ورى الريوك طلعت لبيت اهلي جانو كاعدين بالمضيف سلمت وكعدت وابوية سألني عالعرس وعلى صاحبي اضطربت اجذب شسوي المهم التعينات بسوالف وجماعة اجو عالحجي عدهم طلابة
اتصلت علية الظهر تمارة وصوتها يتموع تريدني اجي تكول مشتاقتلي
ياطلابة الكشرة شلون أدبر عذر انوب شلون ماشوف راح ابقى أدبر اعذار
المهم كتبها من يصير عندي مجال مثلما اتفقنا وهي اضطرت تقبل
رجعت البيت ومن الغدا .. دنيا شنو غداج
_سويت بامية بلحم واكيد تمن هم
_سويلي ثريد جيبي الغدا بالهول
تغدينا والجهال محاوطينا اني طبعي إذا مايلتمون جهالي يمي ما ارتاح لأن كولش متعلق بيهم واحبهم
انتبهت دنيا صافنة بوجهي .. خيرج بوية
_اكلك وسام شو نسوان الطرف مدري شبيها كلما احجي يكولن هنيالج على رجلج
_ايا فطيرة وانتي ترحين سوالف البيت تحجينها
_شمدريني هنة حجايتين ثلاث شو النسوان مدري شبيهن
_بطلي تحجين شنو وإذا صاحبتج مو الا تعرف كولشي
_الصراحه اني أكثر شي احجي بزهراء هي اخيتي وتنصحني وحجاياتها حلوة
_اي زهراء خوش زهراء معدلة والله متتعلمين منها شبيج
_اكلك شبيك علية كلما حجيت وكلت تعلمي لعد هذا البيت منو قائم بي وبشغلة مو كله على راسي
_ليش بس البيت التفتي لرجلج ترى عجزت واني اعلم بيج
*******
مشتاقتلكم بنات حبيباتي 🌹🥰🥰🥰🥰