الوقح والراقيه
36
👑اللهم اغفر لي واهدني وارحمني وارض علني👑
لوزه : ربنا يسامحك يا فيصل. ايده تقيله اوي
جبل: اه يا عمتو.
لوزه : معلش يا حبايبي
صخر: انا قولت كنتي هتنزلي تحوشيه عننا
لوزه : والله ما كنت هنا. كنت عند اخت عبدالرحمن مع العيال .
شذي : هي عامله ايه
لوزه: كويسه . كلمتني امبارح وعزمتنا وعايزه الواد ابنها لحياه
شذي: حياه لسه صغيره
لوزه : قولتلها اما تكمل تعليمها. بس هي عايزه تعمل خطوبه
شذي: الولد بيشتغل ايه
لوزه : بيشتغل محاسب في شركه. شكل عبدالرحمن كده. بس انا قولتلها اما تخلص ثانوي
شذي: الولاد كبرو وهيتجوزو.
لوزه : اسكتي ده انا زعلانه اوي علشان الموضوع ده. مش متخيله هتتجوز وتسبني
كانو يتحدثون.
ليسمعو صوت فيصل العالي
شذي : اخوكي جابلي تخلف. كل يوم بيزعق ويفزعني كده
لوزه : ربنا يهديه.
شذي : يااارب
دخل من الباب ووجهه احمر. لتقترب شذي : مالك يا فيصل
فيصل: مفيش .. انا داخل ارتاح شويه
دخل الغرفه ونظرت لوزه الي شذي : ادخليله وانا هاخد الولاد وانزل
شذي : هتنزلي فين
لوزه : خالتي تهاني. عامله كوارع وعزمانا
تقززت شذي لتضحك لوزه علي ملامحها
. لوزه : صخخر . جبل. مريم
خرجو من غرفهم
لوزه : تعالو ننزل نتغدا كوارعو
صخر : يا حلاوه.
جبل : الواحد محتاج اكله ترم عضمه اللي تكسر ده
شذي : انتم معفنين. متتطلعوش من تحت الا اما تستحمو
ضحكو عليها
.
لوزه حملت عمير الصغير : هاخد عمير. معايا
شذي : ماشي.
نزل الجميع وهي توجهت الي غرفه فيصل. لتجده يجلس في الظلام ويضع يده علي عينه
لتلمس كتفه بهدوء وقلق : حبيبي. اعملك ليمون
تنفس : لا
جلست بجانبه بتوتر : مالك . جاي بدري وشكلك مخنوق ليه كده
لا رد
ابعدت يده عن عينه ووضعت يدها علي خده : اتكلم معايا
فيصل: مشكله في الشغل
جلست بجانبه : مشكله ايه. احكيلي كده
فيصل : هتعملي ايه يعني
شذي: احكي يا فيصل. الله
فيصل : المخزن بتاع الاقماشه اتحرق وخسرنا كتير
شهقت شذي : ايه اتحرق ازاي وامتي
فيصل: انهارده الصبح .. بيقولو ماس كهربي
شذي: قدر الله وما شاء فعل. المهم انك بخير ومحصلش ليك حاجه
فيصل : والله راضي وبقول الحمد الله وكويس ان ابويا منزلش انهارده من البيت . بس الخساير كتير
ابتسمت له : هتتعوض ان شاء الله . اطمن
نظر الي ابتسامتها لتضمه وتربت علي ظهره بحنان
شذي: نسيت اقولك ..توتي عامله كوارع
فيصل: هتاكلي منها
شذي : مستحيل . بس انت بتحبها
فيصل: انتي بسكوته
شذي : بسكوته بسكوته . بس مش هاكل الكوارع دي ابدا
ضحك بسخريه : انا هنام ..مليش نفس
شذي: مش معقول . اول مره ترفض تاكل الاكله دي . انت بتحبها
فيصل : مليش نفس ومليش خلق حتي اقعد مع حد .. طفي النور وانزلي انتي اقعدي معاهم
ذهب للفراش ليتمدد اغلقت النور
ليشعر بعدها بها وهي تتمدد بجانبه : منزلتيش ليه
شذي : علشان مش عايزه اسيبك وانت مضايق .
مررت يدها علي شعره ليدفن راسه في عنقها ويغمض عينه ذهب في ثبات عميق .. وهي تفكر في حل .
لتلمع في راسها فكره .. انسحبت من جانبه بهدوء
وارتدت الاسدال وتوجهت الي الاسفل
تهاني : تعال يا شوشو . فين فيصل
شذي: فيصل نايم شويه. هو فين عمو
تهاني : جوه قاعد مع الولاد
شذي : ماشي
دخلت اليه : اذيك يا عمو
جبل الكبير : الحمد لله يا بنتي .
شذي:/ عايزه اتكلم معاك شويه
نظرت الي الاولاد. ليخرجو من الغرفه وتركوهم معا
شذي: انت عرفت ان المخزن اتحرق
تنهد الجد : ايوه يا بنتي . الحمد لله علي كل شئ..
شذي : انا عندي حل يا عمو . بس ده هيكون سر بينا
الجد : قولي يا بنتي
شذي : انا معايا فلوس في البنك . حضرتك.خدهم وشوف ايه اللي ناقص واتصرف بيهم
رفض الجد :/ لا يا بنتي . دي فلوسك ومش ممكن نمد ايدنا عليهم
شذي : انا هقولك . اعتبرني شريك بيهم بس شريك من الباطن. علشان فيصل ميعرفش
الجد : وانتي ذنبك ايه
شذي : الفلوس مركونه وانا مش بتصرف بيهم . شغلهم احسن. واول اما الشغل يكبر وتديرو الامور تاني. لو عايز ترجعهم رجعهم . هما للولاد مش ليا. انا قولت ان شاء الله يخلصو جامعتهم وهقسمهم عليهم
الجد : يا بنتي لو عرف فيصل مش هيسكت
شذي : ما هو مش هيعرف مين . انا هكتب لحضرتك شيك. وانت روح مع بندق واسحب الفلوس .وقوله انك محوشهم
الجد : مش عارف يا شذي . هفكر الاول
شذي: بالله عليك يا عمو وافق . فيصل صعبان عليا اوي . ومش بحب اشوفه زعلان . غير كده احنا عايشين بفضلكم انتم .
. ربت علي يدها: ربنا يخليكم لبعض يا بنتي . انتي بنت اصول وهتفضلي دايما بنت اصول
ابتسمت له واخرجت الشيك من جيبها : اتفضل يا عمو
تردد في اخذ الشيك ولكنها اصرت فهي لا تستفيد من الاموال.
اخذهم منها. بعد ان اعادت الرجاء ..
بالنقود تحسنت حالتهم مره اخري والعمل كان يتوسع ويكبر. ويزدهر
بدا الاولاد الدراسه والحاله مستقره للجميع
مرت السنه ....
ونجح الاحفاد كلهم ...
اتصل فيصل بشذي
اتجيب عليه .. فيصل: البسي وطلعي عمير للوزه
شذي بفرحه : هنخرج انا وانت
فيصل : اه
شذي بسعاده : لوحدنا
فيصل: ايوه يا شذي . خلصي بسرعه .. متتاخريش
شذي : حاضر . باااي
صرخت بفرحه . لتحمل الصغير. وتاخذه الي لوزه
لوزه : شكلك سعيد
شذي : جدا . هنخرج انا وفيصل لوحدنا . هو قالي كده
لوزه : الله يسهلو
شذي : خلي عمير معاكي . ومريم هتطلعلك .. وخلي بالك من صخر وجبل لو عملو اي مشكله اتصلي بيا بسرعه
لوزه : حاضر. متخفيش
شذي : باااي. هنزل البس قبل فيصل ما يتصل .
لوزه : ربنا يسعدكم يارب
شذي وهي تسرع علي الدرج : يارررب
ارتدت ملابسها وهي تضحك سيخرجون معا لم تحدث منذ سنين
. اتصل بها. كانت تضع حجابها. لتنزل له
نظر الي ضحكتها لتتسع ابتسامته
لمعت عينها بحماس لتسرع الي احضانه . ضمها قبل راسها
لم تتغير السنين ولم تغير بها ما زالت طفله مدلله
فتح لها باب السياره . لتصعد وصعد مكانه وانطلق بالسياره
كانت تنظر الي الطريق باندهاش
: تعرف كنت ساكنه هنا زمان
فيصل : بجد
شذي: اه كنت ساكنه في الشارع بس كان كله فلل . دلوقتي بقي عماير
فيصل : اممم
تتذكر ايام طفولتها في هذا الشارع والطريق الذي شهد كل مراحل حياتها
ليقف امام فيلا .. تعرفها جيدا . نظرت له بعدم تصديق
شذي: دي فيلا بابي
ابتسم وقبل يدها : لا دي فيلتك انتي دلوقتي . اشتريتها وكتبتها باسمك
الفرحه التي تشعر بها الان لم تعرف توصفها لترمي نفسها في احضانه وهي تبكي.
فيصل: انتي بتعيطي . ده انا كنت عايز افرحك .
مسحت دموعها : انا فرحانه اوي . ربنا يخليك ليا
خرجو من السياره. ليفتح لها البوابه .. امسكت يده وراحت تحكي له. عن الاماكن. وقفت في منتصف الجنينه
شذي : الشجره دي بتاعتي . انا اللي زرعتها
ابتسم : حلوه زيك
امسكت يده واسرعت الي الداخل لتشهق وهي تري البيت لم يتغير
صعدت الي اعلي لتفتح ابواب الغرف الواحد تلو الاخر وهي تضحك وتحكي له لمن الغرف
كان سعيد لسعادتها ..
ليمسك يدها ويشدها الي احضانه رفعت يدها وحاوطت عنقه : احنا هنعيش هنا
. فيصل : اه يا بسكوته. هنعيش هنا.
قبلته بسعاده : بحبك اوي موت يعني
فيصل: وانا بحبك اكتر
شذي: هنيجي كلنا ولوزه وبندق وعمو جبل وتوتي
فيصل : براحتك . عايزه نسكن لوحدنا انا وانتي والولاد ماشي
شذي: لا . كلنا. البيت كبير و انا عايزه نفضل مع بعض علي طول
ليصفعها علي خصرها. صرخت
شذي: يوووه يا فيصل
ضحك : بحبك
شذي : وانا 🙊
.....
انتقلو الي البيت الجديد الجميع وكانو سعداء
اعطي فيصل نقود شذي لها بالارباح فقد علم انها الشريك
رغم اعتراضها ولكن بنظره منه وافقت
تري اطفالها يكبرون يوما بعد يوم وتعيش بسعاده مع عائلتها الجديده .
. واستقر احوال الجميع ..
عاشت الراقيه مع الوقح بسعاده 😍😂
... نكمل للجزء الثاني .....