الوقح والراقيه 1&2( مكتمله)

الجزء الثاني 16

الوقح والراقية2

16

👑 أستغفر الله العظيم عدد ما كان وعدد ما يكون وعدد الحركات وعدد السكون 👑

جبل حاول الاتصال كثيرا علي تاليا ولكن هاتفها مغلق وتالا أيضا هاتفها مغلق

اكمل عمله وهو يفكر في الأمر يبدو أن والدتها ترفض هذه العلاقه

جبل لنفسه : طيب انت زعلان ليه مش كنت معترض عليها ، اهي جتلك اللي هتوقف الجوازه كلها

ولكن سرعان ما جاوب علي نفسه أنه يخدع نفسه هو لم يرفض قربها هو فقط يغضب من لسانها الطويل وطريقتها في الكلام

جبل : هي دبش اه بس انا معجب بيها ، لا بصراحه انا بحبها

ابتسم يرضي عندما اعترف بينه وبين ذاته ،، بحقيقه الأمر لن يخدع نفسه أكثر نعم يريدها وسيحاول أن يجعلها تتغير

......

في المساء

عاد جبل الي المنزل اولا ليجد شذي أمامه

ذهب وقبل جبينها ويدها : عامله ايه يا حبيبتي
شذي بحب وهي تمسك علي شعره : الحمد لله يا قلبي . تجهزلك الاكل

جبل : مش دلوقتي اما صخر يجي وبابا وناكل كلنا

شذي : اقعد يا جبل عايزه اتكلم معاك

جلس بجانبها وهو ينظر لها باهتمام

شذي : انا حكيتلك انت وأخواتك قبل كده اتعرفت انا وفيصل ازاي

جبل وهو يحرك رأسه بتأكيد : ايوه يا ماما حكتيلي علي قصه حبك المشتعل

ضحكت شذي : ياااه كانت ايام ، منكرش أن انا كنت خايفه ومرعوبه من فيصل ومن طريقته بس هو كان حنين عليا وراجل وقف جنبي اما كل الناس اتخلت عني ، مرينا بعدها بظروف صعبه وافترقنا

جبل وهو يتذكر الماضي ورغم أنه كان عمره صغيره إلا أنه يتذكر. بعض اللقطات من الماضي

شذي : اما افترقنا كنت بلومه وبحمله الذنب ، بس اما فكرت كويس عرفت أن في كل بلاء في رحمه .. واتاكدت أن ربنا عمل كده علشان يتغير للاحسن

جبل نظر له باستفهام

شذي : باباك الاول كان طبعه صعب اوي ودماغه فوق الصلبه بس بعد اما رجعنا كان حنين عليا اكتر من الاول بكتير ومكنش قاسي زي الاول ، غير كده بطل اسلوب

سكتت قليلا

جبل : سكني ليه
شذي بهمس : اسلوب الهمجيه ، أصله الاول كان اما يتعصب ممكن يمد أيده بس بعد كده لا