نصفي العقيم ( مكتمله )

بارت(٢١) هديه ♥️

لقد كُنت اعرف اني غريب
وإن زماني زمانٍ عجيب
وإني ساحفر نهراً صغيراً واغرق فيه ..
أنام وفي العين ثقبٌ كبير
فأوهم نفسي باني انام
واصحو وفي القلب خوفٌ عميق
فأمضع في الصمت بعض الكلام
اقول لنفسي كلاماً كثير
واسمع نفسي ...
وألمح في الليل شياً مخيف
يطوف برأسي
ويخنق صوتي ..
ويسقط في الصمت كل الكلام !

_______________________

روايـة "نصفي العقيم"

البارت والواحد و العشـ٢١ـرون عشر...

للكاتبه : يُمنا نـآصر
_______________________

قراءه ممتعه ..

من بين خوفي ومقاومتي صحت بعالي صوتي حتى اخلص نفسي من قبضة هالشخص المجهول .. ياترى منو ممكن انو يكون هذا .. دفعته بقوه وناديت بصوت

.. هشاااااااااام .. هشاااااام الحكني اكو حرامي .. يمه خلصووووووني ... هشااااام .. عمههههههه مؤياااااد ..

تلاشت كلماتي واني اسمع صوت الشخص وهو يهمس قريب يم اذني ..

"اشششش لا تخافين اني هشام ..

"دفعته بسرعه واني احاول اركز زين باوعت واذ هذا فعلاً هشام .. تنفست بارتياح خليت ايدي على صدري واني احاول اخفف من ضرباته

.. طب مؤيد للسطح يركض هو والاء .. خطيه الاء مكفوشه وشايله لايت ، ومؤيد تك نعال ودوب مفتح يركض وشايل سچينه مال فواكه يصيح وينه وينه الحرامي اليوم اشلخه وصلتين وينه ..

بغداد : رغم خوفي بس منظرهم جان يفطس ضحك طگيتها بضحكه وكتلهم هذا هشام خوفني ماكو شي ..

مؤيد : حجه بقلة صبر ، صدك جذب خليتوني افز من نومي وجيت اركض .. من سمعت صوتج صعدت الحماوه عندي وحسيت نفسي بفلم بوليسي .. تالي طلع ماكو شي ..

كالتله الاء : يااا وانت يالسبع جاي هاد ع الحرامي بسچينه مال فاكهه هاي شسويله دغدغه بيها ..

ردلها " حجه بتلعثهم ئ ئ انتي ماسامعه هذا المثل يكلج شوفي هذا يخاف من هذاك الشسمه رجع حجه وعبالك ديرگع لنفسه هسه دمشي امشي انتِ وشعفتج ، عبالك فرحه بمراهقتها ..

"بغداد نزل مؤيد  وبقيت اني والاء ويا هشام اني .. باوعتله اشو هذا يروط .. باوعلي وضحك بفهاوه كال ولسانه ثگيل .. حبيـ حبيبتي ي فَـ فَـو ز زيه

.. كال هيج ولزمني دك بوس .. دفعته وكتله شبييييك

الاء بسرعه لطمت على وجها وكالت .. عزاا بعيني هذا سكران والله هسه يجي ابويه ويشوفه الا يكتله خلاص..

باوعتلها بتفاچي كتلها

"شنوو سكران ؟؟ ليش هو من هيمتا يسكر

"يمعوده من زمان بس ابويه هدده وبطل وهسه راجع لهالضيم ..

"لتفتت عليه
.. گام يبجي گال .. والله اني احبج بس هما زوجوني بغداد اني احبج لج مو الها .. كعدت بالكاع وصار يبجي بجي النسوان .. تقربت منه واني مستغربه من حالته

دنيت يمه واجيت اتقيء من ريحته ماعرف شلونها بس تلعب النفس ريحه ابد مو طيبه ..

كالت الاء " عينيني خلي نطببه جوه نفتح عليه الدوش بالكت يصحى .. اوووف منك يا هشام اوف .. يودي نفسه بالتهلكه .. وهو عايش بالجنان (الجنه)..

رحت وياها سندناه بس هو اضخم من عدنه بهواي نكسره ظهورنه علما طببناه للبيت .. وديته بسرعه للحمام وكعد جوه الدوش .. فتحت عليه الاء ماي بارد وهو نايم جواه .. بقينه واكفين شويه وفز بس عبالك بعده مو كلش صاحي .. الاء كالت روحي جيبيله تراكسود وملابس بدليله ..

طلعت بسرعه رحت جبت من الكنتور ملابس ومنشفه وجيت اله .. الاء كالت راح اطلع وانتِ بدليله ..

كتله بسرعه "لاا وين تروحين وتعوفيني وياه وحدي ..

"شسالفه يمعوده هو رجلج قابل غريب وبعدين لتخافين منه ميسيوي شي .. كالت جملتها الاخيره وطلعت .. بقيت اني وياه بالحمام وهو يباوع عليه وعيونه مدمعه .. يربي مدري شبي هذا النوب عبالك طلي مكتول ..

رحت امشي بتردد دنيت لمستواه وبلشت افتح ازرار قميصه على كيف وهو لزم ايدي .. باوع بعيوني وگال .. اكرهج اني اكرهج دمرتيني ودمرتي حياتي .. اخذتي مني حبيبتي ونظر عيني نهيتيني انتِ السبب انتِ بنت الداعشيه كله من وراج ..

"بغداد بلعت ملعقة العلقم الي اطعمني ياها بكلامه ونزلت دموعي بصمت .. النوب رجع حجه .. لج انتِ ماعندج كرامه !

ليش مگابلتي وكاعده داكولج اكرهج اكرهج .. ولج البرجلي يسواج .. كلج خلك وحده نغــ.....ـه وساقطه وامج كواده نهبت وعافت ابوج الگرن ولج انتو كلكم عائله زباله .. اني تاج روسكم اشرفكم يا كواويد ياسفله ..

رجع حجه .. وينها فرحه الجربه وينها خلي تجي تشوف بنتها الكحـ.. نايمه ويا سليحان .. وهي رجليها بالشمس .. بغداد العار خدامتي .. ولج ادوسج برجليه وامشي عليج مثل الحشره ومحد يهتملج .. تدرين ليش لان ماوراج طهر لان انتِ عار وواهلج عارات .. صار يخوط بالكلام ماتفتهم شي منه ..
ساقطه ومنحطه اخلاقياً .. اكرررررهججججج .. دفرني بقوه على صدري ونرگعت بالحايط ..

حسيت روحي فارت وطفح الكيل .. كام هو وگف ورجع كومني يبوس بيه ويصيح اسف حبيبتي فوزيه اسف يعمري اسف ..  جرني من ايدي وذبني على السرير ، تقرب مني حيل ولزكني على جسمه .. قرب وجها و دفعته حيل وضربته براشدي الا وجها نفر منه .. طلع صوت بداخلي مأسور وصرخت بي

"كااااافيييي انتَ شنوووو من بشررررر ولك اني مو فوزيه اني مو انييي بغدادددد بغداااااادد ..

بغداد الي مارحمتوها بغداد الي كلكم دستو عليها مثل الحشره على كولتك

.. لطمت على وجهي حيل ودموعي تجري بقوه .. ربي ياخذني بجاه ام البنين يموتني واخلص منك ، اخلص منكم يارب .. هو راح انطرح ع الچربايه ونام واني شلت محمد هو نايم ونزلت واني ارجف لغرفة الاء .. دگيت الباب وهي طلعت كتلها اريد انام يمج ..

"باوعتلي بنظرة شفقه وكالت طبي عيني طبي نامي وارتاحي .. طبيت فرشت بالكاع ليه ولمحمد وغفيت بسرعه ودموعي معلگه على خدي ..

مرت ايام واني رجعت لغرفتي .. هشام جان يجي بالليل سكران بس اني لا اكوم ولا اشوفه وحتى حجي ما حجي وياه ..

كرهته حييل كرهته .. بكل موقف يستصغرني ويهيني عبالك اني نكره لو بنت ليل .. ركزت على دراستي حيل وصرت بس اريد اخذ شهاده واشوفلي صرفه منه .. مر اسبوعين هدوء وهو ماختلطت بي ابد على كد الحاجه اسويها وبس ..

بعد هالفتره جنت كاعده بغرفتي كالعاده مخليه محمد بالحجله واني داقره ع السرير .. اتصلت بيه صديقتي الدكتوره .. وگالت نريد نطلع اني وصديقاتي تجين .. والله اني جنت اصلاً ضايجه كتلها تمام اكول لزوجي واردلج خبر

.. سديته منها ورحت ادور على هشام زوجي عشتو .. نزلت جوه دورته مالكيته بالبيت .. دگيت عليه وهو شاله .. كتله اريد اروح ويا البنات عازميني على طلعه .. ماسئلني منو ذول البنات ووين راح تروحين اكتفى بس بجمله ، الله وياج ياريت تروحين على طول !

سده بوجهي قبل ماوجاوبه .. تنهدت بحسره ورحت لغرفتي فتحت الكنتور واني اباوع شنو البس .. طلعت قميص اسود طويل شويه وبنطرون اسود .. لبستهن ولبست توربان غطيت شعري بي وطلعت گذله من گدام .. ابتسمت واني اتذكر شلون جان حسام يكره هاي اللفه ويكول هذا مو حجاب !

طالعه عبالك خالد بن الوليد جاي من فلم الرساله

.. زفرت نفس رجعت لواقعي واني البس حلقتي .. باوعت لايدي بتمعن واني افر بالحلقه .. رغم صغرها وحيزها بمكان صغير من اعضائي الا انو احسها جاي تخنگني حيل ..مثل الطوق الي مرابط عنقي ومانعني من تنفس نسكات الهواء البارده ..

خليت عطر ومكياج ورحت بدلت لمحمد واخذت بالجنطه غراضه الاحتاجها .. نزلت جوه نطيت  خبر لعمتي هي معجبها ولوت حلگها ..

مهتميت الها طلعت للشارع اتمشى ووگفت تكسي ورحت للمكان الي المفروض نلتقي بي وصلت هناك وخابرتها هي اجتِ من الباب طببتني ورحت وياها ..

صديقاتها هم جانن دكتورات مثلها وحده طب اسنان ووحده اطفال ونساء وهي صديقتي دكتوره نسائيه .. كلش رتاحيت وياهم واحس نفسيتي تغيريت .. اتفقنه انو دائماً نطلع سوه ونزور بعض

"واحنه گاعدين شفت الناس بالكوفي مسوين عيد ميلاد لبتهم تذكرت انو اني باجر عيد ميلادي !

.. باوعت ولمعت عيوني بحزن عميق واني اتذكر شلون حسان مره فاجئني وسوالي عيد ميلاد بالسنتر .. بوقتها كلب المعهد وكلها اجتِ الاعرفه والماعرفه

.. هو مزين المحل وكله نفاخ وگلوب حمر وورد بالكاع منثور جان شي اشبه بافلام الرومانسيه .. كطعت صفنتي ايناس طبيبة الاسنان صديقة منى ، الطبيبه الولدتني .. وهي تكول

"بغداد عيني وين صافنه شو مدتشاركين ويانه بالحديث ..

"ابتسمت وكتلها لا مابيه شي بس طرت على بالي شغله .. بقينه كاعدين نسولف ونضحك اخذت ارقام البنات الثنين وللمغرب رجعت للبيت

.. بس رجعت حيل مخنوكه رغم تونست بالطلعه بس ماعرف من تذكرت باجر عيد ميلادي اختنكت حيل لان ادري محد راح يذكرني ..

صعدت فوك وحتى ع العشا مانزلت وكتلها لـالاء انتِ سوي العشا اليوم .. بقيت الليل كله عيوني ماخذت نوم ابد

.. وگلبي يوجعني حيل .. ثاني يوم كعدت  نزلت جوه نظفت البيت من فوگ ليجوه طلعته يلمع ورجت خبزت وركبت الغده .. النوب رجعت للطارمه غسلتها هي والگراج كلها

.. ورجعت سگيت الحديقه .. طبيت جوه ميته من التعب .. باوعتلي الاء وكالت بغداد شبيج راح تموتين يمعوده ارحمي نفسج .. خما طاير الشغل وبعدين نتساعد بي اني وياج ..

"حجيت وياها واني الهث من التعب .. لاا مابقى شي هو بس صبي الغده اني راح اصعد فوك اسبح ، صعدت واني ماريد افكر بشي هيج اريد اذب روحي ع الشغل .. سبحت وطلعت لكيته  بالغرفه متمدد ولازم التلفون مالته وهو فتح كامره ديحجي ..

شافني طبيت ولا اهتم .. جان ديحجي ويا هاي العجوز  ماعرف شسمها فوزيه مادري منو

.. بداخلي فورت .. مو على مود شي اعرفه هو نسونجي وصاحب بنات .. بس مو كدامي عيني عينك يحجي وياها .. ليش هالگد ممحترمني وعادمني من الوجود

بقيت واگفه واباوعله هذا صدگ يحجي !
ردت حجي وياه كتله هشام

.. حط ايده على حلگه وگال ششششش اريد احجي ويا حبيبتي .. صوتج ماسمعه ...

باوعتله بقهر كتله ولي اطلع بره احجي وياها .. لا تدخل يمي ..
تجاهل كلامي ورجع حجه ويا هاي كاللها يـلا حبيبتي باي .. سده منها واجه  ينزع بقميصه كدام المرايه .. وهو متجاهل وجودي تماماً ..

حجيت لان داخلي صار بركان اوشك على الانفجار وكرامتي ماعاد تسمحلي اسكت اكثر ومنا عيد ميلادي هو ناسي هه اني شجنت منتظره قابل يذكره ويفاجئني لو شنو !

ليش دائماً بكلشي اقارنه ويا حسان هذا وين وذاك وين ، فعلاً فرق بين السماءوالطارق ..

كتله بقهرواندفاع " بس اريد اعرف انتَ شنو مابيك غاريه ، يعني هالدرجه ماعندك ذرة رجوله .. فاتح وياها كامره كدامي وتحجي انتَ شنو من بشر ..

"باوعلي بغضب وگال شكلج نسيتي الرجوله ست بغداد اعيدلج المشهد ويباوع ع السرير ..

"حجيت من بين نيران متوجله باضلاعي ، وعبالك هاي رجوله  دتهددني بقربك مني ، تنام ويايه بالغصب والقوه !

ترى هالسوايه بس الحيوان يسويها .. باوعتله بعد مانطقت اخر جمله ... وجها نكلب وصارت شياطين الجن والانس تتراقص كدام عيونه ..

سحب الحزام من البنطرون واجه عليه مثل وحش مفترس مايعرف الرحمه لكه فريسه كدامه وتجبر على مخلوق ضعيف ببنيته لكن قوي بالله ،  اعتلى كل درجات الظلم وفاقت القساوه بيه اقصى الحدود ..

شال حزامه بقوه ونزله على جسدي المتهالك بلش يضرب بيه بجنون واني انشال وانرگع من الضرب .. خليت ايدي على وجهي احتمي من ضرباته المتسلطه .. صوتي يصرخ بالآه ويرج الحياطين رج

.. محمد جان نايم كعد من النوم مخروع ويبجي وهو يشوف ابشع منظر كدامه ..

صرت اتفل دم كتله واني الهث وابوس برجليه .. كافي ابوس رجلك راح اموتتت .. كمت اكح وهو مستمر يضرب ماعرف من وين الضربات تجيني ولا من وين اتلكاها

وصوت الحزام من يضرب بي يوجعني اكثر من الضربات من اسمعه ينبني الخوف بداخلي وقبل لا يكمل بنائه ينهدم بضربه جديده ويحل مكانه خوف ثاني ...

احس روحي راحت بين ايده انتهيت .. الا الحزام تشگگ على ظهري .. وماهمد حقده ولا انطفت ناره !

راح للكنتور وطلع النطاق مالته مالت البدله العسكريه .. جابه واجه هايج عليه .. رجع يضرب وصرخاتي المعتله اني وابني وصلت لاخر الشارع .. احسه يفهم شديصير بيه ويصرخ ينادي حتى يسمعون صوته الواهن ويجون يفكوني من قبضة ابوه المتوحش !

اسمع عياطهم جوه يصرخون عليه ويصيحوله ، وهو بسرعه راح قفل الباب بالمفتاح .. ورجع عليه جنزني والقران بكل ضربه اشهك واحس گلبي وگف بس للاسف ارجع على كابوسي المُر وياه ..واتمسك بحياتي المضلمه ..

صعدو اهله ابوه وامه ومؤيد والاء يدكون بالباب وهو عبالك مديسمع ويتلذذ بعذابي وروحي المنتهكه من قبله

.. الباب مابطل دگ زمخ بيهم .. عوفونيييي عووفوني اربيها كحـ.....تي وبكيفي .. لو اموتها ما تدخلون ..

اباوع عليه والصوره مغوشه من گد الدم الينزل عليه .. راسي وايديه وضهري ورجولي كلها صارت تطلع دم .. وهو جان فاقد مثل الخبل ..

تالي مؤيد كسر الباب وطبو يركضون كلهم .. سحبوه من عندي وهما يبچون على حالي الي يفطر الصخر .. حتى عمتي نجود الي تكرهني شفتها واگفه وتبچي عليه هي والاء .. مؤيد اخذه لهشام ونزل جوه الاء كالت وهي تبجي هذا مو بوعيه سكران !

من دخل شفته يخربط بالحجي بس كلت هسه يسبح ويصحى .. عمي من سمعها طلع بسرعه من الغرفه ونزل جوه اسمعه يرزل بي ويغلط عليه .. اجتِ عمتي والاء يريد يكوموني ماحجيت شي وبقيت ساكته ماقبلت اكوم ..

تالي هما ايسو مني وراحت عمتي شالت محمد جان ناط من البجي ويبجي بقهر .. طلعو كلهم من الغرفه وبقيت اني .. احتظنت روحي بشفقه على روحي !

وتمددت على كاشي الغرفه القاسي والبادر

واني وجهي يمثل حروب ودمار وهلاك كلهن تجمعن بيه !

نتبهت على حالي من اول يوم جيت بي للدنيا واني مضلومه ، اي مضلومه من سماني ابويه بغداد واخذت قدري من اسم  هالمدينه الهوجاء الي ماماخذه شي من الناس غير الخراب والدماار ..

ااااخ ياربي ليش اني هالگد رخيصه عدهم لليييش اني مالي قيمه شهكت واني اواسي روحي .. حسيت حنين وحاجه مشتعله مثل النيران المتوجره

نيران مشتعله وتلهب تريد حطب واني جنت حطبها !

انتهكو عقلي وجسمي بس قلبي لحد الان يحن لامي وبكل لحظه بيها اصرخ اريد امي .. اني مو قويه ولا اكدر اواجه اني طفله مغلوب على امرها وماتريد شي غير حظن ام يلمها ويواسيها ..

احس نفسي منبوذه ومكروها .. صرت اني اكره نفسي من كره الناس الي .. ومن حقدهم بدون سبب عليه

اوووف ييمه ووينج عني يمه تعالي شوفي حالي مارتاحيت من بعدج حتى قسوتج احسها حنان بس لو تجيني ..

ولج يمه فدوه حسي بيه وتعالي شوفي ضناج قطعه من گلبج والله العرفته من الامومه الضنى غالي ومو بسهوله يرخص ..

ليش يمه رخصتيني والناس من بعدج ماغلتني ابد .. تعالي شوفيني اريد اشكيلج وابجيلج وتصبرين علي !

اريد احس دموعي غاليه وعندي سند .. اريد اشكيلج من ضيم البشر والايام حتى بعرضي طعنو يمه وحجو على شرفي  ، خسرت كلشي حلو بحياتي اني بنتج يمه الي لوليتيلي اني بنتج الغاليه نبض كلبج راحت روحي بغيابج ييمه راااااحت ..

بقيت هيج على هالحال اني اشهك وابجي .. شويه وحسيت انفتح الباب .. اسمع عمتي تكله والله اموتك اذا سويتلها شي راح تروح البنيه بايدك تموت يالاغبر ..

"يمه والله ماسوي شي بس اشوفها .. طب هو اجه يمي جنت مكرفصه يم الكنتور كلي دم وملابسي مشگگه مابيه اكدر اكوم
رفع راسي باصابعه خفت منه ورجف جسمي نتبه هو عليه وراد يگومني رغم رجاليه ماتعيني اني اوكف عليهن بس بسبب خوفي منه كمت شگد حسيت نفسي باهاللحظه ذليله ..

.. باوعت عليه هو جان سابح ومبدل مبين صاحي من السواه .. اخذني كعدني ع السرير واني عيوني تراقبه بخوف ماجنت احسه بشر ابد احسه وحش مفترس وسجنوني وياه غصب

.. اجه هو جاب ماي وخلاه على وجهي بلش يمسح واني من الخوف عيوني مابطلن بجي ..

شگد صعبه من اشوف غريمي وعدوي والشخص الي حطمني  يداوي جرح هو فتحه و ويحاول يبني من رُفات روحي انسانه من جديد ..

غصه بداخلي لان ماكدر اطلع من تحت جناحه المخيم على روحي ولا اكدر استوقفه عد حده .. حتى شوفته انفرضت عليه وهو يداوي جروحي ..

من يسمع صوت شهكاتي الي احس اريد اكتمها بس ماكدر الا  اطلقها .. احسها تعذبه جان كلما يسمعني يظغط على ايدي احسه يريد يسكتني والمي من يخلي يهيج الوجع احسه بي ملح ويهيج جروحي ،

بقيت بس اباوع عليه واريده يتركني استنجي منه عطف ورئفه بحالي ، هو ماهتم لنظارتي المكسوره ..

"كمل غسلي وبدلي ملابسي رجعني ع السرير خلاني اتمدد ونطاني بندول .. غمضت عيوني اريد اهرب من هالكابوس وماريد اشوفج كدامي ، تمدد بالكاع وخله راسه ع الجربايه وبقى يباوع عليه ، من التعب والضرب غفيت بعمق  كعدت الصبح شفته نايم وراسه يم ايدي  نايم هيجي بس جسمه بالكاع ..

حاولت ارجع انام ماكدرت بقيت متلفله باللحاف وبس انتفس بعد مده من الوقت ماعرف شكثر سمعتته طلع من الغرفه .. ومن بعدها ماشفته راح التحق عشر ايام ارتاحيت منه ..

Next......

يابه وبارت هديه وقفله هم هذيه ، هم كولو مو خوش قفله .. هالمره تنامن مرتاحات بدون تفكير 😁

هو صح البارت يقهر ويبچي 😔 بس ماباليد حيله هذا الصار جاي انقللكم ياه بالحرف الواحد

وبنات راح انزل منشور افهمكم بي شغله بخصوص صگر البطل المبهم الغامض😏

وهااا ترى تفاعل ماكو يعني غير شويه تتفاعلون ويا القصه والله معدودات  الي يتفاعلن ويعلقن من اشوف هيج ضعيف التفاعل حتى واهس ماليه اكتب .. وترى كلما زاد التفاعل كثرت الكم بارتات ودللتكم بعد انتو بكيفكم 🌚

ولاتنسون التصويت للروايه بظغطكم على النجمه باللون البرتقالي ..ابعثوها لاصدقائكم محبين القراءه والروايات الواقعيه..

تقبلو اطيب تحياتي..

الكاتبه : يُمنا نآصر

احبـ♥️ـكم

.......................................

وبغداد تگول : غريبه من بعد عينج ييمه محتاره بزماني 💔