نصفي العقيم ( مكتمله )

بارت(٣)

ليش تبچـي .... الناس أجو سألوني
جاوبتهم .... مو بيدي ابد هذا حظ عيوني
گالــــوا آضحك ...
عوف دمعك ...
حيل آضحك ...
خل نسمعك ...
توني أجيت اضحك .. واجو بچوني

_______________________

روايـة "نصفي العقيم"

البارت الثالث..

للكاتبه : يُمنا نـآصر
_______________________

*ملاحظه اكثر حساب متفاعل راح انشره بالبارت الجاي ..

قراءه ممتعه ..

بغداد : منظرها وهي تگول اني زوجة ارشد ..يجسد الف كلمه والف سؤال ..
معقوله بابا متزوج زين من هيمتا وليش وشلون عاف امي وتزوج عليها .. اسئله ببالي چثيره مالها جواب ولا الها تفسير من اقارن بينها وبين امي اعجز لان بكل صراحه اني دا اقارن بين السماء والطارق ..

..ردت عليها ماما بصوت مهبوط ويرجف .. كالتلها بتلعثم

اشراق : انتي شنو دا تكولين زوجته شنو اني زوجة ارشد الوحيده والاخيره .. جايه جذبين عليه ارشد مايخوني ابد ارشد يحبني ..

بغداد : اباوع على ماما كلت راح تنجلط وجها صار اصفر وشفايفها بيض والدمعه معلگه على رموشها ..

رواء : ضحكت ضحكه عاليه و باوعت عليها بشماته وكره .. حجت وهي ترسم ابتسامه خبيثه على شفاها .. كالتلها شون صعبه الظره مو تقربت منها وحجت بغيض .. سنين واني شايفه الظيم والويل بسببج ..عشت ١٦سنه واني ادري بي يخوني وكلبه مو يمي بكل دقيقيه وكل ثانيه ..دعيت عليج بكل ركعه وكل صلاة

بغداد : حجيت لان ماعاد اتحمل .. كتلها ماما ماتعرف بي مزوج هذا مو ذنبنا جايه تحملينه ياه

ندارت وباوعت عليه وكالت ..

رواء : انتي اكيد بنته .. تنهدت وحجت حسيتها تريد تاكلني ..
جذنبكم الاكبر انو حبكم وماحبنه شنو ذنبنا اني واطفالي يصير بينه هيج !!
ليش حتى من هو ويايه يهمس باسم امج
تجرعت المُر واني امثل انو ماهامني بس حتى ماخسر بحبي اله .. وحتى مايعًوفتي ..رغم اعرفه مايحبني

.. عشت ايام مايعلم بيها بس رب العالمين واني اشوفه من يريد يسافر لتركيا يطير من الفرح ومن يرجع مايطيقنا لان مفارككم .. لييش اني شنو ذنبي ؟؟

بغداد : لفت انتباهي كالت اطفالي  .. يعني اني عندي اخوان ..
بعدني توي اريد اسئلها بس قاطعنتي ماما وهي تبچي ..

اشراق : واني مالي ذنب باللي صار هو خاني وماكالي  مزوج..

رواء : قهر العشته سنين من وراج وضيم كلبي كله ذنبج لو ما انتي موجوده وماطالعه بحياته جان هسه احنه عايشين براحه ويمكن كدرت اخلي يحبني ..