نصفي العقيم ( مكتمله )

بارت(٢٠)

قيل في عاطفة الامومه ، مشاعر جياشه تحمل بين طياتها معانٍ كثيره ، وتختبئ بين ثناياها احاسيس مرهفه زرعها الله في قلب كل ام ' وخير مثال على ذالك حِينَ تَسْقُطْ فَإِنَّ الْجَمِيعَ يَسْأَلُكَ عَنْ سَبَبِ سُقُوطِكْ الا أُمُّكْ، تَسْأَلُكَ: هَلْ تَأَذَّيْتْ؟.

_______________________

روايـة "نصفي العقيم"

البارت العشـ٢٠ـرون عشر...

للكاتبه : يُمنا نـآصر
_______________________
شكر خاص لزهراء المظفر اختي وحبيبتي .. ساعدتني هي ZaHoRa5

و دوسو النجمه 🙂 عود

قراءه ممتعه ..

سمعت صرخاته الممتاليه .. زلزلت كياني وهزت كل شعور بداخلي غسلت راسي بسرعه من الشامبو ولبست ملابسي طلعت بسرعه من الحمام نزلت جوه واني اسمع  صوته واحس ويا كل صرخه تتقطع نياط قلبي ..

قلبي الي استبق خطواتي ووصل للغرفه قبلي .. طلعت الاء تركض وياها عمتي .. من المطبخ فتحت باب الغرفه الي يصدر منها صوت ابني المبحوح .. رحت اركض عليه مثل المخبله شلته وماعرف وين علته صاير ازرك وجها من البچي .. اباوعله مد ايده واشوفها حمره دم .. ياشر ع الصوبه ويگول< بوو >

حجت عمتي بخوف ..

نجود : ولج عزه بعيني الطفل محترك بالصوبه ..

الاء : يااا لعد وين رحاب مو كتلها تگعد يمه ..

نجود:صاحت بعلو صوتها .. رحاااب ولج رحااااب وينج وينج ..

بغداد : جتِ رحاب تمشي كالتلها

"هاشبيج صيحين

ردتلها امها بغضب "ليش عايفه الطفل وحده ومحروكه ايده .. مو گعد من النوم وكالتلج الاء ابقي يمه علما تكمل امه ..

ردتلها بزعق"واني شدخلني شنو خلفته ونسيته ماتجي امه تشوفه ملتهيه تگ.... د كل يوم تطلع من الصبح ترجع الصعر  وتعالي يرحاب ابتلي اني شكو بي

الاء: ولج هو مو ابن اخوج عايفه الطفل وحده يلعب واحتركت ايده ..

بغداد : صحت بيهم .. كاافي كافي الله ياخذني كله مني اني تركته ورحت للدوام سوده عليه حبيبي .. كعدت وكمت ابجي وياه .. كتلها لعمتي

"عمه فدوه خل ناخذه للمضمد الي براس الفرع بالكت ينطينا عصاره شي تهود الوجع .. راح ينشمر من البجي والصريخ .. هالحجي اني لازمته ابجي وياه ومخليه على ايده چيس مال ثلج وصرخاته موتتني

.. راحت عمتي جابت عبايه وجتِ طلعنه اني وياها نمشي واني اركض بي متت من البچي علي هو واحد اذا يحترك اصبعه بالطبخ  وهو چبير يلوب شلون وهو طفل وايديه ثنيناتهم محتركات ..

اباوع على ايده صارت عبالك طوبه فركست وصار بيها ماي .. ماوصلنه المضمد الا واحنه مشتاهدين .. طببناه جوه للمضمد وهو استلمه خلاله مرهم حروق وفحصه كال ..

"انشالله مابي شي والحرق مو كلش قوي بس لان جاهل وبعده جلده ترف لهذا اتاذه .. انطيكم مرهم حروق تدهنيله مرتين .. وابعدي عن الماي او الثلج لان موزين عليه ..

هزيت راسي باي واني ابچي نطانه المرهم وعمتي نجود حاسبته وطلعنه .. وصلنه للبيت وتلگتني الاء ..

"هاا بشرو شونه حمودي ..

درتلها عمي انو الحرق مو خطر .. وكالتلها شكال النه المضمد
.. اني طبيت جوه وصعدت لغرفتي بسرعه .. بدلتله ملابسه ودهنت اله ايديه هو شويه هدئ .. رضعته ونام بعمق ..

بقيت اباوع اله والعن نفسي كلنه من ورايه اني عفته .. لو مارايحه للدوام جان سبحت من وقت وماظطريت اخلي يم هذا وذاك .. بقيت اباوع علي شلون نايم تمددت بصفه وصرت اتمعن بملامحه

.. هو ابد مماخذ شي مني غير الغمازات ، سماره وشكله كلش يشبه ابوه ومتعلق بي حيل بحيث من يسوفه بسرعه يگمز علي ويضل يضحك .. بس هو حيل هادئ وماعنده شر ولا خباثه تقريباً هسه هو عمره ٧اشهر ينحط بالگلب كلمن يشوفه يتخبل عليه ..

بقيت مدده بصفه الا ان نمت ومادريت بروحي .. مر عليه طيف حسان بالحلم .. حسان الي من تزوجت لليوم ماراح من بالي ولا راح يروح .. كل يوم قبل مانام اتخيله واتذكر سوالفنه سوه واتذكر هواي شغلات حلوه يمكن هي المصبرتني اعيش ..

شفته اجه عليه واني نفس نومتي شايل بايده طير ركزت بالطير هذا نفسه الي موتته رواء الجان عندي !

.. اجه كعد يمي وصار يهمس باذني ايات قرآنيه .. وخر من يمي وكتله هذا الطير شجابه يمك ..

باوعلي وابتسم گال ، اني ماخنت العهد .. ماخنت عهدج يبغدادي والطير محتفظ بي وماقبل ابيعه لاحد هذا مالتج وباسمج ..

فتحت عيوني بسرعه فزيت واني اتلفت حواليه .. كمت امشي بالغرفه واباوع لارجائها جان هنا والله جان هنا ... حسان هنا موجود .. بقيت اتلفت ومنتهبت لهشام الي كان نايم بصفنه اني ومحمد .. فز من حركتي وگال ..

"هاااي شبيج  بغداد مضيعه شي ...

"انتبهت لوجوده ، انداريت باوعتله وعبالك صوته صحاني ، كتله هااا ايي دادور ممية محمد ضايعه ..

"باوع عليه واشر باصبعه ع الثلاجه گال ، ذيج مدشوفيها فوك الثلاجه ..

"هاا ايي ايي صح هياتها ..

"جر نفس وگال .. شبيج اشو معاجبتني ..

"بقيت ساكته وهو گال .. امي تگول نهاريتي من شفتي محمد محترك ..

"باوعتله بعيون دامعه وگتله سوده عليه كله مني كله مني .. كعدت بالكاع وصرت ابچي مثل الاطفال ماعرف شبيه , بس من شفت حسان بالحلم تخربطت كل احوالي والطير اعادلي مأساتي الي كنت احتول اتناساها .. هاجت عليه مشاعر جياشه خلتني غصب عني ابچي ..

اجه هو يمي وگال

"بغداد انتِ شعليج لتلومين نفسج وبعدين كل الاطفال تصير الهم حوادث من هما صغار عادي وانشالله من يگعد اودي على دكتور اضبط من المضمد..

"سوده عليه مات من البچي الله ياخذني اني هاملته للطفل انيي كُله مني ..

"لا والله ماهاملته بالعكس اني داشوفج شون مداريته مثل الماي بالصينيه كلما اجي علي الكاه نظيف وريحته طيبه ويلعب .. مايوم اجيت وشفته مبهذل لو هاملته مثل ما انتِ تگولين ..

"رمشت عيوني بتعجب لان مدحني وهذي مو من عوايده هو صح يضل يحجي بيه بس كدامهم بيناتنه ابد ميمدحني بشي بالعكس معيشني بجحيم ، بقه هو يباوع عليه واني مسحت عيوني وگمت وگفت على حيلي كتله يلا خلي ناخذه هسه ..

"نايم خطيه خل يكعد ونروح

"لا عود اشيله اخاف الحرق قوي وبعدين يتاذى اذا يتأخر ..

"تمام يلا گومي بدلي خلي ناخذه ..

"كمت بسرعه بدلت ومشطت شعري حظرت جنطه خليت بيها حليب وحفاظات طلعت علي وكتله شيله انت على كيفك .. شاله ونزلنه اني وياه .. تلكانه عمي كال شلون صار الصغير ..

جاوبه هشام "الحمدلله يابه هسه مودي للطبيب ..

"هز راسه وگال الله وياكم بويه .. طلعنه من البيت اخذناه لدكتور اطفال فحصه وگال نفس كلام المضمد ونطانه النوب علاج ومرهم حروق .. ومال التهابات

بس اني اشوفه شلون يبچي ويتأذه اموت قهر علي احس حرگه بگلبي يلچم .. هشام خطيه نزلنه بمحل مال العاب وشيشوف بشتريله متخبل عليه اخذله كومه ملاعيب وحلويات

.. رجعنه للبيت تكلكتنه عمتي كنالها انشالله يطيب وهي بقت تتحمد بالسلامه وگالت ديري بالج عليه .. خليت ورحت لغرفتي ، نومته وكلت لهشام يبقه يمه بالغرفه علما اروح اكمل العشى

.. نزلت سويت العشا وكل شويه اصعد للغرفه اتطمن عليه ، كملت العشا وصحتهم اجوي كلهم  واني صعدت اصيح هشام .. صعدت ع الدرج وسمعته يضحك ويحجي ماعرف ويامن ..

"ايي حبيبتي انشالله اليوم اجيج ، اوووف تعبان حيل اريد الگه حظنچ دافي ..

جمدت واني اسمعه يحجي ... رحت امشي على كيف وهو جان مندار منطي ظهره للباب ومفتوح شويه باوعت منه .. فاتح كامره ويا وحده .. بس استغفرالله عليها روعة ابليس .. وجها ازرك ومنفخ من ورى التجميل وشعرها اصفر صدرها طالع تحجي وياه ولازمه الجكاره بايدها .. رجعت خطوات بسيطه وسويت نفسي توي تجيت طلعت صوت بخطواتي الذليله .. وروحي المشتهله مو على مود شي ولا على مود احساسي بالحب اله !

لان اني ادري بنفسي ماراح احبه لاخر يوم بعمري لان لاهو يسمحلي احبه ولا گلبي يسمع لغير حسان يدخل بي ..

اعرف تفكيري غلط واعرف هذا الشي محرم .. بس مو بيدي گلبي كلما يجي طاريه يفز .. وروحي مثل الطير ترفرف على اغانينه الجنه نفتحه من تمر عليه .. هواي جربت اترك الماضي واحاول اتناساه واعيش حياتي بس لا الزمن ولا الايام ولا الاشخاص يسمحولي ، يبقى هو احلى ذكرى بحياتي ويبقى الصفحه الوحيده البيضه بين دفتر حياتي الاسود ..

جريت نفس عميق وغيرت نبرة صوتي .. طبيت للغرفه بعد ماسمع صوت خطواتي وسد الموبايل .. دخلت عليه وكتله .. هشااام تعاال تعشى

هو هز راسه وباس محمد من خده بخفه وطلع .. باوعت ترك التلفون مالته ع الطاوله ..

ترددت انو افتحه واشوف شنو بي بس غلب عليه فضولي وكدر يقودني انو اروح افتحه واشوف شنو بي ..

فتحته وطبيت ع الصور .. بقيت اگلب شفته هو ماخذ صور وياها هاي الجان يحجي وياها .. قربت على ملامحها واحاول اتمعن بيها .. ياترى شنو الي عجبه بيها .. يعني حتى مبينه اكير من عنده بهوايه .. يطلع عمرها ٤٠سنه مبينه مو صغيره وشكلها ابد ما محبوب حواجبها صايره لون ازرك من التاتو ومسويتها حيل مرفوعه .. ماخذه صور هي وياه بغرفة النوم صورهم يعني من شفتها لعبت نفسي منه !

ذبيت الموبايل وتنهدت بحسره مشتهله بيها روحي .. ليش هما كلشي محلل الهم واحنه حرام ؟

ليش هواذا يخون عادي لازم اتحمل ، يعني اني هم احب حسان بس مافد يوم فكرت انو اخونه وياه والله حتى من زوجت مسحت رقمه وكلشي يخصه .. رغم اني حافظته للرقم على گلبي بس مافكرت اسوي هيج شي .. ليش هو يحقله يسوي علاقات ويكولون نزوه .. والبنيه اذا سوت نفس الشي محد يرغبها ويحتظنتها غير التراب الگاع هي تلم عارها مثل ميگولون .. الزنا حرام !

وتحرم على الجنسين بس احنه شفناه للولد عقاب هين نتخذه بيه وللبنيه الوئد هو الحل ، رغم ثنينهم يخطئون ومحد معصوم من الغلط .. بس هما عصمو ادم من الغلط وخلو السبب والصوج كله بحواء

رب العالمين كرمنه بس للاسف البشر قللو من شأنه هواي ..

جريت نفس بتعب وتنهدت رجعت راسي على تاج الجربايه وطرى على بالي حلم اليوم .. ماعرف هالحلم خربط الي احوالي كلها ..
اوووف وهم صارلي فتره محاجيه ويا اروى اخت حسان .. لزمت الموبايل ودگيت عليها اول مره رن وماشالته ثاني مره شالته

.. بقيت احجي وياها واسئلها عن اخبارها .. حسيت صوتي بي صدى عرفت فاتحه المايك .. سئلتني من بين كلامها ..

"مرتاحه ويا زوجج؟

"بلعت ريگ وجاوبتها بعبره ، الحمدلله على كل حال .. كلت هيج وسمعت تنهيده شكت روحي عرفت هو يمها وديسمع .. ماگدرت اسئلها عن اخباره ستحيت وبصراحه احسها مو اخلاقي هاي .. اخلي عايش بذاكرتي بس ما افصح عنه للغير افضل ..

سديته منها واني افكر معقوله تزوج ، اي ليش مايتزوج شاب ومن حقه وماصرت اله غيري تصيرله مثل ماصرت اني لغيره .. ماگدرت اكتم دموعي اكثر ونزلت على وجناتي بحراره
.. مثل سواجي من جمرب

اوووف گلبي يوجعني على ضياع حبي وعمري الي ديروح والايام تروح كلها تركض واني على حالي .. تمددت يم محمد واني ابوس بي ودموعي تتسابق حتى تطيح اول

.. وكل دمعه تحجي شي عن ضيم المر من ايامي وزماني المارحمني بيوم .. نمت بين اهات ودموع وكل شويه افز على محمد .. والحلم ماراح من بالي ولا ثانيه ..

بقيت اسبوع ماداومت كتله لهشام ياخذلي اجازه ومقبل اظطريت اخابر على عهد هو راح خطيه اخذلي ..

وراها رجعت اداوم بس بالي دائماً ويا محمد حيل خايفه عليه رغم هو طاب الحرك

بس بصراحه اخاف عليه من رحاب لان تكرهني واخاف تحرك كلبي بي .. وهي هم ابد ما تلاعبه ولا تحبه عكس عماته الباقيات وبيبته وحتى جده ومؤيد يحيرون شيسووله وشيجيبوله ..

مر شهر والوضع طبيعي بين دوام والبيت .. عمتي دائماً تتذمر لان اداوم وتكول المره مكانها بيتها وتداري رجلها عوفجن من الدراسه ماتفيد

.. بس اني متمسكه حيل بدراستي اريد اخذ شهاده ع الاقل اضمن مستقلبي ماعرف شنو راح اشوف بالايام الجايه ، والشهاده هي سلاح بايدي اكدر حتى افتح بيت بشهادتي ..

ساره اجتنه اليوم لان مابقى شي وتزوج رحاب يمكن اني فرحانه اكثر من العروس بهالزواجه ع الاقل تروح ونخلص شويه من المشاكل

.. خطيبها كل خميس يجي يزورها مرات تجي وياه امه واطب اسلم عليهم هي ورى مايروحون تكوم دردم وتكولي انتِ حاطه عينج على رجلي ..

اخر شي كمت ماطب من يجون ولا اسلم .. بس هي يعني حيل جريئه بلبسها وتصرفاتها من يجي هي تلبس وين ما كو شي ضيق وتبرز ملامح جسمها .. وتلبس مدلع ..هو صح خطيبها بس مو هيج يعني مره شفتها هي وياه يم الحمام جان ديغسل

الا وگف شعر راسي من الشفته .. هم زين اني شفتهم مو واحد من اخوانها لو ابوها شگد عيب اني من يمي فشلت وهي رغم شافتني بقت مستمره ولا عبالك ..

صار يوم العرس والبيت كالعاده يجون اقربائهم علي بس هالمره جده فرحه ما اجت تگول اتعب من الطريق اني من يمي عندي عرس مادام جاروبه راح تولي على بيت رجلها ..

بقيت اليوم كله اني واگفه اشتغل متت من التعب البيت جبير ومليان بشر والغده وگع براسي كله انكسر ظهري من التعب والنوب الزفه بالاربعه ..تجي هسه الساعه بالوحده .. صبيت الاكل ع السريع .. حتى الحك

البنات كالو نروح للصالون كتلهم اجي وياكم.. كتله لهشام اريد اروح بالبدايه عارض بس بعدين وافق نطاني فلوس واني اصلاً عندي من ابويه بس اخذتهن كفيان شر ..

وصيت عمتي على محمد ووصيت ابوه عليه طبيت سبحت بسرعه وبدلت داروح وياهم .. طلعنه اخذنه مؤيد بسيارته هي رحاب جانت كبلنه بالصالون ، وصلنه مؤيد وراح ..

طبيت لگيت نرجس وهند موجودات وياها .. نرجس هو هذا الصالون التشتغل بي .. اجتِ كالت اني اتكفل بيج .. كتلها اريد اصبغ شعري لون اشقر فاتح مو تسويلي ياه اصفر عبالك كركم لا اريده اشقر ..

"خلت اصابعها على عينها وكالت اطلعلج ياه يجنن .. بطن عيني

"هزيت راسي وكعدت هي راحت تخبط الصبغ اجتِ شايله فتحت شعري حتى تبلش تصبغه .. صاحتلها وحده وراحت اني بقيت انتظر.. سمعت صوت بنيه تحجي ويايه .. نداريت شفتها لابسه نفس لبس نرجس يعني هم عامله تشتغل بالمركز

.. كالتلي اكلج حرامات شعرج ليش هالكد تحركي ترى اكدر اطلعلج لونه بدون حرك ..

"عقدت حواجبي باستغراب .. كتلها ليش يحترك ..

"مو شفتها لنرجس خلتلج ٣ علب بلوندر واوكسجين كتلها ميصير تكول هي الزبونه وصتني تريده اصفر حيل .. بس ترى هيج شعرج راح يحطب ويحترك وحتى مابعيده يوكع نصه .. اني كتلها كليلها ميصير هيج بس هي كالت شعليه اني مايحترك غير هي ثوله ..

" باوعتلها بقهر وكتلها اني اصلاً كتلها ماريده لون اصفر اريده اشقر يعني درجة الشقار الحفيفه خفيفه .. بس باعي روحي هسه هذا ذبي واني انطيج فلوسه واخبطي من جديد صبغ الي اريده اني شوفتها اللون بالكتلوك .. ورجعي بمكانه خلي تجي تصبغه ولتكوليلها اني بدلته تمام ..

"اوكي حبيبتي مثل متحبين ..

"راحت هي سوت الكتلها علي وجابت الخلطه خلتها بمكان ذيج وهما اصلاً يشابهون يعني ماتفرق بيناتهم .. شويه واجتِ نرجس صارت تصبغ بي وهي مبتسمه .. كملت وكالت نص ساعه واجي اغسلج ياه .. كتلها تمام ..

كالت "متمكيجين ؟

"ايي بس اني حخلي لنفسي

"ليش تعالي اخليلج ماشفتي مكياج رحاب بالمهر شونه يجنن اني جنت مسويته ..

"ضحكت وكتلها ، اييي يخبل اصلاً بس عيني اني ماريد روحي شوفي باقي البنات اني اخلي لنفسي .. راحت هي واني كعدت اخلي ..

"بديت المكياج وتنفننت بي هالمره رسمت ملامح وجهي رسم واخذت كل وقتي برزت بي جمال عيوني ونظرتهم الخلابه
وحمره خليت لون غامق يتناسب ويا لون بدلتي اخذت بدله مخصره ع الجسم بس دران شفافه لون زيتوني طوخ ومبيها شغل ناعم كلش حلوه ..

اجتِ  تغسل الي شعري غسلته وطلع لونه يجنن مثل ماجنت رايدته بالظبط .. كتلها تشسوره الي على طوله وبس تبرم اطرافه .. سوته مثل مردته اجتِ نرجس وتفاجئت من اللون وجها بهت وكالت ها عجبج اللون ..

"ابتسمت بوجها بشماته وكتلها يخبل عيني عاشت ايدج صدك فنانه ..

"ابتسمت ابتسامه صفره وكالت بالعافيه ههه ..

راحت وهي مضروبه بوري بس والله فوخت كلبي بيها .. الحقيره تريد تحرك شعري ..

كملو البنات وخابرنه على مؤيد اجه اخذنه .. وصلنه للبيت واني صعدت فوك للغرفه طبيت هشام ماكو .. سمعت صوته بالحمام ديسبح ومحمد يم عمتي نجود

.. طلعت البدله بسرعه لبستها .. بس السحاب وگف ع النص .. وكفت ع المرايه عدلت حمرتي ولبست حذائي

رجعت برمت خصلات شعري و بأطراف اصابعي نثرت خصلات الشعر حتى ازيد من كثافته بهالحركه

البدله والمكياج القوي ولون الشعر .. اضافلي تغيير جذري يعني فعلاً اني معرفت نفسي منو .. حتى بعرسي مو هيج طلعت ..

طلع هشام من الحمام مخلي المنشفه على راسه لابس فانيله وبجامه .. رفع راسه واجت عينه بعيني واني اباوع على روحي باندهاش كدام المرايه الطويله الموجوده باحد زوايا الغرفه ..

نداريت عليه واني خجلانه من نظراته الي تتنقل بين تفاصيلي ..

بلعت ريگ واني احاول اختفي من نظراته .. كتلها هاا حلو الفستان ..

"جاوب وعيونه مرتكزه عليه ايي حلو ، بقه يباوعلي ونظارته احسها تخترقني فصلني تفصال ..

"نداريت وتلاشت انظاري من نظارته حاولت اسد السحاب .. وهو اجه .. بايده الرطبه سده وتلمس ظهري .. حسيت لمساته تعذبني ابتعدت عنه بسرعه وهو راح تمدد على السرير ..

سحبت نفسي ورحت كعدت على الكرسي الي كدام المرايه .. رشيت عطر وهو گال بصوت خافت ..

"بغداد

"جاوبته بدون ماباوعله ، نعم

"اكلج هو محد راح يضل مو

"ايي محد يضل ، وانتَ تجي موو

" حجه بمكر ، لااا ماروح .. احس حرارتي مرتفعه ومالي خلك كلشي .. روحي انتِ تونسي وافرحي واني خل اموت هنا موتت الجلب عادي ..

" ضحكت وباوعتله بطرف عيني .. كتله هشام مو عليه هالدروب اعرفك متريدني اروح .. وكلشي مابيك انت من شويه جنك البخت

"مصدكين تعالي شوفي ..

"كمت امشي واباوعله ممصدكته وصلت يمه وخليت ايدي اليسار على جبينه .. كتله واني عاقده حواجبي وعيوني تكذبه مابيك شي ولا حرارتك مرتفعه .. انتَ دسوي هيج حتى ماروح اعرفك ..

مشيت خطوتين عنه وحسيت نجريت من ايدي .. وكعت بحظنه باوعتله وبلعت ريكي .. اجيت اريد اكوم وهو لزمني من خصري .. صار يعبث عليه بايده ويحركه بعشوائيه .. كتله هشام عوفني اريد اروح ..

ماهتم لكلماتي ورجع خصلات شعري المتناثره قرب وجها من رگبتي .. صار يسنتشق عبير عطري وايده تتحرك على ظهري بعبث .. كتله بصوت مخنوگً والدمعه تلالي بعيني ..

"عفيه عوفني ..

"صار يطبع على خدي بوسات هادئه وگال .. بصوت اشبع للهمس .. عطرج يدهور احوالي .. نزل ببوساته راد يبوسني بشفايفي تذكرت صورته هو وذيج اجيت اتقيء عليه وخرت منه بسرعه ووجهي صار احمر ..

كال بخبث" هاي انتِ الحرارتج طلعت مرتفعه مو اني ، رفع حاجبه وگال .. هالگد تصعفين بحظني وقربي يدوهنج .. هالگد حابه حظني ومستحيه ..

"عقدت ملامحي بغضب وگتله .. قربك مني بمثابة سجاجين تنغرس بروحي .. واني لا حباتك ولا حابه قربك ..

"حجه بكلمات سممت روحي.. اي مو اكول هي بنت الداعشيه هم تعرف تحب وعدها گلب ..

"بقيت مسيطره على نفسي واني اسمع كلماته اللاذعه .. اخذت ملابس وغراض لمحمد وطلعت من الغرفه بدون مانطق ولا حرف .. نزلت جوه اخذت محمد من بيبيته وبدلتله قاط مال جهال ويا (بابيونه _فيونكه) ربطة عنق ..

خليلته بوطره وعطر اطفال .. مشطتله شعره جان كلش حلو ماخذ مني بس الشعر والغمازات والا نسخه مصوره من ابوه .. شلته بسته وكتله اوووف يمه فدوه لابني .. هسام اجه. ورايه وگال ..

"انتِ تبوسين حلال احنه نبوس حرام ..

"باوعتله بغرور ودرت وجهي منه كعدت ع القنفه و بقينه ننتظر شويه واجتِ الزفه .. طب العريس وعمي جان واگف هو وهشام ومؤيد ، سلموه رحاب ووصوه عليها

.. بابا هم جان موجود رحت وگفت يمه وهو فتح ايده الي .. خلاني جوه ايده واحتظني بايد وحده وايد الثانيه جان شايل بيها محمد ..
رواء واگفه وتخوزر بينه ..

بس كلش فرحت بحركة ابويه كدامهم حيل وحسيت هيج افتخر بي .. زفوها للقاعه وطلعنه وياهم .. ركبت اني ويا هشام واجتِ نرجس صعدت ورا بالسياره هي وهند وسعاد .. كلش ضجت منهم بس ماحجيت شي .. وهي كل الطريق تضحك وتباوع لهشام بالمرايه ..

.. حاولت مازعج مفسي بيها طز بيهم ثنينهم ..  الطريق كلش تونسنه بي اجواء الزفه والولد كل شويه واحد يطلع من الجامه يهز .. وصلنه للقاعه والديجي يرگع ..

كعدت ع ميز اني والاء يُسُر وساره ونجود ورواء وسهى وهدى ماجايات ، كعد ويانه هشام وصگر ومؤيد ملتهي يذب لحم  هو وبغداد بنت صگر ذبحت نفسها من الرگص ..
وامها مكيفه تصور بيها هي وبنت ساره .. يجنن اموت عليهن

هشام كام يركص وشايل بايده محمد يرگصه .. جرني من ايدي كومني اركص وياهم واني مو كلش اعرف .. بس افتر واصفك واضحك .. طلعو اغنيه هادئه يركصون عليه العرسان سلو .. وهشام لزك الا نرگص واني استحي ..

كالي تكومين لو اروح ع سعاد صارلها ساعه تحوص حواليه هاي اذا اكللها نركص كبل تجط مثل القرد ..

حجيت بغرور " عادي روح ميهمني ...

جاوب "تمام لعد حروح اصيح نرجس ..

"كمزت من مكاني كتله لاا اني اركص .. يلا .. اخذ ايدي وخلاها على كتفه وايده على خصري بلشنه نركص وهو يتعمد كل شويه يقرب وجها عليه ع اساس ممنتبه ..

وهو فد واحد نسونجي والله كلما طب وحده يفصصها تفصص .. خلصت الاغنيه ورحنه كعدنه .. محمد كام يبجي ضاج ويريد يرضع ميقبل انطي ممه ميحبها الا على صدري بقيت احاول وياه وهو ميريد .. هشام كال شبي ليش يبجي ..

كتله يدور رضاعه وميقبل يشرب من الممه ..

اخذه هو بحظنه واخذ المميه حاول وياه وهم ماقبل .. يشرب بس يبجي .. نطاني يله وكال روحي بالحمامات رضعي

.. هذا مثل ابوه مسقط ويحب يشوف ماوراء الكواليس ..

"خزرته وهو ضحك .. كال لج يالخوثه عيونج لا افگسهن .. كمت من يمه ورحت للحمامات وكفت يم المغاسل رضعته واني افكر بكلمته شنو يعني خوثه .. معقوله كلمه زفره ..

عزاا بس لا سبني والله يمكن ، بسيطه هشام اني تكولي حجي ماصخ .. شبع محمد وطلعنه كعدته يمهم ..

"اجه وكت الزفه ورحاب بالجذب مانزلت دمعه جانت فرحانه حيل وابتسامتها من الاذن للاذن ..

زفوهم للفندق وحنه رجعنه هشام كال اني عندي شغل روحو ويا صگر .. اخذنه صكر ورحنه وياهم .. وصلت للبيت ميته من التعب ..

بسرعه نومته لمحمد وطبيت سبحت ولبست بجامه يابه احلى شعور .. اجيت تمددت ونمت بسرعه .. ماكو نص ساعه وفزيت على صوت واحد يغني ..

بس هالكد الوصت حلو ماكو هيج .. طلعت من الغرفه باوعت البيت كله نايم ومطفين الاضويه ..

بقيت اتبع مصدر الموال .. الى ان اخذتني رجليه للسطح حتى اكتشف منو صاحب الصوت العذب !

فتحت باب السطح ومشيت بهدوء .. ماحسيت الا على ايد تخلت على حلكي ونسحبت .. حاولت افلت من قبضته بس ماگدرت .. عضيت ايده .. واني احاول اخلص نفسي .. دفعته بقوه وصحت هشااااام ..

Next......

انشالله حنزل الكم بارت لو اليوم ورى هذا لو باچر تعويض عن البارحه ..

لاتنسون التصويت للروايه بظغطكم على النجمه باللون البرتقالي .. وتفاعلكم ويا الروايه يشجعني اكثر  .. ابعثوها لاصدقائكم محبين القراءه والروايات الواقعيه..

تقبلو اطيب تحياتي..

الكاتبه : يُمنا نآصر

احبـ♥️ـكم

_____________________

حقير الشوگ 💔🥺