الوقح والراقيه
21
👑حَسْبِـيَ اللّهُ لا إلهَ إلاّ هُوَ عَلَـيهِ تَوَكَّـلتُ وَهُوَ رَبُّ العَرْشِ العَظـيم. 👑
استيقظت ولم تجده بالشقه بتزفر بضيق ..
اتصلت به : الو
فيصل: ناموسيتك كحلي
ردت بتساؤل: هي في ناموسه كحلي
ليضحك هو : قصدي اتاخرتي في النوم يا بسكوته
شذي: اه اصلي تعبانه شويه
فيصل بجديه : ليه كده الف سلامه
شذي: الله يسلمك ويخليك ليا . تقريبا برد .جسمي مكسر
فيصل: اتصل بدكتوره تيجي تشوفك
شذي: لا يا حبيبي . هكون كويسه. انت فطرت
فيصل: اه. اجيلك طيب
شذي: لا. بس تعال بدري انهارده
فيصل: حاضر . خلي بالك من نفسك وانا هكلم لوزه تنزل تقعد معاكي
شذي: ماشي .
فيصل: سلام
شذي: فيصل
ليرد: نعم
شذي: بحبك
ابتسم : وانا اكتر ..
اغلق معاها والابتسامه مرسومه علي وجهه
*****
بعد وقت وجدت اتصال علي هاتفها من كاميليا
تجاهلت الاتصال لتعيد الاخري الاتصال مره ثانيه وثالثه
ردت شذي: الو
كاميليا: شذي. حبيبتي وحشاني اوي .
شذي: شكرا .
كاميليا: كده يا شذي متساليش عني ده انا كنت تعبانه وبموت.
شذي: سلامتك يا انطي
كاميليا: بصي بقي يا شذي انتي عارفه يا حبيبتي .انا نفسي تكوني مرات ابني . هعملك فرح كبيىر و هنعمل
قطع كلام كاميليا ضحكت شذي : لا ..ثواني بس . انا خلاص اتجوزت
لتفزع كاميليا : ايه. اتجوزتي ازاي بقي ومين ده اللي اتجوزتيه .. اكيد طمعان فيكي
شذي: هيطمع في ايه .. لو سمحتي يا انطي متتكلميش عنه كده .
كاميليا تراجعت عن هجومها عندما سمعت صوت شذي المدافع والجدي
لترقرق اسلوبها: كنت بتمني تكوني مرات باهر ابني . مبروك يا شذي. قوليلي العنوان فين عشان اجي ابارك
انحرجت شذي ولم تعلم ماذا تجيب
كاميليا: ايه يا شذي مش عايزاني اجيلك .. ده انا كنت صديقه والدتك الله يرحمها
شذي: احم . لا حضرتك تنوري
كاميليا: اكيد هتنور. قولي بقي العنوان وبكره هكون عندك
شذي: ها..اه هو في"""/
كاميليا: ايه المكان ده.
شذي: لو معرفتيش تيجي عادي . متتعبيش نفسك
كاميليا: لا ازاي. هوصلك يا شذي واجي اباركلك بنفسي
شذي: لو سمحتي حضرتك تيجي لوحدك .
كاميليا: اكيد . عايزاني اجيب حد معايا
شذي. : لا طبعا . فيصل بيغير . لو سمحتي يا انطي
كاميليا بخبث: اه . متخفيش انا مش هعملك مشاكل خالص . قبل ما اجي هكلمك يا شذي ..باااي يا روحي
اغلقت شذي الهاتف وهي تلوم نفسها لانها اخبرت كاميليا علي العنوان قبل ان تستأذن من فيصل. هل سيغضب عليها اما ماذا
... صعدت تهاني لها لتطمئن عليها
لتجد وجهها شاحب .
تهاني: شذي مالك يا حبيبتي .حاسه بايه
شذي نست تعابها لتنظر الي تهاني بقلق: توتي انا عملت حاجه ومش عارفه صح وله غلط
تهاني: عملتي ايه
شذي: انهارده انطي كاميليا كلمتني وصمتت تعرف مكاني .. وانا اتحرجت منها
تهاني: عرفت العنوان .
اومات شذي براسها
تهاني بتفكير : قولي لفيصل عشان لو جت متحصلش مشكله.
شذي بخوف: هقوله. بس تفتكري هيزعل. وكمان لو عرف انها ام باهر
تهاني: انتي قوليلو انها صديقه مامتك الله يرحمها وجايه تزورك وتطمن عليكي . . فيصل غيور جدا ولو
لم تكمل كلامها بسبب سماع طرق علي باب فتحت شذي
ودخلت لوزه بقلق
لوزه : مالك يا شوشو . الف سلامه عليكي
شذي : الله يسلمك. تعالي
دخلت لوزه وقضو اليوم معا الثلاثه
وصل فيصل الي منزل مبكرا ليجد تهاني ولوزه يجلسون مع شذي
فيصل : السلام عليكم
ردو السلام : وعليكم السلام
وقفت لوزه : هطلع انا . لو تعبت كلمني يا فيصل
فيصل : خليكي نتعشا مع بعض
لوزه : ربنا يخليك . هستني عبدالرحمن اما يجي ونتعشا مع بعض.
ودعتهم وصعدت لشقتها
تهاني : انا هنزل استني الحاج . سلام عليكم
نزلت تهاني ايضا .
ليقترب فيصل من شذي ويضمها : عامله ايه
شذي : الحمد لله .. انت عامل ايه
فيصل : الحمد لله يا حبيبتي.
شذي: دقيقه والعشا يكون جاهز
فيصل : متعبيش نفسك. هتصل اجيب اكل من بره
شذي : لا يا حبيبي . لوزه وتوتي عملو الغدا انهارده.
وضعت الطعام علي المائده وابدل ملابسه هو.
ليجلس بجانبها ويبدا في تناول الطعام
هي تنظر له بقلق ..
رفع نظره اليها ولاحظ توترها : شذي انتي كويسه
شذي: اها. كويسه
اكمل طعامه : مش بتاكلي ليه
شذي: مليش نفس . كل انت
انهي طعامه ونظفت هي المكان. لتدخل الغرفه ومعاها كوب عصير له
اخذه منها ووضعه علي الطاوله بجانبه. ليمسك يدها ويجلس بجانبه
وضع يده علي كتفها يقربها منه : عملتي مصيبه ايه
شذي بخوف : معملتش حاجه . انت بتقول كده ليه ؟
ابتسم : عشان عارفك اكتر من نفسك . قولي يا شذي في ايه
شذي ابتعدت عنه بتوتر وهي تفرك في اصابع يدها
ليضيق عينه هو : في ايه بالظبط . ما تتكلمي هو انا هتحايل عليكي كتير
قضمت شفتها السفليه: هقولك بس متزعقليش
نفخ بغيظ : قولي واخلصي
شذي: صاحبت مامي الله يرحمها . كلمتني انهارده واصرت انها تعرف العنوان هنا. وانا اتحرجت والله يا فيصل . واضطريت اقولها علي العنوان.
نظر لها ثواني : تيجي عادي ده ببتك وتستقبلي فيه ضيوفك .
ابتسمت براحه : بجد يا فيصل .يعني مش مضايق عشان قولتلها
فيصل : هضايق من ايه. قولتلك ده بيتك انتي . وانا هنا اللي ضيف يعني لو مضايقه مني ممكن تطردني
ضحكت وجلس علي قدمه لتقبله قبله خاطفه
شذي: انا بحبك اوي.
فيصل : وانا بحبك جدا.
انتهي اليوم المقلق بالنسبه لشذي
***
في فيلا باهر
كان يستشيط غضبا عندما علم بزواج شذي.
باهر بغضب : شوفتي . قولتلك اني كنت عايزها. راحت لغيري . ارتاحتي كده
كاميليا : هترجعلك تاني . مبقاش كاميليا اما رجعتهالك
باهر : بعد ايه. ما هي خلاص اتجوزت
كاميليا: مش هتطول .
نظر لامه بعدم تصديق : انتي ناويه علي ايه
كاميليا: انت مش بتقول كان نفسك فيها. خلاص. انا هتصرف واجبهالك هنا هي والفلوس و اما تزهق منها ارميها
باهر : ده انتي الشيطان يتعلم منك
كاميليا: ولد عيب انا امك
باهر : قولي بقي يا كوكي هتعملي ايه
كاميليا: هي قالتلي ان جوزها ده بيغير . هنخليه يغير ويولع . شكلها كمان قاعده في منطقه غريبه كده. بلدي يعني. هضايقها اما اروحلها سبني بس انا اخططلك
باهر : اعملي اللي تعمليه بس انا عايزها
كاميليا : بس كده . اعتبرها معاك من دلوقتي
نظرت بشر الي الامام وهي تفكر كيف ستفسد حياه شذي
......
في اليوم التالي
استيقظت شذي بتعب في جسدها . لتسمع صوت تزمر فيصل وغضبه
قفزت سريعا من الفراش وخرجت : ايه في ايه
رمي في وجهها القميص : ايه ده يا هانم
شذي وهي تنظر للقميص : قميصك
فيصل:ما انا عارف. انه زفت قميصي .انتي بوظتي ده كمان.
شذي بقله حيله : انا بغسلهم وهما اللي بيبوظو . اعمل ايه .. مكنتش اقصد
فيصل بصوت عالي : اعملي المصيبه وقولي مكنتش اقصد . مش عارفه تغسلي الهدوم. بوظتي نص هدومي
شذي بصوت باكي : هما اللي بيبوظو.
فيصل : اخنقك وارتاح
تراجعت للخلف بخوف : اهدا بس يا حبيبي.
...
في الاعلي خرجت لوزه سريعا من المطبخ علي صوت فيصل بالاسفل
لتذهب لغرفه بندق : عبده. عبدده. قوم
.
رد عليها بنوم : في ايه
لوزه: فيصل بيتخانق مع شذي. انزله لحسن يتهور عليها
بندق اعتدل بفراشه: انتي عارفه اخوكي لو نزلتله هيتجنن اكتر. هاتي الموبيل
اعطته الهاتف ليتصل به ولم يجيبه الاخر
وقف من الفراش . : هاتي هدومي. هنزله وامري لله
...ً...
في الاسفل
تهاني : جبل. صوت فيصل بيزعق
نفخ جبل : علي الصبح كده . هاتي يا تهاني الجلابيه اما اطلعاه ابن ## ده
اعطته تهاني جلبابه الابيض ليرتديه ويصعد الي ابنه
طرق الباب عليه بقوه
ليفتح فيصل بوجهه الغاضب : تعال يا ابا
كانت تقف تبكي. لينظر لها بشر. علي الغرفه
لتركض سريعا فهي ترتدي ملابس النوم.. اغلقت الباب خلفها
ليفتح الباب علي مصراعيه لابيه .: ادخل يا با
سمع صوت طرق اخر للباب لينفخ. فتح ليجد بندق ينظر له بقلق
. : في حاجه وله ايه يا فيصل
فيصل وهو مازال يقف امام الباب فهو لا يسمح لبندق بدخول الشقه : مفيش . يا عم اطلع شقتك
بندق : طيب اهدا وتعال نطلع نفطر فوق مع بعض
فيصل: مش عايز اتزفت
بندق : اسمع كلامي . وتعال نطلع
فيصل : اطلع وانا هلبس وطالع وراك
بندق : ماشي
.......
اغلق الباب بحده .. ليدخل لوالده
جبل : ينفع الزعيق اللي علي الصبح كده.
فيصل : يابا اتعصبت عادي . وانا علي طول بزعق ايه الجديد
جبل : تزعق في الشارع اما تتخانق مع رجاله .. لكن تزعق في بيتك بالاسلوب ده ليه . اي بيت بيكون فيه مشاكل.
خرجت شذي بعد ان ارتدت الاسدال بعيونها الحمراء من البكاء ووجهها الاحمر
.
دلفت الي المطبخ واحضرت عصير الي جبل
لتقدمه له
. نظر جبل الي ابنه بلوم : تعالي يا شذي. اقعدي جنبي
جلست بجانبه ليصك الاخر علي اسنانه. فهو لا سحبها تقترب من اي رجل . حتي لو والده
فيصل: ابعدي شويه
جبل نظر له بحده ليوجه كلامه الي شذي : مالك يا بنتي بتعيطي ليه
.
شذي بدموع : مفيش يا عمو
جبل : لا فيه. هو انا مش في مقام والدك .
شذي : اه .طبعا
جبل : طيب قوليلي في ايه
شذي بدموع : والله يا عمو. انا بغسل الهدوم زي ما لوزه وتوتي قالولي. بس هما اللي بيبوظو لوحدهم.
كانت تشهق بالبكاء . والاخر ينظر اليها بضيق لايحب ان تبكي وبهذه الطريق ايضا. حصونه ستنهار امامها ولكن يحاول ان يكون غير مبالي
جبل بغيظ لابنه : يعني كل ده عشان شويه هدوم . خضتنا وافتكرت في مصيبه . انت ياض مش هتبطل اسلوبك الزباله ده
فيصل: يابا انت عارف ان مبحبش حد يجي جنب هدومي .. وهي بوظت نص هدومي.
جبل: فداها . بوظي يا بنتي اللي انتي عايزاه. ولا تزعلي
ربت علي راسها بحنان . لتمسح دموعها بكف يدها
جبل بغضب : اقسم بربي يا فيصل لو سمعت صوتك عالي تاني كده وبالطريقه دي. لهخدها تحت عندي ومش هتشوفها تاني. جايبين بنت الناس عشان تمرمطها كده.
فيصل بضيق: يا با .
جبل وقف امامه بقوه : هي يعني كانت بتغسل وله بتعمل حاجه قبل كده. انت عارف كل حاجه من الاول.
خلي تهاني وله لوزه يغسلو هدومك وخلاص. بدل ماتزعق كده ..
فيصل : حاضر يا باا
نظر الي شذي : اغسلي وشك يا بنتي واهدي كده وصلي علي النبي . وتعالي يا بنتي معايا . ننزل نفطر
حركت راسها بنعم لتهمس : حاضر يا عمو ..
دلفت الي الحمام لتغسل وجهها
جبل : حرام عليك . دي حد يزعقلها. البت بتحبك وبتعمل كل اللي تقدر عليه ولسه بتتعلم كل حاجه من الاول . تزعق وتعمل كل الدوشه دي ليه. يا تافه كل ده عشان شويه هدوم انا افتكرت في مصيبه
فيصل بضيق : اللي حصل بقي يابا
جبل : علي راي ناس همجي ووقح
ضحك فيصل لانه يعلم انها كانت تقول عليه هكذا
جبل : هخدها معايا وله هتصلحها
ابتسم فيصل : سبيها خلاص
تركه جبل ونزل لاسفل
خرجت شذي من الحمام وهي تنظر في المكان لم تجد جبل
وجدت الاخر يقف وهو ينظر لها . لتخفض نظرها لاسفل. وتركته وتوجهت الي غرفتها.
ليلحق بها ويتمدد علي الفراش وهو ينظر لها
ولكنها تجاهلته . ليقف ويحملها رغم عنها ويرميها علي الفراش
شذي: ااه. ابعد كده
فيصل : لا
اعطته ظهرها لتنزل دموعها بحزن . ضمها له
: خلاص يا بت بقي ..اتعصبت شويه وزعقت. مش عارفه تستحملي
شذي بدموع : زعقتلي جامد وخوفتني كمان وقولتلي اخنقك
. ابتسم. وقبلها : كلمتين وقت غضب. وراحو لحالهم . انتي عارفه بحب هدومي وانتي بوظتيهم
شذي : بتحبهم اكتر مني
. فيصل ضحك : يا هبله
😞: شكرا
قبل جبينها : خلاص يا بت بقي. مش هزعق تاني. بس ملكيش دعوه بهدومي
شذي : انت ممكن تبعتهم Dry clean
فيصل : بلا دراي كلين بلا نفتلين. هديهم للبت لوزه
لم تتحدث .. ليقبلها : متزعليش
ابتسمت له .. ليضمها اليه اغمضت عينها بتعب فهي لا تعرف تاخذ منه موقف وباقل كلمه تصفح له
********
يتبع