فوق جمرات الأنتقام

الفصل السابع عشر

#بقلم إيـزابيـل
#الفصل السابع عشر
#فوق جمرات الانتقام
ََ..
السلام عليكم اسفه على التأخير بس اصبعي نجرح وماكدرت اكتب
..
كم مرة تركتني أجلس أمام الشك بمفردي بينما كان من المفترض أن أراك تقتله ؟!

سما

فتحت عيوني ببطىء وفركتهن بقوه نمت صفح
ووخليت ايدي الملفوفه بشاش كبالي صفنت وانه اتذكر شلون نجرحت بالسجينه ووالدم غركني ووكعت بحضنه ووبعد ما حسيت بشيء بس..
كلي علم ان جاب الممرضه لهنا بالوقت المناسب

الي ماتمنيت يجي!! حسيت بدمعه متطفله تقاطع خلوتي وي ذاكرتي مسحتهه بايدي اليسره
ووكمت نتجيت على التاج وبقت ايدي المجروحه على الجربايه حاولت ارفعهه فورا طلعت مني اه ممزوجه بألم..

عفست ملامحي بعجز حتى ما اكدر احركهه..
حسيت بي يفتح الباب وخطواته تتطبل ببمسامعي بدون ماضيع ولا ثانيه دنچت راسي لحضني وجبرت عيوني ما تسرح بي.

اجه كعد مقابيلي رفع وجهي بثنين ادي وكال
: تردين تموتيني انتِ

ضحكت بسخريه وونفرت راسي من بين ادي بقوه
تبعثرت خصلات شعري..

باسل
: موتتي كلبي بكد ما انطيتي حياه جزعت منج وومن تصرفاتج الطايشه التافهه ابد ما عندج احساس وما تفكرين بيه كبل لا تفكرين براحتج

اهم شيء عندج ما تشوفين نهال وتحاسبيني على غلطه سويتهه علمووووودج انت وعلمود قربج...

ونسيتي تضحيتي والمعاناه العشتهه علمود نرتبط

تتصورينه انه لو ما احبج وواشوفج دواء لكلبي
اعوفج على ذمتي وواجهه عنادج ووراسج اليابس.

اصلا اذا ما الي رغبي بيج ليش خطبتج جان كدرت ابتعد عنج وتزوج الاحسن والاحلى منج..،

بس موبأيدي آمري موبكيفي كلبي الحيوان هو الاختارج وحب وحده طايحه صبغ ووخبيثه..
تكتل روحهه حتى بس ما تشوفني؟

بجيت بوجع وراسي يصعد وينزل من كثر شهكاتي: تعبتني هنتني هواي وماخليت الي اي قيمه ما ماخذني بعين الاعتبار وواهم شيء عندك تمتلكني حتى لو بالغصب..

ماعندك كل احترام الرغباتي وحق الله تعبت مليت منك احس روحي مشتعله جمر..

جذبك دمرني ووزواجك من نهال ضوكني مر لحد ما ريكي يبس

انت ماتحس بوجعي ما تشوف كلبي شلون يفرفح من اتذكر هي زوجتك ووراح تجيبلك طفل.. وانه انه ما محصله منك بس الهم..

باسل
: انت  انانيه وما همج بس نفسسج..

: اي صح انه انانيه ووجشعه بحبي شتريد هسه؟

لزم چف ايدي ووقربه لشفايفه وباس ايدي بعطف : اريدج يمي دوم لان بدونج اتيهه..

بلعت ريكي : ماريدك

رفع طرف حاجبه الايسر : اي مو انه امشي بمزااجج المتقلب هسه كلتي ماريدك بعد شويه يختلف الوضع..

خنزرت علي اجه نام ووراي ولف ذراعه على اجتافي وهمس يم اذني وهو يباوع لأيدي : ريت الألم بيه ولا بيج..

: ههههه اي تعودنه على سوالفك هاي عادي هواي سامعتهه منك ووشفنه شني النتيجه..وخر عني يله لا تخليني اجر السجينه مره ثانيه..

باسل
: افا بحضني ما تتأذين لو يمج سجاجين مو سجينه..

تأفأفت بألم ووضليت اتلوى ويا حتى اطلع نفسي من بين ادي بس قيد رجليه برجلي والمشكله جان لابس حذائه احس بلوكه صعدت فوك چف رجلي..

جرني من حنچي صار وجهي بوجهه وعيوني تلاكت بنظراته الممزوجه بين الغضب والهدوء
والحب والحقد..

باسل
: سبحانه الي يعلك كلب انسان بأنسان ويصير يصعد وينزل وي النفس ووالروح

: هاي نهال مو؟!

: تردين احجيلج عنهه

: منيه!

: النايمه بين ضلوعي

غمضت عيوني بملل حجه ووهو يجرني علي اكثر ويلزكني بصدره : وحده عنيده جامحه عليه بس حقيره فوك ما تتصورين حارمتني من ملذات الدنيا وومخليتني حاير بيهه وودايخ...

فقيره وي الكل بس وياي تطلع عرامتهه اليشوفهه شلون تتمرد ما يكول هاي سما بس كلبهه فطير ينفر فر بكلمه وحده مني..

سما : شني هالثقه هاي

باسل : اي وداعتج اويلي حضنهه جنه العافيه لا والله هو العافيه كلهه  لو نظراتهه بويه كهرباء تصعقني صعق لو شفايفهه يابه اموت وواعيش بنفس الحضه لو ضكت رحيقهن..

لمساتهه قضيه ووعليهه محاكمه لان تجرم بيه
وتخليني ما اندل دربي وهذا اسمه تخدير بس بأكرستال خاص بيهه..
..
تنهدت وكتله : الي يشوف تعبيرك ووصفك هذا يكول صدك ميت بيهه هذا..

باسل
: جا شني جذب..

ابتعدت عنه وانطيته ضهري وودفنت راسي بالمخده بتعب وملل
..
باسل

اليشوف ضاهرك مايتردد بالحكم؟ وعاذره لان شيوصله لداخلي واحساسي..

وربما تصرفات عفويه تكلب كل تخطيطي..

يعني مثلا جذباتي على سما جانت كلهه لمصلحتهه هي وحتى ما اخسرهه وانه احرك الكون والبشريهه كلهه علمودهه..

ماحبيت مره مثلهه ولا حلت بعيني غيرهه احسهه قطعه مني ولو فقدتهه راح اتأذه وتجيني مضاعفات..

اتذكر باليوم الكلت الابوي اريد اخطب سما هو كالي بصدمه..

فالح : تحجي صدك بويه جانت عفت بنات ديرتنه كلهه ماحطيت عينك غير على سما

باسل :چا شبيهه سما مو هم بنيه وماناقصه شيء..

فالح : شلون ما ناقصهه شيء يايابه شلون چا ومرضهه بالسرطان وشعرهه الواكع وبنيتهه الضعيفه وغير عن هذا الحادث الي تعرضت اله بالصغر وصارت البت عاقر..

يعني تبقى بدون خلفه العمر كله

باسل : الي يريد شيء يعوف شيء وانه احبهه واريدهه هي..

فالح : واذا تحبهه نكلبت الدنيا مثلا لو هي لو ماكو
ابني فكر بمستقبلك ووعوف سوالف الحب والكلان تبن ماراح يوكلك خبز ومايجيبلك غير المتاعب تزوج اختهه حور العباس اخو الاحسين ماكو فرق..

باسل : لا شلون ماكو فرق انه لو رايد حور جان كتلك عليهه من البدايه غير سما ما اخذ وشيصير خل يصير..

فالح : ولك صارلي ساعه احجي وياك بمنطق ومحترمك تنجب وتعوفهه ولك ابن الشيخ محمد صديقي ردت ازوجهه اله ومن عرف بالحادث مارادهه يعني فكر بمستقبله وبنسبه ونسله ليش انت حتى تجازف هيج مجازفه.

باسل : انه مامجازف البنيه احبهه واريدهه ومابيهه شيء والبقيه حلولهه عد الله..

كام وكف على طوله ويرعد بصوته
:بااااااسل احذررررك الاول والاخر مره ترجع تعيد الي هذا الكلام وروح الاعزاز كلهم انسى انت ابني واتصرف تصرف ما يعجبك..

عافني وطلع بدون حتى مايسمع كلامي دخل مروان باوعلي بأستغراب وكال
: شكوووو شعامل من عمايل ومضوج الشيخ

باسل
: بله متولي من خلقتي تره كل خلك ماعندي .

مروان : عساك على اساس خلكك فد اهميه عندي

باسل : دنجب لا تتاكل نعل زايد وورثلي جكاره.

انطاني جكاره وكعد بصفي
: انطق الدره شكو جنك ووحده عايفهه الحب لا والله مرت الشهيد حالهه احسن من حالك..

حجيتله كلشي كال.
: وانت ضايج على هاي تهي بهي والله ناس بطرانه شعدهه لا شغل ولا عمل وكاعدين يلتهون بالحب خاب ماتكوم من يمي لعبت روحي تعارك على مره وزواج احمدك واشكرك ربي..

باسل
: اي جا شبيهه المره لو ماهي ماجان صاحبت ميه كل اسبوع

مروان
: لا تزيد لك ميه منو انه هي ثنتين تلاثه وتره مو حب ولا اصارع مثل تفاهتك هي لعبه واحب اجربهه.

باسل : لعبه ها يجي يوم وتوكع بيهه ياباشا..

مروان
: ههههههه بطران انت والله اليشوفك وواكف هيج بوجهه الشيخ يكولون هذا جاي يمثل مشهد مسلسل وثائقي وجاي يتعاركون على نشر الدعوه الاسلاميه..

عفته بتفاهاتهه وكمت الدنيا طالعه من عيني
..
ثاني يوم شافني ضايج وواكف يم برهان احجيله
واكله لو تصير الدنيا كلهه ضدي اخذهه وهو يشجعني اقنع ابوي وما اكسر بكلمته مهمى جانت

برهان
: والله ياباسل عيب عليك توكف بوجه ابوك والمشكله ماجان من ذوله اباء هذا الوكت صار النه اب وام بنفس الوقت دللنه وربانه احسن تربيه كبرنه بعين الناس كلهه ووتعرف انت هسه من ينجاب طاري ولد الشيخ فالح شتكون فكره الناس عنه

هذا كله لا بفضلي ولا بفضلك بسببه هو لا تفتعل مشكله خليك تقنع بي اول وتالي هو مسوي هيج المصلحتك انت مايريد يشوفك،
العمر كله ما شايل اسمك ولد..

باسل
: بعتبار الشيخ ربانه على ان نفرض شخصيتنه على اكبر واحد ف هسه انه الي كلمتي ورأي واحد ومايتغير..

برهان :  ولك جا انت تفرض شخصيتك على العلمك وما عارضتك انه اقنعه ياخي افرض شخصيتك بهذا الشيء مو اله بالصريخ والوكفه ضد سندك والحايط التميل علي..

نفخت بملل شافني الشيخ أشرلي الحكه كعدت ويا كالي مادامك هيج مصر عليهه اتزوجهه بس ماتبقى عليهه!

: شتقصد!

: البت ما تخلف وانت تريد تتزوجهه وهاهيه انه كتلك اتزوجهه بس ماتبقى عليهه يا اما انت تشووفلك زوجه ثانيه او تخلي اليه الاختيار...

هنا لا هيه راح تنظلم ولا انت وواكثر قرار يعدل بين الجميع لان لا عيب ولا حرام..

لهذا السبب لله شرع بتعدد الزوجات وما دامك تحبهه و تنطيهه حقهه فـ صدكني ما تعترض..

فتحت عيوني بصدمه
: شيخ صدك تحجي شلون تريد اكسرهه بمره وانت تدري سما اذا عرفت احتمال ما تقبل وهي بت شيوخ شلون تقبلهه تنزل على ضره..

الشيخ
: لا اخطبهه واتزوج وعود بعدين كلهه انه متزوج علمود الطفل..

فركت عيوني بتعب وهمست بضعف حيله
: لا اله الا الله..

ليش هيج تريد تصعب الطريق عليه صدكني اذا تزوجت مره ثانيه سما ماراح تتقبلهه وتعتبرني خاين واحتمال حتى ماتكمل وياي..

وانه احبهه يابه احبهه وما اشوف بعيني غيرهه

الشيخ : اذا ماقبلت طلك عبالك هي هاي زينه تره حرام عليهه تحرمك من لذه الجهال والضنه..

هزيت راسي وكلت بسخريه
: اي مو هي سهله!

: انه العندي كتله الخيار يبقى يمك
..
ايام وليالي انه عيني ما تغمض شلون اذا عرفت شنو راح يكون موقفي..

خطرت ببالي فكره وومالكيت غيرهه كلت للشيخ هاهيه اتزوج كال اذا تحب انه اشوفلك مره كتله لا انه ببالي وحده اعرفهه جذبت علي بس حتى اسوي الاريده ..

ونزلت البغداد هناك عندي صديق اعرفه كلش مقرب كتله اريد بنيه اتزوجهه على كد الخلفه..

باوعلي بصدمه: شنووووو؟

: شبيك لك قصدي بس اتزوجهه على كد مده زمنيه واطلكهه

: وليش! سما وين راحت

بعدين اسولفلك لطش اله احجيله حجيتله كلشي كلي تتذكر البنيه الداومت سنه وحده ويانه بالكليه  وهي حالتهه كلش ضعيفه

روح جرب كول الهه..

وتره باسل ماكو بنيه تقبل بهذا الشيء نهائياً
لان تعتبر مذله لعد شنو هي النسوان بس للخلفه..

بس هي بنيه حبابه ووكلنه ندري هي جانت تحبك ووعينهه عليك ووحتى مره اليه اجت اخذت ال cv مالتك

: لا بربك

: وداعه شواربي الماعندي اعز منهن

: عاد هنه شلون شوارب جاي مطشر

: دمشي لك لو ما اني جان عرفت هاي البنيه

: اكلك هي نهال اسمهه مو

: اي

باسل: خوش انطيني رقمهه

اخذت رقمهه خابرتهه ومن كلت الهه انه باسل ابن فلان الجنت اداوم وياج بهيج قسم انصدمت..
وواكلتني اكل بالسلام والكلام

َكلت الهه اريد اشوفج عندي طلب بالبدايه ماقبلت بس بعدين كالت من اطلع للشغل امرلك..
..
وثاني يوم رحت شفتهه اول ما اجت مبينه على كده حالهه ووصدك حالتهه تعبانه..

بس ما انكر هي جانت حلوه كعدت كبالي

باسل : الله بالخير

نهال : هلا والله شذكرك بيه

باسل : بالبدايه شلونج انت

نهال : الحمد الله

باوعت على ملابسهه : انت شتشتغلين؟

نهال :ااا فراشه بالمدرسه

رفعت حاجبي بصدمه وهزيت راسي حجيت الهه كلشي من الاخير

باسل :ادري هذا الشيء صعب ومو اي وحده تتقبله بس وداعتج راح تكونين انت واسطه خير والج اثر بحياتي..

نهال
: انطيك طفل؟؟ شلون تحجيهه بهالبساطه يعني جايني بـغايه..

باسل : ماعندي غيرج صدكيني وهو موقف انساني

زفرت بتعب وباوعت الي
: شنو المقابل!

: الي تردينه

رفعت حاجبهه هي مبينه قابله بس تريد تبيع ثكل كالت : بس الموضوع يبقى بينه حتى امي ماريدهه تعرف

: طبعاً

راحت وثاني يوم رجعتلي كاالت مهري هلكد وصدمتني بي بصراحا اضاهر تريد تعدل حالهه براسي  واخذتني على بيت طابقين بمنطقة راقيه ببغداد كالت هذا تشتري الي والامي...

كاره روحي وكاره الجاي اسوي بله انه اوكع بأيد وحده استغلاليه وكل همه الفلوس ليش َ

ومبينه من عيونهه مو راحه مصبر روحي كوه عليهه ورا اسبوع تقريبا ًرحنه انه وابوي وومروان ووخطبتهه من امهه والحجيه مكيفه وما مصدكه

ابوي كلي سألت عليهم انت تعرفهم كتله جانت وياي البنيه بالدوام واعرفهه من الخيط للأبره..
بس اريد افض السالفه على خير
..
طلعت من ذاكرتي على صوتهه

سما : يله وخر

اباوع لوجهه الملأكي ووسرحان بي اتمنى ماتخلص هاي الثواني احس ممتلك الدنيا كلهه من تكون بين اديه..

لزمت خدهه وتحسست ترافتهه
: انت سماي وكوني ووكلشي حلو بالهدنيا...

: اي وبعد

: واول واخر نفس الي

اجت تحجي بس قاطعهه موبايلي جريته من جيبي شفته برهان جاوبته
: الو ها

برهان : شعجب جاوبت وين انتَ

باسل : شكووو

برهان : اسمعني لك عشر دقايق والكاك مزروع يمي لا تخليني كل ساع مخابرك..

باسل : غير افهم شبيك شكو!

برهان : انه بالمستشفى وومروان طالع الشيخ ووحده بالديوان ومحتاجك..

باسل :  ما اجي اعذرني

برهان : خاب تنجب لا تخليني اطلعك من جوه الكاع واسحلك سحل ووعود ذيج الساعه كول اعذرني..

باسل : اهوووو انت شتسوي بالمستشفى

برهان : غير صارت مجزره عود تعال وافهمك واذا تكدر شوفلي المطي الثاني وين ووجيبه وتعال..

باسل : ياهو معاذ لو مروان

: معاذ مسافر لسليمانيه اقصد مروان

باسل : صارر يله جاي

غلقت الخط منه شلون شغله هاي ما اتمنى اعوفهه وحدهه واروح

باوعت عليهه وكلت بتحذير
: اسمعي لج اكعدي عاقله وبلا مشاكل انه رايح عندي شغل وعلى الاغلب لليل راجع راح اقفل الباب وانت سددي كل الشبابيك ودير بالج تفتحين الباب الاحد غيري..

كمت من الجربايه باوعت الهه حجت بملل
: اوامر ثانيه!

دنچت راسي وبست كصتهه
: لا تبطلين تفكير بيه
..
عفتهه ورحت اخذت مروان ورحنه للشيخ جان عنده چم شغله ويريد نساعده طبعاً انهَ ما احجي ويا ومالي خلك اكعد بالديواان بس ضطريت اروح
..
غزلان

الحضه الي ماممكن انساها ولا تروح من بالي اسمع صريخ الناس وبيتنه اليحترك واباوع على..امي ورواء كاعدات على الرصيف ويصرخن ويبجن ويلطمن.

تخيلت الجهال وبنات عمي وعمامي كلهم احتركو وي هالبيت وصارو رماد سياره الاسعاف والاطفاء ووكفن كبال البيت.

تراجعت لوره بچم خطوه حسيت بي يسندني وويهمس بأذني: غزلان امشي نرجع..

وانه ابجي بعصبيه
:  شارجع شارجع ماتشوف بيتنه المحترك واهلي الراحو

ركضت بقوه لامي  كبالههه وابجي ووعباتي ووكعت من راسي ووحالي تخربط
:يمه ابوووي وين اخواني

: رااحوو ولج راحو محد كدر يطلعهم سوده بوجهي..

غزلان : لالا نشاء الله مامجودين

رواء حالهه انكس برهان واكف فوك راسنه وانه معدتي مشتعله نار ووعبالك اريد ااتقيء...

طفو البيت الي تفحم ومابقى شيء صاحي بي..
اباوع شلون يدخلون بالسديات ويطلعون..

ووكفت على حيلي وابجي واناشغ المفروض الموجودين كلهم 11 واحد وي الجهال واخواني وابوي  وعمامي وحبوبتي ووبنات عمي ووعماتي..وولد عمي..

انه شفتهم شلون طلعوهم بالسديه وولافيهم بالبطانيا لان جلدهم مسلوخ ووتايخ وباقي بس العضم وومكلوب اسود لو نكلبت كلاب..

رجليه صارن خيوط ووالمصيبه 11 واحد لا اقل ولا ازيد ووالجهال مشووين شووي..

امي شكت ثوبهه ووتلطم والنسوان يسترن بيهه ماكدرت اتحمل ووكعت على الرصيف هبط الضغط راسي انركع بحافه الرصيف..

ركض برهان عليه شال راسي بين اديه وولف العبايه الي نفتحت عليه ووضرب على خدي ضربات خفيفه
: غزلان غزلان

ماكدرت اجاوبه وولا احرك ولو طرف مني الصدمه البيه حاليا اكبر من ان احجي حسيت النفس اختنك بريتي شالني  َوحطني بالسياره ليوره وورجع على امي ورواء يقنعهن يجن ويا بس ماقبلن راحن وي سياره الاسعاف..
..
مادري لشوكت ضليت قابضه على كلشي بيه وومغمضه عيوني وومتخربطه بس كعدت على حس برهان باوعت علي لابس دشداشه سوده وومخلي يشماغ اسود وبي اخضر على ركبته..

صدري يصعد ووينزل بلهثه طفرت من الجربايه وصرخت : ماتوووو مووو ماتووو

تقرب عليه وحجه بتنهيده
: هسه اجيت من المستشفى للأسف محد منهن ضلت بي روح  والمشكله محد جاي يعرفهم
منو هذا ومنو هذا ملامح ماباقيه بس ولا واحد ناقص من اهل البيت كلهم اضاهر ماكادرين يطلعون.

: ابوي وياهم مو اخواني ماتو احتركووو بنات عمي ماتتتن

كمت اصيح واصرخ واضرب بروحي ووازلغ بخدودي ووهو حاول يلزمني قيدني بثنين اديه لزمت اليشماغ الي على ركبته وقابضه علي  بقوه وواصيح ليش عافوني ليش مات ابوي...

ايده لازمه خصري حتى لا اوكع بالكاع ووالأيد الثانيه لافهه على اجتافي ويهديني بكلمات تقليديه كلنه على هذا الطريق وامر ربج ماتكدرين تعترضين علي..

وكعت للكاع يم رجلي وواحجي بشهكه
: اريد ابوي ليش عافني اخواني احتركو برهان احتركو

ثنى ركبته ولزم وجهي بثنين ادي
: تره اهلج مو اول الناس ولا اخر الناس لازم تتقبلين الموضوع..

:   لا واحد ولا ثنين مصيبتي مصيبه ابجي على منو الطم المن اشتاق الياهو

صاح بصوت عالي
: ام احمد ام احمددد

اجت تركض كال الهه
: ساعديهه تلبس اسود ووطلعيهه الي انه بالكراج راح اشغل السياره حتى نروح للفاتحه..

: صار تأمر من عيوني

عافني وطلع ضليت كاعده بالكاع روحي شاغت ووكلبي احسه راح يوكف معدتي توجعني. وراسي طبل بس ابجي ووالطم واعاتب..

جرتني من ايدي وكالت
ام احمد
: بنيتي غزوله لا تسوين بروحج هيج باعي خدودج نكلبن حمر ووحاجبج نزلغ حرام هذا تعذيب للنفس..

: اريد اهلي ماريد ابوي يعوفني بهالعمر اخواني احتركو ام احمد توجعو وصاحو بس محد طلعهم..لحد ما عطبو

رغم من تزوجت باقر ابوي واخواني ماشفت شيء منهم حلو بس ما اكدر انكر دلالهم وحبهَم الي قبل لا تصير هاي الاحداث..

بسبب ضعف بصري كمت اشوف الدنيا رماديه لان
ضربت على عيوني هواي لزمت بچف ام احمد وورحت وياهه للحمام كلت الهه لبسيني ماجاي اشوف شيء
..
بدلت بأسود وطلعت اسحل بروحي سحل صعدت ليوره لان خالده بالصدر..

طول الطريق يباوعلي بالمرايه وعبالك يطمني بعيونه الشيخ هم اجه هو ومروان وباسل بس بسياره ثانيه ورانه..

عرفت الفاتحه صايره بـ ببيت عم ابوي الجبير بنفس منطقتنه
ووصلنه لهناك الامه مكلوبه الجادر من الركن للركن دنجت راسي ودمعتي توكع للكاع ووتبقى اثرهه تذكرني بهضيمتي..

رغم مو دنيا صبح الضهر بس بارد الجووو كلش لزم بأيدي برهان وجرني بصفه لان زلم هواي واكفه
...
جنت ادري كلهه تعرفه بالمنطقه وكلهه تحترمه
بس ماتوقعت لهل حد شكو واحد واكف خارج الجادر رفع ايده وسلم عليه..

اشرلي براسه ادخل جوه عفته هوو الشيخ يفوتون للديوان وويسلمون..

َوفتت وي خالده هوسه وكلشي ماشفت غير الصريخ و البجي دورت على امي بعيوني ورحت الهه ابجي على نعاويهه ووصريخهه..
: يمه نهجم بيتي تزين راسي..

باوعت وكالت
:ولج يمه غزلان راحو اخوانج ولج حتى مايكدرون يدفنونهم عضم صاحي ما باقي..

خدودهه يجرن دم واديهه زرك والثوب مشكوك من الطول للطول لحضات ما تمنيت تتكرر..
...
رحنه للنجف والمآسي زادت برد ووثلجنه وكوه دفنوهم وبرهان ماراح ويانه بس الشيخ..حتاجيته بأكثر الاوقات ومالكيته يمي وحدي بقيت

رجعنه بنفس اليوم  امي الضيم حالهه وراء بعد انكس حتى بدربهه عثرت خطيه محد ضل الهه

طول ايام الفاتحه نشليت شل من كثر البجي برهان بعد ما شفته مرات اطلع اساعد البنات بالطبخ هواي اشوف ولد واكفين بس هو ماكو؟

اختفى بأكثر وقت محتاجته بي

..
مرت الايام وانه يم بيت عم ابوي ما عفته خالده تروح وتجي وانه دزيت بيدهه على ملابس الي وجابت الي ماقصرت

اليوم السبعه شويه امي احسن ماتصرخ بس تولول ومدنچه راسهه ماترفعه ورواء حابسه روحهه..

صاحتلي بنت الرجال نفسه عم ابوي كالت
: غزلان تعالي اثرمي الطماطه نريد نسوي المركه

حجيت بصوتي المبحوح
: اي هسه

جريت الشال وعصبت راسي بي  جانن اكو نسوان ثنين وراي.. اسمعهن يحجن

: اكلج هاي منيه البنيه شو اول مره اشوفهه

: هاي بت رائد خطيه

: يااا هيج رائد عنده بنات حلوات عليمن طلعن

: على خوالهن حتى حوراء الشردت حلوه

: يا يمه اسم الله ليش شردت

: علمي علمج يكولون مخطوفه

: اسمهه غزلان شو اكو حلقه بأيدهه ماتعرفين ماخذتمن..؟

: ابن الشيخ فالح برهان

: يااا صدك برهان هذا الكلهه تحجي بعركاته وعداوته وي بيت سلوم  وانه عود كلت  مامتزوج بلكي يخطب مني عفنن على كلبي..

لتفتت وصحت عليهن دقني بسالفه حوراء
: خاله عيب عليج تكولين شردت شنو هالغيبه هاي وعود انت جايه تعزين لو ماجايه احسن..

: شبيج بنيتي جا احنه شحجينه كلنه يجوز اندري العلم عد الله نشا ء الله ترد بسلامه..

خنزرت عليهه بغضب وعفتهه ورحت لاكتني نور البنيه الصاحتني قبل شويه
: شبيج وياهن!

: كمت عليهن خلي يولن حقيرات يحجن ويطعنن بحوراء عود جايه تصبرنه رشت الملح على جروحنه..

: عووفهه لا تشدين الهن راس ماتعرفين انت اكثر الجايه هنا شماته..

فتت وياها للمطبخ كعدت بالكاع ووبحضني سله الطماطه واقطع بيهه بطريقه عشوائيه..

نور واكفه على الطباخ كالت
: غزلان راح افورلج حليب لو مي واخلي الج نعناع  صوتج كلش رايح ولج..

: لا ماريد
رجعت كلت
غزلان: بس اذا تكدرين جيبي الي قمصله متت من البرد وانه كاعده بالباب..

: اوكفي هسه اصيح على وحده من البنات الفوك.

انه جنت كاعده  بباب المطبخ  الي يطل على الحوش وبي هوى عالي وبرد يكص بالجلد احسه

جابتلي قمصله ام السحابه وبيهه كبع لبستهه وكل شويه مخليه اديه بالجيوب ادفيهه وارجع ااطلعهن..
..
كملت ووكمت وي ماجاي اطلع صاحت عليه وحده
: غزلان

: ها حبي

: اكو واحد رايدج بره بالحوش

رفعت حاجبي بأستغراب خليت وطلعت شفته برهان واكف ووبأيده اليشماغ ودكمه من دكم دشداشته السوده مفتوحه ووعبالك طالع من معركه..

تقربت علي وانه اطك سن بسن وومخليه اديه بجيوبي كال : السلام عليكم

: هلاو

: شلونج

تنفست بضيق : الحمد الله

: خوما ضغطج رجع هبط..

هزيت راسي بـ لا انه جنت صايره على الحايط وهو مقابيلي وبزاويه تقريباً بعيده عن الانظار..

كال
: اعذريني ماجنت موجود ذيج الفتره بس جان عندي شغل طارئ

مروان : طارئ ابن ابو طارق مو؟

نصدمت من شفت مروان دخل ابتسمت على كلامه
: انجب انت

مروان
: خلف الله عليك

باوعلي وكمل : البقيه بحياتج

غزلان : تسلم

برهان : راح تطلع الاربعين انت هسه يله تذكرت

مروان :جان عندي طارئ

راد يضربه برهان على چتفه بعده ماواصل اله طفر بركضه قويه وكال عندي سالفه طارئه وي الكهوجي

سرحت بي وكلت بألم
: تدري شنو اكثر شيء يكسر  البنيه من يختفي شيء اسمه اب بحياتهه حتى لو جان مأذيهه بس يبقى سند ووعزوه ووقت الضيق..

بجيت بحسره وبصوت يقطع الكلب جرني من زندي بسرعه البرق وودفن راسي بصدري ولف ذراعه على ضهري بصلابه..

خلى راسه على راسي وهمس
: لا تحجين هيج؟ انت يمي وبأسمي يعني حتى لو ابوج عايش لهل لحضه مالج سند غيري..

ماعاش ولا راح يعيش  اليكسرج
انت حرمه برهان ال ثابت تعرفين شنو يعني!
يعني يبقى راسج مرفوع غصب عنج ووانه الج اب واخ وزوج واي شيء يسعدج..

لا تبجين انتي بضلي
..
قوت 

ماتوقعت حبوبتي هيج الي تريده تسوي صدمتني من باعت الغرفه وواخذت الفلوس كدام عيني راحو الولد ووالغرفه مفصخه وومحطوطه
بسياره حمل دخلت للبيت حبوبتي واكفه بالحوش وتحسب الفلوس..

صحت
: انت صدك تحجين شلون تبيعينهه بدون ما ادري
ليش هيج ليش تحركين بكلبي..

: عليمن احرك بكلبج جا تردين نخلي الرجال مشمور بالمستشفى لحد ما يموت..

عطت بصوت عالي واحس اوتاري الصوتيه تكطعت: عسى بالموت هو انه هذااا الاتمنى واريده من ربي كون يستعجل بأخذه.

انه اشتغل لليل نهار علمود اجيبلج علاجج وانت ترحين تبيعين غرفتي

: اي غير عرمه ووكحه وتتمنين الموت الزوجج وين اكو شريفه وبت اصل هيج تحجي..

عفتهه ودخلت ابجي واندب حضي شفت
عبد الله واكف وادي على الطبله ذاب كل حيله عليهه ورجلي تتراجف ما ثابته..
ركضت شلته بين اديه ووهو من شافني كيف صاح بضحكه : ماميييي

هو مايكول ماما ولا بابا لا يجر الكلمه ب الـ اي مثلا بابي مامي

: يبعد ماما واهلهه فدوه اروحلك

كعدت العب بي شويه لحد ما تعبت ونمت العصر جنت مقررره اروح احلل وصدك بدلت وطلعت انه

وابني حبوبتي كلفت جوارينه يوصلهه للمستشفى علمود تنطي الفلوس وعلى اساس الدكتور كايل الهه تعاي نضربج ابر مضادات لان انت جنت كاعده ويا وواحتمال هم عندج نفس المرض بس اكيد بالبدايه ونكدر نتلاحكه بالمضادات.

حللت والحمد الله طلع مابيه شيء المحلله تفأجات كالت شلون انت غير زوجته..

ماتدري انه اصلا ما اخلي يتقربلي وما معاشرته من زمان وصارلي بعيده عن البيت بالاسبوع ووبالايام العاديه اجي بليل وهو طالع يرجع ب ٢ اكون انه نايمه وقافله باب الغرفه وهو ينام بالصاله

فـ مخالطتي اله بالسنه حسنه طلعت من العياده ووشايله ابني بين اديه ووامشي بهدوء وصافنه..

ماحس غير سياره وراي كلش بحيث حسيت بيهه طخت برجلي ووهورن زرف مسامعي شهكت بصدمه ونداريت..

طلع راسه من الجامه وصاح
: ياختي شهالثول غير تنتبهين لو داعمج هسه مو تردين فصل..

ضحكت من شفته مروان

مروان : عليمن تضحكين والغسل

قوت : لو داعمني جان استفاديت واخذت فصل

مروان : ااا يعني اكمل

قوت : اي وتخلصني من هالدنيا

مروان : هسه مافتهمت شتردين بالضبط

ابتسمت : حقكك تحير انه نفسي ماعرف شريد

مروان : دصعدي لا تضلين واكفه بالشارع

: لا ماكو داعي وصلت

: تصعدين لو ادعمج

ضحكت بهدوء ورحت صعدت وهو اول مامريت من السياره تدنه من مكانه وفتحلي الباب الامامي
..
شاف عبد الله بحضني كال
:هذا ابنج مو

هزيت راسي بأبتسامه : اي ابني

: الله يخلي يعرف يتفل

: ههههه طبعا لا ما اعلمه على هيج سوالف

: صدك تحجين انه منج اعلمه اخلي يضبطهه توب واستفاد منه كل ما يجي ابو وكليله ممكن تتفل على بابا اعتبري مدفع وانت خليله الذخيره..

هههههه لحد ما وصلت للبيت راسي صار شگبره شكد يحجي ماسكت ولا ثانيه نوب يريد ياخذ عبد الله ويا يكول ادخله دَوره تعليم الطفوله العراقيه الاصليه وارجعه الج
..
حبوبتي اليوم كله ما اجت يمكن ضلت بالمستشفى نمت وحدي

الصبح غاطه بالنوم واما اسمع غير صوت الصريخ وتعيط بـ : ماااتت مااااتت
..
حوراء

محد صار فوق جمرات انتقام باقر غيري انه الدفعت ثمن اغلاط ما ارتكبتهه..

كال بصوت هامس
جنت حالف ما اتقرب الج لان صغيره بس لا والله تستاهلين كل الراح يصير بيج

حجيت بعبره : شتقصد

باوعلي بعيون غاضبه ووغاضن حواجبه لزم تشيرتي من الياخه ووشكه بالنص حضنت نفسي برعب ضليت اصارع بين ادي اضرب بي وواكله وخر والحمدلله ماكدر يسويلي شيء لان منعته وصديته بكل قوه عندي..

ضربني وصاح
: حقيره كلبه اني الج اذا مو اليوم باجر منتضر يخلص هالاسبوع وادزج الاهلج ونشأ االله اكون محقق رغبتي..

كام مني ووكعد بالكاع وضهره للحايط كلت بشهكه وانه اجر الغطه الف جسمي بي
: ليش تسوي هيج بس فهمني شتريد مني!

ضحك بسخريه : تردين تعرفين ليش..!

هزيت راسي بأي ماتوقعته راح يحجيلي وريته ما حاجي طلع حقائق اهلي وحده ورا الثانيه..

ضليت متصلبه بملامحي وواحس الدم جمد بجسمي ورا ماكمل كال
: عرفتي ليش اهلج يستاهلون شرفهم ينسحك مو! هاي اذا عدهم شرف اصلا

عافني بصدمتي وطلع ليش هيج ليش انه جاي اتعاقب على شيء ما ارتكبته جمرات انتقامه لسعتني ووحركتني..

وما اضنهه راح تطفى؟ عافني وطلع حرت شلون شسوي ماعندي غير هذا القميص وهو شكه بالنص كمت للكنتور فتحته كله رجاليه

اضطريت اخذ قميصه رجالي ولبسته غصت بي
رجعت نمت على وجهي ووغطيت روحي بالالحاف،،،

والدموع ما فاركتني ابجي على كلشي بختصار..
مادري شلون نمت بس غفيت وعرفت روحي غايصه بالنوم من اطب بحلم واطلع من حلم..
..
لليل كعدت على صوته الغريب هذا شجاي يسوي نزلت رجلي للكاع وومشيت بهدوء..
فتحت الباب وومديت راسي باوعت علي منتجي بالحايط ورافع بنطرونه وبيده موس يشرح برجله..

والعرك ينفض من كصته توسعت عيوني بصدمه
ركضت علي كعدت كباله وحاولت اجره منه..
جان يدفعني من جتفي ووداني ليغاد..

صاح بيه
: ولي لج شطلعج

: مخبل انت مخبل ليش تسوي هيج بروحك

: اييي مخبل انه مجنون عقل ماكو براسي عندج شيء

نزلت دموعي
: خوفتني والله لا تسوي هيج كافيي ذبه باع الدم ترسنه..

باوعت للساعه بـ ثمانيه وربع بتاريخ ٢٠١٤ نهايتهه على وشك ان نفتح الابواب ال ٢٠١٥ هذا التاريخ حفضته مثل اسمي يوم الخميس والجو مخيف ويرعد الشبابيك تنفتح وتنسد بسبب الهوى العالي..

وانه مندمجه واحجي وي باقر واتوسل بي ندفر الباب بكل قوه واقتحمو البيت اربعه مدري تلاثه اباوع عليهم وجوهم مابيهه رحمه ولابسين اسود
صروال وقميص طويل للركبه وولحيه واصله لصدرهم .. يتبع
..
🖤🖤🖤🖤🖤
ايزابيل