فوق جمرات الأنتقام

الفصل الرابع والعشرين

#بقلم إيـزابيـل
#الفصل الرابع والعشرين
#فوق جمرات الانتقام
..
وإذا باچر تلاگينه
أدير عيوني عن وجهك

واگلك غالية عيوني .(سما & باسل)

(طبعا اسفه على التأخير بس النت فصل البارحه ماعرف شبي واله اني مكمله البارت من زمان)
هلاو بنات اريد احجي بموضوع يخص احد الابطال وهو باسل..

كرهتو كلكم بسبب تصررفاته واني مو وياكم صراحا..؟

تره مو باسل العذب سما لالا انتم غافلين عن الكواليس الشيخ هو الدمرهه ودعسهه..

باسل ماسوى شيء غير انو حبهه ورادهه اله وسوه اي شيء ممكن يخليهه يمه وومنهه الزواج..؟

تره بسالفه الزواج حقه حقه حقه الف مره...

بس غلط بشغله وحده بس انو ماكال الهه وضم عليهه سالفه زواجهه وهذا كله ليش؟؟ بسبب حبه المتملك..

احنه كلنه نعرف قاعده تكول اليحب يشتري راحه محبوبه..

وهو ضرب القاعده مستعد يشوفهه تتعذب كدامه بس اهم شيء تبقه ويا ومتعوفه؟ هاي غريزه حب التملك..
..
وراح تكولون شخصيته ضعيفه كدام الشيخ..
ابو معلمهم من الصغر الكلمه الي يكولهه ماتصير ثنين ومحد تجرء يكسر اله كلمه ماعدى  شخصين كدرو يسوون هذا الشيء وهو برهان والثاني بعدين تعرفونه..

وبحكم ابو شيخ واذا عانده وورفض طلبه بالزواج راح يطرده من البيت واحتمال حتى من  العشيره وهنا ماكو داعي اكلكم شيصير..

يمكن بعدكم ماشايفين قسوه الشيخ على ولده..
بس بالايام الجايه تعرفون..
..
بس نهائياً ماراح يبقى هيج جفاء سما راح يعلمه درس ما ينسي راح تتفاجأون بشخصيته..

ملاحضه اني ماجاي ابرر اله لا الفكره الي ماخذيهه عنه ان غيرتوهه او ماغيرتوهه شيء راجع الكم لان اشوفه اكثر واحد انضلم منكم 😂وحبيت انطي رأيي

النشر بين يوم ويوم

...
حوراء

بللت شفايفي اليابسه وورجعت كم خطوه ليوره
ضل يسلم علي ووشلونك وشخبارك ووخابص روحى يمكن هذا العميد الي كال عليه لان مبين رجال جبير ووطويل ووضخم ولابس عسكري وعلى اچتافه اكثر من رتبه.

أشرله قائد على الكرسي مالته
: تفضل سيدي..

باوع عليه بنظره رعبتني وراح كعد ووقائد كدامه

شبك ادي الاثنين ووجهه كلام القائد
: شلون الاوضاع يمك حضره الرائد..

قائد : والله سيدي ما اجذب عليك بس الجنود شويه متكاسلين بسبب عددهم القليل بالنسبه لمقر داعش الي نريد نهاجمو..

: وليش قليل ماتطلب تعزيزات.؟

: سيدي عدنه تعزيزات من كلشي اسلحه وجنود بس انه مستحيل اروح احاصر بيهم كلهم راح تصير حركه غبيه لان ممكن ينقتلون كلهم وهيج ماراح نستفاد شيء راح تصير هجماتنه اقسام يعني نرسل القسم الاول واذا احتاجينه نطلب يجون القسم الثاني..