الوقح والراقيه
4
👑اللهم صل وسلم علي نبينا محمد 👑
في المساء
ككل يوم اغلقو المحلات وعادو الي البيت ليجدو طاوله الطعام
خرجت لوزه من المطبخ وهي ترفع شعرها لاعلي وترتدي فستان يصل لبعد الركبه. ووجها ما زال به الزينه
لينظر لها جبل : ماشاء الله . ايه القمر ده يا بت يا لوزه
لفت حول نفسها : حلو يا با .قصدي يا بابا
ليضحك فيصل وجبل عليها
لوزه : الفستان ده خالتي تهاني هي اللي عملتهولي . و شذي هي اللي عملتلي شعري وحطتلي الميكاب
جبل بعد فهم : ايه
فيصل وهو يضحك : اللي علي وشها ده يابا. اسمه ميكاب
جبل : اه . والله ناس كويسه
لوزه : اوي اوي يا بابا . اصلها قالتي اقولك يا بابا او بابي
فيصل : وانتي هتعوجي لسانك عشان الهانم قالتلك
لوزه : والله دي طيبه اوي وجميله.
جبل : هي من ناحيه جميله فهي جميله وبنت ناس .. بقولك يا لوزه حسبتي علي حق الفستان
لوزه : مردتش تاخد مني فلوس . وادتني حاجات تاني برضو.
جبل : وليه يا بنتي بس محسبتهاش . دي الست ظروفها وحشه هي والبنت اللي معاها.
لوزه : هي اللي رفضت . وقالتلي اما تخلص الحاجه كلها . بس تستاهل والله ايدها تتلفف حرير . دي عاملهم احسن من الجاهز اللي في المحلات
جبل : بكره ان شاء الله هبعتلها الفلوس وزياده كمان
جلس علي الطاوله الطعام ليخرج فيصل من الغرفه بعد ان ابدل ملابسه
وبداو الاكل
لوزه : هو انا ينفع اخرج مع شذي واشتري حاجات
فيصل : ومن امتي انتي بتخرجي . ده حتي السوق بنبعتلك الاكل مع الواد
لوزه : بس انا عايزه اخرج واشتري حاجات
جبل بتساؤل : حاجات ايه
ليحمر وجهها : حاجات بنات
نظر جبل الي فيصل ليرد هو : طيب اكتبي الحاجه اللي عايزها في ورقه وانا هشتريها
لوزه: ما انا مش هعرف اكتب . عشان مش عارفه هي ايه. في حاجات كتير اكتشفت اني مكنتش اعرفها زي البنات التانيه . يمكن عشان امي ماتت وانا صغيره محدش علمني بس هي وعدتني هتعلمني عشان اما اتجوز
جبل نظر بحزن الي ابنته. وفيصل ايضا فهما لن يعوضوها احتياجها لوالدتها
فيصل بمزاح: ما تقولي يا بت عايزه تتعلمي ايه وانا اعلمك
لتحمر وجهها : الميكاب مثلا . هتعرف تعلمني
فيصل : لا مليش فيه .
جبل : خلاص يا لوزه روحي مع شذي بس خدي فيصل معاكي
لوزه بفرحه وهي تقبل يده والدها : ربنا يخليكي ليا يارب
فيصل : بت الواد بندق كلمك
حركت راسها بنعم : اعتذر عشان زعلني. و
جبل بمكر : وقالك عايز يكتب الكتاب
احمر وجهها اكثر وهي تنظر الي صحن الذي امامها لتشر راسها بنعم
صفعها علي مؤخره راسها تلك الحركه الغبيه التي يفعلها
لتصرخ بالم : اووف بقي يا فيصل ايدك تقيله
جبل : ياض بطل حركاتك الزباله دي
فيصل بضحك : ايدي بتكولني والله يابا.
لوزه بالم : الله يكون في عونها اللي هتتجوزها . هتطلع عينها
.
فيصل : هي طول تتجوز فيصل ابن المعلم جبل.
جبل ضحك وهو ينظر الي اولاده بحب ويتمني لهم السعاده لينظر الي ابنته : قولتي ايه يا لوزه . موافقه علي كتب الكتاب
قضمته شفتها السفليه واخفضت راسها
ليبتسم جبل : السكوت علامه الرضا يعني
لتبتسم بخجل . فيصل : يكش يطمر في الجحش .. بقولك ايه يا بت اوعي تخليه يقل منك . قوليلي بس في يوم من الايام انه زعلك بكلمه وانا هدفنه في مكانه
لوزه: ربنا يخليك ليا يا فيصل انت وبابا
ليضحك مره اخري: حلوه بابا دي . يا اما هنشوف من بنت المدلعه التانيه
لوزه: اسمها شذي وهي بقت صاحبتي متضيقهاش لو سمحت يا فيصل عشان متزعلش. دي اما بتعيط بتصعب عليا
جبل: وانتي لحقتي شوفتيها وهي بتعيط
لوزه: اه اما روحت عيطت عشان انا كنت زعلانه وكمان اما افتكرت اهلها .. صعبت عليا اوي.
جبل بتاثر : البت دي الزمن داس عليها اوي.. ربنا يعوضها
اما الاخر فكان يسمع حديثهم عنها بصمت اصبح كل الكلام عنها هي .
ليقف ويتجهه الي غرفته اخذ حقيبه ظهره واتجه الي النادي الرياضي
كان يتمرن علي اله المشي . ليسمع حديث بين شبان
الاول: ياض بقولك البت صاروخ ارض جو
الثاني : ياض شوفتها دي قمر
الاول : لو معايا رقمها كنت ظبطتها
الثاني : ابقي ابعتلي الرقم انا كمان
لينظر لهم فيصل بفضول لثاني مره اليوم يسمع هذا الحديث عن الفتاه التي اعجب بها الكثير
فيصل: مين دي يا شبح
الشاب الاول: دي مزه جديد نورت حارتنا بس ايه من الاخر
فيصل: حارتكم .. طيب مش عيب يا شبح تتكلم عن اعراض البنات كده .
الشاب الاول: يا عم واحنا قولنا ايه بس يا ابو جبل .
نزل من علي الجهاز لينظر لهم : من ناحيه قولتلو فانتم قولتلم. بس انا بتكلم معاكم بالادب . هتتردلك ياسطي في امك او اختك
الشاب الثاني: وانت محموق ليه .
فيصل : عشان عيب يا شبح . البت ضيفه ودي مش اخلاق ولاد البلد
الشاب الثاني: احنا بقي هنظبطها وه****
وفي اقل من ثانيه كان علي الارض من اثر لكمه قويه
ليقترب صديقه الاول. ووقع هو الاخر من لكمه واحده من يد فيصل
فيصل : اما انتم عيال *** . ولاد *** . متربتوش .
دخل بندق عليهم فهو من يمتلك الصاله الرياضيه
ليبعد فيصل عنهم : في ايه يا فيصل
فيصل : عيال *** . مش متربين .
بندق : اهدا بس وقولي في ايه
وقفو الشباب وحاول ان يضربو فيصل ولكن هو وبندق. اكمل عليهم بالضرب ليرموهم بعد ذلك خارج الصاله الرياضيه
جلس وهو يتنفس سريعا والاخر ينظر الي الامام بشرود . يفكر في كلامهم عنها.
لتحمر عيناه. هل هي تستحق ان يدافع عنها ام انها
توقف عقله عندما وصل للنقطه هذه ليشد علي قبضه يده وعروقه بارزت من الغضب
بندق كان يتابع تغيرات وجهه : مالك ياض . في ايه
فيصل : ملكش دعوه بيا واخرس بقي . وبطل تدخل ناس ** هنا. استنضف
بندق: في ايه ياعم براحه عليا . هما قالو ايه العيال دي خلوك متعصب
فيصل بغضب : انا مش متعصب
بندق بتريقه : اه ماهو باين عليك صح . ا
نفخ فيصل وحمل حقيبته وخرج من المكان وهو يشعر بالغضب
عاد الي البيت وهو غاضب جدا . ليسمع صوت ضحكات اخته : والله يا شذي . ماشي . اما اشوفك
ليفتح الباب علي اخته : اقفلي الزفت ده واتخمدي
فزعت. لوزه : خضتني يا فيصل
فيصل بغضب : بقولك نامي واتخمدي بقي .. ومتكلميش حد في الزفت ده
لتنظر له بدموع فهي اول صديقه لها : شذي هروح اشوف فيصل . مع السلامه
اغلقت الهاتف ونزلت دموعها لتجلس بحزن علي الفراش
نظر لها ليخرج من الغرفه .
دخل غرفته و رمي نفسه علي الفراش. ليخرج علبه السجائر ويدخن منها
لم ينم هذه الليله
...
في الصباح
جهزت تهاني الفطور وجلست هي وشذي
شذي : داده. انا احتمال اخرج انهارده مع لوزه
تهاني : اخيرا يا شذي . نفسي تخرجي وتغيري جو .
شذي : ان شاء الله بحاول اهو. ولوزه طيبه اوي
تهاني : طبعا اخلاقها زي اخلاقك كده . ابوها طول عمره بيخاف عليها ..
شذي : انا كمان شوفت كذا مكان كده علي النت وان شاء الله هروح اقدم عشان الشغل
تهاني : اخرجي وشوفي الدنيا واشتغلي واتعاملي مع الناس .. وربنا يحافظك يا بنتي
شذي : ربنا يخليكي ليا يا داده . انا مليش غيرك انتي كل عيلتي
تهاني : يا حبيبتي وانتي كمان كل عيلتي ودنيتي
.........
في بيت جبل
كان يجلس علي طاوله الافطار وفيصل الذي لم ينم جيدا وهو غاضب و لوزه الهادئه.
جبل : مالك ياض مبوز ليه
فيصل : مفيش يا حاج
جبل : لا فيه
فيصل : ما فيش . مالي ما انا كويس اهو .
نظر له فهو يعلم انه لن يتحدث وهو بهذه الحاله
جبل : هتخرجي انهارده يا لوزه
لوزه بهدوء : اه . بس ينفع بندق يجي معايا
فيصل: وبندق ليه يعني. وانتي من امتي بتخرجي معاه
لوزه بدموع : عشان انت هتزعل شذي . زي امبارح كده اما زعقتلي وانا بكلمها والحمد لله انها مش سمعت
جبل : ليه كده يا فيصل . دي بنت ناس
فيصل : انت تعرف منين انها بنت ناس يا حاج ..مش يمكن بنت فاقده . الناس دي مش بتكون متربيه ومعندهمش عيب وله حرام
جبل : بيبان يا بني علي الوحده . وانت تاجر وابن سوق وبتعرف كويس تفرق بين الست الكويسه والست الوحشه
لوزه بدفاع وخوف ان يبعدوها عنها : والله دي طيبه اوي .وعمرها ما قالت حاجه وحشه
.ضحك جبل : عمرها .. انتي لسه عارفها من يومين
لوزه: يووه بقي . بيبان والله
فيصل : انا جاي معاكي. عجبك عجبك مش عاجب بقي . مفيش خروج واتلحقي في البيت
لوزه : طيب اوعدني متزعلهاش
نظر لها بقرف .. جبل : متخفيش يا لوزه . فيصل مش هيزعلها
بعد وقت
كانت لوزه ارتدت الفستان الذي فصلته تهاني وحجبها وكلمت شذي ان تجهز
فيصل ايضا ارتدي قميص جينز فاتح وبنطال غامق
ووضع عطره المفضل وكان مظهره وسيم
لوزه : ايه ياسطا الحلاوه دي
فيصل: بس يا زفته قدامي
لوت شفتيها وهي تمتم لنفسها : رخم متستهلش اشكر فيك
في طريقهم الي بيت شذي قابلو بندق في طريقهم لينظر الي لوزه التي احمر وجهها : يا صباح السكر والعسل
فيصل وهو يمسك فكه لينظر له : اعدل رقابتك لتتعوج
بندق: اوعي ياعم . بس علي مراتي
فيصل: لسه . مبقتش مراتك
بندق: الحاج جبل قالي انها وافقت علي كتب الكتاب . انتي رايحه فين كده
لوزه بخجل : هشتري حاجات مع شذي ..
بندق بزعل: متصلتيش قولتيلي انك هتخرجي
لوزه نظرت له بحزن ايضا .. فيصل : اما تكتب عليها تبق تستاذن منك ..
كانت عينه عليها لتقضم شفتيها
لتجد الهاتف يرن باسمها : دي شذي . اكيد لبست
فيصل ؛ طيب خليكي واقفه هنا هروح اجبها . متسبهاش ياض
بندق: لا طبعا ..
ابتعد فيصل فهو يعلم انهم يريدون ان يتحدثو
لوزه: اصل انت مش بتكلمني ومش متعوده اقولك قبل ما اخرج
بندق: ارفعي راسك وانتي بتكلميني
نظرت له ..بندق: قبل ما تخرجي تقوليلي بعد كده . وتستاذني مني وانا يا اقبل او ارفض
حركت راسها بنعم
بندق تنهد ؛ هتروحي فين
لوزه وهي تحرك اكتافها: مش عارفه. شذي هي اللي عارفه الاماكن
ابتسم لها بحب : اجي معاك واشترليلك الفستان بتاع الفرح
قضمت شفتيها بخجل واحمرت وجنتها. لينظر الي ملامحها الخجوله ويبتسم
********
كانت شذي تنزل علي الدرج. وهي تنظر للهاتف لتصطدم في شئ
شذي : ااه.
فيصل : مش تبصي قدامك وانتي ماشيه
كان قريب منها .. لتبتعد الي الخلف ووجهها احمر خجلا
شذي : ءء اصل كنت بتصل علي لوزه
نظر اليها وهي تتحدث بهذه الطريقه الرقيقه ليشعر بمشاعر غريبه اول مره يشعر بها
تحمحم : احم . لوزه بره.
شذي : اوكي
فيصل نظر اليها مره اخري ونفخ ليعقد حاجبيه
وهو ينظر الي ملابسها : البتاع ده قصير والبنطلون ضيق
ترتدي بنطلون جلدي اسود وجاكت باللون الاسود وتيشرت اسفله بنفس اللون
شذي : لا مش قصير. وابعد كده شويه
اقترب اكثر لتشهق وتبتعد عنه : انت وقح. عيب تقرب كده علي بنت
فيصل : تحبي تشوفي الوقح هيعمل ايه
ترجعت بخوف منه وهي تنظر له بدموع. ليقف في مكانه وهو يصك ع اسنانه : ايه يا بت . هو انا عملتلك.حاجه.
يلا .عشان هنتاخر
شذي : لا. مش عايزه اخرج. انا هطلع لداده تاني
فيصل بتريقه : داده.. . لوزه مستنياكي بره وهتزعل لو طلعتي تاني .
لتتنهد شذي وتنظر الي اسفل تفكر فيها هي كانت سعيده لانها ستساعدها في شراء ما تحتاجه
لتخرج سريعا من البيت نظر لها فيصل وهو لا يفهم لما تخاف منه ( برئ 😏)
خرج خلفها ليري عيون الناس عليها . مم شباب ورجال كبار . حتي السيدات ينظرون عليها ويشيرون الي بعض
لينظر لهم بغضب ويمشي
اقتربت من لوزه : لوزه
نظرت لوزه وبندق. : اتاخرتي ليه
شذي: لا مش اتاخرت. لسه بدري اصلا
لوزه : ده عبدالرحمن خطيبي
ابتسمت شذي : اه . شوفته قبل كده عند باباكي . اهلا
فيصل: يلا بينا . هتفضلو واقفين كده كتير
بندق : لا يلا
شذي وهي تهمس للوزه : هو ده جاي معانا
لوزه بنفس الهمس : ده مين.
شذي : اخوكي
لوزه : اه للاسف وتقريبا كده عبدالرحمن هيجي
شذي : انا هطلع لداده بقي وانتي روحي معاهم
لوزه وهي تمسك يدها بحزن : لا يا شذي . انتي قولتيلي هتيجي معايا. وبعدين انا مش بعرف اشتري الحاجات دي .. متخفيش منه هو مش هيكلمك
نظرت اليها لتجدها ستبكي
لتتنهد : ماشي
لوزه وهي تضحك وتمسك في يدها بسعاده. وطفوله
لتبتسم لها شذي.
فيصل : يلا علي العربيه
بندق : ماشي
نفخ فيصل : انت هتيجي ليه
بندق: عشان اشتري الفستان لمراتي .
فيصل : لسه مش مراتك
بندق : باعتبار ما سيكون يعني .
ذهبو الي مكان السياره ليصعد كل منهم الي مقعده
في الخلف كانت تجلس لوزه وشذي. وفي الامام كان فيصل و بندق
فيصل : هتروحو علي فين
شذي : المهندسين
فيصل : ماشي
انطلق بهم الي المكان المقصود.
لتشرح له شذي اين يقف. نزلت الفتاتين الي محل كبير لبيع ادوات التجميل
دخلو ليرحب الموجودين بشذي فهم يعرفوها جيدا في زبونه في هذا المكان
دخل خلفها فيصل وبندق.
البائع : شذي هانم تحبي تشوفي احدث حاجه من البرفيوم
شذي قضمت شفتيها باحراج. فهي دائما ما كانت تاتي هنا. وتصرف اموالها علي احدث شئ عندهم ولكن الان حالتها لا تسمح
شذي : لا. انا جايه بس عشان صحبتي. هي هتتجوز ومحتاجه تشتري ميكاب جديد وحاجات للبشره وبرفيوم كده.
البائع : في كولكشن جديد للبشره تحفه من ***
شذي : اوكي
كان يقف الثلاثه كالبلهاء. وهم لا يفهمون عن ماذا يتحدثون
بندق بغباء : دي تعويذه سحريه وله ايه
فيصل : الواد اللي بيكلمها ده *** . بس واقف مش علي بعضه
لوزه كانت تفتح فمها وهي لم تفهم اي شئ فهي اخر معلوماتها عن الميكاب هو الروج والكحل
شذي امسكت يدها لتوقفها امامها وهي تضع لها احمر شفاه بلون معين
لتنظر لها : حلو ده . لايق علي بشرتك
البائع : هي جميله ووشها بيبي فيس خالص
بندق : اايهه يا سطي . ما تلم نفسك
شذي ياحراج : هو مش يقصد حاجه
فيصل : هو اللي مايع كده
شذي : بس يا فيصل . مش هينفع تتكلم كده
تاه الاخر في عالم اخر عندما سمع اسمها منه
*****
يتبع