💕💕
اول شي هلاو
وشكراً انتو لطيفين زياده وياي حيل مشاعركم جياشه
واني قريت كل شي كتبتوه بالبارت وبالفيس يعني لاعبالكم وحده ماقريت تعليقها تره كلشي قريت اووكي
وشكراً يعني هواي حجيكم حلو
ثاني شي اني اليوم كاعدتلكم هسه كعده عرب حتى مو بغرفتي ولا على كرسيي وانعس
بسطت بالحديقه وكعدت
وراح اغرد بكيفي
القصه قصتي والبارت بارتي والي تجي تنطنط كل شويه برأي شكل من هسه اكللها اكرمينا بسكوتج افهمي حجيي كوله يلا تكعدين تخرطين
تره شيبتن كلبي و لااااااا مااسكوووت اووكييييي
اييييي
والله الجو هسه مال جكاره وكاس هذا النبيذي
الاحمر و اترس الحديقه دخان واغاني
ولااانعل هالدنيا يااابو اليعيش بيهه يابو كل واحد كحبجي طلع بوجهي من فتحت عيني لليوم
ولانعل هيج ذكوره ماوراهه بس طيحان الحظ
بس استشرفت على كولتجن عيني
بعد شيجيب الكاااس ويصفي الراس
ابويه هسه لو يطلع من كبره هم مايصفيه
خلي احجيلجن شغله قبل مااطب بالغميج
لان اني من انهد انهد
فهسه شويه بعدني ماحميت
خلي احجيلجن على هاي الفاهيه الدتكتب
خرب بعرضهه شكد فاهيه ولجن اني خاف جبدي المسمم ماموتني صارله ثلث سنين هاي رادت تموتني بفهاوتهه
نعلى على غيرتهه شكد فاهيه ولجن بااارده بارده ياا يمممممه يااا يمممه سممتني من جديد مااتحملهه اني يمه شكت كلبي
ولجن هيج برود ماشفت
انتن تجفصن كل جفصه بكبر راسجن
واروح ادزلهه ولج ياثوله امشي رديهن
ولج امشي احضريها للمصخمه هاي خلي تولي ولج ياعوبه ماتعرفين ترزلين اني ادزلج
وروحي نسخ لصق حطيهه بوجهه للجايفه هذيج
وهي تكولي لا عيب عفيه اني عندي حريه الرأي للكل عفيه لاتحرجيني اني مو هيج طبعي
من اهمداااه للرأي الحر العدجن شلون اراء تنكط ثقافه تنكط اخلااااق
فاااهيه هي وانتن حلتلجن السالفه وين مترحن تلعلعن عليهه
هاي لو مثل هذنيج الشلولو
وحدتهن بس تكللها بز تخرطلجن جرايد بالمنشورات والحضر بفلسين يصير جان جريتجن بوشجن شويه
اني كلتلها معليج شحجي تكتبين
ولااا خايفه منجن ولا عيب وما عيب
اني ضايجه وطاكه روحي وبشر ماعندي احجي وياه هنا ومنا كلبي مورم منجن
فاغرد بكيفي
والمايعجبهه خلي تطلع منا وتحذف القصه اووكييي روحي بعد عيننيييي روحي
رحم الله من زار وخفف
اي نرجع لام الزوك
هسه هي صح فاهيه بس فادتني شويه خلكهه طويل بس اخر شي بزعت خرب بحضهه هم تعرف تزعل وتهدد بنت الحلو
شايفاتهه هي شلونهه اووويلي يمه ولجن جنهه رافايلو
عليهه عيون ههييي توب كلووووب
شايفات هذا الفيديو مره مدري منو نزلته بالفيس يمكن حاطه صوره مال كوريين
المهم هي نشرته فيديو مال ماركو
ديحجي على هاي الصيدلانيه الي يرد يكبل وياهه وميعرف شلون
شايفات شلون هيج يكزكز عليهه
ويسويلهه هيج باصبعه جنهه مدري شنو
هي هااااي نفسهه هم هيج تعطس عليهه تخرب وتوكع
خرررب بعرضها صوتهه يخدر
اني من اضوج اجي اخابرهه وادزلهه رسايل وهي بنت الحلو مطفيه النت
وتجيني يااا حيااتي اسفه مادري طفيت نت مادري تخابريني العوبه
عاد اني ماسكت ارزل بكيفي
اصلا هي خربت واهسي بعد شكو احجي وياهه
بس هي ملوووووته مو شلون ماجان
تحجيني وياهه تحجيني
كوه كوووه لاااااا ابد مو برضاتي اصالحهه كله كوه
ولجن ابوهه حلو من حلو يعني عبالك واحد جاي من السويد لو من نيوزلندا هيج شكولهم هذوله الباردين الاتكيت الصوتهم كله
لااااو ماعدهم شي اسمه هاايت
يخافون يمكن يعلون صوتهم واني هاي الشغله داقتني
لاااااا ابد ماسكووووت عليهه
لان شكيتي طووط طوطي على كولتهم
المههههم
خاف وحده منجن تروحلهه تخابر لو تكتبلهه قصه من هسه اوصيجن كللها
علييي صووووتج رحمه لاجدادج
اني من تخابرني مرتين اسد الخط بوجهه
الا تحس على نفسهه يلا اكمل حجي وياهه
هاا وخاف وحدتجن يمهه صوت مال مبرده لو ساعه لو نااافوره مثل العندي تره جنابهه تتنرفز من الاصوااات
عود سدنهه تره صدكن هاي تندق
اني احسهه جنهه مدام نفيخه تصير
ولجن تتخبل مدري شبيهه عيني حتى احاسيسهه فاهيه متتحمل اصوات يممممه ولجن هاي لتتورطن وياهه تشك كلبجن
من هسه الدمهه حار خلي تبتعد الف متر منهه
تره فاهيه وبرودهه يشك الكلب
وماااسكووت هسه لو تذبحيني تره بطيتي كلبي
هذيج المره جانت وحده حاجيه حجايه جايفه
على رضا عينيي رفعته لضغطي
رحت خابرت هاي الفاهيه ولج امشي
جيبيلي رقمهه خلي اخابرهه ابرد كلبي بيهه
وهاي تخبلت
ولج عيب ولج عيب
واني شايطه وهاي بااارده تريدني بس اسكت شحجيلهه تكولي هسه ميخالف اعتبري ماقريتي شي واني احذف حجيهه وراحت السالفه
تلزك الحجي تلزك تريدني شلون ماجان اسكت واعوف راسهه بارد
اني من اشوفهه هيج عبالك بانزين وتذب عليه وتزيد ناري
وحجيت حجي عليهه بصياح وعركه سويتهه الا بلعومي تجرح من الصياح
وحظي الي من يومه برتغالي
جابلي حيدااااار بهالحظه وكفه كبالي
واني داخابرهه من عصبيتي فاتحه سبيكر لان هي توصوص واني مشتعل جدي
وحيداار اجاني يطكطك شبيج وشبيج
كلتله
دااااا اطلك شبيه
عيننننني وهاي الفاهيه تكوم تكهكه
هي بدون شي مايعه ونوب تضحك الا اجيت افطس بضحكتي وهذا مكابلني واني لا احاجيه ولا واصلته هسه بس يشوفني اضحك
يجلب بعد
بقيت اريدهه تسكت ماتسكت
هسه غير تنجب وتسكت راح تجيبلي مصيبه
ماسكتت جلبت فاطسه ضحك واني سادته لحلكي بايدي ماريد اضحك كباله
الا سديت الخط بوجهه يلا خلصت منهه
وغيرهه وغيرهه
مرات اجي عود داشكيلهه هي من هذني المايعات عيني تجر كلبي ويه حجيها
تخليني غصبا عليه اجفصلي بحجايه تضحك
تذكرني بهاي زوجة صباح الهلالي
من مره واكفين ياخذون صوره ويه شهد
الشمري وهي تكوله
دخُذلك بوسه ياحظي هي فرصاا
اني عبالي تصير وياي نحجي نشتم نجفص
تمنيتها بالحجي اني ارفع وهي تكبس
بس اااابد
عدهه خلك ياااايمه من طوله
هيج بااارده
تسمع وتسمع واني بطالة مي اخلص يمي من كد ماحجي وهي ساكته ااااخر شي يلا تنطيني كلمتين على حجيي
بس والله كلماتهه تكعد وزن
هي هاي مشكلتهه تفتهم بس برودهه مينجرع
ولتزعلين اووكيي تكتبين وانتي الممنونه
تره بطيتي كلبي واني اليوم اريد افرغ الي بكلبي وهسه استلمهن وحده وحده
يعني لاعبالج بس عليج احجي وتتمضيكين براسي
كتبي وسكتي اذا احساسج الثلجي شويه استحر تعاي عود نتعارك
ايييي بعد شنووو
هااا داحجيلكم ليش رحتلهه وكلتلهه كتبيلي
هنه طبعا شغلتين بس ليش اختاريتهه هي
مو غيرهه
لان من قريت هذيج القصه مال عمادوو
جانت اخر بارت كاتبه الاغنيه مال
الفيل بابار
اااني احب هذوله الناس الي يقدسون الشعور الكارتوني
يعني هي قصتهه كلهه حلوه وبيهه شلون واحد يتغير ويصير مؤمن وكذا بس اني هاي عجبتني بيهه
وياورطه الورطه
هههههه العوبه الفاهيه شكد جفصت بكلبهه
وردتهه تتعارك ومتعاركت
عدهه اهم شي اسد الموضوع
اطلعهه زينه مو زينه بس سدي الموضوع هاهيه بعد تنسى كلشي بس عوفيني
هاي اقصى مابمشاعرهه
ايييييييي بس يلا خوش تكتب اهم شي هاي يلا عادي تونسنا
الفاهيه كلتلهه تعاي ولج اشوفج اعزمج على غدا حلويات شي تكولي لا استحي
عوووبه ماتقدر الضيافه
كلتلهه مو صوجج صوج التخسر عليج غدا
وتزقنب بطنج
خربت ضحك فاهيه هسه غير تردلي حجايه وتخليني اتونس عليهه من صدك
كلت داشوف اذا تتعارك شتسوي تبجي تدخل مستشفى يهبط ضغطهه داشوف الكتكوت شيصير بي
ههههههه بس ابد لا احساس ولا ضمير
هسه نرجع لموضوعنه
اني جنت افكر ارزلجن بالبدايه لو احجي على حياتي ؟
صراحه شويه اخذتلي صفنه ورجعتلكم
كلت خلي احجي على حياتي شويه الجماعه الفضول يكرص بدمهم
بالنسبه لرضا ...
وينهن المستشرفات براسه هذني الكاعدات بنص العز والاهل والماما تطبخلهن والبابا يفرفرهن بالسياره والعمو والخالو يمهن منا ومنا والوظيفه بجيب والرجال بجيب الثاني
ويجن يغردن هنا
اووي عيني هو شنو هذا رضا واحد كواد ابو ملاهي وسكير وعايش بالحرام وعاف الدين وعاف الستر وعاف وعاف
عيييييينيييي انتي اريدج تركزين وياي شويه
.
انتي جنتي عايشه بالشارع ! نمتي فد يوم جوعانه وصبحتي ماعندج خبزه تتريكين بيها !
واكفلج ابو الايجار بالباب يدكدك عليج يريد فلوسه
لو رايح فاضحج يم جماعتج علمود الفلوس
ويتعارك وياج بنص الشارع ومجفص بنص مصارينج على بيت الخيسه الكاعده بي !
مشتغله عماله ! مشتغله حمال بعلوه !
تعرفين شكد يحصل العامل لو الحمال بذاك الوكت !!!
هم واكفه بانفجار ! هم متصاوبه فد يوم من الانفجارات!
جنتي واعيه على ال ٢٠٠٥ و ٢٠٠٦ شلون ضيم ومصايب وشوارع دم
واحد اذا يطلع من بيته مايدري بنفسه يرجع لو ميرجع
رايحه تشتغلين على باب الله وفجرو المكان
وراح شغلج وابو الايجار ينتظر والعيشه تريد
وانتي لا اهل ولا كرايب !!!!
هم ضليتي عندج لبستين تغسلين وتلبسين بيهم
شهور لحد ما تاخن وماعندج فلس زايد تشترين بي بجامه خاف ينقص من مصرف البيت والايجار !!!
.
عااايشات هيج انتن !!!
هسه اكو نسوان عايشات براتب الرعايه ويشتغلن بالبيت خياطه وطبخ وتدريس جهال والولد يطلع يشتغل بسوك والابو يشتغل بتكسي وما ملحكين للعيشه
والفلس عدهن بمعزه روحهن من يلزمنه
ويضمنه ضم ديكملن عيشه الشهر ويحيرن بهذا وذاك
شحاااااال الي كلششي ماااعنده
وعايش بالشارع وهو ولد ابن خير
مو من يومه فكر واهله معوديه على الجوع ومذله العيشه
هذاااا جان ابن صواغ ذهب تعرفن شنو
واحد اهله صواغ ذهب !! مشبعيه دلال
والاكل احسن اكل واللبس والحياه الراقيه
وتاليهه يصفى بشارع !!!
.
يسمع باخوه صاير ااااغنى من ابوه
و ولد عمه كل واحد بيت رنان وسيارات وعائله مكون وسفر و هو عنده بجامتين
وحده يلبسهه بالبيت من يسبح والثانيه يلبسهه بالشغل !!
تكدرن تحسن شلون جان يحس !
وهو شاب يشوف الكدامه كبرو وصارو وهو
احلامه وحياته متروسه جوع وفقر ودم الانفجارات ومأساه البلد
تره مأساه بغداد بالسقوط محد حس بيها بس الي يشتغل بالشارع
هذا ابو البسطيه يعرفهه
وهذاك ابو اللبلي يعرفهه
العامل والكناس والحمال هذوله يعرفوهه
لان جانو بننننص الشوارع يفترون
مو كااااعدين ببيوتهم وراتبهم يجي ليمهم
ومايدرون بالعاش والمات
ابن الشارع الصبغت كصته الشمس وترست رجله الدمايه من الانفجارات وهو يركض يشيل بالنصاصه الباقيه من الضحايه
هذاااااا يكضي الليل يبجي على بغداد
وحالهه
محد منجن هسسسسسه تكدر تتخيل لو شعرايه من احساس واحد راجع من انفجار
وهو غاسل الشارع من الدم الصار
لو راجع يمشي والهبطه ماكله جسمه اكل
لو جان واكف كدام اب وهو شايل بحضنه بنته نص جمجمتهه مكسره ودم راسهه وحشاه مكومه يم رجله
.
تكدر ترجعن لنفس المكان الي تفجر وغسلو دمهم بي وتمشن وانتن ماتتخيلن الصار مره ثانيه كدامجن !
هيج كلوبجن قويه وماتهتم للصوت الي نسمع
من تكسير من االبجي من عياط الاهل والناس
.
هذذذذني انتن مااااعشتنهن علمود هسه تطلعن رضا الموخوش اوووكيييي
تره رضا احسن مني ومنجن
.
شااااف الضيم رضا شاااف ضيم بغداد كله
موو بس من الانفجارات والفقر
هم ناااسهه الي نكلبت كلاااب وره السقوط
هو جااان كلشي عااايش كلشي مر عليه
وعاشر اشكال الناس
.
ومن صارت الانفجارات وكثرت بعد هو مايكدر يرجع لنفس الخطر
علوة جميله والشورجه وباب الشرجي وبغداد جديده هذني كلهن اشتغل بيهن رضا وكلهن صارن لبة الانفجارات
نفسيته بعد متتحمل يرجع نفس المكان
وهو يدري ساعه الساعه تطك عبوه
اذا مو جوه رجله تطك يم الناس ويروح يركضلهم لو يصير معوق
هنه ماااكو غير هذني الشغلتين صارن للي بقو بهاي الاماكن
لو يموت لو يتعوق لو يصير مسعف وبعد يعيش بكأبه من الشافه
.
وهو لووو وحده مايهتم يضل يموت يعيش معوق يعيش مذلول ميهتم
بس اااني جنت بركبته جااان غصبا عليه يفكر بيه اذا صارله شي منو الي !
اذا هو تعوق اني اطلع اشتغل بالشارع بداله وتلعب الناس بيه لعب !
لو يرجع لاهله مذلول ويتشمتون بي !
.
رضا جان اذا عدنه بيضتين اليوم
يسوي وحده للعشه ويه بتيته مسلوكه ويشيل منهه شويه للصبح يضمهه اله ياكلهه ويبقي وحده الي يسويها الصبح بالدهن ويعوفهه ويه الخبزه من اكعد اني اكلهه
وهو ياكل من نتفتين مال عشه البارحه ووراه شغل يجد جد بالشارع لحد مايرجع جايبله عشره الاف اذا صرف منهن الليت مسواك يضل حاير خاف ينقص الايجار
وتجي وين ماكو وحده عايشه بالترافه
ولا ضايكه تعب ولا جوع ولا نايمه والهم فوك راسهه من طلعه الشارع وخوف الموت ساعه الساعه
تحجي على رضا وتكول سكير شابع فلوس حرام
ليش هو شودااااه هناك غير الفقر الي عصره عصر
شايفات الشاب هسه اليوكف بالتقاطع يبيع مي لو يركض بترمز الجاي وره السيارات بعز الظهريه
هذا من يشوف ابو اللكزسس وابو الجارجر
ويشوف الطلاب تطلع من كليه وتمشي لمطعم
والي يمشي ويه مرته وجهاله وهذاك الي بصفه حبيبته حاطهه بالصدر وعايش البختره وهو مسموط بالشمس
شايفات هذا شنو احساسه !
تعرفن احساس الحقاره لنفسه شلون يحسهه!
من بنيه تباوعله هيج وهو بنص الوصخ والفقر ويمد ايده ياخذ منهه الالف لو ياخذ من رجلهه ويبقى يتعزز عليه ويدور بمحفظته الماليهه فلوس على الف مشكك ينطيه !
هذااااا من ينعاف هيج شيصير كوللي انتن يالدارسات المثقفات الفاهمات يالي بس انتن وبس
يلااا فهمني هذاا شيصير ! شينومه ليله وهو هيج يعيش ساعه ساعه بالنهار بهيج مذله وهيج يشوف كدامه ويدري بنفسه لو يجد سنه
بشغل العماله مايكدر يوفر لنفسه لبسه من الي كدامه يلبسوهن
ولاا يكدر يجيب غدا من الي ناس تصرف عليه بمره وحده عدال اسبوعيه من الي هو يحصلهه
هذا شتريدن منه شيسوي !
مرات الدنيا تجبرك تصير موزين
انتن هسه تضحكن وتستهزأن على حجايتي هاي بس خلي اشمر وحده منجن بتقاطع واعوفهه فد شهر بالشارع واجي عليهه اريد اشوفهه شلونهه حمره خضره تصير
لووووو تتفلسفن الف سنه ماتكدرن تحجن شي من واقع حال واحد داكه الضيم بالشارع
ولجن بس احساس الاحتقار الي يشوفه من الناس كافي عليه يصير مجرم مو بس سكير
اني ادافعله لان عشت وياه وشفته شلون جان يرجع مابيه حيل يفتح حلكه ويحجي وياي
اني جنت ادوس على ظهره واسمعه شلون يون من الوجع
مو انتن الي هسه شفتنه شابع فلوس وعايش على الغيم وتجن تحجن عليه تره ماراح متبطر هو راح من جزعه روحه
ولتحجلي دين واخلاق وحلال وحرام
تره هذيج السنين جانت هوسه وفتنه
حتى القران راد يتحرف الا شويه
شتريدن منه هو بدون شي جانت نفسيته صفر
وشاف العجب الصار بالشارع والتفجير والذبح على الجنسيه والفقر الي نخر عظامه نخر يبقى بعد بعينه دين وديانه !!!!
اذا ابو الدين يطكهم بتفجير وينصبلهم سيطره خطف و ذبح بعد هو يدور دين يشيله من ضيمه للجنه !
لو يضل ينتظر لحد ما يسوون بي شي
ويرجعوني للشارع نفس اليتم ونفس الطرده مره ثانيه !
شووويه فكرن بالحال الوصله هيج لا تصيرن كلب جلمود
و هو من اول مابدا بالملاهي لان هناك اكثر امان اله واكثر مكان يكدر يجيبله حمايه ونفوذ
وبهذاك الوكت بدايه السقوط كلهه تدور نفوذ وسلطه وفلوس لتطلعن جماعتجن من المنزهين تره الحوسمو بغداد مو من المريخ
منكم وبيكم اوووكيييي
ولااا الي صعدو مناصب ووظايف واحوالهه تغيرت همه من غير قاره
كلجن تعرفن هالشي كلش زين تدرن الناااس كلهه استغلتهه فرصه تعلي نفوذهه
ورضا واحد منهم
لان هناك يكعد شكو ابو سلطه ويعرف المنا ومنا
وهو بداهه وياهم يسوي علاقات ويكثر معارفه ولااازم يسكر وياهم لان كاعد ويه سكارى وهو بدون شي جان يطكطك بطاله من القهر
وكون علاقات ويه اكابريه واخذ كم فلس غير حاله شويه وبعدين واحد منهم عارض عليه
اداره الملهى مقابل يفتحله باب الشغل بالفلوس
لان رضا كلش ذكي عجب هذاك الرجال
وهو جان رفحاوي يجي بالختله اسبوع ويغيب شهور وبس لكط رضا وامن بي
حول الاداره باسمه وفتحله باب الشغل
يعني رضا مااااشتغل اله بالدعاره
بس هو يديرهن لهذاك ويحصل فلوس يشغلهن ويستفاد عليهن ارباح
واني لان اصير كدام عينه بقاني وياه هناك
هو اكثر شي جان يخاف منه لا يرجع الاغتصاب عليه
ميكدر يعوفني وحدي بالبيت
ولا يكدر يخليني بمدرسه واروح وارجع وحدي
منين مايندار يخاف لا ابقى وحدي وياخذوني يستغلون جسمي لان اني من شبيت شكو جمال انصب بيه
كالي ابقي وياي الناس هنا كلهه تشتري النسوان ماتاخذهه غفله وانتي اخليج بالشكل مثلهن بس حتى تصيرين انتي ام الراهي
وهيج حفظي نفسج بنفسج
هو كالياهه
الكحاب محد يدورهن
واني اريدج صلفه مثلهن
روحي بزودج من يوصل واحد يريد يمد ايده عليج تلكيني كاسر ايده
وهو جان مدير المكان يعني محد يكدر ياخذني وياه الا بموافقته
وهو جان بس مكعدني يمه حتى اتعلم اقرا الوجوه واتعلم على شغله سمسار الجيب
شلون افيد واستفيد
يجون ولد يمه يسولفون واني وياهم كاعده اسمع كلشي لحد ماتعلمت وصار عقلي نفس عقله
بس من طلع هو لايران اني صرت بداله بالاداره يعني هنا صرت اتكفل بكلشي بس هو وياي على تلفون
.
جان يخاف اذا يموت او ينسجن شلون ابقى وحدي لان هو حياته كلهه مشاكل
ويكول السجن بيتي الاول لازم فديوم ارجعله
اسلم عليه
فخلاني اصير ماانجرع ومااهاب ولا احد يكدر يرفعه صوته وياي وخلالي فلوس بايدي حتى لو راح عندي ماانذل لاحد
وخلاني اسيطر على الولد حتى همه يبقون حمايتي ويشتغلون جوه ايدي اذا هو راح
يعني بالمختصر هو سواني مو زينه حتى اعيش ويه الناس الموزينه
هاي شغله لو تمخمخن عقلجن تسعه الاف مره ماتفهمنهه
لان انتن مو وحدجن بالدنيا ولا تعرفن شنو يعني دنيا وشارع وساعه الساعه تصبحين بطك روحج والناس كلهه ذايبه كدامج كلمن يريد منج لحمه
انتن عدجن بيوت واهل عدجن كرايب
عايشات عادي ماتحفرن بالحجار دتطلعن شغله وخده من العد هالنسا يصبحون هي بايدهم
تكدرن تصيرن قويات بدراستجن باهلجن
بثقافتجن باااااي شي
مو الا تصيرن مو زينات مثلي دتعيشن
لان انتن ما مشمورات بالشارع ولا احد مغتصبحن ولا احد ذالجن بالفقر والجوع
وماعدجن بيت ولا اهل يلفوحن
انتن حتى لو تضلن ضعيفات وصوتجن ميطلع هم عاااادي مايأثر عليجن
عسى ماتضلن كل عمرحن اكل ونوم
وعقلجن تشغلنه مره بالسنه هم عااادي
شيصيرلجن يعني !
ماكو عليجن اذيه بس اني بوكتهه اذا غمضت عيني مو يم رضا اني اتاذى
تخيلن شلون لازم اني اصير حتى اعيش من هو ماكو
شويه عوفن المثاليات وعيشن عيشه الشارع يلا تحجن
بالنسبه الي ..
يعني اذا تسألون على حياتي العاطفيه فهي صفر باليد حجار
لا اكو حيص ولا فيص
حياتي الصحيه يعني حسب حساباتهم باقي شهرين يعني اني هسه المفروض نهايه ال ١١ مخلصه المده عندي
هو اني مو اموت منا لل ١١ بس اذاااا ردت اسوي زراعه كبد بعد متفيدني العمليه
لان الوقت يبقى خطر وميفيد الجسم ميتقبل بعد يعني بس خساره فلوس تصير مو اكثر
هيج القصد اووكييي
واذا ليش ما سويت عمليه لحد هسه
تره هي بطن مو جيس تمن كل ساع واحد فاتحه وماخذله حفنه منه
كم عمليه سويت لعبت نفسي بعد
مااابيه حيل يعني انتو تفهمون واحد شبع عمليات بعد مابيه حيل ! تفهمون لو لااااا!!!
.
اني تره مو انتحر مدري ايست من رحمه الله ومدري شنو هاي سوالفكم
تره اني اصلي بعدني اووكيي وادعي وكذا يعني مو فد مره صرت مأيسه
بس اني ادري بروحي لو رايحه اول شهر شهرين مسويتهه جان حلتلي النومه بالبنج
من كد ماتعبانه مااصحى ادري كلش زين ادري بنفسي ماتحملهه
غير كل انسان ويعرف طاقته وقدرته شكد !
هسه خلي يصير بوحدتحن افلاونزا بالعظم
واجي اكللهه امشي اخذج نتسوك بيهه حيل تروح ! لو اخذهه عزيمه لو خطار راح يصيرلهه خلك تكعد لو تتحرك من مكانهه!
مو تضلن بس عوفوني انام وعوفوني !
اااني هسه اتعس من الافلاونزا
تره صار ٣ سنين اني مريضه بالكبد
اوووكييي قاومت مو يوم ويومين
حتى ابزع واتململ وأيس
ليش اول سنه اني جنت بنفسي اروح ادور علاج وماخليت دكتور مارحتله
وشكو علاج جربته مااا ايست بس الوكت والمرض مشى بيه لحد ما سلبني طاقتي
هي مو بجيبي واني ضامتهه ماطلعهه لنفسي
واصير زينه
اني صفرررررت طاقه صفرررت
يعني هسه هذا الفويز اني كم مره كطعته
وكل ساعه ساعتين دا ادزلهه كم فويز ابو دقايق حتى هي تجمعهن وتكتبهن
ماكاعده اخرط حجي على كعده الوحده تره
لا عبالجن بعدني كاعدتلجن كعده عرب بالحديقه لااا عوومري صعدت لغرفتي انبطحت بفراشي واخذتلي نومه عميقه ورجعتلجن
هيج اني مابيه حتى حيل احجي هواي
وتريدني اسافر واسوي عمليه من اول ماكلولي ! هو غير روحه رضا كسرة ظهري بعد ضل بيه حيل ادور عمليات !
اني هسه اذا اريد اروح اسوي عمليه مااريد واحد يداريني ! مااريد من اكعد من البنج اشوف يمي واحد ارتاحله
احاجيه اشكيله وجعي تعبي احضنه شويه اخذ طاقه لو احس اني رجعت بامان
زين اذا هذااا حيداار زارف نص كلبي اني حكعد ادوره من افتح عيني واسلم نفسي بايده ! هو اني هسه حبايه الدوا ماانتظره ينطيني اني مخليتهه يمي ومسويه مؤقت اتذكر واكوم اخذهه
شلون بهذاك الوكت اخلي نفسي بعازته !
اقل شي راح اخذلي شهر اني ما بيه حيل اوكل نفسي واتحرك وهاي كلشي اخليه بايده !!
صح هو رجلي بس لعب بيه طوبه
احبه اني ونعلى على كلبي اليحبه
اني عزه نفسي بعد ماااتخليني وره كل هذا الخذلان منه اجي اكوله تعال ديربالك عليه اني مابيه حيل اعين نفسي
مااااردته هيج وياي وهو كسر شكو حلم حالمته بي شكووو يوم عازه مبقيته ذخر الي بوكته هم كسره
هو تندم وادري بي بعد مايعيدهه ويأذيني لو بكلمه من لسانه بس اني بعد عقلي قفل عليه بعد
لان ماصارلي نفس الي ردته واني ماردت منه شي كلشي انطيته بس ردته من اوكع هو يوكف وياي بس هنااا ردته وهو عاف كلشي وهالشغله كسر خاطري بيهه
بعد شلون اروح لمكان اني ادري اذا فتحت عيني بي راح ابقى بعازة اهل وهو ماكدر يصيرلي اهل
هو يريدني اصير زينه حتى ارجعه زين
هاي الاتكاليه الي عنده ذبحتني
ندمتني على يوم الدللته بي وعودته كلشي يجيه على الحاضر بس كون هو مرتاح ويبقى مدلل
خليته يتعود كلشي من عندي يجي وهو بس واجبه يبقى وياي بس هاي شغلته
وهذا اكببببر غلط سويته بنفسي قبل ماسويه اله
اني هذا حالي اليوم كله من وره دلاله الزايد
وركضتي اله
صرتله ايد ورجل وظهر وعودته مايهتم
اليه اذا اتعب لان اني قويه اكدر اتحمل وارجع زينه وانسى
بس ماكو قوي يدوم ولاااا اكو قوي مايتعب
اصلا القوي يتعب اكثر من الضعيف
هسه اني تعبت بحياتي اكثر منه بس فرق بينا اني اتحمل واكمل طريقي وهو ينهار ويوكف بعد مايكدر يمشي
.
هذا مشكله مشكلته ماتنحل لان تدلل
والمدلل صعب تكدر تغيره
هسه اني حتى لو سويت العمليه ورجعت زينه راح الكاه بعده منهار وينتظرني
ارجع ادللـه واداري كل شعره منه
حتى يتشبع بالامان يلا يكدر شويه ينطي لنفسه راحه ويكوم يفكر بايجابيه
هو هيج حيدااار اذا مايتدلل مايكدر يصير زين ويخلص من مرضه النفسي
اني اعرفه شنو
وماعندي قابليه ارجع اسويله كل الي بديته وياه قبل
اول شي اتوقع منه ساعه الساعه يخذلني ويندمني من جديد على تعبي للمره الالف وياه
وثاني شي مااحس اني بعد انتظر من عشرته شي
لان هو مايجي منه شي الا الي اني انطيه اله
اذا دللته وداريته ورجعت كشخته وحيله
هو راح يجي يبادرني بس بحضن وبوستين ويكضيهه عليه حبيبي وروحي
وهذني راحت لهفتهن بعد
الي مريت بي موقليل وياه حتى يضل كل شي على وضعه
وماكو شي اسمه يعيشون عيشه سعيدة
هاي سعيده توفت وراحت الله يرحمها
من جنت اطلك وهو يكسخ سوالف ويه ابن عمه .ماتت سعيده بس محد يدري بيهه
ليييش لان اني جذبت وكلت يلا نعيش
رجال يحبني يستاهل اسامحه وافتح صفحه جديده وياه
بس كسره وره كسره تهدم
شيرجع التهدم بينا هسه شيرجعه بعد !
هو احساس وانطفى
حيدااار هسه من يتخلص من عقده النفسيه
شنو المعجزه الراح يسويها الي ويرجعني
اشغل احساسي هذاك الكله لهفه ومحبه
وقناعه وثقه وامان
شيكدر يسوي !
ينطيني وعود !
لو يجيبلي هدايا !
لو ياخذني سفره يكضيهه حضن وياي !
هذني اني محتاجتهن !!
لو يكدرن يرجعن الراح !
هو بعد مابيده غير هذني يسويهن بس المشكله مو بيه المشكله بيه اني بعد ماتقبل شي منه
مو بس ماتقبل لا . ماايهمني يجي شي منه
عسى ما يشعلي اصابعه العشره شمع
اكوم اطفيهن واكعد بالظلمه ومايهمني
هي شغله واهس وانكسر
احساس وانطفى
مو بيدي ارجعهن ماكو عندي كواكه واكوكهه وارجع اشغل احساسي
ليش هسه هو عبالكم مقصر ؟ لو هاملني ؟
تره يفتر وراي اذا كمت للمطبخ يجي ورايه يضل بس واكف اطلع يطلع وياي
انام بالصاله يفرش ينام بالكاع
ويسويلي مواعين فواكه وعصاير ويخليهن يمي وهو ساكت واني ساكته
حتى تلفونه اذا جان كاعد يلعب ببجي
ومخلي سماعات من اجي اني هو يشيل سماعات ويخليني اسمع شيحجون
حتى اعرف هو مديحجي ويه بنات
واذا طولت كعدتي اباوع تلفزيون وهو يكلب بتلفونه يمي
يعوفه مفتوح كدامي ويروح يطلع
حتى خاف اني بنفسي اشوف شديسوي بتلفونه ومااريد احاجيه هو يعوفه الي ويطلع
يحاااول بكل طريقه يرجع الثقه بينا ويخليني امن هو ماعنده علاقات وحياته فارغه
بس شسوي مو بيدي بعد هذني مايهمني
اجني بوكت متأخر
بعد ماشبيت بناري واحتركت وصرت رماد هسه جاي يريدني ارجع اخضرله !!!
هو اني روحي بالكوه حاملتهه ارجع ادور حبجيات وقهر وحركان كلب !
التوووووبه بعد ارجع وانطي مجال للحب
التووبه
اني عفته مااذيته لا بحجي ولا بانفصال
لان ادري بي تعبان نفسيا ومريض
عفته هيج عايش وياي متأمل فد يوم نتصالح
بس حتى يبقى يخفف عن نفسه
انقهر عليه من اشوفه يعذب بنفسه وهو مو بيده هذا مرض نفسي مرض الاحساس بالعار
والفشل والوسواس القهري كلهن بي
اني داجبره يخلص منهن ورجعته لدكتور نفسي
بس اريده يرجع يتوازن نفسياً
حتى مايضيع على الاقل التعب التعبته حتى اأمنله حياه مرتبه وزينه
يعني هو باقي يمي ديصير زين
اني كلتله اذا مترجع نفس ماعرفتك اول يوم
لتشوفني وجهك بعد
وعفته يرجع نفسه بنفسه
كلتله مسامحتك وريح ضميرك مني
بس روح رجع توازنك النفسي
وديتحسن هو يعني احسن من اول ايام
اقلها بدا يرجع يصلي بانتظام ويبطل
سهر وارهاق لنفسه
ومادري اذا الحك اشوفه رجع مثل قبل
بس المهم يعيش زين
و ها تره رضا كبرياء اذا سويت عمليه هالمره مايداريني
يمكن يجي يشوفني ويتحمدلي بالسلامه ويروح
لان مادام اني بقيت ويه حيدار بعد شال ايده مني
وبدليل هو لحد هسه خابرني مره وحده
حاول يقنعني بيها على العمليه
كلتله تضل تداريني اني ماعندي غيرك
حيدار مايكدر على مداراتي ومااريده يحير بيه
هو كلي اخذج يمي اداريج اذا هو موجود تعذريني بس يمي تبقين بيتي وماتغفى عيني وانتي ماغافيه
صراحه اني استحيت منه بعد ماعرفت شحجي فكلتله اووكي لعد خلي ارتاح شويه واكللكم شوكت اسوي العمليه
وهو جذب اني بس ردت اسد الخط
لان استحيت منه
رضا ادري بي اذا ياخذني يرجع ينحتني نحت على صوره احلى واقوى وارقى بنيه
ولو اكوله رضا ناقصني روحك واكمل كل العندي يكولي اخذيهه
هذا رضا اعرفه رباني من يوم الجان ماعنده ربع بجيبه بس يروح يتعب حتى يجيبه ويوفرلي عيشه
ادري بي مايقصر وياي ولا يخلي دمعه تنزل مني
وهو ذكي حتى لو تصرف تصرف اني ماحبه يعرف شلون يرجع يكسبني بدون مايغير شي بيه
و ادري بي ما يخون
صح هو شابع حرام بالبنات بس ماكدر احاسبه لان مو الي هو مانطاني وعد وخان وعده بيوم
ولا نام يمي وحضني وهو رايح قبل كم يوم ويه ثانيه
هو عزابي لا حسيب ولا رقيب واني متزوجه طبعا يروح لاشكال البنات
هو المتزوجني راح دور بنات بقت على الي اني لا يمه ولا حواليه !
بس هي بالوعود هذا يوفي الوعد من يوعد
رضا كد وعده
هسه هو يكره حيدار ورضا عنده ضربه اذا ضربها لواحد يموته بالثانيه نفسهه
مايتعب نفسه رأساً يلزم هاي اللوزه الطالعه مبينه بالركبه يلزمهه باثنين اصابعه يسويهن مثل المخلب وبسرعه يصعدهه لراسه وينزلهه لركبته بعد يموت بلحظته
لو اذا مستعجل يضربه بوكس عليهه يخلي دم يطفر من خشمه ويعوفه من وحده يموت
هاااي الضربه جنت خايفه منه لا فديوم يسويهه بحيدار وخليته يوعدني ما يأذيه
بيهه و انطاني وعد وبقى ثابت على وعده
عافني وراح بس حتى ما يخلف بوعده بلحظه عصبيه لو غيره
فاذا كالي مااخونج هو ادري بي مايخون
واذا كالي اسسلج احسن بيت وعيشه
واثقه الف بالميه يكدر يسويها وبفلوس حلال هم مو يرجعني لحرام
وادري هو بدون ماكوله اريد عيشه حلال هو مخطط باله يستقر هيج ويتخلص من هواي شغلات
رضا هم تعبان من نفسه بس هو كبرياء
هو يكولي ماتفهميني بس اني مو مافهمهه وانما ماتوقعتهه منه هيج عنده اصرار
بعده يتأمل انفصل وياخذني هاي ابد ماتوقعتهه
كل الي بالي هو عنده فد حلم وياي من قبل وراده يصير من ماصار عادي مايهتم
مادري بعده يتأمل
لو ادريه هيج بنفسه بعده الحلم ذاك جان ولا تزوجت ولا خليته ينغث ولا عفته مقهور بيوم لان هو بعز ضعفي وقهري ووحدتي ماعافني
اني شلون اعوفه !
رضا حيل عزيز عليه اني ممنونه اله لحد مانحط بكبري
و صدمتي منه صدك صارت قاضيه الي
لان لو قبل مايطلع منا كايلي امشي سوي عمليه اروح نفس الساعه اسويهه مادامه وياي
بس من راح رجعني كأني اليوم اخذوني للميتم وعافوني لا اعرف احجي ولا اتصرف ولا ادري شسوي بحياتي
اني من خسرت حيدار جان رضا يمي مهون عليه
اذا تعبت اخلي راسي على ايده اطمئن هذا اهلي الاصل وحيدار روحته اخففهه بالي انها متأثر عليه
بس من طلع هو هيج حالته لرضا بعد شكدر اسوي !
ارجع احضنه ! لو اخلي راسي على ايده !
هيج ثوله اني هسه ارجعله هيج عادي واعتبره عمي وكان شيئا لم يكن !
بعد مااااترهم لو هذا لو هذا مال ارجعهم نفس قبل ماترهم
خربوها همه اثنينهم خربوووووهاااااا
كل واحد يريد لنفسه واني مو بحيلهم اثنينهم
ورضا لااا نفسيتي تتقبل زواج وياه هسه
ولااا اكدر اكسر بحيدار واعوفه بأول طريق علاجه واتطلك منه واروح اتزوج
غير ينتحر ويبليني
بعد شسوي بالعيشه الزينه وحيدار منتهيه حياته !
الفرق الاكبر عندي بينهم من ناحيه شلون عيشوني
حيدار انطاني شي عنده من اصله وياه
علمني على الدين لان هو متدين
ويكولون من عاشر القوم اربعين يوما صار منهم
اني عاشرت ناس متدينه صرت مثلهم اكتسبت دينهم يعني
بس رضا هو جان كلشي ماعنده
وتعب وجابلي حتى لو اخذ طريق حرام بس هو الشال الحرام على جتوفه وانطاني لكمه وبيت وامان
اكو فرق اني بنظرتي اشوف فرق من السمه للكاع بين واحد عنده ويشاركك بي
وبين واحد كلشي ماعنده وراح خلقه الك حتى تعيش
اني شكد مااحب حبدار بس احترم رضا واقدره لان فضله عليه مانساه وخجلانه من نفسي لان تالي عم ي تعبته وعفته مقهور
المهم ...
هذوله شكد ما احبهم وروحي بيهم
كرهوني بعيشتي
كرهوني حتى التفكير
وادري بيهم حتى لو اريد استقر بحياه وحدي
ما يخلوني
كلمن يعرف يجبرني ارجعله بطريقته ونقطه ضعفي بي
رضا يعرف خاطره اعز من روحي
وحيدار يعرف مرضه و وكعته يضعف كلبي عليه
فيطبهم مرض اثنينهم خليهم هيج لا انطي وجه لهذا ولا ذاك
اصلا حتى لو اصير زينه راح اكللهم بعدني مريضه واضل مسكتتهم
وعيشه الزينه وياهم ماريدهه ادري بنفسي ما عندي حظ وماكو شي يكملي بيرفكت
المهم عيني هسه اني قريت هذا منشور
تماره المدري شنو نسيته بس اذكره تماره
حجت شغلات عجبتني
اي لوف يو يا تماره بنت ابو تماره
حجتلي على العشق الابدي مالتي الوفي
الجلوب المحبوب كانيور ولجن الماعدهه جلب ماعدهه روح بره جسمهه
خلتني افكر بكوني صدك منو اله
هذا حويدر يديحه بالشوارع يمممه الوليدات يديح ويتوسخ عزززه يمه من فكرت بيهه
كلبي وجعني
شكرا للي تهتم بكانيور هذا روحي الجلوبات
منو مونسني غيره
اني احب كل واحد يهتم بامره اووكي
فحبيتج تمتوم
وهم اكو وحده بالفيس اسمهه ام اسو يمكن
باعن تره انتن كومه واشبج كمت بينجن بس هيج يعني الركزت بيهن
هاي هم مدري شكتبت فد جمله عجبتني
طبعا نسيت شكاتبه اااام سوري بس حبيت الكتبتيه واتذكر اسمج
و وحده هنا كتبتلي بالانكليزي هم ثانكيو دارلي
واكو بنات اسمهن هيج يوزر وارقام
هم حجيهن جان مؤثر ويدعلي هواي
صراحه اول مره احس نفسي محظوظه
من هالكد ناس تهتم وتدعيلي
وبنات فسرلي ان المرض تغفير ذنوب
وكذا هم حبيت نظرتهن لموضوعي
صراحه هم فرحت شويه من فكرت مثلجن
وبنات كتبلي اتعالج واعيش وحدي
حبيبتتي ماكو شي اسمه وحدي اووكيي
تره اني جريت نفسي جر من الوحده
وارجعلهه برجلي !
شنو الفايده انسان عايش وحيد تدرون يعني شنو تعيش وحيد حتى لو باحلى دوله
وبيت
يعني عبالك واحد يطلع متأنق بالذهب وبالالماس ولابس الحرير وكل شبر منه ينكط فلوس ويروح يكعد بحفله كلها عميااان
محد راح يباوعله ويشوف شعنده
هيج يبقى ويطلع وهو محد يدري بي
هيج فكرن تره الوحده اكبر مستنقع للبشر
فخ الوحده فخ الانسان يوكع بي من يأيس وهناك شي يجر شي لحد ماتوصل مرحله متعرف نفسك منو
اني هيج راح ارجع ااذي نفسي بدال مافيدها
اكو الي دعولي بالشفاء والعافية
شكرا للكل وين ما جنتو ان شاء لله تبقون متعافين ومرتاحين
واكو الكالت سحر عليكم
هسه حتى لو سبعين سحر مسويلنه هو منو بحال يدور سحوره بعد
تعبنا النفسي اكبر من الف سحر
اترحم على طنطول هسه لو طلعتلي
وداعت كانيورالا اعزمهه على غدا
واكووووووو هاااي الضمت الراسهه
الي كل عركاتنه اني والفاهيه من وراهه
وينهه لو بس الكطهه ااااخ يايمه الا اشفي كلبي بيهه
هاي اني متحلفه اغردلهه
ولج يامصخمه كاتله ابوج امج
مديحتج بالشوارع بايكه ورثج
ماكله عشاج ولج يا طايحه الحظ
ياام وجه البوز شعندج وياي وين ما تلكطيلي حجاااايه حطيتي تعليق بكبر خشتج
المسمومه
دااااقتج شخصيتي روحي ولي شكو جايه تقرين قصتي اذا انتي هيج مستشرفه وعيني اني داجرح بشرفج وديانتج شعندج حاطه راسج هناااا يااام الشرف ماقريتي قصه دعاره والبطله جايه من البتاوين
شعبالج يعني اتكبع بجادر الصلاه واطلعلج راسي من البارت واقرالج دعاء كميل
هيج يلا اعجب خشتج الزفره
تلعب نفسج من لساني الطويل والله عيني
ماكاعده متختخه ع التبريد مثلج والماما تلوليلي من انام وتعلمني العيب من الحجي
اني بنيه واضحه هذذذذيج وينها صفاتي
ومامشي واذب بسمي ع النااااس مثل شكولج
اني اليعاديني انطيهه بكصته الحجايه مثل ماهسه انطيتهه الج
واذا اريد اغلط اسب افشر هذا لساني مو لسانج شكو مغثوثه انتي
وتمشين وتصيحين مع الاسف عليك حيدار
شكو مع الاسف عليه يمه شبيه ! ماخذله سحاره وجفصت بمصارينه وساكت !
لو هاي لان اني مو مثل المتعوده عليهن
يدمغ بيهن الرجال والعمايه والحمايه
وهنه كاعدات يتبجبجن بالمخزن والسطح
شبيج انكرصتي من شفتي قبل بيه
اااانتن هيج شكول بدمجن تمشي المذله
تشوفن نفسجن ضعيفات ومدمغات جوه ايد الرجال والعيال تريدن كل النسوان مثلجن مايطلعلهن صوت حتى شنوووووو
يصيرن زينااااات والناس تكول اووي عيني خطيه شكد خوش مره هاي حامله الضيم وساكته اووي لاا عيني خطيه ماكو مثلهه
من خرااا بهيج ناس اذا حجايتهم شفقه وتجيبلي المسكنه
ودنعل ابو العيال والرجال الي يدوسلي على طرف واسكتله
واذا تشوفين نفسج ما بيج خير تصيرين بمثل قوتي وسيطرتي فلاااا تطلعيني الموخوش
حتى تبقين انتي بضعفج ومذلتج زينه
وهاي اني شفتهه جنت ادورهن تعليق تعليق
وووويييين ماكو حجايه عليه هي تطلع راسهه
ومن ينكتب عليه شي زين تطنشه تروح تلكط وين ماكو كلمه تغرد عليهه
وهسه البارت الاخير لا طلعلهه حس ولا نفس
ضم الراسه الجان يعوعي
بنت الحوزه عيني يمه شجابج عليه
ما غطيتي وجهج بالربطه ودرتيه من القصه شكو نبصتي ويانه هنا
احنه بنااااات نجفص بحجينا ووحدنه
وعدنه حررريه شخصيه وعقلنه متفتح
انتي شكو نبصتي هنا من مانعجبج روحي ولي احد جابرج تقرين
لا ريدج تشوفيني زينه ولا مو زينه بس جفيني شرج
وروحي روحه بلا رده
واذا لكطتج فد يوم تعلقين بأي قصه بنفس هاي القنادر
قسم بالله الا اردلج رد اخليه يتأرخ بتاريخ التعليقات
شويه كرصيها للدوده واستجلي وحطي رأيج بطنج واسكتي
.
ايييي اغرد بكيفي مااااسكوووت لاااا ابد اسكوووت
ايييييي هسسسه راح نطب بالغميج
تعالن انتن بعد عيني تعالن وينهن بنات الالفين خلي يطلعن راسهن
حطن عقلجن وياااي واعتبرني اختجن الجبيره وداحجي لمصلحتجن
ولا تضلن تتمزعلن وتصيرلي كلجن بنات نانسي
تره اني تفرغت بس الجن
شوفن هسه هذا الفويز داسجله والساعه عبرت ال ١٢ بالليل نمت وكعدت مره عاشره بس علمود ارزلجن براحتي واني نشيطه شويه
شوفن ياااملطلطات هيج اريد اسميجن
والتزعل قندره بحلكهه احسن
تره تعبانه وكاطعه نومتي واسجل فويز علمودجن
هسه ادري اكو بيجن التافهات والبايخات والماتسوالهن الحجايه بس يعني داااحجي على البطن كلبي وانتن تتحملن بنات جيلجن
اوووكيييي
هسه انتن عقل ماااكو ما في عقل ! عقل ما في !
راكضات وره وين ماكو جرو ملزك شعره بالبرتغالي والاصفراني ومجنكلات وياه
وابو بيتي وابو صخيمتي من خرا بعقولجن
يا البهايم
ولجن بعدجن بكد فرده القندره شوكت لحكتن تصيرن ام كيان وام ازل وام صخامه
هو الراح يخلف كيان كاطع الممه بعده !
ولجن بعده الولد شارب ما طاكله وسويتنه اب
من طاح حظجن وحظ الي يلفي بايدجن تلفونات وحاسبجن اوادم
ولجن شويه عقققققل عقل شلووووون اشتري بالجمله واوزعه عليجن ولجن شكيتنه لكلبي
ولجن قوم الجاهليه عقولهم تاااج على عقولجن ينحطن
ولجن دكووولن ياااالله دحطن عينجن بكتابجن
دكومن ساعدن امجن بيت بطبخ
دحطن عينجن على اخيجن المكرود
موووو سمعته هاااي ولجن تروحن تكبلن ويه صحبانه ! ولجن صااايره داريه هاي
من نعلى على غيرتجن يالطايحات الحظ
ولجن انتن شنو من عقل !
تروحن تفتحن حساب اخوجن وين ماكو ولد حلو لو هستوه شاب وكالب الشعر منا ولابس السوار منا رحت كبلتن وياه وسويتن كروبات ويه الملطلطات الي وياجن
حتى تحجن عليه ماعدجن سالفه ولا شغله ولا عمله غير كال قندره وحجه قندره
وزعلني وحضرني وجابلي وجبتله
اييييي دفتحتن عقولجن ياااامهات روس المجيره
هسه هذا ابو قندوري الراكضه وراه
هو شراح يفيدج !
ولج بعيطتين من ابوه يخنس بعد يكلبج !
هسه هو مراهق مثلج باجر عكبه يكبر
يجي يدورج ! ويكول ام قندوري جانت خوش تحلم احلام بيه
ولخاطر قندوري راح ابقى وفي الهه واتزوجهه
اي دستجلن عااااااااد مو لعبان رواحتنه
تااارسات الانستا بمشاكلجن الخاصه الي هي اتفه من التافهه وكلهه من الغباااااء والثول
المعشعش بروسجن
لو بيجن عقل وتعرفن تفكرن جان ساعه ماضليتن وياهم
وترحن ترسمن طريق لحياتجن عددددل
بي تعليم وبي ثقافه وبي شخصيه
بي خطط ومشاريع تجيبلجن الغنى والفلوس
شوووويه اكطعن احلام الزواج والكبل
وروحن احلمن لو انتن سيدات اعمال لو صاحبات بصمه بالمجتمع
شبيجن ياحظي الصارن احسن منجن
ماتتحركن وتحسن على روحجن لو الا يوكع الفاس بالراس وتاخذلجن مية سنه ضوئيه كأبه ومحاولات انتحار يلا تصحن على رواحتجن
كووووومن يلاااا
كوومن عدلن عيشتجن ولجن هو الرجال الي ماخذ زوجته بالحلال ودافع دم كلبه مهر عليهه ديعوفهه بنص الطريق والف دكه ناقصه يسوي بيهه
تريدين انتي ابو شعفه الشكره الاطخهه براسه صفح يجي يصيرلج بطل مثل ابطال مسلسل تركي
ولجن دكااااافي عاد مو لعبتن نفسنا
نص مشاكل العراق من وراجن
هذا الطلك مرته من وراجن تروحن تنصبن وراه وراه لحد ما تهجمن بيته
وهذولاك الي تعلك بينهم عشاير وفصول كله من وراجن ادزدن بصورجن للرايح والجاي
وتخلن الامه تعلم والزلم تتذبح وانتن خاتلات
تكومن تتلاطمن وربي وربي ساعدني وخلصني
شيخلصج هو غير من ثولج لو ما ثوله ومطيه يصير بيج هيج !
شبيجن يا حظي كتاااابين بالمدرسه ماتعرفن تحفظنهن وتجيبن درجه بيهن وترفعن راس اهلجن
تحفظن لستاااات اغاني ومواعيد الحبجيه كلهه
ومفنفات ملعبات ويه الولد بس بالمدرسه
زماااال ورابطيه بالرحله
ولجن اني لاااا رحت مدرسه ولا شفت معلم بحياتي
جنت اتعلم على الطين اكتب ومن السمع تعلمت احجي عربي ورياضيات تعلمته نتفه نتفه والانكليزي اني وحدي عجبني اتفيك بالانكليزي وكلت خلي اتعلم شنو اليحجن احسن مني
وهذا اليوتيوب اشكااااال بي
اخلي سماعات واتمركص على الاغاني الاجنبيه واغني وياهم وكمت اعرف احجي انكليزي بس مو افهم المعنى وبعدين كمت احفظ الكلمات بعقلي اضل اردد بيهن لحد ماحفظت معناهن
وصرت على راحتي اتعلم قواعد الكتابه
وترتيب الجمل وهسه اني لبلبان بالانكلش
الحكني بي ياامهات الخصوصي
شبيجن يعني ثولات انتن هيج متدبرنهه!
شبيه اني ليش شعندي وانتن ماعدجن !
مو عدجن عقول واني هم عندي
اي دشغلنه هسسسه تخافن عليه يخرب
خرررا بعقولجن النايمه شوكت تصحى وتحس على زمانهه
دكومن تعلمن لغه تعلمن طبخ هذااا اليوتيوب كلشي بي حتى البنيه تثقف نفسهه
من كلشي صيرن نادرات معدلات
خلن الزلم تتوسل لنظره عينجن مو انتن تلحكن وراهم ياااخزي ياعار البنيه التلحك وره ولد وتتوسله حبني رلتعوفني
وتنتحر علموده
وهي بعدهه شعرهه بظفيرته وتلحك وره الولد
اي دكووومي سوي نفسج اصنعي شخصيه لروحج ليش تعيشين على الهامش
شوكت ما ابو قندوري يضوج منج ويشمرج انتي تكعدين تولولين وتنكسرين
ليش البنيه هيج رخيصه حتى ياهو اليجي يشمر بيهه ! يشبعله يومين حبجيات وصور وياهه وبس يخرب مزاجه شمرررهه
وطز بيهه عاشت ماتت شسويلهه جاهله متفيدني
مو هيج حجيهم لو غلطاااانه ولجن
انتن بنات جيل جديد وبيدجن المستقبل
يامستقبل المصخم هذا الراح تعيشنا بي
ولجن كمنا نخاف على نفسنا منجن
من وره الثول البروسجن
احنه نروح ننقرض ويضل العالم الجن
راح تلعبن فلك بي بهاي الهمجيه والغباء
العدجن
بطلن اقصى احلامجن وتفكيرجن
ولد ملطلط مثلجن ياخذجن تسون مقاطع تيك توك وقناه يوتيوب تنشرن يوميات بي
روحن صحن عقولجن وشوفن شكد تافهات انتن وماعدجن شخصيه والناس تضحك عليجن سويتن لنفسجن سمعه تلمع لمع
من وره الثول العدجن
ماتعرفن تفكرن للبعدين بس تصخمنهه هسه وشيصير خلي يصير
اني ماكرهجن ولجن صخيماتي انتي خواتي الصغار اني وصيت هالفاهيه تكتب القصه علمودجن ولا اني لا عايزه على وحده تكرل روحي لحيدار ولا روحي لرضا ولا سوي هيج وصخمي هيج
عندي عقل واعرف اختار اليناسبني
بس اجيت داشوفجن الدنيا شلونهه
تره الدنيا مو قميص وبنطرون تكشخين بيهن
ومكياج تلطخين وجهج بي وصرتي احسن الكل
تره الدنيا بدون عقل ورزانه نفس و وعي
تاااكلج الدنيا ابووويه انتي تااكلج ومتدرين بروحج شوكت تشمرج عظام
هاي العيشه صارت ويه السباع بعد انتي طلي متعيشين ياكلوج اوووكييي
لو تصيرين سبعه وبنت ابوج الترفعين الراس
وتروحين تتزوجين وتشتغلين وتطلعين بره بيتج
لو تبقين بيت اهلج دثو ونايم اوووكيي
لا تورطين الناس وياج
زواج انتي موووو كده كافي تخلفن وتتطلكن وترستن الرعايه ترس من وره غلط اختيارجن
الطلاك صار عبالك نزعت قندره هيج تنزعن الزواج والعشره
اذا انتن بعدجن صغار ومو كد الصبر والمسؤوليه شكو فلفلتن ع الزوااااج!!!
انجبن وانسترن بيت ابوجن ولتورطن العوائل وياجن
ياااما وياما عوائل تكاطعت من وره عقول بناتهم الثوله المتعرف تختااااار وتتصرف
تضلين ثوله وطرنه وعوبه وكلشي ماتدبرين
حبابه ابقيي بيت ابوووج
عنسي وابقي بلا زواج ولا تروحين تهجمين الامه العربيه هناااك
وترجعين تبجين بحضن امج
الزواج مو لبسة بدله وحنه وقاعه وزفه
ونشبع سليفي وبوس وحضن مووو هيج امي مووهيج السالفه
الزوااااج مسؤوليه اذا انتي خلكج صغير وماتتحملين حجي العمه ومعاشره الجنه
وطلبات الرجال والصبر على عيشته
للتتزوجييييين شلووون بيجن يامهات
٢٠٠٣ ورايحات متزوجات اي دنطن صبرررر طااااير الرجال هسه لاااحكات متكللي وين يولي
تكبرن ويجي هو يزحفلجن زحوووف
اووووف ولجن ربيتلي عله كلبي مورم منجن
اني البنات الثولااااات اكرهن مو بس اكرهن
تلعب نفسي منهن
سويتلجن قصه بكبر روسجن بلكت شويه تحسن وتفتحن عينجن من عمى بهالعيون كون اذا ما فتحت وفادتجن اليوم وصخمت عيشتجن باجر
حباااابات الي عاجبهه تضل ثوله
ومطفيه وجنهه طلي وكاعد
لا رأي ولا صوت ولا شخصيه ولا عقل ولا فكر عدها
خلي تحبس روحهه بيت ابوهه
لا تطلع منا ولا مناااا ولا تسويلهه صديقات
حتى لا يضحكن على عقلهه الصغير ويورطنهه
ولا تروح لجامعه ويلعبون بيهه الولد والبنات لعب
ولا تتورط بزواج ويشمروهه مثل جيس الزباله بعدين باب بيت اهلهه
خلي تضل تعيش ويه امهه وابوهه
ان عاااشو تعيش وياهم وماتو هم خلي تموت وياهم
تدفن نفسهه وياهم احسنلهه من تضل
مطيه بحياه كلهه ذيابه وحيايه ويلعبون بيهه شاطي باطي
زييييين يااا حبابه انتي يالي تشوفين نفسج ملاااك لان انتي ثوله مطفيه متعرفين شي بالدنيا تره انتي ثووووله اوووكيييي
مو ملاااااك شويه اصحي اصححححي
ثوووله انتي ثوله
تره البنيه الذكيه والعدهه وعي وشخصيه رزنه وعدهه سلاح بشخصيتها وثقافتها وتعرف تدافع عن نفسها وتسكت اليحجي عليها هاااااي مو شيطاااان ولا ملعبه
ولااااا مو خوش بنيه وبس انتي ملاك لان ثوله كلشي متفهمين
لاااا حمب عمررري تره هاي حاسبيجن مضحكه مقنعيجن هيج لان يخاااافون
تصيرن كلجن ذكيات و واعيات
يردون الفكاكه حتى يستغلوهه
ويسموجن ملااااك حتى تبقن هيج
لا حس ولا نفس وهمه واحدهم طبر لازم فوك روسجن
شوووويه عقل عققققل
ما يخرب شرفجن العقل بالعكس هو يحافظ عليه
ولا قوه الشخصيه راح تطلعجن كحاب
تره الشخصيه شي ضروري للكل
الماعنده شخصيه هذا قندره مايسوى
ومحد يحترمه والكل مستغلته
صيرن ذكيات وروحن ابنن شخصيتجن
تره محد يفيدجن لا عمو ولا خالو ولا باب وماما كلهم يروحون وبس انتن تضلن وكت الصدك لسانج وعقلج يفيدج
مااريدجن تصيرن صلفات ولسانجن متبري منجن بس صيرن قويات لا تسكتن
على اليندك بيجن
وخلن عدجن شخصيه كون من تمشن بمكان الكدامج يسكت احترام الج و ما يلعلع بصوته
وياخذ وياج ركن ضحك وشقى وهو يفشر وانتي تفشرين وياه وعاادي الحياه حلوه
تررررره غللللللللط هذا غلللط
تعبتني خرب بعقولجن المجيمه
شراح يفتحها مادري
بعد اكو كومه حجي بالي عليجن بس
مابيه حيل
يجوز فد يومين وهم ادزلجن شغلات منا منا ارزلجن بيها
اريد بعد احجي على هواي اصناف بعد ما وصلهن السره
انتن ياكلجن انتن القريتن
اكتبلي شنو المتعرفنه داعلمجن شلون يصير
شبي مابي
استفادن مني ياحظي شبيجن قبل ما اولي
استفادن دتعيشن زين وتترحملي
ها صدك تذكرت
لوجين لوجين
وزنوبه الفتلاويه
هذني بالفيس كتبلي شغلات حلوه
شكراً وحبيتجن اووكي
وصراحه انتن هواي حجيتن وقنعتني اسوي عمليه بس اني اعبر حجيجن براسي صراحه يعني لان شابعه من هذا الحجي
بس اكو وحده وصلتني رسالتهه
خرب بحظي نسيت اسأل الفاهيه هاي شسمها الدزت وهي فاهيه غير تكول منو الدزت
ديلا هسه على كلاً
وحده دزتلي اذا متسوين عمليتج راح تخليني
اأيس من حياتي لان اني هم مريضه ومرضي صعب مابي شفاء
المهم هو هيج الحجي يعني هي هم مريضه
حسيتها خافت شو مدري ليش كلبي انقهر
المهم اني علمودهه راح اسوي العمليه
حتى هي هم تقوي نفسهه وتتعالج
مادري بشنو هي مريضه بس اتمنى تصير زينه
وهم اكو بنات رادن ابقالهن مثال قوه
اذا انكتبلي عمر اسمط ابو ابوجن هنا
واذا ودعت بنص العمليه فحطن عقلجن براسجن وروحن دورن شكو شي يسوي البنيه براسها خير
وليضحكون عليجن ابقي كلشي ماتعرفين تبقين ملاك صافي والكل يتمناج وتدخلين الجنه
هاي جذبه اوووكيي جذذذذبه والي تصدكها اكبر ثوله وعوبه ودثوه و طلي ومحطوط خلي تعتبر نفسها لان الطلي هم عاش ومات وهو كلشي ميفهم وميتعب نفسه بشي
هم حاسب روحه ملاك وعنده قصر بالجنه بس هو شنووووو
هو طليييييي
انتن هم طلي اوووكيييي
اذا ما تصحن انتن طلي مأصل
اني هسه فكرت اسوي عمليه بس منو يداريني مادري ! اني اثنينهم ماريدهم يمي بس شلون راح ارهمهه مادري !!!
وبقت سالفه امي اني تعبت صراحه بعد يمكن يومين مابيه حيل ارجع احجيلجن عليهه
لان انتن دستن بنص كلبي عليهه
بس هاي بنت الحلو اوصيهه تفهمجن عليهه
مثل الي بالي
يلا چاو والتحجي على رضا بعد اطيح حظهه وين مالكطهه ما تسلم مني
واذا عشت اني بعد هاي فرصتي
الا اكعدلجن ركبه ونص
چااااووو