أذا گتلك أعوفك گلي غلطان..
وأذا كلت اكرهك كارثة تصير..
لأنك تختلف مو كان ما كان..!
ومن بين الأعزهم فرقك جبير..
بحر عينك بلع مليوون سفان..
وعلى رموشك هوت كل العصافير..
ومن وجودك نضج 60 بستان..
وجمالگ ينكتب بس بالأساطير..
أكتب كلمة أحبك علئ الحياطين..
بدم قَلبـ♡ــيے كتبتة مو بالطباشير..❤🍃;
#الكاتبة 'الجِوِدِ''..
رواية"عنودية الشيخ أنمار"
#البارت _الثالث.
#الجزء الثاني.
تمارا..جان تفوت سما خطية رياكش (شكلها)مالتها مبين صدمة
خجل حزن هيج شي طبت راحت للحمام و أنمار على هاي وضعية
مالتنة يلعب بشعري و بخدودي ...
ما اهتم الوجود سما بالرغم من هوو شافها من فاتت كلت حبيبي
شوية اريد أكمل شغلي عمود اصعد ابدل قبل الأذان
الشيخ أنمار..لا عجبني هيج نضل
تمارا..أنمار شوو شوية يااا ما يتحرك فاا وكفت و اشوف تالي
شلون طلعت سما من الحمام جاي تروح للصالة و كال أنمار
الشيخ أنمار..سمااا
سما..دارت وجها و كالت هاا شيخ
الشيخ أنمار..تعاي هنا اوكفي و اني نفس وضعيتي وية تمارا
من اجتي وكفت كبالي درت وجي عليها و كلت شنوو حجيتي بارحة
وية تمارا
سما..ما حجيت شي ليش شيخ
الشيخ أنمار..عوفي الكذب على صفحة رمضان و ناس صايمة احجي
الصدك شنو ذبيتي كلام التمارا
سما..يااا شبيك والله ماحجيت شي اله اذا تمارا كالت شي
الك كل كذب وداعتك وغلاتك شيخ
الشيخ أنمار...هيييي صحت بصوت سمعت يمكن البيت كله عوفي الله
بحاله لا دخلي بجذب مالتج شنوو حجيتي وية تمارا و هاي اخر مرة اسئلج
مثل الاوادم يلا كولييي
سما..خفت كلش منة بس اصريت على موقفي ش شيخ ع على شنو اااكذب
عليك ما كلت شي اله
الشيخ أنمار..هاا هيج كلتي الي ضربتها راشدي نساها اسمها ولزمتها من
شال مالتها الي نص شعرهة طالع منها بهاي اللحظة الكل الي بالصالة
فاتت للمطبخ اجتي ركض عمة ليلى وكالت
عمة ليلى..يااا أنمار شبيكك عوفتت بتي ليش تضربهااا شنو مسوية الك
ام أنمار..يمة انمار استهدي بالرحمن وكول شكو شصاير
الشيخ أنمار..محد يدخلل اششش فاهمين كلت احجي وهاي اخر مرة وداعت
ابوية الجوة التراب ما اخليج عايشة دقيقة وحددهه احجييي غبيية شنو كلتي
التمارا بارحة لا عبالج انمار نايم على اذانة و ميعرف شنو تصرفاتج
وكلامج وتتسرحين بكيفج بالجذب مالتج و الحقددد يلاااا الغي عاادد
عمة ليلى..عليك الله فهمني شصاير
الشيخ أنمار..تردين تفهمين شكوو هسه هايي بتج الي ناقصة ترباية بارحة
تتشمت بمرتي ولا كلام صاعد و نازل هم لا عبالج تمارا كالت الي سمعت
كلشي بأذاني ...
من جنت كاعد بالصالة ردت اكوم اشرب مي جان اسمع سما تحجي وية تمارا
وتتشمت بيها و على ان انمار الي و من هل حجي طبعا اني اكيد مراح اسكت
سمعت و شفت بعيني هاي ..
لوو تمارا كالت الي يمكن اخذ موضوع عادي ....هسه عرفتي يااا عمة شنوو
نوعية بتج
عمة ليلى..استغفرالله سودتي وجي يا بت ال....ما تستحين هااا اكلتها انمار
وكسر راسها اني ما عرفت اربي عدل مرخوص بنية ما مرباية امداني على هيج
بنية طايحة حض
الشيخ أنمار..سمعتي وبأذانج اسمعي هل كلمتين وحطيهن تراج بأذنج
تمارا خط أحمر مرتي و الشيخة هنااا مرت شيخ أنمار و الي يمسها بكد
شعراية حتى لو بالكلام انسي حليب أمة الرضعتة بي و ما اخلي صبح
يطلع عليج مرة ثانية فااا من تفوتين لهذااا البيت و عليت صوتي تحترمين
نفسج و تكعدين ما اسمع اي حجاية زايدة و هذااا لبسج الي عبالج محد
حجة هناااا عليج لووو ابوج ما حجة على هذاا لبسج مال ك..... اني احاسبج
واربيج من اول وجديد احترمي نفسج نحترمج مفهوووممم
سما.. ببس م ماا بي شي لبسي
الشيخ أنمار...هم الج عين تحجين بعددد بصياحح صوتج ما اسمعة تفهمين هل
كلمة شنوو يعني
سما..حححااضرر شيخ
الشيخ أنمار.. وهسه اعتذري من تمارا بسرررعةة وكدام الكل
سما..ممااشيي ئئنيي أسفة تمارا ورحت طبيت للغرفة بسرعة
عمة ليلى ..اني اعتذر منكم والله هاي البنية فشلتني كدامكم
اعتذر منج عمة تمارا بتي طايشة شكد ما تكبر يبة عقلها صغير
فدوة حبيبة لا تزعلين
تمارا..سمعت وشفت كلشي الي صار بعيني عبالك ميي بارد
وينزل بصدري يماييي فديتتت حبيبي أنمار ونبي رجالل و أبن
رجال ماعرف شلونن اشكرك عمي على هاي الخلفة هم صاك
وهم شخصية هيبة تجننن خرسس البيت كله بهاي للحظة صدك
وتأكدت ان أنمار حزام ضهري و هو بابا و ماما و اخواني ووو
كل اهلي ما رضى هيج وحدة تتشمت بية شعور حلوو حسيت بلحظة
من كال علية اني الشيخة هنااا و مرت الشيخ انمار احس سماا صارت
بكد العصفور ما تدري من فشلة مالتها من تشوف أنمار شلوون حجة
هيج علية واكثر موقف خلاني اطير من الفرحة من اعتذرت الي واوو
اجتي عمة و اعتذرت الي كلت لا عمة انتي شعليج وبعدين والله ما زعلانة
لا تحجين هيج ....
عمة ليلى..الله يخليج و يحفظج بتي و يرزقج بالذرية الصالة التسر گلبج
تمارا...يعمري انتي اشكرج ...طلعوو كلهم رجعوو للصالة من طلع
أنمار غمز الي وضحك و فاتتت فديتت هل ضحكة جنها عسلل من تروح
فدوة الك تمارا و العالم كله على هل رجولية العندك بقت صبا و
فاطمة هذني مطفيات و كاعدات على صفحة اجتي هاي مصدومة
صبا كالت
صبا..يابوووية شنوو هل حب هيج يسوي
تمارا..لعد شعبالج عيني ما شايفة شي بعد
صبا..دووم ياربي تبقون هيج و يبعددد عنكم كل شخص غثيث
ويسوي مشاكل بينكم كولووو امين
تمارا فاطمة..أمممييينن
تمارا..خلصت شغلي و صعدت فوك سبحت و بدلت ملابسي
لبست دشداشة بيضة و بيها اصفر و ازرك كلش حلوو ما مخصرة
كلش توضيت و حطيت كحلة و ماسكارة و حمرة وردية ونزلت جوة
بالمطبخ يم عمتي ام انمار و صبا و فاطمة كعدت اسوي بالزلاطة شوية
نفتحت الباب و طب زين حطيت الشال على راسي اشوو هذا يغني و
داخل بالجوو ويكرص بخدود عمتي وهيه تكول اله ...
ام انمار..يااا شبيك يمة هيج الحرر سوة بيك روح اسبح و صحصح
فاطمة..اايي حقة اول مرة يطلع هووة وصايم كلة كاعد فوك بالجحر
يفطر يرجع فوك يسحر يرجع فوك لا شغلة و لا عملة
زين..لاتسولف علينا من يسألون...
عيون الناس لا تحسد عشقنة..
واذا طلعت شمس فوت انتة للبيت ..
لأن شمسين معناها احتركنا ..
تمارا..الله وصفكت كمل كمل
زين..لحضنك احضن الدنيا بأيدية ..
حبيبي وغالية عيونك علية..
بسرعة الوقت صاير يخلص وياكك..
الهوى انتة واذا رحت اختنكنة..
ام انمار ...ياعيني يمة دنيا مغرب شبيك شجاك شنو صاير شي وياك
زين..هيجج فرحان يمة بس ادعيلي انتي
تمارا..احمم شصاير وياك وهيج صرت محمد عبد الجبار علينة هااا
زين..كل خير نشالله اموت عليجن كلجن بست امي وصعدت فوك ..
اليوم مرة ثانية اشوف البنية هاييي قبل اسبوعين اخر مرة شفتها
ولا حجيت ويااهة ...
اليوم كعدت الصبح كلت اروح اشوف حصاد مال أرض مالتنة أنمار
كال الي اخذت سيارة احمد اليوم ماعندة شغل ورحت للأرض
كملت شغلي صعدت بالسيارة ما تشتغل خرب حظي اعرفه كلش زين
عدل كلت ال ابو حسين يدير بالة عليها ورحت كمت امشي منطقة كلها
بساتين ماكوو تكسي قررت ارجع مشي للبيت و درجة الحرارة ب50 متت
من الحر مشيت تقريب ما بقة للبيت غير شكم خطوة ردت بس مي
اغسل بي درت وجي من كل جهات ماكوو جان اشوف بنية كاعدة بلبستان..
رحت وكلت يالله اسفة علي ازعاج اختي بس ممكن تنطيني مي اغسل بي
دارت وجها لو شلعت كلبي خرب عميي شنوو هايي ضليت صافن عليها
حتى نسيت الحر و الجوع وكلشي سبحان الخالق هيج جمالل شنوو هاي
مرة لوو شنوو تسودنت من شفتها اخذت الگلب و العقل ناعمة و
عيونها عسلي فاتحح مبينات صفر و مكحلة لابسة دشداشة سودة
وكل ملامحها ناعمة حتى صوتها جاوبتني ..
_أدلل حبوبي (أخي) هسه ثواني وأرد الك
زين..ماشي عيوني اتبعتها بكل خطوة تمشيها عبالك ملاك من الله نازل
والله يا زين حبيت ومحد سمة عليك شكم دقيقة ورجعت كالتت
_تفضل هذاا الماي
زين..اخذته منها و كمت اغسل احس حتى المي صارر حلوو خلصت و كلت
شكراا الج تعبتج ويايي
_لا تتكلم بهل طريقة جا هوو غير مي عملت واجبي انا ما عاملة
شي تتشكرني علية
زين..الله يحفظج ويخليج نشالله ضليت صافن عليها هيه خجلت و دنكت راسها
اني شكيت من اللغة مالتها هيه من الجنوب واني ادري اخر مرة مجان اكو ناس
عايشين هنا من الجنوب سألتها ...أنتي من الجنوب صح!?
_بلي خوية انا من العمارة بس ما فهمت وش السؤال!
زين..لا هيج بس ادري ان احنا هناا ماكوو اهل جنوب كلهم عرف و نعرفهم
اعرفج بنفسي اني زين ابن الشيخ حسن شيخ عشيرة ...معروفين هنا
_كل الهلا بيك اممم
زين..اني عرفتها موو على خالي بروح امج كولي اسمج مرة شفتها قبل اسبوعين
واختفت وهسه عرفت بيت الأخذت گلبي كلة ردتت بس الاسم كلت همم ايي وانتي
_وانا انا شنوو
زين..اسمج شنوو
_هااا انا اسمي أيتن
زين..ستغربت وكلت جاا شنوو هل اسم ضحكت و كالت
أيتن..ههه جاا غيرر اسمي ماعرفن بس اسمع يدتي تكول انا سميتج
جذي لن اجيت وجان القمر بدر ونور السمة بالضوة يعني نور القمر
زين..ياا جاا حقها جدتتج تسميج هيج اسم على مسمة هم اسم حلوو و هم
ماشاءلله خلقة
أيتن..اتشكرك خي لازم ارد للبيت هسه صفگة (مستعجلة)يدتي تملص اذاناتي
گرب وقت الفطور
زين..براحتج بس ماكلتي ايتن شكدد عمرج انتي ناعمة كلش يعني عود جاي
اتحايل
أيتن..اناا عمري 18سنة وانت
زين..العمر كلة يارب اني عمري خمس دقايق ..
أيتن..شنهيي!!خمس دقايق جا شمالك كمت تخربط
زين..هوو الي يشوف هيج وجة وجمال شنوو تتوقعين منة يصير
أيتن..خجلت من جلماتة ونزلت ناضري بالكع اول مرة شخص
يكلي جذي كلام صح بديارنة بالعمارة جثير شباب يتغزلون جنت ما
افتح مجال لهم جا غير انفعص فعص من الحجي هاد غير كلش
حبوبي عندك حاجة بعد ارد ارجع
زين..هاا اسف براحتج ياا صدك نور القمر اني عمري 20 سنة
طالب جامعة
أيتن..العمر كلة سعادة الك ياربب يلا جا اني اترخص تشرفت بمعرفتك
زين ارد اشوفك بخير
زين..أنشالله رجعت كملت طريقي ياربي من شنوو هايي البنية و بعد الشفتو
جوي كلش حلوو اليوم ...
تمارا..والله هذا الولد تصرفاتة غريبة كلش اكوو واحد يرجع من شمس درجة
حرارة فوك 50 ويغني! ! ومحمد عبد! !ههه الله يفرحة خطية يستاهل الاخ
هنا أذن و رحت بغرفة الحجي صليت مابية حيل اصعد فوك كملت ورحت
اصب الفطور اني و فاطمة و عمتي لحد ما حطينة سفرة الكل اجة كعد
وانمار هم كعد وكعدت يمة اما رأس الخس كاعدة و مدنكة راسها
بعد ما حجت ابد خلصنة فطور و كمنة على الماعين لحد 8:45 خلصنة
عمتي اجة رجلها اخذها أنمار و الولد طلعوو عمة صباا خابرها
مروان عندة شغل خارج المحافظة للمدة أسبوع راح تضل يمنة لان حامل
اني صعدت فوك بدلت ملابسي طلعت كتاب الرياضيات و ضليت اقرة على
الجرباية لأن ضيعت يومين و عكب باجر الامتحان سويت شعري كباية و حطيت
القلم هاي طبعا طبيعتي بالقراية يعني ضليت اقرة من ال9 الحد 12:30
انفتحت باب الغرفة طلع أنمار ابتسمت اله وهوو هم ذب السويج و تليفون
و جكاير على ميز و اجة علية و كال
الشيخ أنمار..الحلوو مالتي جاي يقرة
تمارا..ايي غير يأست من زوجي كل وقتة شغل و جماعتة ماكوو
وقت يدرس مرتة شلونن موو عيب يكعد ويدرسني استاذ بعد يومين الامتحان
مالتي وجنت ما فاتحة الكتاب من وراك انتضرك تهتم المستقبل مالتي بس لا
حاير بس تزعلني و تتزعل و ووو جاي اكمل كلامي خلة سبابة مالتة على
شفتي و كال
الشيخ أنمار..اشششش كافي غير تخليني احجي اكلتيني و شربتيني
تمارا..يلا احجي خلي نشوف عذر مالتك
الشيخ أنمار..اول شي ماعندي عذر لان تعرفين شغلي و شوكت ارجع
و هذني اليومين جان عدنة عزيمة و خطار حتى انتي ماعندج مجال تقرين
وهسه راح اروح أبدل و اجي اشرح الج التريدي بعيني تدلل مريتي
تمارا..هم صح حجيك اوك ماشي عرفت تلوفها انتضرك موو تتأخر
الشيخ أنمار..طلعت تراك وطبيت الحمام بدلت ملابسي و طلعت كلت
يلا خلي نشوف زوجتي العزيزة شنوو تريدني اشرح الج هسه
تمارا..هذا وو ضلينة هيج يشرح الي و اني منتبهة اله كل حواسي و
جسمي ويااا منسجم وية شرح وشلون اجاوبة الحد ما انطاني اسئلة
وكمت احلها ...
كاعدة احل و هوو كاعد ويدخن براسي اختنكت كلت
حبيبي اختنكت من ورة الدخان مجاي اركز احل
الشيخ أنمار..همم تعاي اخليج تتنفسين عدل...
تمارا..اعرف تفكيرك كلش زين نوو جاي اقرة
الشيخ أنمار ..ااا والله زين عرفتي تفكيري كلش اريد هسه
مرتي شلون
تمارا..حبي والله جاي اقرة متشوفني ففف
الشيخ أنمار .. هم رمضان و هم مسوية بوسة بالاقصاط و كل ما اتقرب
الج انمار تعبانة شوكت تصحين الخاطر الله كمت من يمها وطلعت براا
الغرفة مقدر وضعها كلش زين اني بس اريد اعرف هم تفكر بيه تهتم
من اضوج او ازعل نزلت جوة كعدت بالأستقبال البيت هدوء نص نايمين
ونص متابعين مسلسلات كعدت علكت التلفزيون وضليت اباوع ورة ربع
ساعة اجتي تمارا لابسة بشت باوعت عليها رفعت حاجبي و ضليت اباوع
على تلفزيون عرفت طبعا راح تجي كعدت بصفي وكالت
تمارا..احس صدك زودتها من شغل البيت ودراستي و العزايم كل
هذني خلني ابعد عن أنمار زعل وطلع ضليت افكر وية نفسي
شلون راح اصلحة و هوو صعب يتصالح موو مثلي حظي بس يتقرب
مني هاي هيه عتبروني اني جاي اصالحة ونوع اسمة داء الثول
يشتت كلشي بية كمت سرحت شعري ولبست ملابس نوم سود
وحطيت مكياج خفيف لبست البشت و حطيت شال على جتفي
نزلت شفتة بالصالة ماكو رحت للأستقبال كاعد يباوع تلفزيون
شافني رفع تك حاجب ضل يباوع على شاشة اجيت وكعدت يمة
كلت..اممم حبيبي
الشيخ أنمار..لا رد
تمارا..أنمار حبي
الشيخ أنمار..لا رد
تمارا..احجي وياا ما يجاوب قررت احجي وهووة يسمعني اكيد
حبيبي لا تزعل مني اسفة ونبي حقك على راسي صح اني
مقصرة وياك بكلشي ..
الشيخ أنمار..اممم
تمارا..حياتي عليك الله لا تزعل والله ماكدر اكعد وانتة
زعلان مني اممم تعال ويايي فوك للغرفة مالتنة
الشيخ أنمار..شعندي صاعد روحي كملي رداستج أهم مني
تمارا...اففف حبيبي تروح الدراسة و الشغل و كلشي فدوة
الك اهم شي انتة عندي اول القائمة انتة اعتذر كلت الك هل فترة
ما اهتميت بيك بس والله هانت ما بقة شي راح تخلص الامتحانات
وافرغ الك 24 ساعة يمك حتى تمل مني وهسه يلا شيخ تعال غرفتك
يم مريتك تمارا حبيبة گلبك موو انتة تكول الي بت گلبي هسه بت گلبك
تطلب شي منك ما تسوي هممم وباوعت علية بنضرة قططية ههه
الشيخ أنمار..بعد تواسيل لازم اقبل لان ما اتحمل هل نضرة مالتها
تخلي واحد لوو عصبي هم تروح العصبية من عندة كلت اله امري الله
امشي كدامي فوك
تمارا..فديتتت اليسمع كلامي اموتتنن عليك لزمت ايدة و مشيت كدامة
طببتة للغرفة هوو طب قبلي قفلت الباب ودار وجة علية وكعد على جرباية
اني بدوري نزعت البشت رحت يم المراية وعدلت شكلي ورحت يمة هوو لحد
هسه صدمة بعينة ههه فدوة رحت يمة وكال
مو هذه البداية وانت #قبلة..
و اليقبلك من وجنتك وانت #قبلة..
صرت صومي وصلاتي وانت قبلة..
و فرض سادس انت صرت علية ..
الشيخ أنمار..بعد ما صعدت كعدت على جرباية عبالي شي عادي
وطلعت بت الاوادم موو هينة والله شنوو من جمال بياض عبالك اول مرة
اشوفها كلت همم اله بل زعل يلا يا تمارا
تمارا..هسه عوف شي اسمة زعل وهل مرة اني بادرت بالبوسة وتم كلشي
نفس كل مرة لمساتة احساسة كلامة ياخذ الشخص عالم ثاني عالم مابي حقد و
غيرة مابي بس اني وهووة...
نايمين على جرباية هوو نايم على ضهرة واني نمت على صدر انمار و هوو يلعب
بشعري ..طبعا شكد احب هاي حركة مالتة من يلعب بشعري شعور حلوو كلش
عدت و مرت الايام خلصت امتحانات ..واخيراااا احس حمل و انشال من علية
بقة على العيد 3 ايام صبا رجعت بيت عيالها وبيت لحد هسه هدوء طبيت
من باب المطبخ ماكوو احد فتت للصالة شفت عمتي تقرة قران رحت بستها
من راسها و كعدت شوية يمها كالت
ام انمار..هاا يمة تمارا بشري شلونج اليوم بالامتحان
تمارا..الحمدلله جاوبت الاكدر علية والله كريم بعد
أم انمار..الله ينطيج على كد تعبج حبيبتي تستاهلين كل الخير
تمارا..يروحي عمتي
ام انمار..يلا عيني صعدي فوك غسلي بدلي ارتاحي مابيج حيل اكعدج وية
فطور
تمارا..لا شلون عمة اكعد نفس كل مرة اساعدج قابل على شنوو تعبانة
ام أنمار..براحتج بنيتي
تمارا..صعدت فوك غسلت وبدلت و صليت كمت الم بالغرفة شلت كتب سادس
وجورتهن اففف واخيرر خلصت منكم بقة بس الهم الكبير الشهادة و المعدل
صدك تعبت حيل و أنمار هم تعب مثلي احسه هووو الي يمتحن لو يدز رسائل
لو من يجي مهتم بية بشكل اني كطعت شي اسمة جبوسة و نساتل يعني
حبشكلات لان ما الي مجال ابد بس هسه لا غير من جنت اقرة اتمنة بس
هيج مخدة و انام وهسه شكدد حاولت ردت انام ماكوو اي نعس ماكوو اختفة
كلت خلي اعزل شوية ملابسي و ملابس أنمار صح هوو نظيفة بس هم لازم ارتب
أنمار من نوع ولد مرتب كلش ميحب الهوسة يعني ابسط مثال اذا منشفة مبللة
وعلى جرباية يضوج كلش بديت بالكنتور طلعت ملابس بيت رتبتهن و ملابس أنمار
مال بيت بديت مال طلعة مالت انمار لان هواي اشياء دشاديش هواي عندة وكل الالون
و قمصان و بديات و بنطرونات و ملابس رسمية ماعدا هاي الاحذية كمت اعدل
جان شفت صندوك هذاا اتذكرة شفتة من قبلل ضليت اتذكر لحد ما رجعت
لليورة بالذاكرة كلت هذا صندوك من ورا انمار صيح علية وزعلت
بوقتة مادري شنوو بي يكول حتى امة متعرف بي صار عندي فضول شوية
اشوف شنوو بي بي مفتاح افف شنو هل ورطة منين اجيب مفتاح هسه
كلت انظف و اشوف كمت انظف لحد ما وصلت رف احط بي العكال مال انمار
ووالعباه اخذت مفتاح قبل لا افتحة كتبت رسالة لانمار حبيبي شوكت تجي مشتاقة
الك جانت ساعة ب 2:30 ورة ربع ساعة رد علية ..
الشيخ أنمار..هلا حبي بعد عندي شوية شغل يمكن ب 5 اجي
تمارا..براحتك خوش رحت كعدت على جرباية و فتحت الصندوك بي صور
قديمة أنمار وياا رجال كبير يمكن ابوو اي هوو لان يشبهة كلش كمت اشيل
لحد ما شفت دفتر صغير كمت اقرة بي مال قتل و هيج شي ما فهمت
خط مبين مكتوب سريع بس الي فهمت منة ان ابو الشيخ أمير قتل ابو انمار
و الشيخ حسن رايح مشتكي علية بالشرطة محكوم 12 سنة تمرض و مات بالسجن
هناا وقف الدم لان مات القاتل و انمار متفهم موو مثل غير هسه يلا فهمت
ليش عصب علية هذيج مرة من الشيخ أمير كمت أكلب بعد بالصندوك
لحد ما شفت سوار مال بنية شنوو هذااا! !! شلتة و طلعت صورة بنية
بس مبينة صورة قديمة البنية ملامحها حلووة يطلع عمرها هيج 17 سنة من
شكلها بالصورة منووو هاي !! شنو علاقتها بأنمار! !يمكن حبيبتة بس هوو كال
اني ما حبيت قبل ياربيي مجاي افهم شكوو درت صورة جان مكتوب علية
من مرام الى أنمار ...
منوو هاي خرا وشنوو الأسوار و ليش محتفظ بيهن ردت اشك الصورة بس
كلت لا رجعت الغراض قفلتة و عفتة بمكانة كمت ابجي ليش يكذب علية
و منوو هاي البنية يعني يحبها لعد ليش محتفظ بيهااا ..مسحت دمعاتي
كلت تهون هاي الاسئلة كلهن راح الكة الهن جواب ..
دكيت على صبا لا بد ان تعرف شي لان كبيرة طوووططط لحد ما ردت ..
صبا..الوو هلوو تمارا حبي شلونج
تمارا..بخير الحمدلله انتي شلونج صحتج الطفل شلونة
صبا..زينين بخيرر اليوم منور التليفون ..
تمارا..منور بأصحابة اكيد
صبا..يروحي انتي اليمج شلونهم امي ابوية
تمارا..كلهم زينين يسلمون عليج
صبا..الله يسلمهم
تمارا...اااا اكوول حبي
صبا...كولي
تمارا..اكلج اسئلج واريد منج جواب بس لا تسألين ليش ماشي
صبا..خير قلقت اسئلي
تمارا..اول شي احلفي ما تكولين ليش او سبب بس جواب
صبا..وداعت ابني الي بطني احجي عاد
تمارا..هم مار عليج وحدة اسمها مرام! ! اله صلة بالعائلة مالتنة!
صبا..امم لاا ماتذكر هيج اسم
تمارا..تذكري عدل يمكن ناسية
صبا..اااا اييي تذكرت بس هاي موو من كرايب مالتنة جانوو كاعدين جوارينة
بالسلف ماتذكرها عدل لان جنت طفلة بوكتها بس يمكن شالوو صار بيهم شي
فاا عافو ال....مادري بعد
تمارا..ماشي حبي لا يضل بالج ماكو شي
صبا..اوك يكلبي
تمارا..يلا حبي باي سديتة منها يعني موجودة اخخخخخ منوو هاي
أنمار شنوو ضام علية اشوفك صرت عصبي و صيحت علية عمود ست
مرام مووو اخخخ ضليت احلج و اسئلة براسي هوااي احس
راح اطك و اموت من ورة الاسئلة ...كمت طبيت سبحت و بدلت
لبست تراك مابية اخلي مكياج حطيت بس كحلة و مرطب ونزلت جوة
بديت اشتغل وية عمتي يسولفون واني بغير عالم عالم تفكير افكار سيئة
اطلع اعذار اقنع نفسي بيها ماكوو صارت 5:30 اجة أنمار من شغل
سلم على امة اجة باسني و كال حضري الحمام الي ما باوعت علية
صعدت حضرت ملابسة و الحمام يذب غراضة على ميز تواليت وكال
الشيخ أنمار..خلصت امتحانات و ارتاحيتي موو
تمارا..ايي
الشيخ أنمار ..يعني هسه راح تفرغين بس الية
تمارا..امم
الشيخ أنمار..من طبيت لحد هسه اشك تمارا غريبة متحجي شعجب
وهيه كالت مشتاقة الك و عبالي راح تسوي العجب اليوم بس اكو
شي عيونها مدمعة و ما تباوع بعيوني و متحجي هواي وجها اصفر
كلت حبيبتي بيج شي ليش هيج حالج
تمارا..شبيه مابية شي راح انزل اكمل شغل جاي امشي لزم ايدي وكال
الشيخ أنمار..تمارا شنوو ما افتهم كدامج اني هذا وجج مال مابيج شي
احجي شكوو شصاير
تمارا..والله مابية شي بس تعبانة من الامتحانات
الشيخ أنمار ..تمارا صح انتي تعبانة بس موو مال دمعة بطرف عينج
وعيونج مورمة من البجي و وجج اصفر احجي شنوو القصة اشو هاي كامت
تبجي
تمارا..هئئئ هئئ ماتحملت و كمت ابجي هوو ضل يسكت بية
الشيخ أنمار.. تمارا حبيبتي شبيج احجي عادد لا تكطعين كلبي عليج
بالزايد احجي شكوو ليش هل بواجي
تمارا..هوو كعد بالكع و اني على جرباية ضل يحجي وياي و اني
ابجي ماعرف شكلة ماعرف شنو ردة فعله ماعرف شنوو جوابة
الي خايفة من كلشي احس گلبي راح يوكف من الخوف حجيت واني
اني وارجف أنمار منوو مرام! !هوو ضل صافن بوجي ماعرف بس مجان يمكن
متوقع هيج اكلة ..كام وكف على حيلة بعصبية وكال ..
الشيخ أنمار ......يتبع
---------------------------------------
السلام عليكم ورحمة الله و بركاتة ...شلونكم عسلاتي ..🌸;
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ..🍃👑;
شلونةة بارت !?💛
في امان الله ...
أحبكم..مع تحياتي للجميع ..
#الكاتبة;أّلَجِوِدِ''...