عنودية الشيخ أنمار (متوقفة حاليا)

البارت 20

"أبقة وياي ..😻
"أبقة وخلهم يغارون ..😏🙊
✮خل شما حجو يحجون ..❤
"دام لأيد شبكت ايد ..👫
✽طبهم طوب شيكولون ..😌🙈

.................................................
مساء الخير  يلآ نگمـل ..

روآيهہ "عنودية آلشـيخ أنمـآر"

روِأّيِّةّ بِقِلَمَ أّلَګأّتّبِةّ "أّلَجِوِدِ"..

الشيخ أنمار..الوو تمارا ليش متردين لا تسوين هيج تصرفات مال أطفال عبالي بيج شي ليش ساكت احجي

تمارا..شنو احجي فوك ما رزلتني اليوم ما ماحجي تريد انتة احجي زين مني فتحت التليفون

الشيخ أنمار..لا تحجين بهاي طريقة تعرفيني اضوج منها اوكي لا تحجين بس اني راح اضل احجي لحد ما تحجين وياي تدرين اليوم طالعة حلووة الفستان يجنن طالع عليج امم أحبج يا غبية ردي ترة ولله بعد ما احجي وياج نهائيا اوكي راح اروح

تمارا..ضل يحجي على شكلي اليوم صح خجلت بس ما حجيت شي بالأخير كال 👆كلت لا كلشي ولا زعلك بس لا تسوي هيج مرة ثانية وهاا معلومة بعرسنا ما اسد الديجة دقيقة وحدة الوو أنمار ايي انمار لا تسوي هيج الووو خرب ليش مجاي يجاوب افف كمت من الجرباية بس بالكوة يلا طلعت من الغرفة لأن البنات كلهن نايمات بالغرفة مالتي طلعت اني ونعسانة لأن كعدت من وكت اليوم رحت الغرفة أنمار فتحت الباب طبيت للغرفة تقربت من الجرباية لكيتة نايم ههه خطية مبين علية التعب غطيتة مادري الغرفة باردة ثلج و ممتغطي طلعت رحت للغرفة مالتي بس حطيت راسي على المخدة نمت ..

الشيخ أنمار..بعد تعبت من الحجي وية تمارا ما حسيت و غفيت كعدت الصبح طبيت سبحت و طلعت ملابس دشداشة بيضة و عكال و عباية تنلبس فوك الملابس لون سودة حطيت عطر و نزلت جوة صبحت عليهم وطلعت ركبت السيارة و ورحت للديون الكبير مال عشيرة مالتنة اني تكفلت بهذا الموضوع المهم صارت الساعة 00:1مريت على بيت عمي حسين اشوف وين وصلو زين خلصو الكهرباء و تأسيس الماي كل شي صار جاهز بس بقت شوية تعديلات تنظيف وتأثيث البيت صارت الساعة رجعت الساعة 2:14 وكت الغدة رجعت للديوان أستقبلت الشيوخ و الناس الي اجتي بالعرس كلفت احمد على أكل رحت اشوفة بالمطبخ اكيد جايبين طباخ بس هو يوكف على راسهم شفته واكف كلت أحمد

أحمد..هاا شيخ تأمرني بشي

الشيخ أنمار..شنو الصار على الأكل هم يلا بعد

أحمد..تدلل خوية هسه يصير كل شي جاهز لا تهتم

الشيخ انمار..تسلم لعد وين عزيز

أحمد..واكف يم زين وأنس وعلي برة

الشيخ أنمار..ماشي كمل شغلك انتة اني رايح اشوفهم رحت برة شفتهم واكفين رحت على عزيز وكلت لك وينك شو ماكوو جوة

عزيز..وعليكم السلام غير هيج الأول

الشيخ أنمار..يلا بلة لغي زايد و روح ساعد احمد بالشغل وانتو زين وانس لا تضلون واكفين خطار حالكم حال احمد يلاااا ماريد اشوف واحد گبالي