#زوج أختي والماضي
بقلمي انا الكاتبة #رواء هادي
تابعوا حسابي على الانستغرامroyan4h@
لاتنسون تعلقون بين الفقرات وتخلون لايك قبل القراءة تشجيع لي من أجل الاستمرار ...
قراءة ممتعة للجميع.
مديت ايدي جريت الموبايل من عنده بسرعة بدون مقدمات طكيت الموبايل بالحايط الكدامي صار اشلاء
هو تخبل من سويت هالحركة بسرعة
قاسم_هاااي سويييت ؟!
ريان_سويت الشي الصح
تهجم علية بسرعة ماحسيت إلا جايبني بوكس بمعتي وكعني للكاع هو أني منا مريض بفلاونزا والحساسية عندي
كوة شايل نفسي وجاني بوكس نهاني
كعدت بالكاع على ركبي لازم معتي بايديه
بألم صاح بي بعصاب
قاسم_ حيوان كسرت الموبايل علمود تمحي الدليل علاقتك القذرة وي هند والله اليوم اكطعك تكطع
اجه علية بسرعة أعصابي صارت فول كمتله ضربته بوكس بنص وجه ورتها توليته ضرب هو هم ماقصر وياي
واحد صار يضرب الثاني بنص الشارع
والعالم التموا علينا ومن ضمنهم ابن عمتي عباس الجبير بالدفرات يلا فكونه يغلط ويسب واني اغلط واسب
اكثر شخص تأذى أني جتفي اذاني كلش
ومنا مريض هو وجه تزورك حجه بتهديد بعد
مابعد عني والناس بعدت عنه ...
قاسم_احسابك بعدين لا تتوقع اتركك
عباس_خير شكو احجوا شصاير بيناتكم ...ريان احجي
ريان_ مو عبالك كملت منك لا والله اضمها لك
ياجبان ياعار ياحثالة الزلم تففوو
قاسم_تفووو عليك انت الحثالة ابن الحثالة
ردت اتهجم عليه مرة الخ ماخلوني هو هم صعدوا بالسيارة ساق السيارة متحلف بي وطلع والعالم فلت كعدت بالكاع
متألم من جتفي اذاني كلش
عباس_ولك احجي شسوالك اخاف ضربك بسجين
شو خل افحصك رياان
ريان_ اطمن مبي شي والله بس جتفي ياذيني
يحاول يكومني ...
شعندك وي قاسم ؟! احجيلي شصاير بيناتكم
وليش تتعاركون بنص الشارع ؟
كمت بطولي لازم جتفي بايد واحده
والقرآن ماعرف هذا الولد منو هو تهجم علية بدون
سابق إنذار تعرفه أنت منو ؟
_ماتعرف منو لعد عليش يتضارب وياك وانت تتحلف هو يتحلف ريان احجي شمسوي وي قاسم ؟!
انطيته ظهري امشي بتجاه الباب "
انسى الصار ولا تكول لاحد
صار كبالي وكف متعصب
ريان احجي وي منو متورط أنت ولك
احجي شبيك ساكت
اخذت نفس شوي هدا جتفي وكفت التفتت علية ..
راح احجيلك كلشي بالبيت بس توعندي
ماتجيب طاري الكائن مايكون
_ اي يلا ادخل جوه وجك متأذي
دخلنا جوه البيت .كعدنا بغرفة أبن عمتي الجبير هو مزوج وعنده أطفال ثلاثة حجيتله القصة من البداية لحد
النهاية تفاجأ حيل من كلتله اريد هند
وهي متقبل بي ومتريدني تكرهني بدون أسباب ؟
عباس _ كل هذا صاير وياك
ريان _ اي والله
_ مدام كسرت الموبايل و مسحت الدليل لتخاف هاي نحلت مدام تكول أنت مالك دخل بهاي السالفة
_ أصلا تفاجأت من شفت الصور
_ لأزم اكو شخص يكرهك ويكره هند وياك وهيج سوه وياكم
_ شخص منو يكرهني ويكره هند ؟؟
_ تذكر عندك عداوه بالجامعة وي شخص معين
_ لا والله معندي
_ حاول تذكر لأن مستحيل شخص غريب يكدر يركب هيج صور ويجيب معلومات عليكم أنتو الآثنين
بدون مايعرفكم
_ هم صح
بقيت اتذكر أحداث من الماضي ...
تذكرت أحداث ...
_تذكرت مرة من المرات تعاركت وي أثنين من أهل بغداد
_ ياالله منو هذولة
_ حمزة ومحمد اقارب هذولة بوكتها تعاركت وياهم علمود هند جانوا يسوون مشاكل وياها ويدزون ولد عليها
يعاركونها بدون أسباب
_ شكد انذال هذولة بيش طالبين البنية
_ مو بس انذال هذولة قليلين شرف وأخلاق هم
_ الله ياخذهم وياخذ أمثالهم بس هسة
احنا مامتاكدين هم لو لا ؟
_ اي لأزم لكه دليل يدينهم واذا هم إلا شمرهم بالسجن
_ السجن قليل بيهم هذولة يشوهون سمعة بنات
الناس صدك ناس قليلة شرف وأخلاق
هند وقت .العصر اخذت زهراء ورحنا نزور زرنا وكعدنا بالصحن شوي وكمنا رجعنا عالبيت بالشارع
شفت ابن ام عباس عباس
واكف بره بالشارع وجهالة ويا واكفين بقى بس يباوعلنا بنظرات ماعرف تفسيرها شنو لأول مرة يباوع بهايالطريقة
كملنا الطريق كلمن راحت البيتها
بالليل موبايل أمي بايدي جان جنت انقل رقم زهراء الجديد لامي رقم غريب دز رسالة لامي راسن فتحت
الرسالة جان كاتب روحي شوفي
عمايل بتج البربوك ويه ريان ابن اخو ام عباس جوارينكم يلا جاي تحجين على أهلي كلام ماينحجي اني بطلت من بنتج البربوك لان مايشرفني اخذ وحدة
كحبة وقليلة تربية وتربية شوارع .
عيوني صاروا بكصتي شلون يكول عني تربية شوارع وكحبة راسن حذفت الرسالة وخليت رقمة بقائمة السوداء كمت ارجف من الخوف اخاف يرسل رسالة
لأبوي ولو لاخوي احمد لو الواحد من اخواني والله يذبحوني واني بريئة مالي علاقة الله لاينطيك ريان ليش هيج سويت بي ليش كضيت الليل كله بجي
ودعاوي على ريان لان بسببه صرت اسمع كلام جارح لابي اني ولاعليه كله بسبب ريان ويحبه البايخ .ريان ثاني يوم الصبح رحت لبغداد هناك عندي معارف جانوا وياي بالجامعة وكلت لأزم ابرئ هند خطيه مالها أي ذنب واقاربها
حاكمين عليها غلط وصلت يم صديقي خالد بقيت يمهم وبالليل كال يلا امشي رحت ويا الملهى ليلي هناك يتواجع بين يوم ويوم محمد يعرفهم حق المعرفة ويعرف دكايكهم السوده وصلنا المكان دخلناله
كله أغاني وشرب وسكر كرهت المظهر كله حجه وياي وكال ،
خالد _ خل ندور محمد وين لكاك يالكلب وين
بقى يراقب المكان لمحته من بعيد كاعد على الكرسي وكباله طبلة بصفه كاعدة بنية لابسه فستان أحمر يادوب مقطي جسمها مظهر يقرف حيل هنا
كلت الخالد _ خلود تكدر تطلع
_ شلون اطلع واعوفك الوحدك ؟
_ مو جاهل علمود تخاف علية محمد شفته وين كاعد
احجي ويا جم حجايه اجي
لعندك انتظرني بره
_ اوك حبيبي
راح من يمي اخذت نفس طويل رحت على محمد وكفت وراه خليت ايدي على جتفه الايسر
_ شلونك محمد
التفت علية جان سكران فول كوه يدردم ...
ريان شجابك ؟
اشرت للبنية بايدي _ كومي يابه كومي
كامت كعدت بمكانها كبالي بطالة خمر وكلاصات
الريحة تلعب سبع أرواح
_ أستغفر الله العلي العظيم
محمد _ شتريد جاي ولك هاا تدور بنات ملعون
كشفتك ههههه
_ لا إله الا الله ، محمد اريدك بموضوع
اخذ بايده الكلاص بي ربع خمر شربة دفعة
وحده نزل الكلاص بقوة على الطاولة
_ احجي شعندك ؟
_ حمزة ليش فربك صور لي والهند ودزها لخطيبها بيوم الخطبة وكال أني وياها على علاقة ؟
ضحك وكال _ ههههه توك يلا تدري ههههه
من هيج كال رأسن ....طلعت الموبايل عفته على التصوير علمود الدليل عفته بين البطل والكلاص وجهت
عليه الكاميرا اخذت نفس
_ ايي والله توني يلا دريت احجيلي ليش هيج سوه ؟
_ تعرف ليش ؟
_ لا ماعرف عرفني أنت
_ أنت جنت لعبة عدنا لا اكثر ههههه
_ اي كمل بعد
_ تذكر بيوم هند ضربتك بالكتاب بنص وجك
كبال الطلاب كلها وأنت ضجت
_ اي اتذكر
_ ههههه عفيه ذاكرتك قوية
_ الحمدالله كمل القصة حمودي
_ اكمل اكمل بس خل اشرب
_ يابه اشرب شرب
كام يشرب كلت بهمس ..
الله ياخذك تشرب سم وزقنبوت ان شاء
الله ياخنزير قذر
باوعلي بضحكة ...
واحنا استغلينها هاي النقطة الصالحنه وانطينه جم درهم الجم واحد وكنالهم تحارشوا بهند وسوولها مشاكل
بالجامعة وكولوا ريان دزنة
_ طيب هند ليش بالتحديد ختاريتوها من
بين كل هاي البنات ؟
_ شكد اثول أنت هند هي الأساس
_ شلون هي الأساس ؟ !
_ هند جانت تصده الحمزة وهي بوكتها ضربت حمزة
من راد ياخذ زهراء للفندق غصب عنها
نصدمت حيل من سمعت هيج كال ..
هاي شوكت صارت ؟
_منزمان هاي صارت وحمزة راد ينتقم منها وسوه هيج وياها وأنت هم راد ينتقم منك لأن متعارك ويا هذاك
اليوم بالنجف من حمزة ضارب هند
_ اي اتذكر بس شمدري بيوم خطبه هند لابن خالها ؟
_ ماكلتلك حمزة اخذ أخت زهراء وصار نسيبهم
بلعت ريجي من هيج كال ماكدرت استوعب هذا واصل الزهراء والهند وعايش وياهم هم ويعرف كلشي عنهم
_ ليش هو من اقاربهم شي ّ؟!
_ لايابه شجابه عليهم لكولة البنية وطلعت أخت
المصخمه زهراء هههههه
_ هاا اي كمل محمد بعد شصار وشلون ركب
هاي الصور ومنو ركبهن له ؟
_ الصور أني ركبتهن لأن اشتغل بالتصوير وعندي
استوديو تصوير هنابغداد فاتحة جديد
_ بالتوفيق
_ رحم الله والديك
_ يعني أنت المركب الصور وأنت وحمزة جنتوا تسببون مشاكل الهند بسمي علمود توكعون بيناتنه وفعلاوكعتوا
والله عفيه عليكم لعبتوها صح
_ صدنه عصفورين بحجر واحد هههههه
سحبت الموبايل حفظت الفيديو ابتسمت اخذت دليل براتي وبرأت هند المسكينة كمت وعفته يشرب ويضحك الحمدالله جان سكران وكلهن نكتهن فد نكته وحده
ثاني يوم الصبح رجعت النجف خابرت ابن عمتي وكلتله على السالفة كلها ريان وصلت النجف رحت البيتنه سبحت وبدلت اخذت استراحة بغرفتي طلعت المقطع فيديو مال محمد اعصابي صارت نار من كال حمزة جان
بوكتها رايد يستغل زهراء
الله يساعدج يازهراء شلون تحملتي كل هاي مدري وفوك كلشي الحيوان ماخذ أختج وصاير نسيبج شفت الفيديو مرة الخ وراها سديته دخلت على الواتساب جان عندي رقم زهراء محتفظ بي دخلت جان يطلعلي الحساب محذوف
خررب حذفه الواتساب مالتها والفيس حاظرتني شلون اتواصل وياها ؟دخلت على قائمة الاتصالات دكيت على الرقم طلعلي الرقم خارج نطاق الخدمة نزلت
الموبايل ضايج
_ سادة الرقم مالتها الله يلعن الشيطان شلون
اتواصل وياهم هسه شلوون ،؟
زهراء" جنت كاعدة بغرفتي ضايجة حيل منورة بنات خالاتي اليوم العصر جانوا يمنا حجوا علية وكالوا شجعب لحد الآن ماجوج خطاب شنو العالم تخاف منج
بوما وكريطه حقهم يخافون والله ، هذا كلامهم جان قاسي علية حيل بقيت اسحن بقلبي سحن ولعن جيتهم ألف مرة ماجنت أعرف هيج يكرهوني ويستحقروني؟!
فقط بيت عمي يحبوني واغلبية العمام والخوال يكرهوني بدون سبب حتى معرف ليش خوما أني بعمري كله مامذيه أحد طول عمري احب أساعد كول الناس
ثاني يوم وقت الصلاة الفجر صليت وكعدت
انده بيبي على الصلاة
_ بيبي بيبي اكعدي صلي
فتحت عينها بنعاس "
هاا بيبي هو اذن
_ اي بيبي اذن تكومين تتواضين لو اجيبلج المغسل لهنا
_ جيبيلي المي لهنا مبي حيل اكوم
_ من عيوني الآثنين
جبتلها المغسل ومي بالصلاحية توضت كامت صلت وره مكملت كعدت على الجرباية وكالت
_ تعالي اكعدي يمي اريد احجي وياج
كعدت يمها على الجرباية معرف شتريد تحجي وياي ؟
_بيبي اذا الله اخذ أمانته مني اريد
اراويج على جم درهم عندي
خليت أيدي على حلكها،
سم الله عليج بيبي بيش
طالبة روحج
ابعدت ايدي وردت
هاي الدنيا والموت حق على الجبير والصغير
وأني هوي طال عمري
_والله الموت على العين والراس بس احبج
حيل وماريد افاركج
_ كلنا نتفارك هواي اعزاز جنى نتمنى مانفترك بيه واخذهم الموت واني هم ياخذني الموت بيوم قبل باجر
بقيت ساكته بس دمعة بطرف عيني من هيج تكول اتخيل بيوم موتها وشلون يشيلونها بالتابوت ماتحمل هذا
المظاهر أني ابدأ
_ عندي سبعة مليون دينار ضامتهن لعرس حسين
تفاجأت ما توقعت يطلع عدها هالمبلغ وفوك
كلشي تكول العرس حسين
_ صدك عندج سبعة مليون ؟!
_ وليش معندي مو عندي راتب جدج الله يرحمه وكلما اجيب الراتب اعجبلي جم درهم لعرس حسين
_ وابناتج واولادج
ضربتني راشدي ...
مو مداريني خطيه بناتي لو ولدي كولي منو منهم اشو بس وقت المصلحة يذكروني كله حسين مداريني
لزمت خدي بايدي بوجع
ايي حسين
_ انجبي لعد وهاج المفتاح طلعي الصندوق خشبي
وجيبي لعندي كومي شبيج تباعي
اخذت المفتاح بسرعة خايفه منها حيل
هسة اطلعه !
فتحت باب البوفية مالتها طلعت الصندوق خشبي قديم بي قفل صغيرون بشكل الذهبي حلو جان آول مرة اشوفه
عدها هي ماتراوي احد على غراضها
خليته كبالها
تفضلي بيبي بس صدك حلو هذا الصندوق
_ قديم حيل هذا عندي
_مبين قديم
طلعت المفتاح ...جان مسويتة كلادة وبركبتها بخيط أبيض قطني بقيت مصدومة أني اسبحها وبدللها ما شفته
فديوم بركبتها ؟ منين طلع
_بيبي ...
_راح تسئلي على المفتاح لبركبتي
_ايي
_ من اريد اسبح لو ابدل اخلي جوه المخدة
من اكمل اعلقة بركبتي
_والله عندج سوالف
_صيري مثلي سباعية
_لو اموت ماصير مثلج والله اني وحده عوبه مو سباعية
طمتني بدينها الاثنين ،
مثل عمتج فاطمة فاهية والذبان يدودي بحلكها يوميه مكتولة من رجلها احس مصيرج مصيرها اذا بقيتي هيج
شبيج يحظي صيري مثلي
_بيبي اني الذبان يدودي بحلكي ؟
_وحد لعد على عمتج تطلعي افقيرة وفاهية
_فقيرة اي بس مو مالت انكتل وانسحل
وابقى ساكتة فدوة لتكولي الذبان..
_ انجبي أم الوسخ تعالي اخذي سياك اخوج
_ صرت أم الوسخ انووب
جرنتي من كصيبتي طولها متره بقوة
تعالي أم الوسخ شكد تلغين جنج صخله
وتبقج ميييع ميييع
_اااه بيبي شعري
عافت شعري
من اكول كلمة تكولين حاظر مفهوم
هزيت راسي وايدي جوه فروة راسي افرك بوجع
_ ان شاءالله
طلعت صفطة افلوس كلها حمرة مصرفتها خلتها بيدي
_هاي امانه عندج منا لما يخطب أخوج حسين أخاف اموت اتمرض ماتطلعي ربع دينار منهم مفهوم
_ مفهوم
_وهاي البقية فلوس دفنتي مااريد بيوم اعتاز لاحد من أموت
_ ياريت اصير مثلج مااعتاز لكائن مايكون
_ تصيري بس اخذي اطباعي وخلي لسانج طويل مثل لسان هند بعد ماينخاف عليج أبد وعرفي شلون تحلين الأمور لوحدج الدنيا يحتاجلها مره حوك مو فاهيه وفقيرة الفقيرة تنسحل جوه الرجلين بهذا زمن
بقيت اراقب كلامها بدون رد .
كا عمتج فاطمة فقيرة وكل يوم مشاكل وي رجلها قبل وي عيالها شلعت قلبي لما طلعتها بيت الوحدي وهسه انطيها مصروف من جوه الجوه ماينطيها درهم أحمر وهي باقية ساكته تكول مااريد احجي وأسوي مشاكل
_ تخاف منه والله
_وهسه ليطالب بحقة الشرعي صار يخاف حرام عليه هذا افلوسه كلها حرام ماينطي حق مرتة
_اي حرام عليه
_عوفينه من عمتج العوبة وكومي ظمي سياك
حسين بمكان زين كومي
_ كايمة
كمت خليتهن بالكنتور مالتي صاحت بي فزيت من الخوف
_ نزلي مخدة من مخاد الفراش ودحسيهن بطن المخدة وصفطي المخدة وي الفراش لتصيرين عوبه
وتخليهن بمكان مكشوف
سويت مثل ماكالتلي والله مايخطر بالبال الفلوس بالمخدة وي الفراش آول مرة اسمع !؟زمرت خمس أيام رحت أني وهند نزور وقت العصر حوالي الساعة بال٣ كلنا اليوم نروح من وقت ونرجع من وقت الدنيا شتا وبسرعة
تغيب الشمس والجو يبرد
زرنا وصلينا جم ركعة للامام طلعنا بره كعدنا شوي نحجي ماحسينه شخص لابس كله أسود لابس كمامة
ومغطي راسه بالكلاو القمصلة
فزينة كال _ لتخافون أني ريان اريد احجي وياكم
هند _ شعندك جاي امشي ولي
ريان _ أنتِ بذات اسكتي
هند _ ولك ...
زهراء مبين عليه عنده شي مدام متنكر وجاي هاي هند عوبة ومتسرعة رادت تكوم جريتها من عبايتها
_ إكعدي هند خل نشوف شعنده
هند _ لج هذا فارغ معنده شي وعيب مناك
العالم كاعدين وي غريب
ريان _ بس اكعدي خل اشوفج شي وراها اروح والله
هند باوعتله رجعت كعدت كالت...
هند _ ششوف! ؟
ريان طلعت الموبايل ...
ماراح احجي وابرر المقطع راح يحجي كلشي
زهراء _ ياا مقطع ؟
هند _ على شنو تحجي ؟
ريان شغلت الفيديو انطيته الزهراء
_تفضلي زهراء شوفي الهند
بقيت أراقب بيهم شلون يباعون على المقطع الناس رايحه جاية مبينت أني غريب وكاعد بنص البنات غربة علية
مبينت روحي واحد منهم وجاي وياهم
باوعتلي هند متفاجأة وجهها مخطوف
هند _ هذا مو محمد ابن خال حمزة
ريان _ اي محمد
زهراء عرفت بيهم همه من البداية بس هند ما قتنعت ابد لازمة برأيها ريان .....هو المذنب وطلع هو البريئ وجان
يساعدها بكلشي بالسر
خجلت حيل من جاب طاريي وهند مساعدتني هذا مامخلي شي لما حاجي ل ريان بس ريان يدري بكلشي منقبل
سديت الموبايل انطيته اله
زهراء_ جنت أعرف من البداية هم المذنبين الله ينتقم منهم
ريان _ اللهم أمين
هند خجلت ماعرف شكوله هو جان يساعدنا من أيام الجامعة وأني كل ظني هو المذنب هو راس البلةوهو اللي سويلي المشاكل طلعوا النذال قليلين الأخلاق حمزة ومحمد ريان رتاحيت حيل من عرفت أني بريئ من كلشي بلكت
الله نظرتها تتغير اتجاهي كمت
كالت هند _ أسفة ريان
باوعتلها رديت _ على شنو أسفة ؟
هند _ على كلشي
ريان _ عتذارج مقبول يابه في أمان الله
راح ريان بكل .هدوء حتى ماحجة ولا كال شي جان هادي تماما الحمدالله طلع هو ماله ايد وهند اعتذرت منه
_ ايي هنودي شلونج ،؟
_ امده حظي شلون غشمروني شلوون
_ امده حظج مليون مرة تهمتي الولد خطيه
وتحجين عليه شيطي بيطي
_ ايي والله شدراني أني هم جانوا يكولون هاي هدية
من ريان لالج وأني صدكت بسرعة
_ديلا مصار شي الحمدالله بينت الحقيقة
_الحمدالله
_كومي خل نرجع عالبيت
كمنا سوه وكالت "
أسبوع الجاي عرس ابن عمتنا أم مروان
_ايي
_يحتاج ملابس جديدة
_لا مااشتري أني عندي
_ أني اشتري والله
_ انجبي شلج بيهن مو اخذتي قبل فترة
_ واذا
_لا تصيرين تلافة ماكو ملابس يعني ماكو
_ زهراء
_وجع ماكو بس تاخذين احرك كيبلات عليج يم بيبي
_كلشي ولا بيبي فدوة بطلت
_عفيه خليج مطيعة ام الملابس لمونه كلما صارت مناسبة ملابس ملابس اجمعيلج جم درهم
_ أحب اكشخ
_اكشخي منو لازمج بس موهيج
طول الطريق ارزل بيها هي تسمع الكلام تصير من اهددها بيبي تخاف منها خوفه الحية تعرف بيبي اذا ضاجت منها الحمزة لو يجي مايخلصها من لسانها
وبعد تحرمها من مصروف من يجي الراتب ،
مرت أيام بسرعة .....واجه عرس ابن عمتي رحنا حنة وعرس تونسنه حيل وغيرنا جو جانت بنية قاصرة
عمرها ١٤ سنه هو عمره ٢٢ سنه
حسيتها ظلم ....أحد يزوج طفله بهالعمر بعدها طفلة متعرف شي عن الحياة هسه انفال صار عمرها ١٧ سنة وحامل كلشي ماتعرف مرات تخابرني تبجي
وتكول ندمانه لأن قبلت اتزوج كله من أمي زوجتني بهل العمر وأني كلشي مشايفة من حياتي حبالة ولعبان نفس وعرايك وي حمزة اربعة وعشرون ساعة صايرين هو يريد يعزل بيت الواحدة هي متقبل فوك كلشي ابوي من سابع
المستحيلات يقبل تعزل بيت واحدها وهي بعدها صغيرة هو يطلع يداوم وبغداد موأمان وبيت عيالها مو يمها وهذا شاد وياها هي الشدة الله ينتقم منه شكد نذل واطي
طلع واناني بنفس الواقت
صرت ما اتعجب من تصرفاته واطباعة لأن أعرفه حق المعرفة هو شنو ومنو إنسان معنده احترام للمرة ابد أهم شي حبه اللي نفسه وتحقيق رغباته إنسان قذر واطي الله ينطي الصحة والعافية لانفال وان شاءالله تولد بالخير والسلامة
وبلكت الله يستعدل وياها ويصير خوش أدمي بالعرس وره مازفوا العريس على العروسة جنا كاعدين بالأستقبال اني وهند وبنات العمام كلها مجموعة
اجت بنت خال العروسة
جانت جاية وياهم عمرها ١٧ سنة مزوجة وعدها أثنين أطفال بنات ما استغربنة لأن اهلهم بعمر صغير حيل يزوجون البنية كعدت كبالنة بحضنها البنات
وحده على الرجل اليمنى وحده على رجل
اليسرى نعسانات حيل
البنيه _ زهراء كم طفل عندج
زهراء _ ههه معندي أطفال
هند _ههههه
كاموا يضحكون البنات استغربت الضحك خجلت وكالت
_الله يرزقج ان شاء الله
زهراء _ أني بعدني بنية مامزوجة
_ يااا صدك لو تضحكون علية ؟
هند _ والله العظيم مامزوجة
البنية _ ليش بعدها مامزوجة ؟ وهي مانقصها
شي حلوة وتخبل
هند _ مو مال زواج بعدها طفلة عنونة
البنية _ هاي أني عمري ١٤ سنة من تزوجت شنو صغيرة
زهراء _ الزواج قسمة ونصيب والله ماكاتبلي ازوج هسة
هند _ انتو تزوجون الجهال احنا لا
نبزت هند _ اسكتي ولج
البنية _ ايي والله حجيج صدك هسه أني ندمانه مزوجة هاي حالتي بعمر صغير وبنص الظيم اهلي ذبوني
هند _ ليش شبيها حياتج؟
البنية_ شبيها تخبل اسكتي وخليها داده
زهراء _ عيالج مو زينين وياج
البنية _ ياريت وي عيالي الرجال موزين وياي فوك
كلشي اكبر مني بهواي بهواي
هند _ بشكد اكبر منج؟
البنيه _ عمرة ٥٠ سنة وأني ١٧ سنة هسه واحكمي
زهراء _ ظلم والله ظلم
هند _ اهلج ناس ظالمة شلون يزوجون طفلة الرجال جبير بالعمر فوك كلشي شايب رجلي لايحات القبر
زهراء نبزت هند _ اروحلج فدوة لزمي لسانج عيب
سمعت الكلام وكالت
لا موعيب ماضوج منها حجيها صدك أهلي ظلموني عبالهم الزواج الخلاص من مسؤولية البنية مايدرون هم بهاي
عملتهم دا يشمرون بناتهم بنص النار والعذاب
شكد انقهرنا عليها كامت تحجي وادموع تنزل هواي بنات جاي يعانون بالحياة مثل حال هاي البنية واكثر لأهل
يزوجون البنات بعمر طفولي
علمود يخلصون من المسؤولية عبالك البنية عائق جبير بالبيت لاهل ويزوجونهم شلون ماجان مايعرفون هذا
ظلم بحد ذأته ودا يظلمون البنات خطيه
وره فترة طلع العريس على صوات الهلاهل كالوا ماخذها شكد.خجلنا من اجت عمتي شوفت الجفية مالت
البنية البيبي كل البنات خجلن
الكبار ماعدهم خجل أبد عكس احناا الاصغار
بكلشي نخجل وكالت
_ تخجلن من الجفيه باجر عكبة تصيرن مثل حال العروس ويجون يشوفون النيشان مالتجن
بنات عماتي طفرن بخجل هند بقت تضحك فطيرة مكسورة الركبة اني متت بدمي اريد اطفر ويه البنات بس أخاف من بيبي وأمي يرزلني كبالهن هن اصغار وأني جبيرة عود
رجعنا ، عالبيت ويه بيت عمي بدلت وكبل على الفراش جو صار دافي شوي صرنا بالشهر الثالث وانفال صارت بالشهر الخامس ماخذه سونار وطالع بيها ولد فرحانه حيل
وكل لاهل فرحانين وياها باركتلها
جنت احجي وياها كالت
حمزة يريد ملابس خل اطلعلة وارجع احجي وياج ابقي عالخط عندي خدمة
_ ماشي
بقيت مخليه السماعة الموبايل باذاني واسمع
حمزة يكوللها "كله منوراج ابوي رزلني
_واني شعلي
_ أنتِ السبب كل يوم اكل رزايل بهل البيت ألف مرة اكول ياقندرة يابنت الكلب خل نعزل خل نعزل بيت
الوحدنا ماتقبل بنت الفقر متقبل
_ حمزة لتغلط
_ اغلط واكسر راسج وراس الخلفوج
نكسر قلبي عليها هذا يغلط ويسب الناس القدروه وحترموه وسلموه بنتهم أمانه يمه هو هيج يجازيهم بلغلط
والسب فوك مايترحملهم
_بس يجي الولد للدنيا احنا وره الاربعين نعزل واشوف يامرة التعارض اذا ما احركها بدبة بانزين وانعل ابو
اليطلع وراج
وراها سمعت الباب ركع بقوة سديت الخط مااريد احرجها وهي تكول حمزة خوش ادمي صاير وياي بهاي
الأيام قبل شوي كالت هيج
وهسه اسمع كلام غير بالغلط والسب امداك ألف مرة ماكو من هل القبور الچثيرة تلفك ونخلص منك ومن
شكولاتك الزفرة يازفر
_ الله يساعدج انفال شلون متحملته شلون
دخل حسين للغرفة وره فترة وكال ...
زهراء راح نروح البيت انفال باجر الصبح وبيت
عمي هم يرحون ويانه
_ ايي هند هم تروح ؟
_ كلهم يرحون مارايح لها عمي كال قبل
شوي نروح سوه ونرجع بالليل
_ اي احسن
طلع فرحت حيل ..... لأن راح تروح وياي هنودي البطلة ام المواقف الصعبة ماراح أخاف من
حمزة النذل بعد
والله صار الصبح رحنا البيت انفال بالطريق هند تلغي وتكول راح أنتقم منه لأن شوه سمعتي كبال بيت خالي وشوه سمعه ريان كبالي وخلاني اكرهه
مقبل على تصرفها كتلها انسي كلشي ولتكولين شي او تبيني كباله تعرفين اوك
وصلنا بيت انفال رحبوا بينا الحمدالله مجان حمزة موجود رايح عالدوام هو مدرس وطالع التعيين مالته بسرعة احسن من عدنا احنا قدمنا وكلشي ماكو
حظ معدنا هي دولة ماكو من أساس شلون الحظ يشتغل ويانه بعد قبل الآذان ردنا نصلي بغرفة ام سيف مقبلت انفال كالت امشن وياي للغرفة
لا تبلني وياها مابي حيل سئلت هند
هند_شكو بيها اذا صلينا بالغرفة مراح ناكل الأثاث
انفال_ مو سالفة أثاث عمتي نحسه كلش واذا اختفى شي بسيط منها تتهم الكل بي وانتو خطار عدنا اخاف
يختفي شي وتبتلن
زهراء_شنو هاي عمتج
هند_اوووف منج سندوس اوووف طلعتي
مسمومة مثل ابنج المسمووم
انفال_هنددد
هند_شنو هند ترى جاي اكول الصدك وين رجلج
المسطور اشو ماكو ؟
انفال_مو كلتلج بالدوام مايرجع الا بال١ ونص الظهر
هند_هاا يلا خل نصلي قبل لا يرجع
انفال_واذا رجع
زهراء_زحمة ناخذ الغرفة
انفال_هي شنو زحمة غرفتي غرفتكم انتن
اخواتي وحمزة هم اخوجن
هند قربت لي وهمست ...
أخونا قليل الاخلاق اووف لو اكضه إلا اطيح
حظه وحظ امه سندوسي
انفال_هاا هند شبيج تشاورين زهراء ؟
هند_ماكو شي عمري يله حركي
صعدنا بالغرفة حسيت شعري انفل لان طويل وظافرته ظفيرة ومسويته طوبة دخلت للحمام اسوي شعري واغسل واتوضى هند كالت ادخلي قبلي أني مجازة
اليوم مااصلي راح انتظرج اما انفال نزلت تجهز الغدة وي عمتها لان البنات مجانن موجودات .
حمزة رجعت من الدوام تعبان حيل كاره روحي من الهوسة مال الطلاب و الطريق بعيده عن البيت فوك النص ساعة بالسيارة والزدحامات ساعة بال ١ ونص كل يوم يله
ارجع عالبيت اما اليوم طلعت من وقت لان اهل مرتي وعمها جايين لعدنا واهم شي عندي شوفه زهراء و
هند احبهن كلش واحب ازعجهن .
لكيت اهل مرتي انفال سلمت عليهم وطلعت على الغرفة مجانت انفال موجودة ولا البنات سمعت هوسة بالمطبخ
اكيد دا يشتغلون ويصبون الغدة
متحمس ابدل وانزل أشوف شكل هند و زهراء مشتاقلهن كلش دخلت الغرفة شمرت الجنطة على الجرباية نزعت القميص شمرته بالكاع والحذاء كذالك
بقيت بطرك البنطرون الزرك افتح بالحزام فتحت الباب الحمام جانت صدمة عمري زهراء موجودة بالحمام والشعر مفتوح بطوله جازي خصرها باللون البني
سرح حيل ياخذ العقل دا تغسل كبال المراية من شافت الباب انفتح التفتت بسرعة مرعوبة من شافتني
ماتت بدمها كلمة مطلعت
أبتسمت بخبث سديت الباب بايدي وكتلها بلهفة ...
الله ربك حمزة ماكو احلى من
هيج صدفة
زهراء "من حسيت الباب انفتح راسن ألتفتت بتجاه الباب انصدمت من شفت حمزة دخل وبطرك البنطرون
ماعرف وين اطني وجي بهل لحظة ؟
اخذت الشال خليته على راسي مرعوبة خايفة سد الباب مشيت بتجاها بسرعة اشرت بايدي عالباب
_ بعد اريد اطلع
فتح ايديه ايديه اثنينهن وكال بضحكة ...
وين طالعة كملي شغلج
صرت كباله امثل العصبيه والقوة بس
بداخلي كميه هائلة منالخوف
_ دا اكول وخر عن طريقي اريد اطلع
اخذ نفس وضحك ...
ههههه
_رجاءً حمزة بعد اريد اطلع قبل لا يجي احد يشوفنه سوه بالحمام ويفكر غير شي بيناتنه
خله ايده على يده الباب وانظاره متركزة علية مباشرة
بنظرات قذرة ماعرف تفسيرها ؟
_ راح اخليج تطلعين بس بشرط
_ كول شنو الشرط وخلصني ؟
_بوسة
فتحت حلكي بصدمة هو ولا مبالي شطلب توه مني ! ؟
_ شكد حقير أنت ماتخجل على نفسك تطلب هيج
أشياء قذرة لك بعد شبيك لازك بالباب
_ لا ليش حقير شكو بيها لو اخذت بوسه من زهورتي
_ حمزة آخر كلام عندي واخر من الباب أريد اطلع لو بالقرأن افضحك فضيحه بين اهلك واهلك واخل هم
يصرفون وياك
بعد عن الباب اجه بتجاهي بخطوتين وكف
كبالي يبتسم بخبث
_ زهراء ليش هلكد حلوة صايرة
_أستغفر الله العظيم ولك مو مزوج وعندك مرة يمحلاها وتحبك وتحترمك بعد شتريد
_ اريدج
_ الحيوان عمره ماراح يصير إنسان الله ياخذك شكد قذر ونذل وقليل الأخلاق والشرف وخرر
_ تغلطين بكيفج صرتي ولج والله اموتج اذا غلطتي
مرة لخ فتهمتي مو حسبا.....
_ اشششش ولا كلمة أريد منك ما اسمحلك تلغي
زايد وخر من كدامي واخر
_والله وصايرة وحدة غير وتعرف شلون توكف كبالي ولج منو علمج توكفين كبالي هاا وتطلعين لسانج
الطويل جاوبي منوو
_ لا اله إلا الله محمد رسول الله علي ولي الله تولي
لو اخليك تولي بطريقتي
_ هه ماولي والله وشسوين سوي خاتونه
__لهنا وصلت حدها وياك
هند طلعت من الغرفة بسرعة ابوي داز علية كلت شلون اترك زهورة انوب اجت بالي حمزة مايرجع إلا بعد نص ساعة اخذني الواهس بالحجي ونسيت
زهورة فجاة شفت سارة واخوها رامي اجوي من الدوام خفت لا يجي حمزة هم راحوا على الغرف رحت على
الغرفه بسرعة وكفت كبال الباب دكيته ...
زهراء من العصبية اخذت المقص بايدي واجت بالي اضربه لا محال اليوم ماكو بعد خوف منه شاشيل بايدي اضربه بي كافي بعد دا يتمادى هواي وياي والدفاع عن النفس حق سمعت الباب اندك فرحت حيل هو تلبك حيل وكال
_منو اجه
_تبعد لو اصيح بعلوا صوتي
_اطلعي بررره واحسابج بعدين
عفت المقص بمكانه ومشيت من يمه بسرعة راسن لزم ايدي
حاولت اتملص منه بس مكدرت راسن لزك
ظهري بالباب
وكال _ لتفرحين لأن اندك الباب حسابج وياي بعده مابدأ وراح يبدأ من اليوم هسه مال بوسة من الشفايف
واكطع النفس اوفففف
هند ما اجاني الرد خفت حيل عليها فتحت الباب دخلت جوه سديت الباب أمشي برجاء الغرفة رحت بتجاه
الحمام بسرعة دكيت الباب وصحت
هند_زهراء وينج ؟
زهراء فرحت حيل من اجت هند وانقذتني من حمزة باوعلي بكره ضرب يم راسي الباب بايده بخفه
حمزة_الله ياخذها شجابها هاااي
زهراء _ بعد عني
انزعج كلش باوعلي بعصبيه كل مرة هند تخرب عليه كل خططة القذرة وتنقذني شافني فرحت من اجت هند
أبتسم بمكر وكال بهمس بنص وجي
حمزة _ اخذ اللي ريده أخذه لو كل اهلج يجون
خفت منه كلش صرت ادفع بي توني ردت اصرخ بصوت عالي ونبه هند أني بالحمام موجودة سد حلكي بإيده سكتني ماخلاني انطق الجملة وقترب علية وجه كبال
وجي صار تماما همس
حمزة _ اكطع السانج اذا رديتي عليهاا
هند ما اجاني الرد والباب مسدود حاولت افتح
ما انفتح حجيت مرة الخ
_زهراء زهراء ولج وين رحتي زهرااااء
ما اجاني الرد بعدت عن الباب مستغربة ؟! مالها أي أثر وين راحت هاي باوعت بالكاع جانن ملابس حمزة بالكاع
القميص والحذاء باوعت على الجرباية
الجنطة مالته موجوده يعني موجود !!
_حمزة موجود بالبيت وزهراء عززة
رحت على الحمام كمت ادك بالباب بقوة اريد
رد لان جان مقفول ....
هند_ حمزة اعرف بيك موجود جوه افتح الباب احسلك والله العظيم الم عليك الكل حمززة افتح الباب
افتح احسلك
زهراء خفت حيل منه يسويلي شي غلط وهند تدك بالباب وتهدد بي تعصب حيل
حمزة _ راح اخليج تطلعين هالمرة
سحب ايده وعافني وراح دخل جوه بالحمام أني اخذت نفس وبسرعة فتحت الباب تطلعت بوجي هند
هند _ زهراء سوالج شي ؟
زهراء _ لاا
تحاول تدخل جوه
هند _ وينه الحيوان وينه
زهراء _ عوفج منه خل نطلع فدوة هند
هند _ احلفج بالله سوالج ؟
زهراء _ والله العظيم ماسوالي شي اجيتي بالوقت المناسب
هند _ أمشي عدلي حجابج وخل ننزل جوه أمشي اااخ منك ولك هم حاسب نفسك بشر الحيوانات اشرف منك
ومن امثالك امداك يااعارر
عفتها تحجي علية وتسمعه الكلام واني عدلت حجابي والخوف تملك قلبي ماعرف شسوي وهاي هند متعصبه حيل باب الحمام بعده مفتوح واخاف يطلع بيى لحظة
زهراء _ توبه اذا اجي بعد لهناا توبه
هند _ ولا أني اجي امشي خل نطلع امشي بس المصايب والبلاوي بهذا البيت موجودة تفووو عليك
ياقليل الأخلاق
طلعنا بره الغرفة ماوصفلكم كمية الخوف بداخلي بعد مابي حيل أبقى ساكتة ردت احجي كلشي الهند بس خفت من رد فعلها وهي متحملة عليه من قبل
من سالفة الصور وتحارش بيها وتسبب المشاكل من جانت بالجامعة وفوك كلشي شوه سمعتها كبال بيت خالها
للظهر حوالي الساعة بال ٢
حظرنة روحنا علمود نرجع على النجف الاشرف اجه محمد وأخته مرام جانت لابسه نفنوف موروني بردان اطوال
لحد الركبة الشعر شادته ذيل احصان
سلموا وكعدوا بالصالة حمزة نظم يمهم جانوا بس حمزة وسارة واخلاص ومرام ومحمد بالصالة واحنا واكفين
نهاية الدرج يم انفال نسولف
حمزة _ هاا ولج مارايحة على الدوام ؟
مرام _مالي واهس والله
حمزة _ دومج مالج واهس لعد بشنو لج واهس بطلعة والطبة
مرام _ الله أموت على الطبات والطلعات ههههه
محمد _ ولك حمزاوي هاي مو هند لو غيرها
حمزة التفتت عليهم ابتسمت
ايي هند تريدها
محمد _ اووي شلي بيها خبلة ولسانها اطول منها
مابي حيل انكتل بيوم العرس
حمزة_ههههه جبان تخاف من النسوان
مرام_ لا ميلها وكحة
حمزة_لسانها اطول منها ومن الخلفوها محمد تخذها لك ههه
محمد_ميت على شكولها الزفرة
اخلاص _ وعاد هي ميت عليك
محمد _ واكعة من القطار هسه اشرلها شوفي شلون
ترد علية بسرعة
اخلاص _ اكعد راحة مابينه حيل فضايح مناك
اهلها اكعد ابو القطار
محمد _ يافضايح اخلاص شوكت يرحون
اخلاص _ يمكن فد شويه
حمزة _ سارة كومي جيبيلنه جاي
سارة _ ماشي
مرام _ انتظري خل اجي وياج اساعدج
زهراء كامت .سارة وياها مرام وصلن لعدنا جنه واكفين يم باب المطبخ بصف الدرج
مرام _ بنص البيت ولابسات هاي الجوادر
هند _ مالج دخل أنتِ واسمهن عبي موجوادر
مرام _ على كيفج يابه اكلتيني حاصل فاصل هسه شكلت
هند _ خطيه مكلتي شي .. زهراء شوكت نرجع
زهراء _ هسه نرجع
باوعتلنه بنظرات مستفزه فرت ايدها ماعاجبها الوضع لازم ست لحسن والجمال طلع أحمد وراه الاهل كلها
كالوا يلا نرجع على البيت
كام حمزة ومحمد اجوي لعدنا محمد يضحك بخباثه واكف بصف حمزة هل الاثنين شياطين الله يلعنهم احنا طلعنا قبلهن صعدنا بالسيارة وراها اجوي الاهل واكفين بالباب
اهل حمزة وانفال كذالك
هند _ هذا محمد الحيوان شعنده جاي
زهراء _ كل يوم يمهم يجي بيتهم قريب عن بيت أبو سيف
هند _ مو أكول وهاي الحية مرام شكد اكرهها
زهراء _ وأني هم اكرهها وحدة شايفه نفسها فدشوفه
هند _ بطول القندرة والكائنات متجرعها
زهراء _ عوفج منها خلتولي
هند_وهاي تفله لعيون حمزة ومحمد تفووو
زهراء _عزززة العزاج هاي سويتي ردي راسج لا يضوفج ابوج واخوج ويكلبونها عزززة على راسج
هند_ اريد ابرد نار قلبي باعي شافوني من تفلت عليهم وج هذولة مال تكطعين النعلان فوك روسهم مو
مالين احترام
زهراء _ادري بس حقراء بس نخلي راسنه براسهم
هند_والله اشهرهم بالمنطقة
زهراء _دكعدي لا يشهرونه احنا بنات وهم ولد وتدرين بالمجتمع دومه طابك ويه الولد ضد البنية
هند_اوكف بوجههم وجه المجتمع المنافق
زهراء _استغفر الله بعدي شوي خل اسد الجامة
هند_عوفيها
زهراء _ادري بيج ام البلاوي اذا بقيتها مفتوحة راح تذبين دم
هند_اي بالقران اجت بالي انزع من رجلي واهفه عليهم وج هذولة انذال شوهوا سمعتي يم خوالي وزرعوا بقلبي الحقد على ريان وخلوني اشيل غيبته وفوك كلشي ...
أنتِ يتحرش بيج وبنص بيتج وبيته
هذا مال احترام زهراء
زهراء_لامو مال احترام بس لا تنسين إحنا بنات مو شباب والوم يوكع علينا حتلوه احنا الحق
وهم الباطل .
هند_انعل ابو المجتمع
سكتت بس اجوي الأهل خلت الجنطة بحضنها متعصبه كلش نار وشرار صايرة تباوع عليهم من الشباك السيارة هم يباعون ويضحكون ولا يمهم الموضوع
ناس ماعدها ضمير .
المهم وصلنا على البيت كلمن راح البيته بالليل كاعدة بفراشي جوه البطانيه بايدي الموبايل اراسل وحدة من صديقاتي من بغداد.راح يجون يزورون وكالت أمر بيج كتلها
كل الهلاوبيكم حياتي حياج الله
وجان يجيني .إشعار ترخصت منها الأشعار جايني على الأنستا فتحت الرسايل أني موافقة على طلب منقبل منو
هذا ؟ يا الله
فتحت الرسالة ...
مساء الحب شلونج اخبارج
زهورة مشتاقين
منو هذا بنت لو ولد ؟ خل اشوف الصفحة مالته
مراسلني من قبل هذا ؟!
شفت الحساب مالته جان مالت والد الحساب قديم ناشر منشور واحد فقط صورة للأمام الحسين (ع)
بسنة ١٠ أكتوبر 2016
- ياالله منو هذا ارد لو لا خل اراد واشوف منو ؟!
رديت ( مساء النور تفضل منو وياي ؟
اجاني الرد وره نصف دقيقة ( شبسرعة نسيتيني ولج
_ماعرفك والله منو أنت ؟
_ عمي شبسرعة نسيتي اول دقات القلب !.؟
اخذت صفنه وتذكرت اول دقات قلبي جانت الحمزة بس لا هو نفسه وهذا حسابه القديم الي جان يراسلني بي وراها
تركه بعد ماتفاركنا
_ الله يأخذك شتريد ولك ؟
_ هههه واخيراً عرفت المهم دا أكولج شي الرسايل القديمة كلها موجودة على هذا الحساب وحتى الصور هم موجودات وكلشي يخص علاقتنا السابقة موجود عندي وبهذا الحساب واني احبج هواي لذالك دا انطيج علم
متت من الرعبة قلبي صار دمام ماعرف وين انطي وجي اذا رجع الماضي مالتي يلاحكني وهذا حمزة نذل اذا صمم على شي ياخذه يعني ياخذه حتلوه بالقوة
كمت ارجف من الخوف
رديت _ فدوة رحتلك حمزة احذف كلشي موجود وجفي الشر أنت هسه متزوج أختي وراح يجي ابنك للدنيا بعد اشهر
قليلة ليش هيج دا تسوي حرام عليك
حمزة _ أني أحب الحرام والله لأن بي مذاق خاص وحلو ومالت أحذف شي منهم من سابع المستحيلات
وأنتِ تعرفي شريد
زهراء _ كول شتريد مقابل تحذف كلشي موجود عندك
حمزة _ اريدج
زهراء _ ولك شصخم بي شصخم
حمزة _ كلشي يعجبني أسوي بيج وافقي وراح اخذ اللي
اريده واحلفلج بداعة امي راح أحذف
واعوفج بحال سبيلج
زهراء _ أموت وماسوي الشي المطلوب
حمزة _ خلص لعد راح افضحج كبال أختج وكوللها جانت عندي علاقة وياها غرامية وكلشي جنه نسوي بالسابق وكوللها هم مو تشوفي متقبل تزوج لان مو بنية وجنت اني وياها بفراش واحد وغيرها وغيرها جنت اسوي وياها
أنتِ بعد افهميها
نصدمت من كلامه ماتوقعت يتهمني بشرفي ولك هذاشنو من بني أدم وليوين يريد يوصل بأفعاله القذرة يالله
وين انطي وجي هسه أني وين ؟
زهراء _ ليش تكذب أني كلشي ماسويت وياك جانت علاقتنا سطحية ودامت مدة أربع خمسة أشهر وراها تفاركنا
حمزة _ أني وأنتِ ندري بهذا الشي بس العالم وأختج ماجانت تدري وراح يصدكون الكلام اللي ينكال
زهراء _ والله موجود وراح يوكفلي حمزة
حمزة _ ونعم بالله بس والله راح أسوي شي اخليج
تندمين على رفضج الطلب زهراء
ردت أرد عليه جاني فشل بالرسال الرسالة حظرني الحيوان
دموع كامت نزل وحدة وره لخ ماكدر اتماسك نفسي بقيت ابجي وارجف من الخوف وادعي ربي بقلبي
يطلعني من هاي الورطة
صدك حجي هند جان شكد حلو تزوجين وأنتِ ماعندج ماضي وشكدحلو وأنتِ بنية وماعندج ماضي ويطلعلج الماضي
مالتج ويلاحكج ويخليج عاجزة
وخايفة طول الوقت هسه أتمنى ماحابه بحياتي ولا داخله الحب ولا عارفته منورة حمزة والذكريات الماضي
ويا ماعرف من شنو هذا مخلوق
لا يعرف معنى الاحترام والحب أو الأخلاق والشرف واحد ساقط عديم الأخلاق وتربية .
مانمت لصبح بقيت صاحيه بفراشي ودموع عيوني مانشفت أبد كل ثانية أتخيل لراح يصير وياي وشلون راح يفضحني ويشوه سمعتي وسمعت أهلي وياي كله بسبب غبائي شلون سلمت نفسي وقلبي لواحد نذل
شلون تورطت.وثقت بالحب الحب طيحان حظ وينزل الانسان لاسفل السافلين وهذا حمزة نزلني لاسفل السافلين
والله مانكر أخاف منه خوفه الحية
أعرف بي راح يسويها وينزل كرامتي وسمعتي كبال ليسوى ولمايسوى اتمنى تصير وياي معجزة وينسى واخلص من كل هاي المشاكل وجع الراس و القلب
للظهر لكمة وحدة ماخليت بحلكي القهر كاتلني كتل وقلبي يرجف من الخوف حيلي كله مهدود لو طفل يدفعني اوكع على وجي ماهلكد خايفة وحيل ماكو بي
بيبي المره العجوز أقوى مني صايرة
اجتني هند تركض للغرفة ..
هند _ زهراء زهراء
زهراء باوعتلها جنت كاعدة بالكاع بفراشي بتعب وعدم اهتمام
زهراء _ هاا
هند _ ولج لحكي لحكي
زهراء _خير ؟!!
هند كعدت كبالي على الكاشي موجهها مخطوف ماعرف شبيها بس أني مو يمها بغير عالم سارحة
هند _ سوده مصخمه زهراء سوده مصخمه لحكي
زهراء خفت كلت ماكو غيره حمزة سواها
كمزت من فراشي كمت بطولي حيلي كله يرجف مثل
السعف النخل اللي تهزه ريح القوية
زهراء _ شكو
هند _ شبيج خايفه وكمزتي بطولج ؟
زهرتء _ هند احجي شصاير ؟
هند _ اكعدي خل احجيلج السالفة من البداية لحد النهاية بلكت الله نلكه حل إكعدي شبيج تباعين هيج
زهراء _ هند شبيج باردة وتكولين سوده مصخمه
احجي شصاير مو قلبي راح يوكف
هند _ اكعدي بلآول وراح احجيلج كلشي
جرنتي من ذيال ثوبي كعدت خايفة حيل
زهراء _ احجي
هند _ الحجي بيني وبينج بنت خالي ابو
صادق مسوين مكسورة
زهراء ارتاحيت شوي من هيج كالت _وأني عبالي حمزة ناشر كلشي يخصني ويخصة بالماضي وفاضحني بقيت
اباوعلها وافكاري تحوم براسي
هند _ واذا دروا اهلها راح يذبحونها والله
زهراء _ ليش شمسويه هي ؟
هند _ مكبلة وي واحد بالجامعة صارلها سنتين وهو
متخرج من الجامعة السنة واضحك
عليها الغبية
زهراء _ هاي الأغلبية تكبل وتفشل بالكبل موجديدة هاي
هند _ شكد باردة أنتِ صايرة
زهراء _ مريت بهيج علاقة فاشلة وأكيد ماراح اتفاجأ
هند _ المريتي بي أنتِ قليل حيل لولد طلع واحد
ساقط ويدور فلوس من عدها
زهراء _ عزززه العزاها هاي بيش مورطة روحهاا
هند _لعد جاي احجي أني وحدة زمالة وهسه
شيخلصها منعندة ياربي شلون
زهراء _ الله من فوك يلا يخلصها ولج احجيلي شصاير
وياها احجي من البداية لحد النهاية
هند _ والله اليوم الصبح حجت وياي وتبجي تكول من صارله سنتين وياي يمحلاه كلشي اريده منه يسوي وكال من اتخرج ازوجج والله تخرج ونكلب علية وكال من كل عقلج راح ازوج وحده مثلج تحب واحد منورة اهلها اكيد باجر تسوي شغلات مو شريفة منورة ظهري اذا تزوجتج
زهراء _ شكد ناقص هذا وقليل شرف لعد هو شريف من يضحك على بنات العالم ويوعدهن بالزواج
هند _ خل اكملج بلكت نلكه حل
زهراء _ كملي بلكت الله نكدر نخلصها
هند _ تكول أني ضجت وكمت اغلط واسب بي هو تعصب وكال اذا أني صادقتج مو حلات عيونج صادقتج علمود اونس نفسي واكسب منوراج افلوس وره ماتخرج
زهراء_ فلوس شنو ؟
هند _ يهددها هسه بنشر الصور والمقاطع الفديو هي ويا بالجامعة وبالكفتيريا سوى واذا ما نطته هسه
مليون راح ينزل كلشي ويفضحها
زهراء ضربت على خدودي بايديه بقوة "
عزززة العزاه وهسه شلون هند راح يفضح
البنية وشرفها يروح
هند _ولج أني مثلج خايفة حيل عليها والله أهلها
يذبحونها ذبح ويشمرونها بالبزل بدون دفن
زهراء _ هو من وين ؟
هند _ من النجف من وين قابل انعل والديه
زهراء _ لاا تشتمي اهله شعليهم هو نذل
وقليل الشرف وناقص الرجولة
هند _ شكد بطرانه أنتِ لا تشتمي لعد اكول عفيه عليكم خلفتوا واحد جلب مجلوب واجرب موو
زهراء _هدي لا تسمعنه بيبي وأمي
هند _بيبي وأمج طلعوا يزورون المقبرة
زهراء _ هاي شوكت ؟ أشو أني معندي علم
هند _بيبي تكول أنتِ تعبانه ومريضة فا مكالولي
من طلعوا ودزو علية ابقى عندج
زهراء _ هاا بس ليش مانبلغ الشرطة عليه
هند _ دنجبي علمود نفضح نفسنا والبنية ويانه
زهراء _ ماكو غير هذا الحل يخلصها منه
هند _ماعرف ماعرف زهراء شسوي وبيش افكر حتى عقلي واكف الله ياخذج شكد حذرتها وكتلها لا تكبلي مابيهم أمان والله يلعبون وبس مايحبون من صدك ماسمعت وشوفي النتيجة هسه تخبل الكلب يدور فلوس منوين
تجيبلك هي الحية تزوع لاهلها
زهراء _ هند هدي بلكت الله نلكة حل يخلصها من عنده
هند _ ان شاء الله
بقينا نحجي وي بعض لحد المغرب ماوصلنا لحل أبد والبنيى خايفه حيل وراح تموت من الخوف هي من كربلاء المقدسة ولولد من النجف الاشرف رجعت هند على
بيت اهلها بعد مارجعوا الاهل
زهراء اكلت العشة بالجبار من بيبي وأمي مالي نفس اكل الخوف متلبسني من البارحة بالليل وفوك كلشي سالفة نور طلعتنا من جهة وسالفتها تشبه سالفتي تقريبا
الاختلاف .... بيناتهم واحد يريد ياخذ شرف والثاني يريد ياخذ افلوس الله ينتقم منهم ومن
أمثالهم يارب العالمين
بعد ما ناموا أهلي كمت فتريت بالبيت خايفة مايجيني النوم رحت على المطبخ فتحت الثلاجة شربت مي بقيت اباوع بطنها دكني الجوع اخذت خيارة
سويتها لفة اكلتها وراها شربت مي تذكرت
ريان نزلت الكلاص على البراد
_ريان بلكت الله يساعدنا بهاي المشكلة يارب
يطلع خوش ادمي ويقبل يساعدنا
مشيت للغرفة سديت الباب بهدوء اخذت الموبايل نمت بفراشي فتحت الفيس طلبت اسمه طلع آول واحد
بالقائمة البحث تذكرت هند همست بداخلي
أكول الهند يلا احجي ويا لو اكوله أني خل اكوله اذا اكول الهند أكيد مراح تقبل أعرفها ماتحب ريان دزيتله طلب مصادقة انتظرت يوافق والله وافق خلال
١٠ دقايق دزيتله راسن رسالة
_السلام عليكم أخ ريان اريد احجي وياك ممكن ؟
رد علية وره ٣ دقايق
وعليكم السلام .. اي ممكن تفضلي زهراء
دام فضلك . والله عندي طلب بس شوي نحس وخاص
_ كولي شنو الطلب وان شاء الله اذا اكدر عليه
من عيوني الاثنين ماراح اقصر وياج
فرحت من هيج كال
_ اكو بنية واكعة بمشكلة وهالمشكلة تخص الشرف
_ منو هاي البنية...؟ لا تكولي هند رجع ابن خالها
يحجي بكيفه عليها ؟
_لا مو هند اطمن
_ لعد منو ؟
حجيتله القصة كلها من البداية ولحد النهاية وانتظره يرد علية اخذ صفته مدة ٥ دقايق وكلت بس لا نزعج مني وراح يحظرني لأن دا اطلب منه هيج طلب وهو ماله
دخل بينه هو رجال غريب عنه
لا بن عم ولا خال مجرد زميل بالجامعة وفوك كلشي وكع بمشاكل منورانه وهند رفضته أكيد راح يرفض توني ردت اطلع من المحادثة اجاني الرد
_ دزيلي كافة معلومات الولد والبنية علمود اعرف اصرف صح
_ماشي راح ادزلك كلشي
دزيتله الصور مالتة وحساب الفيس بوك ومعلومات كلها ..
_ شوكت موعد تسليم الفلوس ؟
_ ماعرف والله شوكت ؟
_ اسمعي كلامي بالحرف الواحد اوك
_ اوك
_ خل تتواصل ويا وتسجل المكالمة بيناتهم و تكوله ماشي راح انطيك الفلوس كلها وتتفق ويا على
مكان أني راح احدده
_ ريان هي منين تجيب هيج مبلغ وشلون تطلع
وتتفق ويا هي من كربلاء هو من النجف
_ يالله افهمي هاي خطة هي ماراح تروح ولاشي أني راح اروح بدالها وراها راح يكون الحساب عسير
_ هاا هسه فهمت
_ من يتصل عليها انطيني خبر او دزيلي التسجيل المكالمة علمود أعرف شلون اخدعه
من وافق فرحت كلش وصرت ادردم على هند امداج هند من رفضتي هيج بني آدم وين يصح بهل الزمن اللي كله ذئاب خبيثه متربصة الضعيف علمود تفترسة
من تصح الفرصة لهم .
كملت حجي ويا فهمني شكوللها صار الصبح نظفت البيت ورحت البيت عمي كعدنا أني وهند بالغرفة أمها
نحجي وي بعض
زهراء _ لكيت الحل هند
هند _ ياالله ولج شلكيتي وشلون نخلص
من الكلب أبن الكلب الجرب
زهراء _ أستغفر الله العظيم لاتغلطي على
أهله مالهم دخل والله
هند _ انجبي ملاية زهراء واحجي شنو الحل
زهراء _ اكو ابن اوادم راح يساعدنا نخلص
من الولد وننقذ نور وشرفها
هند _ منو هذا ابن الوادم ؟؟
زهراء _ ريان
هند _ ريان شمدري بهاي المشكلة وشعلي هو يساعدنا
زهراء _ انجبي هند اني كلتله البارحة بالليل
وكال راح اساعدكم وراح اخلي يندم
هند _ لاا لهنا وكافي والج شلون وثقتي بي وكتيله هسه يكول هذني مو شريفات ويلعبن جولة بالجامعة بدون
علم اهلهم من امداج
زهراء _ هند. انجبي ولا تلغي زايد الولد ابن ناس وعالم ويعرف شنو الشباب شنو لأن شاب ويعرف كل سوالف الشباب شنو وأنتِ ماتحبي أعرف لذالك ماكلتلج
وتصرفت من كيفي
_ حتى هو مثلهم واشوفج شلون راح يضحك عليكم
_ نشوف شلون رراح يساعدنا ويخلص بنت
خالج من هل الوحش
_ نشوف
_ نشوف واذا ساعدنا وخلصها منه راح تنفذي
كل أوامري بحرف الواحد اوك
_ اوك اوك وأني ادري راح يفشل ويشرد
_ ولج أنتٓ شايفة الولد بعين صغيرة
_ مو شايفة متأكدة
_ نسيتي شلون جابلج الدليل بهذاك اليوم
_ امم يجوز متفق وياهم وسوه هذا الفديو علمود يبين كبالي الملاك الصالح أني ماعندي ذرة ثقة بالشباب والله
عذريني مادا تدخل بعقلي
_ أنتِ عندج وسواس شيطان بعقلج الولد يحلف ويكول مالي دخل وجاب الدليل وتكولين يكذب وطابك وياهم هاا ولج حمزة ومحمد مايدخلون طرف ثالث وياهم سوالفهم بيناتهم هم الآثنين ماعدهم ثقة باحد وأنتِ تدرين ..
_ راح اصدك بريان اذا ساعدكم وخلصكم من الولد اوك
_ راح اشوفج أنتِ الغلط وريان الصح
كامت ابتسمت _ هند ماتغلط
زهراء ماعرف ؟ شبيها هاي معدها ثقة حتى بريان الولد لجابلها الدليل وهي قبل كالت اني غلط ويا وهسه تكول ماصدك بي أبد هاي خبله لو شنو .
ماعرف .... شلون عقلها يحلل الأمور راح تخبلني خبال هاي البنية أخذت الرقم البنية وكلت أني اتواصل وياها
وافهمها هي تضحك بستهزاء
وتكول من سابع المستحيلات يساعدكم راح يفشل أكيد الولد ذكي مو غبي راح يجي الكربلاء علمود مليون
ويأمن بيها بهل السرعة
تحديتها وكتلها هسه يربح وأنتِ تفشلي كباله .. تكول ما اخسر أني وهسه يفشل وأني اربح
عناد مو عناد عليها .
والله البنية خابرتني وفهمتها شسوي ما تسوي تكول خايفة حيل ماكدر اسوي هيج وياه اخاف يكشفنه ونوكع
بمشكلة لو ينشر كلشي
بالدفرات يلا قتنعت وراح تسوي كلشي وره
ساعة خابرني وكالت
_ أتصل وكلتله على لكتيلي عليه بحرف الواحد
كتلها .. دزيلي تسجيل الصوت
_ ثواني وادزة على التيليكرام
دزت التسجيل الصوت فتحته سمعت شكاللها ويكوللها اذا طلع كمين لو شنو راح افضحج يم أمه محمد واسويج وحدة مشهورة مثل شهرة الكحاب
شكد كرهته واحد نذل بنذالة حمزة ماكو أي فرق بيناتهم هذا يريد يستغلها بالمال وحمزة يريد
يستغلني جنسين
والله دزيت التسجيل الصوت ال ريان انتظره
يرد رد بعد ٣ دقايق
_ ماشي خل تكوله بعد يومين اجيبلك الفلوس
بفلان مكان ولواحدك اوك
_ اوك
رحت كتلها ريان يكول فلان مكان اريدك تجي لواحدك ماتجيب احد وياك
_ان شاء لله نخلص منه زهراء والله تعبت
_ ان شاء الله حبيبتي ان شاء الله تخلصي
_ ماراح انسالج هاي الخدمة ابد أنتِ ولولد الوياج
_ احنا بالخدمة حياتي ومساعدة الناس المحتاجة واللي واكعة بالمشاكل من والواجب على كول إنسان يساعد وبحيل الله وأهل البيت(ع) وتخلصي منعنده
_ ان شاءالله
ترخصت منها مرت اليومين مثل الدقايق الأيام دا تركض ركض والله اجة اليوم الموعود بي تسليم الفلوس هند
كاعدة على نار اجت عندي بالغرفة بيبي
خايفة مرتبكة
زهراء _ هند شبيج ؟
هند _زهراء خايفة حيل لا يصير شي لا سامح الله
زهراء _ كولي يا الله حياتي ان شاءالله خير ويكدر ريان يصده ويبعده عن نور
هند _ ان شاء الله بس احنا مندري الولد شراح يسوي اذا كشف هاي لعبة عليه جانت ملعوبه
زهراء _ هو بس يلزمه بالجرم المشهود راح ينفضح
ومايكدر يسوي شي بعد
هند _ وأنتو كتوله راح يجيب الفلوس ريان ؟
زهراء _ ايي كناله خطيب هند راح يجيب
الفلوس لالك فلان مكان
هند _ لحظة لحظة خطيب هند منو ريان ولجن شنو من بنات انتو هاا شلون هيج تكولوا شراح يكول ريان هسه هند تريدني عزززة العزاجن صخام الصخمجن شهرتني شهرتني
زهراء كمت رفعت ايديني امطمط بيهم
_ هي مشتهيه ومستحيه هههههه
ضربتني على بنطني بايدها
هند _ميته على شكولاته الزفرة والقرآن اذا صار شي بي منوراجن الا ادفنجن بالبزل واسويجن
عبره لمن أعتبر
زهراء لزمت بطني وجعتني
زهراء _ ااه بطني ااااه
اخاف منها تضربني أعرف بيها خبله بس ماصدك بيها أبد تكول مااريده تجذب والله جاي تكابر وتتباهه بنفسها
بس علمود هي
الوحيدة بينه ما حابه رجال بعمرها _وأني الليل والنهار ادعي توكع بحب ريان والله يهديها عليه وان شاءالله تقبل
بي اذا تقدملها مرة لخ
ريان وكفت السيارة بالمكان المطلوب جانت منطقة زراعية على البزول بكربلاء هو اجه مشي حتى سيارة ماكو
يمشي لوحدة لابس بنطرون
ثلجي وتيشيرت موروني شكله حلو ومعدل امداه هذا العار شلون يستغل بنات العالم ماعنده أم اخوات بنات عم خوال يصير وياهم مثل ماهو يسوي وي بنات العالم
والله حيروني هذوله شلون يستغلون البنات بهيج مواضيع وبدم بارد ثبتت الموبايل بالجامة خليته على
التسجيل الفيديو
جبت وياي صديقي اللي أثق بي وهو يكون ابن خالي الصغير اصغر مني بسنة انطيت بايده سلاح وكلتله اختل بالبزل اخاف يصير شي وياي اطلع صار الولد كبال السيارة
فتحت باب الصدر اله ...
_ تفضل أني الولد المطلوب من طرف نور
باوعلي شك بشكلي باوعلي قبل لايصعد وكال "
مدري وين شايفك ؟
ريان _ اكيد شايفني بالشارع لو بلامام المهم نرجع الموضوعنا .. تفضل اصعد خل نتفاهم
الولد _ محتمل
صعد سد الباب وكال "
الفلوس كاملة
ريان _ كاملة
يتبع ...
اريد كل شخص يعلق 5 تعليقات وخلوا لايكات علمود
القصة تعصد والكل يشوفها ....