Ezra
good evening clio
Clio
hi ez!
Ezra
are you free tomorrow?
or you'll go home in bulacan?
Clio
hala, hindi ako pwede bukas.
may gagawin kasi kami ng mga
kaibigan ko, e. bakit?
Ezra
i was planning to ask
you for dinner.
but it's alright! spend your
time with your friends
Clio
hala sorry talaga
tagal na rin kasing pinlano 'to
ng mga kaibigan ko e
sa susunod na araw na lang
Ezra
sure
thank you, clio
Clio
pero huhu kung pwede lang talaga
i-cancel 'tong pupuntahan namin ng
mga kaibigan ko, ginawa ko na!
Ezra
hahahaha
let's have dinner
when you're free
Clio
sige sige
uh, ezra, sige bukas nalang.
inaantok na rin kasi ako, e.
Ezra
really? okay
goodnight, clio.
sweet dreams.
__
"What did he say?" tanong sa akin ni Jupiter na abalang nagpapalobo ng lobo na gagamitin namin as decorations bukas.
Binigay ko sa kaniya yung phone ko at pinabasa yung convo namin ni Ezra sa kaniya. Binasa rin ni Brent 'yon dahil katabi lang din siya ni Jupiter.
"Ganyan pala si Ezra kay Clio. First time niya ulit mag aya ng ganyan sa birthday niya," sabi sa 'kin ni Brent.
"Nako-kornihan kasi 'yan sa mga birthday kaya hindi niya ganoong cinecelebrate pero kapag birthday naming magkakaibigan, game na game siya." dagdag pa ni Brent.
Pati birthday niya, hindi siya nae-excite? Hindi ko inasahan sa kaniya 'yon ah. Bakit parang ibang iba naman si Ezra sa pagkakakilala ko kumpara sa pagkakakilala ng mga kaibigan niya sa kaniya? Or baka dahil hindi ko pa ganoong kakilala si Ezra kaya ganito?
"Gago, kulang naman 'yung lobo na itim," sabi ni Lucas.
"Oy, brent, naaalala ko pa sinabi mo kanina," sabi ni Troy kay Brent.
Hindi siya pinansin ni Brent na patuloy lang ang pag-ihip sa lobo. Ba't kaya hinihipan pa ni Brent yung lobo kung meron naman dito na air pump?
"May shanghai ba bukas?" tanong ni Matthew na nakahiga na sa lapag habang nagp-phone.
"Tanga, ikaw nga magluluto n'on," sagot sa kaniya ni Julian na may kinakalikot sa laptop niya.
"Guys. Can you please drop your gadgets? Help us naman," sabi sa kanila ni Chanel.
"Oo nga, pabigat kayo ah," sagot ni Lucas.
Si Troy at Lucas abala sa hindi ko alam kung ano 'yung ginagawa nila. Si Jupiter, Brent, at Yohan ay abala sa pagpapalobo. Si Julian at Matthew mga nakahiga at inaatupag ang mga gadgets nila. Si Titus at Jun, nasa kusina ata pinag-uusapan ang mga iluluto nila bukas. Kasama rin nila sila Tita Elle at Ate Sloane.
At ako? Inaabutan ko 'yung tatlo ng lobo. Iniisip ko rin kung ano ang magandang regalo na ibigay kay Ezra. Sabi naman niya hindi raw siya materialistic pero hindi naman kasi maiiwasan na magbigay ng material na bagay as a gift.
"Hoy," nabalik ako sa reyalidad nang bigla akong sampalin ng lobo ni Jupiter. Gago talaga!
"Bwisit ka," sagot ko at ginantihan ko siya.
"Pag 'yan pumutok, ikaw uulit n'yan," pananakot niya. Nag-make face ako at sinabi na okay lang. Sus, magpapalobo lang. Napaka-easy.
"Iniisip mo ba gift mo kay Ezra?" biglang tanong sa akin ni Yohan.
"Oo. Hindi ko talaga alam kung ano ibibigay ko sa kaniya," sagot ko.
"Pagmamahal," sagot ni Brent. Hinampas siya ng unan ni Matthew dahilan ng pagkahiga niya sa lapag.
"Kadiri ka naman. Pagmamahal ampota," sabi ni Matthew.
"Totoo naman," sagot ni Brent.
"Fine arts student ka, 'di ba?" tanong sa 'kin ni Julian.
"Oo,"
"Try to draw or like, paint a portrait of him. I'm sure he will have it framed. Baka nga ilagay pa niya sa bedside table niya,"
Oo nga, no? Bakit hindi ko naisip 'yon? May paggagamitan din naman pala 'tong talent ko sa pagda-drawing!
"Dala mo laptop mo?" tanong ko kay Jupiter.
"Hindi, e...Hoy, Julian, clio is wondering if she can borrow your laptop," kinurot ko si Jupiter dahil bigla na lang niyang sinabi kay Julian 'yon.
"Hindi na! Okay lang. Baka may ginagawa ka pa," sabi ko kay Julian na nahihiya. "Gago ka talaga." bulong ko kay Jupiter.
"Okay lang, Clio. Is-save ko lang 'tong film namin then papahiram ko na," sabi niya. Wala na akong nagawa dahil um-oo na lahat pati mga kaibigan niya. Tumayo si Jupiter at pumunta sa second floor.
Mga ilang minuto lang, nakabalik na agad siya na may dala-dalang drawing materials. "Oh, gamitin mo. Kay Ezra 'yan." sabi niya.
"Luh, baka magalit 'yon! Okay lang. Magp-paint na lang ako sa laptop ni Julian," sabi ko sa pinsan ako at pilit na ibalik sa kaniya yung mga kinuha niya.
"He doesn't use that anymore. And he won't get mad if ikaw ang gagamit," sabi niya.
Sumangayon na naman ulit sa kaniya ang mga kaibigan niya kaya wala akong nagaw akung hindi kuhanin na lang ulit pabalik sa kaniya yung mga drawing materials. Mga ilang minuto rin, binigay na sa 'kin ni Julian yung laptop niya.
Niligpit na rin nila ang mga gamit na ginamit nila kanina. Binuksan din nila yung napakalaking TV na nasa sala nila Ezra. Manunuod daw sila ng movies sa Netflix. Gusto ko sana pahinaan yung aircon kasi nanginginig na 'ko dito sa lamig pero nakakahiya naman sa kanila.
"Tuloy natin 'yung Lucifer," suggest ni Titus na kakabalik lang mula sa kusina.
"Umbrella Academy na lang. Hindi namin nasimulan 'yang Lucifer," sabi ni Matthew.
At nauwi sila sa movie na hindi naman nila pinlano. Habang nanunuod sila, nagp-paint ako sa laptop ni Julian. Nag-search muna ako ng picture ni Ezra na pwedeng pagbatayan. Ginamit ko yung picture niya na may hawak siyang bulaklak. Fake siguro 'tong bulaklak na 'to.
Mga dalawang oras kong ginawa 'yung pinaint ko. Nadalian lang ako dahil merong binigay sa 'kvin si Julian na drawing tablet. Nagtaka pa ako kung bakit dala dala niya 'yon, nasama lang daw sa sasakyan niya.
Nakadalawang movie sila nang bigla silang antukin. Paunti ng paunti ang tao dito sa sala habang ako abala pa rin sa pagd-drawing. Pakiramdam ko kasi hindi enough yung pinaint ko sa tablet kaya ginamit ko na 'yung inabot sa 'kin ni Jupiter kanina.
"Clio, matutulog na 'ko. Nasa kabilang living room si Ate Sloane, ah. Tanong mo na lang sa kaniya kung saan ka pwedeng matulog," paalam sa 'kin ni Jupiter. Tumango na lang ako nang hindi siya tinitingnan.
Naiwan akong mag-isa ngayon sa sala. Sinilip ko sa phone ko kung anong oras na.
11:34 PM.
Late na pala n'on pero bakit hindi pa 'ko inaantok?
"Clio? Why are you still up?" tiningnan ko si Ate Sloane na papalapit sa 'kin. She was wearing a black nightgown while her hair was updo. She also removed her makeup so she looked fresh and even more youthful. Ang ganda ng skin niya!
"May din-drawing pa po ako," sagot ko.
Sinilip niya ang din-drawing ko kaya medyo nahiya ako. Hindi naman talaga ako nac-conscious sa ganito pero ngayong si Ate Sloane ang tumitingin, nahihiya ako. "Wow, you're great!"
"Geez. You're freezing, Clio! Why did you not tell me? Wait, I'll get you clothes to change into," bago siya umalis, hininaan niya yung aircon. Sa wakas. Akala ko maninigas na ako dito ng tuluyan.
Tinuloy ko 'yung ginagawa ko nang bigla namang lumitaw sa harapan ko si Tita Elle. May dala dala siyang tray na may pagkain at tubig. Pinatong niya 'yon sa table kung saan ako nagd-drawing pero sinigurado niya na malayo 'yon sa 'kin para hindi 'yon matapon sa din-drawing ko.
"Good evening, Hija" bati niya at umupo sa sofa na nasa harapan ko. "What is your course, Clio?"
"Fine arts po," sagot ko.
"Really? That was Ezra's dream course before," sabi niya na ikinagulat ko. Dream course? Hindi ba't theology ang dream course niya?
"Po?" nalilito kong sagot.
"My son probably told you Theology is his dream course, no?" tumango ako. "That's a lie. I know my son. Being a priest isn't his actual dream. It's more like his friend's dream and he wants to continue it."
"Po? Sino pong kaibigan?"
"I'm uncertain if she was just a friend or something more than that, but Ezra had been so fond of her so probably it's the latter."
"Hi, Mom! Why are you still awake?! I told you to sleep na," napatingin kami parehas kay Ate Sloane na may dalang sweatpants na gray at knitted sweater na nude pink. "Here, Clio."
"Thank you po," sagot ko. Tinuro niya sa 'kin kung saan pwedeng magpalit kaya sumunod na agad ako. Nanlalamig na talaga ako ng sobra! Si Chanel naman hindi ko mahagilap! Siya na nga lang ka-close ko dito, iniwan pa 'ko!
"It looks good on you," sabi ni Ate Sloane nang makabalik ako sa sala. Hiyang hiya ako na bumalik sa pwesto ko kanina at umupo na ulit ako sa lapag at nag-drawing.
"What were you talking about earlier? You look serious," tanong ni Ate Sloane kay Tita Elle.
"About Ezra and his dreams,"
Napa-ayos si Ate Sloane ng upo at nanlaki ang mata. "What?... I don't think you should be revealing that to her, Mom. Let Ezra tell her those...We don't know his side well."
"I did not reveal anything, daughter. I just told her about Ezra's dream course."
"Duh, Mom! It's the same," sagot ni Ate Sloane.
Naalala ko na parang ang sensitive topic para kay Ezra ang about sa family niya pero parang they get along well naman? Ano kaya ang problema?
"Hija, you should eat your snacks first. You did not eat much earlier," tumayo si Tita Elle at kinuha yung tray sa kabilang side at nilagay malapit sa 'kin.
Red velvet cheesecake ang nasa platito and a glass of water lang. Sinubuan pa niya ako nung una para kumain talaga ako.
"Kayo po nag-bake nito?" tanong ko. Ang sarap kasi! Hindi ako mahilig sa red velvet dahil hindi ko ganoon ka-gusto ang lasa pero kakaiba 'tong pinakain nila sa 'kin.
"My son baked that,"
"Si Ezra po?" gulat kong tanong. Tumango sila parehas ni Ate Sloane. Napanganga ako sa nalaman ko. Kayang mag-bake ni Ezra? Ano pa ba ang hindi niya kayang gawin? Kaya naman pala nagustuhan ko 'yung cake, siya naman pala ang gumawa! Iba talaga kamandag mo, men!
"I'm sleepy. Anne. Wait for her to finish...Goodnight, Clio," paalam niya sa amin. Binati ko siya pabalik at kumaway lang si Ate Sloane sa kaniya habang kumakain ng pringels.
"What did she tell you?" biglang tanong ni Ate Sloane nang makaalis si Tita Elle.
"Uh, sabi niya lang po na fine arts ang dream course ni Ezra," sagot ko. Biglang huminga ng pagkalalim si Ate Sloane na parang napanatag siya.
"I'm sure Ezra will tell you about it someday. Just wait for him, 'kay? My brother struggles in making friends and trusting people because he's afraid he will be left alone," sabi niya. "That is why I'm glad that Jupiter and his friends are still beside him."
"I'm also pleased that you insisted to be close to him. If ever my brother hurt you indirectly or unconsciously, please try to understand him, hmm? He has been through a lot," pag-kwento niya.
Napaisip ako buong gabi sa sinabi sa 'kin ni Ate Sloane. Hanggang sa paghiga ko sa kama, hindi mawala sa isip ko yung mga kinwento niya. Ano kaya ang nangyari kay Ezra noon?
//; hello everyone!
hope you'll have a
nice day. stay safe.