#زوج أختي والماضي
بقلمي انا الكاتبة #رواء هادي
تابعوا حسابي على الانستغرامroyan4h@
لاتنسون تعلقون بين الفقرات وتخلون لايك قبل القراءة تشجيع لي من أجل الاستمرار ...
قراءة ممتعة للجميع.
بالطبع لديك أخطاء، لكن لا تسمح ﻷحد أن
يأخذ مكان الله ليحاسبك عليها ...
نبزتني اختي فاطمة "
دباعي شبيج انشليتي!
بلعت ريجي وجمعت كل قوتي وخليت الخجل على صفحة رعفت راسي باوعت بوجه هو جان صافن بي راسن دنكت
خجلانه ماتحمل احد يباوعلي بتمعن اخجل .
كال ابوي _ كومي يابه احجي ويا الوحدكم
بلعت ريجي وكلت بقلبي ..يريدني احجي ويا هو راح اموت من الخجل شلون احجي ويا لا يابة فدوة
مااريد استحي
فاطمة_ كومي احجي ويا كومي فضحتيني كومي
باوعتلها _ استحي
_ امده حظي تستحي ولج كومي احجي ويا
جم كلمة وارجعي
_ وين ؟
_ بره وين قابل
سمع الولد كال _ اذا البنية تخجل ماكو داعي
نحجي وي بعض
فرحت حيل بيبي كالت "
لازم تحجون وي بعض قبل الخطبة مايصير
كومي زهورة كومي
زهراء بيني وبين نفسي ( انتهيت )
عباس _ احجوا كلمتين تلاث مابيها شي ترى
اركان_ ماشي
كام اركان واني هم كمت بس احس . نفسي راح اموت بدمي خوف وخجل وتوتر ودكات قلبي صارت دمام
طلعنا بره وكفنه بالطرمة
هو كبالي واني وراه التفت علية يباوع واني
انظاري بالكاع خجلانة
_ ارفعي راسج اريد اشوفج عدل
بيني وبين نفسي ( لا يالكعبة )
رفعت راسي باوعتله يباوعلي بنظرات تفحص جميع انحاء جسمي وشكلي كال _ عندي شي تكولي لي ؟
_ اي عندي
_ تفضلي احجي ؟
_ أني جاي ادرس بالحوزة تعليمية علمود اصير ملاية مااريد اترك الدراسة اذا تمت الخطبة بيناتنه
_ ماشي راح تكملي بعد الزواج
_ أنت موافق
_ على شنو ؟
_ عالزواج ودراستي
_ هههههه
بقيت اباوعله يضحك مستغربة باوعلي بعيوني مباشرة وكال _ اذا ماموافق عليش دكيت بابج وطلبت ايدج يابه موافق وراح تكملي تعليمج يشرفني اخذ مرة تحب الدين الإسلامي وتمشي على خطوات فاطمة الزهراء(ع)
فرحت حيل كلتله"
شكراً عندك شي شروط حاب تكولها
_ اممم ..
_ ايي
_ معندي شي اكوله أني اعرفج واعرف كلشي عنج ماكو داعي احجي واشرط بعد أنتِ عندج غير هذا الشرط
_لا معندي
_ ماشي لعد تكدري ترجعين
أبتسمت بوجه رجع ابتسم رجعت دخلت للبيت بوجي عالغرفة ميته خجل بالكوة حجيت ويا ترى
هههه دخلت تلكتني هند
_ هااا
كعدت عالجرباية خجلانة _ حلوو
كعدت بصفي _ ادري حلو عجبتيه ؟
باوعتلها _ طبعا عجبته
_ كللوشش واخيراً راح تعرس زهورة
_ اسكتي هسة يكولون ميتات عليه
_ شنو ميتات عمي واكعات من القطار رجال
حلو ومعدل مثل اركان مايتفوت
_ خبلة هههه
_ من طلعتي ويا حجيتي شكالج؟
_مكال شي بس كال شنو عندج تكوليه واني كلتله على دراستي بالحوزة وكال موافق تكملي بعد الزواج
_ خوش سويتي
أجت أختي للغرفة وكفت كبالي وكالت "
الولد يكول موافق عليج أنتِ
شنو قرارج ؟
_موافقة
_ الف مبروك حبيبتي والله فرحتيني حيل
_ الله يبارك بيج
_ مدام الصوبين موافقين خل نقرأ الفاتحة
_ هسه ؟
_ ايي باجر يلتحق عالدوام علمود من يرجع
نكطع مهر سيد ومحكمة
_ هاا
_ ايي اني طالعة ارد الجواب
طلعت أختي سمعت صوت هلاهل صارت هند تصنف علية واني خجلانه حيل بس ماردت ابجي من الخجل هاي
حيوانه ماتغير عادتها ابد
وره دقائق قروا الفاتحة الخطبة اجن النسوان باركلي راحوا وراها طلعت ابوي باركلي واخواني وعمي واحمد خجلانه حيل آول مرة اخجل منهم بهالطريقة
كايلين وره مايرجع من..... الدوام راح نكطع مهر ياخذ إجازة بعد خمسة أيام فوك كلشي دوامة بالموصل والوضع هناك موزين ابد ويخوف
ثالث يوم من الخطبة مالتي ابوي عزم حمزة وانفال عالغدا اجوي أمي وحسين راحوا أني مرحت بقيت يم بيبي خطيه تعبانه حالتها صايرة
اجوي وره الظهر وكالوا عازمين انفال وزوجها عالعشة طنكرت أني رحت لفيت راسي ونمت ماحسيت له
شخص ينده بي
_ولج كومي زهراء
فتحت أعيوني بنعاس اشوف امي _ هاا
_كومي انفال وحمزة يمنه كومي بدلي وسلمي عليهم
كعدت بفراشي افرك بشعري "
بيش الساعة ؟
_ بالخمسة بيش يعني
_ هاا منو اجه وياهم ؟
_ بس انفال وزوجها عيال بيتها راجعين وابوج عندة شغل ماكدر يجي كومي سلمي عيب منك رجالها كومي
_ روحي ابدل واجي
_ انتظرج والمطبخ هم ينتظرج
_ ماشي
طلعت امي سدت الباب اثاوبت كمت لبست دشداشة وشال باوعت عالشكلي بالمراية مبي شي اخذت نفس
طويل وبعدها زفرت
_ راح اطلع اسلم على قليل الآخلاق
طلعت اول مادخلت ابتسمت هو باوعلي بضحكة "
السلام عليكم
رد _ وعليكم السلام شلونج زهراء
_ الحمدالله زينه وأنت شلونك
_ الحمدالله
رحت باوست انفال وكعدت بصفها ضربتني على رجلي وكالت_ انخطبتي وماكتي ؟!
ابتسمت _والله نسيت اكولج
_ دومج تنسين أنتِ
_ حبيبتي نفولة والله نسيت اعذريني وهي صارت بساع بساع لحد الأن مامستوعبة اني مخطوبة
_ يلا سامحتج ألف مبروك حبيبتي تستاهلي
_ الله يبارك بيج حياتي
رفعت راسي باوعت على حمزة ....... حسيته ضايج ماعرف ليش ؟ باوعلي بنظرات غامضة عيونه بيها
غضب مبينه كال _ حسين وين ؟
زهراء _ ماعرف ؟
حمزة _ ليش متعرفين
زهراء _ جنت نايمة
حمزة _ نوم العوافي زهورة
بيبي _ طلع يشتري كم شغلة هسة يرجع
حمزة _ هاا
استغربت من كال زهورة هذا شبي يدلعني كبال امي و بيبي ومرته امداك يانذل وفوك كلشي ماباركلي على
الخطوبة ؟
كمت وجان امي تكول "
قبل لا تدخلي للمطبخ خلي المي
على البرميل المي
_ماشي
طلعت بره ضايجة منه حيل وكارهته حيل سحبت الصوندة خليتها عالبرميل مي رحت اشغل الموطور شفته طالع بره ويخابر وانظاره علية ؟
ماهتميتله شغلت الموطور ومشيت منيمه سمعته كال بعصاب _ لتحلمي اخليج تزوجين وتتهنين زهورة
التفتت عليه خزرته"
بس كولي شتريد مني لاحكني ؟
_ تعرفي شريد ماكو داعي اكول
_ لا تحلم تاخذ الشي اللي رته بالماضي وراح
ازوج غضبا على خشمك
مشيت منيمه دخلت جوه البيت ماكول ما خفت لا خفت حيل بس كتمت كلشي بقلبي دخلت المطبخ خايفة حيل حيلي كله يرجف اخاف يسوي شي
ويخرب الخطبة كلها حجيت بيني وبين نفسي ( ربي ابعد شر حمزة عني وخلي الخطبة تتم والله اخاف منه حيل برأسه أفكار قذرة اتجاهي وأنت واعلم بها )
حمزة طلعت وراها سويت روحي اخابر شفتها شغلت الموطور واجت ناحيتي حجيت وياها بعصاب ضايج حيل من سمعت بيها مخطوبة البارحة بالليل لواحد من اقارب
زوج أختها
مستحيل اخليها تزوج وتتهنى بحياتها لأزم اخذ الشي الريدة منها بيى وسيلة كانت أني اريدها صاير أكثر من قبل صايرة أنسانه ثانية جميلة بكلشي
بس قبيحه حيل بسلوكها ولسانها حجيت بتهديد بس هي مخافت أبد باوعت بعيني .......وكالت ازوج غصب عنك هنا ضجت حيل ردت لزم ايديها واعلمها شلون
تتحداني بس وكفت من شفت أمها واكفة بعتبة الباب تباوع علينا أبتسمت بوجي ودخلت جوه هي هماات
دخلت جوه ضايجة مني اكيد
_ والله مخليج تزوجين تعيشين حياتج اذا ما اخذ اللي اريده فلا عافيج بحالج زهورة والخطبة تخرب
بس اصبريلي
زهراء اجه حسين .... جايب فواكه اخذتها منه رحت عالمطبخ اجت انفال يمي تسوالف شوي وراها أذن اجت
انفال علية بالغرفة كالت
_ اريد مصلاية الحمزة
كمت أستغربت هذا يصلي ؟ كتلها "
هسه انطيج
كالت _ اريد المصلاية مالتج
خزرتها _ مانطي مالتي هسه اطلعلج وحدة جديد
_ ماشي
رحت عالكنتور اطلع جان اسمع صوتها من عتبه الباب _ لا تعبي حالج اخذت مالتج ههههه
_ انفال رديها
_ باي
عصبت حيل منها اخذت ...... صلايتي لحمزة القذر واني متعوده اصلي بيها ومخلي احد يصلي عليها غيري
شلون هيج تسوي وتكسر كلمتي أني اعلمها
حمزة اجت انفال تضحك جايبة مصلاية بالون السمائي فرشتها بالكاع وكالت _ تعال صلي
كمت كتلها _ ليش تضحكين ؟
_ اخذت مصلاية زهراء غصب عنها ههههه
_ هاي مالت زهراء
_ ايي هي متقبل احد يصلي على مصلايتها
وأني جبتها لك غصبا عليها
_ عفيه عليج مريتي الحلوة
وكفت عليها أصلي لمحت زهراء من عتبة الباب تباوع بحزن ابتسمت لها بخبث قبل لا ابدي بالصلاة
حمزة كملت .صلاة لفيت المصلاية انفال كاعدة
يمي والحجية هم
_ انفال
باوعتلي _ هاا عيني
_ هاي المصلاية اريدها أني
انفال _ مالت زهراء شلك بيها
_ شكو بيها لو انطتها لنسيبها
الحجيه _ اخذها عيني قابل زهراء تعز عليك مصلاية
كومي اخذيها وخليها وي غراضج
حمزة كامت انفال اخذتها من ايدي وكالت _ ماشي بيبي
اخذتها وراحت كعدت يم الحجية مبين عليها تحبني كلت خل استغل الفرصة وابني محبه بيني وبين الحجيه
حبيبه قلب زهيرة الشيطانة
وراها اجه حسين وامها وانفال كعدوا الا هي ماكو لها أي أثر بقت بالغرفة اريدها تطلع مشتاق اشوف وجهها
بعد ماخذت المصلاية مالتها .
زهراء شبعت قهر من اخذت المصلاية مالتي وصله عليها هيج واحد قذر مثله بس ماردت ابجي وفوك كلشي
سمعته كال اريدها
وبيبي كالت اخذها لا هنا تمنيت اطلع ابتلي بي هذا النذل ماعرف لوين يريد يوصل وياي اخذتها انفال
وجت علية كالت
_ عادي ناخذ المصلاية مالتج
_ عادي حياتي
_ شكراً
_ العفو أخيتي
اباوعلها خلتها بالعلاكة واني شبعت قهر صارلها سنوات عندي واحبها كلش يجي بالحظة وحدة حمزة ياخذها مني نزلت دمعتي مسحتها قبل لا تشوفها انفال وتضحك علية
وتكول زهراء تبجي على مصلاية
وتروح تكوله ويكون يضحك علية اعرف انفال ماتظم شي بعدها طفلة ماتعرف شي وعلى نياتها خطيه ماتعرف رجلها واحد واطي وسافل ماعندة ذرة أخلاق
طلعت صبينه العشة كاموا ياكلون صاحت امي "
زهراء تعالي أكلي
رديت من غرفة _ ألف عافية ما اشتهي اكل
_ ليش ماتشتهين تاكلين ؟
_ ما اشتهي
كاعدة عالجرباية وأفكر بكلامة من كال مراح اخليج تزوجين اخاف يسوي شي مدام هو هنا بايت اليوم
وباجر الصبح يلا يرجع لبغداد
وامي من كل عقلها دا تصيحلي اجي اكل على نفس السفرة وي حمزة هو اني كبال عمي استحي اكل
انوب كبال قليل الآخلاق
تمنيت اليوم هند يمي بس حرامات رايحين البيت خوالها وهناك يباتون مدة ثلاث أيام بكربلاء بس هي تكدر لحمزة وتعرف شلون ترده مو مثلي جبانه
كملوا العشة طلعت اغسل الماعين طلبت انفال تساعدني مقبلت كتلها صبي الجاي أنتِ واني اكمل غسل
ماعين والله سوت مثل ما كتلها
اجت امي _ ليش ما اكلتي ويانه ؟
التفتت عليها منيم السنك "
مو كلت ما اشتهي اكل
_ عيب عليج اول مرة اختج وزوجها يجون
للبيت جان كعتي عالسفرة على أقل
_ يمة من سابع المستحيلات اكعد واكل وي شخص غريب
_ موغريب هذا زوج اختج وي عباس تاكلين
_ عباس غير وحمزة غير يمة فدوة اروحلج عوفيني بحالي
_ شبيج عيني ؟
_ تعبانه حيل والله
_ شبيج تعبانه شصاير وياج اخاف مريضة ؟
_ يمكن دا اتمرض
اجت علية خلت أيدها على كصتي وكالت "
هاي صدك حرارتج مرتفعة
خل اجيبلج علاج
_ مااريد
_ بكيفج امشي أني دومج مهملة هاي تمرضتي بعز الصيف
فتحت الثلاجة طلعت علاج ..
تعالي اخذي وعوفي الماعين
أني اغسلهن
كعدت كبالها اخذت علاج .... مدريت بروحي راح اتمرض من الخوف من حمزة احس راسي راح ينفجر من كثر التفكير شراح يسوي مايسوي ؟
ردت اغسل الماعين امي مقبلت وكالت اني اغسلهن بعدين أمشي اكعد يمه الخطار عيب
كتلها _ فدوة لا تكولي أني مريضة
_ ماشي امشي اطلعي بس سلمتي وبعدها سكنتي المطبخ والغرفة هسة شيكول رجل اختج ؟
_ راح اطلع
طلعت امي واني وراها امشي .... مدنكه كعدت بصف بيبي وكبالي كاعد حسين وحمزة حسين كام اجه أتصال
طلع بره حسيت حمزة يباوعلي
بس بقيت مدنكة وهم يسولفون غمضت اعيوني بوجع راسي واحس نار تطلع من وجي وجسمي حرارتي
ارتفعت رجعت فتحت اعيوني
رفعت راسي باوعت على حمزة هذا غمزلي عين وانوب سوه روحه يفرك بعينه بيبي كالت
_ شبيك بيبي ؟
_ ماعرف شنو فات بعيني
بيبي _ كومي انفال شوفي شبيها عينه كومي
كامت انفال تشوف شنو فات بعينه وأني ادري بي يجذب غمز عين لي وشوفته أمي وسوه روحه شي فات
بعينه واحد نذل وملعب
انفال كاعدة كباله تفحص بعينه كلت بقلبي ( ولج راشدي زين جيبيه هذا جذاب كلشي مبي )
كالت _ شعرة من رمشك واكعة هسه شلون صارت ؟
_ زينه
كامت انفال باوعلي عينه حمرة صارت تدمع وأني ادري سواها حمرة لأن فركها بايده قوي وتأذت
أمي _ سوده علية يمة عينك صارت حمرة
حمزة _ عادي عمه هسة ثواني وتطيب
دخل حسين كعد باوع على حمزة وكال"
.شبيها عينك حمرة ؟
حمزة _ فاتت شعرة من رمشي بيها فركتها صارت حمرة
حسين _ ههه بسيطة هاي
حمزة _ هههه كلش بسيطة
بقوا يضحكون . وكل ثانية يباوعلي كرهت روحي كبال اهلي وبيتي حمزة مسويني فرجة له بقوا يضحكون
ويشاقون واني احرك بدمي اخر شي .
كمت رحت على الغرفة فرشت افراشي اخذت البطانية ونمت اجتي وراي انفال كعدت بصفي
_زهراء شبيج اليوم مو على بعضج
باوعتلها _ مريضة انفال
شهكت _ شبيج مريضة ؟
_ ماعرف راسي دا يوجعني وحرارتي مرتفعة
تلمست كصتي وكالت ... صدك حرارتج مرتفعة خل اكول الحسين نوديج للدكتور
_ لا ماكو داعي اخذت علاج هسه انام واكعد الصبح زينه
_ براحتج احنا راجعين على بيت أهلي
_ ماشي حياتي
باستني من خدي وكالت _ تصبحين على خير
_أنتِ من اهل الخير أسفة ماكعدت وياج مثل كالمرة
_ يمعودة معذورة أنتِ ديري بالج على نفسج
امر بيج الصبح عود قبل لا نروح
_أهلا بيج
طلعت بره الغرفة لفيت راسي ونمت أني ماحسيت
على روحي الا انفال تنده بي
_ زهراء كومي
فتحت عين وحدة عبالي بحلم أني "
نفولة اكعدي مني خل انام
رجعت تلفلفت بالبطانية "
زهراء كومي خل اطمن عليج
قبل لا ارجع عالبيت
حسيت على روحي فشلت خررب هاي صدك جايه لعد اني راحت على الصلاة الفجر كعدت مثل الخبلة كتلها
_ بيش الساعة ؟
ضحكت _ الساعة بالثمانية الصبح
_ لا يالكعبة راحت على الصلاة الفجر ربي سامحني
_ شلون صرتي ؟
تلمست كصتي _ حرارة ماكو وراسي ماجاي
يوجعني يعني صرت زينة
_ الحمدالله بالي يقى يمج زهورة كومي غسلي
وبدلي وتعالي سلمي على حمزة
_ ليش هو هم اجه ؟
_ لعد منو جابني غير هو راح نرجع مسافة
الطريق ويكون سيف هنا
_ هاا
طلعت هي كمت بدلت لبست الشال بلعت ريحي احاول اكون قوية من اطلع كبال حمزة بس نقهرت على أختي ماكلة همي خطيه اجت من الصبح علية علمود تطمن
متدري زوجها مخلي عينه علية ويحاول ينزع شرفي هسه شلون اني لازم لكة حل بسرع وقت كان واتخلص
من حمزة وخلي يجر عدل
طلعت الباب كبالي حمزة صار سلمت علي وسلم انظاري بالكاع ابد مارفعتها سألني ..حسن شبيه جنت مريضة كلتلع ماعرف فجأة وتمرضت بس هسه صرت احسن
وراها فلتت عالمطبخ غسلت نشفت وجي رجيت ظهري عالسنك أفكر( حمزة مايبطل مني أعرفه يريد شي والشي اللي يريده لا يموت ماراح اسلم حالي له )
لازم لكة حل بسرع وقت علمود اخلص منه بلكت
ازوج اركان واخلص ويبطل مني هل سافل
مرت ثلاث ايام . ....بلمح البصر اجت هند علية اول ما اجت خطيه جايبتلي هدايه وياها كاعدين بغرفة بيبي
بس اني وياها نحجي
_ قليل الآخلاق شسوه ماسوه ؟
_كلشي ماسوه تعشوا وراها راحوا وثاني
يوم الصبح هم اجوي
_ يعني صاير ادمي
_ماعتقد صار أدمي بعده حيوان
_الله ياخذه لا تهتمي راح تكطعي مهر بعد ثلاث
أيام وتخلصي منه للأبد
_ ان شاء الله
بقينا نحجي ونحجي اجه ابن خالها عمرة ١٤ سنة دخل للغرفة وكال _ هنودي تعالي يصيحوج
_ منو يصيحلي ؟
_ امج
_ خير شتريد امي
_ معرف روحي شوفيها شتريد
_ جايه اطلع أنت انتظرني بره
طلع الولد _ رايحة اشوف شتريد وارجع اوك
_ اوك حياتي
هند لبست العباية وطلعت وراه ابن خالي شفته واكف بره بالباب يضحك من شافني كال
_ هنودي ترى مقلب هههههه
_ مقلب شنو ولك ؟
_ محد يصيحج بس حبيت اضحك عليج قبل
لا ارجع عالبيت ههههه
عصبت حيل باوعت يمنه يسره اريد شي اضربه بي شفت حصوه شويه جبيرة جانت اخذتها بايدي هو فتح
الباب بخوف وكال
_ انه اخوك ياعامر افلت
ركضت وراه طلعت بره الباب رفعت ايدي شمرت الحصوه نصدمت اجت بظهر رجال لابس كله اسود واكف كبال
السيارة سوده هو راسن عاط وإلتفت
ابن خالي صاح _ خررب بيومج هند ضربتي الرجال
هند بقيت متجمده بدمي ضربت رجال بالشارع منورة ابن خالي خررب وين جان عقلي اني ؟
صدمت عمري جات من التفت طلع ريان بقيت فاتحه حلكي بصدمه جان يكول بصوت عالي متعصب
_ ماتستحين على نفسك تشمرين حصوه بنص
الشارع بعد أكبري زرفتي ظهري ااااخخ
خجلت حيل كلامة صح ماعرف شكول هو جان قريب كلش والحمدالله مجان اكو احد بالمنطقة مالتنه بس ابن
خالي وهو واني
ابن خالي _ أسف عمي حقك علية أني مو عليها هي جانت تشمر علية وبالغلط اجت بيك
ريان _ عليش تعتذر ماتعتذر هي وهي مو زعطوطة تركض وره الزعاطيط بنص الشارع
هند أول مرة أشوف .....ريان هيج متعصب ويخوف وصوته عالي شبي متحمل علية عبالك رفعت راسي اخذت
نفس زفرت
_ أسفة اخوي مو بقصدي اذيك
التفتت علية باوعت باعيونه حمر دم صايرات فوك
كلشي زرق بزراق البحر خزرني وكال ..
_اعتذارج مرفوض يابنت الناس
_ خررب هذا شبي ؟ متخبل هسه هي حصوه
اجت بظهره قابل طلقه فايته بظهره
ابن خالي _ عمي شتريد أني حاظر بس عوفك من
هند هاي خبله وماكو عقل براسها
التفت على ابن خالي وكال _ أنت مالك دخل هي المذنبه وخبلة لنفسها مو على الناس
هند خفت حيل صرت ارجف اخاف يسوي مشاكل بالمنطقة لا يروح يكول الاهلي علية واكل كتلة معدلة من ابوي واخوي وامي نزلت عالشارع أمشي
بتجاههم كلت _ اخوي فدوة العمرك جفي الشر
والله مدري بيك جنت هنا
التفت علية بسرعة خزرني بعيونه الزرقة حسيت سهم وفات بنص صدري من الخوف يخوف حيل هذا من يعصب واني عبالي كيوت من يعصب يبقى
_ منين جاي أخوج أني اجفي الشر شنو أنتِ أساس
شر في شر أنتِ بس مال اذيه العالم
هند عيوني انترسن ادموع آول مرة واحد يحجي وياي هيج وبصوت عالي بس مارد يضربني وأني مو بقصدي ضربته والله اجت بالغلط
ابن خالي _ عمي هسه شنو المطلوب
ريان يباوعلي بعدة واني واكفه
مدنكة للكاع"
المطلوب ؟
ابن خالي _ ايي المطلوب
ريان _ هند
هند رفعت راسي مستغربه ودموع تنزل كال أسمي ابن خالي _ هند شبيها ضربتك بالغلط وعتذرت
ريان _ قصدي هند تعتذر مرة ثانية
ابن خالي _ هاي سهلة يابه هند اعتذري وخل نرجع عالبيت
هند اخذت نفس مسحت دموعي امداني بجيت كبالة هسه يكول جبانه تخاف مني _ أسف ريان
أبتسم _ عتذارج مقبول تكدري تروحي عالبيت
بلعت ريجي وكلت بقلبي "
هذا شبي تحول صار كيوت ؟ يالله الزلم
مخابيل كل دقيقة برأي
مشيت من يمه جان قريب كلش عني انظاري بالكاع ابن خالي كال _ ظهرك خوما متأذي ؟
_ يمكن نكسرت فقرة بظهري
_ روح عالدكتور وشوف
_ لا يابه مومال دكتور
هند ضحكت بيني وبين نفسي "
واخذت بثاري من ريان ههه
ابن خالي _ ان شاءالله مبيك غير العافية بس
اني مشايفك هنا من قبل ؟
ريان _ ولا اني شايفك
ابن خالي _ اني فارس من كربلاء المقدسة واكون
ابن خال هاي الخبلة اليوم اجيت
ريان _ هاا اهلا بيك اني ريان وهنا عمتي تسكن فاليوم الصبح رجعت من ايران وكلت امر بيها واسويلها مفاجأة
اثاري أني شفت مفاجأة حلوة
هند ضحكت بصوت عالي متحملت ... هههه
ابن خالي _ شبيج تضحكين فوتي جوه ام مشاكل مايجي منوراج بس المشاكل الله يساعد الرجال الياخذج
شلون يتحملج مدري
عصبت حيل منه هذا صار رجال براسي كبال ريان ويرزل خل اوصل البيت واني اعلمه مشيت سمعت ريان كال
_ اذا يحبها يتحملها شلون ماهي
ابن خالي _ ومنو يحبها هاي عمي
هند تعصبت حيل مال اعيط بي بس استحي من ريان خل افوت جوه وبعدين يجي الحساب
ريان _ وشبيها محد يحبها ؟
ابن خالي _ عمي خبلة خبلة ولسانها اطول منها ايدها والضرب وهاي أنت اجتك ضربة تاهيه منها
ريان _ ههههه عادي فدوة لها
هند أبتسمت من هيج كال عني فتحت الباب دخلت جوه نزعت العباية _ اليوم فارس اسوي شهر مارس والله الا اجبه جب شلون يكول عني خبلة ام السان طويل وام
مشاكل كبال ريان شلون
بقيت واكفة بالطرمة أنتظر فارس يجي علمود احاسبه شلون يكسر بي كبال ريان شلون
_ لحظة ريان شيسوي جان كبال باب بيتنه ؟ بيت عمته بعيد عن هنا لا يالكعبة بس لا جان يراقبني؟!
مشيت كم خطوة _ هذا بعده يراقبني ؟ والله مبين من كلامة من كال اليحبها يتحملها مثل ماهيه سوده مصخمه أول مارجع من السفر اجه لهنا يمه لحكيلي بس لا رجع من جديد وراي كلشي ولا هاي وفوك كلشي ضربته أني
هسة يظمها لي والله
خل ارجع يم زهراء وكوللها باوعت ... عالشمس صارت حمره راح تغرب واحنا كاليوم هيج وقت نروح عالامام
نزور لبست العباية اريد اطلع
وكفت _ لا ماكو طلعة ريان هنا موجود واكيد جاي يسولف ويه فارس يربي هسه ينكت كل خبالاتي الريان هذا واحد زعطوط ويخرط كلشي بسرعة
شلون هسه شلون منين طلعتلي ريان مو رحت وخلصت و ارتاحيت كلت اثاري تيتي تيتي مثل مارحتي اجيتي
زهراء أنتظرت هند ما اجت كلت نروح عالامام وأني مكدر اروح لواحدي كلت اروح اخابرها واشوف
وين صارت هاي الخبلة
شلت الموبايل أبيدي جان يدك أختي فاطمة
فتحت الخط...الوو
_ ولج زهراء سوده بوجج اركان ماات ماات
نصدمت من سمعتها كالت اركان مات وتحققت
مخاوفي بلعت ريجي كتلها"
_ شلون ماات فاطمة ؟ شلوون
_ طالعين دورية و ربعة ومفجورة عليهم عبوة كلهم ميتين ولا واحد منهم ناجي يمكروده يأختي مات الرجال
نزلت دمعتي _ الله يرحمهم
_ الله يرحمهم برحمته الواسعة ...مقهورة عليج زهراء
_ شسوي هاي قسمتي ونصيبي من الحياة لاتنقهري
نكطع الاتصال بيني وبينها ماكدرت اتوازن وكعت عالجرباية دموع تصب خليت اديني على وجي وابجي تحققت كل مخاوفي ومنا حمزة من صفحة طلعلي
كنت متأملة اركان اتزوج واخلص من حمزة للابد اثاري راح يبقى وراي والماضي راح يرجع يطاردني من جديد مر
أسبوع كامل وأني اسمع كلام يكطع القلب
من الاقارب ومن مرت أبوي يكولون عني بومه فكر كرطت الرجال وره أيام من الخطوبة حالتي النفسية زادت
سوء كمت ما اطلع من البيت أبد
حتاا ماروح للحوزة ولا ازور تجي لعندي هند تحجي علية كبالها اصير زينة وامثل السعادة بس بداخلي أحزان والألم ماينوصف أبد والخوف أكثر
متملكني من ناحية حمزة أخاف ياخذ خطوة قذرة ناحيتي ويدمر حياتي وحياة اختي ويا أني ماكلة
هم اختي اكثر ماماكلة همي
سمعت حجي من مرت أبوي ماينبلع أبد من اجت وي ابوي كالتلي أنتِ بومه فكر كرتي الرجال شنو من بنية أنتِ بعد
محد يتزوجج كلها تخاف منج وحده فكر ونحس
كلامها جان قاسي...... حيل علية أني شنو ذنبي
هذا أمر الله سبحانه وتعالى
ماعرف ليش الناس بهيج مواضيع يشمرون لوم كله على البنية عبالك أني موته مو الله امر عزرائيك عليه السلام
بقبض الروح عبالك أني قابضة روحه
أستغفر الله وأتوب إليه، الناس بعدها جاهلة ومتخلفة ، وماترحم البنيه ، متدري هيج كلام يدمر ، ويكسر القلب ، ويحطم المعنويات ، ويخلي الإنسان يكره روحة
وقت العصر دخلت علي أمي جنت كاعدة أقرا
قرأن كريم وكفت كبالي تباوعلي
_ يمة زهراء كومي روحي البيت عمج
انتظرتني اكمل قرايه كملت بست المصحف الشريف خليته كبالي بالكاع عالمصلاية باوعتلها
_ مالي نفس اطلع
_ شنو مالج نفس أنتِ تدرين شمسوية بروحج دا
تعذبي نفسج حرام عليج هيج تسوي
أخذت نفس زفرت هوى احس روحي مختنكه اريد
ابجي بس مااريد انزل دموع بعد كافي
_ أعرف حرام بس شسوي موبايدي يمه مكدر
كعدت كبالي مدت ...... ايديها الآثنين شمرت روحي بحضنها صارت ادموعي تنزل عشرة على عشرة
_ يمه ليش أني حياتي نحسه وكلشي أريده ماجاي يصير
حسيت بامي هم جاي تبجي اخذتني بحضنها بقوة وكالت
_ هذا أمر الله وماعليه اعتراض لا حياتج حلوة ماعليج
بكلام اللي ينكال هاي الناس تحب تحجي بكيفها
_ بس حجيهم صدك
بعدتني عن حضنها باوعت بعيوني ايديها على أكتوفي
_ شنو الصدك بالحجي مالهم ؟ هاا أنتِ بوما لو نحس ترى ماكو أنسان بوما لو نحس هذا كله قضاء وقدر وهذا المكتوب من الله سبحانه وتعالى وأنتٓ كافي تشأمي وخليج
اجابية أريد زهراء ترجع كومي غسلي
كامت منيمي باوعتلي _ كومي غسلي وابدلي خل
نروح نزور صارلج أيام مطالعة من البيت
مدنكة للكاع _ ان شاءالله
طلعت أمي مسحت ....... ادموعي أخذت المصحف الشريف خليته بالمكتبة لمعلكة بالحايط رجعت لفيت
المصلاية خليتها بالمكان المناسب لها
طلعت بره الغرفة ردت ادخل للمطبخ علمود اغسل
وكفت على صوت بيبي ،
_ هنودي شوكت تجي ؟
التفتت ناحيتها وأبتسامة مزيفة على شفاي هي هم ابتسمت من شافتني أبتسم _ يمكن فد شوي تجي بيبي هم تروحي ويانه نزور الآمام على (ع)
_ مبيه حيل بيبي
_ منو يبقى يمج ؟
_مرت عمج منو يبقى
_ عمتي تبقى مدري
_ روحي غسلي وبدلي هسه تجي هنودي
الخبلة تخبصج خبص
_ هههه اي صدك
حمزة حياتي وي انفال حلوة والحلو بانفال تسمع الكلام وماتظم احجاية عليه نزعت العباية منها مااحب
البنية اللي تلبس عباية واحنا هنا ماكو
وحدة تلبس عباية كلهن سافرات كلت شوي شوي احليها تنزع الحجاب احب البنية السافرة مثل اخواتي ماحب الملتزمة العصر طلعنا أني وياها بره نتمشى
بالمنطقة ايديها بايدي كتلها _ انفال
_ هاا حمزة
_ شخبار اختج البوما؟
وكفت باوعتلة مستغربة ؟ _ منو اختي بوما ؟
_ ليش اكو غيرها لكرطت خطيبها قبل كطعان المهر
_ هاا زهراء زينة الحمدالله بس لا تكول
عليها بوما ترى هذا أمر الله
_ انجبي انفال بوما ونحس
_ لاا
_ كولي أيي ولا تعصبيني
_ وليش تتعصب ؟ أختي مو بوما بس خطية
معدها حظ بالحياة
_ هن دائما الحلوات معدهن حظ من الله اشاقه
وياج ترى زهورة حمامة بيضة حلوة
_ أي صدك والله ... وين نروح
_ خل نرجع ضجت
_براحتك
طول الطريق اتخيل انفال زهراء وأبتسم الله سهلي العملية كلها جنت نأوي اخرب الخطبة قبل لا تكطع مهر سيد لو محكمة قبل لا اخذ الخطوة مات الرجال هههههه
هي كوة الله يريدها لي أني لعب بيها لعب .
وصلت عالبيت انفال راحت تبدل وأني كعدت بالصالة طلعت الموبايل مالتي اراسل صديقتي تبارك بقيت تراسل وياها ونحجي حجي كبار
هي تشتغل بالملهى ليلي أعرفها صارلي ٢ سنوات علاقتي بيها كلش قويه كالت ... مشتاقتلك شوكت تمر بينه
كتلها _ ان شاءالله أمر بعد يومين وأني الأكثر مشتاق
اجت اخلاص كعدت كبالي تباوعلي واني اضحك
مندمج وياها كالت _خيرك تتمضحك ؟
رفعت عيوني كتلها _ وأنتٓ شعليج
_ صدك شعلي بيك طبك طووب
_ اليوم بالبيت شعجب مطالعة تفترين وي جماعتج
_مالي نفس اطلع
_ دوم ان شاءالله مالج نفس علمود تكعدي بالبيت
_ لا حبيبي باليل نطلع نفتر ومالت إكعد بالبيت
هاي مستحيل عندي ..اكلك ابوي وين؟
_طالع يم ربعة
_ هاا
_ اكو شي عندج وي ابوي
_ ايي والله اريد منه شغلة
_كولي شنو هاي الشغلة
_مالك علاقة أنت
_ ماشي مالي علاقة
انتبهت تبارك دزت صور لنفسها شبه عارية شفت امي اجت راسن كتلها _ بعدين احجي وياج
سديت الموبايل عفته بجيب البنطرون كعدت أمي بصف اخلاص تباوعلي وكالت
_ابشرك يمه حمزاوي
_ اي يمه بشريني ؟
_ابوك سوالك وساطة وراح يطلع تعينك
فرحت _ صدك تحجين
_ ايي والله اليوم اخذ غراضك كلها ونطاها الواحد من اصدقائه وكايل لابوك ان شاء الله عالسنة
الجديدة يطلع التعين مالتك
_ وآخيرا زين بفلوس بلاش ؟
_ والله يمه بلاش ابوك مسويله شغلة
_ هاا
اخلاص _ وهاي راح نخلص من مصروفك الزايد
_ اووف منج اخلاص
ضحكت وكامت ولا تهتم لي عبالك جاهل كبالها مو أخوها امي وابوي مدللينها دلال لأن الجبيرة مالتنه وفوك كلشي مفصولة عن زوجها ونظلمت بحياتها يكولون
بس أني اشوف مامظلومة اعتقد هي رادت الطلاق منه علمود مبي خلفة وطلعت حجه يضربها ويعاملها بقسوة
بس علمود تنفصل عنه
مر شهر كامل على زواجي من انفال حياتي وياها عادية هي تساعد أمي واخواتي بالشغل اخلاص شالت أيدها صارت العود ماتشيلة ابد اكعدة وساكته مثل الأميرة
اني ضجت مااريد ......مرتي تشتغل لواحدها بالبيت واختي سارة بالمدرسة وامي عليها بس الطبخ بحرف الواحد لشغل كله واكع براس انفال
أريد احجي ويه أمي بس اخاف منها مابي حيل تتعارك وياي وتكطع المصروف مني اتحمل لما يطلع التعين مالتي وراح يكون أسلوبي غير أسلوب ويه اخلاص
انفال تعبت حيل .. بالنتظيف البيت جبير كلش وفوك كلشي قاطين رشا تساعدني خطيه بس هسه ماعرف ليش شالت ايديها وحتاا اكلهم صار يجيبونة من بره
عازلين عن البيت تعبوا من المشاكل عمي طلب منهم يعزلون بره البيت بس سيف مقبل كال معندي فلوس كافية
علمود اعزل وافتح بيت
وهذا البيت جبير راح اعزل فوك وأخذ الغرفة الثانية ومالي علاقة بيكم بعد اعتبروني واحد من والجوارين ينزلون يمنه وكت الليل يتعللون ويصعدون فوك
واني احس نفسي .... خدامة بالبيت مو جنه كله واكع فوك راسي كملت شغل عالساعة بال ١١ الصبح صعدت اسبح
سبحت وطلعت انشف بشعري
لكيت حمزة لازم الموبايل نايم عالظهره باوعتله _ حمزة كول لامك خل تخلي اخلاص تساعدني بالشغل
بدون مايباوعلي _ اشتغلي واسكتي
_ شنو اشتغل واسكت اني مو خدامة بهالبيت
باوعلي بعدم إهتمام _ لا موخدامة بس جنه واجب
على الچنة تخدم أهل زوجها
_ اهلك على عيني وراسي بس والله حمزة دا اتعب حيل بالشغل كاعدة من الثمانية الصبح بالشت بالشغل من
تسعة وساعة بال١١ يله خلصت
_ الله يعينج تحملي لما يطلع التعين مالتي
_ وهاي شجابها على هاي ؟
نزل منفوك الجرباية .....باوعلي بضحكة خل الموبايل بجيب البنطرون قترب علية اخذ بوسة من شفاي
باوعلي وكال
_من يطلع راح تعرفي
_ شضام علية حمزة ؟
_ماضام شي حبي راح يأذن أكلج ماناويه تروحين
لاهلج تبقين هناك جم يوم
فرحت كلت بقلبي ( ايي خل اروحزالبيت اهلي
واخلص من الشغل )
_ ايي والله مشتاقة للأهلي حيل خل ابقى
فد أسبوع هناك فدوة حمزة
_ من أعيوني الآثنين ابقي هناك أسبوع
حضنته بقوة ضحك وكال "
على كيفج يمعودة موهيج
يحضنون هههه
بعدت عنه _ راح تبقى وياي
_ لا راح اوديج وارجع
_ ليش متبقى يمي فدجم يوم هناك
_ افكر
_ اروحلك فدوة ابقى هناك فديومين وياي
_ الله كريم
طلع سد الباب وراها واني .....طايرة من الفرحة أريد اروح الاهلي واخلص من الشغل كله وصارلي هواي مرايحة من العزيمة مشتاقة لاختي زهراء
حيل خطيه لصار وياها حيل قهرني جانت فرحانة بالخطبة بس فرحتها مدامت ماات خطيبها وعافها الله يساعد قلبها حتاا هنا عيال بيتي
يكولون هاي بومه فكر كرطت الرجال من آول حمزة دافع لها بدالي وكال _ قضاء وقدر هي شعليها تذبون الوم عليها الحمدالله ماتزوجت لو كطعت مهر جان شحجت
وشكالت لو صارت ارملة
محد رد علية فرحت من رد على أهله ، حمزة لليوم ماحاجي وياي بشي ولا غالط جنت ..... خايفة منه بالبداية بس طلع عكس جنت مصورته أني حباب كلش
زهراء مرت أيام طويلة والحمدالله كدرت تخطه هاي الأيام بصعوبة وكلام الناس مايرحم....... أبد وبلأخر من الأقارب يكولون أني بومه فكر كرطت الرجال
رب الكعبة هسه أني شعلي الرجال والله اخذ روحه اني شكو لحد الأن بنات خالاتي ... يعيروني من يشوفوني واني متجاهله الكل مخليه بأذن طينه وبأذن عجينه
رجعت اداوم بالحوزة هند صايرة جبانه بالكوه اخذها شحط نزور ماعرف شبيها تكول ريان يراقبني
خربت عليها ضحك رجال يجي .. لهنا علمود عمته أخت ابوه ماعنده غيرها عمه هي الوحيدة ويحبها حيل كل يوم يجي لعدها وقت العصر هي تكول دا يراقبني وناوي
على شي موزين
كتلها خل اتواصل ......ويا وأعرف صدك جاي يراقبج مقبلت شسويلها أني بعد خل تبقى بالخوف مالتها
وقت العصر خابرت انفال وكالت راح نجي أني وزوجي راح يبقى هنا يمي مدة يومين وأني أبقى أسبوع كامل هنا فرحت حيل لها بس من سمعت راح
يبقى قليل الأخلاق نطعجت حيل أخاف منه راسلني قبل فترة عالمسنجر يضحك علية ويكول أنتي بومه فكر
وجه نحس كرتي الرجال
مرديت عليه راسن انطيته حظر عام من الفيس وخلصت منه واحد نذل مايراعي مشاعر الآخرين مايعرف هيج
كلام يأذي حيل ويجرح القلب
بس هيج إنسان واطي ومنحط مايعرف شنو المشاعر شنو تأذي أنسان المهم عنده نفسه ورغباته
اجت هند علية وكالت _ كومي لبسي العباية خل نزور المقبرة وبعدها نصلي بلأمام ونرجع
كمت _ خيرج اليوم جايه وين راح الخوف
_ طار الخوف بالطريق راح اكولج خبر قنبلة
باوعتلها _ خبر شنو ولج ؟
فتحت الكنتور _ البسي وتعالي وراي انتظرج بره بالطرمة
طلعت لبست العباية فوك ملابس البيت وطلعت وراها كلت البيبي _ بيبي طالعين أني وهند
بدون ماتباوعلي انظارها عالتلفزيون تباوع قرأن كريم _ روحوا بيبي الله وياكم
طلعت بره البيت لكيت هند واكفه كبال الباب أبتسمت لي وراها طلعنا سوه نمشي كل دقيقة اسئلها شنو
الخبر تكول بعيدين أكولج
والله ولصلنة المقبرة مالتنة قريبة عن الأمام كلش غسلنا القبور وقرينة الفاتحة ورجعنا بالطريق
_ هسة تكولي شنو الخبر
_ بلأمام اكولج اصبري
_ هو أني عندي صبر عاد
_ تعلمي الصبر خيه تعلمي
_ اتحمل لما نوصل للأمام
وصلنا شارع الطوس ناس كومة مالج محطة رجل صار الشارع وقت المغرب كتلها _ اليوم الشارع ازدحام حيل
_ اي خميس وليلة الجمعة
_ صدك اليوم خميس
_ زهراء شبيج فاصلة عن الخدمة اليوم خميس
مو داومتي البارحة
_ ايي داومت واليوم اخذت اجازة بس مدري
خميس والله مطفيه هنودي
_ الله يساعدج شيصيرين راح اكول الخبر
_ ايي كولي
التفتت وره ظهرتها ......بسرعة إلتفتت وياها اباوع بس ناس ورانه وكلها غرب _ شبيج ؟
رجعت انظهارها لكدام _ ماعرف شخص لزم ايدي ؟
_ لزم ايدج ؟
_اي متأكدة شخص لزم ايدي
_ امشي يجوز اديج لطخت بيد شخص هو الشارع كله عالم
_ اخاف ريان ؟
_خاب دولي بكلشي تتهمي ريان المكرود هو اكو افقر من ريان
_ لا وين اكو ..أنتِ شمدريج بي
_ عليج الله شكد تكرهين ريان ؟
_ بدون كذب واحنا هسه نمشي بشارع مقدس وكبالي
الأمام أني اكره ريان حيل
_ ليش تكرهيه هيج خوب مامسويلج شي
_ هههه ماعرف
_ ثولة احجي شنو الخبر
_ الخبر هو راح انخطب لابن خالي
وكفت _ صدك تحجين ولج ؟
_ ايي والله
_ وتكولي مااريد ازوج
_ هو ماراح ازوج هسه بس انخطب اله وره
سنة كاملة راح نزوج
_ منو هذا ؟
_ قاسم ابن خالي يوسف بعدة طالب جامعي تعرفينه أنتِ
_ ايي اعرفه وأنتِ قابلة ؟
_ طبعا قابلة
_ ترى شكله مو هلكد حلو وجذاب بلا شنو الجذبج بي ؟
_ تريدين الصدك
_ ايي اريد الصدك شغير رايج؟
_ اخاف من ريان لذالك وأفقت بي كلت خل انخطب
واسكت علمود هذاك ريان يبطل مني
_ امداج توافقي برجال بمجرد خوفج من رجال
ثاني وأنتِ مقتنعة بهالخطبة ؟
_ أي مقتنعة وأبن خالي مبي شي خالي زنكين وعايش بكربلاء وعنده فندق هناك وبس قاسم عنده وغيث وبنات تلاث مزوجهن معنده احد وأكيد راح اعيش مرتاحة
هناك أحسن ما اخذ ابو عيون زرقة
_ امداج والله لو تدورين العالم كله ماراح تلكين احسن من ريان بس راح اكول ألف مبروك مقدما
_ اموت ولا ادور ريان بالعالم ريان عوزي لو اخذ
ابو عيون الزرقة الطنطل
_الله يهديج ، بس عيب لا تكولين طنطل
_ أني كول طنطل أنتِ معليج
_طبج مرض مو مال واحد يحجي وياج وينصحج
وصلنا للأمام كالعادة .... زرنا وصلينا صلاة المغرب رجعنا بالطريق كبال بيت أم عباس سيارة ريان طلع ريان واحد ويا ومرة تمشي وراهم جبيرة بالعمر بطرك الدشداشة
زيتوني عيونها زرق
هند لزمت ايدي بخوف _ هذا ريان
باوعتلها _ ايي ريان هاي منو ويا ام عيون الزرق
_ ماعرف بس تشبها
_ ايي صح يجوز أمه ؟
_ يمكن شيسوون هنا
الطريق جان منور جنه نهار برغم بالليل صعد لولد بالصدر والمرة بقت تحجي ويه ريان هو يضحك
جان مامنتبه النه مشينه
سمعته كال _ يمه فدوة اروح لتراب رجليج خل
اروح وارجع وافهمج
ترد تكوله _ ريون يمه شتفهم أنت دومك تتهرب
وهاي تهربت
_ مامتهرب بس نجيب كم شغلة ونرجع
_ ماشي انتظرك
كرصها من خدودها وكال "
فديتها أمي الحلوة ام عيون
الحلوات
ضربته على ايديه _ ايديك ولك فضحتني مناك البنات
سحب ايديه وكال _ ياا بنات ؟
_بنات العالم يابنات
إلتفت علينه دنكنه وصلنه كباله تماما نبزتني هند كالت _ سوده مصخمه زهورة
كال _ يمه فوتي جوه
امه _ فايته يمه دير بالك من الطريق لتسوق
سريع بعد ماوصيك
_ ماشي
طلعنا السيارة مالته هند خفت حيل منه إلتفتت وره ظهري اشوفه واكف فاتح الباب .....السيارة ويباوع علينا بنظرات حاقدة عيونه تريد تطلع من راسة
سحبت انظاري بسرعة كلت ل زهراء "
هذا شبي يباوعلنا بنظرات حاقدة ؟
_ باوعتيله ؟
_ ايي
_ أمشي مالج شغل بي
_ اوي شعلي بي أني يلا دخلي البيتكم
_بلأول أنتِ ادخلي بيتكم يلا ادخل
_ تخافي علية زهراء
_ أكيد
ضحكت عليها سمعت صوت السيارة فاتت من يمنه حبست أنفاسي باوعت السيارة طلعت بعيد عنه ارتاحيت حيل رحت من يم زهراء بركضة عالبيت مالتنه فتحت الباب
_ باي زهورة
__بايات الجبانة ههههه
فتحت الباب دخلت جوه طلعت راسها من الباب وكالت _ أمه طلعت عيونها زرقة انوب تكوله ريون هههههه
_ هههه امداج يالعوبة
_ طلع حبيب أمه ههههه
_ على أساس أنتِ مو حبيبه أبوج وامج
_ امه عيونها حلوات يكول هههه خرب هن مو يخوفن حيل جنهن عيون الطنطل ههههه
_ أستغفر الله وأتوب إليه ادخلي جوه ولا تصنفي على العالم
والله امه حلوة وتخبل ربي يحفظها له ويحفظ
ريان لها على عنادج يالخبلة
_ زهيرة
مشيت منيمها دخلت جوه البيت احجي وي روحي _ خبلة
وره العشة جنت كاعدة ع الجرباية بيبي احجي وياها ،
_ هنودي شوكت يجون يخطبونج ؟
_يمكن بعد يومين
_هاا أول وحدة راح تجي أني
_ غير اكسرج اذا ما اجيتي
_ عمي أجي اكلج انفال راح تجي باجر الصبح
_مشتاقتلها كوماات
_ وأني هم بس
_بس شنو احجي ؟
_ حمزة جاي وياها وراح يبقى يومين هنا
_ ياهلا ويامرحبا بحمزاوي
_هند
_ والله مشتاقتله كوماات هل نذل شلون ضامتله
ضميمة هههههههههههههه
جرتها ضحكة طويلة "
هند بطلي مذاوه واكعدي راحة
من حمزة
_ احبه مو بايدي
_ولج واحد نذل مثله كلشي يسوي ابعدي عنه عوفي يولي
_ راح اعوفه بس اذا سمعت بي مسوي شي وياج راح اسوي شي ويا وهل مرة يجوز انطي سم فار
_ هند تخبلتي أنتِ
_ والله انطي سم فار وخل يموت أحسن مايسوي
شي موحلو بحقج وبحق أختج
_ هند بطلي خبالات يمكن أمج تصيحلج جاي اسمعها
_ايي والله صدك .. هاا يمه
ردت كالت _ اروح اشر الملابس
_هسه تغسلون ملابس ؟
_احمد ميقبل نغسل بالنهار يكون عيب مناك العالم تصعدون فوك السطح بالليل اغسلوهن ونزلوها وي
صلاة الفجر
_ هم صدك حجيه
_ ايي تصبحين على خير
_وأنتِ من أهل الخير
هند.شمرت الموبايل على الجرباية مالت أمي اخذت الشال وطلعت عالمطبخ لكيت أمي غاسلة الملابس
عايفتهم بالسلة كالت
_ شري الملابس
_ تعالي وياي
_ اجي وياج عليش أمشي شريهم وانزلي انحمي
_ اخاف تعالي وياي
_ من شنو تخافين ماراح ينزل القمر يخطفج
ويصعد بيج السماء
_ كلشي يصير تعالي وياي معليه
_ هند تروحين منيمي لو انزع النعال اصمتج اثنين تلاث
على راسج امشي شري الملابس
طلعت من المطبخ ضجت حيل منها ادردم ويهروحي _ امده حظي مكيفه عندي أم كلما احجي وياها تهدد بالنعال الله ماينطيني مثل أم ريان شلون تحجي حلو ويه
أبنها الله منطيني أمي جنها هتلر
خل اشرهن احسلي
اخذت السلة وأمشي وصلت الصالة أمي ...... كاعدة تخابر وتضحك ابوي طالع واخوي هم طالع صعدت ليفوك
السطح فتحت الباب
صرت لفوك باوعت يمنه يسرة أخاف يطلعلي الطنطل كلت _ يارب لا تطلعلي ريان الطنطل ابو عيون الزرق
حبيب أمه
الحمدالله مجان أكو أحد كمت اشر بالملابس عالسريع اريد اخلص ابساع ابساع وانزل الساعة بال١٠ بالليل
وأني صايرة اخاف كلش من رجع ريان
كملت شلت السلة اركض...... بتحاه الباب تيبست بدمي من شفت ريان مرتجي بعتبه الباب باوعلي أبتسم
بخباثه وكال .. مساء الورد هنودي
قطرة دم مبقت بجسمي صرت ارجف كمت
ابتبت بالكلام _ رراءءء ريي
_ شبيج قلبي كمتي تبتبتي بلكلام شفتي طنطل ابو
عيون الزرقة حبيب أمه مثلا
بلعت ريق سامعتي من حجيت عليه خررب بحظي هذا صدك طنطل رفعت السلة بينت كدامة قوية واني بالحقيقة راح اموت من الخوف منه
_ريان تولي منا تولي تره والله العظيم راح اضربك بالسلة
ضحك بصوت عالي بعد من الباب صار كبالي _ ههه كا أني كبالج اضربي اذا أنتِةمرة وبنت أهلج اذا ما سويت سوايتج سواية بالنجف كلها وخليت كل اثنين يحجون
بيج فلا تطلع ريان
بلعت ريجي قلبي صار يخفق سريع شمرت
السلة بالكاع بخوف حجيت بتوسل
_ هاي شمرت السلة والله ماراح اضربك بس ابعد من كبالي أريد أنزل فدوة رحتلك أبعد ريان
_فدوة تروحيلي صدك جذب هو أنتِ تتخبلين مني انوب تريدين تروحين فدوة لي
_ منو كال اكرهك ؟
_ أني سمعتج بأذاني محد كالي هسه عوفينه من الكره والمحبه وكوليلي شلونج اخبارج
_ الحمدالله زينة بس فدوة ابعد اريد انزل
امي لوحدها بالبيت
_ يلا لعد خل ننزل سوه يم امج
_ تخبلت أنت تريدها تذبحني
_ خل تذبحج والله
أبتسم بمكر حسيت راح يسوي شي رفعت صبعي حجيت بتهديد _ ريان اذا ناوي على شي والله اكتلك وادفنك
بايدي لذالك ولي منا وخلني أنزل
_ ياريت أموت على أيدج واندفع ابدينج الحلوات
_ ريان شبيك أنت مو كلت براحتج وراح اعوفج ولا ازعجج بحياتج كلها شجاك وتخبلت علية
_ أني جنت مقرر اعوفج بحالج بس مكدرت انساج والله صعب حيل اشيلج من بالي وقلبي هند ليش ماتقبلي
بي وتجفي الشر بيناتنه
_ريان ريان اسمع أني ترى مخطوبه لأبن خالي من صغيرة شيلني من بالك رجاءً
ماعرف شجاه وتغيرت ملامح وجه تماما عيونه صارن براسة اخذ نفس زفر الهوى انفاسة صار بوجي بلعت ريجي
وشاهدت على روحي بداخلي
باوع بعيوني مباشرة وكال بهدوء _ صدك ؟!
_ ايي والله وعكب باجر يجون يخطبوني
اخذ نفس وغمض اعيونة أني استغليت الفرصة مغمض عيونه ورحت بسكوت وصلت بصفه احاول افلت منيمه
ما حسيت الا جرني من ايدي
_ وين مولية
عطت _ اااه
خلاني كبالة عاف أيدي صرت قريبة حيل منه "
اكلج شي هند
_محجيت ولا كلمة بس ارجف من الخوف شكله صار يخوف حيل هذا يمكن تلبسه جني ؟
_ تعرفي شنو شعور واحد يحبج صارلة سنوات لا اكيد ماراح تعرفي ولا تحسي لأن قلبج من حجار مصنوع ندمان حيل أني عترفتلج وأنتِ رفضتي لو ساكت أفضلي وباقي احبج من طرف واحد ولاهذا الالم وتحطيم الأحلام والخذلان ولا هاي حالتي لاحكج من مكان المكان وراقبج من بعيد مثل المخبل وتحصر عليج وأنتِ ولا على بالج تبادليني الشعور
_ريان ترى ..
خله ايده على حلكي وكال "
اششش خل احجي اني
بعدت ايده عن حلكي بعدت عنه كم خطوة مد ايده وجرني من خصري عليه لطخ جسمي وي جسمه أحاول افلت ايده بايدي مكدر قابض بقوة على خصري
_ ريان عليك الزهرة عوفني لا تجي امي وتشوفنه بهل حالة والله العظيم تذبحني ريان ايدك
ماحسيت الا هو حاضني بإيديه الآثنين بقوة ومخلي راسه على جتفي _ هند والله أحبج ليش ماتحسي بي
احرك جسمي اريد افلت كرهت روحي وأني بحضنه ادفع ابديه مكدر ابد _ ريان وخرر فدوة رياان
رفع راسه وهمس أبذاني _ احبج هند
اخذت نفس طويل بنفاذ صبر "
ريان وخرر رجاءً وخل نتفاهم موهيج
حرام عليك واخرر
سحب نفسه وباوع باعيوني واني اباوعله بعيون متروسة ادموع بس مااريد انزلها كبالة
_ هند راح تزوجي ؟
_ اي
_ تكرهيني
_ اي اكرهك وكره كلشي يذكرني بيك
_ ماشي
هز راسه مبين عليه الحزن هواي وكلامي جرحة حيل صح انقهرت عليه بس مااريده هاي المشكلة مشكلته
مو مشكلتي أني هي كوه احبه قابل
_ريان واخر عني اريد انزل
_ ماشي
_هند
ابتسم بمكر خفت كلش ايديني تحاول تنزل ايديه عن خصري وبعد شكو عندك عوفني جاي تأذيني ريان
ماحسيت الا شفته على شفتي باسني بالكوه بقيت مصدومه أول مرة بحياتي كلها احد ...... يقترب مني بهالطريقة
وفوك كلشي ياخذ بوسة من الحلك
بعد عني بسرعة حتاا مالتفت وشاف حالتي بقيت بصدمه أني ريان الكيوت هيج يطلع منه ..... ماجاي اصدك الحب يخلي الواحد يطلع عن طورة مثل ماكالت زهراء
طلعت من صدمتي على صوت أمي ...
هند هاي وين صرتي ولج هند
هزيت راسي اشوف امي كبالي راسن التفتت وره ظهري اباع اخاف ريان موجود وتشوفه واوكع بمشاكل ويه أهلي
_ على شنو تدورين ؟
رجعت التفتت عليها "
يمة جانت بزونة اصغيرة هنا ردت اجيبها
ماعرف وين راحت
طمتني بايدها_ امداج وامده البزازين وياج اخذتي قلبي عوبه كلت وين صارت هاي أمشي انزلي ابوج اجه
_ جايه
راحت اخذت السلة ..... بايدي نزلت ويه أمي بوجي عالغرفة مالتي شمرت روحي على الجرباية بقوة ودموع تنزل ابجي على حظي الشمر عليه واحد مثل ريان
مخبل وطالع عن طوره علية خليت ايدي على شفتي امسح بيها بقوة _ الله ياخذك ياقذر شلون هيج سويت
وياي نذل ريان طلعت نذل
كرهت ريان اكثر من قبل بألف مرة اخاف جانت عندي شويه شفقه اتجاهه هسة كلها راحت بالحظة وحدة ،
ثاني يوم كعدت من .....الصبح كالعادة سويت ريوك لاهلي ونظفت البيت جان يوم الجمعة رحت اسبح سبحت كملت كعدت بالغرفة اقرا قران
كملت قرايه وراها كعدت ع الجرباية بيبي اقلب بالموبايل آجاني إشعار من ريان على الفيس بوك بتحديد
على الماسنجر
فتحت الرسالة بسرعة كاتب _ كولي لهند أني أسف واعتذر عن كل الاخطائي وراح اعوفها بحال سبيلها وماراح
اقتربلها أبد خل تشوف حياتها
استغرب كلامه ؟
_شنو قصده هو مو عافها .بحال سبيلها من فترة طويلة شصاير يالله خل اروح لهند وافتهم كلشي
لبست العباية وكلت لامي راح اروح البيت عمي كالت روحي يمه راحت دخلت بعد ماسلمت على عمي وعمتي لكيت هند كاعدة بغرفتها ع الجرباية
شعرها مفتوح جاي تمشط بي من الباب _ هاا هنودي
باوعتلي _ هاا زهورة
_ جمعة مباركة
_ تعالي اكعدي
نزعت العباية سديت الباب كالت _ ليش سديتي الباب ؟
_ عندي حجي وياج
كعدت بصفها خليت العباية بصفي ...نداري خل امشط شعرج
اندارت انطتني ظهرها اخذت المشط من ايدها صرت امشط بشعرها البني حلو حيل مبلل بي ريحة شامبو حلوة
_احجي ام العلوم
_ ريان دزلي رسالة على الفيس قبل نص ساعة
_ شكاتب ؟
_ يكول ... كولي لهند أسف واعتذر عن كل الاخطائي وراح اعوفها بحال سبيلها وماراح اقتربلها أبد خل
تشوف حياتها
_جذاب كالمرة يكول هيج ويطلعلي من جديد
_ ليش طلعلج مرة ثانية ؟
_اي وهالمرة كرهني بروحي والله
_ شسوه هند وياج
التفتت علية _زهراء تحارش بي البارحة بالليل
نزلت ادموعها حضنتها _ هند صدك تحجين
خلت راسها على جتفي _ والله العظيم تحارش بي زهراء
_ الله ياخذك ريان شسوالج بالضبط
_ حضني وباسني من شفاي
شهكت _ الله ينتقم منك ريان عبالي خوش ادمي وتختلف عن بقيه الشباب طلعت مثلهم
_ كلها نفس الشي
بقيت اواسي بيها خاب ظني بريان جنت ادافعله بكرون هسه لا أبد مادافعله وكبالها حظرته من الفيس كتلها لا تخافي راح تنخطبي لابن خالج وترتاحي منه للأبد
ضحكت بلاخر أعرف بيها فطيرة وقلبها أبيض ماتشيل حقد بس ماعرف ليش شايلة حقد على ريان بهالطريقة لازم أكو شي بالماضي صاير وياها
علمود كارهه ريان بهالطريقة لأزم صاير شي بالجامعة منورة ظهري وي ريان وأني مدري ؟
ماعتقد أكو واحده تكره شخص بسبب للون عيونة وترفضه راح أحاول أعرف شكو شصاير وياها بالماضي
علمود تكره ريان بهالطريقة
لأن زلت كلمة منها وكالت بالماضي وبلأخر سكتت وكامت غيرت الموضوع وكامت تسئل عن حمزة وأنفال سكتت ماسئلتها بعد كلت خليها براحتها
والله للعصر اجونه..حمزة وانفال سلمت وكعدت أنفال شايلتلي هم خطيه عبالها حالتي حالة بعد ما فقدت اركان
مدري بي قوية
حمزة يباوعلي ويضحك وكال "
الله يعوضج بلأحسن ان شاء الله
_ ان شاء الله أخوي
نطعج من كلتله أخوي الضحكة مسحت عن وجه اجت هند وعمتي وعمي سلموا .وكعدوا يباوع على
هند بكره بقوا يحجون
هند كالت _ كومي بره
_ شكو ؟
_دكومي ومعليج
كمت طلعنا بره وكفنه بالطرمة _ هاا كولي
_حمزة شبي يباوعلج بنظرات مقرفة ؟
_ وجديد عليج حمزة
_ لا موجديد بس هالمرة نظراته مو مثل كالمرة
احسها متغيرة ناحيتج
_ شلون متغيرة ؟
_ أحسها نظرت عاشق مو نظرت شخص طمعان بجسمج وبيج
_ هند.شنو هالخرابيط
_ موخرابيط نظراته تشبه نظرات ريان الطنطل
_ رجعنا ريان الطنطل ماتنسيى أنتِ
_ مكدر انساه والله لسواه بي موهين علمود انساه
طلع حمزة بره جان يخابر سمعناه كال "
ان شاءالله عكب باجر أرجع
واتفاهم وياك
زهراء _ أمشي خل نرجع عالبيت
هند _ أمشي
مشينه من يمة سد الخط وكال _ هنودي وزهيرة حسابجن عسير راح يكون ملائكة الأرض
هند بدون ما اباوعله _ خيرك حمزاوي
_ هنودي أنتِ وزهيرة مخلياتلي حبوب علمود تمرضوني
هند _ أني لخليت زهراء مالها علاقة
حمزة _ لا تبرري لزهيرة أنتن الآثنين المذنبات
والله الا احاسبجن
زهراء _ ماتولي أنت امشي هند مالي خلك
احجي وي واحد قليل الأخلاق
حمزة _ قليل أخلاق ولا بوما فكر تكرط الزلم
زهراء التفتت علية _ حرامات والله ماكرتك أنت
بالماضي بس العار مايصير بي شي من الله
حمزة _ اياا عار النسوان
زهراء _ طالعة عليك غير ههههه
مشيت منيمه اضحك أريد استفزه شويه واحرك دمه هند _ قصف جان بمكانه ههههه
زهراء _ والله الا احرك دمه واحرك قلبه
دخلنا جوه بقوا عالعشة يمنا وبيت عمي هم بقوا ابوي اجه هو وأختي واخوي تعشوا وكلمن راح عالبيت حمزة يباوعلي
مدام أني كاعدة ماهتميت له
وطنشت كلشي كانه ماموجود ....... أعرف بي عصب علمود تجاهلته ولا خفت منه أعرف بي يتخبل لو احد تجاهله ويطنشه يحب لكل تباوعله وتحسبله ألف احساب
ثاني يوم الصبح اجوي بيت خال هند رحت يمهم شفت لولد جان شكله عادي بس هند مقتنعة بي اجه
أتصال للولد كال _ رقم غريب
وكام طلع بره يخابر .... احنا نباوع من الباب عليه ياشر بايده تعصب حيل سد الخط كام يباوع بالشاشة الموبايل التفت
علينا باوع من الباب خزرنة
_ شبي متعصب ؟
_ اندري شبي انوب يخزر
_ الاجكم يخزر والله افكس عيونه
_ هاا صار اجكم
_ والله العظيم اجكم اجكم اجكم من لا جارة وافقت عليه
_ من لا جارة؟!
_ لعد جذب اسكتي اجه
دخل وملامح وجه متغيرة وجه ثكيل كلش جان باوع علينا بعصبيه من وده يشرب من دمنا رجع باوع
على الكل وكال بحدة
_اسف ماكدر اكمل بهذا الزواج
يتبع ....
أريد تفاعلكم علمود انزللكم كل يوم بارت