#زوج أختي والماضي
بقلمي انا الكاتبة #رواء هادي
تابعوا حسابي على الانستغرامroyan4h@
لاتنسون تعلقون بين الفقرات وتخلون لايك قبل القراءة تشجيع لي من أجل الاستمرار ...
قراءة ممتعة للجميع.
انطيتها الموبايل _ هاج أنتِ كلبي
اخذته كامت تكلب بالصور وأني اباوعلها احسها ملهوفه على شوفه ريان يمكن تجذب وتكول اكرها وجاي تمثل الثكل
بقيت اباوعلها واضحك بسكوت
ماكدر احجي هسة انكتل منها اعرفها مخبله وشاخطة
اباوعلها واضحك انتبهت علية
_ ليش تضحكين؟
_ عليج اضحك والله
انطتني الموبايل وكالت...
شبيه أني وتضحكي
اخذت الموبايل عفته بحضني..
تباعين على صور ريان من موبايلي ليش خووب
باعي من موبايلج
_ أني منطيته حظر عام ههههه
_ احلفي
_والله حظرته
_ خبلة أنتِ
_ الباب لجيك منه ريح سده وستريح
_وستريحيتي هسة على اساس ؟
_ايي حيل مستراحه
_ بعد ماتباعين على صفحة ريان من موبايلي ابد
_هو أني صلا بعد ماباوع على حسابه بحياتي بس
جنت اريد اعرف وين مولي وبس
ـ كذابة
_قابل شكول يلا كومي خل نروح يم بيبي
كامت وكالت _ اليوم مامداومة؟
_ لامرحت
_ليش؟
_ محد وداني حسين طلع عالشغل منو يوديني
_ليش ماكتي جان وداج احمد
_زحمة كالمرة يوديني
_ امداج شنو زحمة مو اخوج الثاني
_والله أعرف اخوي بس استحي
_دومج تستحين وهاي المستحاء كاتلتج راح توكعج
بمشاكل غير من اطباعج ولج غيري
_ ماكدر اغير
_ غيري
_احاول
_غيري مو احاول
_ماشي لا تنفعلي
باوعتلي بعصبيه _ اجي اكتلج
_يمعودة أنتِ مسويتني مدكة مالت كتل امشي ولي ولي
_ مولية يم بيبي تعالي وراي بسرعة
_ جايه بس اطلعي وخلصيني
_ههههه
مرت أيام وأيام اجه يوم سبعة أختي أنفال راحوا ويانه عماتي كلهن وخالات انفال خير من الله جانن ٤ وعماتي ٣ وياهن جم بنية من بناتهم
احنا رحنا ويه بيت عمي احمد جان يسوق دخلنا بغداد هند بصفي كاعدة خلت راسها على جتفي بتعب
_ شوكت نوصل ؟
_ هم بيتهم بالمنصور يعني بعد نص ساعة نوصل يمكن
_حمزة ابن المنصور هههه
_ اسكتي ولج
_ مبين ترى هههه
_ هند شبيج تصنفي ؟
رفعت راسها عن جتفي باوعتلي تضحك ...
مو بايدي احب اصنف على قليل
الأخلاق ههههه
زفرت هوى بعدت انظاري عنها اباع من الشباك عالشارع اشوف العالم التمشي وعالم تمشي.بدرجات هوائية وعالم تسوق بسيارات واصوات عالية مزعجة
دخلنا منطقة المنصور ابيوت فخمه .وحلوة منطقة
كلش حلوة جانت هند همست
_ باعي المنطقة تخبل خوب مثلنا احنا بنص القبور
ضحكت _هههه خررب بيومج هند
_ والله وين مادير وجي لكه قبر وحمزة قليل الأخلاق كاعد بمنطقة ترد الروح ليش موعدل
_ هند شبيج تخبلتي أنتِ اليوم
_ ايي ايي تخبلت المنطقة حلوة ترى
_يلا هسه اشوفلج واحد من اقارب حمزة ازوجه الالج
وعيشي هنا بالمنطقة الحلوة
_ اووي اووي اني ازوج من أقارب قليل الآخلاق اروح ازوج واحد ميت بقبرة ولا ازوج من جرثته
_ لعد اسكتي
_ باعي هذا مول
باوعت _ ايي مول كلش حلو
_ مال ندخل وناكل كل الفلوس هههه
_ هههه تلافة هند
_ من نجي مرة ثانية لهنا خل نجي نفتر بي فدوة
_ ايي اكيد نجي
بقت طول الطريق .....تحجي باعي وباعي ستطرتني سطر ما اتسكت ابد وصلنا كبال بيت حمزة نزلوا عماتي وخالات انفال وبيبي وامي اخر الناس اني وهند
باوعنه عالبيت جان قاطين جبير ..... حيل كبالة شجره نبك جبيرة حيل ونخلتين تمر بالواجهة مالته كلها حجر باللون الجوزي والبيجي وخطوط سودة
هند همست احنا ونمشي "
اكول مرت ابوج قبلت
اثاري طاكين
_ والفلوس تشتري السعادة قابل
_ لاوالله
_ أمشي خل ندخل جوه تعبانة اني بس فدوة
ديري بالج تقتربي من حمزة
باوعتلي أبتسامة خبيثه على شفايفها ...
لا باعي أمه الدبة طلعت هاي منو
وياها ؟ الطويلة
باوعت طلعت هي وانفال وحمزة ولد أثنين ماعرفهم اصلا وابوه ومرة طويلة تطلع بعمر أمي سلموا سلمنا اني
وهند بس ماسلمنا على حمزة
يباوعلنه بنظرات غريبة ...... خزرنه احنا ماهتمينه أبد كملنا الطريق دخلنا جوه كعدنا بالأستقبال جان كلش
مرتب وبي ديوان
كعد كبالنة احسه متعمد ابوه خوش ادمي مبين وامه كذالك والمرة ماعرفناها منو هاي دخل ولد أسمراني طويل
وضعيف كلش يباوع ويضحك
سلم من بعيد وكعد يم حمزة حمزة ضحك مانعرف
ليش ؟ هند نبزتني وكالت
_ هذا القرد منو ؟
حصرت ضحكتي بالكوة ماعرف شرد ؟
نبزتني وكالت ..
مودا احجي وياج هذا القرد منو ؟
_ ماعرف ؟
_ سبحان الله اسود وسنونه بيض ثلج يشبه القرد
راسن ضحكت نزلت راسي خربانة ضحك المسودنة دومها تضحكني بحجاياتها الغريبة وانوب حمزة كبالي كاعد
هو وهذا لولد ماانعرف منو يكون ؟
_ اضحكي اضحكي زهورة وهذا حمزة ماعرف
شبي جاي يخزر بيج
مرديت اخذت نفس ....علمود اكدر اسكت من الضحك بلأخر كتمت الضحكة بالكوه عيب مناك أبوي وأخواني واخو حمزة وهذا الولد الغريب منوراه راح انفضح
هاي هندوي عوبه ...ومسودنه لسانها متبري منها تحجي على هذا وهذاك وتصنف على العالم اجت أم حمزة كالت
_ كوموا عيني نكعد بالهول علمود ناخذ راحتنه
كمنه أني رحت اكاود بيبي كعدوأبالهول هم جان كله كرويتات بيبي فرشتلها فراش انفال بالكاع كعدا كعدت وياهاا
كامت مرت ابوي وخواتها راحوا وي انفال يمكن يشوفون الغرفة مالتها اجت اخلاص أخت حمزة جانت لابسة نفنوف كصير جوه ركبه نصردان لونه جوزي مكياج
خفيف مخليه شكلها ينطلع بي باب البره بس شعرها مفتوح حيل أسود بسواد الليل طويل لحد خصرها سلمت علينا وكعدت يم بيبي عالفراش تسولف وياها
يمكن تحب سوالف الكبار بيبي هم وكعت وياها دك سوالف واني أبتسم نزلت اختي فاطمة وياهم تسولف جانت
حبابه كالوا عليها تأكل لطفة ؟
ام حمزة _ يمة هند زهراء انزعوا العبايات ماكو احد غريب
هند _نسيت انزعها والله هههه
ام حمزة _ ههه ديلا انزعيها
زهراء نزعتها وعفتها يم أمي جنت لابسة نفنوف طويل للكاع لونه اجويتي وهند كذالك مثلي لابسة بس باللون الأحمر
مكياج خفيف خلينه بالاسم مكياج
اني ماردت اخلي مكياج بس امي واختي وهند مقبلوا صاروا ينكنكون فوك راسي خلي وخلي حتلوه بسيط لا تسوين
نفسج فدمرة جنج عجوز ولا جن شابة
اكوللهم الزينة حرام للمرأة أمام الرجل الأجنبي بي هم مايفهمون شلون وياهم ماعرف .
رجعوا ام انفال وخالاتها راحوا عماتي وأمي وأختي يشوفون الغرفة واني وهند بقينا كاعدات وحده بصف الثانية
نسولف وي بعض بملل
أخلاص _ ماتكومن تشوفن غرفه العرسان
هند _ خلي جون ونكوم نشوفها
اخلاص_ هاا براحتجن حبي
أبتسمت هند بوجهها قتربت لهند كتلها بهمس ...
صدك عود ليش مكمنا وياهم ؟
_ أني مو كلتلج منقبل اريد اسئل عن ليلة الدخلة
شهكت _ هند بطلي سوالفج رجاءً عيب تخجلي البنية
_ ماتخجل بعد تزوجت وعادي عدها
_ امداج
_ انجبي هاي اجوي يلا كومي كومي
انفال _ هند زهراء كومن شوفن غرفتي
هند كامت بسرعة وكالت...
اي اكيد كايمين كومي زهراء
كمت رحت وياها نمشي بالصالة جانت جبيرة كلش بيها تخم كرويتات كلش حلو البيت جان صعدنا عالدرج
نمشي هند تلغي
_ بيتكم حلو وجبير ما شاء الله
انفال _ ايي
هند _ شينظفه لكم ؟
انفال _ والله أني ماشتغلة بعدني عروس عمتي تكول
عشرة أيام يلا تشتغلي
هند _ هاا خوش عمه هاي لعد منو يشتغل ؟
انفال _ اخلاص وسارة ورشا والطبخ على عمتي
لأن مايحبون غير طبخها
زهراء _ رشا جنتكم صدك وينها ؟
انفال _ بيت أهلها
هند_ ليش بيت أهلها وأنتو عدكم مناسبة ؟
انفال _ تردين الصدك
هند _ ايي اريد
انفال_ البارحة الصبح تعاركت وي عمتي واخلاص
زعلت وراحت البيت أهلها
زهراء بلعت ريق وخفت على انفال كتلها ...
ليش تعاركوا وياها ؟!
انفال _ منورة ابنها
زهراء _ شبي ابنها ؟
هند _ تروح زعلانه منورة جاهل ؟
وصلنا نهاية الدرج وكالت ...
جوه اكوللكم كلشي اخاف يسمعنه احد
ويتعاركون وياي
زهراء _ ماشي
فتحت الباب دخلنا الغرفة مالتها جانت جبيرة حيل واخشابها تركية بيضة ومطعمه بلون الأحمر حلوة غرفتها تخبل
الجرباية عليها الفرشة البيضة
زهراء _ الغرفة تخيل تستاهلين نفولة
انفال _ شكرأ يوم الالج زهراء وافرح بيج
زهراء _ ان شاء الله
هند _ عدكم حمام بالغرفة
انفال _ اي
هند _ احلى شي الحمام عندي اكلج كولي ليش راحت
زعلانة منورة الجاهل جنتكم الجبيرة
كعدت عالجرباية كعدنا وياها نباوعلها
انفال _ هي معلمة تدرس الصبح وتعوف ابنها يم عمتي فا اخلاص ضاجت حيل وكالت شنو أنتِ خدامة لها تعوفين الجاهل يمج وهي تروح للدوام ...
عمتي ضاجت حيل ومن رجعت رشا تعاركت وياها وكالت بعد من اليوم الجاهل ميبقى يمي اخذي يم امج ودي
هند _ الله أكبر شكو بيها لو بقى ابنها يم بيبيته
شنو هاي اخلاص حاروكة
زهراء _ مبيها شي لو بقى الطفل بالبيت يم بيبيته
انفال _ عدكم مابيها شي بس عند اخلاص لا بيها شي
متقبل ابد تكول امي مو خدامة
زهراء _ والله ياانفال ماعرف شكول
هند _ اخلاص حية مبينه ديري بالج منها
انفال _ واني شعندي وياها
هند _ الحذر واجب حبي
زهراء _ انتِ سايسي عمتج وخليج على هواها
ولا تكسري كلمتها أبد علمود تحبج
انفال _ ماشي
هند _ عمتج ثم عمتج ثم عمتج ترى عمتج هي المسيطرة بالبيت خليج قريبا منها علمود تكوني أميرة عدها
انفال _ ان شاءالله
بقينى نحجي وياها ونواصيها ماتقترب من اخلاص ولا تتعارك وياها حتلوه تعاركت هي وياها عرفنه بيها وحده حاروكة حاركة على رشا خطيه
ورايحة زعلانه بيت أهلها ترى هي متسوه تزعل منوره جاهل وتكبر الشغلة ماتسوه تنحل بالكلام مو بالزعل ماعرف شبيهم النسوان هسه بسرعة يزعلون ويرحون البيت الاهل
هند _ احجيلي عن ليلة الدخلة مالتج
زهراء_ هند موعيب عليج
هند _ لا موعيب احجيلي انفال
زهراء كمت خجلانة"
انفال لا تحجي خلتولي
انفال خجلت حيل بس تضحك هند ضربتني على ايدي وكالت . أنتِ ماعليج ميعجبج وتخجلي
اطلعي بره أني اريد اعرف
زهراء _ طالعة أكيد ام سوالف ل ..
_ انجبي زهورة اطلعي بره انتظريني
انفال _ احجي مبيها شي زهراء ابقي
زهراء_ لاعيني مبقى أني استحي منهيج مواضيع.
هند _ مو باجر عكبة تكوني مثل انفال ام تستحي
زهراء _ الله كريم بهذاك الوكت
أنفال _ ههههه
طلعت سديت الباب وراي اكره احد يصنف علية وهاي هند حسابها بعدين ادري بيها فضولية كلش بقيت واكفة بالصالة بعيد عن غرفة انفال انتظر شوكت تجي هند مليت حيل لواحدي رفعت أيدي باوعت عالساعة
جانت بال ١١ الصبح
_ شوكت تطلع الخبلة
اجاني صوت حمزة جان قريب مني ...
هاا زهراء وين نصفج الثاني ؟
رفعت راسي جان واكف بداية الدرج مرتجي عالمحجر ويباوعلي مرديت عليه بقيت بمكاني واكفه
وانظاري بلكاع صارت
_ ماتردين البزونة اكلت لسانج الطويل
اخذت نفس رفعت راسي باوعتله ..
شتريد ؟
_ اريدج ههههه
خزرته _ شكد حيوان
_ انجبي ولج لسانج اكصه الج اذا كتي حيوان مرة لخ
_ مو تأيهة لايدك أني
_ اي والله تاهية لايدي أنتِ
مرديت عليه انطيته ظهري بعصبيه أتمنى هسه اشمره منفوك الدرج واخلص منه واحد وسخ
_ مو جسم عليج قنبلة اويلي هههه
فتحت اعيوني على وسعهن هذا نذل جاي يتغزل
بي التفتت عليه بسرعة خزرته ...
_ماتخجل على نفسك تتغزل بأخت مرتك
لك اني بمثاب أختك
وكف بطولة أبتسم _ منو كال اخت مرتي تكون
اختي غلطانة تحلين عليه ترى
مارديت بقيت مصدومة من رده شلون يرد بهاي الطريقة القذرة بقيت اسحن قهر اريد هند تطلع وتخلصني ادري بروحي جبانة وام دميعة ماعندي
الجرأة ادافع عن نفسي
اجه يمشي بتجاهي وأبتسامة خبيثة على شفايفة وكف بعد نصف مترة عني وانظارة على وجي مباشرة واني هم انظاري بنص وجه مو بعيونه مركزة
_ صايرة احلى منقبل بألف مرة حبيبتي السابقة
امثل القوة كباله ...
اكيد اصير احلى منقبل لأن قبل جنت أمشي وي قذارة لذالك نقص من جمالي من بعدت عن القذارة زدت جمالاً
خزرني وختفت هذيج الإبتسامة عن ملامح وجه راسن لزم زندي بايده بقوة جرني عليه...
_ أني قذارة ياقذرة
احاول اسحب زندي من قبضة ايده بس مكدر خليت ايدي على ايده احاول ابعدها _ ايدك حمزة
_ ماتخافي وتغلطي علية بكل صلافة
بسيطة زهراء أني اعلمج
عاف زندي و دفعني بقوة في حيث وكعت بالكاع بقوة على ظهري وكال بتهديد _ راح تبدأ ايامي السودة
زهراء من اليوم
عافني وراح نزل ..... جوه كعدت بالكاع دموع ترسن عيوني ماعرف ؟ على شنو ناوي حمزة
بنص بيته وغلط علية وتمادة وحتى ضربني كني خادمة لو عبدة عندة مو أخت مرته كمت عدلت ملابسي مااريد احد يعرف لصار وياي حتى هند
ماراح اكوللها اخاف .... تروح تتعارك ويا مثل كالمرة ويروح يأذيها اعرفه نذل ماعندة ذرة أخلاق لو رحمه
بقلبه الرحمه مشيولة منه
بقيت أنتظر هند طلعت هي وانفال ابتسمت بوجههن وكالت هند _ تعالي ننزل جوه ست خجولة هههه
هزيت راسي وبعدها نزلنا جوه جان أكو يمهم بنات أثنين وحده محجبه شكلها كيوت وحلوة والثانية سافرة بدون حجاب شادة شعرها ذيل حصان ومطلعة كذلة
من جهة وحده هم جانت حلوة
بس ام الحجاب احلى منها ..... أبتسمت من شافتنه وكامت سلمت علينه سلمنا الثانية مكامت واصلا ماسلمت
بقت تحجي ويه اخلاص وتضحك
البنيه _ اعرفكم عن نفسي أني بت عم حمزة واسمي ريتاج
هند_ تشرف
زهراء _ اهلا بيج ريتاج
كعدنا اجت كعدت بنصنه حبابه كلش مبينه اما هذيج كرهتها ماكلفت نفسها وسلمت من مكانها امده حظي المصخم هاي شبيها تباوع بنظرات مستفزة علينا
ريتاج _ ماعليكم من مرام هاي هي هيج اطباعها وحده مغرورة وشايفة نفسها خلتولي
هند _ من حلكها عرفتها مسمومة
ريتاج _ هههه عندج سوالف
هند _ واضحة ترى كلش عليمن شايفة نفسها هاي
باجر كعبة نايمة جوه التراب
ريتاج _ والله صح كلامج كلها باجر بنفس
المستوى وقبر واحد يلمنا
زهراء _ صح
ريتاج _ ماعرفتوني على اسمائكم ؟
هند _ أني هند بن عم انفال
ريتاج _ عاشت الأسامي هنادي
زهراء _ وأني زهراء أخت انفال من ابوها
_ اسمائكم كلش حلوة أنتِ اختها حجوي عليج هواي هواي
هند _ شكرأ ، بشنو حجوا على زهورة ؟
ريتاج_ يكولون أختها من ابوها حلوة حيل وتخبل
وهاا صح دارسة وي حمزة وبنفس القسم ؟
زهراء _ ايي جان ويانة بنفس القسم
ريتاج _ هاا كال حمزة ومحمد ابن خاله
هند _ محمد صدك هاي البنيه تنطيه شبه
شصير من بيت حمزة
ريتاج _ بت خال حمزة هاي وأخت محمد الصغيرة
هند _ شكيت بالوضع مثل اخوها غثيثه
زهراء _ هند عيب
هند _ أنا أقول الحقيقة وليس هناك أي حرج بالحقيقة أختاه
ريتاج _ خوش تحجين فصحى والله صح كلامها لهند
هند _ احب احجي فصحى أني
بقوا يحجون على هذه وهذاك ..... متشابهات تماما هي وهند مبين عليها ماتحب الأقارب بس مجبورة تحجي
وياهم اجت أمها مرة جبيرة بالعمر
سلمنا عليها وكعدت يم بيبي تحجي هند سئلتها عن لولد الاسمراني وكالت يكون ابن عم حمزة من الديوانية
جاي وي امه خوش ولد وحباب
هند تكول .. ايي حباب كلش
واني ادري بيها بس تضحك عليه علمود اسمر حيل وسنونه بيض ثلج معلكة عليه قرودي
خرب لرايح والجاي داكتله لقب هنودي صار وقت الاذان كمنا صلينة وراها مدوا السفرة صبوا الغدة كمنا ساعدناهم باع حمزة كاعد عالدرج مايساعد احد بنكل الغدة
واكف بصفه لولد الاسمراني
اسمعة يكول _ حمزة اسويلك مسموطه اذا متريد غدة
حمزة _ لا تكول حمزة بالهجتك كول حمزة حمزة وانعل ابوك يابو المسموطه وياك ولي من يمي
_ حمزة هههه
_ خرررب بيك ولك كفرت بي من اجيت لحد هسه حمزة وحمزة اسويلك مسموطه راح اكوم
اسويك مسموطه
_ فوك ما ادللك واسويلك أكله
حمزة _ الدلال ليجي منك مااريده حل عني ولك حل
راح حمزة يمشي عالدرج مبين مزعوج ...
العصر اسويلك مسطوطه ههههه
إلتفتت وعاط بي _ والله راح ارجع واسويك
مسموطه وجه النعال ولي من يي
الولد بقي يضحك برغم يسب بي ويغلط اجت ريتاج تضحك شايلة ماعون التمن وكالت
_ عادي لا تستغربين زهراء هذا هو حمزة اعصاب
وهذا خالد مايبطل منه ابد هههههه
_ يكوله اسويلك مسموطه هو ميقبل
_ حمزة يتخبل من أكلة المسموطه وهذا لازمها عليه
كلمايجي هيج يسوي بي ههههه
_ هاا
_ ايي يلا امشي ترى ميته من الجوع اني
كعدنا ناكل سئلت ام سيف هي ام حمزة انفال
_ يمه انفال حمزة ليش ماتغدة ؟
انفال _ خطيه عمه حمزة تمرض وهسه راح يستراح بالغرفة
ام سيف _ ليش شبي ؟ تمرض
انفال _ ماعرف والله يمكن متسمم
بيبي _ شأكل وتسمم
انفال _ والله مدري بيبي
قربت علية هند وهمست لي _ ألف عافية المرض هههه
باوعتلها مستغربة _ هند عليج الله الج ايد ؟
أبتسمت بلعت لكمة وكالت "
خليتله بالعصير مال القوة تايكر مالته ملين
اخذته الصبح من علاج بيبي هههه
فتحت اعيوني على وسعهن "
عززة العزاج ولج شمسوية
وي الرجال أنتِ
_ مو كلتلج راح انتقم منه على الكرصة وهاي انتقمت
راح يسكن التواليت اليوم ههههه
_ طاح حظج هنودي
_ احلى انتقام هذا والله هههه
_ هو غبي شلون يشرب من ايدج ؟
_ ولج لاا اني شفته فتح القوطية شرب منها شوي وعافها عالباية الدرج صاحولة رحت خليت بيها اثنين حبايات ورجعت بمكاني رجع هو شربها كلت ألف عافية هههه
_ بس كوليلي شنو من بنية أنتِ
_ بنية ماتسكت عن الحق وتحب تاخذ حقها
بايدها هسة شلون حالته بالغرفة ؟
مريت عليها رجعت .... اكل بس بقلبي خربانة ضحك هاي مو هند والله كارثة حبيت لسوته بي يستاهل بس كبالها اكول غلط ماحب اشعجها وتروح تسوي لاسوء
كملوا الغدة كمنا نكلنا الماعين اجت اخلاص وكالت ...
عفيه بنات اغسلوا الماعين
هند _ ليش نغسلهن ؟
زهراء_ من عيوني راح نغسلهن
اخلاص _ شكراً زهورة أنتِ مابيج حيل
تغسلي اكعدي واسكتي
هند _ ايي والله مبي حيل اغسل ماعين راح اكعد واباوع عليهم تعالي ساعديهم
اخلاص _ ايدي توجعني
هند _ اهاا شبيها ايدج ؟
نزعجت اخلاص وكالت _ متأذيه اني طالعة
هند _ جذابة تريد خدم وحشم هاي اموت
وماغسل ماعيون والله
زهراء _ هند شبيج اسكتي عيب؟
هند كعدت عالكرسي _ مابيها حيل تغسل الماعين تشمرهن على الخطار ترى عيب خطار يغسل ماعين
لاكل بيهن
ريتاج _ عادي مبيها شي هسه نغسلهن
دخلت سارة _ وأني هم اساعدكم بغسلهن
هند _ عوزج والله ماتساعدي تعالي اغسلي الكوس
سارة _ اني كلت اساعد
هند _ ايي تعالي اغسلي الكوس المرك راح يلزك بيهم
سكتت البنية كعدت تغسل بالكاع ..... واني وريتاج خربانين ضحك هند شانة الحرب اليوم على بيت ابو سيف
هاي لو تبقى يوم كامل هنا
تحرك البيت حرك على روسهم خبلة وأم لسان طويل ماتخجل ابد مومثلي اني استحي من خيالي امدة حظي لو
عندي شوية جرأة مثل هنودي
كملنا غسل الماعين صبوا الجاي اجه اخذه الولد الاسمراني باوع على هند ويضحك هي خزرتة بس مارادت
تزكح بي طلع وكالت
_ سارة هذا القرد شبي ؟
سارة غسلت ايديها واخذت كلينس تنشف
وكالت حايرة ... القرد ؟
_ الولد ابن عمج خالد عرفتي هسه منو
_ قرد عشتو والله هو مويخبل لا تحجين عليه ترى اكوله
_ طزز بيج وبي شكد خايفة اني اسمعي اذا باوع علية مرة لخ راح افكس اعيونة مفهوم روحي كوليله خوفتيني قليل أدب يباوع بكل صلافة عبالك امراية كدامه
سارة بقت فاتحة حلكها
هند كامت وكالت _ كوليله لا يباوع على بنات العالم ترى يبتلي زهراء أمشي نكعد يم بيبي
زهراء _ ماشي
جاي نشمي سوه سارة كالت _ هو شوكت مباوعلج ؟
التفتت هند _ قبل ثلاث دقائق عندما اخذ الشاي نظر لي نظرات مقرفة تذكرتي ام أذكرك بذالك ؟
بقت حايرة _ تحجين فصحى ؟
_ نعم تذكرتي
_ ايي حكولة مايباوعلج بس اسكتي
_ حسنأ
طلعنا بره المطبخ _ هند راح تخبلين بيت ابو سيف ههههه
_ والله الا اخبلهم هذا حمزة وينه اشو ماله حس ؟
_ صدك ماكو يمكن ماات
_ الله يسمع من حلكج بلكت يكولون مااات
_ وترمل أختي انفال عالسبعة
_ ترمل احسن ماتعرف حقيقته الوسخة
وصلنا كبال الدرج جان نسمع طبه سريعة نزل حمزة لابس تيشيرت موروني نصردان بنطرون أسود وجه
صاير اصفر خزرنة احنا ضحكنا
سمعناه كال شنحجي يمكن ...
الساحرات منو منجن سوتها خل تحجي لو اكلب
البيت على روسجن أثنين جن
واحده تباوع عالثانية بصدمة همست هند"
ابن شمطاءكيف علم بذالك ؟
زهراء_ احجي عدل ولج اليوم يتخبل علينا
هند _ صدك شمدري ؟
زهراء _ شدراني اني
نزل وكف كبالة متعصب حيل اعيونه تريد تطلع من راسه ... زهراء لو هند منو منجن ؟
هند _ شنو
زهراء _ على شنو تحجي أنت
حمزة _ هه تسون روحجن قشامر منو خلت الحبوب بالعصير مالتي وخلتني اشرب وتمرض منو منجن سوتهااا
فزينة اني خفت يسوي شي ويانة اعرفه قليل الأخلاق
هند_ مالنة أيد واصلا عليش هيج نسوي وياك شنو المصلحة
حمزة _ أنتِ حية ام راسين تلدغي وتضمي راسج وهاي شيطانة كلشي تسوي بالخفية انتن سويتنها
ماكو غيرجن والله الا اندمجن
زهراء _ اشش وكافي لغوة كلنا مالنة ايد يلا امشي هند
حمزة _ مالجن ايد ماشي اني رايح عالدكتور هسه وارح اعرف شلون تمرضت واذا عرفت احد مخليلي حبوب لو شي ثاني راح ابتلي بيجن أنتن الاثنين والله
هند _حمزة اعرف اعدائك زين قبل لا تتهم بنات كيوت وحبابات مثلنة ترى احنا ماكو مثلنا ونحبك وانت نسيبنه الجديد شلون يطاوعنه قلبنا نأذيك
حمزة _ كيوت وحبابات لاا ساحرات شيطانات ماكو مثلجن انتن أنتن والله العظيم اني اعلمجن بسيطة
هنودي وزهيرة بسيطة
زهراء _ وعاد أنت ملاك نازل من السماء
حمزة _ بسيطة زهراء
هند _ بسيطات حمزاوي ههههه
حمزة _ تفوو عليجن حقيرات
هند ردت التفلة علية _ تفووو عليك أنت والله
تعصب حيل عيونه صارت براسة لو ابيده يرجع يبتلي بينه اعرف بي نذل ويضرب مرة مايهمه والله سواها
مرة وي هند وضربها كبال العالم
عفناه وشردنه بسرعة كعدنا بالكاع يم بيبي وره ربع ساعة اجتي سارة وكال
سارة _زهراء اخوج حسين يصحيج
كمت طلعت شفت حسين واكف بالصالة رحت يمه
_ هاا حسين
_ اكلج زهراء
_ كول
_ كولي لأمي خل تجهز روحكم راح نرجع بعد نص ساعة
_ ماشي
_ وهاا شبي حمزة مريض راح عالدكتور هستوه
_ ماعرف شبي يكولون مسمم
_ خطيه وجه صاير ليمونة الله يشافيه
_ اللهم أمين
_ روحي هسه
رحت خربانة ضحك بس ... بنفس الوقت خايفة يعرف شلون تمرض لأن رايح عالدكتور بلكت نرجع قبل لا
يرجع هو مبينه حيل مشاكل ويا
والله كلت لأمي حسين يكول راح نرجع بعد نص ساعة مرت النص ساعة كمنه وكالت انفال السبعة العصر تصير
جنت اتمنى تبقون ردت هند عليها
طلعنا بره بالحوش وهاي مرام تمشي منيم هند وجان تكول ...
_ شنو هاي عباية جنجن عجايز
ردت هند بهمس لها "
الستر مريود يحلوة استر روحي احسن
ماصير مفرجة عيون الزلم
سكتت مردت عليها راحت يم اخلاص وكفت يم اخلاص تخوف حيل اخاف على انفال منها والله وقلبي مامطمن
ومن ناحية حمزة واحد قذر وابو نسوان
أبوه واخوه خوش اوادم .... وسارة حبابة كلش وامه كذالك مبينه طيوبة من كلامها ويانه بس اخاف الوجه مراية
والكفة سلاية شلت هم لانفال والله
صعدنا بالسيارة طول الطريق أفكر بكلام حمزة من كال راح تبدأ أيامج السوده بديت أفكر بكلام اختي وابن
عم عباس اقبل لا ؟
أختي إلتفتت علية وكالت _ وين وصلتي بالتفكير ؟
_ ياا تفكير ؟
_ عوبه ب خطوبتج من اركان
_ هاا من نوصل عالبيت راح اكولج الجواب ان شاء الله
_ ماشي ان شاءالله يكون خير
_ الله كريم
_ الله كريم
رجعت المكانها قتربت هند مني وكالت "
شنو قرارج ؟
_ مو كلت من نوصل عالبيت اكول
_ فدوة زهورة كوليلي متحمل أني مناه لما نوصل للبيت
قتربت من أذانها وكتلها _"
موافقة ازوج بس لتكولي فدوة استحي
كبال حسين واحمد
سحبت نفسي هي ضحكت وكالت بهمس "
ألف مبروك حبيبتي وأخيراً راح
اشوفج احلى عروسة
_ الله يبارك بيج يوم الج
_ أني هسة لا مريد فد سنتين تلاث يلا ازوج
_ شدعوة ؟
_ شنو شدعوة مريد هسة دوخة الراس والله اريد ارتاح
_ براحتج بعد هنودي
_ أكلج هسه حمزة عرف سبب مرضه هههه
_ ايي اكيد عرف واحنا افلت ههههه
_ خطيه وجه جان جنه ليمونة ههههه
_ يستاهل نذل ههههه
بقينا نضحك ونصنف على حمزة بيناتنه إلتفتت امي سئلت واحنا كلنا ماكو شي وصلنا عالبيت عالساعة بال٥ العصر
كبل عالحمام رحت أسبح قبل الكل
سبحت وراها اهلي ..... سبحوا واحد وره الثاني أختي بقت عالعشا يمنه أختي كعدت يم اهلي بالاستقبال صاحولي اكعد يمهم علمود رد الجواب
كعدت بصف الجهال البنية اجت كعدت بحضني وعلي كاعد بصفي يلعب بالعبة سيارة بايده
حسين _ اي زهراء شنو قرارج
خجلت حيل رديت _ موافقة
أختي _ ايي هذا الكلام الحلو
أمي _ ان شاءالله خير
بيبي _ الله كريم
أختي _ خل انطي خبر ل عباس واكوله علمود يكول للعالم
حسين _ ليش مستعجلة خوب من يجي وره العشا نكولة
أختي _ خل يجون وره العشة تشوفه ويشوفها بعد شكو نأجل
حسين _ يابة مو حلو الاستعجال
أختي _ أني اكول خير الامور عاجلها
بقوا يحجون اني خليت وكمت .. بحضني سجى وعلي يمشي كبالي كعدنا بالغرفة خجلانه حيل احجي
بيني وبين نفسي
( اذا عجبني لولد وعجبته راح اتخلص من حمزة للأبد واشوف حياتي مثل ماهو شاف حياته ان شاء الله يعجبني
واعجبه والله اخاف من حمزة
ربي افتحه بوجي ولا تخليني حايرة من أمري واكعة بين نارين خابر حسين .على أبوي وانطى خبر لعمي عمي ابو فارس مثل ابوي اجوي وره العشة بيت عمي وابوي وأخوي حازم مرت أبوي ماجايه دومها حاسبة نفسها غريبة
كعدت بالغرفة هند طايرة من الفرحة جابت المكياج وكعدت كبالي تمكيج بي اني كاعدة عالكرسي
_ عالطبيعة اطلع احسن
_ انجبي مايصير خل اخليلج احميرة احكيله عطيرة ههههه
_ حكله بيضة ليش خلي سودة
_ سودة محلوة البيضة احلى وتكبر العين
_ ايي عيني قاصرة
_ جنهن ازروف الچمچير
_ هند
_ وجع أريد من يشوفج يطير عقلة اويلي شكد
متحمسه اشوف العريس
_ أني هم متحمسه على شوفته
_ اكلج احمد خابر حمزة
_ ايي
_ كاله حاله تسمم صايرة بي مكال ماخذ ملين
من مال بيبي هههههه
_ خرب بيومج هند ههههه
_وهسه شلونه ؟
_ صاير زين شكو بي هذا عارمايموت ولا يصير بي شي
_ ايي والله عار مايصير بي شي
_ هسه عوفينه منه خليولي خل نرجع ل اركان
بعد ماكملت المكياج طلعتلي نفنوف كيبوي طويل للكاع وطلعت شال موروني شالتهن بايدها وكالت
_ هيا أيتها الجميلة ارتدي هذه الثياب البسيطة
_ بطلي كلام بالفصحى هنودي
_ احب احجي فصحى موبايدي ههه كومي
كمت اخذتهن _ راح البس أم الفصحى
_بسرعة بدلي راح يجون ترى
_ مو دا انزع على كيفج وياي هنودي
_بدلي وخفي ايدج
بدلت على السريع منوراها بس تصيح رحت وكفت كبال المراية شكلي ...... غير شكل طلعت حلوة ومعدلة بس
احس النفنوف بي ضيق
ما حسيت الا ضربة منورة اجتني بقوة "
اويلي مو مره هههههه
كمزت _ هند شنو هاي متخجلي
_ تموت صايرة ههههه
_ طاح حظج صايرة منحرفة
_ اموت على الانحراف هههههههه
_ تزوجي لعد واشبعي انحراف
_ ماتزوج طكين بالكاع طالعة اويلي اليوم يموت
من يشوف هل الكمر كبالة كاعد
_ هند شبيج جاي تخجليني
اجت حضنتني منورة ظهري وتباوع عالمراية "
والله طايرة من الفرحة
دعوفيني فرحانة
_ ليش فرحانة أني راح انخطب مو أنتِ
عضتني من جتفي عطت _ اااه شبيج .
بعدت _ عوبه ثولة جبانة أنتِ وأني مو واحد
فرحي لفرحج يكون
_ أسفة نسيت بس فدوة لا تضربي وتعضي مااريد اتزورك
_ ماشي خل اطلع أشوف شكو ماكو وارجع
طلعت ورة أربع دقايق رجعت سدت الباب وكالت "
اجوي والله شفته من البردة
صاك يول صاك
_ عززة مايفوتج شي أنتِ
_ كبال ابوي وعمي رفعت البردة وشفته ابوي رزلني عود هههه
_ اكلتي رزالة هههه
_ مايهمني الرزالة المهم نشاف العريس طويل وشعره اسود بسواد الليل للحية سوده تذبح الطير بشرته حنطيه
كلشي بي حلو ترى عيونه مو زرقة
_ اوف من عيون الزرقة شلون ما اشوف راح
تزوجي واحد عيونة زرقة .
_ اموت ماتزوج ابو عيون الزرقة
_شعلي بالكلام أني
_ انعل هسة شكو واحد عيونه زرقة ولج العريس حلو ومعدل
_ عجبج
_ كلش
_ ههههه الحمدالله عجبج
_ ايي وان شاءالله تم الخطبه على الخير والبركة
ونكسر خشم حمزاوي
_ ان شاء الله
وره ربع ساعة أجت أختي فاطمة من عتبة الباب
كالت _ زهراء تعالي شوفي الولد
كمت خجلت حيل توترت ... حسيت حرارتي ارتفعت ماعرف شجاني صابتني رعشة سارت برجاء جسدي
هند _ تحركي شبيج صرتي صمد امون العظيم
فاطمة _ تعالي شبيج
زهراء _ هاا جايه
طلعت عتبه الباب واحس رجلي صارت اخيوط فاطمة ..
فاطمة _ اسمعي الولد خوش ولد مايتعوض ترى
وافقي عليه فدوة اريدج يمي تكعدي
_ الله كريم خل اشوفه ويشوفني يجوز ما اعجبه
_ لا لا هو ميت عليج والله بس بقت يمج
_ الله كريم يصير خير ان شاء الله
_ ان شاء الله ان شاء الله أمشي
دخلت الاستقبال وكعت ..... اعيوني عليه جان لابس بنطرون ازرك وتيشيرت نصردان رصاصي شكله حلو مثل ما كالت
عليه هند معدل وضخم عجبني هههه
سلمت _ السلام عليكم
ردوا _ وعليكم السلام
رحت باوست أمه وأم عباس وبنية وياهم ماعرفت منو هاي بعمر أختي وياها طفال بعمر سجى كعدت كبال الولد
بصف أختي مدنكة من الخجل
فاطمة _ زهراء ارفعي راسج باعي عالولد
خل يشوفج وتشوفينه
عضيت شفتي بخجل كلت بيني وبين نفسي
استحي اباوع شكله حلو وصاك .
يتبع ...
لا تنسون كل شخص يعلق ٥ تعليقات
حلوة مثله ويخلي لايك.