စားပွဲအောက်ဖက်ကြမ်းပြင်မှာပေပွနေတာတွေကို
ဝန်ထမ်းရောက်လာပြီး ရှင်းပေးနေတာနဲ့
Lisa ပြောလက်စ စကားကို ရပ်လိုက်ပြီး ထလိုက်တယ်
"ဒီမှာ ဘေလ်ရှင်းထားခဲ့ပြီ"
ပိုက်ဆံချထားခဲ့ပြီး ဆိုင်အပြင်ကိုထွက်လာလိုက်တယ်
Lisaထင်တာမမှားဘူးဆိုရင် ဆိုင်ထဲကရင်းနှီးခဲ့တဲ့
ရေမွှေးနံ့က lisaအနောက်ကနေ ကပ်လို့ပါလာခဲ့တယ်
"မင်း ဘာဖြစ်နေတာလဲ Kim Jennie?
အလိုလိုသိနေတဲ့စိတ်ကြောင့် နောက်လှည့်ကြည့်ပြီး
အော်ပြောလိုက်တော့ ဘေးက လမ်းသွားတွေကပါ
သူမကို ကွက်ကြည့်လာခဲ့တယ်
"ပြောစရာရှိလို့...
"ငါမင်းနဲ့ပြောစရာမရှိတော့ဘူး Jennie!"
"ခဏလေးပါပဲ
ကျေးဇူးပြုပြီး ခဏလေးပဲပြောကြရအောင်လေ"
Lisa သက်ပြင်းချလိုက်တယ်
ဒီလောက်ထိ နာကျင်အောင်လုပ်သွားခဲ့တဲ့သူမက
မရှက်တတ်ဘဲ lisaရှေ့မျက်နှာပြရဲသေးတယ်
ကိုယ်ကတော့ ခံရသူဖြစ်ပြီး ရှောင်နေမိတယ်
တကယ့် ဟာသပါပဲ
"ကောင်းပြီလေ"
~~~~~~~~~~~~~~~~~~~~~~~~~
ဟန်မြစ်နားမှာ ရပ်ထာတဲ့ကားလေးထဲ
တိတ်ဆိတ်နေတဲ့ လူ2ယောက်ကနေပြီးတော့
Jennie ကိုယ်တိုင် စပြီး အဲ့အခြေအနေကို ဖြိုခွင်းလိုက်တယ်
"ပြန်လာလို့မရဘူးလား darling?"
Lisa အရှေ့ကိုငေးကြည့်နေရာကနေ
မထင်မှတ်ထားတဲ့ စကားတစ်ခုကြောင့်
အသက်ရှူဖို့တောင်မေ့နေခဲ့ပြီး ခေါင်းထဲမှာ
အဲ့စကားကို အကြိမ်ကြိမ် ဘာသာပြန်နေမိတယ်
Jennie ဖက်ကိုလှည့်လိုက်ပြီး...
"မင်း ခုဏက ဘာပြောလိုက်တာလဲ?"
"ပြန်လာလို့မရဘူးလားလို့လေ
ကျေးဇူးပြုပြီး နောက်ဆုံးတစ်ခေါက်လောက်
Babyဆီကို Darlingပြန်လာပေးပါလားဟင်?"
မျက်ရည်တွေစီးကျနေတဲ့ သူမရဲ့မျက်ဝန်းတွေကို
Lisa မကြည့်မိအောင် အကြည့်ရှောင်လိုက်ခဲ့တယ်
အမှန်ဆို အဲ့လိုငိုနေတဲ့ သူမကို lisaမကြည့်ရက်တာပါ
"မင်း...
ပြောစရာစကားတွေ ပျောက်ဆုံးသွားတဲ့အထိ
ရင်ခွင်ထဲတိုးဝင်လာတဲ့ သူမက တကယ်ဆိုရင်
Lisa နှလုံးသားတစ်ခုလုံးထဲအထိ တိုးဖဲ့ဝင်နေသလိုပဲ
ပြန်လည်းမဖက်မိသလို တွန်းလည်းမဖယ်မိဘူး
"ဘာလို့ ငါပဲလဲ Jennie?"
"တောင်းပန်ပါတယ်
နောက်ဆုံးတစ်ခေါက်လောက်ပဲပြန်လာပေးပါ"
"ဒီစကားကိုမင်းပြောရဲတဲ့ သတ္တိ ရှိသေးတယ်နော်?
ငါတောင်းပန်ပြီး တားနေခဲ့တာတောင် မင်းက...
မင်းက လုံးဝလှည့်မကြည့်ဘဲ ထားသွားခဲ့တာလေ"
တိုးဝင်မိတဲ့ ရင်ခွင်ကနေ ပြန်လည်ပွေ့ဖက်ထားမှုကို
Jennieမရခဲ့သလို နာကျည်းစွာနဲ့ပြောတဲ့စကားတွေသာ
ပြန်ကြားလိုက်ရတယ်
Darlingရင်ခွင်ထဲကနေထွက်ပြီးတော့
ယုယစွာနဲ့ သူ့ရဲ့ပါးလေးကို လက်နဲ့ကိုင်လိုက်တယ်
"ချစ်ခဲ့တယ်မှတ်လားဟင်?
Babyကို ချစ်နေသေးတယ်မှတ်လား?"
"အင်း ချစ်ခဲ့တယ်"
မေးမှတော့ lisaဖြေရမှာပေါ့
လောကကြီးမှာ ဂုဏ်ယူစွာနဲ့ပြောပါဆိုရင်
အဲ့ဒါက Jennie Kimဆိုတဲ့ သူမကို Lisaချစ်တဲ့အကြောင်း...
"နောက်ပြီး ချစ်နေတုန်းပဲJennie!"
"Darling...
"ဒါပေမယ့် ငါမင်းကိုပြန်မလိုချင်တော့ဘူး
မင်းနဲ့ပတ်သတ်တာတွေ ငါမခံစားချင်တော့ဘူး
နာကျင်ရတဲ့နေ့ရက်တွေက အပြစ်ဒါဏ်ဆိုရင်
5နှစ်နီးပါးလောက်ဆိုလုံလောက်နေပါပြီ Jennieရယ်"
Darlingက တင်းခံထားတဲ့ပုံပါပဲ
ခုလည်း မထိန်းနိုင်ဘဲ ဝဲတက်လာတဲ့မျက်ရည်တွေကို
ပါးပြင်ပေါ်မကျအောင်လို့ တင်းခံပြီးပြောနေတယ်
"ကတိပေးပါတယ် Darling!
ဒီတစ်ခါထပ်ပြီးမထားခဲ့တော့ပါဘူး
အရင်က နာကျင်ခဲ့ရသမျှအတွက် ပြန်ပေးဆပ်ပါ့မယ်
Babyကို ပြန်လက်ခံပေးပါ"
အသနားခံတဲ့မျက်ဝန်းတွေက
အရမ်းကို သက်ရောက်မှုအားပြင်းလွန်းတယ်
*ကျေးဇူးပြုပြီး အဝေးထွက်ပြေးခဲ့တဲ့ခြေလှမ်းအတိုင်း
ကိုယ့်ဆီကို ပြန်လာခဲ့ပေးပါ Baby!
သေချာစောင့်နေပါ့မှာမို့ အခုတော့ကိုယ်မဖြစ်နိုင်သေးဘူး*
စိတ်ပိုင်းဖြတ်ပြီး lisaရုပ်ကိုတည်လိုက်တယ်
"မင်းကို ဘယ်လိုယုံရမလဲ?"
"သေချာပေါက် သက်သေပြပါ့မယ်
Darlingအပေါ် တကယ်ချစ်တယ်ဆိုတာကို"
"ပြန်လာဖို့ လက်ခံပေးမယ်
ဒါပေမယ့် ငါ့ရဲ့ချစ်သူအဖြစ်တော့မဟုတ်ဘူး Jennie!
ငါမင်းကို စောင့်ကြည့်ချင်သေးတယ်"
Jennie ခေါင်းကိုအသာလေးညိမ့်ပြီး ပြုံးလိုက်တယ်
မှားခဲ့တဲ့သူက Jennieမို့
သေချာပေါက် သက်သေပြဖို့လိုသေးတာပေါ့
"အင်း Darling!
Babyကြိုးစားပါ့မယ်"
"ပြန်ကြရအောင်!
ငါမင်းကို လိုက်ပို့ပေးမယ်"
Jennieခေါင်းညိမ့်ပြလိုက်တော့
ကားကိုစက်နှိုးပြီး ဟန်မြစ်ကနေထွက်ခွာလာခဲ့တယ်
လမ်းတစ်လျှောက်လုံးကားပေါ်မှာတိတ်ဆိတ်နေပြန်တယ်
ဒါပေမယ့် တစ်ချက်တစ်ချက် ဝမ်းနည်းသလို တိမ်မြုပ်သွားတဲ့
Darlingရဲ့မျက်ဝန်းတွေကို Jennieသတိထားမိပြီး...
"ဘာတွေစဥ်းစားနေတာလဲ Darling?"
"မင်း ငါ့ကို ဘာလို့ချစ်သွားရတာလဲလို့ပေါ့"
Jennieကိုလှည့်မကြည့်ဘဲကားမောင်းနေရင်း
ဖြေလာတဲ့ darlingကိုကြည့်ပြီး Jennieပြုံးလိုက်တယ်
"Darlingမို့လို့ ချစ်တာပေါ့"
"ဒါပေမယ့် အရင်ကလည်း ငါမို့လို့
မင်းအခါခါ ငြင်းဆန်ပြီး အဝေးထွက်ပြေးနေခဲ့တာပဲလေ"
"အရင်ကအကြောင်းတွေမေ့လိုက်ပါတော့လား
Babyကြိုးစားမယ်လို့ ပြောခဲ့တယ်လေ"
Jennie စကားအဆုံးမှာ Darlingက
ကားကို ဆောင့်ပြီး ထိုးရပ်ချလိုက်တယ်
ပြီးတော့ မှန်းဆမရတဲ့ အကြည့်တွေနဲ့
Jennieကို ကြည့်လာခဲ့တယ်
"ဘာဖြစ်လို့ အရင်ကအကြောင်းတွေကိုမေ့ရမှာလဲ?"
"Darlingပဲနာကျင်ရမှာပေါ့"
"လောကကြီးကမတရားလိုက်တာ Jennie!
မင်းမှမင်းတစ်ယောက်တည်း ချစ်နိုင်တဲ့နှလုံးသားကို
ဘုရားသခင်က ငါ့ဆီမှာ ဖန်ဆင်းပေးခဲ့တယ်
ဘယ်တော့မှ မင်းကိုမုန်းလို့မရတဲ့နှလုံးသားကို
သူက ငါ့ဆီမှာ အပိုထည့်ပေးခဲ့ပြန်ရော
ငါဘာလို့ မင်းကိုမုန်းလို့မရတာလဲဟင်?
တစ်ခါလောက်တော့ ငါ့အပေါ်ရက်စက်သွားတဲ့မင်းကို
ငါတစ်ခါလောက် မုန်းပစ်လိုက်ချင်တယ်
တစ်ခါလေးပါပဲ"
ပြောပြီး ကလေးတစ်ယောက်လိုငိုနေတဲ့ သူ့ကို
Jennie တင်းကြပ်စွာထွေးဖက်ထားလိုက်တယ်
ဒီတစ်ခါတော့ Darlingက ပြန်ပြီး ပွေ့ဖက်လာခဲ့တယ်
"အမုန်းနဲ့ညီမျှတဲ့အပြစ်တစ်ခုကို Babyလက်ခံပါ့မယ်
ဒါပေမယ့် အဲ့ဒါက မုန်းတယ်ဆိုတာနဲ့ ထွက်သွားဆိုတာတော့
မဟုတ်ဘူးနော် Darling!
နာကျင်စေမိတဲ့အတွက်တောင်းပန်ပါတယ်"
ကျောကို ပွတ်သပ်ပေးရင်း
အကြိမ်ကြိမ်တောင်းပန်နေမိတယ်
ခဏလောက်ကြာတော့ ရင်ခွင်ထဲကထွက်လာတဲ့
Darlingက Jennieရဲ့ပါးအစုံကို သူ့လက်တစ်စုံနဲ့
နူးညံ့တာမဟုတ်သလို ကြမ်းတမ်းမှုလည်းမရှိဘဲ
ထိတွေ့ ကိုင်တွယ်ထားတယ်
အနားကိုတဖြေးဖြေးတိုးလာတဲ့ သူ့ကြောင့်
Jennie ရင်တွေပေါက်ကွဲထွက်တော့မယ့်အတိုင်းပဲ
"Darling!...
Jennieရဲ့စကားမဆုံးခင်
ထိကပ်သွားတဲ့နှုတ်ခမ်းတွေကြောင့်
စကားစလည်းပြတ်သွားခဲ့သလို
ဆက်ပြောဖို့အတွက် အနမ်းတွေကြားကနေ
ရုန်းထွက်ဖို့ကို Jennie ဆန္ဒမရှိခဲ့ပြန်ဘူး
တော်တော်လေးကြာတဲ့အနမ်းတွေက
Jennieကို အသက်ရှူရကြပ်စေပေမယ့်
ရပ်လိုက်ဖို့ကိုတော့ လုံးဝ မလုပ်နိုင်ခဲ့ဘူး
နောက်ဆုံး အသက်ရှူဖို့
မျက်နှာကိုတစ်ဖက်စီစောင်းလိုက်တော့
Darlingက Jennieရဲ့ အောက်နှုတ်ခမ်းကိုကိုက်ပြီး
အနမ်းတွေကို ရပ်ပစ်လိုက်တယ်
"Darling!
ဘာလို့ ကိုက်တာလဲ?"
"ဆင်းတော့"
တစ်ဖက်ကိုလှည့်ပြီးပြောနေတဲ့ သူက
လုပ်ချင်ရာလုပ်ပြီး သူပဲ ရှက်နေပြန်တယ်
"မင်း အိမ်က ရှေ့နားလေးမှာဟာ
အဲ့ဒါ...အခုဆင်းတော့လို့"
"Darlingဘယ်နေ့အားလဲဟင်?"
"မနက်ဖြန်မအားဘူး
ငါ အလုပ်ကိစ္စတွေရှိတယ်"
"Babyလည်း မနက်ဖြန် အလုပ်ရှိတယ်
အဲ့ဒါဆို ပိတ်ရက်ကျရင် Dateကြရအောင်
နော်?"
"ဟင်?"
"Darling!
ဘာလို့ ဟိုထက်ကိုလှည့်နေတာလဲ?
ဒီဖက်လှည့်လေ"
လက်မောင်းကနေ အတင်းဆွဲတော့မှ
Jennieဖက်ကို လှည့်လာခဲ့တဲ့ darling...
ဒါပေမယ့် Jennieကို အကြည့်မဆုံစေပြန်ဘူး
"ပိတ်ရက်ကျရင် Dateရအောင်လို့"
"အင်း
ဒါပေမယ့် dateမဟုတ်ဘူး
ဒီတိုင်း ဟိုလျှောက်သွား ဒီလျှောက်သွားမှာ" (ငင့်🤣)
ခေါင်းကိုငုံ့ပြီး
ဆူပုတ်ပုတ်လေးပြောနေတာကအစ
Jennieသေချာမကြည့်ဘဲနဲ့ကို သိနေတယ်
ဒီလောက်ချစ်ဖို့ကောင်းတဲ့လူသားကို
Jennieဘာလို့ ဒါဏ်ရာတွေများပေးမိတာလဲလို့
တွေးမိတိုင်းလည်း ကိုယ့်ကိုယ်ကို အပြစ်တင်မိတယ်
"ရှက်မနေနဲ့တော့ Darling!
မဟုတ်ရင် ဒီကားပေါ်မှာ တစ်ခုခုဖြစ်သွားလိမ့်မယ်
Darlingက အရမ်းကို ချစ်ဖို့ကောင်းနေလို့"
အူယားယားနဲ့ စလိုက်တော့
မော့ကြည့်လာတဲ့ မျက်နှာလေးက
ပါးပြင်နှစ်ဖက်ကလည်း ရဲတက်နေတယ်
ပါးတစ်ဖက်ကို လက်နဲ့ဖြစ်ညှစ်ပြီး...
"စတာ Darling!
သွားတော့မယ်နော်"
ပြောပြီးတာနဲ့ darlingရဲ့ ပါးကိုနမ်းပြီး
Jennie ကားပေါ်ကနေ ဆင်းလာလိုက်တယ်
ကိုယ့်အပေါ် အရမ်းချစ်တဲ့သူရှိတဲ့Jennieက
ဘယ်လောက်တောင်မှ ကံကောင်းတဲ့ လူသားလဲ?
ဒီတစ်ခါတော့ Darlingကို လက်မလွှတ်တော့ဘူး
To be continued.....
Sorry for late
ဒီနေ့ ညနေကတည်းက
Fic အသစ်အတွက် Cover photo editလုပ်နေရတာ
So far awayက မရှည်ပါဘူးနော်
နောက်လလောက်ဆို ficအသစ်စဖြစ်မယ်ထင်တယ်
ကလေးတွေအားလုံးဆီက အကြံလိုချင်လို့ပါ
Yay" က bl shipperတော့မဟုတ်ပါဘူး
ဒါပေမယ့် ရိပေါ်နဲ့ ရှောင်ကောတို့ကိုတော့ အရမ်းသဘောကျတယ်
အဲ့ဒါကြောင့် Season2 ဆိုပြီး S1ကို ကိုးကားရင်း
S1 ကလူတွေနဲ့ ဇာတ်ကြောင်းပါ အပါအဝင်
Fic အသစ်လေးရေးဖို့ စိတ်ကူးရှိပါတယ်
Jenlisa versionမဟုတ်ပါဘူး
ဘာလို့ဆို the untamedကို ပုံတူကူးချတာမဟုတ်လို့ပါ
Jenlisa fdlဖြစ်တဲ့ Yay"က Jenlisa ficပဲရေးမှာပါ
အဲ့တော့
ဖတ်ချင်ချင် မဖတ်ချင်ချင်
ဇွတ်ရေးမှာပါပဲ🤣
Jenlisa အရမ်းအသားပေးမဟုတ်ဘဲ
Shipအဓိက ပေါ်လွင်ရုံလောက် အသားပေးပြီး
ရေးမှာပါ
Poster က Nameတွေကိုဖတ်ကြည့်ရင်
ဘယ်သူက ဘယ်ဇာတ်ကောင်ဆိုတာ သိမှာပါ
Love you alls🤍🖤