سُلطانة الصعيد "كامله"

•الـفـصـل-الـثـانـي-عـشـر.

تصويت + تعليق قبل قراءة الفصل. 

‏" فصلّوا على خير الأنام وسلّموا  صلاةً وتسليمًا بها الهم ينجلي " ﷺ💛🍂

أستغفر الله العظيم وأتوب إليه عدد خلقه ومداد كلماته وزنة عرشه، لاحول ولا قوة إلا بالله العلي العظيم. 

الحمدلله، سُبحان الله، الله أكبر. 

                                               ***

"لتكُن لي هدوء الليل وسط ضجيج العالم وأنا ونسُك"

دخل مكين إلي القصر فأستقبله الجميع بحفاوه وترحيب كان الجميع سعيد للغايه لوجوده وأشتاقوا إليه أيضًا، دخل خلفه ياسين صامتًا لا يتحدث مازالت الصدمه تُسيطر عليه حقًا حبيبته عروسه لشقيقه.

غمغم مكين بأشتياق وهو يحتضن سيلا ووالدته بحنان:-

_ياااه واللهِ وحشتني ريحة الأكل المصري البيتي ده أنا من غيرك يا حجه عيشت من غيرك أيام ملهاش طعم بجد.

هتفت فريده بعتاب ولوم تطالعه بحزن وضيق منه:-

_هونت عليك تفضل قاعد بعيد عني أتناشر سنه تكبر بعيد عني كده يا مكين يا حبيبي.

أحتضنها مكين بحنان وأشتياق يغمغم بحنان ودفئ:-

_ما خلاص بقا يا حبيبي غصب عني وبعدين خلاص وعد مني هفضل معاكي وعلي قلبك طول العُمر وهتجوز وأجيب عيل صغنون يجننك.

أبتسمت فريده بحنان لهُ بينما هتف مُراد بهدوء:-

_أكيد جدك كلمك علي موضوع غزل أنا كلمت باباها عشان نروح نتكلم معاهم.

أبتلع ياسين تلك الغصه التي تشكلت في حلقه وأصبحت الأرض تميد من أسفله من شدة الضغط الذي يمر به.

أبتسم مكين وغمغم بثقه وهو يحتضن والدته بقوه يغمز لها بعبث:-

_ما تيجوا نروح دلوقتي أنا كنت شايف غزل دي وهي لسه صغيره أكيد هتلاقيها بقت قمر دلوقتي.

زفر ياسين بضيق بينما حدقته سيلا بأستغراب كيف يقف ثابتًا هكذا والعائله تُريد زواج شقيقه الأكبر من حبيبته !!! هي تعلم جيدًا بأن غزل عشق ياسين منذُ الصُغر منذُ كان يُربيها مع شقيقها مالك.

غمغم ياسين بهدوء مُريب وهو يستدير سريعًا حتي لا ينكشف أمره:-

_طب أنا همشي أنا بقا أروح الشركه أشوف الدنيا فيها إيه.

غمغمت فريده بذهول وتعجب من تغييره المفاجئ منذُ وصول شقيقه:-

_الله مش هتقعد تاكل معانا يا ياسين وفاء جوا بتحضر الأكل أهو أحنا بقالنا كتير متلمناش كُلنا.

غمغم ياسين ببرود رغم الحُزن المسيطر علي نبرته:-

_معلش يا ماما أعذريني بس فيه مشكله في الشركه لازم أروح أشوفها عن أذنكم مش هتأخر.

ذُهل مكين من تغيير شقيقه فـياسين منذُ أن علم بخبر زواجه وهو صامت هكذا، أقترب من سيلا يغمغم هامسًا:-

_بت يا سوسو متعرفيش الواد ده أتغير ليه كده؟.

هتفت سيلا بتوتر وحيره لا تعلم ماذا ستقول لهُ:-

_لأ مش عارفه هو ممكن يكون أتضايق بسبب المشكله اللي في الشركه لما يرجع بقا أبقي أسأله أنتَ وأتكلموا مع بعض.

أومأ مكين بتفهم وعقد ذراعيه حول كتفها يغمغم بحنان:-

_ماشي يا زئرده تعالي بقا أحكيلي عملتي إيه الأسبوع ده في الصعيد.

أماءت سيلا بحماس وثرثرت كعادتها مع شقيقها الأكبر عما فعلته في ذلك الأسبوع منذُ أن وطأت قدميها الصعيد فـرغم أن مكين كان بعيدًا عن سيلا إلا أن لم يمر يومًا ولم يتحدث معها مكالمه فيديو يراها بها ويستمع إليها بإمعان عمّا فعلته.

حاول قدر المُستطاع رغم بُعاده ألا يشعرها بنقص وأنها بحاجه لشقيق أكبر ومع أن ياسين كان مع سيلا يعيشان سويًا إلا أن كان مكين الأقرب لها من ياسين.

                                       ***
عادت غزل إلي الصعيد ودخلت القصر وهي تتنهّد بتعب إلا أن والدتها أوقفتها تقول بسعاده وفرحه:-

_حبيبة قلب ماما أنتِ جيتي يا روحي تعالي تعالي أنا عندي خبر ليكي جنان.

أبتسمت غزل لها بحنان وأتجهت نحوها تحتضنها بحب تشير لها بما هو لتغمغم هانيا بسعاده بالغه:-

_ميكن الأسيوطي رجع القاهره وكلم باباكي وجايين النهارده بليل يطلبوا إيدك.

توقفت غزل عن الحركه وشعرت وكأن دلو ماء مُثلج أنسكب عليها هتفت بعد دقائق من الصمت بعدم تصديق:-

_ميكن أخو ياسين !!!! طيب كل عيلة الأسيوطي موافقه علي الجوازه.

تمنت في تلك اللحظه أن تستمع لنفي والدتها عن ذلك السؤال إلا أنها خابت توقعاتها وأماءت هانيا بالإيجاب تغمغم بفرحه:-

_آه طبعًا كلهم موافقين هما كانوا يطولوا إن غزل بنتي توافق علي حفيدهم ميكن ده حتي ياسين لما كلم مالك كان فرحان أوي.

هتفت غزل بصدمه ودموع تأبي النزول حاولت كثيرًا ألا تبكي:-

_ياسين فرحان إني هتجوز أخوه !!!!.

أماءت هانيا بأبتسامه مغمغمه بهدوء وسعاده غير مُدركه معاناة ابنتها:-

_آه فرحان جدًا وبعدين أنتِ عارفه أستاذ مُرسي صاحب باباكي ابنه كلم باباكي برضو عشان يخطب نور وفيه وابن عمه الكبير شاف عنان ومُعجب بيها وكلمها وطلب رقم باباكي عشان يطلب إيديها ياااه يا فرحتي بيكم هتتجوزوا سوا يا بنات وأفرح بيكم بقا.

هتفت غزل بصعوبه تحاول منع دموعها من النزول:-

_أنا أنا طالعه أرتاح شويه أنا تعبانه معلش عن أذنك.

ركضت مُسرعه للأعلي تدخل حجرتها تحاول منع دموعها من السقوط، حملت هاتفها بيد مرتجفه تبحث عن رقمه تحاول معرفة ما يدور في ذهنه !!!!.

أجاب ياسين بهدوء وهو يحاول منع ظهور حزنه في نبرته:-

_أيوه يا غزل فيه حاجه.

هتفت غزل ببكاء وأنهيار وهي تجلس فوق الأريكه بألم:-

_أنتَ بجد موافق علي أنا سمعته ده أنتَ موافق أخوك يتجوزني !!!

همهم كأجابه منه علي سؤالها لن يستطع التحدث وقول أنه غير سعيد، هتفت غزل بعصبيه ودموع:-

_طب وأنا أنا أنتَ بجد مبقتش تحبني !!!!

تنهّد ياسين بحزن وتعب يغمغم بألم وحزن يفرك جبهته بإرهاق:-

_أيوه بحبك يا غزل بس.

صمتت غزل تستمع لبقية حديثه فأسترسل ياسين بحزن:-

_أنتِ دلوقتي هتكوني مرات أخويا يا غزل إزاي هبصلك بعد كده !!!.

أغمضت غزل جفنيها بألم وشعور بالنفور والكره يزداد داخلها نحوه:-

_أنتَ أناني يا ياسين أناني أوي وبتتكلم بس بتعمل نفسك الضحيه وأنتَ أصلًا ظالم إزاي بتبقي بتحبني ومش عارف تقف حتي لجدك تقوله أنك بتحبني أنا هتجوز ميكن ومحدش هيقف للجوازه دي.

أنهت حديثها تغلق الهاتف تُزيل دموعها بقوه يا لكَ من احمق يا قلب كيّ تشعر بأنه سيُحارب الجميع لأجلك !!!!.

                                  ***
جلست عنان مع ذلك الشاب الذي شعرت بالراحه نحوه فكان لطيف للغايه وحنون بشده أمام قصر الكحلاوي، هتف ذلك الشاب بهدوء:-

_بس أنا عرفت إنك كنتي متجوزه صح.

أماءت عنان بهدوء فهتف ذلك الشاب بعتاب وضيق:-

_إزاي المُتخلف ده يسيب واحده زيك يا عنان أنتِ طيبه أوي ومحترمه أوي أوعدك إني هكون زوج مثالي ليكي وأنسيكي اللي شوفتيه مع المُتخلف ده.

أبتسمت عنان بخجل وقررت العوده إلي القصر فأبتعد الشاب وهو يودعها بأبتسامه سعيده، دخلت عنان القصر فشعرت بمن يجذبها إليه ويزمجر بشراسه:-

_مين ده يا أختي وإيه اللي أنا سمعته ده.

هتفت عنان ببرود وهي تنفض يديه عنها بغيظ وضيق:-

_ده أستاذ محمد طالب إيدي وأنا موافقه إيه المانع

زمجر زين بغضب وعصبيه وهو يحاول السيطره علي ذاته حتي لا يقتلها:-

_نعم يا أختي أنتِ عارفه إيه المانع يا عنان أنتِ علي ذمة راجل تاني.

نظرت لهُ عنان ببرود تقول بأستفزاز وهدوء مُريب:-

_ما أنا هخلعك يا زين.

تنفس زين بعصبيه وهتف ببرود هو الآخر وأستفزاز:-

_تمام وأنا كنت بفكر أطلبك في بيت الطاعه بس قولت لأ بلاش عيب كده بس أنتِ اللي جبتيه لنفسك.

شعرت عنان بالغيظ وغمغمت بعصبيه وهي تضربه فوق صدره:-

_أنتَ إيه يا أخي بقولك مش عاوزاك وهتجوز واحد غيرك.

غمغم زين ببرود وأستفزاز وهو يقبض علي يديها بقوه:-

_ماليش فيه يا عنان أنا هطلبك في بيت الطاعه لو مخرجتيش الأوهام دي من نفوخك.

نظرت لهُ عنان لمدة دقيقه وهتفت بعدها ببرود وأستفزاز:-

_وأنا ماليش دعوه يا زين أنا هخلعك وأنتَ حُر أعمل اللي أنتَ عاوزه.

نظر لها زين بحده فبادلته بتحدي وببرود لن تجعله يفوز عليها أبدًا.

༺الـنـهـايـه༻

عاوزه أقولكم إن الروايه دي فقر لأن كل ما أكمل الفصول اللي كانت فاضله تقوم الفصول اللي كتبتها كلها ممسوحه والواتباد هنج ومسح كل الروايات اللي انا كنت كتباها إن كانت جديده ولا قديمه حسبي الله ونعم الوكيل 🙂