زٍوِاٌيٌـاٌ اٌلِـحٍيٌـاٌةُ
اٌلِـحٍلِـقْةُ "58"
ڪْتْآبْآتْيْ : Raghad
واول ما نزلوا لقوا
بات اماني يحكي مع واحد شبهه محمد عليه بس مش متذكر وين شايفه
محمد اول ما قرب منهم سمع خلاص نبيها
محمد : السلام عليكم
الراجل : و عليكم السلام
محمد : خير ان شاء الله في حاجه ؟
بات اماني ارتبك :زميلي مفتاح طالب يد اماني
محمد ضحك بهزوه : شن بيتبناها 😂😂
الراجل بإسلوب حقير : بناخذها على سنة الله و رسوله بنرد شبابي
محمد خشش سرور جوا و شافله بنفس الضحكه المستفزه : تحشم على وجهك يا راجل قاعد كراع في دنيا و كراع في الاخره اين الشباب الي بتردله يا حاج
محمد شاف لعمه بات اماني : من الاصول لما حد يطلب بنتك المطلقه !!
تسأل طليقها بالك مزال عنده نيه فيها و بيردها لعصمته !
الراجل : وانا عندي نيه فيه طليقها الي تحكي عليه مرميه قدامه لو يبيها راه خذاها
محمد رقتله : شنن هياا الي عندكك فيهاا نيهه تي قاعد محترمك لانك في عمر جديي تحشم ع وجهك شويه !
بات اماني : محمد اطلع من هناا خلااص اماني قدامك ثلاث سنين ما تسسبلهش مشاكل توا هيا الي تبي تزوج
محمد ضحك : تي بالله ع اساس منعرفكش توااا !! النبي وزعه هذاا هيي بنردها اماني
الراجل : تي كيف يا فوزي جو العيال هذاا !!
انت قلتت البنت لك هتردفي كلامك تواا !!
على الصوت و النقاش احتد و كلمه من محمد و كلمه من راجل وبات اماني
و كأن اماني سلعه للبيع او حيوان ما خذوش حتى رأيها و قاعده ترجا في من هيكسبها و هيفوز بيها بعد هالنقاش
كلم محمد باتهه الي انفجع من صوت العالي و قعد يلوم ع خوه كيف يعطي بنته بدون ما ياخذ شيرتهم او ع الاقل يعطي علم لمحمد بيش كان يبيها يردها
طلع الراجل بعد فاز محمد في معركته
و كان شرط بات اماني ان بكراا تنقراا الفااتحهه كيف ما كان مخطط لها !!
كانت اماني مقمعزه بعابيتها و محرمتها و تبكي بعد غصبها باتها ع طلعه للراجل
و سعاد قاعد مع سرور لوطا
و بات اماني قاعد يشرط ع محمد في شروط بيش يرد اماني و هو من كثر ما كانت راقيتله صبا و طلع و هو يحكي و خلاه يكمل مع باته
...................................................
معاذ : امي معش تلبسي قفاطين هكي وتفتلكي اطيري في البنات علياا راه يحسبوني متزوج
عائشه ضحكت : مبردك هذا فيش تفكر يا فالح !
معاذ : عقدتيني راه كلهم يبحتوا انقنك طرفف هيجوا يخطبوك مني 😂
عائشه ابتسمت بزعل : شايله هم كيف بتتزوج و هنرد نقعد بدونك
معاذ : ومن قال بنسيبك ؟ بنديرلك جناح معايا !!
عائشه تنهدت : متجيش هذي
معاذ : تجي ونص
عائشه ابتسمت و قعدت تمشي في دكان جنب معاذ و يهدرزوا و يجيبوا في شوية نواقص للحوش
و بينما هما يمشوا و يهدرزوا شافت عائشه خوهاا الصغير الي عمره ما يتجاوزش ال 35 سنة
الي ماشفتش من اكثر من 20 سنة تقريبا و مع تغير ملامحه و شكله لكن قدرته تزبطه
مسكت مرفق معاذ و ضغطت عليها و كرست ورا ظهره
و من الخوف قعدوا عيونها يدمعوا
معاذ استغرب و بحت لامه : امي ؟
عائشه و عيونها ادمع و تبحت للأرض بخوف : هيا هيا يا معاذ نطلعوا هيا نطلعوا معش نبي شيء للحوش
معاذ رفع راسه و بحت قدامه و قعد يشوف لعل و عسى يشوف اي حد ملفت للنظر امه خافت بسببه
جت عينه في عين خاله الي قعد يشوفله بتمعن و مشبهه ع مجدي راجل اخته المتوفيه بالنسبه له
مقدرش يمسك فضوله الا و قرب من معاذ و انصدم بعد شاف اخته ولان عقليته متخلفه جاب تفكيره حاجات حقيره !!
خو عائشه : عائشة ؟؟
عائشه مسكت في يد معاذ و قعدت تبكي و داسه روحها
خو عائشه : مزلتي نفس الفساد !!،نقتلوكك نحنا بعد حتى ما تبرينا معاكك ، حطيتي روسنا في الارض يا وسخه من الي معاك من ها ؟
عائشه مقدرتش ترد من كثر ما تبكي و ترعش بس سانده روحها بمعاذ الي كان جنبها و في لحظه فك يده منها و ضرب خاله بوني !
معاذ : مصمص فمك بزهرر قبل لا تجيب سيرتها ع لسانك الفاسد هذذ !
خو عائشه حط يده ع فمها و ضحك : بشنو ضاحكه عليه ؟
ما عندكش فيها مصلحه والله جايبه حتى الجياب😂
سكت و قال بأسلوب حقير : مفيهش جو !
عائشه قعدت تبكي : معاذ هيا نطلعوا الله يربحك !
معاذ : وانا هو الي جيبتها يا مسخ !
خو عائشه : اوووووو ملا تصاحبتي مع عيلة لنقي 😂
معاذ : منبيش نمهزل بيك بس وانزل قدري اكثر من هكي قدام ناس بتفوتني بجو الجميل ولا لازمم ما تتهزب ؟
خو عائشه : تي درق وجهك انت يا فرخ الحرام
و هنا معش قدر معاذ يستحمل اكثر من هكي تضاربوا هو و خاله ضرب الموتت و يحزو عليهم الي في المحل سيب امه راعشه و تبكي و تفك فيه بدون جدوى لان الغل الي كان ف معاذ ماكانش بخلي اي واحد يفكه
لين دهش و طلع من المحل بدون ما ياخذ اي شيء
قعد يحكي بصوت عالي و يهدد لو قرب من جيهته مره اخرى هيقتله قتل
بعد امه حكتله ان هذا خوها الصغير الي بعدها
تنهد و حضنها : هنشيل اي شخص يقربلك من ع وجه الارض
عائشة ميحت دموعها و ابتسمت : ربي يخليك ليا
معاذ ولع السياره و ضحك : شن رايك بس شايف السيسي يدير فيها
قعد يقلد في السيسي : اقسسسمم باالله الي هيقربلهااا لماا اشيلوو من على وشش الارضض
عائشه مسحت دموعها و ضحكت و ضرباته ع كتفه : يعطيك الهنا
مشى معاذ و الطريق شالاته من عند حوش عصومي
القاه مقمعز قدام الباب و واخذ عصا و يرسم بيها ع الارض
وقف معاذ ودرس السيارة : دقيقه يا امي توا انجي
عائشه : خوذ راحتك
نزل معاذ و شاف لعصومي بضحكه كان مشايفه له يوم كامل و هما الاثنين مش متعودين ع هذا
معاذ ضحك : حبببييي
عصومي رفع راسه و شافلهه : رفقتييييي
صبا و حضنهه : ااه شفتت بعدكك ايه الي حصليي
معاذ : يا راجل ما بلاش اوفرا 😂
عصومي : قعدت كيف الشايب الي يرموا فيه بعد العصر في كرسي في شارع و يقعد زي الخبزه اليابسه
معاذ : لا وجعتني الحق😂
هيا توا شويه و نطلعوا نصيعوا 😂
عصومي : و عليش مش توا ؟؟
قعدتي ع شمس ما قعدهش حتى القديد
معاذ : تي بالله يا راجل نحلف عليك ما طقيتش نص ساعه برا 😂
عصومي ضحك و حط يده ورا رقبته : صح 😂
معاذ : نروح ب امي و نجي تم ؟؟
عصومي : وعليش تروح بيها خليها تعرف ع امي
معاذ : والله صدقت مزال مشوار عند الحدائق خلاص نشوفها و نجي
عصومي : عليش هيا حترفض تقعد مع امي ، اميي يترفض القعده معاها حسبيالله 🙂💔
معاذ : تي عدي يا راجل 😂
مشى معاذ لامها و حكالها انها تنزل تتعرف ع ام عصومي
ولانها متقدرش ترفضله طلب وافقت و نزلت
و تعرفتت عليها و انسجمن مع بعض واحدد
و طلعت حتى تقربلها
يقعد ولد عم ام عائشه
مناسب خوال ام عصومي
...................................................
نوريه : و رحمه رحمه بتفسخ خطبتها ؟
محمد : مش عارف
نوريه : ما تحكيشش معاياا بالبروود هذاا !!
محمد : انااا مش طااايق حتىى روححيي نبرمهاا في رااسي و بعدها الي بيسخره ربييي يصيرر
و صبا و طلع
سرور خافت و قعدت ماسكه في عشق
علي : ما تضغطيش عليه هو مش صغير و عارف مصلحته و الي داره صحح و كان مفروض من الاول لامتى بنته بتقعد بروحها بدون ام ؟
مش كان ماسكتها عشق توا معناها خلاص !!
بكرا عشق بتجيب عويله و تلهى بيهم حتى هياا
نزلت عشق عيونها بعد بحتت في يوسف الي ضحك بهزوهه على كلام باته لما قال بكرا عشق بتجيب عيال و تلهى بيهم
زبيده : كويسه والله رحمه ما تستاهلش
يستر الله و خلاص ان شاء الله ما يظلمها معاه بنت الناس
وتين : يعني انت ماتبيش يرد اماني ؟
زبيده : لا اماني زي اختي و اعزز و غاليه علياا واجدد و اكيد فرحانه انها بترد هيا و محمد بس رحمه حتى هيا نعزها ولو ان جمعتني بيها فتره قصيره
وتين : اهاا
ركب محمد و رمى روحه ع صالون ولاول مره تكون الي مسيطره ع كل تفكيره رحمه مش اماني
هو حرفيا مش قادر يشيلها من دماغه !!
و يفكر فيهها رحمه كانت لطيفة الاسلوب معاه و حنينه عليه
تخاف عليه من ابسط حاجات مهتمه بكل تفاصيله صغيره كانت ام كبيره
تذكر منظرها لما اعترفتله انها تحبه من ايام و هما يقروا في القانون مع بعضهم مع العلم انه مكنش في دفعتها
رحمه ما تستاهلش تاخذ واحد زيي ما تستاهل الا واحد عازب
مش انا الي مطلق و توا بنردها و ناخذها ثانيه
و في لحظات الي كان مهموم و يخمم في الي جايي كانت هيا حاسه بشيء داخلها دفعها ترن عليه و تشوفه
لكن هو ما ردش عليها و تهربب من النقاش معاها مؤجلاً اياه للبكرا ع اقل تقدير
...................................................
حضناته و قعدت تبكي و تقرا عليه في القرأن : شن جاكك بس قولي شن جاك شن هو الي جد عليك
احمد قعد حاضنها و يبكي : ظهريي مش قادرر نتحركك
اسيل : نكلملك وائل يجي يشيلك ؟
احمد بألم : لالا خلاص اهو توا نقعد كويس
اسيل : نكلم يوسف باهي يجي يشوفك هنا ع الاقل ما تقعدليش هكي
احمد من كثر الالم الي يحس بيه في ظهره و العياط من الي حسه و خلاه حتى مش قادر يصبي
غمت عليه و حتى نفسه معش لقطه وجه تغيرر
ولان اسيل ع علم من حالته جرت و جابتله البخاخه بتاعه
الي اول ما خذاها بدا النفس يردله تدريجياً
اسيل حاضنته و تبكي : قزلي يا روحي شن هو الي مخلي ظهرك هكي ؟
عمرك ما شكيتلي من ظهرك ؟
كنك شايل حاجه ثقيله ؟
مصبي غلط ؟
شن صايرلك ؟
احمد : تاعب انا وربي بنموت
اسيل : باهي اسند روحك شويه نجيبلك بنادول تاخذ و نجي
احمد : خذيت
اسيل : من بدري هذا
صبت اسيل و جابتله حبتين بنادول
و حطتله اميه ساخنه او فايره "مغليه" و مشتله
عطاته حبتين البنادول
و رقداته ع بطنه
قعد يد تمرر بيها شيشه الميه ساخنه ع ظهره لعل و عسى تقلل من ألمه
و يد تمشي بيها ع شعره بيش يهدى
و مولعه جنبها القرأن
خلاته هكي لين حساته ارتخى و رقد
سقماته و غطاته
خذت فونه و طلعت من دار بعد تأكدت منه في نوم عميق
فتحت فونه ورنت على يوسف الي كان مقمعز جنب عشق
رد اول ما شافه احمد لان له فتره عليه و مرايف عليه واجد
يوسف : حميده
اسيل شافت وراها و قالت بصوت واطي : الو يوسف ؟
يوسف استغرب الصوت و ناض من جنب عشق الي شافتله بشك بس مابتش تلحقه و تصنت عليه
يوسف : ايوه من معايا ؟
اسيل : انا يا يوسف اسيل مراة احمد
يوسف استغرب : اها اسيل كيف حالكم ؟ خير ان شاء الله شن في ؟
اسيل : احمد له كم يوم يشكيلي من ظهره هكي من حاجه اسبوع بس كان كويس يعني نوعا ما
بس تعب منه اليومين الاخيرات بكل يقعد لين يعيط منه و ما يرقد الا بعد وين وين
يوسف بأستغراب : احمد ما عندش مشاكل في الفقرات ولا ؟
اسيل قعدوا عيونها يدمعن : لا ما عندش بكلل و عمره ما شكالي منه
بس كيف ما قلتلك الفتره الاخيره هو الي يشكي منه حتى مرات يخش للحوش يطيح عليا يقعد حتى مش قادر يفرد طوله ، قلتله امشي المستشفى عاين و قلتله نكلم وائل يشيلك يشقى بيك خير ما تقعد معش قادر حتى تصبي
قلتله نكلم حتى يوسف يجي لعندك و يشوفلك حد يجيك هنا كان مش راضي تمشي للمستشفى
بس مابش مابش
يوسف : يستر الله باهي تم خلاص توا بكرا نخطم عليه نشوفه
اسيل : باهي بارك الله فيك
يوسف : واجبي هذا حميده خويا و اعز
اسيل : تسلم هيا تصبح ع خير و اسف عشان كلمتك في الوقت هذا غير انا بروحي مش عارفه كيف نتصرف
يوسف : لا عادي مادوريش هيا ليلتكم سعيده و توا نشقالك بيه احمد ما تشليش هم
اسيل : بس بالله ما تبينلش اني كلمتك او خبرتك بيه
يوسف : تمام به اوكي
اسيل : مع سلامه
صكر يوسف من على اسيل
و خش على عشق
الي اول ما شافاته قالتله بعفويه : من يكلم فيك ؟
يوسف شافله بنص عين وسكت
زعلت عشق و طبست عيونها و حست بندم ع ان سألاته
عشق صبت و قمعزت جنبه : يوسف
قعدت تشوفله لفتره قبل لاتحط راسها ع كتفه و تنهد
يوسف قعد يدير بفونه و مش معاطيها اهتمام : كنت نقولك لما نتضايق منعرفش نرقد
نزلوا دموعها وضحكت : كان حتى لو في مشكله اديرها في صبح بيش نعرف كيف نرقد في الليل
ضحكت و مسحت دموعها بحزن : يوسف انا ليا شهر مش راقده
تنهد و طفى فونه و رماه و حضنها : ما انت تنرفزي فياا وانا نبعدد بيش ما نقولش كلام نندم عليه وقت اخر كم مره حكيتلك ع اضرار منع الحمل ؟
عشق : مش هيصيرلي شي
يوسف : معش هتقدري تجيبي افهمينيي
سيبي امه دواء و خليها ع الله يا ستي
عشق سكتت و قعدت تبكي بدون لا يلاحظ
حطت يدها ع قلبها الي بدا ينخص فيها كل ما تكلموا في الموضوع هذا
فطن لحركتها و خافف بدرجه كبيره حولها من عليه و قعد يشوفلها : كنكك ؟؟ شن في شن تحسي ؟؟
قلبك وجعكك ؟ تي تبكي ؟
باهي خلاص اسف انا ؟
حطت يدها ع عيونها و قعدت تبكي
يوسف طبس عيونه : اسف قلتلك خلاص هيا زح امسحي دموعك ما تبكيش
عشق و هيا تبكي : باهي في من كنت تكلم توا
يوسف دفها و شافلها : والله🙂💔
عشق : قصدي بالله مش عيب عليك تخوني من توا
يوسف : ما فاضي الا نخونك تي انا قريب نقطع دبشي منك تبيني نشوف مراه ثانيه بيش ننهبل رسمي ؟
عشق : حسبي الله فيك هيي شايلتك ع كفوف الراحه
يوسف : نبي عيال
عشق : توا تجيبهم و ينكدوا عليك
يوسف : مالكش علاقه انتي ، تي الزح ماعمرش جا خاطرك تجربي شعور الامومه ؟؟
عشق : ما تقلبش الحوار في من كنت تكلم ؟
يوسف : تي ع اساس بندسها انا انسان صريح !! مش انت تعجني من عندك و تجي تقولي لا دون سنتين مش هنجيب عيال بدون ما تعطي اسباب مقنعه
عشق : في من كنت تكلم ؟
يوسف : اسيل مراة احمد 😒
عشق خبطت ع قلبها : هكيي عاادي تقول فيهاا ، لا و تخونيي فياا اناا و احمد صاحبك رفقتتت عمركك معقوللهه ؟؟ قصدي كان انا هنتت هو صاحبككك حي علياا مزال بدري عليها صكر حتى سنه وبعدها ابدا شوف لبرا
يوسف : تي بالله انت تكذبي في الكذبه كيف و تتعايشي معاها ؟؟
عشق : مالا رانه عليك عليش مثلا تسأل عليك تعشيت ولا ؟؟ لا و شنو قدامي تقول حمييييده
يوسف : كنت نحسابه احمد ، بعدها هيا رنت من ورا احمد بتحكيلي ان ظهره مش مريحه و رافض يحكي لحد ولا يمشي للمستشفى و تبيني نشوفه
عشق : و ترن عليك في هالوقت ؟
يوسف : كان نيتها سوده راه رنت من تلفونها مش من احمد
عشق : اوكي حتى انا ترقا عليك الحرارة شويه نرن ع احمد ما نشوفش محمد و معاذ بكل
يوسف سكت شويه و ضحك ؛ وحشني معاذ والله
عشق : عادي نسألك سؤال تطفلي شويه
يوسف : شنو ؟
عشق : باتك هيحرمه من الورث توا يعني مش هيعطيه اي حاجه من رزقه بعد بان كل شيء؟؟
يوسف : م نعلمش بس م اعتقدش باتي يديرهاا لو فعلا دارها هنوقع تنازلل ع كل شي كتبه ليا لمعاذ بس باتي ما يديرهش عارفه
عشق : امم باهي وين كنت في العشيه ؟؟
يوسف : توا بكرا تعرفي
...................................................
زبيده قربت منه و قمعزت جنبها : كنك زعلانه و مكتئبه و بروحك ؟
وتين لمعوا عيونها : مضايقه
زبيده : من شنو ؟
وتين قعدت تبكي و مطبسه راسها
زبيده : تووني تبكيي ؟ كنك يا عمري شن في ؟
وتين : زييده انا درت شيء غلط
زبيده زمطت ريقها بخوف : شن درتي كل شيء وله حل
وتين قعدت تبكي و تحكي بتلعثم و بسرعه و طريقه غير مفهومه : انا نحب معاذ متسأليش كيف و عليش
انا هكك نحبهه نبيه ديما قداميي نرايفله لما يعدي
نخش كل شويه نشوفه اونلاين ولا
مش قادره نقعد لحظه بدونه
نقعد قريب نطير من فرحه لما نقعد معاه او يحكي معاياا
زبيده تنهدت : بس معاذ يبي اروى
وانت عارفه كيف يحبها
وتين تبكي : نعرفف رس نحبه والله
زبيده : اهدي يا روحي خلاص
لو عندك في شخص نصيب هتاخذيه مرات يكون كل شيء مسأله وقت بس
انا نعطيك نصيحه ردبالك تقولي لمعاذ انك تبيه
لان هيحسك رخيصه تفكيره نعرفه
ارجى كل شيء يجي من ربي كانه مكتوب لك بتاخذيهه
وانت حاولي تشغلي روحك ب اشياء تشغلك عنه
اي شيء بيش تشيليه من دماغك هالفتره اقل شيء
...................................................
كانت مقمعزه ع سرير و ضامه كراعها لحضنها بيدها و حاطه راسها ع ركبتها
قرب منه ولما جا بيحبها ع راسها بعداته بحركه سريعه
مالك بإستغراب : كنك ؟؟
سارة بنبره هاديه : مريضه توا نعديك
مالك حب راسها : هتكون اجمل عدوى هناخذها في حياتي 😂
خذا توته و خش الحمام "اكرمكم الله" دار دوش و لبس توته و طلع تمدد جنبها : ما زلتي تاعبه ؟
سارة : لا كويسه
فتح مالك فونه و قعد يمشي على الفيس له فتره عليه و منشغل بسبب الشغل الفتره الاخيره
سارة رشفت خشمها : اليوم كان عيد زواجنا الثالث
سكتت شويه و نزلوا دموعها
ما احتفلنش ب الاول و الثاني ع خاطر الي مرينا بيه او الي مريت بيه !
سارة تنهدت و حاولت تتمالك نفسها و تحكي بنبره مفهومه
توقعت انك تنزلني لوطا او تخلي ايمن ياخذني انا و سحر لمكان و في الوقت هذا تجهز فيه الحوش او حاجات الي زي في المسلسلات
مسحت دموعها و ضحكت : هكي توقعت يعني انك تذكره و نحتفلوا بيه بعد التحسن الي صار في الفتره الاخيره
بس شيء
مالك طفى فونه و عيونه لوطا هو حقيقي نسى كان منشغل بمرضتهاا و في موضوع جد عليهم في شركه كان شاغله وهو انهم بيحولوا لشركه اخرى لدرجه نسى يوم زي هذا
: انا اسف
سارة رشفت : لا عادي تعودت
حولت الورغان و رقدت ع جنبها و تغطت
عطاته بظهرها و نزلوا دموعها
قرب منها و حضنها : انا اسف مش عارف كيف نسيت و فاتت عليا بس والله مضغوط الفتره هذيي بس وعد وعد نعوضكك
سارة : مس مشكله خلاص بس بعد شويه ضايقتني
مالك تنهد : اسف يا ساره والله نسيت مش عارف كيف
سارة ضحكت وسط دموعها : شن فيها عادي حتى انا مادرتش شيء اصلا
مالك : باهي متبكيش
كرها و خلاها مقابلته مسحلها دموعها : حبيبي اسف وربي اسف
سارة ؟
حضناته و غمضت عيونها
: بكرا فاتحه محمد
مالك : كيف صار ؟
سارة :مش من رحمه الي حكيتلك عليها
من بنت عمه ام بنته
كلمك يوسف بيش يعزمك مارديتش
مالك : اها شفته والله غير كنت في شركه و ما فطنتلش
...................................................
وتبن تحكي مع معاذ ع الواتساب
وتين : بكرا فاتحة محمد
معاذ : اها كلمني محمد من بدري
وتين : محمد غرببه مع انه من بدري بروحه قال مايبيش يشوف حد
معاذ : ااه قصدي يوسف
وتين : وين عقلك انت ؟
معاذ : تي نكتبلك و نحكي مع امي
وتين : اهمم ياخيا باهي منشغلكش معناها
باي
معاذ : تي لا عادي
وتين : خطرها كيف ما تحكيش مع اروى توا ؟ 😂
معاذ : مريضه قلت نخليها تتريح
وتين : باهي خلاص معناها حتى انا نخليك
معاذ : اسمعي توا بنرن عليك فيديو بنوريك لامي ديما نحكيلك عليها
وتين : منظري يهرب قبيله توا صبح بعدها شافتني هيا خطرها
معاذ : تي غير هيا انت في جميع الاوقات مزه 😂
وتين : انت مش فالح الا في التلسين
معاذ قمعز جنب امه و رن عليها فيديو
عائشة : ترن ع من في هالليل
معاذ : وتينن
وتين ابتسمت : اهلاا
معاذ ضحك : حبييي وحشتيني
عائشة شافتله بصدمه : هي
وتين : مازلتي ما خذيتي ع طبعه يا خويله 😂
عائشه : هبلني كلهن حبه 😂
معاذ : شن دايره من غيري يا شقرا ؟😂
وتين : لا بس سرقتيه مني يا خويله كان يجيبلي في شوكلاطات كل يوم 😂
معاذ : بيش تعرفي اني احسن واحد في العالم بس
عائشه : شبعتوا منه انتوا شوفوا كم صبرت سنه بيش نقعد هالقعده معاه
وتين : لا بس لازم تجيبيه لنا يوم يومين كده
عائشه : هو بيطلع من البلاد اصلا
معاذ شاف لامه : قتلك واخذك معايا
وتين ابتسمت و طبست عيونها
معاذ : حتى انتي يا شقرا واخذك معايا كلكم بناخذكم 😂
عائشه : اقعد في البلاد و خلاص دامك بتاخذهم كلهم
وتين ضحكت
و قعدوا يهدرزوا هما الثلاثه بأنسجام و تفاهم كبير و ضحكوا و لعبوا وكان جوهم سمح
حتى عائشه حبت وتين وااجد
...................................................
يوسف : ع ترتيب هيا بس ؟
محمد نزل و شافلهم : فيش تحكوا ؟
يوسف : لا قتلها عندي بلوزه نبيها تحددها ليا ع وين انت ؟
محمد بنبرة هاديه : لرحمه
يوسف سكت و مابش يسأل عليش
محمد كان ماسك سرور في يده : نتعبك معايا و تخليها معاك يا عشق ساعتين هكي مش مطول؟
عشق : عادي خوذ راحتك ما تشيلش همها
محمد : بارك الله فيك
زبيده : اليوم صح بتجيب اماني ؟
محمد : اها
زبيده : متبيش تعزم حد ؟
محمد : مش لازم هيا انا طالع اوكي
طبس و باس بنته و طلع للمكتب متوجهاً لرحمه
..
رحمه ضحكت وراته صورة فيلو : شوف يا حمادي حبيتهه بكلل كيوتت
من عجبك هذا ولا هذا هنا الاثنين حلوينن حرت انا
اهه و شوف الديكور هذاا بسيط و ناعمم بكل حتى هو عجبني بكلل
حتى ورتتي امس بنت خويلهه كعبب عجبنيي بكلل يا انتت مش طبيعي
محمد طبس راسه و سكت
رحمه حطت يدها ع وجه ورفعتله راسه : حبيبي كنك زعلان ؟
محمد و هو مطبس عيونه : رحمه انا اليوم فاتحتي
رحمه بعدت منه خطوه و ضحكت : تي بلاش براده هيا كنك ؟ شن الي مزعلك ياروحي ؟
محمد سكت
رحمه دمعوا عيونه و ضحكت : باهي كيف و امتى ؟ قصدي انا لعند امس الصبح كنت انت هنا و نحكي معاك و جونا سمح ؟؟ شن الي صار و تغير توا ؟؟
محمد : نبيك انت الي تفسخي منبيش حد يحكي عليك انت تستاهلي الي خير مني
انا مطلق و عندي بنت و توا بنرد مراتي
رحمه قعدت تبكي : وانا كنت راضيه بكل شيء
محمد : انا مش هنرضالك هكي
رحمه مسحت دموعها : اوكي اوكي تمام ممكن تطلع براا
محمد : مش هكي تنحل يا رحمه اقسم بالله اني نعزك و هذا بيش جيتك و حكيتلك ، الموضوع صار امس العشيه بس ما قدرتش نكلمك الليل و قلت نحكيلك الصبح
نبيك انت الي تفسخي
رحمه قعدت تبكي بعبرتها : اطلعع يا محمد اطلعع
محمد : هيجيك الي خير مني لانك تستاهلي
رحمه قعدت تبكي بعبرتها ؛ انا مش مسامحتك مش مسامحتك ع الي نحس بيه قاعده نحس فيي روحي مضحكه
هذا كله خطه بيش تقيس بيها غلاك عندها و تردلها
محمد : والله ما صارت
رحمه حطت يدها ع عيونها : نكرهك انا نكرهك اطلعععع
عيطت بصوت عالي : قتلكك اطلعع
محمد : تي اهدي خلااص
صبي نروح بيك و نحكوا في طريق
رحمه : مانبيش نشوفك ولا نحكيي معاككك
حسبي اللله و نعم وكيل فيك من قلبيي والله ماني مسامحه
صبت لمت حاجاتها بعجله و نزلت لسيارتها و طلعت بيها
تنهد محمد و قعد واقف لفتره قبل لا يطلع
و تجي عينه في عين سمعو الي حاول يفهم شن في و عليش طلعوا و هما اشكالهم هكي ، و وجوهم منقلبه هكي ليش ؟
لكن محمد ماكنش ناقصه الا سمعو بيش تكمل عليه
طلع من المكتب لكورنيش الصابري قمعز فيه كان شويه يريح فيه القعده غادي قبل لا يلم روحه و يمشي للحوش لان العصر قرب و بيقروا الفاتحه في الجامع كان ع علم ان باته عازم ناس وان هو الي هياخذ اماني من غادي
...................................................
يوسف بعد كمل ترتيب الجنان هو و معاذ و عصومي وتوا روحوهم و لبسوا البدالي العربيه و ما يخلش الامر من التصويررر
ولايف الي فتحوه عصومي و معاذ 😂
طلعوا للجامع بعد جابوا عشق و وتين و عائشه للحوش و خلوا زبيده مع اماني
انقرت الفاتحه و طلعوا عصومي و معاذ دارو العار حرفياً😂
و بعد وقت تختفاء يوسف و مشى ينظم معاهم في الحوش و يولع في السبيكرات و يدير معاهم في رتوش الصغيره
كان محمد عند حوش هل اماني الي فتحلها الباب بيش تركب ه و معاهم زبيده الي ركبت من قدام 😂
كانو مدايريلها ميك اب بسيطط و ناعم بكل مع روج احمر داكن
و مغطيه وجها بطرف المحرمه
و اول ما طلع من شارع هل اماني
بدوا سيارات يطلعوا من وراه 😂
و بيبات و فريتشاتت و عصومي و معاذ الي طالعين من رواشن يغنوا و يصفقوا و قايمين الزفه 😂
واول ما نزل احمد الي ما شافش اماني في الاساس او ماركزش فيها
انصدم في الجنان الي كان منظم و كأنه قاعه
ديكور بسيط بكل و مسرح مش اوفر
و ديجي
واول ما خخشزا هما الاثنين لفت انتباهم يوسف الي كان مصبي ع سور ااسطاح
محمد انصدم : يوسف
يوسف كان عايش حياته و يغني من فوق و رمى عليهم زينه ذهبيه 😂
مبروك علينا فرحتنا الليله
يا اعز الناس هنعيش دنيا لوحدينا
اليوم ده يومنا
ومن يلومنا
عيشني يومين حلوين من الي في خيالنا
هالله هالله هالله قمر بجد ما شاء الله
هالله هالله هالله انا بين ايديك بحلم والله
والله احلى فرحه الليله
فرحه لمه كل العيله
والله احلى فرحه الليله
و دنيا في عيونا جميله
مبروك علينا
ياما استنينا
ياما قولنا ياريت ياريت نبقى لبعضينا
واهو انكتبلي
تبقى في حضني
الله بخليك ، خليك جنبي و اقربلي
مبروك علينا فرحتنا الليله
يا اعز الناس هنعيش دنيا لوحدينا
اليوم ده يومنا
ومن يلومنا
عيشني يومين حلوين من الي في خيالنا
مبروك علينا ياما استينا 💙💙!
...................................................
محمد : ياراجل انزل راك اطيح
عشق بخوف : يوسف
يوسف شاف لمعاذ و عثومي من برا : صوروني صوروني بيش ننزل في صفحات لعدين ع شاب ليبي يحاول الانتحار بعد وضع البلاد المتأزم 😂
عشق بخوف : هياا انزل
يوسف دار روحه بيخكوه خطوه قدام و يطيح لان شاف عصومي يصور فيه 😂
عشق عبطت و حطت يدها ع فمها : يووووسف
اماني ضحكت ع يوسف و شافت لمحمد الي كان يشوف ليوسف و متعصب منه خايفه يزلق و يطيح
زالت ابتسامتها اول ما شافاته و بعدت خطوه منه
نزل يوسف من السطاح
و شاف لمحمد : مبروك يا حبي
محمد تجاهل مباركة يويف و شاف للجنان : انت ؟
يوسف : ما عليك فيه هذا نحنا كبودنا دارهه و بنفرحوا شويه 😂
محمد : كله بيرتد
يوسف : يا راجل مش بينا هيا اركب البس البدله العربيه بتاعك جايين كلهم بالبدالي راه
محمد : شن بديروا ؟
يوسف : بنطلعوا حراك تي هيا يا راجل 🙂
..
كم ناقص ؟؟
زبيده : قوليله يزيد شيشتين مانجا وحده فراوله
نور : قاللها يوسف مش هيسدوا من بدري
وتين : تمام
طلعت و قعدت تنادي جوووددد جووود يا بنت وينك
عدي نادي معاذ بسرعهه
معاذ : اهو انا من بدري هنا
وتين التفتت و شافتله بصدمه كانت لابسه قفطان لونه بودري هافتت الي بين البودري و البيج لتحت ركبتها
و فيه مسكه من الخصر و كتوفه طايحات
وتبن كرست ورا الباب و قعدت تتنفس بالقوه : شن خششك
معاذ : شفتك لين شبعت منك اطلعي بس😂
وتين طلعت وجها من ورا الباب الي يفصل بينهم : بارد لانك
اسمع بس
معاذ : هاا يا حبي شن تبوا ؟
وتين : جيب شيشتين عصير مانجا و شيشه عصير فراوله من جنة الفواكه الي هنا
معاذ : تم هي
وتين : بالله ما اطول
معاذ : غير بنعلم من عزمتوا انا
وتين : عدي بسس اهو هنقعد نرجا فيك هنن
...................................................
يوسف : تي وين وين عاش من شافكم وين بيعيني هالبيعه ؟
خالد : حتى انا بايعيني قاعد سنقل بائس
احمد : والله شغل
يوسف : هالك روحك بالشغل انت مش هكي الحياه راه فك شويه حتى ع صحتك
احمد : هيا الله غالب محتاج
يوسف : كني نحس فيك مستصعب في التصبايه ؟ نجيبلك كرسي ؟
احمد : ظهري نايض عليا
يوسف : يساتر من شنو ظهرك ؟
احمد سكتت
يويف : في حاجه منعلموش بيها ؟
احمد : مافي شيء غير محصل شغل جديد
يوسف ضحك بصدمه : شغل جديد هههههه تي كيف يا راجل غير فهمني بس في اي وقت و انت صلح ف مكان و الليل ف مكان
احمد : في القايله
خالد : و شن تشتغل
احمد قلب وجه و قال ببرود : انزل في سمينتو و بلك و حاجات هكي
يوسف ضحك بهزوه :تبصر انت ؟؟
ادور في اي شيء بيش تهلك روحك ؟
ركابك و ظهركك يا احمد شوف حتى مشيتك قاعد مستصعبها
احمد سكت و تسند ع سيارته
يوسف : هتهلك روحك بدري بدري !
قاعد مازلت في العشرين و ظهرك تشكي منه
احمد : ومن قالك نشكي منه انا ؟ انت ألفت موضوع و تعايشت معاه !!
يوسف : متنرفزنيش يا راجل !!
تقول نعرفك من اول امس
احمد : فوتوني بالله ترا
مشى من جنبهم ووقف مع محمد و فاتهم
...................................................
سارة : مالك يا روحي ؟
سميه : مالك مشغول مش فاضي كلميه بعدين
سارة فتحت عيونها بصدمه : كيف كيف انت من مالك وين ؟؟
سميه : انا سميه و هيا بايي
و صكرت عليهاا
سارة : شافت لفونها بصدمه : كيففففف هذااا
..
مشى بوم جميلل علبهم كلهم بين صور ولايفاتت من عصومي و معاذ
و يوسف الي عنده اكبر عدد من متابعين زنوا عليه و فتح حتى هو
و ماكنوش البنات اقلل منهم في الهيسه 😂
مولعين اغاني و يرقصوا و يغنوا و رغم ان كل شيء جا سريع و بسيط الا انهم غيرو جو بكل
فضت الدنيااوقعدوا الاقارب بس و خشوا الرجاله يباركوا الاماني
العمام و هكي
عائشه : بالله هيا روحي معانا
معاذ : هيا درهتي كبدي توا نحطوا فيلم و جو 😂
وتين : حاضر با خويله ما نبات عند اعز منك نسأل يوسف بس💙
جد يوسف شاف لعائشه : هذي في شنوو ادير هنا ؟؟ امشي اطلعي براا معش بنشوفك عافسه حوش من حواشينا !!
معاذ شاف لجده : هذي اميي و دامكك لازهااا معناها تبرواا منيي لانكم معش هتشوفولي وجه حتى انا
وتين خافت ومسكت يد معاذ بطلعه : اسس بس
يوسف : طول وقتها ما غلطتش في حاجه وحده ؟ شايلين عليها ف قلوبكم ليش ؟
ولدكم هو الي كان مش طبيعي سكرجي !! و هو الي رفع عليها موس !
وهو الي كان بيقتلها !
في حاجات بالعقل
علي : خلاص يا حاج ساد من الجفا ماخذينا منه شيء اه ولدها ردلها و هيا كنة العيله ف الاخير و كل زقتها ماربنا منها الا كل خير
جد يوسف سكت و قلب وجها
وتين : يوسف عاديي نروح مع خويله عائشه
يوسف : شوفي اختك و عدي
وتين ابتسمت : بس خويله شن رايك نلم معاهم الحوسه و نجيكم بكرا ؟
عائشه : براحتك
زبيده : ما هناك حوسه عدي غيري و امشي معاها
عشق : عدي بس ما تعبيهمش
معاذ : لا لها زمان ما جبتلها حاجه اكيد بتصدمني ف سياره 😂
وتين ضحكت : بارد
..
ماروحش معاذ ل عائشه و وتين الا بعد كملوا الحوسه كلها ورتبوا الحوش
و مش هتقوا كميه الانسجام الي كان بين عائشه و وتين كيف الام و بنتها
تفرجوا ع فيلم و جابلهم معاذ مقرمشات و دارلهم اجواء جميله
ورغم بساطه كل شيء الا فرحة اليوم هذا بذات مش هينسوهم
...
سارة رمت شنطتها و محرمتها ، و فكت عبايتها بعصبيه : تي كيفف ترد علياا تقولي مالكك مشغولل و تصكرر في وجهي شن قلة الحياه هذي ؟؟
انا راجل تؤد ع تليفونه مراه و تقولي مش فاضيلك ؟؟
مالك : ما قالتش هكي قالت مشغول و كنت مشغول صحح ؟
سارة : توا معقوله شركه معندهش حقق عاملين مصريه ينقلوا وانتوا الي تنقلوا
مالك : ظروفهم صعبه شويه و نحنا هنا من سنين شن فيها كان ساندناهم ؟ بعدها انت شن مشكلتكك بنفهم ؟
سارة التفتت عليها و قربت منه بعصبيه : مشكلتي انك رااجليي شنوو راجليي و لياا بسس
لانن نحبككك نحبكك و تعبتت مننك و من حياتك المقرفه
مالك ضحك : هنسامح ع حياتك المقرفه
بعدها شن الحلاوه هذي بالله ؟ وربي اني انا الي نحبك و طايح بوجهي 😂💙
هيا نبيك في موضوع مأجلينا لنا ٣ سنين 😂
..
سرور كانت راقده فؤ وسط امها و باتها : و اخيراً يا مامي جيتي معانا انا و بابي
محمد ابتسم : فرحانه يا روحي انتِ ؟
سرور ابتسمت : امم عرمم هككك
عشان داعدين "قاعدين " انا وياك و مامي
اماني نزلوا دموعها : ياروحي انتِ
سرور : تبتي يا مامي ؟
اماني ضحكت و مسحت دموعها : لا
عادي نحكوا يا محمد ؟
محمد : خليها بكرا تاعب توا
هزت اماني راسها ببه و سكتت ..
...................................................
معاذ : انا بنعرف عليش مستعجله و روحتي اليوم بس
وتين : خلاص هذك هو توا نجيكم مره ثانيه
معاذ : باهي هيا نخش معاك نسلم عليهم
وتين : داير روحك براني؟؟
معاذ ضحك : حسيتت
واول ما خشوا بدوا يسمعوا في صراخ زبيده و نوريه
زبيده : منبيشش قلتلكك منبيشش
نوريه : بنفهمم هذاا كلهه عليشش ماتبيش تطلعي بينك اوقفي معاها حتى في المطبخخ البنت تبيكك
زبيده : وقحهه هذيي و تعزمم اخرىى مستحيلل نعفسلهاا حوووش
نوريه : هذي كلها غيره ؟
زبيده : مش غيررره مش غيرهههه كيفف نمشيي لخطبة وحده يبيهاا خويااا
معااذ يبي اروىى يحبهااا و علاقه سته مليون سنه و هيا تعزمم فينا بكل قلة ادببب
معاذ : ........
.. يتبع ..
نهايه الحلقه مش جميله واجد لاني لبزت فيها نكتبب وانا مش واعيه حرفيااا مريضه مرضت سنينن لاباس علياا و ان شاء الله هذا حد السوء و نعني م نغيب 😂
المهم الحلقه الجايه هتكون الحلقه ما قبل الاخيره 😭💔