البارت التامن
أنهى ادهم كلامه و نظر إلي عشق و الي ملامحها المصدومه و
عشق بهدوء : ادهم انسى اللي حصلك خليك دلوقتي في اللي بيحصل دلوقتي توب لربنا عن كل اللي عملته و هو هيسامحك و لو مبتعرفش تصلي نبدا معاك و اعلمك و نحفظ قران سوا
ادهم بسعاده من كلامها : شكرا جدا يا عشق و انا اوعدك هتغير
عشق بابتسامه : متشكرنيش انت زوجي بس ايه رأيك نتعامل على أننا صحاب عشان نحاول نشيل الحاجز اللي ما بينا ده
ادهم بسعاده : ممكن طبعا أنا كنت هقلك كده اصلا بس ممكن طلب
عشق : اتفضل طبعا
ادهم : ممكن بس ننام جنب بعض اصل لما بتحتضيني بفتكر ماما الله يرحمها كانت تحضني كده برضه
عشق : حاضر انت تؤمر
ادهم : ممكن متزعليش من اللي حصل امبارح
عشق : مش زعلانه ثم اردفت بمرح لتحاول تغيير الجو : ايه يا باشمهندس ناوي نقعد هنا كتير ولا ايه يلا عشان نفطر عصافير بطني بتنونو
ادهم بضحك : يلا بينا
و تناولوا الافطار فعشق قد عزمت على تغيير ادهم للاحسن حتى تجعله انسان صالح في حياته
*********************
عند نادر و جوري
جوري : مستر نادر الاجتماع بدء نادر وهو يقوم من مقعده:
حاضر يا جوري يلا
و ذهبوا الى غرفه الاجتماعات
في الاجتماع ظل مروان وهو عضو من الشركه التي يتعاقد معها نادر ينظر الى جوري نظرات خبيثه فهمها نادر جيدا و تجاهلتها جوري فهي لا تريد مشاكل
نادر و قد طفح الكيل قام بعصبيه وقال ما تبص بقى قدامك بدل ما افقعلك عينيك اللي انت مش محترم من نفسك بيهم دول
مروان ببرود واستفزاز : انا ما عملتش حاجه واحد بيبص على واحده عاجباه انت ايش حشرك
نادر وقد لكم مروان في انفه بكل قوه : اللي حشرني ان دي خطيبتي يا قذر يا حيوان ومن النهارده وشركتنا ملهاش دعوه بشركتكم
مروان بالم : يبقى احسن برضه
وذهب اعضاء الشركه ومنهم مروان الذي ندمت اشد الندم علي نظراته
بعدما ذهب الكل بقى جودي ونادر في الغرفه وكانت جوري تبكي في صمت ثم قالت :
انت ازاي تقول ان انا خطيبتك
نادر بهدوء : علشان انا هتقدملك النهارده
جوري بصدمه: ها
نادر بضحك : ها ايه باقول لك هتقدملك النهارده
جوري وقد سرحت في ضحكته : طيب انا ما قولتش لبابا
نادر : قولي له لما تروحي وخليه يعمل حسابه ان هاجي له سبعه
جوري وهي من داخلها فريحه كثيرا لانها تحب نادر: طيب انت عايز تتجوزني ليه
نادر : علشان باحبك يا جويريه من اول يوم شفتك فيه لما خبطتك بالعربيه
جوري وقد علت تصدمه وجهها : بس انت مستواك الاجتماعي غيري
نادر : انا ما يهمنيش المستوى احنا كلنا زي بعض بس انا فعلا باحبك يا جويريه وعايز اتجوزك انا هاجي لك النهارده اتقدم لك
جوري و قد توردت وجنتاها من الخجل : حاضر هقول لبابا
و ذهبت من أمامه مسرعه
ابتسم نادر لخجلها و قال لنفسه : شكلها هي كمان بتحبني
عندما خرجت جوري من عنده ذهبت الي مكتبها و دقات قلبها سريعه قالت في نفسها : هو قال هيتقدملي صح الحمدلله يارب انا بحبه اوي و مكنتش اتخيل انه هو كمان بيحبني انا اتصل ببابا اقله
واتصلت على والدها
حسام بقلق : ايه يا جوري انتي كويسه
جوري بابتسامه : انا كويسه يا حبيبي بس جايلي عريس
حسام بفرحه : مين يا جوري حد نعرفه
جوري : لا يا بابا ده مديري في الشغل و بيقلك هيجيب النهارده الساعه سبعه
حسام : ينور يا حبيبتي كبرتي يا جوري و هتتجوزي خلاص
جوري بجديه : بس هقول لنادر اننا ناخدك تعيش معانا
حسام : لا طبعا يا جويريه مش هعيش معاكو انا عايز اقدي بقيت عمري في شقتي
جوري : بابا انت لو مش هتعيش معايا انا مش هتجوز اصلا انا بخاف عليك وانا في الشغل يجرالك حاجه ما بالك بقى وانا عايشه في حته تانيه
حسام باستسلام : ماشي يا حببتي اللي تشوفيه بس هو نادر هيوافق
جوري : طبعا ولو موافقش ميلزمنيش
حسام : ماشي يا حببتي
جوري : طب سلام يا بابا عشان عندي شغل و كمان الحق أكلمه
حسام : سلام يا حببتي
أنهت جوري المكالمه مع والدها و ذهبت كي تحدث نادر طرقت على الباب و دلفت عندما سمعت إذن للدخول
نادر عندما رآها ابتسم : تعالي يا جوري اتفضلي اقعدي
جلست جوري و قالت بجديه : مستر نادر انا كلمت والدي و هو مستني حضرتك بالليل بس في عندي طلب هتعمله ماشي مش هتعمله الجوازه دي متلزمنيش
نادر باستغراب لكلامها : قولي يا جوري
جوري بجديه : لنا نتجوز أن شاء الله انا مش هقدر اسيب بابا لوحده فياريت ناخده يعيش معانا لو سمحت
نادر : طبعا يا جوري والدك زي والدي بالظبط انا كنت هقولك هاتيه يعيش معانا اصلا لأن مش هينفع نسيبه لوحده
جوري مبتسمه : شكرا جدا لحضرتك
نادر بعبث : لا حضرتك ايه بقى عماله تقولي حضرتك و مستر احنا هنتجوز يا حبيبتي هي نادر بس
جوري بخجل : حاضر يا .......
نادر : يا ايه
جوري : يا نادر
نادر بهيام : الله احلى نادر سمعتها في حياتي ( براحه يا بابا انا واحده عندي فراغ عاطفي مش ناقصه 😂😂😂😂 )
جوري بخجل : طيب عن اذنك
و خرجت مسرعه من المكتب
نظر نادر لمكانها بحب : هانت يا جوري انا اصلا لازم اكتب الكتاب علطول عايزك حلالي بقى
*********************
في جامعه ندى كانت تمشي هي وصديقتها حتى رن هاتفها برقم عمر و ردت عليه
ش
عمر :حبيبتي وحشتيني
ندى بخجل : و انت كمان وحشتني قوي
عمر : اطلعي لي يلا بره علشان مستنيكي
ندى بصدمه: مستنيني فين
عمر بضحك : هيكون فين يعني على باب الجامعه
خرجت ندى لعمرو راكب السياره و
عمر : عامله ايه مع مرات ادهم
ندى : عشق عسوله قوي انا وهي بقينا اصحاب
عمر بمزاح : طيب كويس لقيت حد يونسك في البيت
ندى : اه والله عندك حق
وظلوا يتكلمون في مواضيع اخرى حتى اوصلها عمر للفيلا و ذهب هو الي الشركه
***********************
عند ادهم و عشق
كانت هي تعلم ادهم كيفيه الوضوء و الصلاه و حفظته سور قصيره من القرآن
ادهم بحب و هو يقبل يداها : مش عارفه اشكرك ازاي يا عشق رجعتيني زي زمان و احسن ربنا يخليكي ليه يا احلى حاجه في حياتي
عشق بخجل وهي تسحب يداها : متشكرنيش يا ادهم ده واجبي كزوجه اني اقف جنبك علطول
ادهم : ايه رأيك لو تروحي لبباكي و اخوكي النهارده
عشق بفرحه : بجد ينفع اروحلهم بابا و معاذ وحشوني اوييييي
ادهم : طبعا ممكن بباكي هو ببايا و اخوكي اخويا مفيش فرق ثم أردف باستغراب بس انتي و معاذ شبه بعض اوي ده غير أنه قالي يوم كتب الكتاب اوعى تزعل عشق انا اخوها الصغير اه لكن هقف قدامك لو عملتلها اي حاجه عشق امي قبل ماتكون اختي
عشق و قد أدمعت عيناها : ماما ماتت من خمس سنين معاذ كان لسه صغي كنت بحاول ابقى جنبه بكل الطرق علشان ميحسش بغياب ماما لانه كان متعلق بيها اوي يمكن اكتر ما انا كنت متعلقه بيها كنت شايله مسؤليته انا اللي بزاكرله و اساعده في كل حاجه بابا لما طلع على المعاش من سنتين كان بيكفينا معاشه بالعافيه عشان كده قررت اشتغل و لما جيت اشتغل ملقتش غير شركتك و انت عارف الباقي بقى
ادهم و قد رق قلبه لها : ربنا يخليكوا لبعض و يخليكي ليا و بعدين انتي تعبتي في حياتك كتير و ربنا يعوضك خير ان شاء الله
عشق بحب و خجل : ما هو عوضني فعلا .... عوضني بيك يا ادهم يمكن لو مكنتش انا جيت شركتك كنت فضلت انت زي مانت و متغيرتش بس احنا الاتنين محتاجين بعض
ادهم : ربنا يخليكي ليه يا عشقي
حتى قطع كلامهم صوت هاتف ادهم و كان المتصل نادر ادهم و هو يرد على الهاتف
ادهم : الو يا نادر
نادر : عامل ايه يا اسطا واحشني والله
ادهم بضحك : اسطا !! جاتك القرف متصل تقرفني ليه
نادر : كنت متصل اقلك تعالى معايا النهارده عشان هخطب
ادهم بصدمه : هتخطب مين ؟؟
نادر : جويريه سكيرتيرتي و صاحبه مدام عشق مراتك
ادهم بفرحه لصديقه : مبروك يا نادر انا اصلا كنت هجيب عشق عند بباها النهارده واهو نعدي على بيت الانسه جويريه بالمره
نادر : ماشي يا سيدي سلام بقى عشان الحق اكلم عمر انت عارف مليش غيركوا
ادهم : سلام
عشق : مالها جوري
ادهم : مفيش يا عشق نادر صاحبي هيتقدم لجوري صاحبتك النهارده و هو كان عايزني ابقى معاه
عشق بفرحه : بجد هيييييييه جوري اصلا طيبه و تستاهل كل خير
ادهم : بقلك يا عشق
عشق : نعم
ادهم : انا مش عايز حد يعرف باتفقنا ماشي
عشق : طبعا ماشي انا مبتطلعش اسرار بيتي بره
ادهم : انا كنت متاكد ان انا اخترت الانسان الصح حتى لو كنت متجوزك علشان اذلك زي ما كنت باقول بس فعلا كنت هندم ندم عمري لو كنت عملتلك حاجه
عشق بخجل وهي تقوم من مقعدها : طيب يلا بقى عشان نلبس عشان بابا و معاد وحشوني عشان نقعد معاهم من بدري
ابتسم ادهم لخجلها الواضح : يلا هروح انا الحمام التاني اغير فيه و انتي غيري هنا
اومات عشق بصمت و خرج ادهم من الغرفه و دلفت هي الي الحمام حتى تستحم و خرجت و ارتدت
وخرجت لادهم و عندما رآها ظل محدقا بها من شده جمالها حتى قالت هي بكسوف من نظراته : مش يلا
نظر لها ادهم بحب و قال و هو يمسك يدها بتملك : يلا
و ذهبوا الي منزل والد عشق و طرقوا على الباب حتى فتح لهم معاذ و
معاذ بفرحه و هو يحتضن أخته : وحشتيني اوي يا عشق البيت ملوش طعم من غيرك
عشق بحنان : و انت كمان وحشتني يا ميزو والله امال فين بابا
معاذ و هو يبتعد عنها : بابا تحت على القهوه
عشق : طيب كويس علشان نفاجاه
كل هذا الكلام تحت أنظار ادهم المبتسم لعلاقه زوجته باخاها فهو عنده حق أن يحبها كل هذا الحب فهي حنونه عليه للغايه
ادهم و هو يوجه نظره لمعاذ و هو يقول بمرح غير معتاد عليه : طب و انا مفيش ازيك و لا انت مبتسلمش على رجاله
ضحك كلا من ادهم و عشق عليه
معاذ و هو يحتضنه : لا طبعا وحشتني اوي والله اوعى تكون زعلتها زي ما قلتلك انا الصغير اه لكن عشق دي امي قبل ما تكون اختي
ادهم : بس يلا انا بغير و بعدين ما هي مراتي برضه مش هزعلها اكيد
ثم استمعوا الي طرق على الباب و ما كان الا محمد والدها
محمد و هو يحتضن ابنته : وحشتيني يا حبيبه ابوكي
عشق : وانت كمان يا بابا وحشتني اوي
ثم جلسوا في جو عائلي مرح قد افتقده ادهم كثيرا وايضا كان ادهم قد بعث السواق لأخته حتى تأتي لهنا لانه لا يحبها ان تجلس بمفردها و ثم حل الليل و ذهبوا الي منزل جويريه حتى تكون عشق معها فقد اتصلت عليها واخبرتها ان تاتي هي و والدها و اخيها
**************************
في منزل جويريه وقد كان هناك عاشق والدها واخيها وادهم واخته وعمرو نادر ووالد جويريه
..... ندى و جوري و عشق الثلاثه يجلسون في غرفه جوري يتحدثون كانت جوري متوتره للغايه وقد احست عشق بهذا و قد جلسوا يمرحون حتى خرجوا حتى تجلس جوري مع نادر و كانو يجلسون بمفردهم
نادر : ازيك يا جوري
جوري : الحمد لله
نادر : جوري انا بحبك
جوري بخجل : و انا كمان
نادر بمكر : وات كمان ايه ؟؟؟
جوري : انا كمان بحبك
قد فرح نادر لاعترافها بحبها له كثيرا و
نادر : جوري انا عايز نكتب الكتاب علطول
جوري : ليه السرعه دي طيب
نادر : ولا سرعه ولا حاجه عشان نتعامل براحتنا مش اكتر
جوري : اللي تشوفه
و قد دلف الباقيه و جلسوا سويا و
نادر : لو سمحت يا عمي انا عايز اكتب الكتاب علطول عشان اتعامل انا و جوري براحتنا
حسام : ماشي يا ابني معنديش مانع طالما جوري موافقه
نادر : يبقى على بركه الله
و قد تمت قرأه فاتحه نادر و جوري وسط فرحتهم و اتفقوا أن كتب الكتاب يوم الخميس اي بعد خمس ايام و قد كان نادر و جوري فرحين كثيرا و ذهب كل شخص الي منزله
وووووووووووووو
*********************