Ep.59
បរិយាកាសនៅតុបាយប្រែជាស្ងប់ស្ងាត់មួយ រំពេចនៅពេលដែលរាងតូចចោលមួយប្រយោគចុង ក្រោយបាញ់យ៉ាងចំកណ្ដាលមុខរបស់ Jimin ធ្វើ អោយគេអួលណែនស្ទះដល់ថ្នាក់លេបបាយលែងទៅមុខ
«អូនញាំចុះបងឡើងទៅងូតទឹក»Jimin ងើបដើរ ចេញពីតុបាយទៅដោយមិនខ្ចីមើលមុខរាងតូចធ្វើ អោយអ្នកដែលអង្គុយញ៊ាំបាយនោះក្ដៅចិត្តឆេវតែម្ដង
«នេះគេខឹងខ្ញុំហេស៎?...»រាងតូចលើកដៃចង្អុលមុខ សួរខ្លួនឯងហើយសម្លឹងមើលផែនខ្នងរាងក្រាស់ដែលដើរចេញទៅមុននេះ ពាក្យគ្រប់យ៉ាងដែលគេនិយា យមុននេះគេគ្រាន់តែនិយាយចោលមិនមានបំណង ចង់បញ្ឈឺឌឺដងគេទេ
«ខឹងក៏ខឹងទៅហេតុអីចាំបាច់ខ្វល់ពីគេ? ភ្លេចហើយហេស៎ថាឯងស្អប់គេ?»Tae រហ័សដាស់តឿនខ្លួនឯង ទោះជាការពិតបានលាតត្រដាងអោយគេដឹងថា Kris ជាមនុស្សបោកប្រាស់តែគេនៅតែមិនទាន់ហ៊ានទុកចិត្ត Jimin 100% ព្រោះមើលទៅ Jimin មានរឿងលាក់បាំងនឹងខ្លួនច្រើនណាស់
«ឆឺស...ខឹងអោយងាប់ទៅ ចាំមើលអាណាមក និយាយរកខ្ញុំមុនឆ្កែ»ចប់សម្ដីរាងតូចក៏ពេបមាត់ពេប.ក ជ្រេញចរិតរបស់រាងក្រាស់
គេអង្គុយញ៊ាំអាហារពេលព្រឹកទាល់តែអស់គ្មានសល់មុននឹងរៀបចំយកចានទៅលាងទុកដាក់អោយស្អាតទើបសម្រេចចិត្តឡើងទៅបន្ទប់វិញដើម្បីងូតទឹកសម្អាតខ្លួន
<Room>
ទ្វារបន្ទប់របស់រាងក្រាស់បានបើកចំហរឡើងដោយដៃស្រឡូនតូចរបស់ Tae ដែលកំពុងតែឈាន ជើងទាំងគូចូលមកក្នុងបន្ទប់ដោយភ្នែករំពៃរកមើលអ្នកកម្លោះដែលងរនឹងគេហើយឡើងមកសម្ងំក្នុងបន្ទប់មុនគេនោះ ភ្លាមនោះរាងតូចក៏ក្រឡេកឃើញ Jimin កំពុងតែឈរសំញែងរាងនៅឯរានហាលដោយកាន់ បារីជក់ធ្វើប្រងើយ។ Tae មិនមាត់ក៏ដើរតាំងៗសម្ដៅ ទៅកាន់រានហាលមុននឹងកញ្ឆក់ទាញទ្វារនៃរានហាល បើកចំហរអោយធំហើយដើរទៅឈរជិតរាងក្រាស់ដែលកំពុងជក់បារីនោះ
ទោះជាមកដល់ឈរក្បែរ Jimin ហើយតែ នាយតូចមិនខ្ចីស្ដីរកអ្នកម្ខាងទៀតព្រោះខ្លួនមិនព្រមចុះទន់និយាយរកគេមុនឡើយ គេមកនេះគ្រាន់តែចង់សួរនាំរឿងសម្លៀកបំពាក់ខ្លួនដែលត្រូវស្លៀកពាក់តែគេចាំអ្នកម្ខាងទៀតមាត់រកមុនទើបគេព្រមសួរបើ Jimin មិននិយាយគេក៏មិននិយាយ(ខ្មើតណាស់😐)
«....»ក្នុងកំឡុងពេលនេះគ្មាននរណានិយាយអ្វីសម្បីតែមួយម៉ាត់លឺតែសម្លេងខ្យល់អាកាសបរិសុទ្ធនិងសម្លេងដកដង្ហើមរបស់មនុស្សពីរនាក់ដែលឈរក្បែរគ្នាតែមិននិយាយរកគ្នា
«អាប្រុសនេះមាត់រឹងមែនបានតែចាប់ទះមាត់អោយបែកតើ»រាងតូចរអ៊ូក្នុងចិត្តក្ដាប់មាត់ខឹងនឹងរាងក្រាស់ដែលកំពុងឈរបង្ហុយផ្សែងបារីចោលរសាត់តាមខ្យល់អាកាសបែរមុខទៅទិសផ្សេងមិនសម្បីតែងាក មកចាប់អារម្មណ៍នឹងវត្តមានរបស់រាងតូច
«ខឹងអោយងាប់ទៅ»Taeនឹកឡើងក្នុងចិត្តសារជាថ្មីមុននឹងកន្រ្ទាំជើងដើរចេញពីរានហាលទៅហើយកាន់កន្សែងដើរមិនសម្បីតែថ្នមជើងចូលទៅក្នុងបន្ទប់ទឹក ហើយបិទទ្វារមួយទំហឹងឡើងផ្អើលដល់សត្វចាបនៅខាងក្រៅបន្ទប់
«ចំមែនក្មេងនេះ...ចិត្តច្រើន មាត់រឹង ក្បាលរឹងដូចដែក ថែប»Jimin សើចនឹងចរិតរាងតូចដែលចង់អោយខ្លួន និយាយរកមុននោះ
Jimin ចុចកន្ទុយបារីលើបង្កាន់ដៃថ្មនៃរាន ហាលហើយគប់បារីចោលមុននឹងបកត្រឡប់ក្រោយចូលទៅក្នុងបន្ទប់វិញដើម្បីរងចាំរាងតូចចេញពីបន្ទប់ ទឹក
<30 minutes later>
បន្ទាប់ពីសម្ងំនៅក្នុងបន្ទប់ទឹកអស់រយៈពេលកន្លះម៉ោងហើយនៅទីបំផុតរាងតូចក៏ដាច់ចិត្តបើកទ្វារ បន្ទប់ទឹកដើរចេញមកដោយពាក់តែអាវឃ្លុំមួយព្រោះ ថាគេគ្មានអ្វីស្លៀកពាក់ឡើយ។ Tae ដៀងភ្នែកមើលអ្នកដែលអង្គុយចុចទូរសព្ទ័នៅលើគ្រែបន្តិចមុននឹង យោងខ្លួនដើរទៅអង្គុយខាងមុខតុសម្អាងយកម៉ាសុីនផ្លុំសក់មកផ្លុំសម្ងួតសក់អោយស្ងួត ពេលដែលផ្លុំហើយរួចរាល់គេក៏រៀបចំភ្លីសក់អោយបានស្អាតតាមរបៀប និងស្ទាយដែលគេតែងតែរៀបចំខ្លួនរាល់ថ្ងៃ, បន្ទាប់ពីរៀបចំហើយរួចរាល់រាងតូចក៏អង្គុយសំកុកនៅលើ កៅអីទល់មុខតុសម្អាងនោះមិនទៅណាព្រោះគេគ្មាន អ្វីស្លៀកពាក់ទាល់តែ Jimin ចាត់ចែងអោយទើប បានតែគេចិត្តរឹងមិនខ្ចីចុះទន់ស្ដីរករាងក្រាស់មុនសោះ
«ក្មេងនេះក្បាលរឹងមែន»Jimin សម្លឹងមើលផែនខ្នងរាងតូចដែលគ្របដណ្ដប់ដោយអាវឃ្លុំនោះទាំងពោលឡើងក្នុងចិត្តតិចៗ មុននេះគេអន់ចិត្តនឹងរាងតូចមែនតែ ពេលដែល Tae បញ្ចេញចរិតបែបនេះមកគេអស់អីត្រូវនិយាយក្រៅពីអស់សំណើចហើយហួសចិត្ត
«បើលោកឯងមិនស្ដីរកខ្ញុំមុនខ្ញុំក៏មិនជ្រលក់មាត់រក លោកឯងដែរ»Tae គិតក្នុងចិត្តហើយប្រើកែវភ្នែកពិឃាដសម្លក់រាងក្រាស់តាមរយៈកញ្ចក់ហើយអោប ដៃជាប់នឹងទ្រូងងាកមុខចេញខ្វាច់សម្លឹងមើលទេស ភាពតាមរានហាល
ប្រហែលជាមួយសន្ទុះធំ Jimin ក៏ងើបចេញ ពីគ្រែដើរសម្ដៅទៅកាន់តុសម្អាងដែលរាងតូចដាក់ គូទអង្គុយលើកៅអីក្បែរនោះឯ Tae កាលបើដឹងថា Jimin ដើរមកហើយគេក៏រៀបឬកអោយខ្មើតថែមមួយកម្រិតទៀតហើយក៏ងាកមុខចេញមិនខ្ចីសម្លឹងមើលរាងក្រាស់ដែលកំពុងដើរមក។ Jimin ដើរមក ដល់ក្បែរតុសម្អាងឈោងដៃយកទឹកអប់មកបាញ់ឈីតៗលើ.កដៃនិងកញ្ចឹង.កហើយក៏ទុកវិញមុននឹងបែរ ខ្នងដើរចេញទៅទុកអោយរាងតូចដែលខំអង្គុយរៀបឬកនោះនឹកហួសចិត្តនឹងកាយវិការគេ
«ហ្អររររ...ងរហេស៎? ហុឹស...គិតថាខ្លួនឯងស្អី?»Tae សម្លក់អ្នកដែលបើកទ្វារចេញទៅនោះមុននឹងរអ៊ូរង៉ូវតិចៗទាំងនៅមិនសុខពេលដែលរាងក្រាស់មិនខ្ចីស្ដីរក
«ចាំមើលតែហ៊ានមកប៉ះយើង យើងនឹងជេរអោយបែកផ្សែង»រាងតូចធ្វើឆើយហើយងើបចេញពីកៅអីដើរទៅទម្លាក់ខ្លួនដេកនៅលើពូកវិញ
ចំណែកឯរាងក្រាស់ដើរចេញទៅមុននេះគេ បានចុះមកខាងក្រោមដើម្បីយកថង់សម្លៀកបំពាក់អោយរាងតូចដែលគេបញ្ជាអោយកូនចៅគេចាត់ចែងអោយហើយពេលដែលបានរបស់ចង់បានហើយ Jimin ក៏អោយកូនចៅខ្លួនទៅវិញដោយទុកឡានអោយខ្លួនព្រោះទុកនាំក្មេងកំហូចដើរលេង។
______________
_ពេលដែលចូលមកដល់ក្នុងបន្ទប់វិញហើយរាងក្រាស់ក៏ដាក់ខ្លួនអង្គុយលើពូកក្បែរ Tae ដែលដេកនៅលើពូធ្វើមុខក្រញូវនោះ
«សម្លៀកបំពាក់របស់អូន»ទីបំផុតនាយក៏ដាច់ចិត្តហើបមាត់និយាយរកអ្នកម្ខាងទៀតមុននឹងលើកថង់ដាក់លើពូកក្បែរអ្នកដែលគេងរំភើបក្នុងចិត្តពេលដែលត្រូវ Jimin និយាយរកមុន
«....»Tae សម្លឹងមើលថង់សម្លៀកបំពាក់នោះបន្តិចហើយដេកបែរខ្នងដាក់អ្នកដែលយួរថង់មកមុននេះ យ៉ាងឌឺ
«ពេលដែលស្លៀកពាក់ហើយបងនឹងនាំអូនទៅ ក្រៅ»ប្រយោគនេះបានធ្វើអោយអ្នកដែលគេងងរ នោះលេចស្នាមញញឹមចេញមកតែក៏ត្រូវលាក់វិញភ្លាមៗព្រោះខ្លាចគេចាប់ពិរុទ្ធបាន
«....»ស្ងាត់ដដែលមិនមានការឆ្លើយតបពីរាងតូច បណ្ដាលអោយអ្នកដែលនិយាយស្ដីមុននេះលើកដៃ ញីសៀតផ្កាថ្នមៗព្រោះក្រពុលមុខមិនយល់ថាគេជាអ្នកងរឬក៏រាងតូចជាអ្នកងរអោយប្រាកដនេះ
«បើអូនមិនងើបមកស្លៀកពាក់ទេបងនឹងមិននាំអូនចេញទៅឃើញពិភពលោកខាងក្រៅទេ»ពាក្យគម្រាមនេះមានប្រសិទ្ធភាពមែនគឺស្របពេលដែល នាយបញ្ចប់ប្រយោគភ្លាមនាយតូចក៏ស្ទុះងើបអង្គុយវឹងហើយកញ្ឆក់ថង់សម្លៀកបំពាក់លោតចុះពីគ្រែរត់ត្រុយចូលបន្ទប់ទឹក
មិនយូរប៉ុន្មាន Tae ក៏ដើរចេញពីបន្ទប់ទឹកវិញដោយស្លៀកពាក់ហើយជាស្រេចតែក៏លួចសរសើរក្នុងចិត្តដែរដែល Jimin បុិនប្រសព្វអោយគេរើស សម្លៀកបំពាក់ត្រូវនឹងខ្លួនហើយជាម៉ូតសម្លៀកបំពាក់ដែលគេចូលចិត្ត
«រួចរាល់ហើយឬ?»Jimin
«មិនបើកភ្នែកមើលទេឬ?»បបូរមាត់តូចស្ដើងក៏កម្រើកឡើងមួយរំពេចទាំងលាក់ភាពអៀនខ្មាសក្រោយពេលដែលដឹងថា Jimin សម្លឹងគេឥតដាក់ ភ្នែកតែក៏ត្រូវសម្ដែងឬកពារក្រអឺតក្រទមដាក់រាងក្រាស់ដែរ
«តោះបងនាំអូនទៅកន្លែងមួយ»អ្នកកម្លោះដើរទៅក្រសោបបាតដៃរាងតូចហើយអូសគេចេញពីបន្ទប់
«ចាំបាច់កាន់ដៃ ខ្ញុំដើរខ្លួនឯងក៏បាន»Tae រលាស់ដៃ រាងក្រាស់ចេញហើយក៏ពើងទ្រូងដើរទៅមុនគេឯ Jimin ពេលដែលឃើញរាងតូចបញ្ចេញកាយវិការ បែបនេះគេក៏មិនអាចនិយាយអ្វីបានក្រៅពីសើចគ្រវី ក្បាលហួសចិត្តនឹងរាងតូច
_SCENE
ពេលនេះពួកគេទាំងពីរកំពុងតែនៅក្នុងឡានតែមួយដោយមាន Jimin បញ្ជាចង្កូតឡានផ្ទាល់បើកឆ្ពោះទៅកាន់ផ្លូវឡើងភ្នំសារជាថ្មីដើម្បីនាំរាងតូចទៅ កាន់កន្លែងមួយដែលស្រស់ស្អាតបំផុតនៅលើភ្នំមួយនេះ..
«ហឹម...ត្រជាក់ស្រួលណាស់»Tae ចុចកញ្ចក់ឡានទម្លាក់ចុះអឹបចង្ការនៅលើដៃដែលដាក់នៅលើទ្វារឡានហើយបិទភ្នែកស្រូបយកខ្យល់ធម្មជាតិដែលចេញពីព្រៃព្រឹក្សាដែលដុះអមសងខាងនៃផ្លូវធ្វើដំ ណើរឡើងភ្នំ
«បងដឹងថាអូនជាមនុស្សចូលចិត្តធម្មជាតិទើបនាំមកទីនេះ»Jimin
«ម៉េចក៏ដឹង? ខ្ញុំមិនទាំងដែលនិយាយផង»Tae ងាក មុខមករករាងក្រាស់ដែលកំពុងផ្ដោតអារម្មណ៍ទៅ លើការបើកឡាន
«សង្សារបងចូលចិត្តអីស្អប់អីបងដឹងទាំងអស់មិនថាម៉ូតស្បែកជើង សម្លៀកបំពាក់ រួមទាំងស្ទីលតែងខ្លួន របស់អូន គ្មានអ្វីដែលបងមិនដឹងពីអូនឡើយណា Tae»នាយឆ្លើយតបសំណួររាងតូចទាំងញញឹម ពព្រាយហើយវាជាការពិតដែលគេដឹងគ្រប់យ៉ាងពីក្មេងម្នាក់នេះ
«Kris មិនដឹងច្បាស់ដូចលោកអញ្ចឹងទេ»Tae ទម្លាក់ទឹកមុខចុះពេលនឹកដល់ប្រុសម្នាក់នោះ គេមិនទាន់បានបង្ខំចិត្តខ្លួនឯងអោយស្រលាញ់ Kris ទេប៉ុន្តែហេតុអីក៏មានអារម្មណ៍ថាឈឺម្ល៉េះពេលដែលខ្លួនត្រូវគេបោកប្រាស់
«វាជាមានងារត្រឹមជាមិត្តរួមការងាររបស់អូនវាម៉េច នឹងដឹងច្បាស់ពីអូននោះ...បានហើយកុំនិយាយពីវា ទៀតព្រោះវាអាចធ្វើអោយអូនមានអារម្មណ៍មិនល្អ» Jimin លូកដៃទៅចាប់ដៃ Tae ហើយអង្អែលថ្នមៗ ដើម្បីលួងលោមគេកុំអោយនឹកដល់អាម្សៀតនោះទៀត
Tae បានត្រឹមតែងក់ក្បាលស្ងាត់ៗយល់ស្រប នឹងអ្វីដែលគេបានលឺមុននេះមុននឹងបែរមុខទៅរក ទេសភាពព្រៃភ្នំវិញដោយមិនភ្លេចកម្ចាយអារម្មណ៍ ស្មុគចេញពីខ្លួនអោយអស់។
_ប្រើពេលរាងយូរដែរទើបពួកគេឡើងមកដល់កំពូ ល ភ្នំហើយ Jimin ក៏បើកឡានសម្ដៅទៅសួនផ្កាកុលាបដ៏ធំមួយដែលមាននៅលើភ្នំនេះមុននឹងសំចតឡាន នៅក្បែរមាត់របងនៃសួនផ្កាកុលាបដែលដុះដេស ដាសជាច្រើនទងនៅលើដីនោះ
«Wowwww...ស្អាតណាស់»នាយតូចបន្លឺឡើងចេញពីក្នុងឡានដោយប្រើកែវភ្នែកដែលពោរពេញទៅដោយពន្លឺត្រចះត្រចង់សម្លឹងទៅកាន់សួនផ្កាកុលាបដែលដុះរាប់រយទងជិតៗគ្នានោះ
«តោះចុះទៅមើលជាមួយគ្នា»ចប់សម្ដីរាងក្រាស់ចុះពីឡានដើរទៅបើកទ្វារឡានអោយអ្នកម្ខាងទៀត ហើយកាន់ដៃគេដើរទៅក្នុងសួនផ្កានោះទាំងមុខម្នាក់ ៗកំពុងតែបំពាក់ស្នាមញញឹមរីកស្គូសស្គាយដូចគ្រាប់ជី
«ស្អាតណាស់..»Taeលែងដៃចេញពី Jimin ហើយដើរមើលផ្កាកុលាបរាប់រយទងដែលដុះមកចម្រុះពណ៌គ្នានៅជុំវិញខ្លួននោះទាំងស្នាមញញឹម
«វាស្អាតដូចអូនអញ្ចឹង»អ្នកកម្លោះដើរមកអោប ក្រសោបចង្កេះរាងតូចពីក្រោយហើយអឹបចង្ការលើ ស្មាគេទាំងញញឹម
«មើល!!អោបស្អី ខ្ញុំទើសទាល់ណាស់អោបតាំងពីផ្ទះរហូតមកដល់លើភ្នំអោបមិនចេះអស់ចិត្ត»និយាយ ស្ដីថាអោយគេតែខ្លួនឈរស្ងៀមបណ្ដោយអោយគេអោបតាមចិត្ត
«កុំរអ៊ូច្រើនគ្រាន់តែអោបសោះកុំកំណាញ់ពេក... មកថតរូបទុកជាអនុស្សវរីយ៍វិញណា»រាងក្រាស់រហ័សប្ដូរប្រធានបទដោយលើកទូរសព្ទ័ឡើងខ្ពស់បន្តិចដើម្បីចុចផ្ដិតយករូបភាពជាច្រើនប៉ុស្តិ៍ជាមួយនឹងរាងតូចដែលឈរសើចចេញពីចិត្តដោយភ្នែកសម្លឹងមើលទៅកាន់កាមេរ៉ាទូរសព្ទ័នោះ
_ពួកគេដើរមើលជុំវិញសួនផ្កានោះទាំងញញឹម ញញែមហើយថតរូបជាមួយគ្នាបានជាច្រើនសន្លឹករហូតដល់អស់ចិត្តទើប Tae ដាក់ខ្លួនអង្គុយលើកៅអីឈើដែលគេដាក់ក្នុងសួននោះទុកអោយភ្ញៀវទេស ចរណ៍ដែលគេឡើងមកលេងទីនេះអង្គុយ
«មើលសុំមើលរូបបន្តិច»Tae កញ្ឆក់ទូរសព្ទ័ពី Jimin មកចុចបើកមើលរូបថតដែលថតមុននេះ គេអង្គុយអូសមើលរូបថតទាំងប៉ុន្មានទាំងញញឹមរូបខ្លះថតជា មួយ Jimin រូបខ្លះថតម្នាក់ឯង ឯរូបខ្លះទៀត Jimin ជាអ្នកលួចថតគេមិនអោយគេដឹងខ្លួនមុន
_គេអូសរូបថតជារឿយៗរហូតដល់ខាងលើក៏ឃើញ រូបថតរវាងគេនិង Jimin ឈរថតជាមួយគ្នានៅឯសមុទ្រ Rio de janerio ក្នុងប្រទេស Brazil ហើយ Tae មិនដឹងថារូបថតនេះគេទៅថតជាមួយ Jimin តាំងពីអង្កាលទេ
«រូបថតនេះ-»គេនិយាយហើយចុចយករូបថតមួយ មើលអោយកាន់តែច្បាស់ថាជាគេមែនឬអត់? ហើយពិតប្រាកដណាស់ជាគេជាមួយ Jimin ចំណែកឯអ្នក ម្ខាងទៀតកាលបើឃើញ Tae មើលរូបចាស់ៗហើយគេក៏ចាប់ផ្ដើមបរិយាយថា...
«រូបនេះជារូបពួកយើងទៅលេងនៅឯសមុទ្រ Rio de janerio ប្រទេស Brazil»Jimin
«Awwww...នេះខ្ញុំនឹងលោកធ្លាប់ទៅលេងដល់ Brazil ជាមួយគ្នាផងហេស៎»គេហាក់បីដូចជាភ្ញាក់ ផ្អើលពេលដែលដឹងថាខ្លួននិងរាងក្រាស់នាំគ្នាទៅ លេងដល់ Brazil
«ពេលនោះពួកយើងមិនបានទៅលេងទេពេលនោះអូនទៅរស់នៅ Brazil ជាមួយម៉ាក់បងដោយសារតែមានរឿងមិនល្អកើតឡើងចំពោះអូនទើបម៉ាក់នាំអូនចាកឆ្ងាយពីបងរហូតដល់បងមិនអាចទ្រាំនៅនឹកអូនតែម្នាក់ឯងបានបងក៏ឡើងទៅ Brazil តាមអូន» មែនហើយកាលនោះជាពេលដែលគេឈឺចាប់បំផុតព្រោះតែគេត្រូវរស់នៅឃ្លាតឆ្ងាយពីរាងតូចដោយ សារតែគេសាងកំហុសដ៏ធំមួយចំពោះរាងតូច
«អញ្ចឹងពីមុនពួកយើងពិតជាធ្លាប់ទាក់ទងគ្នាជាសង្សារមែន?»Tae
«ដូចដែលបងតែងតែប្រាប់អូនអញ្ចឹង អូនមិនមែនត្រឹមជាសង្សារបងទេតែជាប្អូនប្រុសរបស់បងទៀត» Jimin
«បានន័យយ៉ាងម៉េច?»Tae
«អូនចង់ដឹងហេស៎?»Jimin
«អឹម»ការងក់ក្បាលជាចម្លើយធ្វើអោយរាងក្រាស់ញញឹមបែបសោះកក្រោះ
«បើបងនិយាយហើយអូនកុំខឹងបងណា បងសុំចិត្តអូនមុនទៅចុះណា Tae»នាយលូកដៃទៅក្រសោបដៃតូចបន្តិចហើយនិយាយឡើងទាំងទឹកមុខអង្វរ.ក
«និយាយមកម៉េចក៏សាំញ៊ាំច្រើនម្ល៉េះ»Tae
«ក៏បាន...»Jimin សម្រួលអារម្មណ៍បន្តិចទើបនិយា យរ៉ាយរ៉ាប់រឿងគ្រប់យ៉ាងប្រាប់ Tae សម្បីតែរឿងម៉ាក់គេយក Tae មកចិញ្ចឹមក៏គេប្រាប់គ្មានសល់ឆ្លងចូលដល់រឿងដែលគេស្អប់ Tae យ៉ាងម៉េចក៏គេប្រាប់លើកលែងតែរឿងមួយដែលគេមិនប្រាប់គឺរឿងដែល គេបែកគ្នាជាមួយរាងតូចទៅត្រូវគ្នាជាមួយសង្សារ ចាស់គេវិញហើយរឿងដែល Tae ជួបគ្រោះថ្នាក់ ចរាចរណ៍ដោយសារតែខឹងនឹង Jimin ហើយរត់ ចេញពីផ្ទះនោះ
_ចំណែកឯរាងតូចពេលដែលស្ដាប់រឿងរ៉ាវគ្រប់យ៉ាងហើយគេក៏ស្រាប់តែមានអារម្មណ៍ថាខូចចិត្តមួយ រំពេចតែម្ដងមិនដឹងជាអារម្មណ៍ឈឺចាប់មានមកពីណាទេដែលមករួមរឹតជុំវិញបេះដូងរបស់គេអោយចាប់ឈឺឡើងខ្ទោកៗហើយក៏រុញច្រានអោយក្រពេ ញទឹកភ្នែកដំណើរការភ្លាមៗ
«ហុឹស...លោកស្អប់ខ្ញុំដល់ថ្នាក់នេះឬ?»រាងតូចសើចទាំងទឹកភ្នែកហើយលើកដៃជូតទឹកភ្នែកចេញយ៉ាង លឿន
«បងពិតជាស្អប់ខ្លួនឯងនៅពេលនោះណាស់ដែល បងមិនដែលមើលឃើញការស្រលាញ់របស់អូនដែល មានចំពោះបង»Jimin
«គិតទៅខ្ញុំចុះទន់ច្រើនណាស់សុខចិត្តជ្រើសយក សេចក្ដីស្លាប់ដើម្បីអោយលោកមានក្ដីសុខ អញ្ចឹងតើបានខ្ញុំឆ្ងល់ថាស្នាមដៃមួយនេះវាមានមកពីណា» ស្របនឹងការនិយាយរាងតូចក៏លើកដៃទៅអង្អែលលើ ស្នាមរបួសចាស់ដែលគេជាអ្នកបង្កឡើងនោះថ្នមៗ
«ទម្រាំតែបានស្រលាញ់គ្នាអូនលះបង់ចំពោះបង ច្រើនខ្លាំងណាស់»Jimin
«ស្រលាញ់គឺលះបង់អញ្ចឹងហើយតែបើលះបង់អស់ ហើយគេនៅតែមិនឃើញការស្រលាញ់របស់យើងការចាកចេញជាជម្រើសដ៏ល្អបំផុត»ឃ្លាចុងក្រោយបានធ្វើអោយ Jimin ចាប់នឹកឃើញដល់ថ្ងៃដែលគេ និង Tae បែកគ្នា កាលនោះ Tae ឈឺចាប់ណាស់ដែលមកសុំគេបែកប៉ុន្តែក៏សុខចិត្តជ្រើសរើសផ្លូវដើរ ចេញដើម្បីអោយមនុស្សដែលខ្លួនស្រលាញ់មានក្ដី សុខ
«បងសុំទោសអូនណា»នាយងើបចេញពីកៅអីហើយបន្ទន់ជង្គង់ចុះនៅចំពោះមុខរាងតូចហើយលូកចាប់ដៃ ទាំងសងខាងរបស់អ្នកម្ខាងទៀតមកច្របាច់ថ្នមៗ
«ពាក្យសុំទោសខ្ញុំទទួលយកតែបើខ្ញុំប្រែទៅសភាពដើមខ្ញុំមិនដឹងថាខ្ញុំនឹងទទួលយកពាក្យនេះបានឬអត់ ទេ...»ពេលនេះគេមិនចងចាំអ្វីឡើយអញ្ចឹងការសុំ ទោសនេះគេទទួលយកប៉ុន្តែបើគេប្រែទៅជាចាំអ្វីគ្រប់យ៉ាងវិញគេមិនដឹងថាគេអាចលើកទោសអោយ Jimin បានឬអត់ទេ
«ពេលនេះបងស្រលាញ់អូនណាស់បងនឹងសន្យាថាបងនឹងមើលថែអូនអោយបានល្អបំផុត»Jimin
«ហឹម...បើសិនជាលោកជាសង្សារខ្ញុំមែនចុះរឿងដែលខ្ញុំជួបគ្រោះថ្នាក់ចរាចរណ៍លោកប្រាកដជាដឹងមែនទេ?»សំណួរមួយនេះបានចាក់ដោតដល់ក្រអៅ បេះដូង Jimin បណ្ដាលអោយគេរហ័សងើបសម្លឹង មុខ Tae ភ្លាមតែម្ដង
«ហឹម»នាយងក់ក្បាលផ្ងក់ៗទាំងទឹកមុខមិនស្រស់ បស់សោះឡើយ
«អញ្ចឹងឆាប់ប្រាប់ខ្ញុំថាហេតុអ្វីខ្ញុំទៅជាបែបនេះ»Tae
«គឺ...»ពេលនេះគេហាក់បីដូចជាជាប់គាំងនិយាយមិន ចេញសោះព្រោះបើនិយាយអោយចំតែម្ដងគេគឺជា ដើមហេតុធ្វើអោយ Tae ក្លាយជាបែបនេះ
«បើលោកស្រលាញ់ខ្ញុំមែនលោកឆាប់ប្រាប់មក បើ លោកមិនប្រាប់ខ្ញុំបានន័យថាលោកមិនស្រលាញ់ខ្ញុំទេ»កាលបើលឺបែបនេះហើយអ្នកកម្លោះក៏ត្រៀមចិត្តមុននឹងនិយាយហើយក៏លេបទឹកមាត់មួយក្អឹកផ្សើមបំពង់.កបន្តិច
«រឿងកាលនោះវាបែបនេះ...»នាយចាប់ផ្ដើមរៀប រាប់តពីរឿងមុនដែលគេបកស្រាយអោយរាងតូចដឹងនោះគេរៀបរាប់ផងយំផងធ្វើអោយអ្នកស្ដាប់ហើយ មានអារម្មណ៍ថាអួលណែនស្ទះនៅដើមទ្រូងខាងឆ្វេងបណ្ដាលអោយទឹកភ្នែកហូរស្រក់ចុះមកច្រោកៗ ដោយហាមមិនបានសោះឡើយនឹកស្មានមិនដល់ថាជីវតគេពីមុនវាវេទនាដល់ថ្នាក់នឹងសោះ
_នៅពេលដែលរៀបរាប់ចប់ហើយម្នាក់ៗក៏ស្ងាត់មាត់ជ្រៀបមិនមាននរណានិយាយអ្វីសោះ Jimin រំកិលខ្លួនខិតទៅមុខបន្តិចហើយលូកដៃក្រសោបចង្កេះរាងតូចជាប់ដោយផ្ដេកក្បាលនៅលើភ្លៅរបស់រាងតូចសម្រក់ទឹកភ្នែកចេញមកជារឿយៗឯរាងតូចពេលដែលដឹងរឿងគ្រប់យ៉ាងហើយគេក៏គ្មានអីនិយាយក្រៅពីយំហើយព្យាយាមនឹករករឿងរ៉ាវដែលធ្លាប់កើតឡើងនៅថ្ងៃនោះ
_គ្រប់រូបភាពស្រពិចស្រពិលព្រិលៗមើលមិនចង់ច្បាស់ក៏ស្រាប់តែផុសឡើងនៅក្នុងប្រពន្ធ័ចងចាំរបស់រាងតូចភ្លាមៗធ្វើអោយរាងតូចរហ័សលើកដៃក្ដោបក្បាលខ្លួនហើយស្រែកយំចេញមកកាន់តែខ្លាំងពេលដែលក្បាលរបស់ខ្លួនចាប់ផ្ដើមឈឺពីតិចទៅខ្លាំងដោយសារនឹករករឿងរ៉ាវពីមុនខ្លាំងពេកដល់ថ្នាក់គេ សន្លប់យកតែម្ដង
«Tae...Tae ដឹងខ្លួនឡើង»រាងក្រាស់រហ័សងើបឈរឡើងអង្រួនអ្នកដែលសន្លប់នោះថ្នមៗដាស់គេអោយភ្ញាក់ដឹងខ្លួនឡើង
«Tae ហឹក កុំបំភ័យបង ហឹក ឆាប់ដឹងខ្លួនឡើង» Jimin លើកដៃទះថ្ពាល់រាងតូចថ្នមៗតែអ្នកម្ខាងទៀត បាត់មាត់បាត់.កឈឹងទើបធ្វើអោយរាងក្រាស់រហ័សលើកបីរាងកាយតូចស្ដើងដែលសន្លប់ឈឹងនោះ ចេញពីសួនផ្កាសម្ដៅទៅរកឡានដែលចតចោលនោះហើយបើកចេញទៅកាន់ផ្ទះលំហែកាយគេវិញ...
To Be Continued...❤️