✨#بين_العشق_والانتقام✨حلقـة6✨سرو✨
أمل: روورو خيرك قلت منعرفاش غر هكي قصدي من خوفي عليك مش اكتر 🙁
اروى مش مقتنعه: 😶
امل مرتبكه: ي عمريي خيرك قلت منعرفاش غر قلت هكي من تصرفااته السابقه حتى بوك معش بيتقبله
اروى: 🤭😊هههه مصار شي مشت بجوهاا ومصدقاتك ي نبضي 🥰 هيا وصلناا 😂 تو نتلاقوا ونقصقصك 🙋♀️
امل: 😂 به انشاءالله المهم متنسيش كلااامي ❤️
اروى بوستها: ههههه نحاول
امل: 😂😭اني بس نلعب باعصاب غيري علاش ترديلي فاها
اروى: ههههه تماام
اروى: ليييش حاسه انها تعرفه مرات صدفه وتاني هي قريبه ليااا هلباا مستحيل متقليش 💔 وكملت طريقي للحوش 💔
عمر: متسطح ويلعب بمفتاح السياره ويفكر منو ليييه مصلحه يدير هكي 😴
👑روايـات الكاتبـة سرو👑
بعد نصف ساااعـه 🙋♀️
اروى: بابا هياا بتتعشى ولاه?!
حسين ميبيش يرد: 💔
اروى: باابا 🥺
حسين: منبيش نتعشى بري تعشي انتي
اروى: بااابا سامحني واللهي مقصدي يلي صااار بس بروحك حاضر انه هو يلي بداها وغلط فياا 🙁متزعلش مني
حسين: قصدي معقووووله توصل للكف وقداااامي واني يلي نقول بنتي مرباااها ومثقفهااا ومخليها واعيه هكي تتصرفي??? هذا يلي طلع منك??? بحركتك هذه خليتي الناس يلي حضرت القصه تقول كلامهم صح هذه وقااااحه 🤨 للاسف
اروى: بس هووو غلط ف حقيييي الفاظه مقززه
حسين: وانييي ليش واقف اكيييد بش ندافع عليك مش تنوضي تتصرفي بروحك صدقيني فضيحه يلي صااار
اروى: بابا يا غالي عليااا اني غالطه وسااامحني بس هذا ميعنيش ان نساااامحهم وخصوص كلماتهم يلي جرحتني تي وربييي ماني ناسيتها ومردووده قصدييي ردت فعلييي عاديه جدا متنسااش عمي يلي هو خوك حتى هو وقف معااهم وداروني السبب مفيش حد حاس بياا
حسين :قعد ساكت
اروى: بابا صقع هني ادخل ل دارك
حسين: تاعب معنديش جهد 💔
اروى: خل نجيبلك هني البطانيه
حسين: مردش
👑روايـات الكاتبـة سرو👑
اروى: ركبت للدار خديت بطانيه ورجعت غطيت بابا
حسين: رورو متزعليش مسامحك بس معش تعااوديهاا واللهي تاعب خليني بنرتاح شويه راسي فاتح الف موضوع يفكر فيه مش قادر شي
اروى: تماام ❤️ .... واني طالعه قابلتني ماما
مفيده: اروى يعمري بوك يكلم فيك لمصلحتك متزعليش منه ارتاحي متدوري شي تمام ❤️
اروى: عارفه بس الشي الوحيد يلي مش عارفاته ان ليييش اني البنت الوحيده يلي مش مخلينها ف حالهاا عالمهم مامي ماشيه بنرقد احتجتي شي كلميني 🥺
مفيده حضنتها: تمام حبيبتي ربي يحفظك ويبعد عليك المشاكل
اروى: اصلا عيلة عمي هما المشاكل تعرفي معش عندي خلووق ليهم بس انشاءالله خير
مفيده: سكتت
اروى: عندي الصبح بنمشي نشوف حالـة وليد طبعا عيب منسالوش عليه لان مهما كان عارفه ان نيته صافيه بس تعرفي اعصابه مشكله كبيره وضروري نتصالح وبعدين صدقيني معش نبي نشوف وجوههم وحتى كان جونا مش حنطلعلهم عادي يلي يخف يخف وعلى قولت امل 🤭يلي باعنا خسر دلعناا ☺️
مفيده: هههه امل بدت مضرب مثل 🤦♀️😅 عالمهم الصباح رباح
اروى: ههههه هيااا ادخلي قدامي وتسطحي خل نغطيك بش متنغريش وتقولي تحب بوها اكتر مني 🤣🤭
مفيده: هههههه تمام
اروى: غطيتها وطلعت 🙁لامتى بنخفي حزني ورا ضحكتي كله بش اهلي منخسرهمش معنديش غيييرهم ❤️ يارب عطيني الصبر وافرجها علياا 🥺
مشيت لداري ساويت سريري وتسطحت قلت نفتح نت اول مشفت الهاتف لقيت قريب 5مكالمات من امل طوول تفكرت كلامنها فالسياره وحتى وائل متصل بياا وبعتلي ان سمع بيلي صار اليوم وتحمدلي وكذلك مكالمات من عمر 😩
بعتت رسالـه ل وائل💌
(سلمك واللهي اني يلي نحس فروحي مقصره ومعش نسال عليكم بس واللهي ظروف الحق
سلملي على زينب ورورو الصغيرونه)
ايوب: عمررررر نوض 😒
راكان: ههههه علاش تصقع فيه
ايوب: لا تعبتوني بش نجيبلكم تتعشوا وتوا بترقدوا واللهي ماصارت 😑
عمر: خيرك تعيط تقول وحده فشهرها التاسع 🤨
راكان: هههههه 😂😂
ايوب: 😒مفلحكم فيااا
عمر: اسمعوا خلوناا بجديات بلا تفاها تمام
ال2: خيير?
عمر: فتح الاكياس يلي جابهم ايوب وينظم فالطاوله..... بنمشي نطلب اروى من بوها بعد غدوة انشاءالله شن رايكم???? 😎
راكان: نعممم ?
ايوب: بتمشيلها بروووحك مالا?!
عمر: عاادي نلبسك فراشيه حناي ونمشوا وراكان اموره منظمة نديره الحاج بوي وخلاص 😂😑😑
ايوب: هذا غر قلت موضوع بجديات 😒🤨
راكان: هههههه
امل: هههه ميدو حكالها امي ومهزبتنيش عرف كيف يحكيلها واللهي قدر 😂
اروى: 😅المهم اطمنت والله كان نقولت مرهقه بنرقد وغدوا عندي طلعه تمشي معاي?
امل: للمستشفى?"
اروى: اي
امل: تماام 😊
اروى: تم باذن الله هي تصبحي ع خير 😴
امل: وانتي بخير ❤️....وسكرت
عمر: ايووب شن تدير??
ايوب: نفسفس 😁
راكان: اني نعست تصبحوا على خير
عمر: وين ماشي اقعددد
ايوب: ووووه غر اسمعوا هذه
ال2: قوول
ايوب: ماداما مكسدين خل نضحكوا 5 دقائق قالوا عنده هلبا فوائد 😂😁
راكان: اي واللهي حق انت ابدا ☺️
ايوب: تعرفوا ليش الشيوخ يحبوا اللون البني 😏😎😁
عمر: علاش ?
راكان: هذه نكته?!
ايوب: لان الاعماال بنيات 😂😂😂
راكان: من امتى هكي دمك
عمر: هههههه واخد من جرعتي 😂
ايوب: هههههه راكان مفروض اسمك عدو الابتسامه تشوف ف عمر عصبي وواعر لكن مفيش اتفه من جوه وخصوص لما نطلعوا للزرادي جووو ف خود رااحتك معاانا 😎
عمر يفتح ف شيشة الببسي: تواا بنفكر كيف بنكلم بوي ونقنعه ان اني معش الصايع يلي قبل 😂عقلت خلاص وبنخطب
ايوب:هههه حييي تتفكر لما امك رفعاتك ل بنت شن درتلها فالنظرة الشرعيه ?!
راكان: 😳😅شنن
عمر: وووووه ناضت تتشقلع علياا تقول هيفاء وهبي وبدت تحط فيهم شروط وطلبات دوله تقول ميت علاها وغر وافقي يا بنت الناس اول مكملت قالتلي خيرك ساكت تكلم قلتلها قوليلي شن تبي مشت قالتلي شن تبي قلتلها نبي نروح 😂نضت درت روحي مهبول قدامها وبتع سكير ينااري منظرهاا ولا زي الغوله بتع مسلسل الكنه 😂طلعت تجري من المربوعه
ايوب: يناري تحسابك كيوت
راكان: هههههههه عارفكم بترفعوني من وراكم ل قرقارش ربي يسترني
👑روايـات الكاتبـة سرو👑
عمر: عادي عيش حياتك وانت معاناا خود راااحتك 😁
راكان: ههههه معناها احكولي
ايوب: والله ماني عارف كيف عمي الشريف بيقتنع ان عمر تغير وبدي عاقل 🤦♂️
عمر: كان عركه فالشارع فاها عمر 😂 بابا يفرح لما نمشي للداخلي يفتك من مشاكلي 🤦♂️
ايوب: خليييك من الداخلي بروحه 😂
راكان منسجم: 😅😂نقصروا الليل احكولي مواقف من الداخلي
عمر يضحك: 😂 عندنا 4 شباب معفنين كل متنقطع الميه السخونه مننا الشباب يطقوا عليهم بش يطلبوا منهم مره جت التهزيبه فوجهي قالوا منبوش ازعااج احترموا نفسكم رديتهالهم يوم من الايامات لقيتهم ملصقين ورقه عالباب كاتبين معندناش اميه سخونه زعمني بش منطقوش ومنزعجوهمش نمشي اني وايوب لشقتنا ونعبوا اميه سخونه طقينا عليهم طلعلنا واحد قال حتى لصقنا ورقه ازعاااج شن هذا قلتله جبتلكم اميه سخونه قلتوا معندناش سخفتوني الحق😂😂😂
راكان: ههههههههه متتتتتتت 😂😂😂
ايوب: ههههه
عمر: حتى البنات مفيش وحده متعرفنيش خليك لما ندير عركه كلهم من البلكونات والسطح يتفرجوا عليا 😂لدرجه نحس روحي شاروخان نبدا يا ارض اشتدي 🤣
👑روايـات الكاتبـة سرو👑
راكان: حييي ياريتني من زمان نعرفكم ❤️
ايوب بعفويه بدون ميحس: تعرف مره هو واخته فالسياره شاف ولد يعاكس ف بنت نزل من السياره ومشاله البطل 😂 بعد مضربه وهزبه ومشي التفت قال للبنت مسا الكوكتيل الرقم ولا الايميل 😂😂لتوا البنت متاكد تهدرز فاهاا لصحباتها من زيهاا تعرف الاول مردتش عليه وعمر قريب تكتبله الباسبورد بتع ايميلها 😂
راكان: لا اله الا الله 😂😂عمر هذا كله وتبي بوك يوافق عمايلك بكل
عمر: اختفت ابتسامته بسيرة اخته ناض..... تصبحون عخير ..... دخل للدار وقربع الباب
ايوب تفكر: عمرررر مش قصدي واللهي
راكان: كنا نضحكوا شن في ?!
ايوب: راكان متدورش عمر من يومه هكي ساعه بساعه تعالى للدار التانيه نرقدوا 💔
راكان: متأكد مفي شي ?"
ايوب: اي ..... ومشوا للدار
عمر: كل شي ولا ظلاام ف وجهه غم روحه بالبطانيه وهو متعصب قعد يفكر ويتفكر لين رقد
صباح تاني يوم ❤️
اروى: نايضه بكري نظمت روحي واني يلي درت الفطوور قعدت مع بابا وماما فطرنا ونظمت الحوش
اروى: هياا اني طالعـه ❤️ سلام
حسين: طريق السلامه
مفيده: ردي بالك من روحك غاليتي ❤️
أروى: طلعت ركبت السيارة ومشيت لامل
امل: يا متع ساره 😁
ميدو: اسكتيي تسمعك امي 🤨🤨
امل: به خليني نمشي مع رورو 😎
ميدو: تعرفي تعطلي اكتر من سااعـة تشوفي
امل: مداير رووحك واعر 😒 خيرررك كل القصه ان هي بتوصلني ف طريقها للعملي يعني.
ميدو: زي امس مالا??? 😑
امل: ههههه امس قعدت معاها بس باقي نفس المستشفى يلي نمشولها في سؤال تاني 😒
ميدو: تو نوريك من الواعر جربي عطلي عالدوام
امل: به 🙋♀️ مااااااااامااااا
ام امل من دارها: خيييرك تعيطي متقدريش تجي?!
امل: ماهو لابسه كندرتي هي اني طالعه باااي 😎
ميدو: اني بنروح بيك 😏
امل:به
👑روايـات الكاتبـة سرو👑
........
اروى ترن علاها
امل: هيا طلعت ☺️
اروى: نستنى فييك 😇
مع الساااعــة 10 صباحا
اروى: اني وامل فالمستشفى مقعمزين نستنوا امتى يطلع دكتور يلي يمر كل صبح
امل: ياربي سامحني بنقرم عالصبح 😑رورو ال2 هادوا خيرهم هكي يشوفولناا
اروى: متركزيش فيهم امل فكينا
امل: شفتيه وك عليااا لحيته خيرها طويله قريب اطول مني ولا اني قصيره فطولي 😳😒المهم🤢قرف والتاني شناباته تقول قشور موز 🤢الناس يلي زي هادو وجعولي بطني يععع.
اروى: اسكتيييي ره يسمعونااا 😂😑
الممرضه: اهلا امل خيرك مش مع البنات اليوم عندكم قسم الاطفال ☺️
امل: تمام يسلموا غاليه شوي ونمشيلهم خل نساير صاحبتي 😊
اروى: خلاص امل بري لصحباتك تو تعاقبك المسئوله عالتاخير
امل: تماام تو نمشي وبعدين لما مروحه نشوفه .....ومشت
اروى: بجديات شن قصتهم هادوا معقوله بيدخلوا ل وليد وك علياا خفت دخلت لقيت الدكتور كيف بيطلع
الدكتور: 😊وضعه كويس بس لازم يقعد ايامات هني
الممرضه: انشاءالله
اروى: اسفه دخلت بدون اذن 💔
الدكتور: ولا يهمك احني طالعين
اروى: اول مطلعوا بعدت عالباب وقربت ل سرير وليد
وليد: مغمض عيونه بس مش راقد من الالم.... اروى??!
اروى: هههه حافظ نبرة صوتي 🤭
وليد: فتح عيونه..... اروى ياريت متقعديش هنيي عيب يجوا جماعتي الشباب يشوفوك 💔
👑روايـات الكاتبـة سرو👑
اروى: جيت نطمن بس لا اكتر
وليد: اني كويس دومك انتي كويسه
اروى: سامحني وليد كلهم قالوا الحادث بسببي 😔
وليد: لا لاا مش بسسبك وتوا يلي فات مات متدوريش بالعكس اني يلي اسف مخليتكش تحكيلي او تشرحيلي ونستاهل هذا كله
اروى: بعيد السو
وليد: ااه
اروى: خلاص مداما امورك تماام وتصالحناا ارتااح 😊 اني ماشيه
وليد: اروى ?!
اروى: نعم
وليد: تعالي ف عبايه المره الجايه منبي حد يشوفك هكي ناس خاشه بعضهاا
اروى: وخيرها لبستي مستوره وطويله 😒
وليد ابتسملها: وزياده طالعه عليك 😊🙈
اروى تحشمت: 😅🤭ذوقك .... كيف جايه بتطلع خشت كميله ويزن
اروى: ساكته
كميله تعصبت: 😡😡شن مزال تبي يا وقحه ?
وليد: خيرك علاهاا عيب يا امي
كميله: قوللها هي العيييب دارتلنا فضيحه وضربت يزن كف امس قدام الناس🤨
وليد: شاف لاروى...... شن تقول صح يلي صار 😳🤨
اروى: و وليد توا انت تاعب تو نهدرزوا
وليد: بصوت عالي لين شذ كتفه وجعه...... تكلميي! 🤨
يزن متشمت فيها: 😏
اروى: اييي بس هو يلي بدااااها اني بالي فيك وقت انضربت وهماااا راميينها ف راسي 💔💔 (حكيتله بالتفصيل) ... اي ولولا هكي مكنتش ضربته
وليد: ناض قرب منه وضربه كف .... انت امتى بتولي راااجل 😡معقوووله فضيحه ف نص المستشفى هكييي تكلم بنت عمك عااار بجدياااات شن هذاااا!
يزن: 😡😡 اي خلييييك وراهااا تو تفيدك وحده ساقطة زيهاا تو نشووف لوين توصللل
وليد: احسن منك ياااا كلب واشرف من واحد زيك اقلب وجهك خير منخربهوولك 😤
اروى: قعد يهزب فييه ووليد قريب يقتله غر امه شذاته ومشي يزن وقربع وراه الباب
كميله: سيبت وليد وقربت من اروى.... امتى بنرتااااحووو منك بسسس 😡
اروى: دمعت عيوني ..... حسستيني ميته عليكم
وليد: ياااام خلاص تعبااان اني
كميله: اصلا كيف حترتاح وهذه ف حياااتك
وليد: يااااااااام قلت تعبان تعرفي قريب نطلع ونخليكم هني 🤨
👑روايـات الكاتبـة سرو👑
اروى: اصلا حترتاحوا مني وجيتي كانت لسبب ان نشوف حالته بش منقعدش مشغوله زي مقلتوا ان بسببي هذا علاش 💔 وبنقول ل بابا نطلعوا من هني شويه ونبعدوا عليكم لان طلعنااا سبب مشاكلكم واني مجبرت حد يجري وراي ...... وخليتهم وطلعت وسكرت وراي الباب
وليد: اروى وييين استني
كميله: بلا رجعه انشاءالله تي قريب رزيتوني ف وليدي
وليد: 🤨🤨وااااك بتقتلوني متعرفوش اداب زيارة المريض ولا كيف 😑معرفتش ليش تكرهيها هكي وياريت ناس برانيه تي انتم عيله ف بعضها 😩
👑روايـات الكاتبـة سرو👑
اروى: واني نمشي فالممر رن هاتفي طلعت برا ورديت بس صوتي واضح ان نبكي ....
عمر: اهلين رورو 😊
اروى: اهلين
عمر: كنتي تبكي???
اروى: لا
عمر: به من مزعلك?
اروى: مش زعلانه
عمر: انتي وينن توا
اروى: المستشفى
عمر: متقوليليش مشيتي ل وليد 🤨
اروى: جيت نشوفه نسيت كلهم راميينها فيا
عمر: امتى بنفتك منه السيناريوا هذا وهو عاد البطل بش تشوفيله بيها باهي
اروى: عمر مش ناقصه ره هو صح عصبي بس واللهي قلبه طيب ونيته يحميني وكل القصه ان رديتهاله واطمنت عليه لان معش نبي نشوفهم بكل
عمر: وسبب هذاا كله
اروى: لان ..... قاطعها
عمر: لان يحبك صح
اروى: عمر مش هكي
عمر: سكر الخط
اروى: يااااربي رتحني بسسس
امل: خيرك فمن تكلمي ?
اروى: كان يكلم فيا عمر
امل: اروى شن اتفقنا ?
اروى: تعرفي راسي خلاص ومش عارفه ليش نحسك تعرفيه عادي قوليلي مافيها شي يعني!
امل: لا غر نحس فيه مش بتع حب والجو هذا واضح
اروى: خديت نشرب عطشت...... عمري مسمعتك تقولي هكي عالمهم معنديش جهد غيري الموضوع
قعدنا قريب ربع ساعه نهدرزوا قدام المستشفى شويه ونشوف سياره عمرر وقفت قدامنا واضح متعصب لدرجـة قلبي غصني من الخوف
عمر: شافلها ونحا نظارته الشمسيه وهو فالسياره
اروى: فلحظه بس شفت يمين شفت يسار ملقيتش امل 😳وين طاارت
👑روايـات الكاتبـة سرو👑
عمر: بعت رساله 💌
متبيش فضايح تانيه فالمستشفى شوفي مكان نكلمك فيه
اروى: دخلت لنفس المكان يلي يومهاا كلمني فيه
عمر : لحقهاا وهو متعصب
اروى: ع عمر!
عمر: منبيش نسمع اي تبرييير
اروى: خيرك انت شن درتلك اني?
عمر: متخلينيش نغير معاااك اروى معش نبيك تجيبيلي سيرته البطل هذا فهمتيي?!
اروى: بس
عمر: ولاااااااا حرفف
اروى: عمررر 🥺🥺🥺💔 هذا الحب والامااان يلي وعدتني بيهم رتحنييي تعبت راني كل يوم ندخل ف مشكله معش عرفت كيف ندير حيااتي كل يوم تتعقد اكتررر
عمر: ضرب يده عالحيط وقعد يشوف لوطه ...... مش عاارف حاس روحي تاااعب نفسيتي من الصبح هكي الدنيااا كل يوووم تلعب بيااا ومش قااادر ننسى هلبا حجاات ماثرين عليااا هذا كوووم واسم وليد كوم تاني اروى صدقيني مفيش غيرك نرتاحلها وننسى لما نشوفهاا 💔
اروى: قربت منه ....عمرر صدقني لو حكيتلي سرك مش حنقوله لحد عارفه ان مستحيل ترتاح الا وتحكيه لشخص تاني
عمر: انسي
اروى: قعدت نشوفله بتعب..... 😒😩
عمر: اروى تمشي معااي
اروى: عمررررر 🤨 كييييف تقولهااا اسمع اني مش رخيصه ومش بنت ليل يكون ف علمك تعرف معش فاهمه شي
👑روايـات الكاتبـة سرو👑
عمر: ماهوووو هذا يلي نبيك توصليله اروى منبيش كل يوم لما نشوفك تبدي خايفه من المشاكل اني نبي كل شي يبدا بيناتنا رسمي ونبي نكلم بوك
اروى: بس يا عمررر بابا مستحيل يرضى حاليا
عمر: توا كان منكلمش بوك تقولي تلعب علياا ولما قلت نكلمه قلتيلي لا مفهمتش انتم البنات شن تبوا بالظبط 🤨😒
اروى: 😅💔مش هكي بس عطيني وقت عندي عيله لازم نفكر فيها
عمر: وليد منهم ????!
اروى: هييييه علينا 😒
عمر: بجديات تبيني نخليه يبعد ?"
اروى: عمرررر فكني صدقني تديرله اي شي تنساني 🤨
عمر: خييرك كل القصه نحول شغله خارج التريبولي 😁
اروى: 😒معش عندي حيل نلاغي حد تعرف اني نسمع بيوم ليك ويوم عليك بس ف شخصيتك انت ساعه بساعه مزاجك تخيل بعد الزواج هكي صدقني اني ودبيشاتي والباب وتقعد فاها بروحك
عمر: متقدريش 😎 اصلا هلبا ناس بتحسدك عليااا
امل: تسمع فيهم وهلبا كلام فخاطرها....... 🥺 صاحبتي ولا حياااتها ياربي ساعدني
اروى: عبدالواثق 😑
عمر: اروى!?
اروى: ها
عمر: اسف عارف روحي غلطت ف طريقتي شن بندير امس متفرج على فيلم جديد بتع اكشن توا انشاءالله باذن الله المره الجاية قصدي بعد منتزوجوا نتفرج على فيلم رومانسي بش نعيش الدور تمام 😅🤭
👑روايـات الكاتبـة سرو👑
اروى تحشمت: تعرفف المره الجايه معش نصدقك مداير روحك عصبي وواعر اني نوريك
عمر: خلاص معش نعاودها باهي?? 🥺😂
اروى: تعرف واضح هازي عليااا اني ماشيه
عمر: كيف التفتت جبذها بقوه ليه .... هههه من توااا بتديريلي جو نكد
اروى: خلاص عمر هي قصه وحليناها متخلينيش نقلك مراهق عااد
عمر: به سؤال اخير ?"
اروى: نسمع فيك?
عمر: اممم انتي تحبيني 🙈شوفي لعيوني!
اروى: سرحت فعيونه.......مش عارفه تعرف ل توااا كل ساعه نظرتي ليك شكل مرات نحسك طيوب وحنون وقلبك ابيض ومرات شرير وحقود وقلبك اسود مكنتش نحسابه على نوع الفيلم يلي تتابع فيه 😑😅
عمر: شذ ايدهاا ..... اروى اليوم احكي ل امك احتمال غدوه تنصدمي بياا ف مربوعتكم تمام 😊
اروى: نعمم?!
امل: نهااااااري 😳😳😰
عمر: منكدبش عليك .... كيف بيمشي التفتلها ...حقا نسيت حاجه تانيه 😁😎
اروى: قول?
عمر: ههههه عيد ميلادي قريب اطالب ب حقي 😂نبي هديه
اروى: امتى عيد ميلادك ?
عمر: عندك علم ان مفيش واحد ف الكره الارضيه ميعرفش عيد ميلادي
اروى: 😂واااو توا كاظم ولا ناصيف زيتون
عمر: بييي ربيييك حدا قدي بيحبييك حتى القمر على الارض بنزللك 🙈❤️😂🥺
اروى: هههه غر قلي!
عمر: تي وربي متاكد تعرفيه حتى انتي!
اروى: مقلتليش بش نعرف
عمر: 😂اني والحب انولدنا ف يوم واحد
اروى: حي متقليش!
عمر: 😁يس عيد ميلادي ف نفس يوم عيد الحب معش مزال هلباا ياااارب خطوبتنا فيه تخيليها 😎
اروى: واني نقوووول خيرك للدرجه هذه مجنون
عمر: هههه انتي جننتيني واللهي بجديات نبي هديه ☺️
👑روايـات الكاتبـة سرو👑
اروى: يصير خير في حاجه تانيه?!
عمر: نحبك ❤️
اروى بعفويه: نم...... قاطعها الهاتف امل ترن ..
عمر: عليك حظ بايخ منو تفكرك توا قريب قلتيها اللي نبيها 🥺🤭
اروى: اشرتله يسكت.... ايواااه اموله !
امل: وين انتي ?
اروى: انتي يلي وين مشيتي وخليتيني!!
امل: مشيت نسيت حاجه خديتها المهم بنقلك خوي قلي بنروح بيا يعني متدوريش عليا شويه وبنمشي معاه 💔
اروى: اه اوك ي عمري خلاص تو نكلمك لما نروح
امل: باذن الله .....وسكروا
عمر: رورو متنسيش 😉
اروى: 🙈باذن الله
عمر: تشاو 😍.....وطلع قبلها
👑روايـات الكاتبـة سرو👑
اروى: خديت روحي وطلعت بجديات خايفه حد يلاحظ اجتماعاتنا فالمكان هذا ولا حد يعرفني وشعوري بالخوف غلط ضروري نتشجع نحكي ل ماما.
مع الساعـة 11:00 فالليل
حسين: تعشى ودخل رقد😴
اروى: كيف ضميت الكوجينه لقيت ماما مقعمزه عالصالون جيت جنبها وحطيت راسي على رجلها
مفيده; مزلتي متبيش ترقدي?
اروى: مستاحشاتك
مفيده: انيييي اكترررررر 🥺
اروى: تعرفي ماما نفسيتي بكل الايامات هذه
الشريف: يا معفن 😂متحشمتش حتى قلتها قدامي
عمر: هههههه شني يا حاج راضي ولاه?
الشريف: قاعد صاايع يناري علاها يلي بتتحملك
عمر: ياا بووي عقلت اني خييرك مفيش تفائل تغيرنااا وعمر القديم سكرت عليه فالدولاب بتع داري القديمة 😎😁
الشريف: هههه به قول لامك
عمر: يا بوي هههه من يومها بتع النظره بديت خايف منها شن داير تحت ربي بش نحصل زي تهزيبات وضربات رامز يلي ياكل فيهم بعد كل مقلب 😰😅
ايوب: ههههههه احسنت التشبيه والمشكله ودرتني معاك يومها
الشريف: خلاص عمر تو نكلمها ونقنعهاا غر كلم بوها واحكيلنا عالعيله
عمر: تييي قدر يااابوي متدور شي 🤣😎
اروى: ماما بنقلك حاجـه?!
مفيده: تفضلي
اروى: متقوليش لحد باهي?
مفيده: قولي
اروى: اني.. (ماما معنديش غيرك ومدايرتك صاحبتني)
مفيده: خوفتيني قولي ?!
ايوب: خطف الهاتف من عمر اول مسكر الخط.... وااو مبكري كنت متعصب بسرعه تعدلت 😂اللهم انها غبطه وليست حسد
ابدعتي اروى
عمر: هههههه ...... شويه ورن هاتف عمر
ايوب; هااك رقم غريب رد عليه
اروى: يا ماما اني نحب عمررر
مفيده انصدمت: نعمممممممممم 😳😳😳شن تقولي انتي?!
👑روايـات الكاتبـة سرو👑
عمر: ايوااا
امل: نبي نعرف شن تحس وقت تلعب بقلوب وحياة النااااس بسسس
عمر: 😂 معليشي يا اختي اني مرتبط ومنبيش نكلم غيرها الا الخيانه يا ناس
امل: ومداااير روحك مثالي تفوووو ملقيت غير صاحبتييي 💔
عمر: سكر علاها الخط
ايوب: منو?
عمر: هذه صاحبه اروى قصـه طويله فوتك منها معنديش خلوق نحكيهالك توا 😒
ايوب: ههههه معناها مش توا نفكر كيف هي جابت رقمك المهم ردك اوووفر تعرف اني كان نبدا متزوج 20 زي جلال ف مسلسل جودا اكبر مستحيل تكلمني بنت ونقوللها مرتبط او مخطوب او متزوج 😂الله غالب قاعد ضايع اني
امل: يااااا ربي شن مدايره انييي شن الاختبار الجديد هذا💔 لا وشن يحساب روحه يسكر ف وجهي
اروى; .........يتبع
ملاحظه// ❤️🔥🙈محلاااها تعليقاتكم قريتها كلهاا ودعواتكم وحروفكم 😍😍😍 اليوم كملت امتحانات تعرفوا كنت مجهزه حلقات الاسبوع كامل بش منتأخرش والحمدلله ع خير💞💞😋وتواا باذن الله انجهزلكم حلقه غدوه
انشاءالله 😇❤️ #سرو#
#سرو#
#تعديل // الروايـه تعتبر كيف باديه ره هي مش اقل من 15 حلقه 🔥❤️حطيت فيها قريب 6قصص ومزال في اسرار 🔥
رايكم والتوقعات ❤️🙋♀️