✨#بين_العشق_والانتقام✨حلقـة18✨سرو✨
في المستشفى ❤️🕊️
اروى: كااانت امنيتي لحظه منقدرش نفتح فيهاا عيوني لان خاايفه نرجع لنفس الاحداث 💔بس مننكرش اني خاايفه من الموت
ياريت لو نفتح عيوني ونلقى عمر جنبي نبي نرتااح لان مخاطرييش فالناس اللي خلووني نوصل للمرحله هذه 💔
فتحت عيوني واني قاعده نرمش ف عيوني شفت ماماا مقعمزه وشااذه ايدي وتبكي بصمت الله قداش حسيت بحنان 🥺
مفيده: ي عمريي الف الحمدلله ع السلامه قوليلي علاش بسس!? هذه انتي الواعيه وثقافتها عاليه تديري هكي مالا شن خليتي لغيرك?!!
اروى: قعدت نشوفلهاا بتعب ودموعي بس اللي تنزل 💔💔💔💔
الدكتور: دخل للغرفه .... اروى حسين?
مفيده: اي تفضل دكتور!
الدكتور: وقف جنب اروى.... في حد متقصد يوصلك للحاله هذه ولا انتحرتي ?"!
اروى: لا لاا اني انتحرت
الدكتور: خليني نسالك ف رايك تواا في شي اهم من انفاسك بش تخسراها?!!!
اروى: نتكلم بتعببب.... يا دكتور لماا تكون حياتك بلا قيمه ليش تعيش !!!? يعني الحياة والموت حيقعدوا ف وااقع مظلم ومش مقبوول يعني نفس العذااب بس انك تظلم نفسك غير ان الناس تظلمك 💔هذا الفرق
الدكتور: يا اختيي شكلك ناسيه ربي علااش خليتي ايمانك يضعف ليش ملجئتيلاش في يووم دعيتيه ومستجابش?!
اروى: نفسي غصتني فعلاااا كيف ف لحظه نسيت ربي وحتى يوومهااا وقت قريت الدعاء اني انعفيت من الموت فعلاا هذه اختبارات ل صبري وقوه ايماني بس فشلت طلعت ضعيفه
مستحيل ننسى (ياغياث المستغيثين اغثني) كنت نردد فيهاا 🥺فعلااا
انيي سئت الظن ب نفسي وب ربي ياارب ساامحنيي اني غلطت ونعترف 💔💔
مفيده: وذكر ان الذكرى تنفع المؤمنين غاليتي الله باب ل 2من الناس الخائف والبائس ف ليش بش تخلي الشيطان يغرك ويبدا عليك سلطان
👑روايـات الكاتبـة سرو👑
بسبب الضعف كنتي ح تخسري دنيتك واخرتك عندك علم انك من امس فالليل لتواا بش فتحتي عيونك وتعدل ظغطك كنتي ف حاله ميئوس منهااا 24ساعه بالظبط وانتي بين الحياة والموت
صدقيني اي شخص حاول ينتحر هو خااسر وحيقعد خاسر واللهي حرام تخلي الناس اللي ظلماتك يعيشوا ويتنفسوا وانتي المظلومه تموتي
ربي فوق كل شي ادعيله مفيش غيره قوي عليهم مفيش غيره السند وجابر لكل كسر
في شي اسمه عداله الله والحق للمظلوم على الظالم
الدكتور: منوره فعلااا كلامك ف مكااانه انشاءالله معد يتكرر اروى والف لاباس عليك
اروى: حط الدوا عالطاوله جنبي .... ما يواتيك باس
YOU ARE READING
بين العشق و الإنتقام ( روايات ليبية )
Romanceللكاتبة :-سرو كوين ... تقدم لك كل شيء قد تحتاجه تقريبا من بين مشاهد رومانسيه وتشويق ودوافع انتقاميه في غاية الاثاره فهي مزيج رائع بين مشاعر مختلفه وهذا اللذي جعلها في قالب مشوق جدا من احداث رائعه بالاضافه الي طريقه السرد اللذي يجعلها في غايه الاختل...
