زٍوِاٌيٌـاٌ اٌلِـحٍيٌـاٌةُ
اٌلِـحٍلِـقْةُ "56"
ڪْتْآبْآتْيْ : Raghad
اماني قعدت تبكيي بعبرتهاا : بااهيي لامتىىى اناا عارفه و متفهمهه غلطيي بس لامتىى بنفهمم مفيش حدد قدرر شعوريي مفيش حددد حس بياا مفيش حد شاف ندميي مفيش حدد احتووانيي كلكمم سيبتوووني مكسوررهه
مافيش حد لملمنيي مفيش حد حكاا معااياا و هزبنيي حتىى لمصلحتيي !!
انا مغلطتشش في حدد بعلاقتي اهه لان ما فيشش حدد كان مهتم بياا و يقولي صح من الغلط من هلي لكل واحد فيهمم
انا غلطت فيكك انتتت و نتأسفلكك عمري كله و مش هنووفيي انا ربي عصيته ودرت الي تغضبهه و هنستغفرهه عمري كلهه
بس خلااصص تعبتت والله تعبتت
محمد قعد واقف و يشوفلها وجعاته هذك اللحظه كانت تحكي بكسره
مفيش حد حس بيا مفيش حد احتواني مفيش حد لملمني ..
انا كويس انا ما حسيتش نص الي حساته
انا خطبت و قاعد نوتي لعرسي
انا ما توجعتش
انا ما نضربتش
انا ما نزفتش بسبب باتي
انا ما انهنتش
انا ما نذليتش
انا فعلا ما حسيتش و ما مريتش ب الي مريتي بيه
نزلت سرور من ع كتر امها و قعدت تشوفلها بنعاس : مامي تبكيش كنكك مااميي ، ماامي
صبت اماني و مشت عند المرمره تسندت عليها بظهرها و حطت يديها على فمها بيش تكتم شهاقاتها و قعدت تبكي
ماحسش بخطواته ناحيتهاا لقاه روحه ضامهاا
نست ان محمد تواا محرم عليهاا و ضماته هيا محتاجه كتف حنين تبكي عليه محتاجه تهون على روحها بالبكاء بالك تتريح
اماني قعدت تبكي بعبرتها : اناا اسفهه اسفهه كل شيي يصيرليي بسبب الي درته في حقكك ساممحني والله تعبتت ٣ سنين سادد سامحنيي بالله
محمد سكت لفتره طويله قبل لا يقول بنبرة هاديه : مساامحك اهدي بس البنت خاايفهه رعشتيهاا
وتين قعدت واقفه فم باب و تحرسلهم بعد شافتهم ومابتش تضايقهم
لمياء : كنك وااقفه هنا ؟
وتين ارتبكت : هااا نرجى في محمد ،محماااااااااادددد جيببلللييي كباااية اميه معااااك
اماني وخرت منه بسرعه و قعدت تمسح في دمووعها برجفهه
وقف محمد ع اساس يعبي في ميه و خشت لمياء و وراها وتين
صبت جنب محمد ع اساس بتشرب اميه : ااخخ يا صايع طلعت اشر من معاذ خوكك
محمد : ما خوت 😂
وتين خطرتلها فكره جهنميه ابتسمت ابتسامه عريضه شريره : اسمعع تبنيش نبص عليكك جيبلي طرف شوكلاطه ؟؟
محمد : ع اساس خايف تواا 🙂؟؟
وتين حشت ب احباط : كيف كيف خوتك لا تخافوا لا تحشموا حسبي الله بسس 🙂
لمياء : فيش توشوشو انتوا الاثنين ؟؟
محمد طلع عند الباب : توا انجيبلك يا حبي 😂
شاف لسرور : هيا بابا تمشي معايا لدكان نجيبلك حاجه سمحه ،؟؟
سرور بحتت لاماني : ماما انت قاعده ؟
اماني رشفت : قاعده يا ماما اها
سرور ابتسمت : بااباا عااادي ماماااا تجيي معااانااا
محمد سكتت و شاف للارض في الوقت الي لمياء انسحبت و طلعت من المطبخ
وتين : لااا ماما تقدرش تجيي معاكمم عشاان اناا نبيهاا تقرينيي المسأله الي يومهاا قتلكك وااعرهه
سرور بزعل : يقريكك معاذ باهيي
وتين : ماهوو معاذ عنده ددي و مريض توا هو ، عدي انت مع بابا و بعدين تعالي باهي ؟؟
سرور : انبااه
مشت شور محمد الي شالها في غمره و طلعع
وتين شافت لاماني : وااله انت كوسيه ومش سماويه زيهن الاخرات بس بختك عطيب
اماني ابتسمت و نزلت عيونهاا
وتبن : بغض النظر عن اني مش عارفهه سبب الطلاق بس نشوف في محمد قريب يمووت عليك
و ع فكره قبل ديما يطلع في الوقت الي زي هذا و توا قاعد يحوم على الحوش عشانك
اماني : اهو طلع توا
وتين : عشان قتله نبي شوكلاطه بيمشي يجيباك و يجبليي ع اساس انك قاعده معايا بسس ، شوفي صحح انا قعدت معاهم فتره صغيرهه بس قعدت نعرفهم كلهم بالتفصيل
وتين : تعالي نركبوا دار زبيده ولا حدا معاذ بيش يلقانا بروحنا و ما نخربوش مخططه ؟
اماني : معاذ يكرهني من بدري قلتله حمدالله ع سلامتك
قرب قالي الله يسلمك يا بنت الكلب مع تفله على وجهي
وتين :😂😂 عطيك الهناء هو ديما هك يكرهنا كلنا الا اروى السوده بتاعه
اماني : محدش يعرف ع فكره ان مرتبط ب اروى
وتين : نعلم و نعلم انك تعلمي
اماني : تخوفي انت ع فكره ، و معاها حرام عليك اروى مش سوده تقريبا افتح حتى مني في لون البشره
وتين : wahtever مزالت سوده وحقيره زياده و ماعندهاش اسلوب 🙂💔
اماني : شن عقبتي 😂
..
معاذ : كنك تنفخيي
وتين : قاعده من فجور ربي تركببب و تنزلل عليييكك توا بتنتلفف تقولي اركبيي نزليلي " قعدت اتبع فيه " الجتاكيت بتااعي يععععع
معاذ : اهو قلتيها من بدري و هياا راكبه نازله تعبت شن فيها لو نزلتيلها
وتين : لانهااا تستتعررض 🙂
معاذ : امشي يا بهيمه 🙂
وتين : شور شور مش متحمل حاجه عليهاا امسك شوكلاطتيي ننزل نعطيهاا و نجي ناخذهاا منكك لضمان حقوقي
معاذ : هاتي
وتني : راك تاااكلهااا
معاذ : صكري فمك بس 🙂
عطتها له و نزلتت
يوسف : وحشتني التيسه 😂
معاذ : متحسبنيش نكلم فيك
يوسف ضحك : متناقره مع اروى ؟
معاذ : هنا اثنين تثقول ضرات هذي تسب في هذي و هذي تسب في هذي
يوسف ضحك : باهي انت شن امورك توا
معاذ : لوزز غير ندير في جو الميت عليهم😂
يوسف : واطي
معاذ فتح طرف شوكلاطه و قعد ياكل فيها
يوسف : هنقعد الشاهد الوحيد على موتك
معاذ : بتااعي غيرر منحرقلها دمها😂😂
ركبت وتين و قعددت تشووفله بصدمه قبل لا تقرب منه و وقعدت تعيط : لييشش كليتهاا هياا بتاااعيي بتاااعيي اناااا قتلكك دسهااا لياااااا انت وعدتنييي
معاذ : تي جاني هبوطط حسيت راسيي برممم كليتهااا
وتين : كاننن خاااطريي فيهااا عليش ما نادتنيش قلتليي جيبيلي حاجهه هنقووولهاا ليوسفف 😭😭
معاذ : يوسف و مش قاعد ما عندهه ما يديرليي
وتين : تووواا تشووفف
طلعت و قعدت تعيط و تبكي ع طرف شوكلاطتها الي راح 😂
معاذ : تيي تعاالييي اهيااا يا بهيمههه
وتين ردت و صبت عند الباب و مسحت دموعها : وينها ؟؟
معاذ : هاكي هاا وانت تعيطي زي العيل الصغير
وتين ابتسمت و قربت منه خذتها : عليش الحركات هذينا بالله
معاذ : صكري فمك 🙂و قربي قاعد نكلم في يوسف يبيك
وتين فرحتت : يوووسففف 😭
يوسف : حبيي وحشتينيي يا فرخهه😂
وتين : ادناليي بنحكي معااه
معاذ : ابرمي من غاديي
وتين بصوت واطي : حقيرر 🙂
جت من جيه الاخرى جنبخ و ريعت ع شرير و قعدت تكلم في يوسف بفرحح و جت معاه عشق
قعدت تبكي من كثر ما وحشوهاا
..............................................
كانت مقمعزها بروحها في الحوش ك اغلب الوقت
مكسده في غياب احمد الي قعد طبيعي بنسبه لها
رنت عليها صاحبتهاا من ايام الاعدادي على الماسنجر
في العاده هيا مش مدوره صديقاتها واجد بس لان كانت مكسده ف ردت عليها
و قعدن يهدرزن على ارواحهم و شن الي تغير في حياتهم الفتره هذي
بدت البنت تكر من اسيل الدوهه على زواجها من احمد و اسيل حكت وقتها على اهماله لها و غيابه بالفترات الطويله عن الحوش
منيه : تي خوذيها مني مليون في الميه متزوج عليك و نحط فيها جمل
اسيل تنهدت : بس هو حلفلي انه مش متزوج
منيه : يا سولي بالعقل هياا !!
في واحد يغيب عن الحوش الفتره هذي كلها !!
ولا شنو حجته الشغل اين شغل هذاا الي يمسك فيه ٢٤ ساعهه ؟؟
وينه يا ماما الليبي الي مكبد على شغل هكي ؟؟
اسيل بحزن : بس احمد يحبني
منيه : يوهم فيك يا ماماا يوهم فيك !!
انتبهي لروحك يا سولي ما تخليش راجل يخليك مضحكه و يعفس على كرامتك !!
تي هو ما يحكيش حتىى معااك قتيلي يروح يرقد
اسيل : بس هو يروح تعبان دوب يدوش و يرقد
منيه بوقاحه : يدوش و يرقد قلتيلي ، شابع من الاخرى اكيدد !
متقعديش غبيه و مضحكه
اسيل سكتت و قعدت تخمم في كلامها و تربط في الامور قدرت تقنعها فعلا ان احمد يخون فيهاا
ردبالك الي بينك و بين راجلك يطلع برا حوشكم حتى لأقرب صديقة لك ..
..............................................
قمعز بتعبب من الشغل كان داهشش و ياخذ في النفس بصعوبهه
مر من جنبه واحد يشتغل معاه و شافله ب استغراب
فراس : احمد كنك ؟؟ وجهك لين منزرق
احمد يتنفس بصعوبه : دااهش
فراس شافله بخوف كان وجه مش مطمنه : تي كنككك ياا راااجل شن فيكك خلاص افصل كان في حاجه توا نديرها عليك
احمد سكت و قعد يتنفس بصعوبه
فراس : تيي احمدد مترعشنشش يااا مااااجدد جييلله اميهه هذاا ، مااااجدد
ماجد شاف لاحمد و ما قلش خوفه على فراس و جاب شيشه الميه
احمد : نفسيي جيبلييي البخاخه ، البخاخه في سيارة
فراس خذا مفتاح سيارته و طلع يجريي
و دوب هو طلع من الباب الا احمد قصص عليه النفس بكلل قعد يفرفشش و يصبي و يطيح بيشش يطلعع و يحاول يلقط نفسس
ماجد رعش كله بعد شافه في هالحاله كان صغير عمره ما تجاوزش ال ٢٢ سنه معرفش كيف يتصرف الا يحاول يمسكه و احمد من كثر ما كان يفرفش لين دهشش و في لحظات الا كان هينقطع عليه النفس بشكل كامل
لولا ان فراس جاب البخاخه و جا يجري
خذاها احمدد واول ما بخهاا بدا يرتخي و بدا يتنفس بشكل منتظم
فراس : نروح بيك ؟
احمد : لالا صحيت توا نروح شويه بس
فراس : شكلك تاعب يا احمد خليني نشيلك للمستشفى
احمد : ديما تصيرلي ما تشيلش هم
ماجد : كنت نحسابك هنموت و يجي شغلك عليا
احمد ضحك بصعوبه : واطي طول عمرك
ماحد : مش هنتحمل نعيش مع المدير هذا فترات اطول لولا الحاجه راه مسيبه من زمان
احمد : دير الي عليك و الباقي ارميه ورا ظهرك
احمد صبا و تسند ع ساس : انا كملت كل شغلي هيا تصبحوا ع خير
ماجد : قدامك الخير
فراس : وحده وحده في الطريق
احمد أشرلهم مشا خذا يوميته من المدير الي كان مقمعز في دار و يحضر في مباراه مع اصحابه الي مش اقل منه في الاسلوب الحقير نوعا ما
طلع و جاب شوية حاجات للحوش و روح لاسيل
و اول ما فتحتله حضنها بكل ما له من قوهه : يا راحتي انت رايفتلك
اسيل لفت عليه يدها بس ما زالت متخوخمه من كلام منيه
....................................................
اماني : هنجي مره اخرى وعدد
سرور ماسكه في رجل امها : لالا انت ديماا ادولي هكي و معش تجي بتلل "اتقولي/بكل"
اماني تنهدت : اهو بابي قاعد معاك
محمد طبس عليها : اقعدي اليوم و بكرا انا نشيلك لماما باهي ؟
سرور بحزن : بس يا بابي انا بنني مع ماما "بنرقد"
اماني قعدت خايفه من ردة فعل باتها لو جت سرور معاها و ترردت لفتره طويله قبل لا تقول كلمتها : باهي تعالي روحي اليوم معايا
سرور : اادددئ زدوو سينننن "لا جدو شين" انتى نني معانا انا و بابا الفلاس تبيرر بتلل "ارقدي/الفراش كبير بكل:
اماني زمطت ريقها : مره اخرى توا زدو قريب يجي و هيهزب لو مروحتش معاه
سرور طبست راسها : زدو سين بس بابي يدولي في قصه دبل ما اننيي و يعطي فيا شوتلاته و يهلي فيا نرقد بدون يهزبني بتل " جدو شين ،، يقولي ،،، قبل ،،، نرقد ،،، شوكلاطه و يخلي ،، بكل "
اماني تنهدت : ربي يخليلك بابي ان شاء الله ،
رفعت عيونها و شافتله : اهه عظم الله اجرك في خالة مراتك
محمد حط يديه ف جيوبه : ان شاء الله
اماني شافتله ب استغراب : كيف ؟
محمد : مزال مش مراتي بس ان شاء الله ربي يكتبها ليا
اماني طبست عيونها و حزت فيها الدمعه
وهو قالها و ندم تذكر كلامها في المطبخخ كان مش ناقصها وجع ابداً
محمد حاول يرقع : ان شاء الله منطلعش عيل قدمهم و ما يصيرش نقاش على الفلوس و الامور هذينا انت عارفه منحبهننش التقاشات هذينل
اماني : ربي يسترك قدامهم
سعاد طلعت بسرعه : باتك برا اجرري
اماني : باي يا روحي
طبست باستها و اشرتلهم و طلعت بعجله لباتها
وقف يشوفلها و هيا طالعه قال بنبرة هاديه : اسف
.............................................
بعد مرور 6 شهور
نستفتح ب فارس الي تعاالج في مصر بدون اي تدخل جراحي عكس هنا تماما الي نهوله موضوع كليته و اول م روح خطب بتول ، امها بدورهاا كانت تحببب فارسس وااجد و اول ما جاهاا طالب بنتها ما قدرتش تمسك فرحتها و ماتزغرتش و تعبر عن فرحها بيه
روحوا و قعد يوسف و عشق اسبوع زيااده دهورهاا في مصر و حجزلها 3 ايامم في شرم شيخ لكن ما خلتش يقعد يوم واحد و وتعاركتت معاهه و قالتله روحح بياا 😂
لكن في الاسابيع الاخيره بدت حالتهم تتوتر بسبب نفس القصه
عشق ماتبيش عيال توا و قعدت مصصممه اكثر بعد روحت و شافتت معاملة نوريه السيئه لهاا و ع قد ما دارتلها مابتش تلين
و يوسف يزر عليها و يبيها تبطل دواء وهيا رافضه نهائياً ، الشيء الي بدا يكثر من المشاكل بينهم في الأونه الاخيره
مالك و ساره بدت حالتهم تتحسن كانن ٦ شهور ابعد من جلال ابعد من المشاكل اقرب للراحه تقربوا واجد من بعضهم هالفتره حتى بدا جزء من مالك القديم يرجع سارة خلاته يضحك خلاته يفرح خلاته يحب الحياة من كل زواياها من جديد الي داراته خلاال الفتره هذي هيا تعتبر فيه انجاز ، ااه فك الجبسس و بداا يطلع و يخش و يطلع في سارة يدهور فيها و يغيرلها في جو
اسيل و احمد لا جديد يومهم مزاال روتيني
يطلع احمد صبح يروم القايله يتغدا و يرقد ينوض يمشي لشغل من جديد او يشيل اسيل لحوشهلها او هله يروح يرقد ينوض يمشي شغلل و هككذااا
اسيل بدت تتقرب من صاحبتهاا الي مودرتها ب الافكار الشيطانيه و مخوخمتها بموضوعع ان احمد يخون فيها
اماني و محمد
طول هالفترهه و من اخر جيه لاماني للحوش معش جتهم بدا يشيلها في سرور لعندها و كل ما يحاول يشوفها ولو شوي و ينزل مع سرور ما يلقاهش
رايف عليها واجدد و الحل الوحيد الي كان يدير فيه هو ان يرد يتفرج ع مكالماتها الفيديو مع سرور مره اثنين و ثلاثه و عشره ،، وضعه مع رحمه ما تغيرش مكالمات روتينيه و خلاص
بالنسبه لوتين بدت هاديه الفتره هذيي متنقله مره تبات عند يوسف و مره عند هله
منفرده في دارها بروحها اغلب الوقت ومش راضيه تحكي مع حددد
معاذ و عصومي
عصومي من وقت الحادث و هو تقريبا خذا سلفيات بيده المكسره من جميع زواياا يخش و يبعت فيهن للدكتور فتحي الي لو كان يعرف مكان بطمة البلوك راه زارها من زمان و متريح من هرجته هو و معاذ
اه معاذ و عصومي فكوا الجبس و قعدوا يسوقوا ب اجراءات احترازيه تحت قوانين محمد الي تحث على عصومي معش يسوق بكلل بسبب حالته
........................................................
طلع من القاعه و هو يدعي العبسس
قرب من فارس الي كان متكي على ساس و قال بنبرة هاديه: اسف خسرتها القضيه
فارس مابش يبين حزنه لان هو مادفعش حتى لمحمد الي كان رافض ياخذ منه حتى ربع جني : عادي اصلا بعد السنين هذينا كلهن شنو هنتوقع ، معلش بس تعبتك معاياا
جا يوسف يجريي الي كان حتى البالطو الابيض بتاعه مش سالحه و يحكي بدهشه بسبب ان كان يجري : شنن صارر
محمد : 650 ألف بتحطهن عندك في الحوش ولا بتحطهم في المصرف؟😂
فارس شافله بصدمه : كيف ؟؟
محمد : مفيش حق واحد يضيع عندهم مهله ١٠ ايام و يجيبولك المبلغ و كان هذاا هترميهم بدون استثناء في الكويفيه "سجن" !
ااه اساسا هما بيطلعوا بيهم غادي لحد ما يجيبولكم الفلوس
فارس ضحككك و قريب دمع من الفرحهه امس كان ما عندش حتى خمسين قرش بكرا بيجوه ٦٥٠ الف
حضن محمد و قعد يشكر فيه
و يوسف الي كان سبب الاكبر في علاجه وردله حقه و في ردة بتول ليه و كل شي
فارس لين عيونه دمعن : انا مشعارف كيف هنرده لكم هذا كله جمايلكم عليا واجد
يوسف ضحك : بعزومه الاسبوعين الجايات 😂
فارس مسح دموعه : تي اجدعها عزومه لكم
جا واحد يجري شور محمد : تييي والله لماا نوريييككككك يا فاااااسد ياا حقيررررر
محمد ضحك بأستفزاز : هذا حدكم انتوا ! يا حشاشه يا سكاره كلامم في الوااسع بس وديني لما نخليكم تعفنوا في الحبوس واحد ورا ثاني 😂
قرب منه بخطوات بطيئه و هو يضحك ب استفزاز : ااهه الجاي نارر وانتت التالي يا بيبي!! 😂
يوسف شاف للي مصبي مع محمد و زبطه ع طولل الشي الي خلاه
يخاف على محمد في الي جايي
شاف لفارس الي كان مصبي جنب يوسف : والله و دارو منك راجل يا فرخ
محمد شافله بأستحقار : سيدكم يا نتن هذاا ، احمد ربك في واحد مشرف عيتلكم المسخه !
فارس قرب منه : واناا خاطري نطاحن معاكم من فتره
مد محمد يده و منعه : مش هناا لكنن !
محمد : المهم تواا see you later يا حبي انتوا 😂
خذا محمد فارس و طلعوا و طلع وراهم يوسف
ودعوا فارس الي روح بعد ما رد تشكرهم و ماحبش يسأل عن سبب معرفةة محمد ب عيال عمه
..
يوسف : ليش ما قلتش ان فارس يكون ولد عم ايوب
محمد ياكل ببرود : وشن هتفرق ؟؟
يوسف : تي هذيما صيااع يا محممدد يحطوكك في رااسهمم الزحح
محمد : و يحطوني في راسهم وين المشكله ؟؟
يوسف : انت ادور في المشاكل
محمد ببرود : اها مكسده الحكايه الفتره هذيي
يوسف : ياا رااجل متحكيشش معاياا بالبرودد هذااا !!!!
تي كنك ما قلت من الاول الزف كناا شفناا محامي واحك اخخرر
سرور خشت لمحمد في المطبخ : بااابييي
محمد مسح يده و صبا ورلعها في حضنه : يا روووح باابيي انتِ
يوسف : بترزي بنتك فيك انت ؟
محمد : خلاص يا يوسف الي صار صار تواا !!
يوسف : شيل العيله هذيي من راسكك معشش تقربهممم !!
مش ناقصه الحكايه هياا تي هذيماا حتىى ينزلوك من سيارة طلقه بجنيه و تشاو عليك معش نندروا عليك حتى وينك
محمد : ساهل سااهلل ، وتين نتيجتها اليوم ؟؟
يوسف : اها هياا و نور ع اساس بعد نص ساعه قالوا
محمد : جعبه البنت هذي استغربت كيف ما طلعتش من الاوائل
يوسف : حلفتنا كلنا ما نخشوش نشوفوهم متحشمه شكلها ع خاطر مطلعتش منهم😂
محمد ضحك : حتى انا حلفتني وما شفتهمش
...
بعد ساعه و نص ...!
وتين مقمعزه ترعش و تبكي
محمد : الرابط ثقيل كلهم فاتحين عليه توا
يوسف : بطلي بكاء انا بنفهم عليش تبكي
وتين تبكي : ما حليتش الكيمياء كويسس
زبيده : معاذ وين ؟
عشق : مع عصومي برا
علي : بطلي بكاء يا بنتي حتى كان في حاجه ، عندك دور ثاني
وتين حطت يدها على وجها وقعدت تبكي : والله اناا قريتت وكنت بنجيب نسبه كويسه ع خاطرك بيش نحشمكش و نرفعلك راسك
يوسف شاف لعشق بعد ما ابتسم لوتين ادني يا عشق ترا
قمعز جنب وتين و حط يده على كتفها و قربها لحضنه : انت رافعتيلي راسي ديما و عمرك ما حشمتي بيا برضوا ولو ما نجحتيش في ماده هنقعد مفتخر بيك لانك حاولتي ولان شفتك كيف تعبتيي في القرايهة
نوريه ؛ بلاش بكاء بس عليش تتفاولي ع روحك 😒
زبيده تقلب ع نت : اهيي نور طلعتها نتيجتهاا
نوريه : كم جابت ؟؟
زبيده : 90.1% ممتاز
نوريه : باهي ما شاء الله
فون عشق رن شافلها يوسف : من ؟؟
عشق مدت فونها لاختها : صاحبتك
وتين : خذت الفون وردت عليها
مريم : الو توني شن صار معاك ؟
وتين بتوتر : ما فتحشش الرابط
مريم بزعل : اهاا انا نجحت ممتاز 85
وتين : باهي ماا شفتنيش اناا ؟؟
مريم : توني انت
سكتت لفتره و بعدها قالت بتنهيده
جبتي الكيمياء
وتين طاح الفون من يدها و قعدت تبكي بعبرتهاا
يوسف بزعل : خلاص ماده وحده ساهلهه
عشق عيونها ددمعوا وجعتها لانها قرت و تعبت و جابت ماده مسكت يدها و قالت بنبرة هاديه : عادي يا روحي تعوضيهاا
يوسف : وتين خلاص عااد ، هيا تعالي نطلعك ندهورو شويهه
محمد : تي عادي مدوريش يا ما سقطت انا و اهو توا محامي و جو سمحح في دور ثاني هتعوضيه
خش عليهم معاذ و يضحك : حبيييي 😂😂
مبروكك يا تيسهه 😂
وتين مسحت دموعها و قلبت وجها : تشمت تشمت
معاذ استغرب : نتشمت في شنو ؟؟
يا بنتي انت جبتي 98.2%
الثانيه على بنغازي و الثالثه على المنطقه الشرقيه
وتين شافتله بصدمه و عيطت من الفرحه ، حضناته و قعدت تبكي و تضحك
معاذ بصوت واطي بالكاد ءمعهم محمد و يوسف الي كانوا جنبهم : لازم ما تجوزيني غلطتي معايا راه 😂
دفاته : حقيرررر
شافت لعشق و حضنتهاا : شفتي اناا كيف شااطره
عشق ابتسمت : حبيبتي انتِ الف مبروك يا روحي
محمد : اهوو وانت من الصبحح تحلفي فيناا ع شوفت ع الاوائل 😂
بس تببلها حفله يا يوسف هذي
يوسف : تي وراسك نديرها لها مطنطنه 😂
وتين مشت و حضنت يوسف : نبيش انا حفله نبي حاجه اخرى
يوسف : هتكون هديه خاطي الحفله
وتين : نبيش هديه نبي نمشي البحر وانا نختار من يمشوا معاناا
يوسف : الي تبييه انا فيه
علي قرب منها و باس راسها : مبروك يا بنتي
وتين ابتسمت : الله يبارك فيك عمو علي
علي قرب منها و لبسها سلسله
وتين شافتلها كانت ناعمهه بكل فرحتت بيها واجد : عموو عليش تعبت روحك ذهب هذي
علي ابتسم : مش خساره فيك بنتنا انت
وتين ابتسمت و ردت حضناته : شكرا
نوريه : مبروك غير كان قعدتي بلا بكاء الزايد الي من بدري
وتين ابتسمت و قربت منها حضنتها و قعدت تبوس فيها بعشوائيه ع رلسها و شعرها و خدودها : والله انا عارفتك تحبينا غير تحبيش تبيني مشاعرك
نوريه ضحكت و دفتها بشويه : حيدي من عليا
ضحكت و صبت طلعتلهم فاطمه
فاطمة : مبروك يا وتونه
وتين ببتسامه : الله يبارك فيك ، بس انا هديتي بكراا هنطبخ انا وياك
فاطمه : اهاا لازمم تتعلمي الطبخ خلاص بنزوجوك 😂
معاذ : نعنجد تزوجوها !!
يوسف : ااه مالا شنو يجيني واحد ولد حلال نعطيها
معاذ : حلوه هذي 🙂!!
محمد غمزلها : وعليش معارض الموضوع انت ؟؟
معاذ : تي صغيرهه البنتت !!
محمد ضحك : ااه صغيره صغيره😂
................................................
خش عليها في دار مدلها كبايه و دواها : هاكي
خذت منه دواها و قعدت تشووفله
دوب عطاها دواها و طلع لدار المقعد
خذت دواها و قعدت مقمعزه في دار بروحهها لفترهه قبل ما تصبي و تمشيله
قعدت واقفه عند دار لمقعد تشوفله و هو شافلها ورد شاف لتلفزيون بدون نا يعيرها اهتمام
خشت في المسافه الصغيره الي كانت جنبه وحطت راسها على كتفه : انت قلت مش هنسيبك بكل
يوسف سكت
عشق بنبرة هاديه : انت تعرف اني نخاف من الظلام
نخاف نقعد بروحي
سكتت شويه و قالت
حتى اني نخاف لما نقعد في مكان وانت مش معايا
و نتونس بيك لما تقعد جنبي
عارف مرات نحس بشعور ان ماما قاعده معاياا لما نقعد معاك
نحس في الامان جنبك كيف لما كنت نرقد جنب بابا
حتى اني معش لقيت حتى روحي بعد ماتوا
انت رجعتلي نفسي ضحكتي فرحتي و عرم حاجات
لفت يدها عليه و غمضت عيونها و قعدت تبكي
وهو لف يده عليه بقوهه و ضمها ليه : لامتى بتيبسي راسك وبتعرفي الي اديري فيه مش كويس عليك ؟
يا ستي وقفي الحبوب و خليها على ربي
عشق سكتت
يوسف : لتوا انا ما غصبتكش ع شي بس انتي تهلكي في مبايضك هكي بس !
خلينا نقعدوا نصفقوا بعدها لما معش تقدري قادره تجييبي
غمضت عيونها و نزلوا دموعها مابتش تحكي حرف
..
نوريه : مش غابيه فيه يوسف كيف يحب يساعد الناس
لقاها قزونه صغيره مع اختها قال نستر عليها
المراة : ما توقعتهش بصراحه سيفا دكتور قد دنياا عندك من القراب قبل البعاد تاخذيهم لهم بنات عيله و نسب هذي لا اصلا لا فصل
نوريه : هو بياخذ عليهاا و كيف ما قلتت لقاها قزونه قال نستر عليهااا
عشق حطت يديها على فمها بيش تكتم عبرتها و امتلوا عيونها دموع
المراة : اها كنت نحسابكك بتقعدس عليها و يجوك عيال منها و تربيهم هما انظر كيف هترليهم اصلا و هيا بنت شوارع
نوربيه اضايقت : للأمانه هيا مارينا منها الا كل خيرر !!
و حشاهاا الحق من ترباية شوارع هيا بنت عيله و ناس و بنت دكتور القلب كمال ال **
المراة شقلبت عيونها : مال بياخذ يوسف عليها عليش الا ما فيها عله
..
رفعت يده و حطتها على شعره
باسها على راسها قعد يلعب بشعرها
قال بتنهيده : تعبتيني معاك
.....................................................
قعدت حاطه راسها على كتفه و تتبادل في النظرات بينه و بين التلفزيون
تأففتت بملل : اوووف عااد ساد شغل ديما شغل ديماا شغلل
مالك شافلها ببتسامه و حط الاوراق جنبه و طفى اللابتوب : اهو فضيتلك شن في من بدري وانت تتأففي ؟
سارة : قصدي الي يشوفني يحسابني متزوجه احد السياسيين الكبار و الي ماسكين كراسي في دوله
مالك : وكنا المترجم برضوا شخصيه مهمه😂😂
سارة : اقعدد معاياا شويهه مليتت اناا ،خليناا نحكوا نهدرزوا نتبادلوا الحديث !!
مالك : انت قلتي نفس الشيء بثلاث طرق مختلفه توا يا عمري انتِ كان بنحكوا بتجيبي سيرة فلانه و علانه و نلقطوا ذنوب ناس ع الابيض ف خلينا نقيلوا و بعدين نطلع ندهورك باهي
سارة ضحكت : اتفقنا و ناخذو سحر
مالك : سحر طالعه مع ايمن هيا وامي للدكاكين
سارة : اممم
سكتت لفتره طويله و بعدها قالت : مالك
مالك ابتسم : نعم يا عيونه ؟ 🤍
سارة حطت يدها على وجها و قعدت تحرك في يدها عليه : امتى بتنزل تسلم على امك ليك قريب اسبوعين راه
مالك : تشوفي فيها لما ننزل كيف تقلب في وجها
سارة : لان انت في اخر ٦ شهور تقريبا نزولك لها هنعدهم على يدي
و الشيء هذاا غلطط انت عارف ولا ؟
مالك مسك يديها و باسها : خلاص صكري سيره هذذ
سارة : انت ديما تهررب من الموضوع هذا
مااك غمض عيونه : نعسان
سارة قلبت وجها : اي اي نعسان
انت ديما نعسان و بترقد
مالك باسها : اها ديما نعسان انا
سارة : متقربنيش زعلانه انا منك
مالك مسك يدها و باسها : روحي زعلان انا ؟
سارة : زعلاانهه و عرمم هككيي
مالك ضحك : عرم هكيي اخرىى زعله كبيره مالا
سارة بدلع : اهه و معش بنحكي معاكك بكلل حتى صباح الخير ما نقولها !
مالك : مالا انت في شنو اديري توا ماه تحكي معايا😂
سارة : والله ؟؟🙂
مسكتت المخدهه و ضرباتهه على وجه و صبت : توا تشوف ع البرود هذا
و طلعت بعصبيه
مالك ضحك : تي تعاليي
صبا ولحقها كانت راقده ع كنبة الصالون ع جنبها و معاطيته بظهر
مالك جا وراها و حضنها : حول سيد مالك انا متعاركه معاك من ستة و ثلاثين ثانيه
مالك حب كتفها : توا مش كان خليتينا راقدين في دار بلا هالمرمده ؟؟
سارة : ما اجبرتكش ع المرمرمده اهي الدر قدامك و امشيلها ، و منبيش نحكي معاك
مالك : راحهه المرمده كانهي معاك 🙂
سارة ضحكت بدون لا يفطنلها و غمضت عيونها
...................................................
كان مقمعز ع سرير و متسند عليه و سرور راقده في حضنه و تتفرج على تلفزيون
سرور : 1،2،3،4،5،6،7،8،9،10,11,12,15
محمد ضحك : تي وين زمطتي رقمين انت يا بابا 😂
سرور قعدت تفكر : اممممم صح صح 10،11،12،13،14،15
محمد : و بعدها ؟؟
سرور : 16,17,18,19
و بعدهااا 20
محمد : بعد العشرين كم قلتلك ؟؟
سرور : 21,22,23,23,24,25,26,27,28,29,30
محمد باسها بالقوه : ينعلياا بنتيي الشاطره 😂💜
سرور : صحح تلهنن ؟؟ 🥺
محمد : صحح بكرا هتجيبي 10 على 10 توا نرقدوا شويه و بعدها انوضوا ندربوا على كتيبتهم من جديد باهي ؟؟
سرور : نعرفف انا يا بابي كتبتهن كلهن صحح
محمد : عادي نراجعو
سرور : اااه يا بابي بعد بتراا عندنا امتحان تاني ؟؟
محمد : يحسابوا بيطلعوا دكاتره هرونا امتحانات ، امتحان شنو ؟؟🙂💔
سرور : في الحروف أ ، ب ، ت ، ث ، ج ،ح
محمد : باهي حافظه شويهه تمام يا روحي
رن فون محمد رفعه لقاها اماني رد عليها و عطا الفون لسرور
سرور ضححكت : ماااااميي
اماني ابتسمت بصعوبه من كثر الضرب الي ع وجها لين منتفخ و تتألم لما تحكي او تبتسم : حبيبتي وحشتينييي
سرور : وينت يا مامي معش تكلمي فياا بتلل انتتت زعلينه منت انا "زعلانه منك "
اماني : ما كانش عندي نت يا مامي و اليوم كيف عبيت كلمتك على طول
سرور شافت لمحمد : بابي امست الفون تعبت انا
محمد : هاتي هاا
اماني ابتسمت : خير " كانت اول مره تشوفه من ٦ شهور تقريباا كل ما تكلم سرور يطلع و يخليهن بروحهم براحتهم "
محمد : خير ، شن الجو ؟؟
اماني : الحمدالله انتوا كيف حالكم ؟؟ متعبتك سرور في القرايه ؟؟
محمد : كويسين لا مش متعبتني بس مرات تستك بكلل و تنح فيا 😂
اماني ضحكتت و وجعها وجها حطت يديها عليها كمحاوله لتخفيف الالم
محمد : فيك حاجه ؟؟
اماني هزت راسها بنفي : لالا ؟
محمد سكت لفتره طويله : الراس ما تهزيش عليه راه يكون عندك ارتجاج ولا حتر نزيف داخلي
اماني : لالا عادي مافيا شي
محمد : قولي عادي لين تجيبي اخرتك باهي خلي باتك يعاينك !!
اماني ضحكت بهزوه : من امتى الي يجرح يداوي ؟؟
محمد : نجيك الصبح نشيلك ؟ على كل حال باتك يطلع الصبح و قولي لامك ان المدرسه مدايره اجتماع امهات ولا اي حاجه
اماني : شكراا ع اهتمامك ، بس عادي مش مستاهله
محمد : بجوكك من هنا للصبح لو غيررتي رأيك ديريلي رنه
مد لسرور الفون و طلع للبلكونه
..............................................................
جاا يجريي بعد المكالمه الي تلاقاهاا من ربع ساعه الي كان مضمونها ان سرور راحت !
محمد بصوت عااالي : تييييي كيففف تطلعععع من حدااكم زحح و ما تشوفهششششش ، سرووورر وينهاا تووووا طلعوهااااااا
زبيده قعدت تبكي : كانتت هناا بعدها معش ريناهاا 😭
محمدد مسك تحفهه ورماهاا : هذاا اليي يعبااا ع امكمممم مرههه تاانيهه
عشق كانت كيف جايه هيا و يوسف رعشت لين معش قرت تصبي قمعزت و قعدت تبكي من خوفها شديد ع سرور اول ما سمعت بيها راحت مش عارف عليش خطرت عليها روحهاا لما كانت بروحها و شايله مسؤليه اختها
وينهاا ؟؟ و من امتى طالعه ؟؟ خايفه ولالا ؟ قاعده مع حد او بروحها تايها ؟
كانن هالاسئله يتراودوا في اذهان الجميعع ..!
طلعع في شارع و قعد يناديلها بعلوو صووته لعل و عسى تكون طلعت و مزالت قريبه
طلع وراه يوسفف و هو يدور معاه و يحاول يهديه : خلاصص تواا نلقوهاا معندهاا وين راايحهه
محمد تسند على ساس وطبس و قعد يبكي زي العيل الصغير بعد ما حتى صوته راح من العياط : بنتي وين يا يوسف وينها
سرور وينها ؟ وينها يا يوسفف
يوسف كان مش اقل منه في الخوف بس كان بسطمنه و يبيه يضبي على رجليه و يعرفوا كيف يتصرفوا : هنلقوهاا وراسك هنلقوها و الليله هتباتت جنبكك خلينا نفهموا منهم كيف اختفت هكي
محمد صبا و مسح دموعه و شر بان فيهن : الفااسددد ولدد عمم ايوووبب هوو اكيدد هوو الي خذاهاا
يوسف : مايقدرش يقرب منها عارفين شن هتكون ردة فعلك صدقني هذيما عقاب كلاب ينبحوا غير دوه و خلاص
محمد : و عارفين بشنو يلولي ذراعي !!
بس و ديني و ما نعبدد كان يطلعوا وراا الموضوعع لماا نذبحهم ذبححح
يوسف : و كيف هتعرف؟؟
محمد مشى شور سيارته : هنمشيلهم
يوسف : غير استنى خلينا ندوروا كان مشيتلهم هتكبرها في روسهمم لما هيشوفوا خوفك عليها هيلولك ذراعك بيها برسمي البنت اكيد طلعت للشارع و بعدها راحت و ما عرفتش اترد خلينا ندورا
هنا بس
محمد صبا عند باب السياره و قعد يخمم
قربوا معاذ و عصومي و في ايدهم سرور و يضحكوا : معااك ااكاميراا الخافيههه 😂😂
شافلهم بصدمه : تبصروا انتوا ؟؟ من عقلكم ؟؟
معاذ و عصومي شافوا لبعض بخوف
عصومي : قلنا نمشولك دوره الدمويه شويه 😅
معاذ : و نجيبلك السكر بيش يقعد في مساواة بيني و بنيك 😂
شافوا لبعض بخوف من نظرات محمد
سرور قربت من محمد : بابا عصوميي زابلي شوتلاته سمحه راه
وعمو معاذ ببني
عصومي بخوف : شفت اناا جبتلها شوكلاطه و معاذ ضربهاا و بالقوه اخرى😅
محمد حضن سرور و شاف ليوسف قاله خششها جوا
يوسف شافلهم بشماته و هو يدعي الحزن : ربي يكون في عونكم ان شاء الله
خشش يوسفف سرور و طمنهم جواا
و محمد قعد يهزبب في عصومي و معاذ ع صغر عقلهم و ع كيف رعشوه و مسح بكرامتهم الارض
ف الاخير داروا روحهم حرجوا و هربوا من محمد
......................................................
قبل ثلاث ساعات ...!😂😂
عصومي : اسمعع معش نقدرر طفحح الكيلل
معاذ : كنك ؟
عصومي : قصدي امي لها يومين و 16 ساعه مش مهزبتني انت متخيلل اني الوقت هذا كله مش داير حاجه ؟؟
معاذ : لا انا لسه من دقيقتن ماسحه بكرامتي الارض
عصومي : معش نقدرر راه ليا كم يوم مؤدب و مادرت شيء دورلنا مشكله عركه الي تبيه
معاذ بتفكير : مشكلهه ؟؟ فتحنا شيشمه جارنا فتحي !
عصومي : فتحناها و رقيناها له
معاذ : انطردنا من المحاضره
عصومي : التزينا
معاذ : ايا كانن تعاركنا مع الشلتت الي يومها و عركتهم دمها ثقيل
عصومي : ما عجبونيش حتى انا
معاذ : ما خاطريش انابش بنات
عصومي : ولا انااا
معاذ : سرقنا من يوسف سياره و هيجنا بيها
عصومي : نخطفواا بنتتتت محمددد
معاذ : لالا فوته احتمال يركبه سكر يرعش عليها هذي
..............................................
ساره : ياخيا وتين الجميلهه غاليات علياا والله هيا و عشق 🥺
زبيده : قلتلك من بدري مقمعزهه و تختار هذي دمها ثقيل و هذي بارده و هذي مشعارف شنو كقت فيك قالت سااره سااره 😂
سارة : ينعلياا😂😂
زبيده : خطرها باركتيلها جابت ثانيه ع بنغازي ؟؟
سارة : شفتها من صبح عارفهه بس كبمتها في ليل ع رقم يوسف
زبيده : باهي تمام قلت نذكرك كان ناسيه بس
سارة : لالا باهي شن نقولك خلي يوسف ولا اي واحد من خوتك يكلموا مالك يشوفوهه
زبيده : تمام توا نقول ليوسف يكلمهه توا
سارة : تمامم هيي
زبيده : اوكي
صكرت من ساره و مشت ليوسف قالتله يكلمم مالك
كلمه و قعد يهدرز معاه و سارة تتباوع فيه من الباب
مالك حك لحيته : تمشوا البحر ؟؟
سارة طلعت من ورا الباب : وافقق ارجوكك وافقق لو سمحتتتت 🥺
مالك ضحك : يعني عارفه ؟
يوسف ضحك : لازم منهن المواقف الي تنحط فيهن تحت امر الواقع 😂
مالك ضحك و حضن سارة الي جت قمعزت جنبه : مش ساهلات حتى هنا باهي قلتلي امتى بتمشوا ؟؟😂😂
يوسف : بعد بكرا
مالك : باهي معناها ان شاء الله جايين
يوسف : مرحبتين بيكم يا سي و جيب ايمن و هلك جايين بروحنا راه
كمل مالك مع يوسف و صكر عليه و شافلها
مالك حط راسه على راسها : مش عيب تغفلي راجلك هكي ؟
سارة ضحكت : نعرفش انااا
مالك ضحك : م تعرفيش صار ؟؟😂
.........................................................
ايمن : وقت خشتك للحبس ما كانوا هيطلعوك الا هما لولا جميلة جلال
ام مالك : ريته خلاه مرمي غادي بيش تعرفوا جلال شن شكله
سارة مسكت في يد مالك بالقوه بمعنى اسكت و ما تنطقش بحرف
سحر تنرفت من كلمت امها : ريته قاللهم اقتلوه بيش يتريح منكم والله
ايمن : بعيد سوء عليه
مالك : المهم يبوكم تجوا معانا
سحر : اناا مواافقههه ليا زمان عليها زبيده و متشوقه نتعرف ع مراة يوسف 🥺
ام مالك : مفيش مشي خوك بعد بكرا جاي ياخذنا انا وياك و ايمن للبحر
سحر : امشيي انت يا ماما منبيشش
ايمن : ولا انا ماشي كانهو خو مسقم و نيته صافيه راه رفع تلفون ع خوهه و قال جيب امك و خوتك و تعال نمشوا للبحر
ام مالك : اسأل خوك الي رن عليه خوه الكبيير و مابش يرد عليه
مالك رفع حواجبه بصدمه و ضحك بهزوهه
ام مالك : اضحك اضحك هذا فيش فالح انت
ايمن : انا مش ماشي كان بتحكمي في سحر بتمشي انا والله ماني ماشي معاه لمكان جلال المسخ هذ
ام مالك رقتلها : كييفف تحكي معاياا ب الاسلوبب هذاا قعدت كيفك كيفه المعفن هذاا
" و أشرت ع مالك "
اناااا كلمتي الي هتمشييي مشيي هتمشوا مع جلالللل ، مااكك مانكمشش مااشيينن معاهه
مالك صبا : والله صدقتي يا امي ريته خلاني مرمي غادي لين متت ولا العيشه معاكم هنا !!
ام مالك : تجمل علينا بِ هالقرشين الي تمد فيهن ولا شوية الحاجات الي تجيب فيهن
مالك ببرود : محد تجمل ولا جاب هالسيره من الاساس هذيما خوتي و واجبي اني نصرف عليهم و نوفرلهم كل حاجه
ام مالك تنرفزت من بروده : اطللععع برااا معش بنشووفلكك وجهه يا غضيب الوالدين ربي ياخذكك يا مالك و يفكني منك
مالك : طالع طالع ادعي يا امي ، زيدي ادعي نموت و تفتكي مني لان نبيه الموت والله !!
يا امي يا امي ...!
.......................................................
طلع مالك بسياره لعل يمشي للكورنيش و يشم هواء يتريح شويه
و رغم ان ساره كانت تحاول نلحقه لكن هو سبقها ولع سياره و طلع
كان مقمعز على الماده في البحر بروحه و جنبه فونه الي كانن عالقات فيه السماعات
رنت ساره و كانت تقريبا المكالمه العشرين من طلعته لبس سماعه و رد عليها بيش يطمنه
سارة : عمريي انتت
مالك سكت
سارة بزعل : وينك انت توا ؟؟
مالك : ع الكورنيش
سارة : بروحك ؟؟
مالك : اهاا
سارة : كلمم مراد يجي جنبك يا روحي
مالك : شويه و مروح حاب نقعد بروحي
سارة بنبرة هاديه : انا اسفهه
مالك : انت قلتيلي ع الصح
سارة سكتت
مالك : اندير تحليل DNA ؟؟ بالك مش ولدهاا ؟
باتي كان يحبني بس هيا عمرها ما حبتني ولا اختوتني عمرها ما حسستني اني ولدها
سارة بصدمه : شن الكلام هذا مستحيل يا مالك
مالك تنهد : كل ما نخش الحوش نتضايق تي يا ساره قالتلي ربي ياخذك
يعني ان شاء الله تموت في ام تدعي ع ولدها بالموت !!
سارة : لحظه غضب بس
مالك : ماهيش لحظه غضب حسيتها اقسم بالله حسيتها طالعه من قلبهاا ماهيش دعوه انقالت من عصبيه هيا تتمناني نموت جديات
سكت شويه و عيونه دمعوا و قال بنبره هاديه : قعد خاطري نموت و خاطري ربي ياخذني خلتتي نتمناه الشيء هذا و نفكر فيه بجديه
سارة قعدت تبكي : مالك متقولش هكي !
مالك قال بعبرته : اقسم بالله تعبان و مضايق ومعش قادر نتحمل اكثر من هكي
سارة قعدت تبكي معش عرفت حتى كيف تواسيه
الانجاز الي دارته في الشهور الماضيه كيف ردتله ضحكته كيف خلاته يتعايش مع واقعه بكل فرح و سعاده كيف خلاته يتجاوزز كل الي مر بيه او على الاقل هكي الظاهر
جا تدمر في ربع ساعه !! تقعميزه ما طقتش لربع ساعه ردتت بيه لظلام حياته من جديد
و سؤال يقول هل مالك مكبرهاا ولا حتى انتوا لو مريتوا بالي مر بيه من كذب و تبلي و طعن و فقدان و كل الصدمات الي تعرضلهن شن هتكون ردة فعلكم ؟؟
...........................................................
مروا يومين صعبات على
مالك و ساره
و عشق و يوسف
و اسيل و احمد
و اماني و محمد برضوا
من مشكله مالك هنمشي لقصه عشق و يوسف و موضوعهم الي مش لاقيله حل لا عشق تنازلت عن قرارها ولا يوسل با يناقشها اكثر من هكي و الصمت بيناتهم كان سيد الموقف تعاملهم !!
لاسيل و احمد و البرود الي قعد مسيطر على علاقتهم
لاماني و محمد للبعد و الهجره و الفراق ، الامر الي بدا يأثر حتى على بنتهم نفسياً !!
و اليوم بيمشوا للبحر الشي الي بالك ينفس عليهم شويه
الكل مستعد في سيارات و كل وحده محضره نوع بين حلو و مالح
طلعوا مالك و ايمن و ساره مع بعضهم من حوشهم بدون سحر الي حلفتله امها هتمشي مع جلال الشي الي خلاها تتنكد و تتمنى تقعد ف الخوش بدال هالمشيه
محمد خذا امه و بوه و معاذ و زبيده و سرور
و يوسف خذا عشق و وتين و امه فاطمه
و في خلال ساعه و ربع و ع تمام ساعه 10.30 كانوا في توكره في مصيف الشروق
ادفعوا مع بعضهم رسوم دخول و ايجار دار
و بدوا ينصبوا في الشمسيتين و يرتبوا في القعده
معاذ : ع تأخيركم هذا وحده توتي الفطور و وحده تحط الغداء ع نار و وحده توتي العصريه وانا ماشي نولع في الفحم
ضحكوا عليه و كيف باين عليه جعان واجد من طريقة كلامه 😂
وتبن : هذا ما يقدرش يعيش نص ساعه بدةن اكل راه
معاذ : توا نوريك غير مش هنا🙂
وتين : يوووسفف
يوسف : فوتها يا معاذذ
مالك : سارة و ايمن في الحوش 😂
محمد : عندكم من هالقصص الحزينه مالا 😂
مالك : مايريحوش فيا بكلل من نقق
ايمن : يا راجل هيا زي العيله
مالك : وانت اشر منها 😂
معاذ : سارة مدلعه من زمان اكيد بتعبك 😂
مالك : اشهد بالله ما شفت راحه الا معاها
محمد و يوسف و معاذ : اووووو 😂
سارة قربت منهم : شنو في ؟؟
يوسف : قاعد يعترفلنا ف اعترافات خطيره 😂
مالك : ما قلت الا الحقق
سارة شافتله ببتسامه : شن قال ؟
معاذ : ما شفت راحه الا معاها 😂
سارة ضحكت و مسكت يده : ياخيا ربي يدومك لياا
محمد : شوفوا ربي فينا 😂
سرور : بابيي باابي بنعوم هياا 🥺
محمد شافلها كانت لابسه شورت و كت و منظرها يجنن : مزال يا بابي صبح قاعد توا بعدين نعومك
سرور : توااااا يا باابي تووواا
محمد : باهي خشي هنا ما تخشيش جوا باهيي ؟؟
سرور مشتت تجريي بفرح : بااهههه
قمعزت ع شطط و قعدت تلعب بالميه و تضحك و تأشر لمحمد الي بدوره يبتسملهت و يأشرلهاا
قعد يهدرزز و حاك عينه عليهاا
بأختصار حطوا الفطورر و فطورو و ضموا الخوسه
و خشن عامن البنات قدامهم لان شط كان فاضي نوعا ما
طلعوا لقوا فاطمه باديه في الغداء كانو يبوا حاجه جاريه مع الموالح
حطوا الغداء و تغدواا و تريحوا شويه و جت ساعه خمسه جا دور الر٠اله يخشوا
ولان شباب كثروا ع شط كانن البنات محرومات من البحر
ساره : باهي متخشوش مع بعضكم قصدي ما شاء الله كلكم طول و عرض و زين تتاخذوا بالعين ، العين حق راه 😂
مالك : بلا طروح 😂
سلح تيشرته و مدها لها
ساره مسكتها بثدمه : قصدك بتعوم هكي ؟؟ يعني قصدم بشورت بس ؟؟
مالك شاف لروحه : اهاا !!
سارة بعفويه : اندورلك ع عروس حبيبي ؟🙂
مالك ضحك : ما نقدرش نبدلك 😂
رمى يوسف تيشرته لعشق
و ايمن لساره
و معاذ لوتين بيش ينابشها لانها كانت سارحه ك اغلب الاوقات الماضيه
و محمد لزبيده 😂
وتين : يا باردد
معاذ : حبي انت 😂
محمد : هيا باتي خش عوم معانا
علي : لا فاتني القطار انا خلاص
وتين ضحكت و شافتله : مازلت يا عمو في عز شبابك
خشوا عاموااا و غيروا جوو
كان يوم حلو بالنسبه لهم فرحوا فيه واجدد و انبسطو بعد هرحة هالايام الماضيه
طلعوا بعد ما قعدوا تقريبا ساعه كامله
خلو فيهم امهم و باتهم و زوجاتهم و خواتهم ع اعصابهم
كانوا خاشين جو لدرجه بالكاد يحقوا فيهم متعودات ع ارواحهم قصار و ما يعرفوش يعوموا دوب يقعدوا ع شط 😂
طلع محمد شويه و عوم معاه سرور و بعدها طلعوا كلهمم
معاذ : منشفي وين اناا منشفي وينن لعت بوه سنقله كل وحده جايبه منشفها لراحلها الا انا 😂
محمد كان منشف روحه من فوق ولابس تيشرت و مغكي سرور بالمنشف مقمعزها ع رجلها و حاضنها و هيا ترعش من صقع : دير حاجتك بروحك مافي واحد عبرني 😂
كانت وتبن متغطيه بيه خشت عامت شويه ع شط من وراهمم ولا ناسيه منشفها ف خذت منشف معاذ الي كاين اول منشف باين عليها
وتين : اهو خوذه نسيت منشفي و قعدت بمنشفك
معاذ خذا منها مسح جسمه من فوق و حطه ع كتافها
وتين : خوذها
معاذ : توا تمرضي انت
يوسف : عشق تيشرتي وين ؟؟
عشق : اهيا
يوسف شخذاها منها و مابش يحكي حرف لبسها وقعدت تشوفله و عيونها لمعت بسبب تكثف دموع عندها
يوسف نزل تيشرته و ساواها : ما تبكيش
عشق نزلوا دموعها : اسفه
بوسف مسحلها دمعتها بدون ما يلفا نظر : شعرك يا روحي ما يطلعش
عشق سقمت وشاحها و طبست راسها
وتبن صبت عند محمد : هات ندوشلها هتوصل غادي تعبانه ومش هترضا تتدوش بعدها شوفها كيف
زبيده : خليها يا توني توا ندوشلها اناا
وتين : ع اساس برانيه و جو يعني
محمد : تريحيني
شالت وتين سرور للحمام دوشتلها و لبستها لبسه دافيه غيرت هيا الاخرى دبشها المبلول و لماته في الكيس و طلعت قابلها معاذ
الي كان متسند ع احد الديار و يدخن
مشت و ما عطتش اهتمام
معاذ حط سبسي في فمه قبل لا يشيله و ينفخ : كنك ؟؟
وتين : كني ؟؟
معاذ : مش تمام نحس فيك متغيره و معش اطولي في لسانك مش عاجبتيني من الاخير شن في ؟؟
وتين : مافيا شيء بلا توسويس بسس
معاذ : مشيها ع غيري
وتين : معاذ فوتني
معاذ : ما تجيش ذورنا واحد و ما تمريش قدام ايمن
وتين : كنك انت الراجل عيونه ف الارض
معاذ : حتى ولو
وتين : عليش تلحق فياا ؟
معاذ : انا مشيت حتى معاك غير انت مش عارف عقلك وينه
وتين سرعت خطوتها بعصبيه : استغفرالله
ردوا و قمعزوا جنبهم
قال معاذ بعد صمت طويل : اااه يا ريت عصومي معاناا
ضحكوا عليه كلهم كيف قال ال اه من قلبه و متمنى عصومي معاهم
الي كان هو الاخر معزوم عند خالته
.................................................
ثاني يومم و ع تمام ساعه 5 مساءً ...!
خش معاذ للجنان من الباب الرئيسي لفتت نظره مراه كانت مصبيه جنب باته و امه
معاذ : مش وقت ناس تواا بكللل ماا خاطريش نسلمم ياربي
معاذ تنحنح : السلام عليكمم
شافله علي و وجه لين انسودد
المراه شافتله بتمعن و دمعوا عيونه
رفعت يدها برعشه و حطتها ع وجه : معاذذ يا روح امكك انتت وحشتني
معاذ : .......
.. يتبع ..
السلامم عليكمم كيف حالكم و شنو اخبارك و شن دايرين ؟ 💜
ان شاء الله تكونوا كلكم في نعمه و خيرر
و متمنيه بعد كل هالوقتت تكون الحلقه نالت اعجابكم عموما انا قلتها على صفحتي في الانستقرام بس هنعاودها لانكم مش كلكم تابعوا فياا غاديي
يا جمااعه اناا هالمره بذاتت تأخير كان مش بأيديي !!
النت بتاعنا في صلاح راجل بيبرمجه ما يبرمجه بلا بلا بلا
المهمم ولنا اكثرر من ١٠ ايام بدون نت نفتح شويه بشفره
ونتتتت ضعيففف عندنا في بنغازي الفتره الاخيررهه و الواتباد تبيله نت قويييي بيش يفتحه يا بال ينزل بارت
عموما انا متأسفهه عرمم و متمنيه تعذروني ع تأخير جديات و ع كل حال فاضل ٤ حلقات ع الحلقه الاخيره الي هتكون 60 ان شاء الله !💜