للكاتبة:هبة من السماء
"hibasky4"
اعرفكم على نفسي اني تيم عمري ٢٩ مغني اخويه ليث عمره ٢٥ خريج هندسه واختي رسل عمرهاا ٢٠ مرحلة اولى صيدله
اني لانا عمري ٢٧ مغنيه شكلي اصغر من عمري الكل يكلي عائلتي اختي بتول عمرها ٢١ تدرس اعلام واخويه ريان عمره ١٩ مرحلة اولى تحليلات مرضيه واختي ريتاج عمرها ١٠ سنوات
اني سيف عمري ٢٨ خريج ادارة اعمال ابن عم تيم اخويه محمد عمره ٢٩محامي وشايل امور العشيره ويه ابويه الشيخ واخويه احمد عمره ٢٣ملازم واخويه جود عمره ٧ سنوات من غير ام امي توفت من جان عمري ١٧ سنة
اني يمامه عمري ١٩ مرحله اولى طب عام اخويه مهيمن٢٤ مرحلة رابعه قانون واختي اماني عمرها ١٨ سادس .
لهنا خلص التعريف عن ابطال القصة.
........................
تيم:بصياح يمه وين الرسايل والصور منو شايلهن
ام تيم :اشبيك يمه اصيح
تيم:الرسايل مو كايلكم لحد يشيلهن منا ولحد يدخل لغرفتي وينضفها غيري
ام تيم:يمه الرسايل والصور اني اخذتهن لشوكت تبقه هيج يمه شي وراح صارله عمر يعني لشوكت تبقه بذكرها وهيه عاشت حياتها متدري هسه كم طفل عدها وانت لسه حته زواج متقبل تزوج
تيم:يمه اني واعدها من جنه صغار ومستحيل تزوج تعرفين لو لا مستحيل لان هيه مطيتني وعد
ام تيم:بس هذا الوعد قديم وعد اطفال تذكر شكد بجيت وراها وحته مرض تمرضت ودخلنه بيك مستشفى يمه كافي عمرك ٢٨ صرت انسان واعي الي بكدك ازوجو وعاشو حياتهم "هبة من السماء"
تيم:يمه حياتي مااعيشها غير وياها انطيني الرسايل والصور
ام تيم:الله يهديك يمه
ام تيم :ذني الرسايل والصور يمه
تيم:اروحلج فدوه يمه انتِ الحنينه الغاليه،وبستهاا من راسها
كعدت اقرا بلرسايل واذكر نفسي اني وياها اشلون تربينه سوه احنه وصغار لحد مصار عمري ١٠ سنوات
كعدت اذكر من جنه صغار
.............
طالعين للسوق اني وامي واخويه ليث
تيم:شفت عقد كلش حلو،يمه اريد هذا العقد اخذه لانا
ام تيم:اخذه يمه
رجعت انتضرت لانا العصر بلحديقه
علمود انطيها العقد جنه بكل مره نكعد بلحديقه الي كبال بيتنه
لانا:هلو
تيم:هلو بيج لانا اريد اكلج شي
لانا:كول شنو
تيم:اني احبج
لانا:واني هم
تيم:هذا العقد الج ابد لتنزعي
لانا:شكرا جنن اكيد مراح انزعه ابد
تيم:توعديني نبقه سوه طول العمر ومن نكبر نزوج ومصيرين لغيري
لانا:اي اوعدك مستحيل اصير لغيرك
تيم:يله نغني
لانا:يله
شيصير لو نمشي سوه ...
والناس تعرفنا ...
احنه حبيبين وخلص ...
والحب ثالثنا ...
نحلم مثل منريد ...
ونخلي ايد باايد ...
يكفي حبيبي بعد نخفي مشاعرنه ...
شيصير لو نبتدي نعلن محبتنا ...
هم العواذل ترى يطفون شمعتنه...
ياعيني ليش نحيير خلي اليصير يصير ...
يكفي حبيبي بعد نخفي مشاعرنه...
روحين إحنه بجسد شيفارك الروحين ...
مثل الورد والغصن مثل الرمش والعين ...
المهم حبنه يدوم خلي اليلوم يلوم ...
يكفي حبيبي بعد نخفي مشاعرنه....
تيم:باجر عيد ميلادي تجين
لانا:اكيد
تيم:انتضرج لعد
لانا:اوك يله اني اروح لان اهلي يخافون عليه ابقه اكثر برا
تيم:يله اني اوصلج
وصلتهاا للبيت ورجعت للبيت
ام تيم:ها يمه انطيتها الهديه
تيم:اي يمه وفرحت بيها هوايه
ام تيم:بلعافيه عليهاا
ثاني يوم
صار عيد ميلادي واجو كل اصدقائي احتفلنه بميلادي وبابا جابلي كيتار
ولانا سياره وامي مسجله اغاني بصوتي كلش حبيتهن
ابو تيم:اريدك اصير احسن مغني
تيم:انشاءالله بابا
رحت حضنت ابويه شكرا بابا
صار عمري ١٠ سنوات
الصبح .
اندك الباب
ام تيم:ها خاله لانا
لانا :هاي الرساله انطيهاا لتيم لان اجه لبابا شغل وراح نعيش بااربيل
ام تيم :الله وياكم خاله بس لتنسونه
لانا :لا خاله
حضنت امي وراحت
ام تيم :يمه هاي الرساله من لانا
قريت الرساله صرت بس ابجي ركضت ورا السياره راحت وهيه تتباوعليه وكعت بلكاع واخذوني للمستشفى
.....................
اني واذكر سمعت صوت رسل
رسل:تيم اشلونك
تيم:هلو حبيبتي اشلونج ويه الدوام
رسل: تمام
تيم:اريدج احسن صيدلانيه وترفعين راسنه
رسل :انشاءالله من عيوني
يله صار الغداء تعال اتغداء
تيم :يله جاي
نزلت علمود اتغداء
تيم :اشلونك بابا
ابو تيم :الحمد لله مشتاقين ولا نشوفك ابد
تيم :بابا والله تعرف ملحك سفر وحفلات وتسجيل وهسه هم عندي تسجيل اخلص واروح هم
ابو تيم :الله يوفقك بابا واشوفك اعلى واعلى بعد
تيم:الله يطولنه بعمرك
ليث:لعد احنه شنو مو ولدك منستاهل دعاء منك
ابوتيم:والله تستاهل ابو الشباب الله يوفقك بحياتك وترفع راسي
ليث:راسك مرفوع على طول بابا
ام تيم :ها يمه مااكلت بعدك
تيم:لايمه شبعت ورايه تسجيل اغنيه اريد اروح
ام تيم:الله يوفقك يحبيبي
طلعت علمود اروح اسجل الاغنيه دك عليه سيف
تيم:الو اشلونك ولك صار يومين ماكو وين هلغطه
سيف:والله تدري ماطول اني بغداد لازم ابقه ويه الحجي وين انت اريد اشوفك
تيم :رايح اسجل الاغنيه تعال للاستوديو
سيف:يله جاي
تيم:وصلت للملحن
السلام عليكم
الملحن:وعليكم السلام
يله نبدي
تيم:يله
جنت اسجل بلاغنيه دخل سيف
خلصت وطلعتله
تيم:هله والله عاش من شافك
سيف:وانت العايش اشلونك
تيم:تمام
سيف:ها نطلع عندي شغلة وياك
تيم:بس اشوف التسجل اشلونه ونطلع
شفت التسجيل وطلعنه
سيف:نروح للكوفي
تيم:اي
وصلنه للكوفي
تيم:باجر لازم نروح الااربيل علمود الحفله مو
سيف:لا
تيم:شنو لامو باجر الحفله
سيف:اي باجر بس
تيم:بس شنو
سيف:اتصل عليه منسق الحفله وكلي الحفلة صارت لغير واحد
تيم:بصياح اشلون لغير واحد لعب جهال هيه ترا احنه موقعين ويا عقد والدفع ورا الحفل تعرف هسه اكدر ارفع عليه دعوه انطيني رقمه على السريع
سيف:تيم بدون عصبيه خلي يولي منتعامل ويا بعد
تيم:انت شتحجي اني معروف بلوطن العربي كله مو بس بلعراق والي جمهوري هاي سالفه يعني انطيني رقمه يله
سيف:هذا بس بدون عصبيه خلي يولي ميستاهل
تيم:الو منسق الحفل مو
منسق الحفل :اي اني منو
تيم:اني المغني تيم نجم شنو الحفل صاير لغير احد
منسق الحفل:اي صار الغير واحد والتذاكر انباعن
تيم:بعصبيه انت شخص اناني وحقير ومتستاهل حته احد يتعامل وياك وراح ارفع عليك قضيه واشلون اشلون تطلع من السجن بعد بس اذا تريد تحقق ولو مبلغ بسيط من المغنيه الجديد ف احب اكلك انت انسان بدون شرف واشوف منو يتعامل وياك بعد الي سويته راح تنعرف بين الكل والسجن قليل بحقك .
وسديت المبايل
تيم:انطيني اسمها
سيف:ممعقوله متعرفها
تيم:ليش اني الحك اعرف احد لو اشوف اغاني احد تدري حيل مضغوط هلايام انطيني اسمها خلي اشوفها
سيف:لانا محمد
تيم :نفس اسم لانا حبيبتي
سيف:اي بس هاي مبين معايشه بلعراق
طلعت اغانيها على اليوتيوب
تيم:بس صدك صوتها حلو التوفيق الها انشاءالله يله نطلع لعد
سيف:يله متروح ويايه الشباب كلهم بيتنه
تيم:لا غير مره حيل تعبان اروح للبيت ارتاح
سيف:اشبيك هلايام مو على بعضك صاير وبسرعه تعصب
تيم :امي رجعت على سالفة الزواج واليوم لكيتها ماخذه كل صوري اني ولانا ورسايلنه
سيف:ترا حقها امك اذا اشوفك لسه متعلق بشي قديم ومجاي تطلع منا ابد شتريدها اسوي يعني
تيم:بس لسه احبها ومناسيها ابد وتدري بيه شكد دورت عليها وملكيتها
سيف:بس هذا حب طفوله يعني من جنتو صغار
تيم:واحلى حب وانضف حب شفته بحياتي
سيف:انشاءالله تلكاها لعد
تيم:انشاءالله يله اني اروح
سيف:الله وياك
بلسيارة بس اسمع بااغانيها لان نفس اسم لانا ولانا هم تغني من احنه وصغار
وصلت للبيت اجتني رسل من الباب
رسل:تيم روح بسرعه
تيم:شكو شصاير
رسل:زهراء بت خالي اهنا وسالت عليك وكتلها طالع
تيم:ياربي هم هاي العكره اريد انام تعبان اشلون اليوم
رسل:اني لو مو ادري بيها تلزك بيك مااكلك
تيم:دبريلياها اريد ادخل انام وين كاعده هيه
رسل:كاعده بلصاله
تيم:ياربي افتحيلي الباب الي ورا البيت راح تخليني افتر شارع كامل من وراها ولتخليها اشوفج
رسل:يله راح افتحها
رحت افتريت من الشارع الثاني ودخلت للبيت بس علمود ماشوفني وتلزك بيه اعرفها تحبني من صرت معروف يعني علمود الشهرة مو علمودي
صعدت للغرفه بدلت ونمت على الجربايه وطلعت تسجيلاتنه اني ولانا قديمات اسمعهن كل يوم قبل ماانام اذا مااسمعهن ماانام
شويه وانفتحت الباب
زهراء:هاي انت اهنا ورسل تكلي مموجود
تيم:وانتِ اشلون ادخلين لغرفتي هيج بدون مدكين الباب يله اطلعي برا
زهراء:لشوكت يعني تبقه تحب هاي والغرفه متروسه صورها وهسه تسمع بصوتها ترا من جنتو صغار وراحت كافي حس بيه والله اني احبك
تيم:محد الى شغل بيه واحب الي اريده اطلعي برا لا والله هسه اكوملج والله لاحسبالج مااعرفج اني اعرفج كلش زين ويله اطلعي برا
زهراء:مراح اخليك اصير لغيري ابد
تيم:سدي الباب وراج
نمت واني وماادري بنفسي من التعب لان احس نفسي حيل اتعب هلاايام
بعد تقريبا شهر جان عندي حفله بكندا رحت اني وسيف بقينه سبوع هم غيرت جو ورجعنه
رجعت للبيت
تيم :السلام عليكم اشلونج يمه بستها من راسها
ام تيم :الحمد لله على السلامه يمه
تيم:الله الله يسلمج يمه هله والله برسوله
رسل:حضنته الحمد لله على السلامه
تيم:الله يسلمج حبيبتي
تيم:لعد ليث وابويه وين
ام تيم:راحو لبيت عمك ابو محمد
تيم:ها لعد يمه صاعد ارتاح لان حيل تعبان
ام تيم:اخذ راحتك يمه
صعدت علمود ارتاح لزمت الفون جاي اكلب بليوتيوب واشوف مكتوب "ماهوه سبب العقد الموجد في رقبة لانا محمد والذي لم تتخلا عنه ابدا "