على وتر الحب
للكاتبة:هبة من السماء
"hibasky4"
...................
يمامه
ام تيم:السلام عليكم اني ام ليث وهاي يمامه مرت ليث
ساره:ضجت من سمعت ليث مزوج احس الدنيا صارت سوده بعيني جنت اتمنه اصير اني اله واكيد هسه عرفت ليش ميتباوع عليه ابد،اشرف بيج خاله بس ليث مكال انو اني مزوج
رسل:وخلخاله
يمامه:ولج اسكتي لسمعج عيب وابتسمتلها
ام تيم:اي خاله ولدي ميحبون يحجون بحياتهم الخاصه علمود هيج يمكن
ليث:السلام عليكم
ساره:كمت وكفت،وعليكم السلام
ام تيم:تعالو يمه علمود نجيب الحلويات
رسل:حجيت ويه امي بصوت ناصي،روحي ماما انتِ ويمامه
ام تيم:خزرتلها بعيوني،امشي ماما
رسل:طلعت بس ابالي شنو يحجون لان اعرف يمامه شكد ضاجت منهم،ماما ليش كومتيني مااريدها تاخذ راحتها
ام تيم:يمه مهما يكون هيه خطار عدنه وبعدين هسه نرجع نكعد وياهم اكيد مراح اخليها ويه اخوج وحدها
يمامه:طلعت بقيت ورا الباب واكفه واشوفها اشلون تتموع وتحجي
رسل:تعاي لتنقهرين يعمري انتِ الاصل اصلا اخويه ميباوع لهيج بنات
يمامه:لا شعليه بي اصلا
رسل:ادري بيج جاي تغارين لتنكرين هلشي لان مبين تحبين اخويه لتنكرين ابد
يمامه:معقوله صدك احبه لا مستحيل احب هذا المغرور،لاشتحجين انتِ اكيد مو حب هذا وبعدين مصار ٤ ايام بس من عرفته وين حبيته
رسل:لاهيه من تبدي الغيره يبدي الحب وياها واذا ٤ ايام اصلا هوه شدخل الايام بلحب خلي نروح نساعد امي علمود نكعد يمهم ومنخليلها مجال شي
يمامه:رحنه جبنه الحلويات والعصاير وكعدنه يمهم
ساره:مكلت انت مزوج ابد
ليث:اي حياتي الخاصه مااحجيها للكل اكيد
يمامه:شفت ساره شكد انحرجت من رده
رسل:اي وشكو تدخلين احسن الج هذا الرد يعني ههه
يمامه:ولج صوتج،تضحك وتتموع بس علمود اضوجني
عود حسبالها راح اضوج
رسل:وربي هسه مالت اكوم اكتلها
يمامه:اكعدي راحه عيب جايه خطار وهم خطار اخوج
رسل:ماكو هيج خطار مزعج ههه
ساره:يله اني اروح
ام تيم:خليج خاله على العشاء
رسل:لا عايزه امي تريد تعزمها بعد اريد بس اخلص منها ابد مرتاحيلها
ساره:لاخاله صار المغرب وعندي هوايه شغل اسوي شكرا خاله
ليث:يله اني اوصلج بس خلي اجيب السويج ومبايلي
رسل:لاياربي اشلون ليث ايوديها بسيطه هسه اراويج شسوي بيها
يمامه:ولج اني مرته مسويت هيج شتردين منها
رسل:اكره وحده تدخل بين ثنين اكرها اي انتِ مرته بس الغيره بداخلج ومجاي تبينين هلشي اعرف ترا
ساره:فرحت من سمعت هيج،اكيد مرته هسه راح تموت من الغيره،اوك
ام تيم:طلعت احجي ويه ليث،يمه ميصير تاخذها انت اذا شافك احد شنو يكول بعدين انت مزوج لو تاخذ مرتك وياك علمود ميصير شي
ليث:شنو يصير يمه بعدين هيه زميلتي بلدوام مراح يصير شي لتخافين
ام تيم:حتلو يمه الاحسن تاخذ مرتك وياك
ليث:مثل متردين يمه راح اصعد اجيب غراضي واجي
رسل:كعدت اتحرش بيها اهم شي متروح ويه اخويه،ترا هاي السوالف قديمه مالت تتموعين علمود اجذبين الشاب الج الكل كام يعرفها وبعدين هوه مزوج ويموت على مرته
يمامه:اسكتي ولج كافي هسه يجي ليث
ساره:ههه منو كالج جاي اتموع ترا هاي اني هيج لشوفين نفسج انتِ حجيج مثل الرجال ترا اكو غيرج انوثه عدهن
رسل:هسه اني مثل الرجال وانتِ انوثتج طالعه مو ههه ولج اني اراويج الانوثه الصدك،لزمتها من شعلها وبقيت املخ بيها وهيه بس اصيح بقيت اكتل بيها ها الانوثه طلعت مالتج الصدك مو
يمامه:ولج رسل عيفيها اشجاي اسوين انتِ
رسل:اربيج اليوم علمود تبطلين تخلين نفسج بين ثنين مزوجين،بقيت بس اكتل بيها وخليت وجها احمر من كد مملختها وشعرها صار كفشه ها ياام الانوثه
ام تيم:ولج رسل عيفيها اشجاي اسوين هاي خطار يمنه
رسل:ماما هاي يرادها تربيه
ليث:بصياح رسل
رسل:من سمعت صوت ليث عفتها
ليث:انتِ اشجاي اسوين هيج تصرفين ويه خطار اخوج حسابج بعدين عندي،ساره نعتذر منج اختي شويه تعبانه نفسيتها هاي الايام رسل اعتذري منها
رسل:وطلعني مخبله بعد كدامها هاي الي متستحي مستحيل اعتذر من هيج وحده اصلا هيه الي لازم تعتذر من عندي
ليث:حسابج بعدين عندي يمامه امشي ويانه
يمامه:ها ليش
ليث:بدون ليش يله امشي
يمامه:بس ملابسي مكدر اطلع بيهن(جنت لابسة تراك بيت)
ليث:مراح ننزل من السياره
ساره:كمت احجي بيني وبين نفسي اني الكم اذا مااخذه مااسمه ساره ابد واويجن
يمامه:شكله هوايه معصب من رسل وعلى الي سوته وبس يسوق سريع ومن السرعه كل شويه وكلت راح نموت منرجع عدلين ومكدر احجي خاف يعصب عليه اكثر
ليث:يله انزلي دخلت للبيت واني اعصاب،بعصبيه رسل
رسل:ها
ليث:شنو هذا الي سويتي اسلوب احد يحجي ويه خطاره هيج هذا اسلوب ابد متوقعت هيج منج ولج خطاري هاي متحترميني اخوج يعني ابد هيج معندي احترام يمج
رسل:ومنو كال هيج بس هيه انت شفتها اشلون تتموع وتتعيقل بلحجي وبعدين تكلي رجال لان كتلها ليش تتموعين والصراحه اني اعرف هيه تريدك شنو اخليها هيج تاخذك
ليث:ولج اني لعبه وتاخذني هذا اسلوب منج انتِ اكثر وحده تعرفين اني مااحب هيج بنات ولا الي شغل وياها غير مجرد زميلة ويايه بلدوام شوكت تفكرين قبل لسوين اي شي
رسل:مااحب وحده تخرب علاقة ثنين ولا راح اسمحلها تفتهم
ليث:منو الاثنين ولج الي تخرب علاقتهم انتِ شتحجين والف مره كتلج مستحيل ادخل بحياتي هيج بنيه كافي تتصرفين من يمج احترميني على الاقل مهما يكون الي حجته لازم مسوين هيج ولج فشلتيني كدام الناس شتحجي عليه بلدوام مفكرتي هسه شيكولون عندي اخت شقاوه لو شنو
رسل:يهمك العالم وبعدين منو راح يعرف اصلا ليث:تعرفين كلش زين ميهمني العالم بس انتِ تهميني ومستحيل اخلي احد يحجي عليج شي تفهمين لو لا تصرفات الجهال بطليهن،رحت اريد اصعد لغرفتي سمعت صوت تيم
تيم:السلام عليكم
ام تيم:هله يمه وعليكم السلام
احمد:اشلونج يمه بست ايدها وحضنتها اف صار شكد مشام ريحتج
ام تيم:هله بلغالي ليش هيج اسوي بيه صار من السابع لسه مشايفتك وانت اكثر تخلص سبوع عطلتك كلها يمي
احمد:حقج عليه يلغاليه والله بلدوام من اجت العطله طلعت ويه الولد اشلونها اختي مبين معصبه حضنتها
رسل:ليش حته مخابره متخابر اختك هيج الاخوه صارت
احمد:وانتِ ليش متخابرين بس اني اتصل يعني
سيف:اشلونها ست الحبايب بست ايدها
ام تيم:انت هم متجي نفس اخوك بس من عندك شغل ويه تيم هله بيك عمه بعد كلبي اشلونك
سيف:ههه والله عمه حقج عليه بس مالحك وهاي الايام كله ويه ابويه اذا معدنه شي اني وتيم
يمامه:بقيت صافنه معرف شي ولا اعرف عدهم بعد اخو ثالث حته سيف حسبالي اخوهم بس من كالتله عمه عرفت مو اخوهم
ام تيم:هاي مرت اخوكم ليث
سيف واحمد:نشرف بيج مرت اخونه
احمد:ديري بالج منه ترا هذا نسونجي
ليث:ههه اي طلع عليه سوالف بعد ههه
احمد:ههه والله ماكو منك انت
يمامه:ولج رسل مجاي افهم شي مكلتي عندج اخوثالث
رسل:بعشويه احجيلج كلشي
يمامه:اوك
تيم:يمه اني تعبان راح اروح ارتاح
ام تيم:يمه العشاء راح يصير متتعشه
تيم:يله بس اغسل واجي
سيف:يله يمه احنه اروح خاف ابويه ينتضرنه
ام تيم:يمه اتعشوا اول صار هوايه مشايفتكم
يمامه:رسل كومي نكمل العشاء
رسل:اوك
يمامه:كعدنه نسوي بلعشاء،ولج رسل سولفيلي
رسل:سيف واحمد اخوان محمد همه هم ولد عمي وتوفت امهم من جان عمر احمد ١٢ سنه وامي وامهم جانو كلش صديقات من هنه وصغار صديقات وحسبالك اخوه امي من توفة امه وهوه جان صغير طلبت يجي يمها وهيه ربته من تخرج من السادس راح للكليه العسكريه ف ابو ميقبل يجي بعد اهنا لان كبر ف رجع وياهم حيل يحب امي ميفارقها ابد
يمامه:اي امي حيل حنونه والله من شفتها حسيت صدك امه
رسل:اي هوه بعد اخونه واحد من عدنه كلش قريبين علينه همه كلهم بس بهاي الفتره اقرب شي سيف واحمد
امامه:يله خلي نصب العشاء كملنه العشاء وتعشينه بقو يحجون كملت شغل اني ورسل بلمطبخ وصبينه الجاي وكعدنه يمهم
تيم:يمه باجر نروح للنجف تروحين ويانه
رسل:اي يمه والله مشتاقه الاابويه
ام تيم:اي اكيد اروح
تيم:لعد راح اصير سيارتين اني اخذ الولد وانت ليث بسيارتك البنات
سيف:دك عليه محمد عرفت منتضرني،يله عمه احنه اروح لان ورانه كعده الصبح هم
ام تيم:براحتكم عمه
سيف:مااعرف اشبي اليوم محمد كل شويه ودك
احمد:يجوز مشتاقلنه
سيف:لاشكله اكو شي تعرف ميحجي غير اليه
احمد:خاف رجع يضايق رسل لان من دخلنه رسل جانت ضايجه وسمعت صوت ليث يحجي
سيف:الله اعلم كله من ايده الف مره كتله احجي الحقيقه بس كرامته متسمحله يحجي اخر شي راح يخسرها ويتندم على كلشي
.............
محمد
ابومحمد:بصياح محمد
محمد:ها بابا
ابومحمد:هاي شنو الي مسوي البارحه تريد تفضحنه عود انت الجبير ورافع راسي بيك والعالم كلها تحلف براسك البارحه حته بلبيت مدخلت والصبح من اجيت اكلك اشبي وجهك متحجي
محمد:بابا احبها واريدها وعمي بعدها عني شسوي بعد
ابو محمد:ومن توفه ابوها استغليت الموقف يعني متعرف اخوانها ميسكتون بصياح تعرف لو لا
سيف واحمد:السلام عليكم
ابومحمد:وعليكم السلام
سيف:شصاير
ابومحمد:رجع يتقرب من بت عمك يريد يدمرنه اخوك فوك هذا بنص الشارع ولد عم يتعاركون يريديفضحونه
محمد:بابا تعرف الدمار الي بيه من سنتين تعرف اموت اذا راحت لغيري لو لا
ابومحمد:راح تكتلني انت لا تحجي ولا تقبل نحجي ومات عمك وهوه مراضي عنك
سيف احجي ويه اخوك لان صعد ضغطي
سيف:لشوكت تبقه هيج يعني انت من سنتين وتراقبها من بعيد وحالتك محد يدري بيها غير بس رب العالمين وهيه هم جاي تدمر دخلت عليهم هم بس اصيح وضايجه وشكلها حيل تعبان فوك وفاة ابوها انت عليها احجي كلشي وخلص نفسك وخلصها منو اهم هيه لو كرامتك
محمد:ليش اشبيها اصيح
سيف:مااعرف اول مدخلنه سكتو معرفت شي
محمد:احمد ليش مسالتها انت مو حيل قريب عليها
احمد:الكل كاعد وين اكدر اسالها
"قبل سنتين"
رسل:ماما كملت
ام تيم:يله ماما ابوج منتضرنه بلسيارة
رسل:رحنه لبيت عمي
ام تيم:ها متنزل انت ابوتيم
ابوتيم:لاابومحمد ماموجود من يجي اجيكم
ام تيم:مع السلامه،دكينه الباب اشلونج ام جود
ام جود:اني ام جود زوجة ابو محمد ازوجته قبل ٦سنوات بعد موت زوجته الله يرحمها عندي بس جود عمره٥سنوات،وعليكم السلام اشلونكم عاش من شافكم والله حيل مشتاقتلكم
رسل:اشلونج عمه
ام جود:هله بيج عمه كل يوم تحلين اكثر الله يساعده محمد على هلجمال
رسل:خجلت من سمعت هلحجي من ام جود،كلش احب محمد هوه ابويه الثاني هيج اسمي واصيحله كله بابا لان من تربيت على حبه وكبر ويايه هذا الحب وعمري ١٨سنة
ام جود:يله خلصي هلسنه خلي نزوجكم ونفرح بيكم واكف عليج بس
رسل:انشاءالله انجح واحصل معدل
ام جود:انشاءالله اعرفج راح تموتين علمود اشوفين محمد ههه محمد فوك بغرفته ميدري انتِ اهنا اصعدي شوفي
رسل:ابتسمتلها،اصعد ماما
ام تيم:اصعدي يمه
رسل:صعدت واني ميته علما اشوفه حيل مشتاقتله صعدت واسمع صوت محمد من الغرفه
محمد:حبيبتي راح اجي باجر والله اني هم مشتاقلج يعمري
رسل:بقيت مصدومه معرف شنو اسوي عمري متخيلت محمد يخوني ابد دموعي صارت تنزل بدون ماادري
محمد:شفت رسل بلباب وتبجي،اشبيج حبيبتي
رسل:وخر عني اني مو حبيبتك
محمد:لزمتها من ايدها ودخلتها للغرفه
رسل:بس ابجي واصيح وخر عندي
محمد:الي سمعتي مو حقيقي خلي اشرحلج
رسل:شنو تشرحلي عرفت خلص عيفني
ام تيم:سمعت صوت رسل بس اصيح وتبجي ركضت لفوك اني وام جود علمود انشوف الي صاير،افتح الباب محمد
محمد:سمعت عمتي بس ادك بلباب واصيح،عمه روحي لتوكفين اهنا مستحيل اخلي رسل تطلع منا اله تعرف الحقيقه
ام تيم:حقيقة شنو افتح الباب
رسل:وخر عني خلي اطلع اكرهك اكرهك افتح الباب
محمد:ادمرت من سمعت كلتلي اكرهك حسيت نفسي نذل رغم كلشي مسويت رغم الي سمعته كله مو صح
ام تيم:افتح الباب محمد
محمد:فتحت الباب
ام تيم:حضنت رسل،اشسويت برسل انت
رسل:ماما لحضه ماابقه اهنا امشي اروح
ام تيم:رغم اريد اعرف كلشي بس بتي حيل مدمر شكلها وبس تبجي واصيح اخذيني منا اجرت سيارة ورجعنه للبيت
ام جود:شسويت محمد رسل ليش هيج حالتها
محمد:ادمرت خلص ادمرت كسرت شكو شغله بلغرفه بعد مااشوف شي كبالي
ابومحمد:اشصاير اهنا شكو محمد ام جود شصاير احجو شي
ام جود:مااعرف شي رسل جانت اهنا وصعدت للغرفه وبقت بس اصيح ومحمد جان قافل الباب ويكول متطلع الى تعرف كلشي
ابومحمد:اشتعرف محمد شنو هاي حالتك
محمد:اجت سمعني واني احجي بلتلفون وحسبالها اخونها
ابومحمد:ويامن جنت تحجي
محمد:جنت احجي ويه بنتي
ابومحمد:هيه لسه متعرف شي
محمد:لاكلت من نزوج احجيلها بس عرفت بعد
ابومحمد:هسه ارتاح انت وباجر تشرح كلشي لعمك وهوه يحجي وياها لان هسه هيه اكيد مصدومه ومراح تسمع شي منك
ام محمد:خلي نخلي وحده
ام جود:طلعنه من عنده،ابو محمد الي سوا محمد خطا جان لازم يكللهم من البدايه حته بنته جاي تكبر
ابومحمد:اعرف خطا بس هوه تفكيره هذا وميريد حته احنه نحجي شي وتالي وكع بيها هسه .
