naliligaw sa gabi,
ang ingay, ang dilim
silang lahat ay sabay-sabay na nagsalita,
ngunit hindi mo naintindihan ang bigkas ng kanilang dila
naglalakad sa dilim,
ang gulo, ang sikip
nais mong makatakas sa tanikalang ito,
nang ika'y napalingon sa boses na tumawag sa iyo
isang boses na hindi tuso
at nagbigay ng liwanag sa iyong puso
"kasama mo ako," kanyang bigkas
hindi ka na nag-iisa, sa wakas
sa dinami-raming boses na iyong narinig,
tanging nangibabaw ang kaniyang tinig
kaya't sabay ninyong tinawid ang bugso ng labanan,
matatag na sinalubong ang ilang kasamahan
ang sandigan ay wika,
kaagapay niyo sa tuwina
ang sandata niyo ay pagkakaisa at bayanihan
upang mapagtagumpayan ang digmaan
✒
this poem made it to the top 10 of our shs poem-making competition and my heart is very happy.
maligayang buwan ng wika!
✒
update: i won 2nd place and my friend got 1st place! lovely day ♡