عشق الامير

البارت 31

مساء العسل .. شلونكم ..

*****

امير .. حجيت ويه فاطمه .. ورجعت للمعسكر ماحس غير ندفعت حيل وبعد ماحسيت بشي

...

فتحت عيوني ..بتعب .. لكيت نفسي بغرفه ومشدوده ايدي

اجه واحد .. لؤي .. حيالله البطل .. شلونك

امير .. احم 😥😥تمام .. اني وين

لؤي ..بحفظ الله .. حمدلله ع سلامتك

امير .. الله يسلمك .. ردت اكوم ..

لؤي ..لالا وين ..

امير .. عندي دوام ..

لؤي .. اي ادري ابني بس خل اردلك الجميل

امير .. ياجميل هذا اريد ارجع لدوامي ..

لؤي .. ابني متتذكرني

امير .. لا والله ولاصغرا بيك

لؤي .. اني اللي رادو ياخذون بنتي مني وانت رجعتهه

امير .. ماعرفتك. اعذرني

لؤي .. اي حقك تعبان .. اني من البصره وصارت مشكله بين وبين عشيره ... ورادو بنتي فصل وانت رجعتلياهه

امير .. دكتور لؤي من عشيره  ....

لؤي ..اي اني شلونك شيخنه

امير .. الحمدلله بس شجابك هنا

لؤي .. نداء الوطن بعد منكدر

امير .. متقصرون .. هيه هاي الغيره العراقيه

لؤي ..ميحتاج تشكرني كلنه سوه الجنوب والشمال كلنه بلد واحد

امير .. ضل يحجي ويسولف بأمور سياسه واني ايدي موتتني  .. اي شجابني هنا

لؤي .. طلبو من معسكركم اسعاف واني جنت موجود. هناك .. من دا اطلع ضربتك بسيارتي .. واسعفتك لهنا ..

امير .. مشكور يخوي متقصر

لؤي .. لاشكر ع واجب ..يله اني اترخص خاف دايخ بس والله الكعده وياك متنمل ..

امير .. الله وياك .. راح همزين نزل عليه الاحساس رأسا نمت

****

فاطمه ..ضليت اغلي لحد ماصار ثاني يوم وكلشي مادري عنه ادك وميرد .. اوووف انوب جاوبني واحد .. الوووو امير وينك انت حبيبي شبيك

مجهول .. صاحب هذا التلفون صار واحد منه وبينه

فاطمه .. منو انتوو 😨😨

مجهول .. اني والي الدوله الاسلاميه ..

فاطمه .. من الخوف رأسا سديته بوجهه وطفيت موبايلي .. 😱😱معقوله ديجذب .. معقوله بيه شي خرب واني وين رح الكاه .. وشجاب تلفون امير يمهم .. حته اذا ديجذبون .. مستحي امير ميسوي هيج .. يالله هسه اني شسوي 😢😢😭

رأسا خابرت خالو علاوي كتله شصار ودزيتله رقم هذا صديقه ... اتصل عليه من جديد ..هاخالو

علي .. خالو يكول امير ماكو من البارحه

فاطمه .. خالو شسالفه يعني شنو ماكو طفل هوه قابل

علي .. انتي كلتيهه خالو مو طفل وادور عليه جماعته ديكلون ماكو من البارحه طلع وكال راجع بس مارجع ..

فاطمه .. يعني شنو 😢😢

علي ..لتخافين خالو مابيه شي

فااطمه ..خالو خاف خطفو

علي ..لو خاطفيه جان اخذو تلفونه .. جان اتصلو

فاطمه .. لعد شنو

علي .. هوه عايش الله اعلم وين

فاطمه .. شمدريك

علي .. خالو لو ميت لو مكتول جان رجعو جثته لاصحابه ..

فاطمه .. ايي 😭😭هم صح والله

علي .. دير بالج ع روحج .. واني جاي فد ساعه

فاطمه .. اي هلابيك خالو .. سلمت وسديته كعدت ابجي لحد ماتعبت .. يعني شلون .. يعني من ورايه هيج صار بيه اي من ورايه لو ممخابرني جان بقه بأمان الله ياخذني حته اخلص واخلصهم .. لميت رجليه بأيديه ونمت ودموعي منشفت ..

امير .. دكتور .. تلفوني وين

لؤي ..مادريي يخوي ليش ماكو

امير .. اي ماهو

لؤي .. خاف وكع ومانتبهت اله .. تريد تلفوني

امير .. اي والله ياريت .. اخذتهه ودكيت ع مهند

مهند .. وينك شيخ .. شعلامك مختفي من امس خابر عباس يكول ماهو الشيخ شصاير

امير .. دنطي صبر خل احجي .. اندعمت بسياره وودكتور فاعل خير جابني ببيته لتخافون

مهند ..شيخ شني لاتخافون .. امي من البارحه تبجي عليك ..

امير .. تنهدت .. سلملي عليهه وكلهه مابيه شي راجعلكم

مهند .. لاتتحرك من مكانك .. انه هسه ادزلك جماعتي يجيبوك

امير .. لا دا اروح لدوامي

مهند .. شيخ امك لو دوامك

امير .. تنهدت .. امي يخوي امي .. يله جاي للبصره اني

مهند .. خل ادزلك ناس يستقبلوك

امير .. لاخطر هنا .. اني ارجع ..

مهند .. بأمان الله

امير .. سديته .. وكلت .. اخابر ع فاطمه .. لا وين اخابرهه بتلفون هذا 😒عوزني اني رقمهه بتلفونات العالم ..
لوؤي .. وين راح بالك

امير .. للي دوم ببالي ..

لؤي .. ارجعك الهه يله كوم

امير .. وين

لؤي .. راجع اني للبصره واخذك بدربي يله

امير .. يله .. رحنه ومريت ع معسكري اخذت اجازه .. اصدقائي كالو اتصلو علي .. بوجهنه للبصره .. وصلنه دنيا ليل .. استقبلتني خالتي والبنات وحته اكو شيوخ .. ضيفنه هذا الدكتور وراح ورحت لغرفتي مددت ونمت .. حسيت ع شي بوجهي يمشي .....

فاطمه .. تخبلت .. ماكو محد يعرف شبيه .. يمكن 12 مره خابرنه مهند علمود نعرف شصايرله

اليوم كعدت الصبح .. مختنكه وكارهه الدنيا ومابيها .. سويت ريوك وما اكلت بس هيج شخبطت بالماعون وشربت جاي علمود علاجي ..اللي لسه اخذه ..

صار الضهر .. بس امل يمي وسيف بالدوام .. يرجع وكت الضهر .. سوو غده تغدينه وكملنه ودك عليه عباس .. تفاجأت عباس علمود امتحاناته اول ميرجع من الدوام ينام حته يكعد ويبدي يقرا اليوم دك عليه الضهر شعجب .. غسلت ايدي وكمت .. الووو

عباس .. الوو هاي حبيبتي شلونج

فاطمه .. من الله تمام ..

عباس .. عندي اخبار بالباكيت

فاطمه .. صدك .. شنو يله كول ..

عباس .. امير راجع للبصره وهسه هوه بالطريق

فاطمه .. يعني شنو وين جان

عباس .. ضاربته سياره وصاحبهه فاعل خير ماخذه معالجه علما صاحي

فاطمه .. صدك يالله الحمدلله .. عباس نروح

عباس .. اني اي اروح بس شيجيبني لبغداد انوب بصره

فاطمه .. سيف يجيبني شتكول

عباس .. اي شوفيه اذا ماعنده شي خل يجيبج وامل يم امج

فاطمه .. اي تمام .. يله باي 💃💃الحمدلله يربي ورجعلي اميري الحمدلله

رخت لسيف .. كال ماكو مشكله نروح يله تحظري

صدك صعدت تحظرت .. لبست .. بس اسود لونه وشال اسود همين

وخليت عبايه بالجنطه خاف يكول لبسي هناك .. اخذت ملابس مال حجاب .. حظرت غراضي وطلعت .. سيف كاعد ينتظر .. اخذني ورحنه اخذنه عباس ورحنه وصلنا تقريب ب 12 ونص عزه شكد عيب .. شني مجبورين .. سيف ودينه لبيتك عود باجر نجي

عباس ..اي والله فشله خاف نايمين .. عاد رحنه لبيت سيف القديم ..

فاطمه .. اول مدخلت نمت بدون مافكر بشي ..كعدت من الصبح كلني نشاط لبست بس تنوره سوده والبدي وردي وشال اسود

تلكانه مهند .. رحب بالزلم .. وصاح .. خيتي لغرفه امير ركض بخزره

فاطمه .. من خزرني ..ماجذبت خبر .. دخلت تلكتني سما سلمت عليه وكتلهه ليش خزرني والله اخاف كالت خاف اكو زلم بره .. يله تعاي .. عاد صعدتني .. وراحت .. ترددت ادخل .. بعدين اني جيت حته اشوفه مشتاقتله حيل ووخايفه عليه همين ..

دخلت .. لكيته ممدد ونايم .. 😍😍بهدوء وشعره مكفش ومبين عليه تعبان حبيبي وايده مشدوده .. تقدمت يمه حيل ..

ضليت شوي اتأمل بملامحه يالله عشق .. بس اريده يكعد اريد اشوفه شبيه .. لعبت بشواربه شوي .. ماحس غير .. كمشني من ايدي حيل واذاني .. امير هاي اني شبيك

امير .. فركت عيوني حيل .. شجابج

فاطمه .. شنو شجابج هوه صوجك لو صوجي دا اكوم جرني وكعني عليه وحصرني بين رجليه وحاوط خصري بأيده ..

امير .. ليش مصره تفهمين كلشي غلط ..

فاطمه .. شنو اللي اني فهمته غلط .. الغلط من اجي اشوف رجلي شبيه مابيه ليش صار يومين تخبلت عقلي طار من وراه ماعرفه وين ماوين هذا الغلط

امير .. اعرف بس انتي شوفي شبيه

فاطمه .. اي حبيبي صدك حمدلله ع سلامتك

امير .. بعد وكت 😒😒

فاطمه .. هههه اذا انت خرعتني اكو واحد هيج يكمش الايد والله شوف اصابعك طبعت

امير .. اي حته مره الثانيه تكعديني مو تلعبين بوجهي ولج عبالي حشره

فاطمه .. 😢😢😒😒رحم الله والديك صرت حشره هسه

امير .. تدرين صايره مال كرط .. خل اضوك شويه

فاطمه .. دفعته اريد اكوم ماكو مسيطر عليه ماكدر اكوم ... هففف امير خل اكوم

امير .. لااا

فاطمه .. اميري خل اكوم

امير ...لا

فاطمه .. حبيبي اميري .. خل اكوم

امير .. هممم بشروط ..

فاطنه .. تجؤ تجؤ ماكو شروط .. اريد اكوم

امير .. بكيفج ابقي هيج اني مرتاح

فاطمه .. هاي شبيك امير خل اكوم اخواني جوه

امير ... ايي همزين حته اكلهم اخذتهه ويزوجونياج بسرعه بسرعه ..

فاطمه .. شهكت .. شكد منحرف وخر امير الله يخليك 😢😭😭

امير .. وخرتهه ونيمته ع ايدي .. لتخافين مني ماسويلج شي .. محد يأذي بنيته

فاطمه .. شبكت ايده حيل .. ماشاء الله اني كلني بكد ايده 😂😂😂ضل شابكني حيل ويتنفس من كل كلبه ...

امير .. هفففف مشتاقلج بكد الكون

فاطمه .. واني همين تدري خفت عليك وبالي ضل يمك عبالي بيك شي .. 😢😭😭😭

امير .. كافي يرويحتي هاي ويني يمج مابيه شي ..
حادث بسيط

فاطمه .. مو دكيت عليك وجاوبني واحد وكلي انت صرت مثلهم يعني صدت داعشي 😨😨

امير .. شنو شلون يعني

فاطمه .. حجيتله شصار .. وهسه تريدني ماخاف عليك والله ردت اتخبل وانوب خالو علاوي خابر المعسكر مالتك وكالو مختفي .. والله روحي رادت تطلع

امير .. تلفونج وين .. خابرت مغلق ..

فاطمه .. امير هاي شبيك

امير .. هذوله اذا هسه واحد منهم رد رح نندل موقعهم شوي واشوف جماعتي شو شنسويلهم  .. رجعت حظنتهه

فاطمه .. يله حبيبي خل اكوم

امير .. تجؤ تجؤ ماكو كومه منا اريد انام مرتاح

فاطمه .. حبيبي لخاطر خل ننزل والله فشله

امير .. هفففف كمت كمت .. 😒😒

فاطمه .. بسته بخده وطلعت اركض ضليت انتظره بالباب لحد ميطلع .. طلع وكاشخ كشخه .. خرب لابس زي عربي الدشداشه بيضه والعكال يجنن عليه وساعه ديلبس بيهه وعطره سابقه دخت .. اوو واووو هاي شنو

امير .. حلو ..

فاطمه .. يجنن .. 😍😍
هاي هيج رح تطلع 😒😒

امير .. واني البس بالساعه وماهمتم .. اي هيج شكو بيهه 😌😌

فاطمه .. تعرف يرادلك حجاب واذا تلبس عبايه تسوي فضل 😂😂😂😂😂😂😂😂😂

امير .. لج اني اعلمج ..

فاطمه ..ههههههههه حبيبي شدعوه حلو لهالدرجه شو بله باوعلي

امير .. وهوه يدقق يعيونهه هممم

فاطمه .. دنك راسك شوي 😉😉

امير ..  عبالي رح تبوسني ..دنكت

فاطمه .. خربطت العكال اللي لابسه ونزلت اركض ..طخيت بجتف ..لاحايط والنبي 😂😂

ماجد .. الله الله شبيج هوه هيج كلبتي عليه الجاي

فاطمه .. اسف والله اسف 😯😯

ماجد .. لا اذا هاي عيونج فدوه الج الجاي وصاحب الجاي 😉😉

فاطمه .. كبر اي والله كبر دفعته وفتت

ماجد .. ع كيفج عيني ..ع كيفج ماكنالج شي  ..اجه امير ..اهووو شكد معقد

امير .. هله ماجد ..شدسوي هنا بخزره

ماجد .. ماسوي دا ارجع الجاي للمطبخ وفاتت هاي الصاكه كلبته عليه ..

امير .. كمشته من ياخه دشداشته .. دير بالك تجيب طاريهه تمام احسن ماشوهلك وجهك ..

ماجد .. 😒😒لازم سبينه العنب الاسود ومندري

امير .. ماجد ناوي تاكل كتله اليوم .. مرتي هاي انت شبيك

ماجد .. شنو 😲😲

امير .. مثل ماسمعت .. ودير بالك تتقرب منهه وويلك اذا اسمعك حاجي وياهه

ماجد .. متوب انت كرطت امك ومرتك وبتك انوب رايح ع بنات الناس .. شبيك انت ماكو عقل براسك

امير .. ماجد وخر منا لا اقسم برب العزه ادفنك بكاعك .. بصياح

ماجد .. عفته وطلعت .. هوه هذا بيت الشيخ شيجيني من وراه غير المصايب ودوخه الراس

امير .. عفتهم وطلعت ..بعد ماوصيت سما ومرام عليهه .. سلمت ع شيوخ جانو جايين بالمضيف وطلعت ع الشط مختنك ..

معقوله كلامه صح ..يربي شنو اسوي اني ..شداسوي غلط لو صح اللي دا اسوي .. صدك اني موكلت ماريد احب واخسر ماريد احس بهالشعور .. زين اذا اني صار بيه شي شلون .. ماريد اأذيهه .. اني ختفيت يومين هيج خايفه هيه عليه شلون اذا صارلي شي .. وبنفس الوقت ماريد اعوفههه احبههه يالله احبههه ..

رجعت للبيت بدوم ما احجي ويه احد بدلت ملابسي ورحت للمقر مال بصره .. بلغت ع رقمي ..وكتلهم اكو شخص ماخذه وبلكي نلكه الموقع مالته

حددنه موقع ودزيناه للمقر مال موصل وسوو اقتحام واحنه ع تواصل ودوخه .. للمغرب يله رجعت

فاطمه .. طلع امير بدون ميحجي شي جلبو بينه ع الغده انوب جتي ايات اللزكه وبس تبسمر وسما ومرام يردنهه بعدين .. اجه مهند كال اخوج يصيحج .. طلعت ..ها سيف

سيف ..كافي خل نرجع شعدنه بعد

فاطمه .. اي يله ..بس اجيب تلفوني ..

رحت للمطبخ .. لكيت ايات واكفه وتباوع عليه بأستفهام .. مهتميت .. اخذت تلفوني سلمت عليهم وطلعنه .. من دا اطلع صاحتني ايات واكفه بباب المطبخ .. فاطمه نسيتي شاحنتج

فاطمه .. ستغربت منهه اول مره تعدل اسلوبهه والضهر كله بسامير .. اخذتهه منهه ابتسمت وكتلهه شكرا .. رجعت .. سيف وجهه ينطي الوان
سيف شبيك

سيف .. مابيه ..يله لبيتنه 😦😦

فاطمه .. اي يله .. رحنه وبالطريق ..كال

سيف .. منو هاي الجابت الشاحنه

فاطمه .. هاي ايات بت عم امير

سيف .. بت شيخ ....

فاطمه .. اي هوه هذا عم امير

سيف ..هاااا تمام 😥😥

فاطمه .. رجعت ونمت ... لانه اليوم كاعده من وكت ..

.......

هلاوووووووووو

مساؤوووووو

شلونكممم ...

اخباركم ....

رأيكم بالقصه ...

تصويتكم يشجعني

تعليقاتكم بين الفقرات ..

احبككم

قلوبي الزرقاء لكم 💙💙💙💙💙💙💙💙💙💙💙💙💙💙💙💙💙💙💙💙💙💙💙