عشق الامير

بارت ٤٤

امير .. رجعتهه لاهلهه وكلني تشوق شوكت رح اخذهه يمي ..بديت ببيت صديقي اثاث وترميم من جديد جان بيه اشياءات صلحتهه ورتبت البيت ب ١٠ ايام

فاطمه .. بعد سبوعين للدوام .. وامير وين اروح منه .. هفففف ربي .. وهاي المزعجه كل شوي داكتلي برقم .. دير بالج تسوين شي ..

امير .. كال

مهند .. لازم نعزم اهلهه يمنه

امير .. ماعدهه اهل ..شنعزم

مهند .. امهه واخوهه الاجه يمنه .. مو عدهه اخوان اثنين

امير .. اي بس خما بس ذوله غير وياهم الباقين

مهند .. عيونه تكفيهم شجاك .. اعزمهم ولتشيل هم

امير .. خوش .. صدك فكره .. دكيت ع خالهه سلام عليكم

علي .. عليكم السلام ياهلا

امير ..هلا بيك عمي

علي .. اي بويه غرد شعندك

امير .. ههههه شمدريك عندي شي

علي .. ماخابرتني بيوم اذا مارايد شغله كول اسمعك

امير .. هههه والله يا ابو حوراء نريدكم تتفضلون يمنه يوم يومين

علي .. لا يربك يوم يومين دكول شهر ..شعدنه يومين

امير .. مو طريق وخطيه غير ترتاحون

علي .. دكول لخاطر فاطمه وفضنه

امير .. لا والله اصلا لسه ماكتلهه انت ابوهم ونريد العائله كلهه تتفضل يمنه

علي ..اي ان شاء الله

امير .. ع الخميس ان شاء الله تنورونه

علي .. عكب باجر يعني ..والله عندي دوام

امير .. ع الجمعه لعد

علي .. اي خوش

امير .. وبهاليومين اجي اخذ فاطمه للكوت جهزت البيت وعلمود ترتب غراضهه هناك

علي .. اي ماشي براحتكم

امير .. تسلم يابه ..ضليت علما سلمت وسديته .. يسس هاليومين اشوفهه ووراهه يجونه .. فديتك مهند شكد تفكر

فاطمه .. طلعت ملابسي والغراض الشتريناهن ..( نيشان العروس ) ورحنه اني وحوراء وامي وعباس ودانه

.. هناك مريت لشهد اخذتهه ويايه .. تواسيل يله اهلهه قبلو واسطات من خالهه يله وافقو تجي ويايه ..

رحنه للبيت صفطت غراضي وجهازي كله ورتبنه الغراض ..امير مجهز البيت من كل الجوانب بحيث عادي هسه نعيش بيه ماكو اي نقص وكال اتسوك قبل العرس ..زفتنه حتصير لبيتنه ..يعني هوه مال كوت

امير .. رجعت لكيتهه دترتب ملابسهه .. ترخصت من امهه واخذتهه نفتر شوي رحنه (للهوره )مثل المنصور بس هذا بالكوت 😂