#شمس_مظلمه 🌼
#الحلقه 18 و الاخيره
حسام ..
خشو للمستشفى و لقو امير مقمعز و يبكي
حسام : قرب منه بسرعه امير شن صاار
شمس : و ين البيبي و قميي "قمر"
ياسمين : قمر جاابت
امير : جاابت بنت و كويسه
شمس : و قمي "قمر"
امير : ققمر كويسه كويسه
حسام : تنهد فجعتني شن صار ليش تبكي
امير : مسح دموعه طلعو البنت توا كاانت صغيره ياحسام ماكنتش متوقع حنعيش عشان اللحظه نعيش شعور هذاا
حسام : ابتسم و حضنه و خبط ع ظهره ربي يطول في عمرك لهن
ياسمين : ابتسم مبروك تربى في عزكم
امير : ابتسم الله يبارك فيك
سعيده : تعالو نشوفو البنت
امير : هيا
مشو للحضانه و كان الاب بس يخش خش امير و رفع بنته و دموعه نزلن وباس خدها بشويه
شمس : عيونها دمعو و مسكت يد حسام حساامي شوف كيف صغييه "صغيره"
حسام : ابتسم و باس يدها ان شاء الله يقعدو عندنا عرم منها
شمس : انت ماتعديش عشان يقعدو عندنا كيفها
حسام : شمسي افهمي هذا شغل
شمس : كرت يدها و قلبت وجها شغل شغل شغل شنو شغل اهم مني
حسام : تنهد شمس مش اهم منك بس..
شمس : اسمي شمسي
حسام : مسح ع وجه ياستي شمسي انا حنرد مش حنطول
شمس : باهي كان صاي "صار" فيك حاجه انا شن يصيي "يصير" فياا و دموعها نزلن مش حتفهمي و لا حتفهم و مشت و سيبااته
حسام : تنفس بقوه و مسح ع وجه
ياسمين : تو نشوفها خليها
حسام : رد بحت ف البنيه و هز راسه ل ياسمين
ياسمين مشت لحقتها لقتها مصبيه ع دروج و تبكي
ياسمين : شمس
شمس : تمسح في دموعها هوا كنه هكي كنه مايفهمش اني نقديش "نقدرش" نعيش بلااه ليش بيعدي انا عايفه "عارفه" ان شغلهم في خطي "خطر" عليهم انا نفهم مش غبيه ليش مايسيبه عشاني و لا هوا اغلا مني
ياسمين : ابتسمت سبحان الله لو نشوفك قبل سنه مانقولش نفسها شمس يلي تحكي توا
شمس : مسحت ع عيونها ااناا هكي بفضل حساام حساام يدني "ردني" للحياه بعد ماكنت مييضه "مريضه" و الناس كلها تهزا عليها هوا يلي خلا عندي شخصيه ليش هوا بيعدي توا
ياسمين : حطت يدها ع كتفها حبيبتي اهدي ان شاء الله خير و يرد طيب
شمس : هوا مش حيعدي مش حيعدي
ياسمين : تنهدت باهي ان شاء الله مايعديش
حسام قرب منهن و بحت في شمس يلي برمت وجها و قعدت تمسح في دموعها ياسمين هزت راسها ل حسام و مشت سيبتهم
للكاتبه #wiush_hamo
_____________________________
رغد ...
سكرت باب الحوش وسمعت الجرس رن اخرى
رغد : فتحت الباب كنكم رديتو
عمر : عشانك
رغد : انصدمت من الصوت لان كانت تحسابهم حسام و شمس رفعت عيونها بسرعه و بصوت ثقيل ع ععمر
عمر : ابتسم مافيش ترحيب بياا
رغد : توترت و قعدت تحرك في اييديها بتوتر رفعت يدها ووخرت خصله شعرها من ع وجها حطتها ورا وذنها اا انت ررديت
عمر : امم شكلا مش مرحب بياا خليني نعدي و برم يبي يمشي
رغد : سحباته من يده و هوا برم عليها خبطت في صدره
عمر : حط يده وراء ظهرها و ابتسم و بصوت هادي اسسف
رغد : تنفس بقوه و معلقه عيونها في عيونه بس مابعدتش لان رايفت عليه و ع بنته
عمر : حط شعرها ورا وذنها و قرب من وذنها اسف لاني بحتت ف البعيد بينما كنتي انتي قريبه مني
رغد : دموعها نزلن و رفعت يديها حضناته من رقبته و حطت وجها في صدره و قعدت تبكي
عمر : رفعها و خش بيها للحوش و سكر الباب بكراعه و باس راسها و فضل السكوت
رغد : هدت بعد فتره و انتبهت لروحها وين هيا دفت عمر مع صدره ووجها قعد الوان طبست راسها اانا مماكنتش
عمر : مسك يديها و باسهن و ضحك حتى انا عجبني خلاص معش تبرري
رغد : ضحكت بشويه و رفعت عيونها فيه و بصوت كلا حب اانحبك عمر
عمر : ابتسم ان شاء الله مش حنطول ف الموضوع حنكلم خوتك طول
رغد : ابتسمت و هزت راسها انديرلك حاجه
عمر : ابتسم قهوه تريح راسي من السفر
رغد : ثواني و تجيك و مشت تجري وفرحاانه
عمر : مشى يده ع شعره و تنهد ان شاء الله نكون صح بس
اما رغد ...
كان شعوري شعور فلسطيني سمع خبر تحرير القدس
بعد فتره من الحرماان و الحزن و خبيت حبه في قلبي و سكتت ع المي و دموعي يلي كل ليله ينزلن عليه ربي جبر بخااطري فعلا الله كبير كنت في كل صلاة ندعي ان ربي يقربه منه و يجبر بخاطري الحييت ب دعااء إلى ان استجااب فعلا الالحاح بدعااء يحقق المعجزاات بنسبه ليااا طلب عمر لياا معجزه صاح متاكده ان مايحبنيش ممكن اعجاب بس لاكن مش مشكله الحب يجي بعد الزوج لاكن انا ماحبيتش انخبي حبي لاه اكثر و قلتها و تريحت لان من سنين قاعده في قلبي
طيبتله قهوه و حطيتها لاه في مق كبير و نشيت عطيتها لاه و قمعزنا نهدرزو عادي بس كانت الفرحه باينه عليااا
___________________________
حسام قرب من شمس
حسام : شمسي
شمس : بارمه و تمسح في دموعها و ينزلن حساام تقيبش "تقربش" مني
حسام : تنهد باهي ارقي فوق مصبيه يبحت فيك يلي ماشي و يلي جاي
شمس : ربعت يديها يبحتو فيا مش فيك
حسام : رفع حاجبه مازلت هادي ومكبر عقلي معاك ارقي بطيب فوق احسن
شمس : خافت بس تصنعت القوه مش ياقيه "راقيه" دخلكش مش انت تبي تعدي و ماتبيش تسمعني
حسام : قرب اكثر و عض ع شاربه تحت شمس شوفي نحكي جدد ارقي احسن لان بديت انعصب
شمس : قعدت اتبحت فيه لان قرن حواجبه
حسام : بعصبيه اررقي
شمس : انفخت و رقت قداامه بسرعه و تمتم عليه
حسام : يرقى وراها علي صوتك عشاان نسمع و نخربه لكي الفم هذا
شمس : تجهالته و جت بتمشي حسام مسك يدها
حسام : ضغط ع يدها بعصبيه لما نروحو نعرف كيف نحكي معاك و مشى قدامها الحقيني
شمس : عيونها تعبو دموع و خافت حركت يدها مكان مسكته
حسام : التفت عليها ووفنص بعيونه
شمس : طبست راسها و مشت وراه و هيا ساكته
___________________________
ياسمين : كانت تمشي ف الممر و تحكي ف تلفون نعلياا كان تشوفها طشوونه تهبل بكلل
ليث : مبتسم ع كلامها و نحن امتى
ياسمين : امتى شنو
ليث : بصوت هادي نجيبو كيفها
ياسمين : ااحم هيا وصلت للغرفه نا
ليث : ضحك وصلتي و لا وجك قعد حمر توا
ياسمين : انحرجت لالاه وصلت
ليث : ضحك باهي عطيني بوسه و خشي
ياسمين : الو الو وسكرت عليه قعدت اتنش ع وجها صاايع وبعدين ابتسمت بس نمووت فيه و حست يد كرتها ف دار و لباب سكر و حد حاصرها
ياسمين : فتحت عيونها ع وسعهن
ليث : نزل اللثامه و ابتسم صاار انا صاايع و تحبيني
ياسمين : اانت اا شن جاابك هنا
ليث : جابتني البوسه يلي مابيتش تعطيها لياا
ياسمين : لييث بطل و قولي كيف جيت
ليث : ضحك بشويه كنت جاي نغير ع جرحي شفتك
ياسمين : رفعت حاجبها ليث الهادي ماعندش ممرض يغيرله عشان يتعب عند المستفى
ليث : نفخ مايمشي عليك شيي
ياسمين : تراقب فيااا
ليث : بصوت هادي عشان نطمن عليك بس
ياسمين : برمت وجها اها عشان تطمن
ليث : باس خدها بلاش جو انتي عارفه ثقتي فييك
ياسمين : تنهدت و سكتت
ليث : و بعدين طلعتي بدون علمي و ماحكيتش
ياسمين : بصوت واطي جت بسرعه
ليث : باس خدها اخرى مره ثاني قوليلي
ياسمين : ماعندي عليش نقولك و انت حتى كان انكح توصل فيك
ليث : ضحك خلاص بطلي تلقيح و باس خشمها اسف كان زعلتك مش قصدي بيها شي
ياسمين : ابتسمت و بصوت واطي مش هكي خاف عليا بس ماتقيدنش و تحسسني اني كاني سجينتك في كل مكان اتبع فياا
ليث : حاضر حنخفف منهم
ياسمين : ضحكت و كم واحد هما
ليث : ضحك و حك راسه فوتي عطيني البوسه هياا
ياسمين : انلاا
ليث : هيا تعابلك عند هنا
ياسمين : غمض عيونك مالا
ليث : ضحك و عارفها شن بدير غمض عيونه
ياسمين : جت بتهرب كر ليث يدها و ردها لاه باس فمها فتحت عيونها و ضرباته كف سخيف و طلعت بسرعه
ليث : ضحك و حط يده ع خده و حرك حنكه والله وثقيله يدها
ياسمين : حطت يدها ع فمها و ابتسمت حيواان
________________________
قمر : حطت يديها ع وذانها طلعهمم
امير : ضحك اطلعوو مراتي مريضه و انتو ازعااج
حسام : ماشي يااشمس ع العنادد رااك تبدي تبكي بعدين بس و طلع و طبق الباب بقوه
امير : بحت في شمس و ضحك فصلتيه ع الاخر
شمس : حطت يدها في فمها و عضت ع صبعها حي علياا
قمر : زودتيها و بحتت في بنتها و ابتسمت و باست خدها تهبل صااح
امير : قرب و مد صبعها لها و البنت مسكاته خذا يد قمر و حطها ع قلبه شوفي كيف يدق
قمر : ابتسمت ربي يخليك لها
امير : و يخليك لنااا و باس يدهاا
قمر : ابتسمت اخترت اسم
امير : ابتسم و بحت في امه حتسميها امي
سعيده : ابتسمت بلكي امها عندها اسم
قمر : ابتسمت لالاه عادي سميها
شمس : شيوق سموها "شروق"
سعيده : شروق حلو خلاص خليها شروق
امير : ابتسم شروقي شروقي
شمس : انا شمس و هياا شيوقي "شروقي"
قمر : بحتت فيها و ابتسمت
ياسمين : خشت حي نضتي
قمر : ابتسمت من بدري
امير : وين كنتي انتي
ياسمين : طلعت للجنينه شويا
امير : خليكي هنا معش تحركي
ياسمين : باهي شن بتسموها
قمر : سمينها شروق
ياسمين : حي صااح يهبل و حتى تهبلل
شمس : و حسامي يهبلل
امير : ضحك توا لما ينفصل عليك بعدين تشوفي يلي يهبل
_____________________________
يوحنا "روحنا" كلنا للحوش ما عدا اميي "امير" قعد مع قمي "قمر" و البيبي
وطول الطييق "طريق" حسام يسوق و معصب مني و انا خايفه منه وصلنا للحوش و نزلنا لقينا عمي "عمر" جاي سلمنا و حسام شييلي "شيرلي" نيقى "نرقى" و يقى "رقى" هوا قبلي
قعدت نيقى "نرقى" بشويه و خايفه منه خشيت للداي "للدار" كان يدخن و مقمعز ع الكنبه و شييلي "شيرلي" نجي نقمعز جنبه مشيت قمعزت جنبه و منزله ياسي "راسي" خايفه انبحت في عيونه
حسام : عارفه روحك يعني
شمس : سكتت
حسام : ردي وين لساان يلي امبدري تلاطعي فياا بيه رديي
شمس : مشبكه يديها في بعضهن و تضغط عليهن
حسام : خذا جبده من الدخان و طفاه مش كان ساكت معناتا مانقدرش انسكتك محترمك قادمهم و مانبيش انزل قيمتك و نهزبك لاكن طولي لساانك عليااا نقصه لكي من وين مانبت و نفخ الدخان فاهمه
شمس : هزت راسها ب به
حسام : تنهد و مسح ع وجه صبي من خلقتني
شمس : صبت بدون نقاش و فتحت الدولاب طلعت بجامه و لبستها و خشت للسرير و هيا ساكته و مافهمتش سبب هدوء رغم ان مجرد مايكلمها حسام تبكي
اما حسام استغرب فيها بس سكت و قال ممكن من خوفها منه
______________________________
اليوم الثاني ..
طلعت قمر و كانو دايرين احتفال بسيط ف الحوش بطلعتها و امير قرر يدير العشاء لما يردو ل ليبيا
ياسمين : خشت تجري جو جو
شمس : كانت ماسكه الالعاب يلي طربق و طلع خيوط الالوان ماعيفتش "ماعرفتش" نفتحها
رغد : ديريها بسرعه قريب يخشو
شمس : خيبت "خربت" مني
حسام : صبى و جى من وراها و مسك يديها و فتحها لما خش امير مع قمر و البنيه
شمس : توترت و قلبها دق من قربه
ياسمين & رغد : نورتييينا يااطرف الجديد
عمر : ضحك و رش الورد اشرقتي حياتناااا
قمر : ضحكت و رفعت يد شروق خيلاات عليتم
حسام : ابتسم و باس قريب من وذن شمس بصوت هادي نحبك و بعد و مشى سلم ع امير
شمس : قعدت متجمده في مكانها و وجها قعد حمر
رغد : هزتها و غمزتلها البيبي جاا
شمس : ااه اها ابتسمت و مشت تجري باست شورق و باست قمر
قمر : ابتسمت عقبال انشوفها عندك
شمس : جت عينها طول في حسام نزلتها
مشو قمعزو ف صالون و يهدرزو كل مره في حاجه و حسام عيونه ع شمس يلي ساكته و تلعب ع البيبي و بس
رغد و ياسمين جت و يدفن في طاوله عليها تورته كبيره ع شكل وحيد القرن و مكتوب عليه مرحبا بك شروق
امير : ضحك امتى لحقتو انتو
حسام : ضحك هنا لحقن
قمر : ضحكت شوفي ياماما عماتك و خالتك شن دارن
عمر : هيا قصو التورته ياعيت شروق
رغد : راقبت نظرات عمر لقاته عادي ابتمست براحه
صبو امير و قمر قصو تورته
امير : ابتسم و حط طرف التورته في فم قمر
قمر : امم كبير
امير : مبتسم طبس عليها و كلا النص الاخر من تورته من فم قمر و قعدنا نحن نعيطوو
حسام : اوو قويه هذيي مخرليش انديرها
عمر : يااعم اصبر اربعين يوم قدامك
امير : ضحك مسخ صم فمك
قمر : تحششمت ع الاخر و ضربت حسام بشويه و بصوت واطي ليش هكي
امير : طبس عليها جت بجو افرديها
بدو يوزعو ف تورته و العصير اما شمس قالت ماتبيش و قعدت امقمعزه جنب البيبي مش مشاركه في شي
حسام : صبى و قمعز جنبها و في يده طرف من تورته و عصير امسكي
شمس : جت بتحكي
حسام : امسكي قللت
شمس : خذت كبايه العصير و قعدت ساكته
حسام : خذا بشوكه و مدلها و وكلها
شمس : حطت يدها ع فمها و قعدت تاكل بشويه و تهرب بعيونها من حسام
حسام : طبس عليها كنها اميرتي
شمس : هزت كتوفها شي
حسام : نيعفها "نعرفها" زعلانه مني عشان امس يفعت "رفعت" صوتي عليك و ضحك
شمس : طبست راسها تقلدش عليا و زعلتش من هذي
حسام : قرب اكثر و حط يده ع خسرها من شنو زعلت اميرتي مالا
شمس : لو قتلك حتسمعني و ديي "دير" يلي نبيها لا مش حنحكي و حطت العصير ع طاوله و صبت
حسام : قعد مصدوم فيها و في ردها مش متوعد عليها هكي
عمر : احمم شكلا كبيره واجد
حسام : برم لقاهم كلهم مركزين معاهم
امير و قمر دارو رواحهم يحكو مع بعضهم اما ياسمين و رغد برمن يشيلن ف تباسي
حسام : زبقتو فيها انتو اكيد بتكبر و صبى
قمر : ضحكت شمس سكرت راسها ع المشيه و حسام سكر راسه يسابقو ع العناد عاد
امير : ضحك حتفوز شمس اكيد مايقدرش عليها
قمر : ضحكت ياريت شن يبي فيها المشيه
امير : اهو عناد شنو حبيبي تركبي
قمر : مسكت شروق اها عشان ضهري وجعني و اجد
امير : امسكي بنتك كويس و طبس رفعها
عمر : عيط هكييي واااجد ارحمووني اعزززب
امير : امشي دورلك ع وحده
قمر : امير
عمر : بحت في رغد و ابتسم لقيتها
امير : مالا سقد روحك و جيبها
عمر : ضحك غير انجيبها تشوفو العمل الاسود
امير ضحك و رقى بقمر فوق
ياسمين : بحتت في رغد يلي تبتسم ل عمر
رغد : فطنت لياسمين و بحتت فيها
ياسمين : رفعت حاجبهاا
رغد : برمت دارت روحها تلم ف التباسي
____________________________
امير : نزل قمر ع السرير و باس راسها مش ريحتك من رقيه
قمر : ابتسمت بس هكي مهما و كان امك و خواتك
امير : عادي فوتي المهم ماتحسيش في شي
قمر : هزت راسها ب لالا كويسه ع المسكن يلي عطوه ليا
امير : ابتسم و باس شروق حمدلله
قمر : ابتسمت و حطت يدها ع لحيته حبيبي
امير : باس يدها من جوا يلي ع لحيته عيونه
قمر : شن كان شعورك اول ماشفتها
امير : ضحك بشويه و حك راسه تصدقي بكيت
قمر : ضحكت احلف
امير : و الله اول ماطلعوها صغييره و كاشه في روحها هكي ووجها كان ضاوي و قالولي انك كويسه و هيا كويسه حسيت روحي مالك الدنيا بيكن من فرحتي بكيت و الله
قمر : قعدت مبتسمه و عيونها مرقرقات معش نبي شي من دنيا غير ربي يحفظكم ليااا
امير : ان شاء الله ياقلبي و شروق قعدت تبكي
قمر : اكيد بترضع
امير : ابتسم رضعيها مانتحملش بكاها
قمر : ابتسمت و رفعتها اترضع فيها و امير يتفرج عليهن و مبتسم و مره مره يبوسهن
____________________________
حسام طلع للجنينه لقى شمس مقمعزه و تمسح في دموعها تنهد و مشى قمعز جنبها
حسام : ليش ديري هكي هوا سبوع و نجي
شمس : تمسح في دموعها و اذا ماجيتش
حسام : سكت
شمس : شوف سكتت انت مش حتفهم مش حتفهم و صبت تمشي
حسام : يمشي وراها باهي فهميني و بطلي الحركاات هذينا
شمس : برمت عليه مش حيكاات "حركاات" انتت بس تفهممش
حسام : فهميني باهي ياشمس خانوم
شمس : طبست خذت حيطه مانبيش نفهم و عزقتها فيه عددي ماانبيكش
حسام : جت ع صدره و حسها ااه يااغبيه
شمس : بحتت فيه بخوف
حسام : مسح ع لحيته شمس اجري
شمس : برمت تجري بخوف و حسام يجري وراهاا
حسام : مسك يدها و برمها طاحت هيا و هوا طااح فوقها
شمس : حست ضهرها لان جا ع الحيط ااه
حسام : رفع روحه شويا شنن يووجع فيك
شمس : حول من علياا دخلكش بيااا
حسام : ششممس
شمس : عيطت شمسييي شممسييي
حسام : هز راسه و خبط يده جنب راسها شمس و لا شمسي المهم اسمعي و افهمي
شمس : ربعت يديها مش فاهمه انت افهم
حسام : باهي فهميني هياا
شمس : عيونها دمعو و حول من عليا
حسام : شمسس
شمس : دموعها نزلن شمس شمس شمس خلاص بطل و انت تعيط علياا عليش تبيش تفهم اني مانقديش "نقدرش" نقعد بدونك حتى يوم وااحد ماانبيش انت تقعد مش ققاعد اانا ننخااف بدونك مانبيش نقعد بيوحي "بروحي"
حسام : مسح دموعها بس انتي مش بروحك معاك قمر و ياسمين و رغد و امير و .....
شمس : هزت راسها ب لالا كلهم بدونك و لا شي انت كل شي لياا انا
حسام : سكت و قعد يبحت فيها
شمس : دموعها ينزلن و برمت وجها و حسام قاعد فوقها و مسكر عليها
حسام : طبس باس دمعتها يلي نزلت عشان دموعك هذينا حنأجلها تمام
شمس : بحتت فيه
حسام : ابتسم و مش حنعدي الا بيك باهي
شمس : ضحكت بعيونها قبل فمها و رفعت روحها حضناته من رقبته
حسام : ضحك و طاح ع جنب و بعدين رقد ع ظهره و هيا قعدت فوقه
شمس : ضحكت و قعدت اتبوس في فمه انحبك انحبك
حسام : ضحك و حط يديه وراها احم صبي را يزرقو علينا
شمس : ضحكت هياا نخشو جوا
حسام : ابتسم بشويا هياا
صبت شمس من عليه و صبى حسام و رفعها من يدها ولف يده عليها
حسام : باس خشمها معش تبكي هكي باهي
شمس : لفت يديها ع خسره انت اقعد معايا و انا معش نبكي
حسام : قرص خشمها ياعيني ع اللسان
شمس : باست صدره بشويه انت علمتني
حسام : ضحك لا بجد معلمك اناا
كانو بيخشو لقو امير طالع
امير : ضحك شن صار
حسام : بحت في شمس خشي تو نجي
شمس هزت راسها و خشت
امير : اقنعاتك
حسام : طلع دخانه وولعه و نفخه مانتحملش بكاها و عارف لو سيبتها حيصير فيها شي
امير : متعلقه بيك واجد
حسام : ضحك بشويه و انا متعلق بيها الحق مانقدرش انسيبها ورايا و هيا هكي
امير : ابتسم ربي يخليكم لبعضكم
حسام : ان شاء الله شن في
امير : جايبلك الاخبار السمحه
حسام : ضحك قول شنو
امير : الاوضاع غادي هدن يعني نقدرو انردو
حسام : هدوء ماقبله العاصفه حيقلبو لبلاد بعد الهدوء هذا
امير : انا قلت انردو الفتره هذي انديرو الاوراق و بعدين نردو هنا
حسام : تبي الحق انا مفكر اني نرد اندير اوراقي و نبيع يلي عندي غادي و نستقر في تركيا اما ليبيا مع فيها استقرار و معيشه
امير : حتى انا فكرت هكي نردو نبيعو يلي عندنا و نديرو الاوراق و نهجو منها بكل خليهم لهم
حسام : خلاص نضم السفره سبوع الجاي و انا حنضم امور تركيا
امير : اوك تم
حسام : خليها بينا حاليا
امير : تمام
______________________________
بعد مرور اسبوع واحد
الكل كان ف طياره و رادين ل ليبياا
حسام الشي الوحيد السمح يلي رديت بيه ل ليبيا هياا شمس الحمدلله قدرت انها تطلع من يلي هياا فيه و ترد ع طبيعتها نذكر كيف جيت بيها تو كيف رديت بيها الحمدلله يارب صاح لحد الان مزالت تخاف اني نقرب عليها و انا مش حنقرب عليها الا برضاها لاكن اهم شي انها جنبي
امير و قمر الحمدلله ردينا ل ليبيا ب قطعه منه ب ثمره حبنا شروق و هذي احلا حاجه صارت معانا لما طلعنا من ليبيا و اهو توا ردينا و هيا معاناا
ياسمين مشيت من ليبيا و انا مكسوره لاني سيبت قطعه مني غاادي بس الحمدلله رديت و هوا معايا ابتسمت و التفت لاوره ف طياره كان ف الكرسي لي ورايا و مغمي وجيه منظره ضحكني عزقتله بوسه و رديت انبحت قدام خفت واحد من خوتي يشوفني
رغد طلعت من ليبيا بكل حزن و قهر و قلبي كان مكسور كنت انشوف في عمر يحب غيري و قلبي كان يتكسر لما يشوفه بس حمدلله رديت ل ليبيا و هوا ليا حتى و لو مايحبنيش لاكن اقل شي هوا ليااا بحتت فيه كان جنبي ابتسمت و مسكت يده و هوا ضغط عليها يطمن فيا بوجوده
___________________________
كان عشاء كبير يليق بحفيده آل**** و الكل علم بردتهم ل ليبيااا
كانو من اكبر ناس ف الدوله جو و حضرو العشااء و كل شي من احلا مايكوون
كانو دايرين ف المربوعه الكبيره بوفي مفتوح للكل و من كثر فرحه امير فتح مائده ف شارع للناس كلهم
حسام : خش للحوش و ينادي ع شمس
رغد : طلعتله ها شنو في حاجه ناقصه
حسام : لالاه جو تمام كلميلي شمس
رغد : هيا تو نشوفها لكي
خشت رغد و جا تلفون ل حسام حكى كلمتين و بعدين خش امير
امير : بحت في حسام شن في
حسام : بنصفي حسابي اليوم
امير : حسام واضح ان كمين ماتطلعش
حسام : مش حيصير شي جبان و خوااف
امير : ما لان خوااف حيجيك من تحت صدقني
حسام : ماتخفش فاطنله
امير : تنهد خوذ معاك رجااله باهي
حسام : و نطلع انا الجبان
امير : مش حيكون وحده هواا
حسام : و انا معايا ربي
امير : عليك راس مسكر فيك و خش و هوا معصب
شمس : سمعت كل شي بس خلت روحها عاديه قربت من حسام و مبتسمه حساامي
حسام : اميرتي شمسي تعالي رايفت عليك و كرها من يدها
شمس : باست خده حتى نااا
حسام : ابتسم و باس يديها من جوا ديري بالك من روحك باهي
شمس : عليش
حسام : شي انا طالع
شمس : ابتسمت ماطولش
حسام : ان شاء الله بنخش ناخذ حاجه من دار
شمس : ايقى "ارقى" صبايا في داي "دار" ضيوف
حسام : باس خدها و بعدين فمها هياا و رقى فوق
اما شمس عيونها تعبو دموع و مشت بسرعه خذت من دار رغد جاكه و وشاح و لبستهم
شمس : مش حنخليك تعدي بيوحك "بروحك" و مشت طلعت للقراج و ركبت في سياره من لاوره و حمدت ربي عشان مفتوحه و طمرت تحت ذكرت زمان ابتسمت بشويا و بعدين سمعت حسام ركب قلبها قعد يدق بقوه و خوف و حست بشي يلي دراته بس بعد ماتحرك حسام و ماقدرتش تطلع
___________________________
امير : طبس باس شروق و تنهد
قمر : حطت يدها ع شعره كنك حبيبي
امير : قمعز ع سرير و تنهد بقوه حساام
قمر : كنه
امير : ماشي يلبز وعارف ان خطر ع حياته
قمر : قصدك دارها
امير : هز راسه ب اها يلي قاهرني ماقاليش وين را لحقته و لا خلاني نلحقه
قمر : و ليش ماحطيت وراه رجاله
امير : دزيتهم لاكن عارف حيضيعهم
قمر : قربت حضناته الحافظ ربي و ماتخفش عليه هوا يعرف شن ادير
امير : حضنها ان شاء الله
____________________________
حسام : خش في مكان مقطوع و كان كلا تراب بس و خالي مافيهش اي شي ثااني
طفى ضي سيااره اما شاف سيراتهم و كان حيقرب منهم سمع صوت كحه عقد حواجبه و التفت وراه بسرعه
شمس كحت بالغلط و حطت يدها ع فمها رفعت عيونها و جن في عيون حساام
حسام غمض عيونه ببقوه و خبط يده ع دومان و علق سياره ع اعلى سرعه و فات من جنبه طيراان
دقيقه و قعدن سيراات يلحقن فيه و يطلقن في رصاص ع سيااره
شمس : عيطت و حطت يديها ع وذاانها
حسام : بصوت عااالي طبسسي جددد اممم راااسك ينعننن ***** شنن رككب ام******* السيااارره و يجري بسرعه و رصاص كسر القزاز سياره من لاوره
شمس : عيطتت بصوت عاالي و حطت يديها ع وذاانها ونزلت تحت
حسام خش في حاله قعد يعيط بصووت عالي شمس و يسوق ف سيااره باسرع مافيها ع عشوي و يطير بيهااا و كل همه شمس و خاايف لو يصير فيها شي او ياخذوها منه
قعد يسوق باسرع ماعنده و عروق يديه و رقبته طلعن و يحااول ان يضيعهم طلع ع طريق الرئيسيه و طار بسياااره لدرجه معش لحقو عليه و يلي يشوفه يقول مستحيل ينجى و حتنقلب بيه
مشى مساافه طويله و قعد يلتفت وراه مايلقش فيهم عرف ان معش قدرو يلحقو عليه ووقفت بيه السيااره
حسام : خبط يده بقوه نعن**** وقتك تواااا فتح بابه و سكره بقوته ع شويا و طار الباب نزل فتح من عند شمس و نار تطلع من عيونه ومايشوفش في شي مسكها بقوه من يدها و نزلها ضربها كف بكل قوته
شمس ماكنتش فااطنه لشي ممكن خشيت في حالتي من الخوف و صوت اليصاص "الرصاص" وعيت ع كف من حساام طحت تحت
حسام : ضربها كف بكل قوته عند ماطحت بس مزال ماسك يدها رفعها بيضربها للاخر طاحت بين يديه
حسام ...
ماقدرتش نحكي حرف وااحد نزلت من سياره و بدون اي كلام نزلتها و ضربتها بكل قوتي بنعبر على يلي عشته خوفي عليها و تفكيري ان يصير فيها شي حطيته كلا في كف واحد
حسيت برعشه في يديا و جسمي لما داخت بين يديا خفت ان تكون انصابت برصاصه او يصير فيها شي نزلت بيها و قعدت انفتش فيها كيف المجنون و خايف نلقى فيها اصااابه غمضت عيوني بقوه بعد مالقيتش فيها ششي طبست مسكت وجها بين يديا
حسام : شمسي شمسي افتحي عيونك بحتي انا اسف ع الكف افتحي عيونك بس و حسيت بدمعتي نزلت ع خدي
انا حمورابي نبكي اخر مره نذكر روحي اني نزلت دموعب فيها ع موت امي لالاه انا ماانيش نخسر شمس نفس ماخسرت امي رفعتها بين يديا و خفت اني نخش بيها للسياره يلحقوني و يلقونا
قعدت شايلها بين ييديا و نمشي بيها و مش عارف اي طريق حنمشي
مرت قريب سااعه و هيا بين يديا و مزاللت مافتحت عيونها و الخوف تسلل لقلبي خوف اني نفقد شمسي ونور حياتي
وقفت عند مكان و هوا عباره عن كم حوش ب سقف الزينقو و باين ان مهجورات او مافيهنش عرب خشيت لاول واحد قابلني و بين يديا شمس نزلتها ع الفراش و مشيت بسرعه ندور ع اي شي نوعيها بيه شفت قلالين معبيات اميه فهمت ان حوش زرااده
مشيت بسرعه خذيت واحد و يديا يرعشن قمعزت جنب شمس و حطيت في يدي اميه و بخيت ع وجها رمشت عيونها بس مافتحوش عبيت في يدي و رفعت راسها شويا و شربتهاا و بللت فمهاا شفتلها تحل في عيونها و تسكر و بدا جسمها يرعش كلاا
قعدت انبلل في ايديها و وجها و رقبتها عشان تهدا بعد ربع ساعه هكي هدت شويا و بدت تفتح ف عيونها
شمس ..
حسيت بميه ع وجي بس ماقديتش "قدرتش" نفتح عيوني نسمع في صوت حساام بس مش قاديه "قادره" نحلهن حسيت بحلقي انبل و بدى جسمي ييعش "يرعش" و بعدين حسيت بيديا و ويقبتي "ويقبتي" تبللن ايتخين "ارتخين" اعصابي شويا و قديت "قدرت" انحل عيوني بس مزال مش واضح شي عندي
و اخيرا شفت وجه حساامي قعدن دموعي ينزلن بقوه و صوتي بدا يطلع بشويه بشويه عند مابديت نبكي بصوت عاللي
حسام ..
اول مافتحت عيونها قعدت انراقب في حركتها وو كان جتني صدمه بس لما بكت بصوت عالي نضت ع روحي رفعتها و حضنتها بقوه و راسها ع صدري و هيا مسكت فيا بقوه اكثر غمضتت عيوني و انا نستشعر بوجودهاا
شمس : ببكاء و صوت عالي طلععني طللعني خلينا انيدو "انردو" للحوش
حسام : يبوس فيها راسها ووجها ااش حنطلعو حنتثل ب امير و نطلعوو نوعدك مش حيصر شي
شمس : معش قدرت تحكي من كثر البكي و الكلام معش قدرت اطلعه
_____________________________
ياسمين : مش عارفه خايفه عليهم و الحوش قاعد منقلب عليهم
ليث : معقوله بيطلع و هيا معاه اكيد ماشيين لمكان وحدهم
ياسمين : مش عارفه بس ممكن شمس راكبه بدون علمه لان حسام مستحيل ياخذها
ليث : كيف تركب بدون علمه
ياسمين : تنهدت انت ماتعرفش شمس دايرتها من قبل
ليث : باهي حبيبي شويا و نرد عليك
ياسمين : تمام
ليث سكر من ياسمين و بحت في مساعده شن صار
المساعد : رمو فيه في طريق ال****
ليث : ضنى ال**** و باهي مراته معاه
المساعد : مانعرفش و الله بس هوا هرب منهم
ليث : وتوا وين
المساعد : في ارضي عيت ال*****
ليث : صبى و خذا جاكته جيب الرجاله و الحقني
___________________________
حسام امصبي و يحاول يلقط بتلفونه بس للاسف الاشاره ضعيفه بكلل شاف لشمس يلي مقمعزه و ترعش و تاكل في يديها
حسام قرب من شمس و نزل يديها
حسام : ماتخفيش نوعدك حنطلعو
شمس : هزت راسها و ساكته دموعها بس ينزلن
حسام : شاف لخدها و كان اثر اصابعه وااضح بكل و متورمات حط يده عليهن
شمس : وخرت من الالم ااه
حسام : تنهد وومسح ع وجه و بعصبيه و صوت واطي شن جاااابك بسس شن جاابك
شمس : حطت يديها ع عيونها و قعدت تبكي و تشهق
حسام : تنهد و رفع شعره بعصبيه مسكها من يدها و حطها ع صدره و قعد حاضنها و ساكت يفكر
شمس : مسكت فيه بقوه و تبكي بخوف رفعت راسها فيه حساامي
حسام : نزل راسه بحت فيهااا
شمس : قمعزت ع ركابها قدامه و تحكي في كلام مقطع ومش مفهوم كل يلي فهمه انها خايفه
مسك وجها بين يديه بس بحذر عشان ماتحسش مكان الكف
حسام : شمس بحتي فيااا
شمس : رفعت عيونها فيه و فمها يرجف من الخوف
حساام : انتي وااثقه فس حسااام
شمس : هزت راسها ب اها
حسام : تاكيدي اني نعطيك روحي عشانن تطلعي انتي مااتخفيش اناا معااك مش حيصير عليك شي
شمس : قربت وجها اكثر فيه و مايفصلهمش الا شعره ااء اننا خخاايفه ععليك اانت
حسام : باس فمها بشويه و بعد حنطلعو صدقيني
شمس : غمضت عيونها عشان انفسه يضرب في وجها
حسام : رد باسها اخرى بس البوسه هذي كاانت اطوول
شمس لفت يديها ع رقبته و حسام خشش يده في شعرها و قربها اكثر منه و بيده لخرى فك بطم الجاكه و سلحها لها وخر شويا عشان تاخذ نفس و ابتسم بشويه ورد يبوس فيها اخرى وخر بيها و .............
____________________________
بعد فتره و بدا الضي يطلع و نسو حسام وشمس هما و وين و لا شن عاشو بسبب الليله الرومنسيه يلي في مكان غريب
حسام : ابتسم و اخيرا قعدتي مراتي بالقول و الفعل
شمس : تطمر في وجها في صدره بطل يا بايد "بارد"
حسام : يضحك و يحول في ايديها في وحده تقول لراجلها يا بايد
شمس : ضحكت معش تعايب عليا
حسام : ضحك مانعايبش ياغبيه انقلد فيك لان دوتك تهبللل و مسك فمها
شمس : ضحكت و حولت يده و بخوف حسام جد انا خايفه 🥺
حسام : ابتسم و مسك وجها يطمن فيها اشش مش حيصير شي و ضحك اذكري بس ان اول ليله لنا جت في مكان غريب و غمزلها
شمس : ضحكت و غطت عيونها ساامط
حسام : يضحك و لف عليها وكرها اخرى و قعد يبوس في وجها
شمس : مسكت في ظهره و عيونها دموع اوعدني نطلعو و نيدو "نردو" للحوش 🥺
حسام : اشش شن قلت نا وعد حنطلعوو و هاه شوفي الضي بدا يطلع
شمس : دموعها نزلن حتسيب الشي هذا كيف ماوعدتني
حسام : مسح دموعها و باس راسها وعدتك اني حنسيبه و رفع يدها و باس كفها مستحيل نخلي دموعك ينزلن
شمس : رفعت عيونها فيه انحبك حساام انت الي خليتي شمس جد بعد ماكنت مظلمه لما كان الناس كلهم يقولو عليا مييضه " مريضه " انت كنت غيي "غير" عليهم و حبيتي كيف ما انا و صبيت "وصبرت" عليا انت بابا و ماما و خويا و حبيبي و هلي كلهم و عيونها دمعن مانبيش نخسيك "نخسرك" انموت و الله بعدك
حسام : مسح دموعها عليش لبكااء خلاص اهو نجينا و نوعدك اندمهم على يلي عيشوه لكي الليله هذي
شمس : مسكت يده انت وعدتني تسيب
حسام : باس يديها و انا عند وعدي بس مستحيل نسامح يلي ياذي شعره وحده منك يابال الخوف يلي خلوك تعيشيه
شمس : حضناته بقوه بس انا مانبيش شي نبيك انت و جنبي و بس
حسام : باس راسها و انا ع طول معاك بس انا نبي شمس قويه مش ضعيفه هكي اميرتي انا تقعد قويه مش بكاايه و تخاف من الناس كلها
شمس : وانت معايا مانخفش من شي و باست جنب فمه بشويه
حسام : ابتسم شنو يافاره خاطرك في حاجه
شمس : ضحكت لالاه شكيا "شكرا"
حسام : ضحك ع شكيا هذي انا قعد خااطري ......
حسام : يلبس في شمس الجاكه و قعد يسكر فيها لها
شمس : مبتسمه نعيف "نعرف" نلبس
حسام : مبتسم انا هكي نبي ندلل اميرتي
شمس : قربت امممم حتى انا و قعدت تسكر في بطم السوريه
حسام : حط يده ع خسرها و قربها منه امم انتي حلي بس و غمزلها
شمس : ضحكت و سقمت السوريه انلاا هيا نعدو خايفه انا هنا
حسام : باهي هيا جيبي التلفون انشوفه يلقط او لا
شمس : طبست مدتله التلفون و لفت يديها ع خصره
حسام : حط يده و را ظهرها و قربها منه و قعد يحاول يتصل ع امير و بعد جهد الخط لقط و اخيرا
شمس : بفرحه لقط
حسام : اها ، ايوه الووو تسمع فيا الوو امير ع طريق ال***** في**** كان سمعتني الووو و سكر الخط
شمس : شنو جاي
حسام : كان سمعني ان شاء الله و مسك وجها اششش ماتخافيش انا هنا
شمس : ابتسمت و هزت راسها ب به
حسام : فطن لحد من الروشن عقد حواجبه كر شمس جنب الروشن
شمس : بخوف شن في
حسام : اششش و طلع سلاحه و سحبه رد يشوف مع الروشن و كانو اربعه وحدين يبرمو ع الحوش نعن****** ضنى ال****
شمس : دموعها نزلن حح حساام
حسام : قرب عليا شمس ركزي معايا مش وقت بكااء توا
شمس : تبكي و مسكت فيه
حسام : شمس بحتي فيا صبي كنك
شمس : كرعيها معش قدرت تصبي عليهن ببكاء ممعش قدديت "قدرت" نننصبي
حسام : مسك خسرها بقوه بحتي فياا و بعصبيه شمسسس بحتتتي
شمس : عيونها دموع بحتت فيه
حسام : يصير مايصير مااتطلعيش الا بيا و لا ب امير فاهمه
شمس : هزت راسها ب لالا مااتعديش لالاه
حسام : اسس تعالي خشي هنا
شمس : تبكي و تهز في راسها ب لالا
حسام : خشيي
شمس : خشت فالدولاب و تبكي
حسام : تنهد و قرب منها باس فمها حنحبك حتى و لو خذو روحي
شمس : حطت يدها ع فمها و زادت تبكي
حسام غطاها ب امخاد و سكر الدولاب مشى جهت الباب و فتحه بشويا و جا في وجه واحد ضربه ب رصاصه بين عيوني
و لما سمعو صوت الرصاص هجمو بسرعه ع حسام و كانو اكثر من واحد ، و اكثر من رصاصه اخترقت جسم حسام
حسام حط يده ع كتفه لما جاته اول رصاصه و مالحقش ياخذ نفس جاته الثانيه في بطنه و الثالثه و الرابعه
شمس : حطت يد ع قلبها و يد ع فمها و دموعها ينزلن
____________________________
بسرعه ماتحول لمكان لبركت دم
وصل ليث و يلي معااه و بدت الرماايه
اما حسام غمض عيونه وقعد طاايح تحت
بعد وقت قدر ليث يقتل الكل و مشى بسرعه لحساام طبس عليه يشوف فيه و تلمس صدره وابتسم
ليث : ابتسم لما لمس الدرع ع صدر حسام و هز حسام من كتفه حسام حسام
حسام : فتح عيونه بصعوبه لان الدرع ثقيل و جت فيه اكثر من رصاصه
ليث : مد يده و صبااه حمدلله ع سلاامتك يا حمورابي
حسام : استغرب من يلي انقذه الارهابي ليث انقذ حساام طول عمرهم مش في طريق بعضهم حط يده ع صدره بالم و سلح السوريه و الدرع و قعد في تي شرت اسود بس كان بيرد ع ليث تفاجأ بشمس يلي طلعت من المكان وجت ب اتجاها تجريي
شمس غمضت عيونها ووحطت يديها ع وذانها و هيا تردد ب اسم واحد حسامي حساامي بعد سمعت صوت الرصاص وقف فتحت الدولاب بقوه عند ما طاحت صبت و كرعيها مش شايلتها طلعت من الباب و هيا مش مصدقه تشوف احساام مصبي و مافيه شيه
لقت كرعيها يجرن جهته و ارتمت بكل قوتها في حضنه و حسام لف عليها و رفعهااا
ليث شير ل رجالته يبعدوو و بعد سيبهم وحدهم
مافصلش الحضن هذا الا صوت سياارات امير حاوطن المكاان
بعد ساعتين
حسام : سكر باب السياره ع شمس بعد ماحطها ف سيااره و هيا مش قادره تمشي او تحرك حاجه في جسمها التفت ع امير و ليث يلي حكو قرب منهم و مد يده ل ليث
حسام : ب ابتساامه جميلك كبير مش حننسااه
ليث : ابتسم وشرفت بمعرفتك
___________________________
بعد مرور سنه كاامله و تحديدا في تركيااا
كانن هنا ثنين مقمعزات و متوتراتت وحده حالها اشر من الاخرى
قمر : رقت و ماسكه شروق في يدها احم عريسك بيخش
رغد : انا و لاياسمين
قمر : عمر الاول تعالي يا ياسمين خشي للدار هذي
ياسمين : ابتسمت هياا
صبت ياسمين و خش عمر ع اغنيه و اخيرا جي اليوم وابقى معاه لتامر حسني اختارتها رغد
عمر : ابتسم و رفع طرحتها و باس ع راسها و مسك يديها يلي يرعشن و بصوت هادي توا نقدر نقولها انحبككك انحببككك يارغد
رغد : ابتسمت بشويا و توتر مسيطر عليها انمووت فييك
صورو مع بعض و قصو تورتتهم بس مارقصوش عشان ليث مش متحمل و بيخش 😂🤦♀️ شويا و خذا عمر عروسته و هيا دقايق خش ليث
ع اغنيه حبي الاول اختارتها ياسمين برضوو
ليث : رفع الطرحه و بااس ع فمهااا طول بدون مقدماات و القاعه انقلبت عيااط
ياسمين : يامجنون شن دررت
ليث : ضحك هرمنا من هذه اللحظه مش شوري بحد
ياسمين : اصبر يا غبي
ليث : اسس مافيش صبر خوتك محمطووني هيا بنطلعو
ياسمين : وصور و التورته
ليث : صور ع الباب و تورته ف الشقه غير هيا مسكها من يدها و قعد ينزل فيهااا
شمس : قمعزت وعاضه ع يدها من الالم و حاطه يدها ع بطنها ااه معش انتحمل
سعيده : طبست عليها حي عليك بتجيبي
شمس : تبكي كلمولي حساامي نبي حساامي ااااااه ااااااااه
سعيده : هيا هيااا
عمتهم : تو نكلمه طلعت تجري كلمت حساام و هياا خمس دقايق خش حساام يجري
حساام : قرب من شمس ششن في كنك تعيطي
شمس : بيبي يبي يجيي اااييي ااااااه
حسام : نعن **** بوه البيبي يلي يخليك توجعي هكي
عمته : بلا هباال مش وقتك شيل البنت
حسام : عبايتها زف
سعيده : تلبس فيها هياا هياااا
رفعها حساام و شمس في عيطه وحده
_______________________
ف سيااره
شمس : عيطت نززل اااه نزززل
حسام : برم عليها شنو نزل شنووو
عمته : خليك في سوااقتك
شمس : ااااااه والله نزلللل ااااه
عمته : شافتها و انفجتت نزللل العيللل نزللل
سعيده : طلعيه و اقطعي سرته بحااجه بسررعه
شمس : قعدت تعيطو تعصر في ايديها و كان نص البيبي نازل او شبه نزل
اخر شي طلعااته عمتها و مالقوش شي يقطعوه بيه السره الا موس بخوسه من حساام اخر شي سمعت عيطت البيبي و اغمى عليها شمس
_______________________
حسام : ابتسم وقرب من شمس اميرتي
شمس : بدت تفتح في عيونه و بصوت تعبان حساامي البيبي
حسام : ضحك كويس كويس بو سيارات و موس البخوسه
شمس : ضحكت و بعدين قعدت تبكي
حسام : بسم الله كنك
شمس : وااعيه "وااعره"
حسام : قرب بااس رااسها خلاص مش حتحملي اخرى اشش
شمس : 🥺 ماتبي انت
حسام : بصوت هادي ني رااحتك اناا
شمس : حضناته و بصوت هادي اننحبك حساامي
حسام : باس راسها انموت فيكك
النهاااااااااااااااايه ❤❤
________________________
مش حنحكي وااجد لان حكيت واجد ف روايه هذي
بس مختصر الموضوع
ان الانساان يلي يحب حيحبك بعيوبك مهما كاانت كيف ما حسام حب شمس
و ان يلي يحب مش حيستسلم و حيدعي ربي عند مايتحقق زي رغد
و ان يلي يحب القلب مش العين نفس ياسمين رغم انها ماشفتش ليث بس حبااته
و ان يلي يحب حيدير المستحيل و يضحي زي قمر و امير
الحب مش كلمه وبس الحب احساس يخترق القلب اول شي و بعدين يبدا ايتفرع ف باقي الاعضاء
انحبكنننن كلكن كل يلي حبيتن شمس مظلمه اوبس قصدي شمس منوره لان معش تمت مظلمه ويلي ماحبيتنهش نحبككككن
مانبي اي ملصصق نبي رااي ف رواايه و بسس ❤❤❤
للكاتبه ' #ثريا_حسن_حمو