فوق جمرات الأنتقام

مشهد

#بقلم ايزابيل
#مشهد
#فوق جمرات الأنتقام،( باللهجه العراقيه)
..
كان دائما يحب الاستماع للأغاني الغزليه..
ولم افكر يوماً قط اني انا المقصوده...

انطفئ بصري وحين ما لاح الضوء عيني لم ارائ سو قلبكَ شرح لي مدى حزنه وهو يترجاني لرؤيه حروف اسمي تترجم نبضاتك..
..
ليتني استطيع تغيرر الماضي لما اخترت طريقك
وهجعت بعيداً عن جمرات انتقامك او لا بأس قد  اقدم لكَ شكري على طبق من ذهب فقد  اراني انتقامك الـ نور الذي اعاد ترتيب حياتي...
..
في ضلك اميره وتحت جناحك انثى وبين همساتك حبيبه وفي بعدك احد من خنجرك..
...
               البدايه : بقلم ايزابيل
..
دخلت ورجليه تتراطم بس اريد الوح الشيخ واتمسك بذراعه فتحت الي الباب وكالت فوتي هناك كاعد اول ما دخلت لفحت بخشمي رائحه بخور قويه

رغم اشوف خيال المكان بياض بس كدرت المحه
كاعد والوقار مبين علي ضليت ارمش اكثر من مره دائما ماما تكول الي الشيوخ صدر ديوان وكلهم جبروت بس مجنت متخيله هيج من شافني كام وكف على حيله ولف عباته جوا ايده وبفزع
: خير نشاءلله منين المحروسه..

فورا ركضت تجاهه وكعت جوا رجليه وابجي بشهكه
: شيخ فدوه الكلبك اعتبرني بنتك انه بذمتك دخيله عندك خلصني منهم راح يذبحوني...

جان يكلي :كوومي بنتي كومي خير نشاءلله..

مسحت وجهي بقوا وكمت اجيت اوكع بس لزمني من ذراعي وكلت بشهكه
: كالو الي روحي للشيخ فالح ال ثابت هو يحل مشكلتج ويحميج بس كولي اله انه دخيله عندك
اعتبرني مثل بنتك شيخ ابوس ايدك ماريد انقتل

لزمني من اكتافي وكعدني بالكاع على الديوان وكعد بصفي تنهد وصاح واحد كال اول اشربي فنجان كهوه والباقي ينحل بأذن الله..

مسحت دموعي بردان عباتي الي تحول لونهه من اسود الى رمادي من كد التراب صبلي كوب كهوه..
واخذته بأصابيع ترجف شربت شويه بس بللت شفايفي الي تجرحت وتفطرت من كد ما نشف ريكي  ورجعته كال

: احجيلي شبيج بويه انت بنت وادم وناس واهلج معروفين ماتطلع منهم العيبه ليش اجيتي بهاي حالتج، وتكليلي دخيله عندك..

ضميت شهكتي بصدري وبديت احجيله كلشي بأختصار لحد ما وصلت لهذا اليوم، جان فورا يحط ايده على صدره ويكول بحزم
: اخذي امانج انت بهذا شاربي ونشاء لله التردينه يجرالج
..
مشهد 2

صحت بوجهه
: شكو شتريد شنو هسه كمت تحبني وتريدني اذكرك ششوفتني من اذيه وشلون دست عليه وما رفلك جفن..

صاح: انه ما احب اتصرف وي النسوان بطريقه تقلل شأنهن بس والنبي محمد انت تشترين المذله شاريه وتذكرين  عتيكه بس من اطنكر بوجهج تصيحين احبك وانت ماتقدر..

حرت وحتاريت وياج من يوم الي نكتبتي بأسمي وانه النار ما طفت بيه..

غمضت عيوني بملل حسيت بشيء حاد يتخلى على ركبتي فتحت عيوني مفزوعه مخلي خنجره على ركبتي ويباوع الي بأجرام..

رفع طرف حاجبه وكال
: مادام اختاريتي هذا الطريق تأكدي انه وانت مابينه غير  هذا الخنجر الحاد وما اتقربلج الى اذا ردت اجرح نفسي وبذاك الوقت افكر اذا تستاهلين اعبرلج بدمي..يتبع
..
هلاوو

شخباركم كلكم ضيفو القصه للمكتبه يله😃
ورا قاع المرجان بأذن الله ابدي بيهه فديتكم عود لا تنسون التاكات وها مو مكررره وراح تنصدمون من تقروهه..

اول مره اجرب هيج نوع من القصص ونشاء الله افلح بي..

ونشاء الله لاحقا انشر الكم الموعد بس لا تستعجلون عليهه لان اول وتالي اكتبهه يعني حتى لو طولت عادي لتستغربون 😍😍

صوتو ع الاحلى 👆
..
وبالنسبه للأسم فهو قابل للتغير...
انطوني رئيكم منو احلا

_فوق جمرات الانتقام
_وخزت ضمير

🖤🖤🖤🖤🖤
ايزابيل