اتجاهلني بعد وياي ثگل الدم
لاتنطي مجال اصعب وكابر هم
ضبط سوي روحك عود مامهتم
والله تحبني حب بس الله بي يعلم
تراقب من بعد گلبك عليه ايلوب
جرأة ال بالگلب لو تنتقل للفم
جا كلمة احبك جزت ذاك الصوب
والاطرش سمعها واجه كلك تم
من اگعد اگبالك تلتفت ليغاد
مو يم القضيه وانته رب اليم
اسولف ويه غيرك احس بيك اتموت
فص عينك طلع ما اعرف اشدردم
احجي ابصوت عالي شدردمت لتخاف
من المنضغط متوقع اشبع ذم
دايخ بيه دايخ هسه شموازيك
فضها وگول احبك شلك بهل هم
يعجبك شكلي صوتي اوگفتي اوممشاي
وحافضني حفض تندلني وين انشم
ترة الدنيه گصيرة والسنين اخفاف
من تتبدة منك بعد ماتلتم.
لارا،،ضليت بالغرفه دموعي مايسكتن
خسررته اي هلمرره خسرته بغبااائي
سنتين وهو يحااول يرجعني واني افرح من اشوفه يذل روحه الخاطرري استتاهل اليجرالي كله من ايدي
ادثرت بالفراش غطيت حتئ راسي كاتمه صوت شهگاتي
احاجي عيوني اگلهن دخيلجن بطلن بجي لاتفضحني گدامه اكيد اذا شافني عيوني ورامه هسه يگول ضاجت لو انقهرت عليه
صارت دنيه المغرب كلش واني علئ نفس نومتي ماطلعت
انفتح الباب حسيت اكو خطوات اتقدمت ب اتجاهي
انرفع الغطه سويت روحي مغمضه
سمعته صوت فاطمه
فاطمه،،لارا لاراا اكعدي مايصلح نوم المغرب امي تصيحلج جوة
لارا،،جاوبت واني مغمضه سويت روحي نايمه گتلها
شويه وانزل نعسانه كلش
عافتني طلعت وسدت الباب
عدلت كعدتي وگمت صارت گدامي مرايه
باوعت الروحي عزاااا شصاير بعيوني حمر منفوخات
وخشمي وارم احمر من البجي
لميت شعري لفيته وشمرت حجاب علئ راسي
نزلت يمهم عمتي تصلي بالصاله
رحت للحمام غسلت وجهي ورجعت للمطبخ اساعد فاطمه
باوعتلي انصدمت
فاطمه،،يااا ولج شبيهن عيونج وارمه?
لارا،،جاوبتها واني اشرب ماي گتلها وارمات من النوم
فاطمه،،اي هم صدگ وارمات من النوم
احجي عليمن باجيه?
لارا،،ضحكت ب استهزاء وعليمن ابجي?
ومنو يسوة دموعي
راهب،،لايبوي محد يسوة دموعج حضرة الاميرة
لارا،،فززني صوته وراي
اتجاهلت كلامه ردت اعبر رفعت راسي صارت عيني بعينه
عبرته ورحت يم الحجيه اخذت السجادة ودخلت غرفتها صليت وطلعت لگيتهم مادين السفرة
مااكلت شي وياهو الينتبه لعيوني يسالني اشبيهن واجاوبهم كنت نايمه مايدرون اليگلي شبيج اطگها بجيه بوجها
كملنه عشه وفاطمه جابت الجاي كلها تسولف وتضحك واني بالي مويمهم ابد افكر بعرسه من يزفو الوحدة ثانيه ويوم عرسهم ومن ينقفل عليهم باب واحد
بسرعه اختنگت صدري ضاگ ونفسي كذالك
گتله محمد اني حروح امدد فوگ بغرفة فاطمه لان مالي خلگ
من شاف وضعي سالني اخذت علاج گتله اخذت بس راسي يوجعني وحصعد انام
هذا الحجي كله راهب موجود عينه علينه يباوع من جوة لجوة
مااهتميت تركتهم وصعدت للغرفه سديت الباب ورجعت اتمددت
كل تفكيري صار بيوم عرسه شراح يلبس شراح يحجي وياها
راح يحبها مثل ماحبني
اني الضيعته من ايدي وهي الربحت
هي الراح اتنام بحضنه
وهي الراح تگعد الصبح وتشوف وجها كبالها
صرت ابجي مااگدر اسكت موبيدي
للساعه 12بليل دخلت فاطمه
درت وجهي للحايط وواتغطيت حتئ ماتشوفني
ندستني من متني اتگعدني
كتلها نعسانه اريد انام
فاطمه، ،اگعدي احجي وياج
لارا، فطومه الله يخليج اتركيني راسي حينفجر
فاطمه،،بس اكعدي احاجيج اشبيج
لارا،،دفعت الغطه وكعدت
شافت دموعي سالتني هم بعدج تنكرين ماباجيه
جاوبتها وبشنو يفيدن دموعي بعد
فاطمه،،ليش
لارا،،مايفيدن وخلص
فاطمه،،صح مايفيدن شگد ذل روحه الج حاول راد بس جنتي قافله مستمتعه بشوفته ينذل الخاطرج
لتبجين بعد ماضيعتي من ايدج
لارا،،هزيت راسي مااگدر احجي رجعت خليت راسي ع المخدة نزلن دموعي صدگ بشنو يفيدني البجي بعد ماراح
فاطمه طلعت شويه ورجعت
وگفت يم الكنتور تبدل ثوبها
فاطمه،،لارا فدوة اريد ابدل بس انزلي شوفي الطباخ يمكن نسيته معتلگ سويت جاي لمحمد ونسيته
بس انزلي شوفي
لارا،،گمت علئ كيف لزمتني دوخه لان اهواي بجيت
فتحت الباب وطلعت
صارت غرفته گدامي خنگتني العبرة
هاي الغرفه راح يجيب وحدة غيري بيها
ردت اعبر انفتح الباب وطلع راهب
ردت اعبرة ماحسيت غير انسحبت ايدي بقوة
دخلني للغرفه وسد الباب دفعني صار ظهري ع الباب حاصرني بجسمه
احس گلبي يريد يطلع من مكانه انفاسي اتعالت واني اشوفه اشلون مدنگ المستواي وجهي بوجها مايفصلنه شي
رجف جسمي ورجليه صارن يرعشن گوة حاملاتني
عطرة اتغلغل الروحي حاولت ماابجي ولاتنزل دمعتي بس رغم عني عيوني تعاندني وگعت دمعه مني
رفع اصبعه مسحها همس بصوت ناصي
راهب،،موماترديني ?
جا ليش تبجين?
لارا،م ماابجي و وعليمن ابجي وخر عني
راهب،،موقبل مانحل كلشي لان تعبببت
لارا،،منين ت تعبت مو راح تتزوج
حجيتها والغصه انجمعت بحنجرتي
راهب،،ليش عيوني تشوف غيرج حتئ اتزوج وحدة ثانيه?
لارا،،بقيت صافنه بوجها مامفتهمه كلامه
گتله شنو مافهمت?
راهب،،صارت ونه بروحي اريد بس يوم تفتهمين وتريحيني وللللج احبببج
اشلون اخذ غيررج وگلبي عندج
ولج اني مولاراا الي رغم حبها الي فكرت تروح الواحد ثاني
احبج الج وحدج كلج من ساسج الراسج عاشگج عشگ وعاشگ كلشي بيج
لارا،،دموعي تجري بس اضحك بنفس الوقت مامصدكه
گتله يعني ماتتزوج?
راهب،،الطم?
اگلها اعشكج اتگلي تتزوج
ولج بابا اني لو اخذج الج لو مااخذ فهمتي لوبعدة دماغج محجرر ?
لارا،،شمرت روحي بحضنه بادلني حضنتي بقوة كنه واحد يريد يدخل الثاني النص گلبه بحيث حسيت رجليه موبالگاع رفعني ودفن خشمه برگبتي
اني مااعرف من الفرحه ابجي لو اضحك بس حاضنته بقوة مااريد اتركه
ابتعد مني وهو لامني الصدرة
راهب،،وولج طرگاعتي واخيرا جبت نتيجه وياج
لارا،،يعني انته وفاطمه اتضحكون عليه
راهب،،فديت الذكيه ولج والله عبالي قبل معجونه بدهن الغباء بس الحمدالله طلعتي بيج امل
لارا،،ضحكت گتله واني مصدكه وگالبتها مناحه
راهب،،،مواتگولين منو يسوة دموعي?
لارا،،احضني
حجيتها مامصدكه ولامستوعبه رجعلي
نزلني وكور وجهي بيدة بلحظه سحب راسي يبوس بگصتي
احس روحي بحلم مااريد اصحه منه
سحب ايدي واخذني للسرير گعد وگعدني بصفه
راهب،،وهسه ست لارا طلعه منا ماكو اذا مانحل كلشي مااطلعين
لارا،،راد يحجي اندگ الباب علئ كيف صاح فوتي
دخلت فاطمه علئ وجها علامه استفهمام من شافتنه كاعدين
فاطمه،،شكو اشبيكم ?
راهب،،مابينه شي اختي الذيبه طلعتي علئ اخوج جبناها بنص الليل ههههه
فاطمه،،خفت اتموت الابنيه بسببنه
لارا،،بسيطه ناصبين عليه ?
راهب،،ياالله فطوم اتوكلي واخذي الباب بيدج
فاطمه،،اي عيني مو صرتو دهن ودبس بيش حگه فاطمه
راهب،،هههه دطلعي يمعودة خليني اشوف دربي
لارا،،طلعت فاطمه وهو مبتسم
التفتلي
راهب،،اي وين وصلنه?
لارا،،دنگت رفع وجهي بيدة
راهب،،احبج وعلي وابو الحسنين احبببج وحگ العباس امووت علئ ربج
لارا،،ضحكت بخجل لميت شعري ورة اذني ومدنكه
سحب راسي الصدرة
صرت اسمع دگات گلبه احسهن مثل دگات گلبي مومنتظمة دكاتها تركص فرح
باس راسي وبعدني عن حضنه
راهب،،ترة وداعتج خطر سريع الاشتعال لاتخليني اصخم وجه اخوتج بيج الليله
لارا،،هههه
راهب،،تضحك الفاهيه واني مشعول سلفه سلفاي
اسمعي ولج اماطل بعد ماكو
باجر اروح وياكم البغداد واطلبج من اخوتج كون قبل لاافتح حلكي اتكولين موافقه
لارا،،صدك ضحكت من بين دموعي كتله لاباالله
راهب،،اي والله لان بعد مااصبر يكفي راح يصير ثلث سنين مشعول شعل من وراج
گليلي هسه شيصبرني منا ااباجر?
لارا،،ليش?
راهب،،مامصدگ اجيبج الحضني مشتاقلج ومشتاق احط راسي بحضنج وانام براحه
لارا،،خليت ايدي علئ حلكه امنعه باس بطن ايدي رجف جسمي بنغزة اشواربه ودفو انفاسه
بعدتها بسرعه كتله كافي لتحجي شي حطلع
راهب،،اليوم راح اكض روحي گوة بس وربج بعد مااتحمل هذا حدي ويه الصبر مااصدك ترجعين
لارا،،نهضت سحب ايدي راد يگعدني گتله لا فدوة خليني اطلع
راهب،،ااخ الله ولج مااريد اطلعين وتاخذين روحي وياج فرحان بيج والله
بس شسوي صبرت كل هاي السنين مااصبر ليله وحدة?
لارا،،اتمشيت اريد اطلع اسمعه يجر حسرات
لازم يذبله حجايه لان راهب مايتغير
گال
راهب،،نذر ناذر بيوم العرس اذا جبتج اجهز مونه وغذائيه مال شهر اترس بيهن الغرفه حتئ مااطلع اضل مگابلج وگاعد احرگ عشيرتج علئ لوعة گلبي
لارا،،ردت اطلع ردمت الباب من الفشله وهو خربان ضحك بصوت ناصي
نهض اتقدم بااتجاهي فتح الباب گال اطلعي بويه اريدج سالمه من اخذج موتجيني امفشخه
لارا،،طلعت وهو سد الباب مبتسم بقيت واگفه مااندل اروح للغرفه لان تيهت كلشي من فرحتي
انفتح باب غرفة فاطمه رحت بسرعه سادة حلگي بيدي
هي سدة الباب واني صرت اگمز فرحانه
فاطمه،،هههه خبال
لارا،،مامصدگه فااطمه مامصدگه
فاطمه،،والله انتي الطولتي السالفه لو راجعه من زمان جان هسه عدكم اثنين جهال
لارا،،بيومها الفرحه البداخلي ماخلتني انام ولاتغمض عيني
ثاني يوم الصبح نهضت بكل نشاط والبسمه مرسومه علئ وجهي بين لحظة ولحظة ابتسم بدون وعي من اذكر كلامه
فاطمه جهزت الريوگ وجهزت نفسها حتئ يرحون يكملون تحاليل الزواج
رفعت راسي. صارت عيني بعينه غمزلي اتخردلت ابتسم
صبح علينه وراح يغسل شويه ورجع شعرة مبلل ومخربط زايدة وسامه رموشه مبلله
الخاولي بيدة ينشف وجها
كل شويه يباوعلي ويبتسم لو يغمز ومحمد گدامه مامنتبه عايش بعالمه صافن علئ فطومه
سمعنه صوت الحجيه
الحجيه،،يمه اتريگو راح اطير النعمه
لارا،،متاكدة فاطمه حجتلها لان اتراضينه لذالك جانت منتبها علينه وقصفتنه راهب دار وجهه گوة كاتم ضحكته مايريد محمد ينتبه
وفاطمه صارت طماطايه من الخجل امها قصفت الكل
شويه وراهب صعد بدل لبس. الزي مال الدوام
راح وياهم قبل مايطلع التفتلي
راهب،،الاسبوع الجاي عقدنه مال المحكمه
لارا،،ابتسمت والحجيه تتمضحك علئ ابنها لان سمعته
هو رااح وهي استلمتني تعاتبني علئ قبل لان مارجعت وصارت تحجيلي عن حب راهب
فعلا احس حبه نادر بهذا وكتنه رغم كلشي صار بس ماتركني
لوواحد غيرة كان من زمان استسلم وشاف حياته
بس هو رغم كلشي ضل متمسك بيه
گمت كلي نشاط ماادري الفرحه هيج تسوي بالشخص
نهضت اخذت مواعين الريوگ غسلتهن ورتبت الصاله كلشي نظيف بس الهي روحي اريد الوكت يخلص اشتاقيتله من هسه
للظهر ياالله رجعو الحجيه اتلكتهم بالجكليت اطش علئ روسهم
راهب كالها حتئ اني يمه طشي فوك راسي
محمد مافهم كلامه بس باوعلي وغمز
عمتتي اطش علئ راهب وتهلهل فرحانه من شافته فرحان ويضحك
اتغدينه ورجعنه البغداد الطريق كله افكر بكلامه وبالصار البارحه
رجعنه للبيت ماحجيت ل امي عن اي شي استحيت
ثاني يوم الصبح فاجئنه بجيته هو وعمتي وفاطمه
گمت اردم ردم مامحضرة نفسي ماعبالي يجون من الصبح
بسرعه رتبت وجهي ولبست دشداشة مرتبه خليت حجابي علئ راسي ونزلت يمهم
دخلت سلمت عينه عليه وصلت يمه ماسلمت بس ابتسمت ردت احرگ روحه من جان مايسلم عليه حبيت اردها اله
خزرني مبين ضاج امي طارت من الفرح هي واخواني بجية راهب وعمتي وفطومه
رافد طلع وصاح المرته وصاحلي گال حضرن الجاي رايح اجيب گيمر وكاهي خل نتريگ كلنه سوة
والله مامصدگ جزت الغيمه السودة وانتها الحقد بيناتنه
طلع رافد الدمعه بعينه اخوي ماجان قابل علئ تصرفات امي وابوي بس ماكان باليد حيله يبقون امنه وابونه مانگدر نخالفهم
رحت ويه سجئ جهزنه كلشي بين مايجي رافد
موبايلي ع الميز سمعت صوت رساله دازلي
راهب،،ليش ماسلمتي?
لارا،،ضحكت كتبتله حتئ يوصلك احساسي من كنت تتجاهلني من دون اهلي مااتسلم عليه
راهب،هاا يعني بعدج ادورين ثارات?
شوفي راح اطلع لبرة ثواني الگاج گدامي مااقبل اذا مابوسه
لارا،،عاااا والله لو امووت
راهب،،مشكلتج هاي راح اطلع
لارا،،فعلا شفته طلع بالممر بيدة جگارة والسويج يريد يطلع يخلي سيارته بالفي عن الشمس
باوعتله من الشباك شافني ابتسم وعض شفته سوالي حركه بمعنئ بسيطه
ضحكت وسديت البردة فززني صوت سجئ
سجئ،،اي عمي غزل وكذا
لارا،،ههههه لاتجيبين اسم غزل ترة هسه اطنكر مجرد اسمها يضوجني
سجئ،،فديت الغيرة لعد اذا هيج اتحبي واتغارين ماترجعيله يحضي??
لارا،،اتقربت يمها كتلها هو جاي يرجعني ضحكت بسرعه
سجئ،،گولي والله??
ياااي حناخذ اخته وننطيج اله روحي وياه هسه لومنج اروح بذني اهدومي
لارا،،هههههه لازم كارهتني
سجئ،،لاوالله ضايجه منج لان تعبتي الرجال صار شگد يحاول وياج وانتي مطنگرة
اكو نسوان تتمنئ زلمها تحبها مثل ميحبج راهب
بس الله ينطي جوز للماعندة اسنون
لارا،،ضحكت گتلها راح اتصكيني بعين
سجئ،،لا ولج بس والله راهب مبين يحبج ومستقتل عليج اكو يتمنن هيج حب وانتي دافرة نعمتج
لارا،،دنحجي ودخل رافد جايب الريوگ
اخذته منه سجئ خلته بالمواعين
دزلي رساله
راهب،،انهزمي ماضل شي واطلع القضه والمضئ منج
دزيتله ايموجي يضحك مطلع السانة
راهب،،اله اشلعه الج بسيطه
لارا،،شنو
راهب،،السانج
لارا،،لازم يشمرة كلمه يخليني اتراجف سديته ورحت يمهم كلنه التمينه ع الريوگ يحجي ويه رافد وعينه مني
بعدها كملو الريوگ شفت الحجيه تريد تحجي طفرت من مكاني خجلانه
باوعتله ابتسم
طلعت خجلانه رحت ختلت بالمطبخ اسمعهم يحجون بالموضوع انمغصت معدتي
شويه واجت سجئ گالت رافد يصيحلج عرفت يريد ياخذ راي انوب رجليه ثگلن استحي من اخوتي
رحت يمهم مدنگه
وكفت بالباب صاحتلي عمتي اروح اگعد يمها
كعدت فتحو الموضوع گدامي صرت اختض من الفشله رافد سالني اذا موافقه ارجع الراهب
ردت احجي بس الكلمه واگفه بزردومي
رجع سالني ماجاوبت رفعت راسي اجت عيني بعينه
وجها احمر مبين ضاج لان ماجاي انطيهم الجواب
الحجيه،،ها عمه احجي ترة ابني. راح ينجلط
لارا،،،كلهم ضحكو لان مبينين حتئ اهلي يردون نرجع
م موافقه حجيتها گوة تنسمع گمت طگيتها ركضه طلعت اسمع صوت ضحكاتهم اتعالت
وراهب يگل لمحمد
راهب،،جيبلي ماي بارد بعد اخوك اختك حرگت روحي
واكفه بالمطبخ اهفي علئ وجهي من المستحه اجت سجئ التفتت منا ومنا من شافت ماكو احد كامت اتهز جتف وتهوس بدون صوت خربت ضحك عليها جرتني باستني وباركتلي
صاحولي مارحت لان خجلانه بعدها رادو يرجعون للنجف شگد لح محمد ورافد حتئ يتغدون بس راهب گالهم اريد اخذ الحجيه ازورها موسئ ابن جعفر قاضي الحاجات عليه السلام واهناك نتغدة ونرجع للنجف
عمتي اتفقت بعد اربع ايام عقد سيد
لان راهب مستعجل يريد العرس بسرعه
همه راحو ومحمد جرني باسني هو ورافد فرحانين الفرحي
امي خطيه الدمعه بعينها احتضنها بجت رافد باس راسها ومحمد يبوس بيدها واني خليت راسي بحضنها زرفت گلوبنا من گالت
سعاد،،ريت مهند ويانه هسه
لارا،،صدگ قهرتنه اخوي المات وهو بعز شبابه حتئ اطفاله انحرمنه منهم صح يوميه نتصل صوت وصورة بيهم بس يبقون بعيدين عن العين
مومثل مايمك تبوسهم وتحضنهم
گوة سكتنه امي خلص اليوم واني مامصدكه
والضحكه مافارگت شفايفي
الساعه ب11بليل اجتني رساله منه
راهب،،يدوخت راسي گاعدة??
لارا،،الضحكه شگت حلكي كتله اني دوخت راسك??
راهب،،ولوعة گلبي وقهر روحي انتي
بس احبببج
تدرين منظرج اليوم وانتي خجلانه مجاي يطلع من بالي
لو يمي اوحدنه اتفنن بيج اتفنن
لارا،،رااااهب
راهب،،دگات گلبه ونضر عينه الراهب
اسمعي هاي الاغنيه وياي احسها عليج
ثواني ودزلي اغنية محمود التركي
يدوخة راسي انتي
واحلى دوخة راس
يتتتبع
يسعد مسائكم غوالي ادري وعدتكم ابارت طويل بس اكو منكم رادو بارتين حتئ يستمتعون بالاحداث لذالك سويتهن بارتين
بارت النهايه دااكتب بي حاليا وبي اهواي احداث اذا كمل انشرة بليل واذا ماكمل باجر انشرة
كثفو تصويت وتعليقات حتئ يصيرلي واهس انشرة من وكت دللوني 😂
اسمعو الاغنيه وياهم 😊