#شمس_مظلمه 🌼
#الحلقه 15
وصلو للمستشفى و كل حد ماحكش مع الثاني و نزلو شمس قربت بسرعه من حسام و مسكت ذراعه و خشت فيه
حسام : ابتسم بشويا و خشو للقسم و قمعزو يراجو في دورهم شويا و نادو عليهم و خشو مع بعضهم طبعا 🤦♀️
الدكتور : ابتسم اهلا
شمس : ردت بصوت واطي خير
حسام : يتكم في قهرته من الدكتور احم سلام عليكم
الدكتور : و عليكم السلام و بحت في شمس شن كيف الحال يا اميره
حسام : رفع حاجبه كويسه و اسمها شمس
الدكتور : فهم غيرت حسام و تجاهل الامر امم ممكن تفضلي قمعزي و تقدر تقمعز يا سيد حسام
حسام : تنهد بنفخ و عدا قمعز بعيد شويا
شمس : قمعزت و هيا خايفه و متحشمه
الدكتور : كم عمرك يا شمس
شمس : ابتسمت و شيرت بيديها دارت عشره و بعدين دارت سبعه و هيا تعد في اصابعها تاكد
الدكتور : ابتسملها يعني 17
شمس : هزت راسها ب اها
الدكتور : ابتسم و مينو
شمس : بصوت واطي عندش عمي "عمر" هوا وليدي وبس
الدكتور : ابتسم ع دوتها حلوه حرف الراء عندك
شمس : بحتت في و ضحكت
الدكتور : امم حتى انا شكلي بنقعد نحكي هكي عجبتني الياء ممكن تعلميني يا اميره كيف تحكي هكي
شمس : هزت كتوفها بيوحها نعيفش "بروحها نعرفش" نا
الدكتور : ضحك حنحاول انتعلمها امم وتوا شنو اكثر شي تحبيه
شمس : بدون اي تفكير بحتت في حسام و شيرت عليه
حسام كان مقمعز و كان من حاطه ع نار يغلي غلي بس بعد قالت هكي ابتسم لا إراديا
الدكتو : ابتسم و ليش تحبيه اكثر واحد
شمس : هزت كتوفها و شيرت ع قلبها هناا يحبهه واااجد و عبست نفس العويل الصغار بس هوا زعلان مني
الدكتور : طبس ع المكتب و بصوت واطي تو نخليه يسامحك
شمس : ضحكت و صفقت بيديها هييي انت طيب و سمح
الدكتور : ابتسم عليها
اما حسام ع شويا كان حيصبي و يكسر سنون يلي يبتسملها و يكمل ع فمها يلي يحكي ع الدكتور بس قعد ساكت و يبحت ببرود عكس البركان يلي جواه
الدكتور : امم باهي شن تحكيلي ياشمس
شمس : هزت راسها بمعنى شنو
الدكتور : ابتسم قالولي ان شمس ماتحبش تحكي مع الناس و ان هيا ماتخاف تطلع صاح و لا هما غلطانين
شمس : تورت و قعدت تحك في يديها ع بعضهم ءء اها
الدكتور : ابتسم و بحت في مينو شوفي مينو يحكي عادي
شمس : بطفوليه لاه مايحكيش مينو حتى معايا
الدكتور : لا يحكي هوا مش خواف
شمس : مدت فمها و انا مش خوافه
الدكتور : توسعت ابتسامته باهي ليش ماتحكيش مع الناس
شمس : تحكي بعصبيه طفوليه لان هما شينين يقولو عليا مييضه "مريضه" و انا مش مييضه "مريضه" انا نفهم و نعيف "نعرف" و هما يضيبو "يضربو" فيا و انا مانحبش نحكي مع الشييين "الشريرين"
الدكتور : ابتسم وطبس يكتب و بعدين رفع راسه فيها انا شرير
شمس : هزت راسها ب لالاه انت طييب و سمح بكللل
حسام يستخدم في اخر ضره صبر عنده 🤦♀️🙂
للكاتبه #wiush_hamo
الدكتور : ضحك باهي في نااس كيفي طيبين و سماح
شمس : بحتت فيه فيش
الدكتور : لا في وحتى وااجد بكل بس انتي تخافي هكي و ماتقربيش منهم مش حتعرفيهم
شمس : هزت راسها ب لالا و كشرت انا نبي حساامي بس و سكتت و بعدين قالت حتى قمي "قمر" و مينو و سكتت و حتى انت
الدكتور : ابتسم اسمي طاهر
شمس : طاهي "طاهر"
الدكتور : امم باهي و ماما و بابا
شمس : نبيهم بس هما شينين عدو و سيبوني
الدكتور : بس هما يحبوك
شمس : غمضت عيونها و ضغطت ع مينو بقوه ببابا ييضيب "يضرب" ففياا ببس ااناا ننحبه
الدكتور : شمس افتحي عيونك
شمس : هزت راسها ب لالا وحطت يديها ع عيونها و تنفس بقوه
حسام كان يراقب بهدوء بس لما شمس حكت هكي كان يبي يصبي و يحضنها لان عارف ان هيا توا خايفه و تبيه بس الدكتور شيرله ان يقمهز
الدكتور : خلاص كملنا مش حنحكو اليوم
شمس : بصوت واطي و حاطه يديها ع عيونها حساامي
دكتور شير لحسام يقرب منها و حسام قرب منها
حسام : قرب و و طبس قدامها مسك يدها و باس كفها انا هنا
شمس : فتحت عيونها بخوف و تجمعو في عيونها دموع 🥺 و ضغطت ع يدين حسام بقوه و بصوت واطي هوا مش شييي "شرير" لييش عداا
حسام : تنهد و حط يده ع خدها اشش خلاص مصار شي
شمس : بنفس الصوت تعديش
حسام : اهو قاعد معاك و رد باس يدها و صبى و صباها معاه
الدكتور : كان يبحت فيهم بصمت و عرف تاثير حسام ع شمس و ان هوا ملجأها الوحيد صبى من ع الكرسي و قرب منهم و ابتسم لشمس انكملو بكرا تمام
شمس : هزت راسها ب به وقربت وشوشتله نخلوه حسام يسامحني
الدكتور : ضحك و بنفس وشوشتها اكيده حنخلو حسام يسامحك
شمس : ضحكت و بعفويه اننحبك
حسام لا عاد قعدت ذره صبر و لا حتى ربع ذره ضغط ع يد شمس بقوه و فنص فيها
الدكتور : متعود ع الحالات يلي كيف شمس ان يتعلقو بيه خصوصا ان عقلها عقل اطفال بس مش متعود ع ناس نفس غيرت حسام يغار من مجرد علاج رغم تعلق شمس بيه ماحبش يبين و ابتسم لشمس
شمس : حست يدها من حسام بس تجاهلته و باست يدها و حطتها ع خد الدكتور 🤦♀️ شكيا "شكرا"
و قبل ماحتى يرد الدكتور لقت حسام يكر فيها من يدها و طالع بيها من المستشفى
الدكتور : هز راسه مريض غيره
_________________________________
ياسمين : جت بترد عليها وصلتها رساله ع تلفونها فتحتها و انصدمت كانت رساله مسنجر و شافت من صوره الكوره ان هوا استاذ عمار
فتحت المحادثه لقت دازلها سلام عليكم
ياسمين : و عليكم السلام
عمار : ياسمين آل ال***
ياسمين : يب انا
عمار : اكيد عرفتيني
ياسمين : استاذ عمار
عمار : ابتسم و دزلها حابب نخش ف الموضوع طول بدون لف و لا دوران
ياسمين : ب استغراب تفضل
عمار : لو تقبلي اني نخطبك ح ندز هلي الخميس هذا
ياسمين : مره و ثنين و عشره نقرا ف الرساله و مش مصدقه تي كان يكرهني للنخاع توا كيف يبي يخطبني شن صاير يا ناس
عمار : بعد ماردتش عليه اسفه اذا ازعجتك
ياسمين : معش عرفت ترد سكرت النت و هيا تبحت ف الرساله و مش مصدقه و جا في بالها المجهول طول
عمار : تنهد ب يأس اما شافها غير نشط
_________________________
حسام : عزق شمس بقوه ف الكرسي و سكر الباب
شمس : مسكت يدها ب الم و غمضت عيونها بقوه خايفه من الوحش يلي معاها لان ماكنش حسام ابدا
حسام : ركب السياره و قعد يخبط ع الدومان بقوه جددد اصلللك تعاادني انتييي و لااا شنوووو اااه رددييي رددي
شمس : حطت يديها ع وجها و لصقت ف الباب بخوف
حسام : مسك يدها ردييي ع د**** نحككي معاااك مننبهك مااتحبييش حدد منببههك و لااا لااا فوتت لقصير و فوتت التضبيط لاكن هذي مش حتفوت يااشمس انااا نوريك
شمس : قعدت تبكي و خايفه من يلي حيديره فيها
حسام : دفها بقوه حساابك ف الحوش اصبري بسسس و قعد يسوق بسرعه و مره مره يضرب يده وبقوه نحبك قالت انا نوريك الحب شكلاا
وصلو للحوش و شمس نزلت بسرعه خايفه منه تبي تحتمي باي حد
للكاتبه #wiush_hamo
____________________________
امير : مسك يد قمر وقفها قمر وقفي
قمر : بحتت فيه امير و الله ماصبينا حكينا هوا جا يبي يحكي انا صديته لان لان هووا
امير : مسك وجها اشش واثق فيك ماتحكيش
قمر : ابتسمت ب امان عشان ثقه امير فيها
امير : بس مانبيهش التكرر اللقطه حبيبي باهي عشان ماتنحطيش في موقف بايخ كيف هذا
قمر : هزت راسها ب به و تنهدت مافهمتش عليش رغد حكت هكي
امير : هبله فوتيها
قمر : جت بتحكي انفتح الباب و خشت شمس بسرعه و وراها حسام
حسام : بعصبيه شمس تعااالي هناا نحكي معاك
شمس : تبكي مانبيش نحكي معااك نكييهك "نكرهك" اناا هوااا احسنن منك نحبه هوااا
حسام : قرب منها بسرعه و رفع يده بعصبيه
امير : مسك يده و جا قدام شمس حساام ضرب لاااا
قمر : مسكت شمس شمس ضربك شن دارلك
شمس : عيطت و حطت يديها ع وجها و تبكي لاااا لاااا مااتضيبنيش "ماتضربنيش" لاااا
قمر : مسكتها اسس مافيش حد ضااربك و بحتت في حسام بعصبيه مايبيش يضربك
حسام : قعد فتره و هوا يبحت في شمس كيف ترجف و تبكي منه و محتميه ب قمر و امير منه سكر يده بعصبيه و طلع و ضرب الباب بقوه وراه
شمس : انتفضت من الباب و عيطت
قمر : حضنتها اشش ماافيش شي اهو اناا معااك
امير : قعد يبحت في شمس و يبحت ف الباب في خوه يلي طلع هكي تنهد خشيها جواا
قمر : هزت راسها و مسكت شمس و خشت معاها و خششتها في دارها
______________________________
ف اليل
حسام ....
بعد ساعات متواصله و انا نهلك في روحي ف الملاكمه فشيت كل غضبي ف الملاكمه ف الحقيقه ان غضبي ماكنش من شمس كان من روحي و من غيرتي المجنونه عليها لدرجه وصلتها لهنا و كيف غيرتي عمتني و خلتني نرفع يدي ع شمسي و اميرتي اكيد كارهتني توا نفس ما قالت اكيد معش تحبني و تخاف مني و تنهدت ب حزن بعدك هيا خوافه و ما تأمنش في حد الا انا و اهو خليتها تخسر الامان يلي تحس بيه معايا
من بعد وفات امي ماحسيتش ب شعور هذا الا توا حسيت روحي اني خسرت شمس و حسيت ان هموم الدنيا كلهن فوقي كلما نذكر دموعها و خوفها مني و لا لما خشت في روحها خافت من اني نمد يدي عليها زدت عصبيتي وقعدت نلكم فالي قدامي بكل قوتي وقفت بعد فتره و تنفست بقوه شفت ليديا دم تنهدت و مسحت العرق يلي ع وجي
مستحيل نخليك حتى ولو كرهتيني و خفتي مني طلعت من غادي و بسرعه جنونيه لقيت روحي قدام الحوش غمضت عيوني و تنهدت و نزلت شفت امير
حسام : هز راسه شن صار
امير : مصار شي من مشيتك و هيا تبكي و توا سكتت ف دار معاها قمر
حسام : قعد ساكت و يتنفس بقوه
امير : حط يده ع كتف حسام مش حيصير عليها شي يومين و تنسى
حسام : هز راسه شمس مش هكي هيا تفهم و عارفه اني جيت بنمد يدي عليها مش حتنسى بسهوله هذي
امير : شن صار عشان جيت بتضربها
حسام : مسح بيديه ع وجه فوت و رقى فوق
امير تنهد : غبي فاش غله في ايديه
_________________________
حسام خش دار دش و لبست تي شرت اسود مع سروال توته رصاصي و مشالها فتح الدار بشويه كان يتوقع انها راقده وقمر معاها بس كانت مقمعزه ع السرير و لما شافته كشت في روحها
حسام : تنهد و خش و سكر الباب بهدوء و قرب منها
شمس : وخرت بيديها لاوره و خايفه منه
حسام : مسك كرعيها و قربها منها و حط راسه على صدرها و لف يديه ع خسرها و قعد راقد عليها
شمس : قلبها قعد يدق بقوه و سرعه مافهمتش شن يلي يدير في حسام طول عمرها هيا يلي ترقد عنده و ع صدره توا هوا راقد عندها و فوق هذا كلها ترعش منه و خايفه
اما حسام كان في عالم ثاني و كان حس راحته هنا و كان عيل صغير ورقد في حضن امه
حسام : مغمض عيونه مسك يده و حس برعشتها باس كفها بوسه هاديه و طويله وحطها ع راسه و يحكي ومغمض عيونه تحت تاثيرها حركي يدك في شعري
شمس : حطت يدها ع شعره و قعدت تحرك في يدها في شعره و تحس بقلبها يبي يطلع و يدها الاخرى ماسكها حسام
حسام : يحكي و مغمض عيونه تكرهيني
شمس : هزت راسها ب لالا لان فعلا حتى لما عصب عليها و قبل ضربها هيا مكرهاتش بس خافت منه لان زعلاته
حسام : ماحسش بيها ان هزت راسها ب لالا و لما ماسمعش جاوبها يحسابها خايفه منه و ماتبيش اتقول كرهاته تنهد بالم و سكت زاد ضغط ع خسرها وغمض عيونه بقوه وهوا يشم في بنتها
شمس : حست بضغطته بس سكتت و قعدت تكتم في عبرتها
و قعدو ع الوضع هذا محد حكى
للكاتبه #wiush_hamo
___________________________
قمر : نزلت بتجيب اميه ل شمس لقت امير ف صاله و يغير في ماليته قربت بشويه منه بدون مايفطنلها و باست ظهره
امير : برم عليها و ابتسم و ماسك الماليه في يده و من فوق مش لابس شي قرب عليها
قمر : ابتسمت و قربت منه و بصوت هادي نحبك
امير : ابتسم و كرها بقوه طيحها ع الكنبه و جا هوا فوقها و اناا عاشق لكي
قمر : ابتسمت و بصوت واطي امير صبي يجي حد
امير : طبس باسها بشويه ع عضمه كتفها و بصوت هادي حلالي محد دخلا
قمر : ابتسمت و حطت يديها ع رقبته حلالك في دارنا او مكان ملكنا هكي عيب يخش علينا حد
امير : غمزلها مالا عليش تلعبي يافاره
قمر : غمضت عيونها بعد انحرجت ووجها قعد حمر احمم بست بوسه بريئه ل راجلي انت قلبتها
امير : ابتسم عليها و طبس باس خشمها و بعدين فمها ووخر حتى هذينا بريئات
قمر : مغمضه عيونها باهي صبي
امير : ابتسم عليها و صبى و قعد يلبس في ماليته
قمر : تنهدت و قمعزت سقمت دبشها و شعرها
امير : قمعز جنبها شنو حسام عند شمس
قمر : عقدت حواجبها وينه انا ماشفتش را يخوفها و صبت بتمشي
امير : مسك يدها و قمعزها اهدي و انتي ولعتي مش حيديرلها شي كان شفتي حالته اكيد حيراضيها
قمر : بس شمس خايفه منه هوا جا يبي يضربها
امير : بس هوا مش قاصد يضرها لحضه غضب جت مش حيديرلها شي توا
قمر : تنهدت نبي نعدي نطمن عليها و نجي
امير : باس راسها شوفيها بس خليهم تمام
قمر : هزت راسها تمام
صبت قمر و رقت فوق فتحت الباب بشويه وشافت وضعيت حسام و شمس كانت شمس راقده و حسام راقد ع صدرها ابتسمت عليها و سكرت الباب بشويه و نزلت لامير
امير : هزلها راسه شنو
قمر : و هيا مبتسمه شكلي بنرقد معاك هنا
امير : ضحك شن صار
قمر : مرقدين في دارنا
امير : قتلك حيصالحها
قمر : هزت راسها وسعلي
امير : ضحك من عيوني غير تعالي
قمر : ضحكت منحرف و جت خشت معاها و هوا ضمها لاه حي كان ينوضو و يلقونا هكي
امير : اولا مراتي ثاني شي معدل المنبه بدري تو نوعيك
قمر : ضحكت احسن
امير : غمضلها عيونها غمضي بلا ثرثره
قمر : حضناته و غمضت عيونها
_______________________________
اليوم الثاني
حسام فتح عيونه ع ضي الشمس و ابتسم لما شاف روحه وين قاعد رقد بدون وعي و شاف شمس حاطه راسها ع ساس و راقده مقمعزه نزلها بشويه و قعد يتامل فيها وفي ملامحها مشى يده ع شعرها و نزل بيده ع عيونها الحمر من البكاء و بعدين خشمها و فمها
تنهد و قال بصوت هادي .. شن درتي فياا بس كيف خليتيني مجنون بيك لدرجه هذي وطبس باسها بشويه ع خدها وبصوت هادي عند وذنها حنبعد عليك عشان تاخذي راحتك مني و حيكون هذا عقابي ع رفعت يدي عليك بس سامحيني ع هذي و طبس ع رقبتها قعد يبوس فيها عند ماسيب علامته وابتسم ملكيتي غطاها و مسح ع شعرها و صبى طلع
اما شمس كانت راقده تقول ميته ماحست بشي 🤦♀️💔
_______________________________
شمس فتحت عيونها بعد فتره ع صوت قمر توعي فيها فتحت عيونها و قمعزت بسرعه دور ع حسام
شمس : ووين حسامي
قمر : قمعزت جنبها شموسه حسام طلع توا
شمس : لالاه هوا كان قاعد ماعدش و سيبني
قمر : حضنتها اشش ماسيبكش هوا عدا للشغل بس
شمس : امتى يجي
قمر : بعدين حيجي مش حيطول تمام
شمس : هزت راسها ببه و سكتت
قمر : ابتسمت صبي خشي للحمام و بعدين ننزلو نفطرو تحت ف جنينه شن رايك
شمس : ابتسمت بشويه به
قمر : تو نجيبلك دبش خشي دوشي هن
شمس : هزت راسها ب لالا تو نعدي للداي "للدار" انا توا نعيف "نعرف" نلبس بيوحي "بروحي"
قمر : ابتسمت عليها باهي تمام نراجي فيكي تحت تمام
شمس : هزت راسها ببه و طلعن
_____________________________
ياسمين ماسكه النقال زي الهبله و هيا مش عارفه شن ترد ع دكتور عمار مش لان تحبه لالاه بس هيا خايفه تعلق روحها ف المجهول و يطلع وهم و كذب فقط و هكي تخسر استاذ عمار ك زوج لان كان حلم كل بنت استاذ و متعلم و شخصيه و جمال تنهدت و ماقدرتذ تفتح نت عشان مايطلعلش نشط
فطرت شويا و بعدين سحبت روحها بشويه و مشت للدار طلعت البخاخ و ابتسمت لما شمت بنت العطر دساته في دبشها و نزلت بشويه و مشت ورا الحوش
لقاته كاتبلها " تعبت عشان خليت الحراس مايحسوش بيا هذا كلا عشانك انحبك ياخيالي و واقعي " رد
ابتسمت و كتبتله "و انا مانبيكش تتعب التعب هذا كلا هذا رقمي و نبي نعرفك ك انسان حقيقي مش خيال و كتبت رقمها " و كتبت رد
كتبتها و هيا خايفه بس كانت ضروري تبادر هيا و دير خطوه جريئه عشان تعرف اذا هوا وهم او لا
للكاتبه #wiush_hamo
__________________________
شمس كانت تبي تطلع مع قمر جا واحد من الحراس بسرعه و سكر عليها الباب
قمر : عقدت حواجبها شن دير انت
الحارس : اسف مدام قمر بس اوامر استاذ حسام ان مدام شمس ممنوع تطلع حتى للجنينه
قمر : عقدت حواجبها و ليش ان شاء الله حول من وجي كذا
الحارس : معلش ماديرلش مشاكل مع استاذ حسام
قمر : ياربي و بحتت في شمس شنو المتخلف يلي طيحك فيه ربي مش صالحتو
شمس : هزت كتوفها ب مش عارفه و هيا زعلانه ع لقطه حسام ان حبسها رسمي
قمر : اسمع ان مقدره ان هذا شغلك بس هيا مش ملك حسام عشان يحبسها هيا اختي انا نبي نطلعها تطلع غصب عن الكل و ياريت تقول الكلام هذا للاستاذ متاعك فاهم و دفاته و كرت شمس من يدها بس بسرعه ما جو ثنين اخرى و سكرو عليهن
قمر : بعصبيه شن تحساابو روااحكم انتو ااه و قربت من الحارس و ضرابته كف رد باالك تفكر توقف قدامي
الحارس : مدام انتي بتطلعي اطلعي بس مدام شمس لا
قمر : رفعت كمامها بتهجم عليه 🤦♀️
شمس : مسكت يدها و هزتلها راسها ب لالا و عيونها دموع خشت بروحها جوا و خشت وراها قمر
قمر : خزي المتخلف شن يحساب روحه يحبسك اناا نوريه وينه البلا خذت تلفونها و قعدت اترن ع حسام
ياسمين : خشت من برا و طمرت البخاخه احم كنكن شن في
قمر : الحقير خوك مايبيش يخلي شمس تطلع حيواان مايبش يرد حطت ع رقم امير و اتصلت بيه
ياسمين : قربت من شمس شموسه انتي كويسه
شمس : رقت تجري فوق وعزقت روحها ع السرير و قعدت تبكي
قمر : ايوه تمير قول لخوك المتخلف ليش سكر ع شمس ااه
امير : عليش سكر عليها
قمر : شوف خوك الغبي حاط الحراس ماخلوهاش تطلع
امير : مش جنبي هوا تو نشوفه
قمر : ورد عليها قاعده تبكي
امير : اوك تم
قمر سكرت من امير و تنهدت ع اختها اما ياسمين انسحبت بشويه و رقت مع البخاخه و خيالها مع المجهول
عمر : قرب من قمر احمم قمر
قمر : جت بتمشي
عمر : مسك يدها قمر استني اسمعي قبل
قمر : فكت يدها بقوه مافيش شي نسمعه خلاص انا طلعتك من حياتي لان مانحبش الكذابين و انت عاارف كيف نكرهم حتى ولو ماكنش عندك دخل انت كذبت عليا و ماقتليش و تشوف فيا قدامك كيف ننحرق و اعتقد انا توا متزوجه من ولد خالك مانبيش نكبر الموضوع و ندير قصه بس معش تصبيني هكي لان انت شفت امس شن صار كنت مجرد صديق و انتهى الموضوع و جت بتمشي بس وقفتها كلمت عمر يلي كانت عارفتها بس ماعمرهاش سمعته منه
عمر : حبيتك حبيتك من قلبي انا ماضريتكش حتى لما كنتي تبكي ع كتفي عشان راجل اخرى ساندتك و دافعت عليه عشان نبرد نار قلبك برغم من ان قلبي كان يحترق و صاح انا غلطت لما سكتت و هكي شاركتهن في كذبتهن بس مش ذنبي الشي هذا الانانيه في كل انسان و انا كان خاطري تكونلي معاك فرصه لاكن الواضح ان مافيش و لاحتكون و ربي يهنيك مع ولد خالي ماكنتش نبيك تردي معايا نفس الاول بس ع الاقل افهميني لانك انتي مجربه الحب و ناره كيفي و برم طلع بدون مايعرف ردها
قمر : كانت معطيته بظهرها و تسمع فيه و لما طلع تنهدت و مسحت دمعتها يلي نزلت على صديق طفولتها و الانسان يلي صبى معاها في اصعب اوقاتها كان من اقرب ناسها بس معروفه الطعنه ماتجيك الا من اقرب النتس لقبلك رقت فوق و هيا تحاول تبعد افكارها عن عمر
اما الطرف الثالث يلي احترق معاهم هيا رغد يلي شافت كل شي من الاول و من بينهم شافت حب عمر لقمر من عيونه
______________________________
امير : صبى عند حسام قاعده تبكي
حسام : تنهد و سكت
امير : بدل ماتراضيها تزيد فيها
حسام : هيا بروحها غلطت
امير : حسام البنت مريضه يعني مش بعقلها عشان تحسابها
حسام : بعصبيه كيف حنفهمها لكم شمس مشش مريضضه مش مريضه و مانبش حد يقول عليها هكي
امير : تنهد باهي تمام مش مريضه بس ماتجيش هكي
حسام : خذا جاكته انا نعرف مصلحتها و طلع
حسام كان يبي يحاسبها ع غلطها ب بعده و حبسها و يحاسب روحه ببعدها عليه ( و انا قعدت بين بعدك و بعدها و القصه الحزينه هذي 🤦♀️💔😂)
شمس قعدت تراجي في حساام ماجش عند ماخذاها النوم
حسام خش للدار لقاها هدوء شاف لشمس يلي راقده ع السرير ب العرض ابتسم بشويه ع شكلها كيف راقده و قرب منها باس وجها خدودها و خشمها و جبهتها و طبس ع فمها باسها اكثر من مره وكان يملا في شوقه منها و ابتسم لما شاف علامته ع رقبتها رفعها بهدوء وحطها كويس ع السرير و غطاها خش دار دش و رقد جنبها و كرها لاه و غمض عيونه و رقد
اليوم الثاني ناضت شمس لقاته مش قاعد تنهدت بنفخ و خشت للحمام
مشى اليوم هكي لا شمس شافت حسام و لا حسام شاف شمس و مر اسبوع ع الكل
شمس ماتشوفش في حسام بكل و قاعده في حبس حتى للجنينه ماتطلعش مكملتها بكاء و زعل عشان مرايفه ع حسام
اما حسام كان يتعمد يطلع الصبح بدري عشان ماتشوفش و يروح الليل متاخر يقعد يبوس فيها و يطفي في ريافه بس بدون ماتفطنلى و برضو مع هذا كلا كان مرايف عليها و ع هرجتها و كلامها معاه و حركاته الطفوليه اما بالنسبه للعلاج معش شالها هيا جلسه وحده بس فااتت عليها
اما قمر و امير عايشين عاشقين و حب و رومنسيه في بعضهم و عمر قاللهم ان مسافر التركيا و عدا
خلا وراه قلب مكسور عشانه و حقدت ع قمر لانها السبب و طبعا الشخص هذا هيا رغد
اما ياسمين فقدت الامل بعد ان ماردش عليها من اخر مره كتبت فيها رقمها و حست انها فعلا في دوامه كبيره و كذبه و وهم و خيال فقط و بغاء و تسرع وافقت ع عمار يلي قاللها ان هوا وهله في تونس و حيجي يخطبها من غادي بس يلي ثار شكها ان هوا شن جابه معقوله عمار المجهول و بدت تربط ف الاحداث ان اول ماحكت مشكلتها هوا سحب شكوته ضدها و تحسن معاها و ان لحقها لهنا و كانت مقرره تواجها لما يجي لمقابلتها
للكاتبه #wiush_hamo
______________________________
شمس : كانت منقهره عشان حسام سيبها او هيا تحساب ان سيبها و معش يبيها ف قررت تسكر راسها و تطلع غصب عنه و بما ان الباب ممنوع ف الروشن حل سمح مشت للصاله كانو مقمعزين و بعدين قعدت ادور ف المطبخ يلي تحت كان مشبك و الرواشن لديار و الباقي كذلك رقت بسرعه لدارهم و شافت مع البلكونه لقاته عالي نفخت ب يأس بس بسرعه مافكرت في خطتها الطفوليه
شمس : تربط ف الفوطات عادي حتى ف الرسوم يديرو هكي انا نبي نطلع نبي نعدي لحسامي ربطتهن و مشت للبلكوني و ربطتهن فيه و بحتت ب خوف تحت و بعدين تشجعت لما شافت انهن يوصلن للارض مسكت الفوطه و جت بتنزل هوب انفكن بيها و طااحت
بعد فتره فتحت عيونها و لقت روحها ف الدار و كلهم فوق راسها حط يدها ع جبتها لقت حاطين لصقه عليها
شمس : تبحت بينهم تبي حسام و دموعها ينزلن
قمر : حطت يدها ع مكان الخبطه شمس شن يوجع فيك
شمس : قعدت تبكي لانها تبي حسام و خايفه منه لما يعلم و زعلانه لان سيبها خالطه عندها
قمر : اسس تو يجي و مكملتش كلمتها الا حسام خاش بسرعه انسحبن البنات من الدار و حسام مصبي عند الباب يبحت في شمس
شمس : صبت بخوف ووخرت منه و دموعها ينزلن خافت ان يضربها
حسام : سكر الباب بهدوء و قرب منها
شمس : وخرت منه و خايفه
حسام : فقد اخر ذره عنده و قرب منها بسرعه حضنها بقوه
شمس : قعدت تبكي و دف فيه عدي نبكيش انت سيبتني عديي
حسام : اشش رد بالك احكي هكي شمس خليني هادي معااك
شمس : تبكي انتت سيبتني خليتني وحدي نبي نعدي لماما انا
حسام : زاد ضغط عليها شمس اسسس رفعها و مشى بيها حطها ع السرير بشويه و هيا تبكي بالعبره سلح جاكته و قمعز جنبها و حطها ع يده تعالي
شمس : تبكي حساام انا نحبك معش تعدي نبيكش تعدي انا اسفه
حسام : اشش تعالي قربها منها و قعد يحكي عند وذنها معش ديري هكي و تخليني نعصب عليك شمس انا مانبيكش تشوفي الجانب هذا مني يلي نقولك عليها لا يعني لا شوفي توا قبل ضريتي روحك را ساكت بس لانك طحتي و الا ..
شمس : خشت فيه بسرعه و زادت تبكي وتشهق ماافيش عقااب خلاص انا اسفه معش ندييها "نديرها" بس تعاقبنيش و تعيط عليا و تضيبني "تضربني" انناا ننخاف مننك
حسام : تنهد و هوا يمسح ع شعرها ليش ديري هكي تخلي فيا نخوف فيك و مسك يدها يبي يرفعها
شمس : شهقت بالهم تتوجع فيا
حسام : اكيد لويتيها باسها بشويه وقعد يحرك فيها
شمس : بحتت فيه و عيونها دموع اانت مش حتعدي صااح
حسام : بحت فيها
شمس : تشهق بالعبره ننبيءءك اانءءت حسااءمي
حسام : طبس باس فمها بشويه تمام قاعد اسكتي معش تبكي بس
شمس : قربت باست حنكه و لحيته بشويه اانا اننحبك انت وبس
حسام : مسك ضحكته عليها كيف تراضي فيه و تكسري في كلامي و ديري فالي يقهر
شمس : حطت يديها ع حواجبه ورختهن وبصوت طفولي ديرش هكي تخوف انت هكي
حسام : لف يديه عليها باسها و ابتسم اميرتي انا مانخوفش فيك بس مانبيكش تغلطي عشان مانزعلش منك
شمس : هزت راسها ب به و حطت يديها في شعره و قعدت تلعب بيه
حسام : ابتسم عجباتك
شمس : ضحكت بشويه سمحه بكلل
حسام : ابتسم عليها مافيش شي يوجع فيك
شمس : حركت راسها ب لالا
حسام : قرص خشمها غبيه
____________________________
مرن كم يوم و جا اليوم يلي جو فيه هل عمار يخطبو في ياسمين و نفس الوقت مقابله
تنهدت ياسمين ب ياس ع ان يتصل بيها و يزيل الشكوك يلي في راسها و ان مايطلعش عمار بس للاسف ماتصلش خذت سفرت القهوه و مشت للمربوعه و مصممه ع انها تواجه عمار
دقت ياسمين الباب بشويه و قالت سلام عليكم
عمار : وعليكم السلام
امير : خشي
ياسمين : خشت بهدوء وقدمت ع امير و عمار و قمعزت جنب امير و شويا و ستأذن امير و طلع
عمار : ابتسم كيف الحال
ياسمين : رفعت راسها فيه كنت انت
عمار : عقد حواجبه ب استغراب كيف
ياسمين : انت يلي كنت تكتبلي ع الساس و قالت ب استهزاء يامجهول
عمار : عقد حواجبه شن تحكي انت
ياسمين : ماتنكرش مش غبيه انا عشان مانفهمش ليش دسيت روحك و عيشتني في وهم ااه و سمعت صوت نقالها يرن بحتت لقت رقم غريب حست بشعور غريب و ان قلبها دق فتحت النقال بلا وعي و حطاته ع وذنها
و جاها صوت رجولي يخوف
المتصل : الغي جد امم الخطبه كح كحح كيف توافقي عليييه قالها بعياط و قعد يكح
ياسمين : مافهمتش شن يلي قاعد يصير وقلبها يدق بقوه و تسمع في صوته و باين ان مريض و تشوف لعنار يلي يبحت فيها بصدمه و عصبيه
للكاتبه #wiush_hamo
__________________________
يتبع .......
محد يقولي الحلقه قصيره لان التفااعل ⬇️⬇️⬇️
للكاتبه #wiush_hamo