ناراحيدرة

part 32

رواية '' نــاراحــيدرة ''

////بقلم نمارق رحيم ////

بارت _32

حيرتني بين التحبني و الماتحبني ..ليش هيچ دمرتني ؟..💔

⭐⭐⭐⭐⭐⭐⭐⭐⭐

- رغد بنتي

فتحت حلگي بتفاجئ مستغربة من كلامه .. شنوو بنتك ! من يمته عندك بنيه؟

-قبل لا نتزوج..

ضربته على صدرة.. داتضحك عليه انت؟حيدرا من شوكت صارت عندك بنيه يعني أنت متزوج؟

- چاا منين اجت من زرف الحايط ؟

- لاا تنرفزني والله بعد ماعندي صبر
..گول داشاقه

- داشاقة

-شهالبرررود الي عندك!

-ما يحقلچ تحاسبيني لأن شيء صار بالماضي

ظليت متجمدة بمكاني مصدومة من كلامه سكتت مسحت دموعي لزمت راسي حسيت اختل توازني و دخت جريت نفس وگلت هسه انت عندك بنية ! .

-آي يابه..

-من شوكت متزوج!

- زوجتي الاولئ هي، و انتي الثانية

سكتت بعد جوابة گعدت علئ قنفة وايدي علئ راسي يمكن اثر الصدمة خلتني اصير ابرد منه..

- ما ردتچ تدرين افهمي ناردين افهمي حياتي لاا تدخليين بيها ما اريدچ توگعين بمشاكل ابقي بعيدة افضل..

- اتگولي متزوج و عندك بنية شنو منتظر مني ردة فعل لازم اسكت و ما اناقشك
وافرح و ارضا واگولك فدوة و مبروك موووو احچي ؟

- لاا تصيحين لچ انتي الأخذتي موبايلي بعنادچ وقريتي رسائل مو الچ ماتخصچ اتحملي نتيجة عنادچ

- لك ليييييش بس فهمني ليييش هيچ گلبك قسى على ناردين !

اندگ الباب ..

حسن: شكوو ليش صياحكم عالي شصاير احچوو لك حويدرر افتح الباااب..

جاوبه.. روح حساني سالفة مو يمك..

طيبة:- خوية أفتح الباب شنو صاير

-يااابه رووحو لغرفكم جاي اگوول ما يخصكم..

صار هدوء .. واگف يتنهد و اني ساكتة اجر النفس بلگوة لازمة راسي بوجع احسه رح ينفجر

-وتالي شنو ؟ هاي عرفتي ورضيتي فضولج..

- ليش ما گلتلي من زمان؟..

- ما ردتچ تدرين اصلاً، انتي أصريتي
تعرفين هسه

-بس بأعتباري زوجتك المفروض تگلي! ليش خليتني گدام امر الواقع! ليش احسك اناني

ضحك وگال بنبره قهر.. نوب طلعت اناني لان ادور سعادتج ما اريدج تتأذين بسببي؟ رحمة الله والديج

-بنتك وين ؟

-موجودة بشقتي

-شگد عمرها

أبتسم ودار ظهرة وجاوبني ..سنتين

-تحبها..

-بنتي شلون ما احبها..

-ما حاس بيه وبشعوري ولا رح تحس الكل ما حاس بيه اني جاي اموت بطيء اني هنا بهالدنيا وحيده ما عندي سند اب ولا حنية ام وعبالي انت سندي ؟

داتگطع اني كل يوم گلبي مكسور حيدرا وتجي تكملها علية وتگول عندي بنية ومتزووج لييش معقولة اني استاهل كل هالقهر والظلم؟

- لاا تتٲملين بيه،گلت إلچ و ارجع اگلچ مستعد اساعدچ واحميچ بس موو لأجل شيء

-حيدرا تحبها؟
-منو هيه
-زوجتك
-انتي ؟
- لاا زوجتك الاولى ام بنتك
- ماعندي زوجة بس انتي ..حالياً
- لعد شنو؟
- مطلكها

باوعتله بصدمة وتفاجئ.. مطلگها من يمته وليش ؟

- لنفس السبب الي رح اعوفج لاجله

- السبب قصدك شغلك صح ؟

- آي

- چنت تحبها ؟

- چذاب اذا اگلچ لا، بس الحُب الخطأ ينسي يوم عن يوم التهي بحياتي و مشاغلي و نسيتها

- هيه تحبك ؟

- لا

- ليش طلكتها هيه شلون قبلت تتطلك منك علئ رغم تجمعكم بنية!!

- طلگتها وخلص بنتي عندي و هي عايشة حياتها .. مثل ما رادت

- تشبهك ؟

- آي هواي

- منو يدري بيك متزوج ؟

- محد

- خالتي تدري عدها حفيدة ؟

- ابنها ما يريدها لذلك ما يهم اذا درت او لا

- تدري مختنگه حيل حتئ من الهوئ ؟

- كلت إلچ و حذرتچ لا تعاندين و تحاولين تعرفين عن حياتي لان رح تتأذين!!

- ليش ما جبت رغد لهذا بيتك
و تعيش وياك ؟

- مستحييل

- ليش مُستحيل ؟

- ما اريدها تكون بخطر و ما اريد طيبة لو شخص لخ يعرف

- ليش ؟

- بدوون ليش أفضـل

وكفت يمه و دموعي علئ خدي حجيت بصوت المبحوح.. شگد تشوفني طفلة ومخبلة وتصرفاتي بلا وعي وماحسب حساب لشخص بس اني حبيتك حب الزوجة والام والصديقة والاخت يمكن ما تصدگ بس والله حبيتك حُب چبيير وتغصنت روحي من تعلقت بيك وحاربت الكل حتى نفسي بس علمود ابقى وياك وتحملت كلشي بس الظاهرر انت ما تستااااهل!..

لزم ايدي دفعتها بقوة وصرخت.. لاا تتقرب مني لك وخررر.. الله ياخذني بساعة إلي قبلت بيها اصيرر نارك الله ياخذنييي!!..

-كاافي ناري رحمة لأبوچ..

طلعت من الغرفة ميته بچي وراسي دايفتر امشي وعاصره ايدي لا اوگع ..

اجه وراي دفعته من صدرة.. رووح حيدرا نام لاتددخل بيه..

- ارجعي للغرفة ناردين الوقت متأخر كافي اعناااد بطليي لخاطر الكائنات!!..

-داگوولك رووح نام..

-ناردين لاا توگعين روحي رجعي نامي الصبح الله كريم!!..

-وخررر ما اريدك ولا اريد اشوفك..

دخلت للغرفة خالتي، وسديت الباب

فزت خالتي علئ صوتي ..

-بسم الله منهو اهنا يمه ؟

شغلت الكلوب ..
-ها خاله هاي اني

-حبيبه شبيج يمه ليش تبجين منهو مزعلج

-ابنچ

ضحكت ..
-زعل حبايب يمه تعاي يمي تعاي

گعدت يمها راسي علئ رجليها و تمسح علئ شعري بحنية

شنو سوالج حويدر

-قهرني وحيل

-سودة عليه يا يمه لو انه وياه متصافين چان رحت له و حاسبته لان قهرچ و عبن انتي تدرين غالية علية و احبنچ بس يمه تدرين ما يحاچيني

-آي..

-طاگچ هو؟..

-لا ما يضرب وشحده يمد ايده اكسرها..

-فلك يمه..

-لعد سهلة ناردين.. بس خالة اني ثولة هواي قدمت تنازلات وخليته يتمادى بتصرفاته..

-چاا شني صاير؟..

-قهر گلبي بكلامة وجرحني.. 

-حسبالي ضاربچ يله حبوبه زعل الحبيب مثل الزبيب اتحملي يمكن صايرة عنده مصيبة وحاير شلون يحلها وطلع حرگه گلبه بيچ وتعصب.. 

سكتت رجعت ابچي وهيه تمسح علئ شعري كل ما اتذكر الرسائل و كلامة اغمض عيوني واني اشهگ ما مستوعبة الي صار وبنته منين طلعت!!..

گعدت تربعت ومسحت دموعي.. گلتلها خاله انتي ليش ما تحچين وياا؟..

-مو گلتلچ يمه مشكلة..

-وشنو هيه اگدر اعرف؟..

- يمه انه ما رضيت اروحن وياا لبغداد بقيت ويا چاسب بالبصرة ، ما عفت بيتي و هو اخذ طيبة و حسن و عاش ببغداد و أشتغل بيها و مر ثلث سنين

-ليش ما رحتي ويا ليش تعارك وياا ابو؟..

-گالج چاسب ابو سوالف المكسرة..

-آي صح گال إلي..

-آي..

-ليش مع كل هذا بقيتي وياا… .

- هيچي…

-هاااا..

سكتت لان ماجاوبت وسدت السالفة مبين ماتريد تحچي.. تالي سئلتها .. زين خالة تعرفين بالشغل الي يشتغلة؟..

-آي اعرفن.. 

-وشنو هو؟..

-يمة تعرفين ما يقبل ومالي خلگ لمشاكل عود هو يسولفلچ عوفيچ من هاي السالفة صدگي مابيها حظ غيريها ياريتي شلونچ هسه حبيبة؟..

-ها زينة..

ما سئلتها بعد رجعت نمت وهيه رجعت نامت يمي..

گعدت الصبح مسوية سياح وچاي وجبن عرب جايب حسن..

تريگت ما احچي ولا اباوع بوجه أحد، المح حيدرة يدخل للبيت بسرعة اروح لغرفة طيبة علما يطلع ما احچي وياا بسبب البارحة..

مرن ايام انام بغرفة طيبة ومن تسئلني ليش حاگره أخوي وعايفه غرفتكم اگلها هو يشتغل بالليل فا اجي انام يمچن انتي ونبراس حتى يتشغل براحتة..

ورغم شگد راد يراضيني ما قبلت يلمح ويحاول يحچي وياي ويفتح مواضيع ما اجاوبه والمكان الي يدخله اطلع..

..گاعدة بالمطبخ اثرم بالبصل وعيوني مدمعة بسبب البصل واشهك وطيبة تضحك عليه وتگلي عوفي اني اسوي اكصصه..

دخل وهو مكتف رداناته وگال وعينه عليه.. ها الله يساعدچن..

طيبة:- هلا بيك خوية..

حيدرة:- ناردين روحي للغرفة جيبي ساعتي السودة نسيت ما لبستها..

سكتت باوعتلي طيبة وفهمتني ما رايده اگوم وكالتله.. اروح انه ما تگدر هيه تعباته..

حيدرة:- شبيها تعبانه؟؟؟

طيبة:- نفسيتها شوي مو زينة..

باوعلي وگال ناردين.. احچي وياچ شبيچ اوديچ للدكتور؟..

ناردين:- لا شكراً.. مجرد تعب جسدي..

حيدرة:- گومي صعدي لغرفتنا ادلك جسمچ واريحچ..

باوعت لطيبة استحت وترخصت وطلعت من المطبخ..

كلتله.. شبيك موعيب هيچ تحچي گدامها..

حيدرة:- شحاچي.. اگلچ گومي نطلع..

-اطلع برا المطبخ لاتشوفني وچهك وكافي..

حيدرة:- اذا ما تجيبين الساعة بالغرفة اشيلچ واخذچ بسيارتي شتگولين هسه؟..

-استغفرلله ياربي يااخي رووح مني كاااافي..

حيدرة:- يلا جيبي الساعة تأخرت..

ما رديت بسرعة تقرب مني وشالني عطت بي گلتله اجيبها بس نزلني شبيك تخبلت..

نزلني وباسني بخدي مسحتها وگلتله اذا عدتها مرة الثانية اكسر ايدك..

حيدرة:- زعلان الحلو شلون اراضي..

چانت يمي سچين مال البصل شلتها وگلتله احطها بعيونك والنبي وما يأنبني ضميري عوفني عاد مصختها كلش فوگ شينك گوات عينك فوگ ما ضام عليه اسرار تجي وانت ابو الراهي وتتأمر وتطلب..

سحبني من خصري لصدرة بحركة سريعة وسحب السچين خلاها على الكاونتر.. گال وهو عينه على رگبتي..

حيدرة:- اسف..

-شيفيد الاعتذار؟..رح يرجع برودة گلبي بعدما حرگته؟.. لو رح يرجع الي انهدم بيناتنه..

-شششش ما نهدم شي..

-عووفني..

-ما اعوفچ..

كلتله بحده وعيني بعينه.. جاي اگلك عوفني!..

عضيت ايده حيل ودفعته مني انتچه على الكاونتر وگال شلون اراضيچ ترى ما يصير هيچ ناردين.. الشي الصار بالماضي ما يحقلج تحاسبيني..

-ما يحقلي؟؟.. ترضى يطلع عندي ولد واگلك هذا ابني بس چانت علاقة بالماضي ما يحقلك تحاسبني شنو يكون موقفك جاوبني بلا؟؟..

ظل ساكت عفت البيدي وطلعت من المطبخ گال انا رايح ورح اتأخر لا يظل بالكم كلتله ما يهمني اتأخر براحتك..

صعدت للغرفة ردت اخذ ملابسي ظليت اختار اللبس بالربع ساعة.. تالي طلعت فستان بيت سمائي نسيت الباب لان عبالي طلع ما قفلته..

نزعت ملابسي وبديت ابدل.. لبست الفستان ورحت للمرايا فتحت شعري ومشطته جاي اخلي عطر ولمحته بالمرايا واگف يم الباب وعيونه مركزة عليه وسارحة..

عطت بي وگلتله.. خرعتني من شوووكت انت هناااا !!

حيدرة:- من نزعتي هذاك الأحمر ولبستي الأسود..

-عززززه بعييييينك!!.. 

دخل وسد الباب وقفلة.. گلتله اطلع شلون ما اجيت..

-ليش مستحية مني.. خل اشوف هم حلالي وهم مانعتني شمسوي هي شوفه..

-هههههه ضحكتني والله هسه صرت اني الحارمتك ! اطلع حيدرة اطلع..

-ها اذا راضية خليني ابقى چا..

-انت شبيك تخبلت عليه؟..روح جاي اگلك وكافي مهزلة زودتها..

تقرب مني حيل وحاصرني بين المرايا وصدرة بعد شعري لورا اذني.. وهمس هو كلمن يلبس سمائي هيچ يلوگله..

-صايرلي رومانسي..

-الا تفشلين يعني..

-مو ما متعودة على لسانك الحلو.. نوب يتغزل المشكلة ما يلوگ الك.. وروح مني لا افرغ شيشة العطر بعيونك..

باس رگبتي ودفعتة شدني لصدرة وگال.. شيلوگ چَا ؟..

-كااافي لا تتقرب مني ما تفهممم هسسه صرت عزيزة؟؟؟ هسه ردت القرب من قررت اني الابتعاد ؟؟ عجييييب امررك يا اخي اني الي تخبلت..

-ما رايد الابتعاد انا..

-هي مو لعبة ولا على مزاجك..

-شلون اراضيچ گليلي؟..

-مو على اساس تطلع ليش رجعت؟..

-اريد احچي وياچ بويه..

-واني ما اريد احچي وياك!! افهم هالكلام..

-ناردين بطلي اعناد حتى ما تباوعين بوچهي ولا تحچين وياي ولابستني..

-كيفي..

-علمود بنتي..

-وتسأل هم؟ عجيب..

-چؤ كافي رحمة لـ الله أنسي إلي صار شعليج ببنتي مارح تغيرين شيء اذا عرفتي سابقا او هسه!! ..

انسي وارجعي مثل قبل صارلچ ايام حاگرتني وانا صابر اگول هسه تهدى وتبطل عنادها وماكو فايدة!!

-تريد انسئ واتقبل؟..

-اي

-بشرط

-چؤ وشنو هو؟..

-اريد تجيب رغد..

-والسبب؟..

-لا تسأل..

-مستحيل ما اگدر اجيبها لبيتي و يشوفونها

-كيفك لعد.. هذا العندي..

ردت اطلع لزم ايدي، وهمس :- ما متعود علئ صدچ اليه، وهجرانچ

-منو الي گالي أبتعدي؟؟..جاوووب

-ما قصدت هيچ..

- هذا الكلام يفيدك علئ العموم من تجيب رغد تعال احچي..

-ومنو يدير باله عليها؟..

-خالتي..

-عنيدة وازيد منچ ما تكدريلها..

-طالعة علئ ابوها الواضح..

أبتسم و حگ لحيته

-خبلة..

-ممنونه..

سكتنه .. تالي گـال.. تمام رح افكر..

-نازله جوا..

-لا تگولين لأختچ ولأ لطيبة زين؟..

-على اساس ما يدرون..

-لا ما يدرون..

-صدكتك..

باسني بخدي دفعته وطلع وهو يضحك.. گال لا تضوجين مني.. هزيت ايدي بأستهزاء اخ يا برودك..

مر أسبوع ما صار شيء محد يجيلنه وبيت عمامي وخوالي ما أجو بعد منتظرين سالار يجي حتئ يحچون ..

وبعدني علئ موقفي ما تنازلت و لا قبلت احجي وياا..

بيوم گاعدة بالطرمة اني وطيبة و نبراس وعمتي يمنه فارشين الحصيرة بوقت العصرية مخليات ماعون كرزات ويسولفن..

واني بعيدة عنهن وصافنة ما شاركتهن السالفة صفنت على باب حسيت رح يدخل وفعلاً انفتح..

گمنه كولنه ودخل حيدرة.. مبتسم ودخلت ورا طفلة بعيونها مليان خوف لازمه ابٲيده، وايدها لخ لازمه دبدوب ابيض..

دخلو اثنيهم و سد الباب وگف يمنه وهيه تباوعلنه بٲستغراب. 

طيبة: فدوه منو هاي الكائن اللطيف الي وراك خويه؟..

حيدرة:- رغد..

طيبة:- منو هاي رغد بنت منو؟..

سكت ما جاوب بس مبتسم وهي لازمته من ايده وتباوعلنه بصدمة..

تالي نبراس باوعت الها وراحت الها..

نبراس:- اووي ياعمري شنو هلجمال منين جبتها حيدرة چنها لعابة والنبي..

ابتسمت من شفت برائتها بغض النظر على الصرخة الي بداخلي تقربت منها وگلتلها.. هلو يحلوة..

بعدت ولبدت ورا ولازمة بطرف قميصة تباوعلي بدهشة واستغراب..

خالتي:- منو هلفرخه منين جبتها..

طيبة: هسه غير يحچي منو هاي وريحنه ليش ساكت!!..

باوعلهم وگال بصوت مسموع واطلق بصدمته الهم:- هالطفلة بنتي..

خالتي: يااااااع من يمته عندك فرخه انته..

الكل انصدم وخلا ايده علئ حلگه عبالهم يتشاقة ونبراس ظلت تباوعلي وتهز بحواجبها بمعنى صدگ لو جذب؟..

حيدرة:- بنتي والله بنتي يمعودين..

شالها لحضنه وباسها بخدها وهي ضحكت بغرور..

كرصتني نبراس تباوعلي بصدمة أبتسمت بوجهه بقهر رفعتلي حاجبها وگالت بتفاجئ..

نبراس: هذا يحجي صدگ؟ ولچ انتي تدرين؟؟ شلون راضية؟؟

-سكتي بعدين اسولفلچ..

حيدرة:- طيبة سلمي على بنت اخوچ..

طيبة:- جاي تضحك عززه يمته صارت عندك بنية!! وصدگ منين؟؟؟..

حيدرة:- بعدين احچي بالأول سلمي وتالي اسولفلكم..

.. نزل حسن من الدرج و هو يغني بصوته الذابحنه بي لاغنيه محمد السالم
:- حالي حالي حالي حس بحالي يلغالي انا بعدك عدم حالي و حالي ..

شاف رغد وانصدم وهيه من شافته نزلت من حضن حيدرة وراحت تركض بتنورتها القصيرة ودبدوبها، راحت حضنته من رجليه وهو رفعها وشالها واجه..

غمز لحيدرة بتساؤل وگاله ها شنو صار حيدرة صارت صدگ؟..

ضحك وجاوبه.. خل يتعارفون على بنتي شكو بيها يخوي..

حسن:- بس ها وهاي وهاي..

حيدرة:- اي حساني افهمك ادخلو جوا..

.. الواضح يدري قبلي گايل اله شلت الحصيرة ودخلنه جوا كعدنه بالهول..

كعد تربع و بحضنه هيه، واني وطيبة ونبراس واگفات گباله وحسن وخالتي كاعدين يمه، والوجوه مگلبه والكل مصدوم..

حيدرة:- يابه اول شي الله بالخير..

خالتي:- احچي مو طگت حويصلتي..

حيدرة:- سلامتچ.. على شنو مصدومين السالفه وما بيها هاي بنتي واسمها رغد حيدرة..

طيية:- من يمته عندك بنيه ماجاي افتهم؟؟؟..

حيدرة:- عمرها رح يصير 3 واحسبي انتي..

طيبة:- عزه متزوج قبل ناردين يعني؟..

حيدرة:- اي صحيح..

طيبة:- شنوو صحيح! منو هاي مرتك؟؟..

حيدرة:- طليقتي قصدج..

طيبة:- صخاام متزوج ومطلگ من ورانا !

حيدرة- اي..

حسن:- لا تسوون من الحبه كبه ما صار شي قابل اول واحد عنده بنيه ومطلگ..

ضحكت وجاوبته.. عاش لسانك ما قصرت يا حسن..

استغفر وگال.. مو قصدي اعرف مجروحة ومصدومة بس رغد ما الها ذنب طفلة لا تكرهوها وانه ادري بيها من اول ما ولدت ومتعلق بيها هواي وفرحت من اخوي جابها.. خليها هنا واذا ما ترضين خليها بغرفتي..

-اي رحمة الله والديك..

حسن:- اسف ناردين تعرفين مو قصدي شي..

طيبة :- اسكت انت، شنو ما نكبر السالفه اخوي عنده بنيه وما ادري وصارله سنين نوب ضام عليه وانت تعررف وما تگلي ؟؟؟؟

حسن:- بعد طويب  تدخلت لو يجي الحمزه ما تسكت..

طيبة:- چاا والله خوش تعال انت بعد يومين وادخل للبيت بيدك ولد و كول هذا ابني وعادي نستقبل وكل يوم جيبو ضيف جديد..

گامت زعلانة منهم وراحت لغرفتها.. لحگها حسن راح وراها..

خالتي :- وهاي المسكينه تدري برجلها عنده بنيه.. 

حيدرة :- اي تدري..

باوعتلي واني باهت لوني بس اباوعلهم ما حچيت شي وهي حست ما راضية وما قابلة.. بس بلعت كلامها وما حچت..

حيدرة:- ها بابا حبيبتي نعسانه تنامين؟..

هزت براسها وگالت اي..

اجت يمي وتسويلي بيدها تعالي شيليني شلتها لحضني وضليت واكفة بمكاني گالي ها اذا ما تگدرين عوفيها انا اصعدها..

-لاعادي..

صعدت بيها للغرفة خليتها علئ الجربايه ونزعتلها حذائها..

باوعتلي بخوف:- بااباا وين بابا..

-هسه يجي ابوج..

شغلتلها التلفزيون على طيور الجنة فتحت الميز لكيت نساتل انطيتها نستله بقت تاكل وتضحك وتكمز على الفراش..

-شنو اسمچ انتي..

كالت بتلعثم :- ر ر ر رقد

-ههه فدوة لرقودة.. تنامين؟..

جاوبتني وهي تتمدد على الفراش ..اي

طفيت الگلوب ونصيت التلفزيون مسحت على شعرها وغفت مبين نعسانه.. ضليت باقية يم راسها.. وصافنة بوچها وهي نايمة..

...

بالغرفة..

حيدرة:- يلا طيبة لخاطري كافي..

طيبة:- لااا مو كااافي ترا انه ضايجة على كسرة ناردين ادرري بيها انجرحت منك وانت اخ يا برودوك من يمي وانحرررگ دمي وهي شحالها هسه ادري بيها مقهورة بس ما تحچييي..

حيدرة:- جاي نحچي حچي لا تصيحين.. من شوكت ترفعين صوتچ عركة هيه؟؟..

طيبة:- شگدد بارررد وين هاي صايرة بربكم تتزوج وتتطلگ وتجيب بنتك عمرها 3 سنين رح اتخبل منك ومن هذاك..

حسن:- هذاك عندو اسم واسمو حساني..

طيبة :- لااا تضحك يارررربي رح اموووتك..

حسن:- نوب طلعت انه الغلطان شعليه يابه حيدرة طالع انه انتو تفاهموا..

حيدرة:- نعمة الله عليك..

ام حيدرة:- سالفه ما تدش العقل يمته تزوجت انت ليش محد يعرف بزواجك.. وليش تضمه..

حيدرة:- جاي اگول رح تصير 3 سنوات اما ليش محد يعرف لا حسن يعرف بس هو.. بعد شنو

طيية:- وانه بنت البطة السودة وما كلتلي بس تگول لحسسسن؟؟

ضحكت:- لايابه انتي روح اخوچ..

طيبة:- عوفك مني اكل تبن ومرررتك شذنبهااا من تتزوجون تعرف ببنتك ؟!!! ليش ما صارحتها على الاقل بالعقد بالخطوبة قبل العررس..

حيدرة:- اكو اسباب..

طيبة:- وشنو هنه حيدرة افندي..

رحت حضنتها سالفة وفضت سدو الموضوع..

طيبة:- اريد انام اطلع بره..

حيدرة:- شبييييچ اتلگاها منچ من ناري گلبتوا عليه اثنينكم لو ما جايبها اشرفلي..

طيبة:- احچي صدگ اريد انام يلا اطلع..

حيدرة:- هيچ صارت تمام نوم العافية..

...

سالار:- نواره وينچ..

نور.. هاا اجيت شنو صاير..

سالار:- تعالي احچي وياچ بموضوع..

گعدت يمي يمه.. هاا احچي حبيبي..

سالار:- نور اني تعبان حييييل..

خليت راسه بحضني وضليت امسح بشعره گلتله سودة عليه بيه التعب ولا بيك احچيلي منين تعبان؟..

سالار:- من بعد الي صار تعبت هواي ورم گلبي..

-سلامتك من التعب ياروح نور..

تنهدت:- مشتاق لتؤام كلبي لچ اخ يا كسرتي..

نور:- حتى اني مشتاقه لاخواتي حيل.. خلينه نروح نشوفهم؟..

سالار:- ان شاءالله بس اخلص شغل وافرغ نروح كلنا.. يمته اتصلتي عليها انتي ؟

نور:- اخر اتصال امس سولفت وياها شوي وسئلت علئ احوالها وسديته..

-مرتاحه هيه شخبارها؟..

-صراحة لا حسيتها مقهورة من شي حتى لا ضحكت ولا سولفت مثل العادة.. اني البادرت وسئلتها بس ماجاوبت كالت مابيه شي وشلونكم وسكتت..

-يمكن فد اسبوع ونرجع لبغداد..

-إن شاءالله..

-صدك نسيت اكلج نويت علئ شيء..

-وشنو هو ؟

- نويت اتزوج

ابتسمت بفرح :- صدگ عمري احلى يوم والله چنت منتظرة ازفك بيدي..

- اي والله بعد كبرت رح ادخل بعمر 26

- بعدك شباب گلبي يمته تخطب؟..

-بعد وكت مو هسه..

- ومنو هيه الرح تخطبها

- ما اعرف

- ۿا عليه عليه تضم كول منو هيه

ضحكت :- سعيدة الحظ مووو

- اي طبعاً غير امها داعيتلها تزوج اخوي الصاك

- بعد اخوج امدحي امدحي بيه هههههههه

- صدك ما ابالك وحده ؟

- و روح ابوي ما مخلي براسي بنيه ولا مفكر

- لعد منو الرح تخطبها جدتي

- هو هيج هههههههههههه

- ابالي وحده تلوكلك

- ابشري موافق بس منو هي هههههه،

- صديقتي من نرجع لبغدادنه اكولك عليها شكلها هيه هم تحبك بس ساكته،

...

ناردين :- اباوعلها مبتسمه لجمالها، عيونها زرك و شعرها اندومي مثلي كيرلي ومن ادغددغها و تضحك تبين غمازاتها الوارثتها من ابوها، و خدودها مال اكل

طفولتها خلتني اكول عادي يابه وذا اتحمل رح اتونس وياها و نلعب سوا ..

وكفت گبال المرايا..

بداخــلي صرخه، و بصــدري خنكه، ابتسمت بقهر ..احاول ابتسم بس ما راهمه ويا تعابير وجهي البائسه،

دخل و اجه يمي نزلت عيوني ادري رح ابجي من جديد، دفعني علئ الحايط و لزم ايديه بقوة وكال :- الردتي صااااار ليش بعددج نفس ما انتي ؟

بقيت ساكته، رفع راسي وكال جاوبيني..

-ما ضايجه روح نام حيدراا..

تنهد وجر نفس..  يصير خير يناري

نزع قميصه و راح تمدد و رغد كعدت علئ صدرة..

باوعت الها بقهر ومبرطمة شفايفي اتسأل نفسي شبيه اغااار من بنته مثلاً..

الله كريم، اشوف شلون تصفه حياتي بعدما دخلت بيها بنته ..

صاحلي تمددت بطرف الچرباية..

-ناري..

مارديت وظليت منطيته ظهري..

ضحك بخفه وگال بهمس.. ناردينتي

-هاا خير..

-ليش يناري ضايجه بعدج..

-تدري السبب.. ما گدرت اتقبل يمكن چان شرط غبي.. ما دريت بگلبي هيچ رح يحترگ.. يلا تعودت.. شنو الجديد..

وخر رغد منه چانت گاعدة وگالها روحي لعمو حسن اقتحمي غرفته الباب مفتوح الج روحي باباتي..

ما صدكت نزلت من جربايه وراحت تمشي وطلعت مبين تحب حسن هواي..

تقرب مني وابتعدت گال.. ناري لا تبجين..

شهگت وگلتلها.. ما بچييت..

-چا هلدموع منين..

-هنه عيونك لو عيوني؟..

-عيونچ بس الي..

-شتريد هسه؟..

-رايد اكلج شي..

-گول..

-مو هسه

-لعد ليش حجيت

-هيج .. ضحك

-خووش..

-لا تضوجين روحچ.. ما يلوگلچ الحزن ما يرهم وي تعابير وچهج الحلو..

-حسن يدري علئ بنتك..

-يدري من سنه وكلتله لايكول لاحد..

-انت ليش هيج غامض.. 

-منو گال..

-جديات اريد افتهم كل ما كلت رح افتهمك تصير غامض اكثر.. ساعة اتگلي اني مثل ابوج واخوج و ما اريد اخسرج وساعة اتكلي ابتعدي لاتتقربين مني ترا اني مو لعبة عندك اصحى ! لو شغلك ، لو مشكلتك وياا ابوك وامك الي ما اعرفها شنو، وهسه بنتك وطليقتك ! شظام بعد احچي ؟ حتى الداعم ابوي ما كلتلي منو هو، مع العلم انت تعرف حتى اهلي الحقيقين تعرفهم اكيد وهم ساكت ،كافي بعد ما اتحمل اريد جواب وضحلي ! .

-شوضح يابه..

-كلشي كلتله لك اريد اجوبة الهن..

-عن قريب ،، قرب الوقت المناسب الي رح تعرفين بي كلشي ما اكدر اجاوبج هسه علئ حقيقه وحده لان كلشي متربط بالثاني، قرب اليوم الي رح اعترفلج بأشياء وحقائق مضمومة من سنين طويلة ترا..

يتبع ...

⭐⭐⭐⭐⭐⭐⭐

المهم بكصته كورونا الي ما يصوت هيهيهي 😂😂😂💕

#نمارق_رحيم