منقذي ذوم النجوم
الكاتبه غدير العزاوي
..
ولج اريج وينهم امل وعلي وحنين ....ردت اريج بعدم مبالاه ماادري همه كالو مانريد نلعب وياج عفتهم واجيت ...
صخام يااريج ليش تعوفيهم ...هسه وين يكدرون يجون تره مو كبار همه امل ٣ سنوات وحنين سنتين ونص وعلي وين يكدر عليهم اخخ منج يااريج ...زين اوك اني دزيتج ع تمن جبتي ...
لا ماجبته علي كال الا اني اني ...وهيه تقلده بصوتها الناعم ...
بقيت انتضرهم بلباب صاحت فاطمه ...ولج ريم يله وين صار التمن بسرعه ...
اوكفي ولج ماادري وين صاروا اريج عايفتهم وجايه ...ها ذولاك شفتهم اجو اجو...
علي كايد ايد امل من جه وايد حنين من جه والتمن باايد امل وهمه يمشون ويضحكون وبايعين الدنيا الي يكولك انه احنه هسه منتضريهم ع بيض مكسر ...شويه ويوصلون الولد ...
طبوا للبيت علي الي سماره بلشمس صاير اسمر بعد ومناك حنين الي تصب عرك ...درت وجهي لااموله ...شفت شعرها السرح يطاير وخدودها الورديه وخشمها هم....
-علي ليش اتأخرتوا هيج...
-مااتخرنا بس دارو التمن جانو يتعاركون علي منو يشيله وذبوا بلكاع رجعت لاابو المحل ينطيني جيس ثاني بس الحقير بلكوه قبل ماادري ليش ...
-رديت علي بضحك ولك غير انتوا الي ذابي بلكاع شدخله ابو المحل ...
واحنه نحجي والجو حار بلحوش دخلوا حسام ومهدي...ركضت امل لمهدي ومهدي شالها ويفتر بيها...
-الحمدلله ع سلامه مهدي ...شلون جانت سفرتك ...شويه ودخلوا عامر وسامر ومرت مهدي ركضت عليها بوستها من زمان ماشايفيهم ...علمود السالفه العوجه...اخخخ يامهدي شسويت بينه وبهذلتنه.....
-يله يله دخلوا الجو حار...
ركضت ام حسام لمهدي بعد فراف سنتين وهيه هسه تشوفه كلب الام بعد ...واحتضنته بذراعها وهو دنك وضل يبووس بيها من كل جه يعني من صدوك موقف يدمع الواحد...
كعدنه كولنه شويه حجينا وبعدين كمنه حظرنه الغده وفرشنه وكلنا فرحانين بجيت مهدي ....
دزلي رساله اطلع فوك...
عفت المواعين يكملوها ملاك والبنات...طلعت يمه واني الدرج بلكوه اصعده ...
فتحت الباب شفته كاعد ..سديت الباب وتقدمت يمه........
حجه حسام بتنهيده ....تعالي ريمي كعدي يمي ...تقدمت وكعدت...
-ريم حبيبتي وعمري ودنيتي كلها ...اني هم شكد صعبه عليه ...بسس ....
ماكمل حجيه شفت عيونه دمعت ...كام طلع بسرعه من الغرفه واني لحكته ...اريد افتح الباب بسرعه طخيت بلحايط ...دخت شويه ...بس توازنت ..
ركضت وراا اشوف شكو ...سمعت شخطة السياره...عرفته طلع...
كعدت بلمطبخ يمهم واني بالي يم حسام شراد يكلي ...ركضت يمي امل...
-بوستها واني ابعد خصلات شعرها الي ع وجها وبالي بغير مكان...
اجت يمي فاطمه وهيه تسألني شبيج كتلها ماادري والله ....كالت الله كريم حبي كولشي واله حل...
كومتني واجتمعنه بلصاله كولنه ماعدا حسام مموجود ...اتذكرت من ماتت بيبي هاي الصاله جانت تصير فاضيه محد يكعد بيها ....
وحسام شكد تأثر ...الله يرحمها ...لانهاره جان نهار ولاليله ليل ...بس بالليل يجي يبجي يمي ونوب مايريد اشوفه يحضني بس اسمع صوت بجيه....
تعودنه بعدين بس لحد الان نتذكرها ....صحاني من تفكيري...
-ماما ليش هيج يدول الي ....علاساس تكولي ليش هيج يكول علي...
-شنو يكلج ياحبيبة امج...
-يكلي اني ماما ماتت وخاف يجي يوم وريم تعوفنه ...
هنانه بحجيها دخل حسام...وتخبل من سمع حجيها ...وكلب الدنيا ولاواحد اتدخل هاي الايام صاير لايطاق من العصبيه بشكل لايوصف ....ركضت امل يمي وحضنتني ...واجه عامر ع صوت حسام وطلعه بره...مهدي وزوجته راحو يرتاحون بقينه احنه...
ماحجينه شي بس اخذت امل وصحت ع علي يصعد فوك...واني بنص الدرج ردت اوكع وامل بيدي ركض علي وشال امل وصعد كدامي...
يعني رغم عمره بس تفكيره جبير كولش ..صعدنه فرشت بلكاع الهم نيمتهم ...اريج عدها تخت يمنه بس ماتحبه الا تنام بلكاع ويم علي...
تمددت بيناتهم واني احجي وياهم كلعاده احجي واحجي ينامون ....
غفيت وياهم بدون ماادري جنه تعبانين من الصبح كاعدين ...فزيت ع ايد حسام يشيلني بعدته وكمت اني ....صعدت ع تخت ونمت وتغطيت...
هو راح للحمام اني مانمت بعد خربت نومتي ...طلع من الحمام بس شنو العيون حمرر الى درجه...كمت يمه...
-حسام حبيبي احجيلي اني مو ريم اني مو حبيبتك احجيلي شكوو ...
باوع بعيوني وهو تعبان بشكل حضني وبجه هاي ثاني مره اشوفه يبجي من بعد وفاة بيبي ...
ادري من هو يبجي مايحب احد يحجي ويا ويسأله خليته ع راحته شويه وبتعد واحتضن وجهي بكفوف ايده...
ريم تعبان تعبان ماادري شلون اوضحلج بس مخنووك مداكدر احجي اي شي وكأنه حاجز ببلعومي ويمنعني انه احجيلج ...
اسم الله عليك حبيبي ليش هيج تحجي ...انت بس اهده وفهمني...
-هم كالت فهمني هم كالت فهمني مااكدر مااكدر انطق الحجي الي اعرفه تدرين يعني شنو مثل موتي لو لا ...اخخخ بس اخخخ ...راح تمدد واني طلعت من الغرفه ....
نزلت جوه دخلت للمطبخ سويت عصرونيه وحطيتها بلحديقه جان الجو حلو ...
ورحت كعدتهم ...اني مالي خلك بااي شي ماادري شبي حسام ...بس اريد اعرف يمكن اكدر اساعده بس ماكو قافل...
شويه ونزل حسام هم ...وبايده امل كعدوا واني طلعت كعدت علي كافي نوم ...كعد غسل ونزلنه ...
دارو عليه كالو اكيد ماعندج مانع باجر طالعين لبيت عمو الي بديالى ...كتلهم انتوا فصلوا واني البس ماعندي مانع...
كمنه كولنه اخذو اجازه الولد كالو نضل اسبوع ...صعدت لغرفتي نزلت جنطه وارتب ملابس ...اتقدم يمي حسام كال يعني الا تروحين...
درت علي وكتله نعم ...كال يعني ليش تروحين مو زين ..كتله شنو هو الموزين وثاني شغله كلهم رايحين بقت عليه ...عافني وطلع...
حظرت كولشي ونزلت جوه سوينه عشه خفيف تعشينه وكمنه رتبنه البيت وخلصنا كل شغلنا لانه باجر نطلع من وكت ...
كعدت ساعه ٣ الفجر واني مختنكه وبودي ابجي بس احلامي ماادري شلون جانت رعب وشفت بابا وماما وبيبي مناك تبجي وماادري شنو بيدهم ...وكبر محفور احلامي كولش ماادري شبيها ...
كعدت لبست روبي والشال نزلت جوه شربت مي ماجان موجود فوك ...
صعدت واني بلدرج شفت حسام فتح الباب برهبه وخوف شديد ...
كالي وين جنتي كاله اشرب مي كال من اليوم ورايح وين ماتروحين تكليلي افتهتي لو اعيد ...كتله اوك صار ...
صعدت اتمددت ونمت كعدت ع صوت حسام وهو يكعدني واني بلكوه كعدت مانمت البارحه زين من وره احلامي ..كعدت غسلت وبدلت خلصت اني كعدت علي وامل غسلتلهم وبدلت الهم...علي فرحان بس امل بلكوه ابدل الها نعسانه نزلنه جوه جانت ساعه خمسه...
حملنا اغراضنه وقفلوا البيبان وطلعنا ....طول الطريق حسام لازم ايدي ويباوع عليه....
امل نامت طول الطريق بس علي لا...وصلنه ودخلنا لشارع وكفوا السيارات هناك
....
بس شنو من مكان اول مادخلنه من الجانبين بستان يعني بقيت فاتحه حلكي ع هذا الشي وكلهم لابسين دشاديش وعكال بس هيبه بشكل اتذكرت شهاب هم جان هيج يلبس....
نزلنه سلموا ورحبوا بينه كعدنه وجابولنه مي وامل بيدي نايمه بعدها ...
جانو هواي نسوان بلكوه يله عرفنه اسمائهم هواي ...شويه وطلعت وحده جبيره وتمشي بلعكازه ...كعدت يمنه وسلمت ...
-الطفل نايم خلي ياخذو خطيه ...
-لالا مايحتاج شويه وتكوم..
-اخذتها هيه من ايدي ..وباوعت عليها وهيه نايمه..اخذت ايدها وفتحت عيونها ع وسعها وباوعت عليه ...
-تعالو اخذوها ....اخذوها من عندي وخلوها بغرفه..
واحنه كاعدبن مل ياع اندار واشوفها تباوع عليه ...
صار وقت الغده فرشوا وخلونا انواع واشكال الاكلات ...حجت الحجيه..
-الي داتاكلوا كله من حلالنا مانشتري شي من بره الديره..
اتعجبنه يعني شلون تالي فهمنه عدهم مزارع وراعين وكولش وكلاشي زارعين..
كعدنه كلنه ع سفره ....مدينه ايدنه واحنه ناكال غصيت بلااكل وضليت اكح انطوني مي واني اشربه تسربت الى داخله قطرات دم واختلط بلون المي وصار احمر شويه...
رفعت الكلاص بسرعه وخليته واني بقيت اكح مدااكدر اوكف شنو هذا وصدري ونفسي بده يضيق واني اكح شفت امل طلعت من الغرفه...
ركضت عليه هيه وضحكتها الي تارسه ملامحها ..بس اني ماكدرت اخفي ملامحي ...صاحت الحجيه يصيحون ع حسام ...
وصلوني للمغسله حتى اغسل واني اغسل مااشوف الا حسام دخل يمي ودارني علي ...
-شبيج ليش هيج...
-غسلت حلكي ونشفت كتله لامابيه شي بس يمكن خشمي طك دم او سنوني ماادري منين اجه الدم..
حضني حيل وهو يكلي شلون صرتي بس القلق مالته ابداا مو طبيعي ...
اتذكر من رحنه لفحص الحمل وسحبو الدم وره ماطلعت النتيجه تغيرت ملامحه وصلني للبيت وهو راح مااجه الا باليل..
فزيت ع صوت الحجيه صوتها عالي حتى من تحجي سالفه عاديه...
-يلخايبين مو هنا مو هنا ...اشرت عليه ..انتِ روحي كملي غداج وانت ياحسام رايدتك بغرفتي تعال...
رحت للصاله محد بعد اله شهيه واني اكثر وحده معدتي تتعكر من ابسط شي او دم اشوفه...
ركضت امل يمي وهيه تشوفني فلوسها منطيها ...واحنه ننقل الاكل للمطبخ ...
دخل واحد وسلم وهو هم داينقل الاكل من الديوانيه للمطبخ ...شو هذا رفع راسه وباوعلي وكلي انتِ زوجة حسام موو...جاوبته اي نعم ...
عافني وطلع يا هذا شبي ماعرفت شيريد بضبط ...وكفنا نريد نغسل المواعين طلعونا من المطبخ انطونا غرفه للبنات بس وام حسام يم الحجيه ...الحجيه رادتها...
احنه دخلنا للغرفه جانت بارده ثلج التبريد مشتغل وع اخر درجه رحت نصيته شوي وتمددنه كلنا ....
خو علي ماشفنا كله بلديوانيه وياهم نوب اكله تعال ابدلك يكلي عيب اخذ ملابسه وهو بدلهن ...اريج وامل يلعبون ويه جهالهم ...
ماحسيت بعد بشي نمت من التعب ...صار اسبوع تجيني احلام غريبه واكثر شي يراودني هو امل تبجي ورايه وحسام اصيح علي ومايسمعني...بش ماحاجيه لااحد عن الحلم لانه مااهتم بهيج سوالف ابداا...
كعدت مثلجه وميته برد ماشفت احد بلغرفه كمت لبست شالي وطلعت هم ماشفتهم بلصاله واني اغسل اجتي بنيه كالت كاعدين بلحديقه يصيحوج تعالي...
غسلت كملت وطلعت يمهم شفتهم كاعدين كلهم سوه الزلم والنسوان بعتبار عائله همه بس اني غريبه لانه ماجايه يمهم هاي اول مره ...استحيت امشي وكفت شويه ...
صاح عليه رجال جبير يمكن هو عمهم هذا احنه سلمنه عليهم بلباب بس مارفعت عيني ولاشفت احد منهم وفاطمه تهمس بااذني هذا منو وهذا منو واني مثل الاطرش بلزفه لانه ماشفتهم...
مشيت حسام سوالي مكان يمه وكعدت جانوا مسوين جاي وكعك وفواكه وكاعدين ..اجت امل وهيه تركض وتصيح...
اجت يمي وتكول حجي مامفهوم بس الي عرفته انه علي يتعارك ويه منو وليش مافهمنه شي اشر حسام ع مهدي وكام هو وواحد من الولد يشوفون شكو...
وامل كاعده يمي تبجي اكللها سكتي مداتسكت ...مداافهم اي شي منها ...دخلوا علي وولد ويا يطلع بعمر علي ...ومبين علي الشهامه ومايهزه الريح ....
سألوهم ليش تعاركتوا باوع الولد ع امل وحجه ماكو شي عركه زعاطيط ...سألوا علي همينه ماجاوب ونفس جواب الولد ...
علي اخذ امل ويكللها اسكتي هسه اشترليج وبلكوه قنعها واخذها وطلعوا ...
وام الولد تخزر بي وهو ولاكإنه امه تباوع علي عاف وطلع...
كعدنه شويه وكالو يله الجو هسه صار حلو امشو نتمشى بلبستان كل واحد اخذ زوجته ومشو ...
اني وحسام هم اخذنه جه ومشينا بي ....واحنه نمشي كال اريد اكولج شي ...كتله اي واني انتضر هذا الشي تكولي ايا..
ماسمعنه الا صوت طلقات اخذ حسام ايدي وركضنا...وصلنه شويه قريب ع بيت ومااشوف الا امل وملابسها دم ....
يتبع..
كل عام وانتوا بالف بالف خير ان شاء الله متنعاد علينه هيج سنه بعد 😂...سنه جديده وحلوه مثلكم...دمتم في امان الله..